#Падарожжа

Сабор Унебаўзяцця Найсвяцейшай Дзевы Марыі у Пінску

Сабор Унебаўзяцця Найсвяцейшай Дзевы Марыі — адна з галоўных славутасцяў Пінска, а таксама адна з найважнейшых каталіцкіх святынь Беларусі. Ён з'яўляецца кафедральным саборам Пінскай дыяцэзіі. Гэта адзін з чатырох храмаў Беларусі, які носіць тытул малая базіліка.

У 1396 годзе ў Пінску ордэнам францысканцаў на сродкі князя Жыгімонта Кейстутавіча былі закладзены драўляныя касцёл і кляштар, у 1510 годзе на месцы драўлянай царквы пастаўлена мураваная. У 1648 г. падчас паўстання Багдана Хмяльніцкага касцёл і кляштар атрымалі сур'ёзныя пашкоджанні.

Храм пабудаваны ў 1706-1730 гадах. Ён пабудаваны ў стылі барока, у мур былі ўключаны фрагменты сцен храма 1510 года, якія захаваліся да таго часу.

Сабор з'яўляецца галоўнай часткай архітэктурнага комплексу манастыра францысканцаў, куды акрамя яго ўваходзяць асобная званіца і жылыя карпусы.

У 1863 годзе, пасля паражэння польскага паўстання, францысканскі манастыр разам з вялікай колькасцю іншых каталіцкіх манастыроў на тэрыторыі сучаснай Беларусі быў зачынены, пасля чаго храм стаў з манастырскага звычайным парафіяльным.

Пры савецкай уладзе храм не закрываўся. З храмам цесна звязана імя кардынала Казіміра Свёнтэка, адзінага беларускага кардынала ў XX стагоддзі.

📍Размяшчэнне: Брэсцкая вобласць, горад Пінск, вул. Леніна, 16 корп. 2.

Вілейка. Жанчына сталага веку на варотах свайго падворку разьмясьціла дыванкі пад ногі і шкарпэткі ручной работы, а таксама прадукцыю з сваёй гаспадаркі - насеньне, сушаныя яблыкі, рассаду, часнык, кветкі. На паперках напісала кошты і прапануе браць тавар самім і грошы класьці ў паштовую скрыню.

Усё на даверы, як у лепшых краінах Еўропы!

Каго зацікавіла, то вось адрэса:
г. Вілейка, вул. Кастрычніцкая, 14.

Тэлефон: 8 01771 5 37 02

То набывайце❗

#Вилейка #Вялейка #Вілейка