Бир воқеа ўтди бошимдан, эсласам, ўзимдан хижолат чекаман. Хуллас, бир қадрдоним билан суҳбатлашаётгандик, гап орасида, бир муддат муаммоларга ўралашиб, руҳий зиқликка тушиб қолганини, ўзини ёлғиз ҳис қилгани, ҳатто шунчаки дардлашгани ҳам бир ҳамҳол тополмаганини айтиб қолди.
— Нега менга ёзмадинг? Нега қўнғироқ қилмадинг? Мен қайси кун учун борман?- дедим. "Ёздим, лекин вақтинг йўқ экан чоғи, гаплашолмадик" деди. Ҳайрон қолдим. Икки қўлим боғланган бўлсаям, албатта гаплашишим керак, қандай қилиб, эътиборсиз қолдирибман, деб ёзишмалар тарихига қарадим. Ҳа, суҳбатдошим қийин кунларга тушган кунида менга ёзган экан. Лекин шунчаки: "Салом. Қандайсан? Тинчмисан?" Мен ҳам "Салом. Шукр. Ўзинг яхшимисан?" деб жавоб берганман. Қарши тараф: "Раҳмат" дея ёзган, бўлди.
— Аслида сенга юрагимни тўкиб-сочиб, юрагим ғашлигини айтмоқчи эдим. Бир китобда ўқигандим, тушкунлик тушган кезларда кўнглингга яқин инсон билан саккиз дақиқа гаплашсанг, юрагинг ёришади. Ҳатто бу инсонга дардингни айтмасанг ҳам, суҳбат жараёнида муаммолардан халос бўлиш йўлини топишинг, ҳеч бўлмаганда, ҳаммасини енгиб ўтадиган куч олишинг мумкин, дейилганди. Сенга шунинг учун ёзгандим. Қуруққина жавоб келганди, "ҳамманинг дарди ўзига етиб ортади" деб индамай қўявердим деди.
— Унда яна шундай ҳолат бўлса, салом-аликдан кейин тўғридан тўғри САККИЗ ДАҚИҚАНГ БОРМИ? деб гап бошла. Ҳар қандай ҳолатда сен учун саккиз дақиқа ажратаман,- дея жавоб бердим.

Қиссадан ҳисса сизга ҳам асқотар, деган мақсадда бу воқеани сизларга улашдим.

✍️@umidaaziz

Бори элга яхшилиғ қилғилки, мундин яхши йўқ —
Ким, дегайлар даҳр аро қолди фалондин яхшилиғ!

Ютқизмасдан, енгилмасдан, йўқотишларга дуч келмасдан яхшиликларни қўлга киритолмайсан. Жаннат ҳам ўлимни талаб қилади, қурбоним...

✍@umidaaziz

Ибн Арабий: "Қалбдан ҳузун кетса, қалб хароб бўлади," дейди.
Маҳзунлигимизнинг ягона сабаби бу дунёга тегишли эмаслигимизда, деб ўйлайман.
Синиқлигимиз, ҳорғинлигимизнинг боиси эса оид бўлмаган жойимизда мажбуран қолишни хоҳлаётганимизда.

Шунинг учун ҳам, назокатли ва фаросатли кўнгилларга бу ер торлик қилади, сиғмайди...

✍️@umidaaziz

Мулоҳазага чорлайдиган, кишини ўйга толдирадиган постларга оғзи қулоғида кулган белги-муносабат қўядиган бефаросатлар шунда ўзини моллигини кўрсатган бўладими ёки ҳасаддан битта жойи қовурилаётганиними? Нима деб ўйлайсизлар?

P/S: Билмасдан, тушунмасдан бошқа белги-муносабат ўрнига тиржайган каллани босиб қўйган ёши катта кузатувчилардан узр сўрайман. 😊

Аллоҳ одамни икки хил тарзда синовдан ўтказиб, камолотга етказади. Умид қилиб, илинж боғлаган кўплаб воқеа ва кишиларда адаштириб, асло кутмаган воқеа ва одамлар билан эса хушхабар бериб имтиҳон қилади. Бирида сабр, иккинчисида эса шукр билан муваффақ бўлиб, камолотга эришасан.

✍️@umidaaziz

Ҳар насибадан аввал албатта имтиҳон бордир...

✍@umidaaziz

Кўнглинг рози бўлмаса,бордир кўнглингнинг билгани. Зеро, "Қалбинг хотиржам бўлмаган нарсани тарк эт" дея марҳамат қилган Пайғамбар Соллалоҳу алайҳи васалламнинг умматимиз...

✍@umidaaziz

Туяга "юкинг жуда оғирми? Нимадан норозисан?"' деб сўрашган экан, "Юкимни залвори парвоимга ҳам келгани йўқ. Шу карвонни бошидаги эшшакни кўряпсанми, шу эшшакнинг орқасидан кетаётганим алам қиляпти" деб жавоб берибди...

🖊Олинди

✍@umidaaziz

"Ҳамма қалбидаги билан ризқлансин" дуоси нақадар одилона тилак, шундай эмасми?
Қалбингиздагилар ҳамроҳингиз бўлсин, баракасини кўринг...

✍️@umidaaziz

Бу хотин бизнинг уйга камера қўйиб кетган шекилли. Ҳар бир хонада қирқ йиллик ҳаётимни қирқ дақиқа ўзим билан муҳокама қиламан 😁 Кимлар билан ҳисоблашаман, кимларнингдир менга қилган ноҳақлигини "юзи"га шарт-шурт айтаман. Хуллас, ҳар куни ҳаёт шундай бошланади ☺️

✍@umidaaziz

#ўзимга_эслатма

Бир пасда унутилиб кетасан.
Бу дунё учун кўп жонингни койитма...

✍️@umidaaziz

Эр тараф меҳмонларни кутиш учун тоғ тепасидан уй олдим. Йўлни супуриб, ярқирратиб қўяй, оёқлари тойМАсин...🤭

✍@umidaaziz

Бошимиздан ўтганларнинг аччиқ чойдан фарқи йўқ энди.
Ўчоққа бир човгум тоза чой қўядиган пайт келди аллақачон...

✍️@umidaaziz

Салафи солиҳлар дейдилар:
“Аллоҳ зикр қилинмаган ҳар қандай сўз беҳудадир. Тафаккур бўлмаган ҳар сукут ғафлатдир. Ибрат бўлмаган ҳар қараш ўйиндир. Сўзи зикр, сукути тафаккур, назари ибрат бўлган кишига неъматлар бўлсин.”

✍️@umidaaziz

#шунчаки_эмас

Фарзандингиз сизнинг орзуларингизни рўёбга чиқариш учун эмас, ўзини кашф этиб, ўзлигини таниб, ўзининг орзу-хаёлларини рўёбга чиқариш учун яшаётган ИНСОН.

✍️@umidaaziz

Бир пиёла чойга ҳам баъзан минг хил маъно беради киши. Баъзан ватан бўлади, дамига тутиласан. Гоҳ мозий жонланади аксида, узоооқ термуласан...

✍️@umidaaziz