MDH hududida islom moliyasini jadallashtirish!

AlHuda CIBE tomonidan tashkil etilgan “4-MDH – Islom banki va moliya forumi 2025”da bizga qo‘shiling – bu yerda MDH mintaqasi bo‘ylab islom moliyasining kelajagini belgilash uchun istiqbolli mutaxassislar, yetakchi soha mutaxassislari va moliyaviy innovatorlar birlashadi.

📅 Sana: 2025-yil 16-18-iyun
📍 O‘tkazilish joyi: Hyatt Regency mehmonxonasi, Toshkent, O‘zbekiston

Tasdiqlangan spikerimiz – “Amana Sug‘urta” AJ boshqaruvi raisi janob Umid Xudayberdievni ushbu yforumda qimmatli fikrlari va tajribalari bilan “Takaful tizimini rivojlantirishda davlatning roli” mavzusida o‘rtoqlashayotganini e’lon qilishdan mamnunmiz.

🔗 Hoziroq ro‘yxatdan o‘ting yoki qo‘shimcha ma’lumot oling:
📩 Elektron pochta manzili: [email protected]
📱 Telegram: +971508421423, +971 52 865 5523

Идишда нима бўлса ўша пиёлада намоён бўлади…

Агар жомда сув бўлса, ундан шарбат кутманг. Инсон ҳам худди шу каби: у қалбида нима жамлаган бўлса, шундан ортиғини беролмайди.

Кўпинча биз кимнидир ўзимизга яраша тушунишини, биз истагандек ҳаракат қилишини кутамиз. Аммо у одам бошқача дунёқарашга, бошқача тажрибага эга. Унинг жоми бошқача тўлган.

Биз баъзан инсондан самимият, фаҳм ва ғамхўрлик кутамиз. Аммо у киши қалбида бунга асос бўлмаса, кутганимиз — хаёл бўлиб қолади.

Агар жом бўш бўлса, у сиз кутган завқни беролмайди.

Энг муҳими — ўз жомингизни тозалик, ният ва фазилатлар билан тўлдириш. Чунки инсондан оқиб чиқадиган сўз ва амал — қалбдаги борлиқнинг аксидир.

Қуруқ сувга тула жомдан шарбат кутиш нодонлик!

✍️ Umid Hudoyberdiev|Online

Ўсишингиз шунчалик жиддий бўлсинки, одамлар: “Бу ўша одамми?” деб сиз билан қайта танишишига тўғри келсин. Илгаригидан бошқача фикрлайдиган, бошқача юрадиган, бошқача ишлайдиган инсонга айланинг.

Ҳар кунлик ҳаракатларингиз орқали ўзингизни янгидан яратинг. Одамлар сизни эмас, сизнинг натижангизни кўрсин.

✍️ Umid Hudoyberdiev|Online

«Ўшанда бошқача қилганимда эди…»

Эҳтимол, сизга ҳам таниш бу гаплар:
«Агар ўша ишни қилмаганимда…»,
«Ўша гапга рози бўлганимда…»,
«Бошқа йўлни танлаганимда…»
«Ўша вазиятда бошқача гапирганимда…»

Бу фикрлар илк бор шунчаки хотирадек келади. Лекин вақт ўтиши билан қалбни эза бошлайди. Ўзингизни айбдор ҳис қилишга мажбурлайди. Ўтмишни «тўғрилаш» хоҳиши бугунги тинчликни ўғирлайди.

Хатто бу фикрлар 10 дақиқа олдин бўлиб ўтшан ҳолатга нисбатан ҳам ички кечинмаларда юзага келади!

Бир сўз билан айтганда — бу ўйлар инсонни ўзига қарши қўяди.

Лекин аслида, сиз ҳозир қаерда бўлсангиз ҳам — айнан шу ҳолат, аниқ-ки, эришишингиз мумкин бўлган энг яхшисидир.

Чунки ҳар бир қарор, ҳар бир кечиккан имконият, ҳатто «хатолар» — барчаси сизга сабоқ бўлди. Сизни ҳозирги ақлингиз, тажрибангиз ва қарашларингизга олиб келди.

Албатта, бошқача қилишингиз ҳам мумкин эди.
Лекин сиз инсонсиз. Келажакни кўра олмайсиз. Лекин Яратган кўради.
Эҳтимол ўша «бошқача» сиз учун оғир оқибатларга олиб келар эди.

Инсон таъбир жоиз бўлганда яхшиликда ёмонлик ва ёмонликда яхшилик кўра олиш қобилиятига эга эмас.

