Тадбиркорлар учун интеллектуал мулкка оид ҳуқуқий тушунтиришлар берилди

👍 Савдо-саноат палатаси ва Адлия вазирлиги ўртасида интеллектуал мулк ҳуқуқини ҳимоя қилиш бўйича тузилган меморандум доирасида тадбиркорлар билан учрашув ташкил этилди.

👍 Учрашувда Ўзбекистон Республикасининг 2025 йил 8 августдаги ЎРҚ–1080-сон Қонуни билан интеллектуал мулк ҳуқуқини бузганлик учун жавобгарлик кучайтирилганлиги, хусусан интеллектуал мулкдан ноқонуний фойдаланиш кўп миқдорда зарар етказган ҳолда содир этилган бўлса уч йилгача озодликни чеклаш ёки уч йилгача озодликдан маҳрум қилиш билан жазоланиши муҳокама қилинди.

👍Шу боис, тадбиркорларга ўзга шахсларнинг интеллектуал мулк объектларидан, хусусан товар белгиларидан ноқонуний фойдаланиш ўрнига ўз брендига эга бўлиш учун афзалликлари ҳақида тушунчалар берилиб, уларни тижоратлаштиришга эришиш учун талабнома топшириш тартиблари кўрсатиб берилди.

👍 Шунингдек, учрашув давомида “KFC”, “Krember” ва “Hayot” товар белгиларига бўлган ҳуқуқлари бузилаётганлиги юзасидан маълумотлар олинди ва ушбу ҳолат бўйича тегишли чоралар кўриш учун ҳуқуқ эгалари билан чора-тадбирлар белгилаб олинди.

🕊Telegram 📱Instagram 📱Facebook 📺Youtube

Нишон туманида хотин-қизлар тадбиркорликка йўналтирилди

👍 Нишон туманидаги “Гулзор”, “Юксалиш”, “Қаптарли”, “Байналминал”, “Навбаҳор” ва “Тинчлик” маҳаллаларида даромад топиш истагида бўлган хотин-қизлар билан учрашув ўтказилди.

Учрашувда уларга Савдо-саноат палатасининг “Тадбиркорлик компетенциялари” ўқув дастури ҳақида маълумот берилди. Шунингдек, суҳбат жараёнида хотин-қизларнинг мавжуд касб-ҳунар кўникмалари ўрганилиб, мустақил даромад топишлари учун зарур йўналишлар тавсия этилди.

Хусусан, Савдо-саноат палатаси, Нишон тумани ҳокимлиги ва “Ҳунарманд” уюшмаси ҳамкорлигида гилам тўқиш санъати устаси, маҳаллий ҳунарманд Раъно Эшқувватова учун туман ҳудудида “Ҳунармандлар маркази” ташкил этиш лойиҳаси кўриб чиқилди.

Раъно Эшқувватова бугунги кунда 35 та ишчи ўрни яратиб, юзлаб шогирдлар тайёрлаган. Шу билан бирга, 2025 йил январь ойида Қорақалпоғистон Республикасида ўтказилган “Тадбиркор аёллар ҳафталиги”да Қашқадарё вилояти номидан қатнашиб, қорақалпоқ аёлларига Қашқадарё нақшлари асосида гилам тўқиш бўйича маҳорат дарслари ўтказган.

Шунингдек, учрашув чоғида бизнес ғоясига эга 4 нафар хотин-қиз АТ “Халқ банки” орқали имтиёзли кредит олишга йўналтирилди.

🕊Telegram 📱Instagram 📱Facebook 📺Youtube

Япония билан ҳамкорлик: қишлоқ аёлларини тадбиркорликка ўргатиш ва атроф-муҳитни яхшилашга қаратилган янги ташаббуслар

🇺🇿🇯🇵 Аввал хабар қилганимиздек, Ўзбекистон Савдо-саноат палатаси Япониянинг OISCA халқаро нодавлат ташкилоти билан қишлоқ хўжалиги йўналишидаги тадбиркорларни қўллаб-қувватлаш ҳамда яшил иқтисодиёт тамойилларига асосланган лойиҳаларни ривожлантириш бўйича ҳамкорлик меморандумини имзолаган эди.

Мазкур меморандум доирасида жорий ийлнинг 29 сентябрь куни Палата раиси ўринбосари Нодира Шотурсунова ҳамда OISCA ижрочи президенти Нагаиси Ясуаки ўртасида учрашув бўлиб ўтди.

👍Учрашувда OISCA ташкилотининг халқаро тажрибалари ҳақида маълумот берилди. Жумладан, Бангладешда қишлоқ хотин-қизларини органик маҳсулотлар етиштиришга ўргатиш орқали турмуш даражасини ошириш, Филиппинда эса тайфунлардан ҳимоя мақсадида дарахтлар экиш лойиҳалари ҳақида сўз юритилди.

Шунингдек, Ўзбекистонда мазкур тажрибани қўллаш имкониятлари муҳокама қилинди. Хусусан, Оролбўйи ҳудудида 40 минг гектар майдонда саксовул экиш лойиҳаси кўриб чиқилаётгани қайд этилди.

Учрашув якунида OISCAнинг Ўзбекистонда ваколатхонаси ташкил этилиши ва қишлоқ аёлларини янги турдаги маҳсулотлар етиштиришга ўргатиш, уларнинг турмуш даражасини оширишга қаратилган қўшма лойиҳаларни амалга ошириш масалалари муҳокама қилинди.

Бу ҳамкорлик аҳолига даромад топиш имкониятларини яратиш билан бирга, экологик барқарорлик ва атроф-муҳитни муҳофаза қилишда ҳам муҳим аҳамият касб этади.

🕊Telegram 📱Instagram 📱Facebook 📺 Youtube