Chunki...

Negadir o'zimni aybdordek, qarzdordek his qilaman... agar davlat idoralarida ishimni tez va sifatli qilib berishsa. Zotan shunday xizmat ko'rsatish o'sha xodimning vazifasi va mening haqqim bo'lsa ham. Ichimda kimdir uni 'rozi qilib ket' deb aytadi. Rahmat aytib indamay chiqib ketaman, #chunki 'rozi qilish' oxir-oqibat xodimni ta'magir qilib qo'yadi. Men 'rozi qilib' keta olarman, lekin tirikchilikni arang qilib yurganlarchi?!
.
Toshkenta yo'l chetlarida sizga 'parkovka' qilishga yordam beradigan 'qizil palkali' kishilar bor. Norasmiy ish. Ketishda 2000-5000 berib 'rozi qilib' ketasiz. Ba'zan pul bermayman. #Chunki ularniki bo'lmagan yer uchun ularga pul berish bu muruvvat, majburiyat emas. Shuni yodlarida saqlashlari va taksi qilib oila boqadiganlardan ham pul ta'ma qilmasliklari uchun.
.
O'zbekistonda onlayn navbatlar ishlamaydi. #Chunki odamlarimiz tizimlarga emas, tanishlarga ishonishadi. Tizimlar va institutlarga negadir ishonch yo'qolgan. Tanishlariga yoki shaxsan o'zlariga tizimga nisbatan ko'proq ishonishadi.
.
Rivojlangan davlatlarda doktorlar o'z shaxsiy telefon raqamlarini hech qachon bemorlarga berishmaydi. O'zbekistonda esa aksi. #Chunki ko'p hollarda bemorlar klinikani emas, doktorni tanlashadi. Agar doktor boshqa klinikaga o'tib ketsa, bemorlar ham o'sha klinikiga borishadi. Shuning uchun doktorlar ma'lumotlar ba'zasini klinika sistemasida emas, o'zlari bilan saqlashni afzal ko'rishadi. Bu ham institutlar va tizimlarga ishonchsizlik hosilasi hisoblanadi.

@v_turakulov

Farzandga tarbiya berish va buyruq berish o'rtasidagi farq naqadar katta ekanligini bilasizmi?

Farzandingiz sizning so‘zlaringizni eshitayaptimi – yoki shunchaki ovozingizni?

Siz uni anglayapsizmi – yoki o'zingizni anglatyapsiz xolosmi?

Siz uni bolaligidan olib o‘tayapsizmi – yoki o‘zingizning bolalik izlaringizdan yurishga majbur qilyapsizmi?

Agar bu savollar sizni ham jim qoldirgan bo‘lsa, biz bu jimlikka bir nur, bir yo‘l taklif qilamiz:

🔥 Ota-onalar uchun Montessori 0–3 yosh kursi – O‘zbek tilida, ilk bora!

Farzandlaringiz uchun eng katta sovg'a 1-iyundan boshlanadi!

Batafsil
Batafsil
Batafsil

#qiziq #qisqa
Dehqon ochiq osmon ostida, quyosh nuridan qorayib, mahsulot yetishtiradi. Mahsulot dehqondan supermarketgacha yetib kelishi uchun minglab odam ter to'kadi. Oshpaz alov taftida terlab-pishib taom tayyorlaydi. Lekin xizmat puli va minnatdorchilik (tips) salqin, shinam konditsionerli xonada shunchaki taomni olib borib bergan chiroyli kiyimli ofitsiantga nasib etadi.

Ko‘p sohalarda shunday:
ta'minot zanjirining eng oxirgi bo‘g‘inidagi odam eng ko‘zga ko‘ringani bo'ladi.

Bu 'zanjir'da boshqalar ham bor, demoqchiman...

P.S. Gap ofitsiant haqida emas.

Бизни танлаганингиз учун раҳмат

Бугун соат 14:40 да UzAuto Motors Malibu учун контрактация қайта очилганини маълум қилганди.

Соат 15:22 да компания контрактация тугаганини хабар қилди.

«UzAuto Motors барча мижозларига Chevrolet брендини танлаганликлари учун миннатдорчилик билдиради», - дейилган хабарда.

Manba: Iqtisod4i

P.S. Mening ham Havo yo'llarini "Bizni tanlaganingiz uchun rahmat" degan e'lonlari esimga tushib ketdi!

Ko'rdingizmi mustaqil sud instituti nima uchun kerakligini?

