الهسه تلهب نارك .... يمته تاخذ ثارك
___________
جبت عمرك ما هديت بساعة،، روحك شكد حزن شايل بيها
العادوا العترة وسبوا آل الرسول،،، باجر بسيفك تجي وتمحيها
والانصار الماتت بأرض الطفوف،، بخير جفينك غداً تحييها
أعيال الحسين البقوا وبلاية ماي،، اجيب جربة وللخيم ترويها
             باجر تهد ليهم،،،، بسيفك وتمحيهم
___________
باجر تشد عزمك بحيل الحسين،،، تعيد بيهم كربله وصولاتها
زينب الحرة ولا يوصلها سوط،،، تخّرس حلوك العدة وشماتها
تجيب عبد الله بجفوفك للرباب،،، وتبتسم لا ما تهل دمعاتها
علي الاكبر طولة يرجع للخيام،،، وليلى ما تكثر بعد وناتها
             باجر تشد راية .... الثار هوه الغاية
___________
كلها منتظرة ضهورك يبو الخير، ،، الوكت مو زين ولا متوالم
يمته جبرائيل يعلن بالسماء،، أيُها العالم المهدي قادم
تعتني لجيتك كلها بلا مقام،، شاب ، شايب، قائد، او يالعالم
الفقرة كلها تعيش بيمينك آمان،، والي ما يسلم بجالك سالم
 
           نشعل العشرة شمع.... لو ضهورك نستمع
___________
بكل زمن نلگه الشمر واكف أمير،،، ويضحك كبالك ويشمت بينه
الغوث كلها تصيحلك يابو الامان،، يمته شخصك سيدي يمر بينه
يابو صالح بينا نار امن الخيام،، او بينه غيرة عمك وجفينه
عين باجر لو تغثك بالضهور،،، كأنن من يكن نفكس عينه
         
         فدوة الك ارواحنه..... يا ضماد جراحنه
___________
الحومه باجر بيها يشتد الوطيس،، ونعتنيك نهوس براياتنا
نعوف كل بيوتنا ونركض عليك،، أمن الفرح نوصلك بدمعاتنا
الكعدة قربك تسوة كل الدنيا هاي،، أو يمك شمحلاة كل كعداتنا
ياابونا نحبك ونهواك حيل ،،، قسماً مو لسن لا من ذاتنا
           انعادي العيادونك ،،، نعشك احنه عيونك
___________
#احمد_النوري

#نزلة

انصارك مجانين يدري الما دره
نالوها الشفاعة دنيا وآخره
___________
واحدهم يتنومس ،،،، لو طب للحربَّ
يخليها بالحومة ،،،،،، ما تهدة التربَّ
من ينزل مو واحد ،،،، تنظرّله سربَّ
العادوهم لو صحره ،،،، يتيهون الدربَّ
راحوا وبّلا خوف ما رجعوا وره
نالوها الشفاعة دنيا وآخره
___________
چن گمرة يضوولك ،،،، يا خير البشر
قسموا بسم الزهرة ،،،، ميمسك خطر
وگبالك يفدولك ،،،،، مولاي النحر
چي وياك وگربك ،،،،، ما همهم سفر
ركظوا عالمنية ما لزموا سره
نالوها الشفاعة دنيا وآخره
___________
وجهك بي چم أية ،،،،، يا أجمل ورد
شافوك وما همهم ،،،،   لا حر وبرد
الحَّب عينك وبگربك،،،شيقنعه ويرد...؟
يملك دنيا بروحه ،،،،،، وياك الفرد
هنياله البقه وياك مرضاتك شره
نالوها الشفاعة دنيا وآخره
_________
أنصاري بيمينك ،،،، صارولك لّوة
لجروحك لا تهتم،،،، تلگاهم دوة
لو مسك وبنسمة ،،،، يقطعونه الهوة
الما ضايگها الگطره ،،،، بعيونك روة
انصارك يمولاي هيبة ومفخرة
نالوها الشفاعة دنيا وآخره
___________
هد بيهم للحومة ،،،، لا تهتم بعد
ميهمهم لا جيش ،،،، ولا كثره وعدد
تلگاهم يم صدرك ،،، چن درعك سند
ما دامك وياهم ،،،، ميطيح العمد
واحدهم فداءً قدم منحرة
نالوها الشفاعة دنيا وآخره
___________
#السيد_احمد_النوري

بين سيد الشهداء وعلي الاكبر عليهما السلام .

