​​АБУ АЛИ ИБН СИНО (980-1037) – ўрта асрларда яшаган буюк олим. Ибн Синонинг бизга қолдирган илмий ишлари жуда кўп бўлиб, у ўша давр билимларининг ҳаммасини ўз ичига қамраб олган.

Ўрта асрларда «Тиб Қонунлари» асари нафақат Шарқда балки Ғарб мамлакатларининг университетларида ҳам талабалар учун тиббиётдан ягона қўлланма бўлган.

Асрлар давомида жадал ривожланиб келаётган илм-фан йўналиши-МЕДИЦИНАнинг номида ҳам унинг исми борлиги алломанинг инсоният ривожига қўшган улкан ҳиссасининг исботидир.

Тиббиёт соҳасидан ташқари олим астрология, табиатшунослик, метафизика, мусиқа, шеърият, психология, геология, файласуфликга қизиқган.

Ибн Синонинг «Китоб уш-шифо» асарида тиббиёт илмлари билан бирга ботаника, геология, минералогия, астрономия, математика, кимёга оид кўп маълумотлар келтирилган.

Унинг тоғларнинг вужудга келиши, ер юзасининг вақт ўтиши билан ўзгариб бориши, зилзиланинг сабаблари каби турли жараёнлар ҳақидаги фикрлари кейинчалик геология илмининг мустақил равишда ривож топишига катта таъсир кўрсатди.

Астрономия соҳасида, Берунийнинг қўл ёзмаларининг бирида Ибн Сино ой тутилишини кузатишдан фойдаланиб, шаҳарнинг узунлигини аниқлашнинг дастлабки усулини татбиқ қилгани ҳақида маълумот бериб ўтилган.

Бу аллома тўғрисида Сиз нима қўшимча факт келтира оласиз?

❤Umid Hudoyberdiev🙂
🕊Яқинларингизга улашинг

Muvaffaqiyat siri

Janob, muvaffaqiyatingizning siri nimada? — deb so‘radi jurnalist muvaffaqiyatli tadbirkordan.

–  Bu uzoq suhbatligini tushunaman, lekin qisqa qilib tushuncha bera olasizmi?

- Ha albatta...
Men ikki so'z bilan ham  javob bera olaman.

-  Atiga ikki so'zmi? Qanday so'zlar?

- To'g'ri qarorlar.

- Qanday qilib to'g'ri qaror qabul qilasiz?

- Bu yerda bitta so'z kifoya.

- Ha? Va bu so'z nima ekan?

- Tajriba!

-"Oh ... bu tajribaga qanday erishgansiz?"

Tadbirkor chin qalbdan kulib aytdi:

- Faqat ikki so'z.

- Va ular nima?

- Noto'g'ri qarorlar.💥

❤Umid Hudoyberdiev🙂
🕊Yaqinlarga ulashing

🎚#тавсия #тўйлармуборак

🗄Subyektiv.uz энди долзарб ижтимоий мавзу танлабди ва зўр ёритибди!

🗣Фақат кўриш ва тарқатишни эмас, кундалик ҳаётда фойдаланишни ҳам қатъий - Тавсия этамиз❗️

🫥 https://youtu.be/py24n8sOQik

❤️ Umid Hudoyberdiev 🙂
🕊 Яқинларга улашинг

#статисика #индекс

Ўзбекистон Ижтимоий тараққиёт индекси 2022 йил натижаларига кўра - 66,2 ни ташкил этди.

Ижтимоий тараққиёт индекси ўсиши бўйича Ўзбекистон 2022 йил натижаларига кўра +10,46 поғона кўтарилиб, кескин ўсиш суръати рейтингида 3 ўринни эгаллади.

Ижти­моий тараққиёт Индекси – бу жамиятнинг ўз фуқароларининг асосий инсоний эҳтиёжларини қондира олиш, фуқаролар ва аҳоли гуруҳларига ҳаёт сифатини сақлаб қолиш ва қўллаб­ қувватлаш имконини берадиган асос (базис) қуриш, шунинг­дек, барча кишиларга ўз салоҳиятларига эри­шишлари учун имкониятлар яратиб бера олиш қобилиятидир.