AQSH sudi Trumpning bojlar bo'yicha chiqargan aksariyat qarorlarini noqonuniy deb topibdi va bekor qilibdi!

Trump jamoasi 'bizning ajoyib rejamizni sud buzdi' deb qarshi gaplar qilganda, katta sudya Jeyn Restani bunga javoban “reja ajoyib bo‘lishi mumkin, lekin u qonunga mos kelishi kerak”, deb ta’kidlabdi.

"Yashasin oliy sud!!!'

P.S. I mean the 'sud'!

Каримовни оғир хатодан қайтаролмаган иқтисодчи

Фишер дунё даражасидаги муҳим иқтисодчи бўлиши билан бир қаторда, унинг ҳаётида Ўзбекистон билан ҳам боғлиқ бир ҳикоя бор. 1996 йилда у Халқаро валюта фондининг директори ўринбосари бўлган.

2023 йилда Ҳошимов иқтисодиёти дастурида иқтисодчи, ўз вақтида Ўзбекистон Марказий банкида ишлаган Комилжон Акрамов Фишер ва Ўзбекистонни боғлаб турувчи ҳикоя ҳақида гапириб берганди.

1990-йиллар. Ўзбекистон иқтисодиёти — ресурсларга асосланган иқтисодиёт. Асосий экспорт товарлари ўша пайтда олтин, пахта бўлган. Жаҳон бозорида эса олтин нархи ҳам, пахта нархи ҳам нисбатан баланд шаклланган. 90-йилларнинг иккинчи ярмида эса нархлар пасайишни бошлаган.

1996 йил. Субъектив ва объектив сабабларга кўра Ўзбекистон қишлоқ хўжалиги учун қийин йил: эски тизим парчаланган, янги тизим ҳали яратилмаган бир вақтда пахта планлари бажарилмаган, ерлар ҳайдовсиз қолиб кетган.

Ҳукумат олдида нима қилиш керак, деган вазифа турибди. Пахтанинг нархи тушиб кетяпти, олтин нархи тушиб кетяпти, вазият оғирлашяпти.

Ўша вақтда Халқаро валюта жамғармаси билан ҳамкорликдаги лойиҳа бўлган. Унга кўра, улар мамлакатга бюджет барқарорлигини, валюта курсини, умуман макроиқтисодий барқарорликни ушлаб туриш учун пул бериб келган. Лекин мазкур пул маълум шартлар асосида ажратилган. Хусусан, бу шартлар орасида техник шартлар, масалан, пул массаси қанча бўлиши кераклиги бўйича талаблар бўлган.

Ҳукуматга харажатларни молиялаштириш учун маблағ керак бўлган. Осон ечим сифатида эса Марказий банк орқали пул чоп этиш варианти кўрилган. Халқаро валюта жамғармаси эса бунга қарши бўлган. Лекин мамлакат раҳбарияти бошқа ечим топа олмаган.

Афсуски, ўшанда Халқаро валюта жамғармасининг тавсиялари эшитилмаган ва пул чоп этилган — иқтисодиёт учун энг ёмон ечим танланган. Иқтисодиётга катта миқдорда таъминланмаган пул массаси кириб келган. У пул айланиб-айланиб, йўлини топиб, валюта бозорига кирган. Бир томондан валюта тушумлари пасайиб кетган — олтин ва пахта нархи тушиб кетганди. Иккинчи томондан, валюта бозорига катта миқдорда сўм кириб келган. Яъни икки томонлама шок кузатилган. Оқибатда конвертацияни ёпишга мажбур бўлишган. Курснинг кескин тушишига қўйиб бериш ҳам ечимлардан бири ва тўғрироқ ечим бўлган. Аммо бундай қилинмаган.

Қизиғи, Ўзбекистон Марказий банкида ўша вақтда кичикроқ бўлса ҳам, бу иш хато эканини тушуниб турган гуруҳ бўлган. Лекин сиёсий мувозанат бундай қарорларни танқид қилиш имконини бермаган. Битта хато қилингандан кейин кейинги қўшимча хатолар қилинаверган. Бояги хатони тўғрилаш учун яна пул чоп этиш ишлари бўлган. Валюта бозоридаги мувозанатни тўғрилаш учун нақд пулни назорат қилиш бошланган. Шунинг учун нақд ва нақдсиз пул ўртасида фарқ пайдо бўлган.

