Сут сояси
(Ҳаётдан олинган қисқа ҳикоя)

Эрталаб. Қуёш ҳали парда остида. Мен кичик 7-8 ёшлар чамаси, столда сутли кружкани асталик билан ушлаб турибман. Ёнимда отам. Сокин тонг. Тинчлик.

Бир лаҳзада…
Қўлим силжиди. Қастдан эмас, балки болалик бепарволигим. Оппоқ сут столга тўкилди. Кўзларим қотди. Ҳеч нарса демаганман.

Отам ўрнидан турди. Юзида ғазаб. Бир нима деб бақира кетти. Қўл ва тилга эрк берди. Жазо тўлиқ бўлди. Бу холат кўп такрорланди, ўринсиз ишлатилган сўз, синган пиёла, оз фурсатга кечикиш.

Кўзимдан ёш ҳам, ишонч ҳам тушди. Мен ундан сўнг улғайиб барибир у даражада эътиборли инсон бўлмадим. Мен эҳтиёткор ҳам бўлмадим. Мен шунчаки қўрқувга одатланган болага айландим. Сутдан ҳам, ҳаётдан ҳам, хато қилишдан чўчиб улғайдим.

Йиллар ўтди. Унутмадим. Ҳар гал ниманидир ушлаш керак бўлса — титрайман.

Йиллар ўтди… Мен ота бўлдим.

Қизим кеча тўкди. Сут. Хонани хаяжон ва қўрқув тўлдирдирди. Кўзларимга қаради. Сўраётган эди: “Уришасизми?”

Мен эса аста у тарафга бурилдим ва юмшоқлик билан дедим:
“Ҳеч қиси йўқ, жоним, атайлаб қилганингиз йўқ, Сиз — сутдан ҳам қадрлисиз, қизим.”

У жим турди. Хижолатга чўмди. Илк марта ишонди, масулият хис этди. Қўлидан келганча зарарни бартараф эта кетти.

Бола хаётни хатолардан ҳам ўрганади. Лекин меҳрсиз, ғализ ва тошбағир муҳитда эмас. Қўрқув — тарбия усули эмас, у сабр, ибрат ва ишонч махсули.

✍️ Umid Hudoyberdiev|Online

6 тоифа вақт ўғрилари:
1. Телефон
2. Интернет
3. Ёқимсиз мулозамат
4. Беҳуда фикрлар
5. ТВ ва эълонлар
6. Бекорчи рўйхатларни ўқиш😀

✍️ Umid Hudoyberdiev|Online

🔹 Insonlarda hurmat qiladigan 2 ta xislatim

🎙 Spiker: Nodir Ibatov - Shifokor. Lor. Ibatov’s Clinic asoschisi.

📹 To‘liq videoni tez kunda "Yo‘l Podkast" YouTube kanalimizda tomosha qiling.

Podkast davomida aytilgan gaplarning shirali joylarini eshitish uchun telegram kanalimizga obuna bo‘ling:
👉 @YolPodkast

Ўғил бола тарбияси

Тартиб-интизом ва катталарга ҳурмат — ўғил болалар ҳаётидаги энг муҳим фазилатлар

Бекорчилик — илмнинг душмани, нафснинг энг яқин дўсти. Бекорчилик — виждонсизликнинг белгиси. Кимки вақтни беҳуда ўтказса, у нафс қуллигига йўл олади.

Ҳақиқий ўғил бола виждонининг овозини эшитар экан, албатта, ўзини фойдали меҳнатга бағишлайди. Чунки меҳнат — ақлни ўткирлайди, қалбни поклайди, ҳаётга қувват бағишлайди.

1. Ҳар кунингизда режа бўлсин. Бир соат ҳам бекор қолманг.
2. Катталарга ҳурмат — ўзингизнинг обрўнгизни асрашдир. Ҳурматингиз ортидан барака келади.
3. Ўзингизга масъулият юкланг. Масъулиятсиз йигит эртага оила ва жамиятга ҳам фойда беролмайди.
4. Илм, касб ва ҳунарга вақт ажратинг. Бу нафақат молиявий мустақиллик, балки қалбдаги тинчликнинг ҳам калитидир.

