Шўрлик роса хотиндан куйган экандаа, эрталабда кўриб эзилиб кетдим... 😭😭😭

Болаларча аразлаш эмас бу. Юрагим дунёдан юз ўгирди...

✍@umidaaziz

Руҳий ва жисмоний соғлигингизга зарар берадиган муносабатга нуқта қўйганингизда ҳеч ким сизни тақдирламайди, алқамайди. Сизга у зарар бермаган, аксинча, сиз унга зарар бергандек муносабатда бўлади. Зеро ҳеч ким озиқланаётган шохи қурисин, ҳузури ва қулайлиги дарз кетсин хоҳламайди...

✍️@umidaaziz

#ўзимга_насиҳат

Ўзингни бил, ўзингдан билма...!

✍️@umidaaziz

Ҳар ҳолатини гапириб юрган қадрсизланади.
Ҳаммага ишонган йўлда қолади.
Ҳар сирини ошкор қилган ёлғиз қолади.
Ҳар хислатини намоён қилган адо бўлади.
Ҳар билганини гапирган жоҳилга чиқади.

🖊 Форобий

✍@umidaaziz

Икки томонлама парвариш ва ғамхўрлик бўлса, муҳаббат бир умр давом этиши мумкин...

✍@umidaaziz

Тан олиш керак, улғайиш бизга оғриқ бўлди...

✍@umidaaziz

#ўзимга_насиҳат

Табассумингга ғов бўлган ҳар қандай нарсани ўчириб ташла...

✍️@umidaaziz

Сизга энг яхши ўтган йилларим ҳақида гапириб бермоқчиман:

1970-80 йиллар. Ҳали туғилмагандим... 🙃

✍️@umidaaziz

Кўпнинг остида нега йўқлик бор, биласанми?

Робнинг мулкини "МЕНИКИ" деганимиз учун...

✍️@umidaaziz

#муножот

Аллоҳим!


Бир куни умидсизликка тушсам, Сен тақдиримга битганинг орзуларимдан буюклигини эслат...


✍@umidaaziz

Мени таъсирлантирган жумла:

"Отаси яхши кўрмаган қиз деворнинг кўчган бўёғига ўхшайди. Ўтган -кетган юрагидан бир парча юлиб кетади..."

✍@umidaaziz

Сиз билан бўш вақтида гаплашадиган ва сиз билан гаплашиш учун вақт ажратадиган одамларнинг фарқига боринг.

✍️@umidaaziz

Ювош, мўмин-қобил дея таърифланадиган болажонлар, одатда нотўғри тарбияланаётган бўлади.

Бола шўх, ўйинқароқ, қувноқ бўлиши табиий ҳол.

©️Адем Гунеш, болалар психологи


✍@umidaaziz

Агар қаршингиздаги киши бошқа одамни сизнинг ўрнингизга қўя олса, парво қилмай қўяверинг. Маймунга асал банандан кўра ширин эканини тушунтиролмайсиз. ☺️😉


✍️@umidaaziz

Туркиянинг Малатя вилоятида яшовчи Парихон хола ҳовлисида динозаврнинг эварасини чеварасини боқарканлар. Бу қурмагур қишлоқдаги товуқларни еб битирибди.

Энди кечаси билан менинг тушларимни тасаввур қилаверинглар...

#тушунган_тушунди

Дарвешдан "Нимага куляпсан?" деб сўрашган экан, "Менинг дардимга йиғлаш малҳам бўлолмайди..." деб жавоб берган экан...

✍@umidaaziz

Нега чимчилайсан, қўлинг сингууууурррр....

Шу кунларда Раҳмонга меҳмон бўлсам эди.

"Лаббайка Аллоҳумма Лаббайка" дея юрак ҳапқириб тўлқинлансам эди.
"Амр эт ё, Робби! Буюр, ё Роббий! Чақирдинг, келдим, ё, Роббий!" дея эркалансам эди.

Саодат асрида бўлгандек, Расулулллоҳ соллаллоҳу алайҳи васаллам билан тавофга тавоф қўшсам эди.

Ҳабибимдек тутиб, тегиб ўпсам эди Ҳожарул Асводни.
Ҳеч бўлмаса, салом берсам эди, янгиласам эди Роббим билан аҳдимни.

Чопсам, югурсам эди Сафо ва Марва аро, эрмоқ учун, мушарраф бўлмоқ учун раҳматга.

Яқинлашсам эди, Иброҳим алайҳиссаломдек, Исмоил алайҳиссалом каби Роббимга...

— Эй, Кўнгил! Иброҳим Халилуллоҳ каби тўнғич фарзанд, кўз қорачуғи зурриётни фидо қилмоқ осонми? Енгилми сенга Ҳожар Онамиз каби жазирама кимсасиз чўлда гўдагинг билан ёлғиз қолмоқ?

Бизга машаққат!
Роббини дўст билганга эмас!
Бизга мушкул.
Роббисига таслим бўлганга эмас!
Биз учун қийин.
Мустаҳкам ва кучли иймон соҳибига эмас!

Сен таслимиятни, иймонни, итоатни, СЕВГИни улардан ўрган. Аллоҳ учун нималардан воз кечдинг бугунгача? Нималарни Унинг учун қурбон қилдинг?

Жонингни қилолмайсан, лекин шу ширин уйқунгни фидо қилгин.

Сабоҳ вақти, ишроқ вақти бир ҳаж, умра савоби эмасми, қиймат билганлар учун?!

Фарзандингни эмас, ҳар йили бир ёмон феълингни қурбон қил! Бир гуноҳингдан воз кеч!

Сафо ва Марво аро чопа олмадинг, аммо ўзинг учун, фарзандинг учун ғайрат қил!

Иброҳим алайҳиссалом ва Ҳожар волидамиздек ота-она бўлиш учун ғайрат қил, югур.
Фарзандинг Исмоил алайҳиссаломдек банда бўлишини хоҳлаб ғайрат қил, югур.

Каъбани кўролмадинг, бироқ: "Эй, Каъба! Мўминнинг қалби сендан кўра қийматлироқдир!" дея қасам ичган Набий соллаллоҳу алайҳи васаллам ҳурматлари учун кўнгилларни забт эт, кўнгилларни обод эт!

Каъбага юзингни суртолмадинг, эшигига сиғиниб авф тилаёлмадинг, бироқ Роббинг сенга жон томирингдан ҳам яқин. Ҳар доим Ҳузури Илоҳийда эканингни англа!

Ана шунда сенинг ҳам, менинг ҳам ҳар кунимиз Ҳайит, дунёмиз жаннат бўлади!

Эй, Қодир Аллоҳим!

Мени ва мендек маҳзунларни Иброҳим Халилуллоҳнинг даъватларини эшитганлардан айла!

Ўз ҳузурингда меҳмон бўлиб, ниҳоясиз икром-эҳсонларинга муяссар бўлмоқликни насиб айла!

Севгингни, розилигингни, мададинг, раҳматинг ва нурингни бошимиз узра сочиб юборгин!


✍️@umidaaziz