Ҳиссиётга берилувчан, нозиктаъб кишилар одамлар билан тортишиб, жанжаллашишмайди. Индамай, жим қотиб қолади ёки тортишувдан ўзини олиб қочиш билан жавоб қайтаради. Бу ҳолатда табиий равишда ўзи хоҳлаган жавобни қайтаролмагани учун мияси бир неча кун ўша нарса билан банд бўлади. Оқибатда ё сўзсиз, индамас бўлиб қолишади ёки одамлар даврасидан узоқлашадиган бўладилар.

✍️@umidaaziz

Ҳорижда анча яшаб ватанга қайтган бир киши ёзиб қолди: "дорихона кўп экан, врачлар ҳам орқа-кетини узмай ёзиб беряпти, одамлар пала-партиш дориларни сотиб оляпти,.."

Аччиқ ҳақиқат шуки, ҳамма бало овқатланишнинг нотўғри эканида. Бунга яқин тарихимизда ижтимоий-иқтисодий аҳволимиз сабаб бўлган, деб ўйлайман. Халқимизнинг аксар қисми қийналиб яшаган. Тансиқ таом ейиш осон эмасди. Шу халқнинг қўли пул кўрди, танлаб-танламай еяпти. 96% касалликларнинг боши нотўғри овқатланиш: қон босими, қандли диабет, қон қуюлиши, юрак-ишемик касалликлари... Энди эса жабрини тортяпти. Давоси битта — парҳез ёки рўза тутиш. Бу жамият аввал касал бўлиб, кейин тўғри йўлга ўтади. Бунга вақт кетади. Ўн йилми, йигирма йилми, эллик йил...

Шундан кейин одамлар аччиқ тажрибадан тушунадики, овқат ейишнинг ҳам меъёри бор. Ўзининг танаси учун меъёрни қаттиқ ушлайди. Меъёр қатъий белгилангандан кейин касал бўлмайди. Касаллик бўлмаганидан кейин дорихоналарга эҳтиёж туғилмайди.

Бозорнинг талаб ва таклиф қонуниятини инкор этиб бўлмайди. Хулоса ўзингиздан.

Телевизор, тунги кўйлакчаси майлику, тўртта олд ва орқа оёқлар учун алоҳида рангдаги шиппакчаларга 😍

✍@umidaaziz

Юсуфни қудуққа ташлаб юборган қўллар, бир неча йилдан кейин олдига келиб:
— Бизга садақа бер!- дейишди...

Ҳисоб-китобни ўрнига қўйишда қадарга тенг келадиган интиқом йўқ.

✍️@umidaaziz

...шунинг учун ҳам синиқ кўнгилнинг дуолари чиройли бўлади, йўловчим...

✍@umidaaziz

Мен ота-онаси билан боғлиқ муаммолари бўлган бирор кишининг хурсанд бўлганини кўрмадим. Пойига дунёларни сочиб ташланг, истаган ўқишида ўқисин, ошиқ бўлган севгилиси, ўзи қурган саодатли оиласи, фарзандлари, фидоий дўсти бўлсин, хоҳлаганича ўзини бахтли кўрсатишга уринсин, кўнглини хуш кўрсатсин, ғам-қайғуим йўқ десин, ота-онаси юрагида жароҳат бўлган болаларнинг ҳар лаҳзаси маҳзунликда ўтади...


✍@umidaaziz