Ижтимоий тараққиёт индекси учта таш­кил этувчидан иборат:
✅ инсоннинг асосий эҳтиёжлари,
✅ фаровонлик асоси,
✅ имкони­ятлар.

🇺🇿Ўзбекистон аҳолисининг ҳаёт сифатини ошириш борасида муваффақиятга эри­шилиши лозим бўлган ижтимоий­-иқтисодий сиёсатни такомиллаштиришнинг асосий йўналишлари:

🚑аҳоли саломатлигини яхшилаш борасида амалга оширилаётган чора­-тадбирлар сифатини ошириш;

🍀атроф­ муҳитни муҳофаза қилиш ва уни ифлослантиришга қарши чора­-тадбирлар тизи­мини ишлаб чиқиш;

⚖️ аҳолининг шахсий ҳуқуқлари соҳасидаги вазиятни ижобий томонга ўзгартириш;

🏠хусусий мулк ҳуқуқини ҳимоя қилиш борасида амалий чораларни амалга ошириш;

🎤сўз эркинлигини таъминлаш борасидаги ишларда сифат ўзгаришларига эришиш.

❤️ Umid Hudoyberdiev 🙂
🕊 Яқинларга улашинг

#билим #хаёл

Инсон 🤔билган нарсаси билан, 🤷‍♂️биламан деб ўйлаган нарсаси ўртасида аксарият холларда фарқ бўлади.

❤️ Umid Hudoyberdiev 🙂
🕊 Яқинларга улашинг

#ҳаёт #фурсат

Доимо ёдингизда сақланг!

Умр ва вақт чекланган ва биз ҳамма нарсага, ушбу бизга насиба қилинган қисқа вақт ичида, улгуришимиз керак!

Эсда тутингки, бизнинг бугунимиз ҳақиқий ҳаёт олдидан бўладиган машқ ёки тайёргарлик эмас!

Бу ҳақиқий ҳаётнинг ўзи!
Шу кун, шу соат, шу фурсат!

Ишингизни, касбингизни севинг, ажойиб ҳаётингизни ва яқинларингизни қадрланг!

❤️ Umid Hudoyberdiev 🙂
🕊 Яқинларга улашинг

#кутиш

“Ҳаёт қандайдир абадий кутиш билан ўтади. Фильмлар, китоблар, сериаллар, воқеалар, одамлар, автобуслар кутиш. Қиш, баҳор, ёз, куз. Қўнғироқлар, хабарлар, учрашувлар. Иш ҳақи, иссиқ ҳаво, дам олиш кунлари. Барча нарса ўзгаришини кутиб ўтириш. Бир кун келиб ҳаммаси ўзидан ўзи яхши бўлади деган кутувда. Аслида эса кутишни тўхтатиб, ниҳоят яшашни бошлашингиз керак."
📝Элчин Сафарли «Бахт учун рецептлар»

❤️ Umid Hudoyberdiev 🙂
🕊 Яқинларга улашинг

#ривожланиш #шахс

Инсонлар…

Одамлар қизиқ ва тушунарсиз.

Бирор киши билан қанчалик катта фарқ (ёш, ижтимоий, даромад, рейтинг) бўлса, бу инсонлар бир-биринни шунчалик кам тушунадилар.

Шунинг учун кўплаб тадбиркорлар, менежерлар ва муваффақиятли инсонлар синфдошлари билан деярли алоқада бўлмайдилар, чунки кўпинча мактабдаги дўстлар ривожланишдан тўхтайдилар.

Шунинг учун ҳам бугунги кунда оилаларда ажралишлар кўп учраяпти, бунга сабаб - шахсий ривожланишдаги фарқ ва ҳоказо.

❤️ Umid Hudoyberdiev 🙂
🕊 Яқинларга улашинг

#ҳиммат #одоб #умр #ғайрат #ғурур

☀️Ранжимасин…

Соясида майли ўтир,
Япроқ сендан ранжимасин.
Покланиб, сўнг қабрга кир,
Тупроқ сендан ранжимасин.

Бу йўл нозик, сен омон бўл,
Нафсинг учун энг ёмон бўл,
Исмоилча ёт қурбон бўл,
Пичоқ сендан ранжимасин...

Ҳаволанма қўрисалар,
Тўғри сўзла сўрасалар,
Ўлсанг кафан ўрасалар -
Матоҳ сендан ранжимасин...