خذتني الدنيا يمك ،،،، ردت بجروحي اشمك
اجيتك لأن ادري.. ما تجيني ما تجيني
___________
اجيتك والحزن بحساسي يجري
غيرك مالي يبني بروحي  تدري
يالاكبر من طحت هدمت عمري
حرگه بدمع عيني وناري تسري

خذت وياك روحي ،،، زدت همي وجروحي
خلص يوليدي صبري.. ما تجيني ما تجيني
___________
يسلوت مهجتي وكل الحبايب
عفتني او وّلا عافتني المصايب
من مصرعك يبني الگلب شايب
اتركتني ليش ،، نمت اعله الترتيب

عفتني ورحت سكته،،،، يالاكبر ترد يمته
خذت وياك عمري ،،، ما تجيني ما تجيني 
٠___________
نمت يمك ردت اسمع انفاسك
وحضنتك لا هوه يجرح احساسك
ردت احميك بس العدو داسك
وبعد لحظات فوك الرمح راسك

امن ارد للخيمه محني ،،، يجرحي انته ويحزني
ارد ودموعي تجري... ما تجيني ما تجيني
___________
حرت ما بين اشيلك بين اخليك
علي يبني امن اعوفك شمس تجويك
واذا شافتك امك موت تبجيك
حيرة يا علي وشلون ابقيك
اذا رد ماكو انته ،،،، ليلى تموت سكته
لمّك شنو عذري ... ما تجيني ما تجيني
___________
رجعت اعله الخيم بس جرحك وياي
تركتك وحدك وعطشان للماي
الك عازل مكان بكلبي هواي
رحت مني وبقيت متيه الراي

يالبحضاني رابي ،،، عفتني يا مصابي
رحت وختنگ صدري... ما تجيني ما تجيني
___________
#السيد_احمد_النوري

شور (كعدية)

اجيتك والدرب وحشة
ومن بعيد اناديلك

وينك يا ضوة عيوني
اگعد رايدة اشكيلك

تيهت الدرب يحسين
گمت بچفوفي أوميلك

ما تگعد تحاچي أختك
صوتي ما يرد حيلك ...؟

لو بيدي گبل متموت
اجي يمك وحاميلك

لگیتك يا بعد گلبي
لجروحك شخليلك

متحيرة اگعدت يمك
هسه انه شسويلك ...؟

عينك من طفت يحسين
ردْت عيوني أوديلك 

شبّو نار يبن أمي
وحترگت صواوينك

وانه چي ما الي والي
حشمتك صحت وينك

معقولة انت اخوي حسين
انوح وما تفك عينك

شگلك هسه متحيرة
الله يعيني يعينك ....؟



#احمد_النوري

حسين ... حسين ... حسين.... حسين
___________
حسين خلصت ونتهت هالعشرة يابو سكينه
لا انت اجيت ولا علي وعباس راحت عينه
غربة وسبي وحر الشمس والسوط فوك متوني
ما يمي بس ابنك عليل وجدمه ابد ميعينه

يحسين ما ضلي ولي... راحو غفل كلهم هلي
___________
حيرة بزماني تحيرت والدنيا مالت بيه
غيروا كلشي بروحتك واختك صفت مسبيه
من خيمتك لمن رحت فوك الهزل خلوني
محتارة اجمع بالحرم بس ما لكيت ارقية

عافتني ثاري من الرعب... الكاها وين بهالغرب
___________
فرت حرمنه بلا وعي بالهيمه يابو الغيرة
ما نام ليلي وساهره محتاره بيهن حيرة 
تعبت اجدامي امن الركض ومتوني صارت زركه
وراسك صعد فوك الرمح من احجي ليش ديرة

زينب هواي تغيرت  .... مو دمع عكبك دم جرت
___________
ما شوف دربي امن الدمع والدنيا صارت ضلمه
ساعة أنادي يا علي وساعة يفاطم يمه
ونيت وكليبي خلص يا خويه من وناتي
جسمك تركته بكربلة جا كلي ياهو يلمه

