«Биз – ҳар бир кейинги лаҳзанинг муаллифимиз»

Инсон – тақдир ёзувчиси эмас, лекин ҳар бир лаҳзасига жавобгар. Аллоҳ ихтиёри билан бизга берилган энг нодир неъмат – вақт. Ва шу вақтнинг ҳар бир зарраси – бизга берилган имконият.

Ҳозирги лаҳза – бу сиз билан Роббингиз ўртасидаги муҳтарам учрашув нуқтаси. Қандай муносабатда бўласиз? Ғафлатда қоласизми? Ёки қалбингизни тоза ният, тавба ва ҳаракат билан равшан қиласизми?

Ҳар бир инсон ё ўз лаҳзасини баҳона билан тўлдиради, ёки маъно билан. Фақат маънони танлаганлар келажакнинг ҳақиқий муаллифига айланадилар. Улар вақтга таслим бўлмайди – улар уни ишғол ва ислоҳ қилади.

Яхши ният, таваккул, ва ҳаракат – мана сиз ёзаётган ҳаёт саҳифаларининг гўзаллиги. Уларни қандай ёзасиз – сиз қарор қиласиз. Лекин ёдда тутинг: ҳар лаҳза – охирги бўлиши мумкин. Ҳамда барча сўнгги пушаймонлар ва саволлар ёлғиз ўзингизга!

Ҳаёт лаҳзалар тўплами ёки ўша бир лаҳзанинг ўзидир!

✍️ Umid Hudoyberdiev|Online

Ҳурматли азиз ўқувчилар, дўстлар!

Сизларга самимий миннатдорлигимни билдирмоқчиман.

Биламан — бу блогда эълон қилинаётган мавзулар оддий ва енгил эмас. Биз сизлар билан бирга ҳаётнинг юракларга таъсир қилувчи, баъзида оғриқли, баъзида руҳий тозалаш талаб қиладиган масалаларини муҳокама қиламиз. Бу руҳий фойдаси катта бўлган, аммо оғир таркибга эга контентдир.

Шуни билган ҳолда, кўпчилигингиз ушбу материалларга жиддий ёндашишингизни, фикр юритиб, охиригача ўқишингизни кўриб қувонаман. Бугунги шиддатли, маълумот оқими тезкор, диққат тараққиётга қарши курашаётган замонда ўқиш, тафаккур, фикр қилиш — бу алоҳида фазилатдир.

Сизларнинг шундай масъулият ва эҳтирос билан ўқишингиз — мен учун илҳом манбаи. Бу сафарда биз бирга эканлигимизга шукрона айтаман.

Янада чуқурроқ, самимийроқ, маънавийроқ саҳифалар олдимизда. Келинг, бу йўлни бирга давом эттирамиз, шахсимиз ислоҳи йўлида бардавом бўламиз. Яқинларингизга фикрларни улашинг, лайк ва изоҳларда фаол бўлинг!

Ҳурмат билан,
Умид Худойбердиев

✍️ Umid Hudoyberdiev|Online

Бахтли фарзанд — бу натижа эмас масъулият. Агар фарзандингиз бахтли бўлишини истасангиз, биринчи қадам — ўзингизни бахтли қилиш. Бу ғурур эмас. Бу масъулият.

Сиз нима ўргатсангиз, фарзанд шунга қараб улғаяди. Агар сиз ўзингизни доим қурбон қилувчи, чарчаган, ҳаётдан норози инсон сифатида кўрсатсангиз — у шуни «нормал ҳаёт» деб қабул қилади. Агар сиз ўзингизни қадрласангиз, саломатлигингизга, кўнглингизга, руҳиятингизга, ҳисларингизга эътибор берсангиз — фарзандингиз ҳам шуни ўрганади.

Ота-онага ғамхўрлик — бу фақат дори олиб келиш ёки маслаҳат сўраб қўнғироқ қилиш эмас. Энг чуқур ғамхўрлик — бу уларнинг хотиржам бўлишига сабабчи бўлиш. Агар фарзанд ўзини тартибга солса, яхши инсонга айланса, ҳаётини яхши йўлга қўйса — ота-онанинг юраги тинч бўлади. Бу эса энг гўзал ғамхўрлик.