Ошиғинг кечгани маҳал,
Дод десин кўчганинг маҳал,
Сувидан ичганинг маҳал,
Булоқ сендан ранжимасин...

Маҳбубий ҳар мудом тик тур,
Душманга қарши тетик тур,
Фақат рукуъда эгик тур,
Халлоқ сендан ранжимасин...

Соясида майли ўтир,
Япроқ сендан ранжимасин.
Покланиб, сўнг қабрга кир,
Тупроқ сендан ранжимасин...
/Маҳбубий/

⏳Дўстлар!
Жума кунининг файзи ва барокати сизга бўлсин!

❤️ Umid Hudoyberdiev 🙂
🕊 Яқинларга улашинг

#яҳшилик #жамият #меҳнат

Инсонни ёмон жиҳатини кўриш, аниқлашга ва достон қилишда, тез ва субъектив баҳо беришга ўзбегим жуда моҳир.

Инсонни қанча салбий жиҳати бўлса, шунча ижобий ишлари ҳам кўп бўлади. Ҳаёт қарама-қаршиликлардан иборат.

Инсонларда яхши тарафни кўра билиш қобилиятини ривожлантиринг.

Барча нарсада яхшилик кўринг!

❤️ Umid Hudoyberdiev 🙂
🕊 Яқинларга улашинг

#урғу #тафаккур #тил

Диалог:

- Тил агар фақат муаммо туғдирса у нима учун инсонга керак?

- Авваламбор ёлғон гапириш учун, қолаверса - заҳар сўзлар тиканлари билан бир-бирида тузалиас яралар хосил қилиш учун, ва нихоят - бефойда ва билман нарса ҳақида қуруқ мулоҳаза юритиш учун керак!

❤️ Umid Hudoyberdiev 🙂
🕊 Яқинларга улашинг

#аҳмоқлик #одоб #тафаккур

Аҳмоқнинг белгилари:
1. Ўзини ҳаммадан ақллик билиш;
2. Қарши фикр қабул қилмаслик;
3. Фикрни ўзгартирмаслик;
4. Таъсир эта олмайдиган нарсага сиқилиш;
5. Маълумотларни текширмаслик;
6. Келажакни аниқ биламан деб уйлаш;
7. Бошқа дунёқарашдаги инсонларни душман билиш.

Юқоридаги рўйхатда ўзингизни хислатингизни топган бўлсангиз дарҳол уни ўзгартиришга киришинг.

❤️ Umid Hudoyberdiev 🙂
🕊 Яқинларга улашинг

Ушбу эксперимент ҳақида ижтимоий тармоқларда кўп мақолалар ёзилди.
Сабаби бу мавзу хар биримизнинг кундалик ҳаётимизни акс эттириб берди. Муваффақиятга эришиб олай кейин мазза қилиб яшайман деб юрганларнинг ўзи сон мингта. Бу пойгада Тангрим биз учун яратган оламнинг гўзаллигидан баҳраманд бўлишга қулай вақт топиладими? Ҳаётнинг хар лаҳзаси аслида энг катта бойлик, ундан ортиқ бойлик йўқ.

❤Umid Hudoyberdiev🙂
🕊Яқинларингизга улашинг

#қиш #фурсат #фасл #сиёсат

Қиш аёзлари кучи Баҳорнинг илиқлик тафтини кучайтиради! Барча нарса нисбатда гўзал, фурсат фаслида ўзгача!

Чуқур уйқуга чўмган табиат, янада кўкроқ сабз уради!

❤️ Umid Hudoyberdiev 🙂
🕊 Яқинларга улашинг

#маданият #мулоқот #одоб

Аввал СМС

Бирор кишига иш вақтида қўнғироқ қилишдан олдин СМС орқали суҳбатга розилик сўраш одобдан саналади.

Ушбу одоб-ахлоқ қоидаларига риоя қилмаслик қўпол кўринади, сабабини эса кўпчилик англамайди.

Ҳаммаси жуда оддий.
Ўзингизнинг масалангиз билан суҳбатдошни ишдан тўсатдан чалғитиб безовта қилиш, айниқса масала ундан кўра сизга кўпроқ керак бўлса. Бу суҳбатдошингизни шахсий чегараларини бузишдир.