Ҳар гал “Агар…” деб афсусга тушаётган бўлсангиз, бир сўзни эсдан чиқарманг:
Бу — тақдир.

Шайтон инсонни афсус билан надомат заифлаштиради. Унинг мақсади — сиздан ҳозирги бор неъматларингизга нисбатан шукрни унуттириш.

Сиз ўзингизни кечирмасангиз, бугунги ҳаётингизга аниқ қадам ташлай олмайсиз.

Шукр қилинг. Афсусни ташланг. Ҳақиқат билан яшанг.

Шунда бир кун келиб айтасиз:

«Шукрки, ўшанда барчаси айнан шундай бўлган. Акс ҳолда мен бугунги ҳолга ета олмасдим.»

Сиз ҳозирги жойда бекорга эмассиз.
Ҳозирги натижангиз — энг яхши сценарий, бўлиши мумкин бўлган энг зўр натижа.

Шукр қилсангиз — Аллоҳ янада зиёда қилади.

Агар афсус билан яшасангиз — бор неъматингизни ҳам сезмай яшаб ўтиб кетасиз. Ва афсуски бундай тоифа одамлар жамиятда кўпчиликни ташкил этади.

✍️ Umid Hudoyberdiev|Online

Ўзингга фақат ўзинг ёрдам бер…

Тасаввур қилинг, сизнинг яқин дўстингиз оғир ҳолда — ишсиз, мақсадсиз ва руҳан тушкун. Сиз унга иш топиб берасиз, мотивацияли китоблар маслаҳат берасиз, ҳатто резюмесини ёзиб бериб, суҳбатга юборасиз. Бир неча ҳафтадан сўнг — у яна уйда, ҳаётдан шикоят қилмоқда. Бу ҳолатга бошқа талайгина мисоллар келтириш мумкин.

❗️Нега?
Чунки унда ички қарор бўлмади. У ўзгаришни хоҳламади — фақат сиз хоҳладингиз.


🎯Нима учун бу қайта-қайта содир бўлади?

Яхши инсонлар кўпинча “мен ёрдам бераман, шунда у ўзгаради” деб ўйлайди. Лекин…
• Инсоннинг қалбида ўзгаришга эҳтиёж туғилмаса,
Энг тўғри гаплар ҳам бекор кетади.
• Қалбида умид ва ҳаракат ёқилмаси бўлмаса,
Энг ёруғ чироқ ҳам йўл кўрсатмайди.

🔗Нима қилиш керак?

Биз ўз бурчимизни бажарамиз:
• Маслаҳат берамиз.
• Ўрнак бўламиз.
• Севамиз.
• Дуо қиламиз.

Лекин инсоннинг ўз ҳаёти учун масъулиятини унинг ўзи олиши шарт.

Кимгадир ёрдам беришни ўйлар экансиз сизнинг бирламчи вазифангиз:
• Аввало, у инсон ўзгаришга тайёрми?
• Ёрдамни зўрлаш эмас, даъват сифатида беринг.
• Ўзингизга кўп нарса олмарнг — ўзгаришни у хоҳлаши шарт.

Бугунги кунда кимнингдир ҳаётида ўзгариш қилишга бел боғлаганмисиз? Унга маслаҳат бермоқчимисиз?

Сўзларингиздан олдин бир дақиқа сукунат қилинг:
У инсон тайёрми?
Агар жавоб «йўқ» бўлса — сизнинг бурчингиз фақат дуо ва ибрат қолади.

✍️ Umid Hudoyberdiev|Online

🟢 Қувонч ҳам, ғам ҳам юқумли…

Бир инсон бирор сўз айтмаса-да, унинг ичидаги ҳолат атрофга тарқалади. Баъзан бир бахтли инсон атрофдагиларни руҳлантиради — гўё юзида нур бор, гапида умид бор, нафасида салоҳият бор. У бирор махсус ҳаракат қилмайди — аммо ўзининг кўнгли тоза, қалби равшан. Шунинг ўзи кифоя.

Лекин худди шундай, ички қоронғилик ҳам юқади. Ҳеч нима демаса-да, қалбини зулмат қамраган инсон муҳитга оғирлик солади, юракларини қисади.

Чунки ҳиссиётлар — сўзсиз тарқаладиган “инфекция”. Улар ҳаводаги бадбўй ҳид каби кўринмайди, лекин таъсир қилади.

Шунинг учун қалбни поклаш — фақат шахсий иш эмас. Бу ижтимоий масъулият.

Шу сабабдан ҳар куни қалбимизни тозалаш — нафақат ўзимиз учун, балки атрофдаги ҳар бир киши учун ҳам хайрли ишдир.

