Пекин шаҳрида Глобал аёллар саммити бўлиб ўтмоқда

🌏 Жорий йилнинг 13–14 октябрь кунлари Пекин шаҳрида Хитой Халқ Республикаси Президенти Си Цзинпин ҳамда БМТнинг Гендер тенглик ва хотин-қизлар ҳуқуқларини кенгайтириш бўйича тузилмаси ташаббуси билан Глобал аёллар саммити ўтказилмоқда.

Саммит 1995 йилда қабул қилинган Пекин декларацияси ва Ҳаракатлар платформасининг 30 йиллиги арафасида ташкил этилган бўлиб, унинг асосий мақсади — гендер тенгликни мустаҳкамлаш, аёлларнинг ижтимоий-иқтисодий фаоллигини ошириш ва уларнинг глобал ривожланишдаги иштирокини кенгайтиришдан иборат.

🇺🇿 Тадбирда 100 дан ортиқ мамлакатлар делегациялари қаторида Ўзбекистондан Бош вазир ўринбосари — Оила ва хотин-қизлар қўмитаси раиси Зулайхо Маҳкамова раҳбарлигидаги делегация ҳам иштирок этмоқда. Делегация таркибига Савдо-саноат палатаси раиси ўринбосари Шаҳло Ибрагимова ҳам кирди.

Форум доирасида мамлакатимизда хотин-қизларни қўллаб-қувватлаш, уларнинг ҳуқуқ ва имкониятларини кенгайтириш борасидаги устувор йўналишлар ва амалий ташаббусларни тақдимот қилиниб, рақамли технологиялар, “яшил” иқтисодиёт, аёл тадбиркорлиги, STEM-таълим, халқаро грантлар ва аёллар салоҳиятини оширишга қаратилган ташаббуслар муҳокама қилинди.

Шунингдек, саммит доирасида Хитой халқ сиёсий маслаҳат Кенгаши раиси ўринбосари, Бутунхитой аёллар федерацияси раҳбари Шен Юэюэ хоним билан мулоқот ўтказилди.Суҳбат чоғида тарафлар саммит якунларини амалга ошириш масалалари ҳамда хотин-қизларнинг ҳар томонлама ривожланиши жараёнини жадаллаштириш бўйича фикр алмашдилар.

🕊Telegram 📱Instagram 📱Facebook 📺Youtube

Ўзбекистон ва Афғонистон ўртасидаги савдо-иқтисодий ҳамкорлик янги босқичга чиқмоқда

👍 Ўзбекистон Савдо-саноат палатаси раиси Даврон Вахабов Афғонистон Савдо ва инвестициялар палатаси (ACCI) раиси ўринбосари жаноб Ариян Азимий бошчилигидаги делегация билан учрашув ўтказди.

Суҳбат давомида икки мамлакат ўртасидаги савдо-иқтисодий ҳамкорликни кенгайтириш, хусусий секторлар ўртасидаги алоқаларни мустаҳкамлаш ҳамда ўзаро инвестицияларни рағбатлантириш масалалари муҳокама қилинди.

Учрашувда қуйидаги ташаббуслар илгари сурилди:
👍 ҳар чоракда Тошкент, Қобул, Термиз ва Балх шаҳарларида B2B учрашувлар ташкил этиш;
👍 ACCI ваколатхонасини Тошкентда очиш орқали инвестицион алоқаларни кучайтириш;
👍 Афғонистон тадбиркорлари учун бизнес визаларини соддалаштириш ва таклифнома олиш жараёнини енгиллаштириш;
👍 Термиз портида юк ташиш жараёнларини тезлаштириш ва божхона тартиб-таомилларини оптималлаштириш;
👍 ҳар йили Қобул ва Тошкент (ёки Мозори Шариф ва Термиз)да қўшма савдо кўргазмаларини ўтказиш.

Томонлар ушбу ташаббусларни амалга ошириш икки давлат ўртасидаги савдо ҳажмини ошириш, янги инвестиция лойиҳаларини йўлга қўйиш ва хусусий секторлар ҳамкорлигини янада фаоллаштиришга хизмат қилишини таъкидладилар.

Учрашув якунида Даврон Вахабов Афғонистон делегациясининг ташрифини икки мамлакат ўртасидаги савдо ва иқтисодий алоқаларда янги босқични бошлаб берувчи муҳим қадам сифатида қайд этди.

🕊Telegram 📱Instagram 📱Facebook 📺Youtube

Пекинда Хитой тадбиркор аёллари билан учрашув бўлиб ўтди

🇺🇿🇨🇳 Пекин шаҳрида бўлиб ўтган Глобал аёллар саммити доирасида Ўзбекистон делегациясининг Хитой тадбиркор аёллари билан учрашуви ташкил этилди. Унда Ўзбекистон Савдо-саноат палатаси раиси ўринбосари Шахло Ибрагимова иштирок этди.

Учрашувда икки давлат ўртасидаги иқтисодий ва инвестициявий ҳамкорликни ривожлантириш, аёллар тадбиркорлигини қўллаб-қувватлаш ҳамда уларнинг халқаро бизнес лойиҳалардаги фаоллигини ошириш масалалари муҳокама қилинди.

✔️ Шаҳло Ибрагимова сўзга чиқиб, Хитой ва Ўзбекистон тадбиркор аёллари ўртасида тўғридан-тўғри бизнес алоқаларни йўлга қўйиш, импорт ва экспорт салоҳиятини кенгайтириш, шунингдек, янги қўшма ташаббусларни амалга ошириш бўйича таклифларни илгари сурди.

Учрашув доирасида томонлар аёллар тадбиркорлиги орқали икки мамлакат ўртасидаги иқтисодий ҳамкорликни янада мустаҳкамлашга оид таклифлар ва келгуси қадамларни белгилаб олдилар.

🕊Telegram 📱Instagram 📱Facebook 📺Youtube