Фарзанд ўз ҳаётига жиддий ёндашганда, вақтини зое қилмай, қалбини соғлом сақлаб, доим яхшиликка интилиб яшаганида — у нафақат ўз бахтини яратади, балки ота-онасининг бахтини ҳам кафолатлаб беради.

Шунинг учун, агар фарзандингиз бахтли бўлишини хоҳласангиз — бугун ўзингиздан бошланг.
Ўзингизни тузатинг. Руҳий ҳолатингизни, оилангиздаги муҳитни, ҳаётингизнинг мақсадини қайта кўриб чиқинг.

Фарзандингизнинг эртанги куни бугунги ўзгаришингизга боғлиқ.


Бугундан бошлаб ҳаётингиздаги битта зарарли одатни тўхтатинг. Бир вақтда битта яхшиликни жорий этинг. Сиз бахтли бўлишни танласангиз — фарзандингиз ҳам шу йўлдан боради.

Сиз ўзингиздаги нурни ёқмасангиз — фарзанд қаердан ёруғлик олсин?
Аллоҳ сизга қувват, тавфиқ ва қалбий ростлик ато этсин.

✍️ Umid Hudoyberdiev|Online

🧠 Мия фаолиятига зиён етказувчи омиллар

Инсоннинг энг қимматли бойлиги — бу ақли. Мия саломатлиги тўғри қарорлар қабул қилиш, ўрганиш, хотира ва ҳаётий энергия учун асосий манбадир. Аммо, афсуски, баъзи одатлар ва ҳаёт тарзи мия фаолиятига жиддий зарар етказиши мумкин.

Қуйида шундай хавфли омиллар ҳақида сўз борамиз.

1. 📉 Енгил ҳаёт – мия учун хавф

Агар инсон миясини мунтазам равишда машқ қилмаса, у аста-секин сустлашади. Янги билимлар ўрганмаслик, мураккаб вазифалардан қочиш — нейрон алоқаларнинг заифлашишига олиб келади. Мия ҳам мушак каби: уни машқ қилмасангиз, у ожизлашади.

2. 🚬 Зарарли одатлар

Тамаки чекиш мия пўстининг қаттиқлик даражасини пасайтиради. Бу эса фикрлаш, таҳлил қилиш, тез қарор қабул қилиш қобилиятига салбий таъсир қилади. Алкоголь эса нейронлар орасидаги табиий боғланишларни бузиб, хотира ва диққатни сусайтиради.

3. 🏃 Камҳаракатлик

Жисмоний фаоллик фақат тана учун эмас, мия учун ҳам зарур. Фаол ҳаракат қилиш қон айланишини яхшилайди, мияга кислород ва озуқа моддалари етиб боришини таъминлайди. Ҳаракатсизлик эса аста-секин миянинг функционал салоҳиятини камайтиради.

4. 🍔 Нотўғри овқатланиш

Мия учун муҳим бўлган витамин ва минераллар етишмаса, инсонда диққат етишмаслиги, хотира сусайиши ва фикрлашда секинлик кузатилади. Фастфуд, шўр ва шакарли маҳсулотлар мия учун “куч” эмас, балки “заҳар” бўлиши мумкин.

5. 😴 Сифатсиз уйқу

Тўлиқ дам олмаган мия тўғри ишлай олмайди. Эртасига эътиборсизлик, чарчоқ, асабийлик ва апатия каби ҳолатлар намоён бўлади. Уйқу — бу миянинг “қайта тикиланиш” жараёни. Ундан маҳрум бўлиш катта зарарга олиб келади.

Агар сиз ақлингиз теран, хотирангиз кучли ва қарорларингиз аниқ бўлишини истасангиз — мияга ғамхўрлик қилинг. Унга машқ, тоза ҳаво, соғлом таом, тинч уйқу ва ёмон одатлардан йироқ ҳаёт керак.

Мия сизни доимо унга қилган муомалага яраша мукофотлайди.