عاري وتركته اعله الشمس ... ما كام من كد الرفس
___________
جم اخ يا ليل اهدعش خلصت بيك او لوعة
طايح أخيي اعله الترب متهشمات اضلوعة
يا ليل ما تخلص بعد لا يهده كلبي ونوحه
والعاش موضوعه السبي ما ينتهي موضوعة

راح اكضي عمري بهالحزن.... ميطيب الي زراك المتن
___________

#السيد_احمد_النوري

حسين حسين ... يا حسين
حسين حسين ... ياحسين
___

گلبي شگد شال هموم
رحت بلوعة مهضوم
وانخاك بهذا اليوم
افزع ليه 

مو لحضه وجنها سنين
من عفتك آ يا حسين
عگبك صوبني البين
تعرف بيه

حسين حسين ... يا حسين
حسين حسين ... ياحسين
___

ونيت لحد ما صار
مو خيمه بجفي النار
معقولة وما تندار
من حشمتك

عفتك بس گلبي وياك
ما بطلت أو انعاك
أمنيتي اموت احذاك
لكن عفتك

حسين حسين ... يا حسين
حسين حسين ... ياحسين
___

مخطوف بوجهي اللون
لمن جاني الميمون
ما ضلت عدي عيون
ذيج الساعة

يصهل جاني وچم آه
وحده وماكو انته وياه
نشغيت بيا الله
الخيل متاعة

حسين حسين ... يا حسين
حسين حسين ... ياحسين
___

رحت أو اتلفت ليك
ودموعي تهل اعليك
يالحافرهم ماذيك
فگدك عازة

وسادة الخدك تربان
يالعاري اعله التربان
ضليت بلا الدفان
لا اكو جنازة

حسين حسين ... يا حسين
حسين حسين ... ياحسين
___

#السيد_احمد_النوري

يا گمرة الافلاك ... عالي ونجم يهواك... ملكه علي ملكاك
                    يا شهم .... يا شهم
___
يالتختلف عن الخلك، يالما يشبهك اي بشر
يا عالم الحب معدنك، يالتروي بجفوفك نهر
يالي جبير بخوتك،  ما ينوصف مثلك اخو
هذا اليضوي بالسمه، جذاب بس انت الكمر

ماكو مثالك،، ياهو بجمالك،، سيد خوالك.. يا معدن الوفة
يابو المحنه، شمعات اهلنه، تشبة وطنه، مملوء عاطفة
___
ربيتك بحضني وشفت، طبعك مثل طبع الهوه
للمختنك نسمه تمر، للينجرح تصبح دوه
يروي الصحاري القاحله، طبع النهر لمن يمر
بس انت شفتك تختلف، انت النهر بيك ارتوه

يبني اشوفك، كلشي يطوفك، والحب حروفك، يا سيد العشك
يبني اليحبك، مايزل دربك، يتمنه كربك، بس اليحب صدك
___
وفيت يبني بخوتك، واطيت لحسين العمر
مو هسه منه تستحي، لا تخجل انت امن الزغر
لو ملكه لاكاك بدرب بالصدفة ما عندك علم
مثل الجمر من تشتعل، تحتار تمشي بيا كتر

يشعل غليلك، لو مر خليلك، لمن يجيلك، يبهت ضوة الشمس
سيد زمانك، دنيا بأمانك، شيسد مكانك، يالخوتك درس
___
من تدخل بسوح الحرب، بيمينك الراية ترف
لو شافتك ذيج العدة، اتية العرف والمو عرف
يالما وصل طرفك سهم، مغضب ولا رفلك جفن
تنزل غضب يا أبا الفضل، بالحومة جن ماي النزف

ترجف اديهم، صايل عليهم، نسمع بجيهم،  من يصهل المهر
ياهو اليلحگ، منك يدنگ، ما ضن يسبگ، يشتهم هوه العمر
___
من جودك يغار النهر، لو مر يطم روحه بجرف
كل الحجوا عن خوتك، عنك ولا جابوا حرف
شما دنيا دارت عالبشر، ما يفتهم قدرك أحد
إعجاز كلك يا كمر، مثلك ولا ضن ينعرف

ياهو اليعرفك، بيش اليوصفك، ما وصل حرفك، كل الذي انكتب
يبني ويغالي، كافل عيالي، صرت انت والي، ما تنوصف عجب
___
احمد النوري

وينك يا علي يبني..... خلص وني
يغالي.
____
اركض وحدي بالهيمه بكلب يسعر وانادي
ما يحمل تره بدونك يضل يلهب فؤادي

وينك يا علي الأكبر
جسمك سالم موذر
اوكف لحظه لحظه اعثر
كون اوصل الك

بدموعي وجيت اركض... كلب ينبض... يوالي
____
ضيعتك مثل وركه بوسط غابه واتاني
ترجعلي بأمل باقي وكَلت روحي الثواني

ضليت بأمل ترجع
مو ماي انت لا منبع
يالبسمك جبل يركع
يا أعظم رزق .

