🦺 Oqova suv tizimlarida xavfsizlik — eng ustuvor masala!

“O‘zsuvta’minot” AJ tizimida mehnat muhofazasi va xavfsizlikmi ta'minlash doimiy e’tiborda. Shu maqsadda oqova suv tozalash inshootlari hamda oqova suv haydash (KNS) stansiyalari rahbarlari va muhandislari uchun amaliy mashg‘ulotlar tashkil etildi.

Mazkur o‘quv-amaliy darslar jarayonida ishtirokchilar, avvalo, xavfsizlik texnikasiga rioya etish, ishlab turgan inshootlarda favqulodda holatlarning oldini olish hamda mehnat jarayonida xodimlarning hayotini himoya qilish bo‘yicha yangi yondashuvlar bilan tanishdilar.

Bu kabi mashg‘ulotlar sohaga zamonaviy yondashuvlarni joriy etish, malaka va mas’uliyatni oshirishga xizmat qiladi.
Zero, xavfsizlik – bu har bir ishning eng muhim sharti!

|🌐Website          | 🗝Cabinet 
|🤖Bot                 |😄Telegram
|💬Facebook     |🌐Instagram
|📹YouTube       |🕊 X
|💬Chat               |✅ TikTok

Surxondaryolik mutaxassislar Turkiyada suv ta’minoti tizimi tajribasini o‘rganmoqda

“O‘rta shaharlarni kompleks rivojlantirish” loyihasi doirasida Surxondaryo viloyatining Jarqo‘rg‘on, Qumqo‘rg‘on, Sherobod, Sariosiyo va Uzun tumanlarida ichimlik suvi va oqova suv tarmoqlarini loyihalashtirish ishlari olib borilmoqda.

Mazkur yo‘nalishda loyihani amalga oshirayotgan Turkiyaning “ART” kompaniyasi tashabbusi bilan o‘zbekistonlik mutaxassislar Turkiyaga xizmat safariga yuborildi.

Jarqo‘rg‘on, Qumqo‘rg‘on, Sherobod va Uzun suv ta’minoti korxonalari rahbarlari Antaliya shahrida joylashgan “Asad” kompaniyasi faoliyati bilan yaqindan tanishdilar. Uchrashuv davomida 3 million aholiga va yiliga 30 million turistga ichimlik suvi yetkazib berish tajribasi, 21 ming kilometr uzunlikdagi suv tarmoqlarini samarali boshqarish va xizmat ko‘rsatish tizimi haqida batafsil ma’lumot berildi.

Shuningdek, delegatsiya a’zolari sutkasiga 250 ming kub metr quvvatga ega oqova suv tozalash inshootiga tashrif buyurib, bu yerda chiqindi suvlarni qayta ishlash, biogaz va yoqilg‘i ishlab chiqarish jarayonlari bilan ham tanishdilar.

Ushbu amaliy safar mutaxassislarga ilg‘or texnologiyalar, boshqaruv tajribasi va barqaror infratuzilmani yo‘lga qo‘yish bo‘yicha foydali bilimlarni o‘rganish imkonini berdi.

|🌐Website          | 🗝Cabinet 
|🤖Bot                 |😄Telegram
|💬Facebook     |🌐Instagram
|📹YouTube       |🕊 X
|💬Chat               |✅ TikTok