#Live

Kun tartibidagi uchinchi masala ta’lim sohasida amalga oshirilgan ishlar va kelgusidagi vazifalar muhokama etildi.

Ta’lim muassasalarining 4,7 ming nafar iqtidorli o‘quvchi-talabalari xalqaro va respublika tanlovlarida g‘oliblikni qo‘lga kiritganligi, biroq ba’zi san’at maktabi o‘quvchilarining umuman xalqaro tanlovlarda g‘oliblar chiqmayotganligi;

Qoraqalpog‘iston Respublikasida 4 ta, Namanganda 3 ta, Qashqadaryoda 2 ta, Samarqandda 3 ta Toshkent viloyatida 2 ta musiqa va san’at maktablarini jihozlash va moddiy-texnika bazasini mustahkamlash bo‘yicha tegishli hokimliklar tomonidan mablag‘ ajratilganiga qaramasdan, bugungi kunga qadar jihozlash ishlari yakunlanmaganligi;

Oliy ta’lim muassasalarining ilmiy salohiyatini oshirish borasidagi ishlar ham yetarli darajada emasligi, xorijiy mutaxassislarning jalb etilmaganligi,

Sherali Jo‘rayev nomidagi musiqa va san’at oliy maktabi uchun qo‘shimcha 200 o‘rinli o‘quv binosi, 300 o‘rinli o‘quvchilar turar joy binosi hamda zarur infratuzilma obyektlarini qurish bo‘yicha loyiha smeta hujjatlarini ishlab chiqish belgilanganligi hamda topshiriqqa asosan ushbu ishlarni amalga oshirishni yakuniga yetkazish kerakligi;

Umumta’lim maktablaridagi musiqa madaniyati fani o‘qituvchilariga tayanch ta’lim muassasalari sifatida biriktirilgan bolalar musiqa va san’at maktablari tomonidan “Kasbiy rivojlantirish kunlari” doirasida mahorat darslari va seminarlar yetarli darajada o‘tkazilmaganligi;

Madaniyat ta’limi markazi tomonidan bolalar musiqa va san’at maktablari uchun yakka va guruhli sinf jurnallari loyihasi ishlab chiqilib, namuna sifatida ta’lim muassasalariga yetkazilganligi, biroq, hududlarda eski tahrirdagi jurnallardan foydalanib kelinayotganligi aniqlanganligi ma’lum qilinib, mas’ullarga tegishli vazifalar belgilandi.

🔹 Telegram 🔹 Instagram