На адным з нядаўна набытых намі фотаздымкаў Свіра часоў ПСВ можна ўбачыць будынкі на плошчы мястэчка, якія захаваліся да нашага часу!

Выглядае, што ўсе тры гэтыя дамы былі збудаваныя яшчэ да 1910-х. На сучаснай плошчы размешчаны сквер, а на раней яна была адкрытай прасторай, дзе адзіным аб'ектам быў калодзежны журавель. Доўгі час гэты рынак з'яўляўцца збожжавым. На другой Свірскай плошчы, каля гары Даўмонта, быў іншы рынак — конскі. У савецкі час кірмашы ў мястэчках паступова знікалі і многія плошчы страцілі сваю гандлёвую функцыю. На іх месцы пачалі закладваць скверы — як гэта здарылася ў Свіры, Будславе і Крывічах.

#добруш #sacral_urban
З'яўленне ў Добрушы сур'ёзнага прадпрыемства заканамерна прыцягнула за сабою стварэнне рознай прыемнай інфраструктуры: лякарні, школы, пажарныя каманды, фабрычны аркестр, тэлефонная сувязь і канешне жытло для працаўнікоў фабрыкі. Сёння назіраем узор такой камяніцы. Зараз там месцяцца разнастайныя офісы і крамы, а мо і нехта жыве (у сэнсе "мо"? Вунь дыван сохне!). Пагадзіцеся, выглядае самавіта. Нават вежа ёсць. Вось дзе "наш дом - наша фартэцыя".

Дакладна ня ведаю, калі камяніцу пабудавалі, але мяркую, не пазней Першай сусветнай.
Ёсць і стогадовы здымак будынку.

Дарэчы, 1880-я ў Добрушы з'явілася чыгунка да Гомеля, а пазней дацягнулася да Бранску. То было часткай сеткі так званых Палескіх чыгунак. Ну ўсе ўмовы, каб ператварыць Добруш у беларускі Сінгапур! Атрымалася? Ну-у... ня буду спайлярыць.