Тафаккур, эътибор, янги ғоялар, тахлил, тўғри қарорлар ва бошқалар миянинг сизга мукофотидир!

✍️ Umid Hudoyberdiev|Online

8 нарсадан воз кечиш вақти келди

Биз кўпинча ўзимизга ўзимиз тўсиқ бўлиб қоламиз. Эркин ва бахтли яшашга, ўз салоҳиятимизни рўёбга чиқаришга йўл бермайдиган тўрт томондан келган уйғун тўсиқлар бор. Ана шу 8 нарса борки — уларни энди ҳаётингиздан чиқариш керак:

💔 Ҳаммага ёқиш истаги
Ҳамма сизни яхши кўриши шарт эмас. Ҳақиқатни айтиш, ўзингиз бўлиш — шундоқ ҳам ҳақиқий одамларнинг ҳурматини қозонади.

💔 Ўзгаришдан қўрқиш
Ўзгариш — ривожланишнинг эшигидир. Агар ҳар доим хавфсиз ҳудудда қолаверсангиз, ўзингизни топа олмайсиз.

💔 Ўтмишда яшаш
Ўтмиш сабоқ учун керак, унда яшаш учун эмас. Ҳар бир янги кун — янги имконият. Ундан фойдаланинг.

💔 Ортиқча ўйлаб, қадам ташламаслик
Фикрларингизда йўқ бўлиб қолманг. Қўрқувлар ва тахминлар ичида эмас, амалий ҳаракатда ҳақиқат яширин.

💔 Бошқалардан фарқли бўлишдан уялиш
Сизнинг фарқингиз — сизнинг кучиингиз. Эркин бўлинг. Сиз қиёсий эмассиз — сиз бетакрорсиз.

💔 Хатодан қўрқиш
Хатолар — ўсиш зинапояси. Усиз тажриба бўлмайди. Хато қилганингиз учун эмас, қайта турмаганингиз учун афсусланинг.

💔 Ўз бахтингиздан воз кечиш
Фақатгина бошқалар рози бўлишлари учун ўз орзуингиздан кечманг. Сизнинг ҳаётингиз сизнинг масъулиятингиз.

💔 “Мен яхши эмасман” деган фикрлар
Бу фикрлар ёлғон. Бу фикрлардан ўзингизни озод этинг. Худо сизда нур жойлаган — уни яширманг.


Ҳақиқий озодлик — ўзинг бўлишдан бошланади.
Сиз ўзингиз бўлишга розимисиз? Йўл — қўрқувларни ташлаб, эркинликка юришдан бошланади. Бугун шу қадамни ташланг.

✍️ Umid Hudoyberdiev|Online

Келинг, қизиқ бир иқтибос келтирамиз. Фараз қилинг, сиз бир неча шарларни ўйнатувчи моҳир жонглёрсиз. Тўпларнинг номи: "иш", "оила", "дўстлар", "иймон". Буларнинг ичида фақатгина "иш" резинали тўп. Уни билмасдан туширворсангиз қайтиб сакраб қўлингизга маълум вақтдан сўнг қайтиб келади. Қолган барча тўплар - шишадан…

✍️ Umid Hudoyberdiev|Online

‼️Шоҳ вазирига Нок, олма, Анор келтир деди. Вазир 1 та мевани келтирди. Шох вазирни зукколиги учун мукофотлади!
Бу қайси мевa?

Бу саволни жавобини мактабда 1-синф ўқувчиларинг барчаси тўғри топишган.

Савол: Вазир шохга шунда, қайси мевани олиб келган? 😅

Сиз ҳам тўғри жавобни топа оласизми?

👇🏼Жавобни билиш👇🏻

MDH hududida islom moliyasini jadallashtirish!

AlHuda CIBE tomonidan tashkil etilgan “4-MDH – Islom banki va moliya forumi 2025”da bizga qo‘shiling – bu yerda MDH mintaqasi bo‘ylab islom moliyasining kelajagini belgilash uchun istiqbolli mutaxassislar, yetakchi soha mutaxassislari va moliyaviy innovatorlar birlashadi.