Бекорчилик — йўқотиш;
меҳнат ва тартиб — ютуқ. Вақтингизни муҳофаза қилинг, катталарга ҳурмат қилинг, ўзингизнинг эртангизни шундай қурингки, сизга қараб бошқалар ҳам тартиб ва виждон ўргансин.

Қонун ва қоидалар киритмасдан катта қилинган фарзанд боқиманда бўлиб ўсади.

Катталарга итоат қила олган ўғил бола эртага натижага ҳам итоат қила олади. Маҳсулдор, натижадор ва тайинли бўлади!

✍️ Umid Hudoyberdiev|Online

Биринчи кибрнинг белгиси — беҳудага ранжиш.

Одам озгина гапдан, кичик бир ҳолатдан дарров ранжиса — бу унинг қалбида яширин, чуқур кибр борлигини кўрсатади. Ранжувчан одам — бу ўзига ва ўз “мен”ига ортиқча муҳаббат қўйган, манмансирайдиган одам.

Агар бир куни ўзингизни “Мен ранжидим” деган фикрда ушласангиз, билинг — бу қалбда кибр номли қўрқинчли касаллик яшаяпти. У темирни еб қўядиган зангдек, қалбни емириб, севги ва тинчликни ўғирлайди.

Қалбда ранжиш бўлса — унда муҳаббат ҳам, тавозем ҳам, мулойимлик ҳам, ҳикмат ҳам бўлмайди. Ҳаммаси шунчаки йўқолади.

Ҳаёт оддий:
Кибрдан қутулсангиз — ранжувчанлик кетади.
Ранжувчанлик кетса — қалбда меҳр, кечирим ва яқинларга нисбатан муҳаббат пайдо бўлади.

Кечириш — кучсизлик эмас, аксинча, қалбнинг энг катта қуввати.
Кибрни енгган одам нафақат ўзини, балки атрофидагиларнинг ҳам ҳаётини ёруғ қилади.

Инсонлар турли-туман, уларга ўзлари бўлишига имкон беринг. Ҳаммани бирдек тарбия қила олмайсиз!

✍️ Umid Hudoyberdiev|Online

Ҳаётда танлов — энг катта куч

Бир ота ичкиликбоз эди. Унинг икки ўғли бор эди:

1⃣ Бири отасининг йўлидан кетиб, пиёниста бўлди.
2⃣ Иккинчиси эса йирик бизнесмен бўлди.

Ҳар иккаласидан ҳам “Нега бундай бўлдинг?” деб сўрашганда, иккаласи ҳам бир хил жавоб берди:
👉 “Менинг отам ичкиликбоз эди”.

Фарқ қаерда?
Фарқ — уларнинг тафаккурида.

🔑 Биринчи ўғил отасининг ютуқсиз йўлини тақлид қилди.
🔑 Иккинчиси эса отаси қилган хатолардан сабоқ олди ва ўз тақдирини қайта ёзди.

📌 Демак, ҳаётимизда муҳит, ота-оналар ёки атрофдагилар эмас, балки биз танлаган фикрлар ва йўлимиз ҳам ҳал қилувчи аҳамиятга эга.

Ҳар бир инсон ўз тақдирини қайта қуриш қудратига эгадир.

✍️ Umid Hudoyberdiev|Online

🔹 Sog'lig'ingiz bo'lmasa, foydangiz tegmasa Siz kimlarga keraksiz?

🎙 Spiker: Habibulloh Sultonov - xalqaro toifadagi soch ustasi.

📹 To‘liq videoni tez kunda "Yo‘l Podkast" YouTube kanalimizda tomosha qiling.

Podkast davomida aytilgan gaplarning shirali joylarini eshitish uchun telegram kanalimizga obuna bo‘ling:
👉 @YolPodkast

🔹 Ilm yuqishi shu bo'lsa kerak

🎙 Mehmon: Habibulloh Sultonov - xalqaro toifadagi soch ustasi.

📹 To‘liq videoni tez kunda "Yo‘l Podkast" YouTube kanalimizda tomosha qiling.

Podkast davomida aytilgan gaplarning shirali joylarini eshitish uchun telegram kanalimizga obuna bo‘ling:
👉 @YolPodkast

Тирикдирсан - қадринг улуғдир,
Ҳаёт йўлида безовта шоша,
Пойинг чангга буркаб қоқилиб,
Қалбинг излар нур сочган ўша.