Ана энди Фишерга алоқадор қисмига келдик. Ўша вақтда Ўзбекистон президенти Ислом Каримовни мазкур хатодан қайтариш учун Тошкентга келган халқаро даражадаги мутахассислар орасида айнан Стенли Фишер ҳам бўлган. Лекин у ҳам хато қарорлар қабул қилинишининг олдини ололмаган. Шундан сўнг Халқаро валюта жамғармаси Ўзбекистондаги барча дастурларини ёпган ва доимий вакилини олиб кетган.

🇰🇷 Li Je Myon – Koreyaning yangi prezidenti!

U muxolifat partiyadan chiqdi: bu demokratiya!
U Koreyaning birinchi nogiron prezidenti bo'ldi: bu inkluziatsiya!
U kambag'al oiladan chiqib prezident bo'la oldi: bu tenglik!


Prezident sifatida uning iqtisodiy rejalari:
- Katta byudjetli yordam paketlari: O‘rta va kam daromadli oilalarga moliyaviy ko‘mak.
- AI va strategik texnologiyalarga sarmoya: Raqobatbardosh Koreya uchun.
- Narx-navo va tengsizlikka qarshi kurash: Yuqori daromadlilar va oddiy xalq o‘rtasidagi tafovutni kamaytirish.
- Tashqi siyosatda – muvozanat yo‘li: AQSh bilan hamkorlikni davom ettirmoqchi, lekin ba’zi savdo shartnomalarini qayta ko‘rib chiqish niyatida.
Xitoy va Shimoliy Koreya bilan esa pragmatik, murosali yondashuvni afzal ko‘radi.
___

Lekin, bilasizlarmi nimasi yomon?

Prezident hali ofisga kirmasidan oldin unga qarshi sud ishlari boshlanib ketgan! Koreyada prezident bo'lish bu o'zingga o'zing sudga ariza kiritish bilan barobar!

Tasavvur qiling, har bir nonvoy o'z hududida nonvoylik qilsin deyilgan qaror chiqsa: Toshkent va viloyat markazlarida non narxi 2-3 barobar qimmatlashadi, nonlarning sifati tushadi va non do'konlari oldida navbatlar yuzaga keladi.

Hamma o'zini hududida taksichilik qilsin deyilgan litzenziyalash tartibi ham huddi shunday ishlaydi: taksi narxlari oshadi, sifat tushadi, taksi kutish vaqti uzayib ketadi.

Afsus, bu qaror oldingi 'propiska' qarorining sekin-astalik bilan qaytib kelishiga signal bo'lmoqda. Bu juda ham yomon qaror! O'ylaymanki, hukumat bu qarorni bekor qiladi!

Brian Albrecht savdo to‘siqlari va innovatsiya haqida yaxshi blogpost yozibdi.

Quyidagi metafora blogpostning g‘oyasini yaxshi tushuntiradi:

“Agar bitta qo‘lim kesilsa, men kundalik ishlarni bitta qo'lda qilishning ko‘plab yo‘llarini o‘rganaman. Lekin bu innovatsiya emas balki  zarurat natijasida yuzaga kelgan holat. Tabiiyki, bitta qo‘limning kesilishi mening samaradorligimni ham oshirmaydi”.

Xulosa sifatida muallif qaror qabul qiluvchilarga innovatsiyani oshirish uchun “qo‘llarini” kesishi (savdoni yopish) shartmasligini maslahat bergan.

Balki Uzumga ish tartibi soat 22:00 gacha bo'lsa ko'proq foyda olib kelishini aytarmiz...

To'g'risi bilmayman, Uzumning bu boradagi argumentini, lekin nima bo'lganda ham O'zbekiston uchun do'konni soat 20:00 da yopib olish juda ham mantiqsizlik hisoblanadi, ayniqsa quyosh endigina botadigan yoz fasli uchun.

O'zbekistonda rasmiy ish vaqti 18:00 da tugasa-da, amaliyotda ancha kech tugaydi. Bu esa ishdan chiqib buyurtmani olib ketishda iste'molchilarga qiyinchilik tug'duradi. Ayni shu qismi Uzum marketologlari orqali o'rganilmagani g'alati.

Amazon Lockerlar 24/7 ishlaydi.
Pokistonning Darazi 22:00 gacha.
Rossiya va Qozog'istonda Wildberries 21:00 gacha ishlaydi.

Uzum ham mana shu narsani hisobga olsa xaridorlar soni yanada oshar edi.