Аммо СМС орқали ҳозир гаплашиш қулайми деб сўрашнинг ўзи кифоя эмас. Масаланинг моҳиятини қисқача таърифлаш лозим - суҳбатни қачон ўтказишни ўзи ҳал этиш имконини яратинг. Эҳтимол, сиз ҳамма нарсани СМС ёзишмаларда ҳал қиласиз.

Агар муҳим савол билан қўнғироқни огоҳлантирмасдан қилсангиз, узоқ саломлашиш, "Безовта қилмадимми?"- деган ортиқча гаплар, иккиланишларсиз масалани  аниқ ва лўнда изоҳлаш лозим.

Ўзгалар вақтини қадрланг! Инсонни ҳайвондан фарқланадиган жиҳати - фаҳми, фаросати ва одобидир. Одобингиз албатта кўринади, сезилади ва хуш келади!

Унутманг!!!

Суҳбатдошингизда ўғирлашингиз мумкин бўлган энг қимматли ва қайтариб бўлмайдиган ресурс бу - вақтдир!

❤Umid Hudoyberdiev🙂
🕊Яқинларингизга улашинг

#қулайлик #фойда #тез #маълумот

Ўзингизни қизиқтирган мавзуга босинг ва маълумот билан танишинг📍

MFaktor платформасидаги илк суғурта мавзусидаги контент! - Бизнесни суғурталаш тадбиркорга нима беради? | "Rakurs" loyihasi | "Ракурс" лойиҳаси

Бизнесда Риск менежмент"MFaktor Executive" ёпиқ учрашуви (онлайн трансляция)- Бизнес ва соҳа эгалари учун фойдали билимлар.

Бизнес ва инвестиция - IPO нима?

Абдуманнон домла Абдуллоҳ суҳбатларидан ва илмларидан- Илм мажлиси бўлган жойда хайр барака бордир!

Бизнес ва бошқарув - KPI нима?

Дўстлар билан бизнес бошлаш- Бизнес ва дўстлик!

XXI-асрда замонавий инсон қандай асосий қобилиятга эга бўлиши зарур?- Замонавий инсоннинг энг асосий сифати!

Нархлар таҳлили ҳақида- Биржа савдосида нархларни кўтарилиши ва тушиши ҳаракатларини тушунишга ёрдам берадиган икки хил таҳлил мавжуд

Лидерлик хислатлари ҳақида- Ҳақиқий Лидернинг 6та сири

Маълум бир бренд истеъмолчилар онгидан жой эгаллаши ҳақида- Маркетинг ва реклама қоидаси.

Ҳалоллик ҳақида- Ҳалоллик шуҳратдан (фойдадан) устун!

AMAZONнинг Ўзбекистондаги ибтидоси - BTS почта хизмати бизнесига видео саёҳат.

Бахт ҳақида- Бахтга тайёрмисиз?

❤Umid Hudoyberdiev🙂
🕊Яқинларингизга улашинг

#куч #танлов #тафаккур

КУЧ ВА ҚУВВАТИНГИЗНИ  САРФЛАМАСЛИГИНГИЗ КЕРАК БЎЛГАН 7️⃣ ТА НАРСА:

1. Қувватингизни сизни қўллаб-қувватламайдиган одамларга сарфламанг.

2. Бошқалар сиз ҳақингизда нима деб ўйлаши ҳақида қайғуриб, куч сарфламанг.

3. Қувватингизни сизни суймаган инсонлар билан мустаҳкам муносабатлар тузишга сарфламанг.  СУЙМАГАНГА СУЙКАЛМА деган мақол бу ерда жуда ўринли.

4. Қувватингизни фақат муҳтож пайтингизда келадиган одамларга сарфламанг.

5. Бошқаларнинг муаммоларини ҳал қилишга кучингизни сарфламанг. Ёрдам бериш бошқа, сизга тегишли бўлмаган муаммоларга аралашиш бошқа.

6. Қувватингизни сизга фойда келтирмайдиган нарсаларга сарфламанг.

7. Одамларни ҳайратда қолдириш учун куч сарфламанг.

❤Umid Hudoyberdiev🙂
🕊Яқинларингизга улашинг