Асрлар ошиб, учар сония,
Тарих саҳифаси қолиб ниҳоя.
Жисминг етмас умидлар излаб,
Қолар ночор, руҳинг ҳам бўзлаб.

Ҳар бир чўлдан йиғиб заррадан,
Қўй Нидоий азалий аянч ҳолатинг.
Ахир соф муҳаббат учун яралдинг,
Фақат шунда Ҳаққа йўналдинг.

✍️ Nidoiy

🇺🇿 DIQQAT
Transport vositasi egalari uchun so‘rovnoma

Sug‘urta bozorida yangi mahsulotni taqdim etish maqsadida, jamoamiz bilan birgalikda avtomobil egalarining tajribasini o‘rganmoqdamiz va sug‘urtani yanada oson hamda adolatli qilish uchun tadqiqot olib bormoqdamiz. Biz iste’molchilarning ehtiyojlarini tahlil qilish va o‘rganish uchun batafsil onlayn suhbat o‘tkazmoqdamiz.

Shu bois, ushbu mahsulotni yaratishga o‘z hissasini qo‘shishni xohlaydigan insonlar bizga kerak. Suhbatda ishtirok etishni istaganlardan quyidagi pastdagi shaklni to‘ldirishlarini iltimos qilamiz ⬇️

🇷🇺 ВНИМАНИЕ
Опрос для владельцев транспортных средств

С целью представления нового продукта на страховом рынке, мы с нашей командой изучаем опыт автовладельцев и проводим исследование, чтобы сделать страхование более простым и справедливым. Мы проводим глубинное онлайн интервью для анализа и изучения потребностей потребителей.

Поэтому нам нужны люди, желающие внести свой вклад в создание этого продукта. Для всех желающих пройти интервью просим заполнить форму ниже ⬇️

https://forms.gle/aLdc3wzyPFhPELaX7

Жоҳил ва аҳмоқларга тоқатсизлик

Атрофингизнинг сизнинг тақдирингизга таъсири

Жоҳиллик – жамиятнинг энг хавфли душмани. Аҳмоқ одамлар ўзлари яратган муҳитда қолганда, уларнинг зарари асосан ўзларига тегарди. Аммо муаммо шундаки, улар зиёли ва меҳнаткаш инсонлар яратган муҳитда яшаб, айнан шу муҳитни издан чиқаради.

Кўзга кўринмас вайронгарлик

Аҳмоқлик паразит каби: у ҳеч қачон яратмайди, балки мавжуд тартибни емиради.

Атрофингизга диққат қилинг:
• Бир аҳмоқ жамоадаги ўн кишининг меҳнатини йўққа чиқаради.
• Бир жоҳил ота-она боланинг келажагини зулматга етаклайди.
• Бир нодон раҳбар бутун ташкилотни инқирозга олиб боради.

Сукут – масъулиятсизликдир

Агар жоҳилликка йўл қўйилса, у нафақат шахс, балки бутун жамиятни ҳалокатга етаклайди. Шунинг учун “тоқат” эмас, балки масъулиятли ва қатъий муносабат зарур.

Жоҳилликни инсон ўзида енгишдан бошлаш керак.

Ҳар куни сиз танлов қаршисида турисиз:
• Жим қолишни танласангиз – жоҳиллик кучаяди.
• Қаршилик кўрсатсангиз – ўзгариш бошланади.

Жамиятнинг саломатлиги ҳар биримизнинг позициямизга боғлиқ. Агар ақллилар сукут сақласа, жоҳиллар ҳукмрон бўлади. Тарих кўрсатадики, бир нечта бепарво ёки нодон одам бутун цивилизацияни инқирозга олиб келиши мумкин.

Сизнинг қўлингиздаги куч

Эсда тутинг: Ҳар бир ҳаракатсизлик – жоҳилликнинг ғалабасидир.

Жоҳилликка қарши туриш – фақат ҳуқуқ эмас, балки бурч ҳамдир. Чунки жоҳиллик – вайронакор куч, ақл эса унинг ягона давоси.

Амал қилиш вақти

Бугун ўзингизга савол беринг:
1. Мен ўзимни ва ўз муҳитимни қандай ҳимоя қиляпман?
2. Жоҳилликка қарши қандай шахсий амалий қадам ташлаяпман?
3. Фарзандларим учун қандай келажак қуришни ният қилганман?