Menimcha Trumpdagi asosiy muammo IQ da emas, EQ da.
.
Tasavvur qiling sinfdagi kichikroq gavdali bir bola sinf bezorisini urib qo'ydi. Endi siz uning oldiga borib ahvolini so'rashingiz, uning alamini yanada oshiradi. Qasos olishga undaydi. Uning ustiga siz doskaga "Men kaltak yegan bola bilan gaplashdim. Ahvol yomon ekan. U tez orada qasos olar ekan" deb yozib qo'ysangiz, bu yog'ini tasavvur qilib olavering.

Trump ham shunday qildi. Ukraina Rossiyani "urib" qo'ydi. Trump tezda Putinga sim qoqib "hol-ahvol so'radi". Keyin buni maqtanib Twitter'ga yozdi. Putin albatta qasos olar ekan deb e'lon qilib ham qo'ydi! Endi Putinning boshqa chorasi ham qolmadi!
.
Trump ehtiros bilan qaror qabul qiladiganlardan. Kecha maqtab turgan sherigini bugun yer bilan yakson qilib qo'yaveradi. Elon haqida aytyapman.
.
Trump ehtiros bilan bojlarni istagancha ko'tarib muammo yaratadi. Keyin esa o'sha boj joriy qilgan davlatlar bilan savdo shartnomalari qilib muammoni "yechadi". Plus, bu bilan maqtanadi. Xitoy haqida aytyapman.
.
P.S. Trump o'zini dunyoning 'markazi' deb o'ylaydi. Va buni yashirmaydi. U Putinni va u o'rnatgan tizimni yaxshi ko'radi.

- Nisbiy ustunlik bu sanoat tanlovidan emas, balki erkin savdo siyosati tanlovidan keladi.
Chunki, hukumat hech qachon davlat qaysi sohada nisbiy ustunlikka ega ekanligini bila olmaydi. Agar bilganida edi, unda erkin savdoga ne hojat qolar edi? Hukumat shunchaki o'zi tanlagan sanoatga subsidiya va monopoliya joriy qilib, avtokratik rejimda qolaverar edi-ku!

- Qiyosiy ustunlik har doim ham mavjud sanoatlardan emas, balki mavjud potentsiallardan keladi.
Chunki, agar shunday bo'lganida O'zbekiston paxta, Qozog'iston neft, Afg'oniston ko'knori yetishtirish bilangina cheklanib qolishi kerak edi. Lekin yuqorida aytilganidek erkin savdo siyosatidan keladi: bozorlar ochiladi, odamlar talabga ko'ra taklif bera boshlaydi, potentsiallar ana o'shanda yuzaga qalqib chiqadi. Kim biladi, balki O'zbekistonning nisbiy ustunligi Ingliz tilini yaxshi o'rganib borayotgan yoshlarga tayangan IT sohasidadir, balki avlodlardan qolgan kulolchilik asosida "raqamli kulolchilik"dir (3D maketlar bozori), balki...

- Demak, hukumatning vazifasi keng ma'noda ikkiga bo'linadi: (klassik nazariyalariga ko'ra) erkin savdo siyosatiga yo'l ochib berish (1) va (Krugmanning yangi savdo nazariyasiga ko'ra) potentsiali ko'rinayotgan strategik sanoatlarni (aniq muddat asosida!) qo'llab-quvvatlash.

.
Buni shunchaki mana bu podkastdagi Bekzodning fikriga to'ldiruvchi fikr sifatida yozdim. Turli iqtisodiy maktablar qarashlari haqida yaxshi suhbat bo'libdi. Tavsiya qilaman.

@v_turakulov

Korzinkada o'tin sotilayotgan ekan. Ko'rib xursand bo'ldim.

Chunki bu ixtisoslashuvdan darak. Ya'ni endi kemping uchun maxsus o'tinlar qaysidir bir tadbirkor tomonidan qilinayotgan ekan. Bu esa ishning sifatini (chunki o'zini ustasi qilyapti) va miqyos iqtisodiyoti sababli samaradorligini oshiradi. Shuni o'zimi? Yo'q! U hatto boshqalarning ham vaqtini tejaydi: dasturchi bir soatlik o'tin chopib yurishidan ko'ra, bu muddat davomida 30$ mahsulot yaratishi va kimningdir ishini yengillatishi mumkin. Dasturlangan bot orqali xizmatlar shakllanadi va yetkazib beruvchilar uchun yuzlab ish o'rni yaratilishi mumkin. Qisqasi bu zanjir bo'lib ketaveradi...