📅 Sana: 2025-yil 16-18-iyun
📍 O‘tkazilish joyi: Hyatt Regency mehmonxonasi, Toshkent, O‘zbekiston

Tasdiqlangan spikerimiz – “Amana Sug‘urta” AJ boshqaruvi raisi janob Umid Xudayberdievni ushbu yforumda qimmatli fikrlari va tajribalari bilan “Takaful tizimini rivojlantirishda davlatning roli” mavzusida o‘rtoqlashayotganini e’lon qilishdan mamnunmiz.

🔗 Hoziroq ro‘yxatdan o‘ting yoki qo‘shimcha ma’lumot oling:
📩 Elektron pochta manzili: [email protected]
📱 Telegram: +971508421423, +971 52 865 5523

Идишда нима бўлса ўша пиёлада намоён бўлади…

Агар жомда сув бўлса, ундан шарбат кутманг. Инсон ҳам худди шу каби: у қалбида нима жамлаган бўлса, шундан ортиғини беролмайди.

Кўпинча биз кимнидир ўзимизга яраша тушунишини, биз истагандек ҳаракат қилишини кутамиз. Аммо у одам бошқача дунёқарашга, бошқача тажрибага эга. Унинг жоми бошқача тўлган.

Биз баъзан инсондан самимият, фаҳм ва ғамхўрлик кутамиз. Аммо у киши қалбида бунга асос бўлмаса, кутганимиз — хаёл бўлиб қолади.

Агар жом бўш бўлса, у сиз кутган завқни беролмайди.

Энг муҳими — ўз жомингизни тозалик, ният ва фазилатлар билан тўлдириш. Чунки инсондан оқиб чиқадиган сўз ва амал — қалбдаги борлиқнинг аксидир.

Қуруқ сувга тула жомдан шарбат кутиш нодонлик!

✍️ Umid Hudoyberdiev|Online

Ўсишингиз шунчалик жиддий бўлсинки, одамлар: “Бу ўша одамми?” деб сиз билан қайта танишишига тўғри келсин. Илгаригидан бошқача фикрлайдиган, бошқача юрадиган, бошқача ишлайдиган инсонга айланинг.

Ҳар кунлик ҳаракатларингиз орқали ўзингизни янгидан яратинг. Одамлар сизни эмас, сизнинг натижангизни кўрсин.

✍️ Umid Hudoyberdiev|Online

«Ўшанда бошқача қилганимда эди…»

Эҳтимол, сизга ҳам таниш бу гаплар:
«Агар ўша ишни қилмаганимда…»,
«Ўша гапга рози бўлганимда…»,
«Бошқа йўлни танлаганимда…»
«Ўша вазиятда бошқача гапирганимда…»

Бу фикрлар илк бор шунчаки хотирадек келади. Лекин вақт ўтиши билан қалбни эза бошлайди. Ўзингизни айбдор ҳис қилишга мажбурлайди. Ўтмишни «тўғрилаш» хоҳиши бугунги тинчликни ўғирлайди.

Хатто бу фикрлар 10 дақиқа олдин бўлиб ўтшан ҳолатга нисбатан ҳам ички кечинмаларда юзага келади!

Бир сўз билан айтганда — бу ўйлар инсонни ўзига қарши қўяди.

Лекин аслида, сиз ҳозир қаерда бўлсангиз ҳам — айнан шу ҳолат, аниқ-ки, эришишингиз мумкин бўлган энг яхшисидир.

Чунки ҳар бир қарор, ҳар бир кечиккан имконият, ҳатто «хатолар» — барчаси сизга сабоқ бўлди. Сизни ҳозирги ақлингиз, тажрибангиз ва қарашларингизга олиб келди.

Албатта, бошқача қилишингиз ҳам мумкин эди.
Лекин сиз инсонсиз. Келажакни кўра олмайсиз. Лекин Яратган кўради.
Эҳтимол ўша «бошқача» сиз учун оғир оқибатларга олиб келар эди.

Инсон таъбир жоиз бўлганда яхшиликда ёмонлик ва ёмонликда яхшилик кўра олиш қобилиятига эга эмас.