Сизнинг сукутингиз – уларнинг қудрати. Сизнинг ҳаракатингиз – уларнинг заифлиги.

Мен жоҳиллик ҳукм суришига йўл қўймаслик учун етарлича онгли ва шахсан масъулман…

✍️ Umid Hudoyberdiev|Online

Қизи отасига яқинлашиб деди:

Ота, ҳаётим жуда оғир, доим оқимга қарши сузаяпман. Ишларим доим ҳам ўхшайвермаяпти. Қувватим йўқ… Нима қилишим керак?

Ота жавоб бермади, учта қозонни сув билан тўлдириб, оловга қўйди. Биринчисига сабзи, иккинчисига тухум, учинчисига қаҳва солди.

Бироз вақтдан сўнг у қозонларни очди: сабзини, тухумни чиқарди ва қаҳвадан қаҳва қайнатди.

“Нима ўзгарди?” — деди у қизидан.

“Сабзи пишди, тухум ҳам пишди, қаҳва эса сувда эриди”, — деди қизи.

Йўқ, бу фақат ташқи қараш, — деди ота. — Қара: сабзи қаттиқ эди, лекин қайноқ сувда юмшади. Тухум ичида суюқ эди, лекин қаттиқ бўлиб қолди. Ташқаридан уларда ўзгариш йўқ, аммо ички табиати бир хил шароитда бутунлай ўзгарди. Ҳаёт ҳам шундай — баъзи кучли туюлган одамлар оғир шароитда майиб бўлади, баъзи эса заиф туюлганлар айнан шу ерда чидамли ва мустаҳкам бўлиб чиқади.”

“Қаҳва-чи?” — деди қизи.

“Энг муҳими шу! Қаҳва шароитга мослашмади — балки уни ўзгартирди. Қайноқ сувни хушбўй ичимликка айлантирди. Одамлар ҳам шундай: айримлари шароитга кўникиб яшайди, айримлари эса шароитни ўзига бўйсундиради ва уни гўзал нарсага айлантиради.”

Ҳаёт сизни қийнаши мумкин, аммо сизда ҳам танлов бор: сабзидек майиблашиш, тухумдек қаттиқ бўлиш ёки қаҳвадек бутун вазиятни ўзгартириш.

Танлов сизда.

✍️ Umid Hudoyberdiev|Online

🔹 10 yilda daromadga chiqqanman, ungacham ota-onamgilar moliyalashtirishgan

🎙 Mehmon: Hasanboy Do’smatov - Boks bo’yicha jahon chempioni

📹 To‘liq videoni tez kunda "Yo‘l Podkast" YouTube kanalimizda tomosha qiling.

Podkast davomida aytilgan gaplarning shirali joylarini eshitish uchun telegram kanalimizga obuna bo‘ling:
👉 @YolPodkast

Бир лаҳзалик роҳат — узоқ муддатли йўқотиш

Бир лаҳзача роҳат ёки кўтаринкилик берадиган воситалар — спиртли ичимликлар, тамаки маҳсулотлари, психотроп моддалар (таблеткалар), гиёҳванд воситалар — барчаси бир лаҳзача (роҳат) кайф эвазига нима олади деб ўйлайсиз? Соғлиқми? Асабми? Ёки бошқа нима?

Буларнинг ҳаммаси қисман тўғри. Лекин улар бир лаҳза роҳат эвазига инсоннинг энг муҳим органларидан бири — мия ҳужайраларига зарар етказади ва уларни ўлдиради. Мияда ҳужайра кўп, деб ўйлаш мумкин; аммо инсон бу дунёда ўзини топиб, нега яралганини ва шахсий миссиясини тушунганда, бу миссияни бажариш учун миянинг тўлақонлилиги ва функционаллиги зарур бўлади.

Асосий ҳақиқат янада чуқурроқ: улар мия ҳужайраларини йўқотиш орқали кайф ҳосил қилади.

Нейробиология тадқиқотлари кўрсатадики, спирт ва гиёҳванд моддалар нейрон апоптози (ҳужайранинг эрта ўлиши)ни тезлаштиради. Масалан, алкоголь суиистеъмол қилинганда миядаги гиппокамп қисмида ҳужайралар сони камаяди, бу эса хотира ва қарор қабул қилиш қобилиятига тўғридан-тўғри таъсир қилади. Никотин дофамин тизимини сунъий равишда ҳаддан ташқари фаоллаштиради. Натижада табиий «қувонч» механизмлари ишдан чиқади ва инсон ҳақиқий ҳаётдан лаззат олиш қобилиятини йўқотади.

