#qabul2025

✔️Olis hududlardagi o‘quvchi-yoshlarni universitetga jalb qilish jarayonlari davom etmoqda

☄️Xabaringiz bor, O‘zbekiston davlat jismoniy tarbiya va sport universiteti mas’ullari tomonidan olis hududlardagi bitiruvchi o‘quvchilarni universitetga jalb qilish bo‘yicha joylarda targ‘ibot tadbirlari o‘tkazilmoqda.

➡️Navbatdagi targ‘ibot tadbirlari, 23-iyun sanasida universitetning Ofis registratori xizmatlari boshqarmasi, Boks, Qishki va murakkab-texnik sport turlari, Futbol, Gimnastika sport turlari, Menejment va sport tadbirlarini tashkil etish hamda Gandbol, regbi, chim ustida xokkey nazariyasi va uslubiyati kafedralari mas’ullari tomonidan Toshkent viloyatining Chinoz, G‘azalkent hamda Bekobod tumanlaridagi umumta’lim maktablarida tashkil etildi.

💬Unda mas’ullar universitet faoliyati, talabalar uchun yaratilgan sharoit va qulayliklar, kadrlar tayyorlanadigan ta’lim yo‘nalishlari va shakllari, o‘zlashtirish ko‘rsatkichi yuqori bo‘lgan talabalarga taqdim etiladigan ta’lim grantlari, stipendiyalar, shuningdek, qabul jarayonlariga oid zaruriy ma’lumotlar berib, o‘quvchilarni qiziqtirgan savollariga atroflicha javob qaytardilar.

Telegram | 📱 Instagram | 📱 You Tube | 📱Facebook | 📱 X

#universitet_hayotidan

👩‍💼👩‍🎓Universitet xotin-qizlar faoliyatiga nazar...

✔️2025-yil 21-iyun kuni Oʻzbekiston davlat jismoniy tarbiya va sport universiteti Xotin-qizlar bilan ishlash boʻlimi tashabbusi bilan “Vohid Haydarov” va “Muruvvat” MFY hamkorligida talaba-qizlar ishtirokida “Taqdirni buzgan erta qaror” mavzusida davra suhbati oʻtkazildi.

💬Suhbat davomida mahalla faollari tomonidan erta nikohning oldini olish, uning salbiy oqibatlari, oila va turmush qurishning yoshga va ruhiy tayyorgarlikka bogʻliqligi, talaba-qizlarda oilaviy hayotga masʼuliyat bilan yondashish gʻoyasini shakllantirish hamda oila institutining mustahkam asoslari haqida zaruriy ma’lumotlar berilib, mavzu yuzasidan yo‘llangan savollarga atroflicha javob berildi.

✔️Shuningdek, 24-iyun kuni Xotin-qizlar bilan ishlash bo‘limi tomonidan yillik hisobot yig‘ilishi tashkil etilib, unda kafedralarning xotin-qizlar bo‘yicha mas’ullari va bo‘lim xodimlari ishtirok etdi.

🖥Yig‘ilishda 2024–2025-o‘quv yili davomida kafedralar miqyosida amalga oshirilgan ishlar hamda erishilgan natijalar yuzasidan hisobotlar tinglandi. Shundan so‘ng 2025–2026-o‘quv yili uchun belgilangan ustuvor yo‘nalishlar va mavjud muammolar muhokama qilinib, kelgusidagi maqsad-rejalar belgilab olindi.

Telegram | 📱 Instagram | 📱 You Tube | 📱Facebook | 📱 X