Istalgan kambag'al davlat (hudud)ga boring u yerda bir kishi bir nechta ishni o'zi qilishga majbur bo'layotganini ko'rasiz: u o'qituvchi, u dalada dehqon, u uyida bo'yoqchi, u mashinasi uchun mexanik, u chorvasi uchun cho'pon... Uning vaqti va e'tibori hamma narsa uchun: u na yaxshi o'qituvchi, na yaxshi dehqon, na yaxshi bo'yoqchi, na yaxshi mexanik...

Istalgan rivojlangan davlat (hudud)ga boring u yerda bir kishi bir ishnigina qilayotganini ko'rasiz: u o'qituvchi! Uning vaqti va e'tibori faqat va faqat o'qitish uchun sarflanadi: u o'qituvchi. Zo'r o'qituvchi.

Bizda ham endi shunday bo'ladi: jamiyatda har kimning o'z vazifasi bo'ladi. Startaplar aynan mana shunday bozor nishalarini topish bilan shug'ullanadi...

@v_turakulov

Четга ўқишга чиқмоқчи бўлганларга маслаҳат: Халқаро таълимнинг "эски дунёсини" ҳозирча эсдан чиқарган яхши

"Эски дунё" деб нафақат Европа, балки баъзи тарихчилар "Евро-Америка" деб атайдиган ҳудудни назарда тутяпман. Бу ҳудуд азалдан юқори сифатли олий таълими, улуғ даргоҳлари (Оксфорд, Болония, Ҳарвард, Сорбонн) билан машҳур.

Нега бу машҳур илм ўчоқларини четлаб ўтган яхши? Чунки подкастимиз охирги сонида айтганимиздек, бу даргоҳлар жойлашган давлатлар аҳолиси, у ерларнинг сиёсий гуруҳлари, ҳатто ҳукуматлари тиш-тирноғи билан иммигрантларга қарши сафарбар бўлмоқда.

Четдан келган талабаларни душман қилиб кўрсатиш янги нарса эмас, аммо АҚШ президентининг Ҳарвард ва бошқа буюк университетларга, уларнинг чет эллик (айниқса Хитойлик) талабаларига ўтказаётган босим бу жараённинг янги, очиқдан-очиқ фазасига ўтганидан далолат.

Салкам 20 йилдан бери инқироздан боши чиқмаётган Ғарб медиаси ва демагог-популист сиёсатчилари ўз жамиятларидаги жиддий, структуравий муаммоларда муҳожирларни тинимсиз айблаб келмоқда. Катта банклар уй-жой бозоридан тортиб кредитлар бозоригача инқирозга учратди, аммо айбдор четдан келганлар бўлади. Жамиятда нотенглик, тушкун кайфият авж олганда, одамлар болаларини овқатлантиришга қийналадиган аҳволга тушганида, кунини телефонга тикилиб ўтказадиган оддий халқ Фейсбуку Твиттер алдовлари остида келгиндиларга тош отади.

Ваҳоланки ана шу келгиндилар бўлмаса, ўзи қарамай қариялар уйига топширган отасининг кетини ким артади? Болалари ейдиган сабзавотларни арзон нархда бозорга ким чиқаради? Буларни, албатта, ўйлаб кўрмайди, чунки бизнинг давримизда ҳеч ким чуқур ўйламайди.

Муҳожир-иммигрантнинг қурбон қилинишига ўрганиб ҳам қолдик, аммо булар сафига энди чет эллик талабаларни ҳам қўшиш анъанага айланиб бормоқда. Мамлакатга кираётган чет элликлар оқимини пасайтиряпмиз, деган гап учун талабалар сонини ҳам пасайтиришга уринишмоқда. Университетда ўқимаган (имкони бўлмагани учун эмас), аммо овоз ҳуқуқига эга ерли аҳоли овози учун, популистлар четдан келадиган ҳар кимни (айниқса териси тўқроқ рангда бўлса) душман қилиб кўрсатяпти.

Натижада, чет эллик талаба йўлига янги чиғириқлар, тўсиқлар қўйилмоқда. Британиянинг эски (Консерватив) ҳукумати кетишидан олдин "бомба" қолдириб кетди: мамлакатга магистрликка келадиган талабаларга оила аъзоларини олиб келишни таъқиқлади. Қарабсизки, Британияга келадиган чет эллик магистрлар сони кесин қисқарди. Азалдан барча ҳавас қилиб келган университетлар қийин аҳволда қолиб кетди. Ҳозирда Британиянинг кўп университетлари инқироз ёқасида. Ҳатто машҳур Оксфорд ва Кембриж ҳам молиявий қийинчиликларни бошдан кечиряпти.