Расмда соғлом 43 ёшлик инсон бир тарафда, ҳамда спиртлик ичимлик истеъмолига ружу қўйган инсон мияси таҳлили фарқи кўрсатилган.

Балки сиз ҳозирча бу дунёда нега, бундай холатда ва шаклда яратилганингизни тушунмагансиз. Лекин шу ҳикматга етгунингизча, сизга берилган омонат — танангиз ва унинг ажралмас қисми: мияни бузишга шошилманг. Ана шу омонатни сақлаш — ҳақиқий масъулиятдир. Қисқа енгиллик ва роҳат учун алмашинув эса сизга жуда қимматга тушаётганини ҳис этинг!

Сизга натижада қимматга тушадиган алмашинувлардан келажагингиз ҳисобига воз кечинг!

Тарқатинг!

✍️ Umid Hudoyberdiev|Online

Эртанги бахт учун яшаш бугунги бахтга хиёнатдир!

Ҳозирдан бахтни ҳис қилолмаган инсон, эртага қанча молу давлат, қанча мартаба, қанча шарафга эришса ҳам, барибир қалбида бўшлиқ қолаверади. Чунки бахт – бу натижа эмас, бахт – бу ҳолат.

Қалби тўқ инсон учун ҳар куни, ҳар лаҳза неъмат. У йўлдаги ҳавонинг софлигидан ҳам қувонади, фарзандининг кулгисидан ҳам завқ олади, ҳатто қийинчиликда ҳам маъно топади. Лекин бахтни келажакка, “эртага”га қаратиб қўйган одам учун ҳаёт доим орқадан қувиб етолмайдиган марафонга айланади.

Биз кўпинча бахтни ташқи белгиларда қидириб адашамиз: катта уй, янги машина, катта лавозим. Лекин булар – фақат ҳис-туйғуни бир лаҳза кўтарадиган воситалар. Бироқ қалб тўқлиги – узоқ йўлда ҳам сизни елкадан қувват билан қўллаб турадиган ички захира.

Ҳақиқий бахт – бу ҳозир ва шу ерда бор нарсани қадрлай олиш қобилияти. Бу – шукр, бу – қалбдаги барқарор тинчлик, бу – орзу ортидан қувиб эмас, бор неъматдан маъно топиб яшаш санъати.

Ҳаётнинг ҳақиқати шундаки: бахтли инсон – ҳозир бахтни ҳис қила олган инсон. Агар сиз шу кундан бошлаб бор неъматларингизнинг қийматини таний олсангиз, келажак ҳам сиз учун нурли ва тўқ бўлади.

Сиз ҳозир бахтни кечиктиряпсизми ёки уни бугундан ҳис қиляпсизми?

✍️ Umid Hudoyberdiev|Online

Адолат изловчи инсон

Инсон табиатан адолатни излайди. У ҳатто болалигиданоқ “бу тўғри эмас” деган ҳисни танасида, қалбида ҳис этади. Лекин не ажаб — айнан ўша инсон бошқаларнинг хато ва гуноҳларига нисбатан қаттиққўл бўлиб, ўзининг гуноҳларига нисбатан юмшоқ бўлади. Гўё ўзига мумкин-у, фақат бошқаларга мумкин эмас! Бу ерда қани адолат?

Бир кун, бир оддий одам нолий бошлади: “Нега одамлар менга нисбатан адолатсиз? Нега ҳамма гуноҳкор, бемалол гуноҳ қилади-да, менинг эса яхшилигимни кўришмайди?”

Шунда у туш кўрди, тушида у икки тарози кўрди. Биринчи тарозига у бошқаларнинг хатоларини, иккинчисига — ўзининг гуноҳларини қўя бошлади. Биринчи тарози оғир бўлиб ерга тушди, оғир келди, иккинчиси енгил бўлиб кўтарилиб юқорига чиқди.

Биз адолатни хоҳлаймиз, лекин ўзимиздан бошламаймиз. Адолат — нафсдан эмас, инсофдан бошланади.