Сиз қалбингиз билан кимларгадир ёруғлик юборяпсизми — ёки салқин зулмат?
Бу саволни ҳар куни ўзимизга бериб юрайлик.

✍️ Umid Hudoyberdiev|Online

Баъзан ҳаёт тоқатсиздек туюлади. Бир фурсатдан сўнг эса – тоқатсиз даражада гўзал. Ҳаёт аслида ўзгармайди. Ўзгарувчи – фақат сизинг нигоҳингиз. Қалбингиздаги туйғуни ўзгартирсангиз, дунё ҳам ранги ўзгаради. Баъзан ҳаёт оғир эмас – бизнинг муносабатимиз оғир.

Ҳаёт доим ўз паст ва баландлари билан ўша-ўша бир хил, унга бизнинг муносабатимиз турли хил.

✍️ Umid Hudoyberdiev|Online

Ҳиссиёт ва ақл кураши – инсон хатоларининг илдизи

Инсон табиати икки кучдан иборат: ақл ва ҳиссиёт. Улар ҳар куни, ҳар соатда, ҳар қарорда ўзаро курашда бўлади. Ва айнан шу кураш — инсон қилган кўплаб хатоларнинг асосий сабабчисидир.

Ҳиссиёт – тезкор, оғир, тўсатдан пайдо бўладиган куч. У сизни шиддат билан қарор қабул қилишга мажбур қилади: ғазаб, ҳасад, муҳаббат, қўрқув, завқ – буларнинг ҳар бири ақлга имконият бермайдиган даражада кучли бўлиши мумкин.

Ақл эса – хомуш, лекин теран. У жойи ва вақти билан гапиради. Лекин аксар ҳолда ҳиссиёт ундан илгарилаб, қарорни “тезда” қабул қилиб бўлади.

Натижа:
• Пушаймон, афсус.
• “Нега аввал ўйламадим?”
• “Ҳар сафар шунақа бўлади!”

Танишми?

Ечим қаерда?

1. Ақлга вақт беришни ўрганинг
Ҳар қандай кучли ҳиссиётда интизомли сукунат яратиш — катта салоҳиятнинг белгисидир. “Беш дақиқа қоидаси” ёрдам беради: қарор қабул қилишдан аввал 5 дақиқа ҳеч нарса қилмаслик. Бу вақтда ақл етарли куч топади. Аммо бир хил катта қарорларга ҳатто кунлар керак бўлади.

2. Ҳиссиётни йўққа чиқарманг – уни эшитинг
Ҳиссиёт – дўст эмас, душман ҳам эмас. У даракчи. Лекин қарор қабул қилувчи — ақл бўлиши керак. Ҳиссиётни инкор қилманг, лекин унга раҳбарлик ҳам берманг.

3. Қарор қабул қилишда “савол” ечимдир
Ўзингиздан сўранг:
• “Бу қарорга қайси ҳис туфайли келдим?”
• “Бу ҳис вақтинчаликми?”
• “Бир кундан кейин ҳам шундай қарор қиламанми?”

Агар инсон фақат ҳиссиётга суянса – у ёлғонга, манманликка, зиёнга бошлайди. Агар фақат ақлга суянса – у сўроқсиз, совуқ ва бефарқ бўлади. Иккаласини тартибга сола олган одамгина ҳақиқат ва хато орасини ажрата олади. Мувозанатли ҳаёт кечиради.


Ақл — нур. Ҳиссиёт — қувват.
Улар биргаликда бўлса — инсон баркамол, қарорлари эса бардавом бўлади.

✍️ Umid Hudoyberdiev|Online

Беҳудага сарфланмаслик санъати

Инсон ҳар қанча ҳаракатда бўлмасин, агар бу ҳаракатлар тарқоқ бўлса — самара кам, натижа оз бўлади. Бироқ шундай бир неъмат борки, уни тўғри бошқарган одам, дунё ва охират саодатига етади — бу диққат неъмати.

Янги иш бошлаганингизда, кўп нарсаларга уриласиз: бир пайтда бир нечта лойиҳа, бир неча йўналиш. Ҳар бирида озгина. Натижада, ҳеч бири мукаммал бўлмайди.

Ҳақиқий ўсиш — фойдасиз нарсаларни тарк этишдан бошланади. Баъзан “фақат бир соат” дейдиган ишлар, асосий мақсадингизга мана шу “бир соат”ни олиб қўяди.

Кўп эмас, асосийни қилинг. Кам эмас, қатъий бўлинг. Шу йўлда Аллоҳ барака беради.