АҚШнинг янги президенти ҳам британияликлардан қолишмасликка ҳаракат қилиб, университетларнинг нафас йўлларини бўғишга уринмоқда.

Ҳукумат тепасига чаласавод популист, университетда ё умуман ўқимаган (ва шу сабабдан барча ўқимишлиларни ёмон кўрадиган), ё номига ўқиб чиққанлар келганида нима бўлишини кўрса бўлади.

Қиссадан ҳисса нима? Чет эллик талабаларни қучоқ очиб кутиб оладиган жой бўлмаса, бормаган яхши. Тўғри, ҳозирги ксенофоб дунёда бундай жойлар кўп қолмади. Бир вақтлар муҳожирларни ўзига чорлайдиган Канадаю Австралия ҳам популистлар, миллатчилар домига тушмоқда, тушмаган бўлсада, у ерда ҳам ксенофоб кайфиятлар кучайиб бормоқда. 80 йилдан бери фашистлар меросини енголмай овора Германияда фашистлар яна бош кўтармоқда.

Четда ўқишни орзу қиладиган ёшларга маслаҳатим—Шарққа юз тутинг. Япониядек буюк ўлка бор. Университетлари дунё саҳнасига чиқаётган Хитой бор. Кореяни айтиб ўтирмайман—у ерга Темур тиғи етмаган бўлсада, ёшларимизнинг қалами етиб бўлган😊

Дунё кенг, янги жойларга боринг. Жанубий Американи танланг—у ерларда ҳам яхши университетлар, қизиқ олимлар бор, тадқиқотлар қилинмоқда. Бошқалар юрмаган сўқмоқлардан юринг. Имконият доирангизни кенгайтиринг, ҳеч ким ўрганишни хоҳламаган тилларни ўрганинг, "модадан" ташқарида бўлган мавзу ё фанларни тадқиқ қилинг.

Куни келиб, популистлар ва демагоглар ва уларга эргашадиган чаласавод пода ўз хатосини тушунади. Аммо унгача сиз ўз йўлингизни, касбингизни, келажагингизни қуриб бўлган бўласиз

Manba: @profsherzod

#darak
Dadajoningiz pulni shunchaki bankomatlardan olmasligini anglab yetganingiz bolalik sizni tark etganidan darak.
.
Banklar pul ishlab chiqaradigan joy emasligini anglab yetganingiz o‘smirlik sizni tark etganidan darak.
.
Banklar aslida pul "bozori". Ular pulni sotib (foizdan) daromad olishini tushunganingiz iqtisodiy savodingiz boshlanganidan darak.
.
Pul har doim mehnat qilishdan emas, balki tizimlar ichidagi tranzaksiyalar orqali ham topilishini anglab yetishingiz kapitalistik dunyoni tushuna boshlaganingizdan darak.
.
Kredit* orzu-havaslaringiz daromadingizdan o'zib ketgani uchun sizga jazo ekanligini anglab yetganingiz kech bo'lganidan darak.

*iste'mol krediti

@v_turakulov

Bernie Sanders yozyapti:

🇺🇿 Eronning yadroviy dasturiga oid muzokaralar #yakshanba kuni bo‘lib o‘tishi rejalashtirilgan edi. Biroq (#shanba kuni) Netanyahu Eronga noqonuniy hujumlar uyushtirdi, muhim sulh muzokarachisini o‘ldirdi, AQShning diplomatik harakatlariga putur yetkazdi va ko‘plab begunoh odamlarning hayotini xavf ostiga qo‘ydi. Biz yana Netanyahuning urushiga kirishmasligimiz kerak.

———
Ya'ni, Netanyahuning o'zi bu narsani diplomatik yo'l bilan hal qilishga unchalik ham ishqiboz bo'lmagan. Kamoliddin Rabbimov aytganlaridek, bu urushdan Netanyahuning shaxsiy manfaati – 'taxtda' uzoqroq qolish kabi manfaati ham bor. Umuman olganda esa, ming afsuslar bo'lsin-ki, ba'zi odamlarning shaxsiy manfaatlari sababli yuzlab odamlar qulagan devorlar ostida jon berishga mahkum bo'lmoqda!

Kecha Donald Trump G7 Sammiti liderlar tushligidan shoshilinch chiqib ketgani hamda Tehronni Amerikaliklar tark etsin deb e'lon bergani Tehron ham ikkinchi G'azo bo'lib ketmasmikan degan xavotir bor...