Ҳар гал “Агар…” деб афсусга тушаётган бўлсангиз, бир сўзни эсдан чиқарманг:
Бу — тақдир.

Шайтон инсонни афсус билан надомат заифлаштиради. Унинг мақсади — сиздан ҳозирги бор неъматларингизга нисбатан шукрни унуттириш.

Сиз ўзингизни кечирмасангиз, бугунги ҳаётингизга аниқ қадам ташлай олмайсиз.

Шукр қилинг. Афсусни ташланг. Ҳақиқат билан яшанг.

Шунда бир кун келиб айтасиз:

«Шукрки, ўшанда барчаси айнан шундай бўлган. Акс ҳолда мен бугунги ҳолга ета олмасдим.»

Сиз ҳозирги жойда бекорга эмассиз.
Ҳозирги натижангиз — энг яхши сценарий, бўлиши мумкин бўлган энг зўр натижа.

Шукр қилсангиз — Аллоҳ янада зиёда қилади.

Агар афсус билан яшасангиз — бор неъматингизни ҳам сезмай яшаб ўтиб кетасиз. Ва афсуски бундай тоифа одамлар жамиятда кўпчиликни ташкил этади.

✍️ Umid Hudoyberdiev|Online

Ўзингга фақат ўзинг ёрдам бер…

Тасаввур қилинг, сизнинг яқин дўстингиз оғир ҳолда — ишсиз, мақсадсиз ва руҳан тушкун. Сиз унга иш топиб берасиз, мотивацияли китоблар маслаҳат берасиз, ҳатто резюмесини ёзиб бериб, суҳбатга юборасиз. Бир неча ҳафтадан сўнг — у яна уйда, ҳаётдан шикоят қилмоқда. Бу ҳолатга бошқа талайгина мисоллар келтириш мумкин.

❗️Нега?
Чунки унда ички қарор бўлмади. У ўзгаришни хоҳламади — фақат сиз хоҳладингиз.


🎯Нима учун бу қайта-қайта содир бўлади?

Яхши инсонлар кўпинча “мен ёрдам бераман, шунда у ўзгаради” деб ўйлайди. Лекин…
• Инсоннинг қалбида ўзгаришга эҳтиёж туғилмаса,
Энг тўғри гаплар ҳам бекор кетади.
• Қалбида умид ва ҳаракат ёқилмаси бўлмаса,
Энг ёруғ чироқ ҳам йўл кўрсатмайди.

🔗Нима қилиш керак?

Биз ўз бурчимизни бажарамиз:
• Маслаҳат берамиз.
• Ўрнак бўламиз.
• Севамиз.
• Дуо қиламиз.

Лекин инсоннинг ўз ҳаёти учун масъулиятини унинг ўзи олиши шарт.

Кимгадир ёрдам беришни ўйлар экансиз сизнинг бирламчи вазифангиз:
• Аввало, у инсон ўзгаришга тайёрми?
• Ёрдамни зўрлаш эмас, даъват сифатида беринг.
• Ўзингизга кўп нарса олмарнг — ўзгаришни у хоҳлаши шарт.

Бугунги кунда кимнингдир ҳаётида ўзгариш қилишга бел боғлаганмисиз? Унга маслаҳат бермоқчимисиз?

Сўзларингиздан олдин бир дақиқа сукунат қилинг:
У инсон тайёрми?
Агар жавоб «йўқ» бўлса — сизнинг бурчингиз фақат дуо ва ибрат қолади.

✍️ Umid Hudoyberdiev|Online

🟢 Қувонч ҳам, ғам ҳам юқумли…

Бир инсон бирор сўз айтмаса-да, унинг ичидаги ҳолат атрофга тарқалади. Баъзан бир бахтли инсон атрофдагиларни руҳлантиради — гўё юзида нур бор, гапида умид бор, нафасида салоҳият бор. У бирор махсус ҳаракат қилмайди — аммо ўзининг кўнгли тоза, қалби равшан. Шунинг ўзи кифоя.

Лекин худди шундай, ички қоронғилик ҳам юқади. Ҳеч нима демаса-да, қалбини зулмат қамраган инсон муҳитга оғирлик солади, юракларини қисади.

