✔️Uchrashuvlarda institut rektori, professor Eldor Shermanov, prorektor Anvar Norbekov va xalqaro hamkorlik bo‘limi boshlig‘i Azamat Nurmatov ishtirok etdilar.

🎓 Anqara musiqa va go‘zal san’atlar universiteti tomonidan uchrashuvda rektor, professor, doktor Erhan Özden qatnashdi.
🎓 Karamano‘g‘li Mehmedbey Universiteti tomonidan esa rektor, professor, doktor Mehmet Gavgalı, shuningdek, doktorlar Umit Chil va Gulina Yusupova ishtirok etdilar.

📑 Suhbat davomida tomonlar o‘zaro ilmiy, madaniy va ijodiy yo‘nalishlarda hamkorlik masalalarini muhokama qildilar.

📑Hujjat ikki oliy ta’lim muassasasi o‘rtasida musiqiy ta’lim, xalq ijodi, ilmiy tadqiqotlar va madaniy almashinuv yo‘nalishlarida qo‘shma tashabbuslarni amalga oshirishga xizmat qiladi.

✍️Tomonlar o‘zaro tajriba almashish, qo‘shma loyihalar va ijodiy dasturlarni yo‘lga qo‘yish bo‘yicha kelishib oldilar.

Tadbir davomida “Doston ijrochiligi” kafedrasi, “Maqom xonandaligi” kafedrasi va “Maqom cholg‘u ijrochiligi” kafedrasi o‘qituvchi va talabalari tomonidan turli hududlarga mansub boy musiqa merosimiz namunalari ijro etildi.

🎵Mehmonlarga Buxoro shashmaqomi, Farg‘ona–Toshkent maqom yo‘llari, Xorazm baxshichilik san’ati, Surxondaryo va Qashqadaryo baxshichilik san'ati, shuningdek, Qoraqalpoq milliy kuy-qo‘shiqlari tuhfa etildi.

✔️Uchrashuv yakunida tomonlar o‘zaro esdalik sovg‘alarini almashdilar, bu esa do‘stona aloqalarning mustahkamlanishiga ramz bo‘ldi.