Савол:
Сиз нимага энди вақтингизни сарфламаслик керак деб ҳисоблайсиз?

✍️ Umid Hudoyberdiev|Online

Устоз аҳамияти

Инсонда икки йўл бор: ё ўзи йўл очади, ё ўзига йўл кўрсатадиган зотга устозга эргашади. Устоз — бу Аллоҳнинг сиз учун юборган раҳмат элчисидир. У сизга ҳақиқатни айтса, бу сизнинг имтиҳонингиз — қабул қиласизми ёки нафс билан тортиша бошлайсизми.

Шуни англаб олинг:
Устоз маслаҳати баъзида ақлингизга тўғри келмаслиги мумкин. Чунки қозонга тушган гуруч у ҳали палов эканлигини англатмайди. Устоз эса кўплаб ошлар дамлаган ошпаздир. Ҳақиқий англаш — кўплаб амаллардан кейин келади.

Нега устоз маслаҳатни баъзида тушуниб бўлмайди?

Сабаби содда:
• Сизда устозда бор тажриба йўқ, устига устак, кайфият билан шогирд ҳиссиёт билан фикр юритади. Устоз ўгити ҳиссиётдан холи.
• Маслаҳат — ақлий ва руҳий салоҳият тагидаги қатъийлик талаб этади.
• Шайтон сизни маслаҳатни кечиктиришга, эртага қолдиришга ундайди.

Нима қилиш керак?
1. Устозга итоат қилинг – агар устозингиз сизнинг бир пайтингизда 10 марта йиқилган бўлса, у сизнинг келажагингизни тажрибаси билан кўриб турибди.
2. Муҳокама эмас, ҳаракат қилинг – кўп ўйлаш шубҳа келтиради. Иймон эса ҳаракат орқали мустаҳкамланади.
3. Ҳар бир маслаҳатни амалга оширинг — дарҳол. Шаръий манбаларда: “Энг яхшингиз — яхши ишни тез қиладиганингиздир”.

Саҳобалар буюк устоз - Расулуллоҳ соллаллоҳу алайҳи васалламнинг ҳар бир амрларини сўзсиз, тезкор ва иймон билан амалга оширишарди. Уларнинг улкан ютуқлари шунинг самарасидир. Улар тушунмагандек кўринган ишни ҳам қилдилар — натижада қалблар очилди, дунё ўзгарди.

Бугунги кунда кўпчилик “мен тушунишни хоҳлайман” деган баҳона билан орқада қоляпти. Аммо ақл ҳар доим сизни олиб чиқмайди — кўпинча ақл сизни эҳтиёт бўлишга мажбурлайди. Ҳолбуки, улкан ўзгаришлар – ишонч ва амалдан бошланади.

Устоз – бу сизнинг келажакдаги ўзингиздир. Уни эшитинг. Ишонинг. Ва шубҳасиз амал қилинг.

Тез ўсишни хоҳласангиз – тушунишни кутманг. Амал қилинг.

Бонус фикр:
Устоз ўгитини ва илмини олишда рационаллик эмас балки, муҳаббат ва ихлос муҳим! Устозни ҳурмат қилинг ва севинг!

✍️ Umid Hudoyberdiev|Online

Табиат — ҳаётий устоз

Агар инсон диққат ва тафаккур билан табиатга назар ташласа, у ерда ҳаёт ҳақидаги энг чуқур ва долзарб дарсларни топади. Табиатда сукут бор, лекин унда ҳикмат товуши баланд.

Табиат ўгитлари

🌳 Дарахтлар инсонга: ҳақиқий ўсиш мураккаб жараён бўлиб, у вақт, сабр ва ички барқарорликни талаб қилади. Илдиз ерга чуқур ботмас экан, дарахт бардавом бўлмайди.

🍃 Шамол инсонга йўналишни ўзгартириш қобилияти – ожизлик эмас, балки муҳитни теран англаш ва унга мослашиш маҳорати эканини кўрсатади. Универсал ақл эгаси шиддатни эмас, вақти келганда ўзгаришни танлайди.

🌸 Гуллар: ҳаётда ҳар бир давр гўзалликка тўла бўлмайди. Гуллар фақат муайян фаслда очади. Бу бизга ҳаётдаги муваффақият ва илҳом паллаларини қадрлашни ва танаффусларни қабул қилишни ўргатади.

🌊 Уммон сингари, инсон ҳам икки қаршиликни бир вақтда ифодалай олиши керак — жимжитлик ва куч, юмшоқлик ва ирода. Руҳий мувозанат эришилганида, киши ичида ҳам яхлитлик вужудга келади.