Чунки ҳиссиётлар — сўзсиз тарқаладиган “инфекция”. Улар ҳаводаги бадбўй ҳид каби кўринмайди, лекин таъсир қилади.

Шунинг учун қалбни поклаш — фақат шахсий иш эмас. Бу ижтимоий масъулият.

Шу сабабдан ҳар куни қалбимизни тозалаш — нафақат ўзимиз учун, балки атрофдаги ҳар бир киши учун ҳам хайрли ишдир.

Сиз қалбингиз билан кимларгадир ёруғлик юборяпсизми — ёки салқин зулмат?
Бу саволни ҳар куни ўзимизга бериб юрайлик.

✍️ Umid Hudoyberdiev|Online

Баъзан ҳаёт тоқатсиздек туюлади. Бир фурсатдан сўнг эса – тоқатсиз даражада гўзал. Ҳаёт аслида ўзгармайди. Ўзгарувчи – фақат сизинг нигоҳингиз. Қалбингиздаги туйғуни ўзгартирсангиз, дунё ҳам ранги ўзгаради. Баъзан ҳаёт оғир эмас – бизнинг муносабатимиз оғир.

Ҳаёт доим ўз паст ва баландлари билан ўша-ўша бир хил, унга бизнинг муносабатимиз турли хил.

✍️ Umid Hudoyberdiev|Online

Ҳиссиёт ва ақл кураши – инсон хатоларининг илдизи

Инсон табиати икки кучдан иборат: ақл ва ҳиссиёт. Улар ҳар куни, ҳар соатда, ҳар қарорда ўзаро курашда бўлади. Ва айнан шу кураш — инсон қилган кўплаб хатоларнинг асосий сабабчисидир.

Ҳиссиёт – тезкор, оғир, тўсатдан пайдо бўладиган куч. У сизни шиддат билан қарор қабул қилишга мажбур қилади: ғазаб, ҳасад, муҳаббат, қўрқув, завқ – буларнинг ҳар бири ақлга имконият бермайдиган даражада кучли бўлиши мумкин.

Ақл эса – хомуш, лекин теран. У жойи ва вақти билан гапиради. Лекин аксар ҳолда ҳиссиёт ундан илгарилаб, қарорни “тезда” қабул қилиб бўлади.

Натижа:
• Пушаймон, афсус.
• “Нега аввал ўйламадим?”
• “Ҳар сафар шунақа бўлади!”

Танишми?

Ечим қаерда?

1. Ақлга вақт беришни ўрганинг
Ҳар қандай кучли ҳиссиётда интизомли сукунат яратиш — катта салоҳиятнинг белгисидир. “Беш дақиқа қоидаси” ёрдам беради: қарор қабул қилишдан аввал 5 дақиқа ҳеч нарса қилмаслик. Бу вақтда ақл етарли куч топади. Аммо бир хил катта қарорларга ҳатто кунлар керак бўлади.

2. Ҳиссиётни йўққа чиқарманг – уни эшитинг
Ҳиссиёт – дўст эмас, душман ҳам эмас. У даракчи. Лекин қарор қабул қилувчи — ақл бўлиши керак. Ҳиссиётни инкор қилманг, лекин унга раҳбарлик ҳам берманг.

3. Қарор қабул қилишда “савол” ечимдир
Ўзингиздан сўранг:
• “Бу қарорга қайси ҳис туфайли келдим?”
• “Бу ҳис вақтинчаликми?”
• “Бир кундан кейин ҳам шундай қарор қиламанми?”

Агар инсон фақат ҳиссиётга суянса – у ёлғонга, манманликка, зиёнга бошлайди. Агар фақат ақлга суянса – у сўроқсиз, совуқ ва бефарқ бўлади. Иккаласини тартибга сола олган одамгина ҳақиқат ва хато орасини ажрата олади. Мувозанатли ҳаёт кечиради.


Ақл — нур. Ҳиссиёт — қувват.
Улар биргаликда бўлса — инсон баркамол, қарорлари эса бардавом бўлади.

✍️ Umid Hudoyberdiev|Online