Адолат — бу фақат жамиятда эмас, балки қалбдаги ҳолат.
Қалб адолатли бўлмаса, инсоннинг ҳукмлари ҳам, муносабатлари ҳам, кечиримлари ҳам нотўғри бўлади.

Биз кўпинча ўз хатомизни “инсонман-ку” деб кечирамиз, лекин бошқаларникини “гуноҳ” деб ҳукм қиламиз. Хаёлимизда жаҳаннамда куйдирамиз.
Аммо ҳақиқий адолат — ўз нафсини ҳам бошқаларни қилганимиз каби сўроқ қилишдан бошланади.

Кечириш, қабул қилиш— адолатнинг чўққиси.
Чунки кечириш — заифлик эмас, иродани нафс устидан ишлатишдир.

Адолатни излар экансиз, у аввал ўз қалбингизда бошлансин.
Шунда Аллоҳ ҳам сизга инсофли инсонларни, пок ниятли одамларни йўлингизга чиқаради.

✍️ Umid Hudoyberdiev|Online

🌱 Икки дона уруғ ибрати

Баъзан ҳаётимизда иккита йўл бор: бири — хавфлироқ, лекин ўсишга олиб борадиган; иккинчиси — хавфсизроқ, лекин чўқишга маҳкум бўлган.

Бир куни иккита дона уруғ ҳосилдор тупроқда ёнма-ён ётарди. Биринчи дона дедики:
— Мен ўсмоқчиман! Илдизларимни ерга чуқур киритиб, қийинликлардан ўтиб, қуёшни кўрмоқчиман. Яшнаб, мева бермоқчиман.

Иккинчи уруғ эса шундай жавоб берди:
— Мен қўрқаман. Ер қаттиқ, ёмғир ёғса, қор ёғса, шамол бўлсачи? Яхшиси, шу ерда тинчгина иссиққина ётаман.

Вақт ўтди. Биринчи уруғ чиройли дарахтга айланди, унинг соясида одамлар дам олди, мевалари бошқаларни бахтли қилди.
Иккинчи дона эса ҳеч ўсмади — тупроқда ётиб қуриди, чириди, йўқолди.

Ҳаёт ҳам шундай:
Кимки илдиз отишдан, ҳаракат қилишдан, хавфга юз тутишдан қўрқмаса — у ўсади, мева беради, натижага эришади, бахтга етади.
Кимки “ҳозир эмас”, “мен тайёр эмасман” “ундай бўлсачи - бундай бўлсачи”деб иккиланса, қўрқса — ўша ернинг ўзида қолиб кетади.

Ҳақиқий хавф — уриниб кўриш эмас, балки ҳеч нарса қилмасликдир.

Румий айтганидек - Бесабабдин сабаб ҳам бўлмас пайдо!

Қўрқманг ўсишдан. Иложи борича илдиз отинг, ҳаракат қилинг, шу ерда, ҳозирнинг ўзида.

Тухм ерга кириб чечак бўлди,
Қурт жондин кечиб ипак бўлди.
Лола тухмича ғайратинг йўқму?!
Пилла қуртича ҳимматинг йўқму?!
/Алишер Навоий/

Оддий бир тухум ерга киргач, гўзал гулга айланиб кишиларнинг кўзини қувнатади; оддийгина бир қурт ҳам жонидан кечиб бўлсада, одамларга наф етадиган қимматбаҳо ипак шаклига келади. Эй инсон, сенда лоланинг тухмичалик ғайрат, пилла қуртичалик ҳиммат йўқми?! Шу жонзотларчалик ҳам ҳимматлик бўлолмайсанми?

Уруғ нега ерга киришини аниқласак. Сабаби - Муҳаббат туфайли. Чунки муҳаббат сўзи "ҳибба" ўзагидан келиб чиққан ва "устига тупроқ тортилган уруғ" маъносини англатади. Тухум ерга кирсагина гул бўла олади. Демак, тухумда муҳаббат борлиги учун ерга кирган ва гўзал гулга айлана олган!

Инсон ҳам танлаган йўлига, касбига муҳаббат қўя олсагина унга ғайрату шижоат, ҳиммат билан кириша олади ҳамда улкан марраларга эришади, ўзгаларга ҳам манфаат етказади!

Аллоҳ амалда собит бўлган, ҳаракатдаги инсонга барака беради.

✍️ Umid Hudoyberdiev|Online