✨ Юлдузлар инсонга шундай таълим беради: нурнинг қадри зулматда билинади. Ҳар қандай ҳаётий тўсиқ ва қийинчилик — ёруғликка етакловчи масофадир.

☀️ Қуёш эса шундай деб турибди: ҳатто узоқ соялар соясида қолган инсон ҳам қайта порлаш қобилиятига эга. Керакли фурсат ва вужуддаги ички қувват уни қайта юксалтиради.

Табиат — ўзининг ҳар бир унсури орқали инсонга ҳаётнинг амалий ҳақиқатларини ўргатади. У нафақат кузатиш, балки мулоҳаза, англаш ва қалб билан қабул қилишни талаб қилади.

Тинчланинг, тингланг — ва табиат сизни ўз дарсларига чорлайди.

p/s: Сиз яна қандай табиат дарсларини келтира оласиз? Комментларда фикрингизни қолдиринг...

✍️ Umid Hudoyberdiev|Online

Ҳақиқат ҳаётда имтиҳон билан келишини англаш – ҳақиқий ақл аломати.

Қўрқув – сукунатда ўсади, жасорат – ҳаракатда етилади.

Инсон танҳоликда қолганида, унинг нафси шубҳа билан гапиради:
“Кут. Ҳали эрта. Вақт келмади. Яна ўйлаб кўр…”

Аммо ҳаёт бир ўй ёки хаёл билан ўзгармайди. Бунда фақат жисмий қадам эмас – руҳий жасорат, қалбий таваккул ва амалиётга чорлов бор.
• Қалбдаги қўрқув – ҳаракатсизлик туфайли кучаяди.
• Шайтон – кўпроқ ҳаракатсиз инсон қалбида овоз чиқаради.
• Нафс – унутилган ниятни “хаётий хавф” сифатида намоён қилади.

Аммо ҳақиқий иймон – шубҳада эмас, қадамда намоён бўлади.

Тарихни ҳаракатдагилар ўзгартирган. Мусо алайҳиссалом денгизга қараб юрдилар – денгиз ёрилди.

Сиз ҳам туринг.
• Устоз бўлмоқчимисиз? – Бир инсонга билим улашинг.
• Бизнес бошламоқчимисиз? – Бир мижоз топинг.
• Янги касбдан қўрқяпсизми? – Бир кун ишлаб кўринг.
• Хато қилишдан хавотирдасизми? – Хато қилинг ва ундан ўрганинг.

Чин таваккул – амалда кўринади, дуо ҳаракат билан уйғунлашганда қабул бўлади.

Борлиқни яратган Аллоҳ раҳмат эшикларини амал қилаётган бандасига очади. Ҳар бир қадамингиз ният билан, ниятингиз эса ихлос билан бўлсин.

Бугундан бошланг:
Ўша доим кечиктириб келаётган ишни бошланг.
Кичик бўлса ҳам – қилган амал сукутдаги шубҳадан яхшироқ.

Бир қадам ташланг. Қўрқув сўниб, таваккул нур сочади.
Иймон бир фикр билан эмас – биринчи қадам билан бошланади.

✍️ Umid Hudoyberdiev|Online

Беш хобби – бахт калити

Ҳар бир инсон ҳаётида беш хил хоббига эришиши керак. Улар сизга нафақат шодлик, балки тинчлик ва маъно ҳам олиб келади:

1️⃣Бир хобби кўнгилдаги иш, у орқали ризқ топинг. Бунда ниятингиз пок бўлса, ибодатдек бўлади.

2️⃣Бир хобби билан танангизни тетик тутинг. Соғлом танда соғ ақл бўлади. Қувват – буюк неъмат.

3️⃣Бир хобби қалбингизга илҳом бағишласин. Яратувчанлик – инсонга берилган Аллоҳнинг ажойиб туҳфаси.

4️⃣Бир хобби ақлингизни озиқлантирсин. Илм – нур. Уни излаш – ҳар бир мўминнинг бурчи.

5️⃣Бир хобби билан дунёқарашингизни кенгайтиринг. Саёҳат, мулоҳаза, китоб, одамлар – бу сизни камолотга етаклайди.

Ҳар бирида соф ниятда Яратганнинг раҳматига умид қилинг. Фақат ниятингиз соф бўлсин. Ана шунда ҳаётингиз шунчаки яшаш эмас, балки маъно билан тўлади.

Қўлга иш, юракка илҳом, ақлга нур, танга қувват, руҳга озуқа керак.

Бу бешлик сизга етакчи бўлсин.

✍️ Umid Hudoyberdiev|Online