عتني لمصرعك شوكي .. يمعشوكي... يعالي
__
شفتك يبني عالغبرة وطريح انت بدمائك
نايم عالترب وحدك والك حزنت سمائك

شفتك والهوه بصدري
ضاگ وما بعد يجري
يمك ما ردت عمري
واتمنيت اموت

نزلت دمعت عيوني .... وطفه لوني .... اليلالي
_ ____.
توسدت وصرت يمك واحس خلصت حياتي
من شفتك طريح انت تمنيته مماتي

معقولة هذا انت
حاجيتك بس سكته
جرحك انه ما رفته
بيا جرحي ابتدي

يمك وافرك براحي... وعله مناحي... شبكالي
__
خلصت الحجي بكربك. عجب ساكت يبابا
عمتك يبني اذا ارحل يخلوها بخرابه

صعبه يا علي صعبه
باجر عمتك بغربه
عيني اعله الخيم تربه
بلا والي الحرم

ويشتد الضمه بروحي ... يمذبوحي.. اعله حالي
___

السيد أحمد النوري

لحن قصيدة (وينك يا علي يبني ) .
عقيل الناصري
اهواز

طاحت خيمه من بيتك ،،،، بلكي تردلي ناديتك.         يا حسين ... حسين
___
من فزعوا،،، ولية اجوا،، خيمه احرگوا ... ردتك تجيني
وبلا شعور ،، اركض ودور ،، گلبي يفور .. وصرخ حسيني
لمن رحت جونه العدة للخيمه
ومن الرعب كلها اركضت بالهيمه 
من الخميه وحاچيتك... بلكي تردلي ناديتك
            يا حسين .... يا حسين
___
منظر عجيب،، وحدك غريب،،خدك تريب،،والدمعه بعيونك
گلبي شيصير،، حزني جبير ،، حگي احير،، من غيرو لونك
ما عندي راي وردت منك فد رأي
أطفال ذبلها العطش وانت الماي
يا ابو جروحي سميتك،،، بلكي تردلي ناديتك
         يا حسين ... يا حسين
___
راودني خوف،، وبلاية شوف ،، صوت السيوف،، بذني يرن
لا ما يصير ،، انته الجبير ،، ضلعك كسير ،،، لا ما اضن
من بين دخان انظرت جتك خيل
وثجيلة صعدت عالصدر تسحك حيل
بكل جروحك حبيتك،،، بلكي تردلي ناديتك
         يا حسين... يا حسين
___
اركض اجيت،، وشكد بجيت،، من ما لكيت،، جسمك يخوية
فوگي بونين،، شبگت ادين،، وصرخ حسين،، وينك يبوية
من بين كل ذيج الجثث لن شفتك
وينج تعالي يم حسن سمعتك
وصرخ يمه ولميتك،،، بلكي تردلي ناديتك
___
ما بيه روح ،،، كلي جروح ،، اصرخ ونوح ،،، هاي انه زينب
جاوبني عاد ،، مو حيلي باد،، اعلن حداد ،، من هسه ونحب
راح ابقى لآخر لحظه بيه ابچيلك
وكلما تضيك الوسعه انه احچيلك
روحي انساها ومنسيتك،،، بلكي تردلي حاچيتك
      يا حسين..يا حسين
___
السيد احمد النوري

لحن قصيدة (طاحت خيمة من بيتك ) .
عقيل الناصري
اهواز .

ياهو اليفهمها.. ويفسرها.. هاي القضية
زينب لا أبو .. وبلا أخو ... تمشي سبية
زينبكم غريبة ... الله شمصيبة
هاي ام الخدر
___
كسر ضهري الحجي هذا الي ما كلته
منو اليرضاها للغربه تروح اخته
يهاشم كعدوا هذا النوم مو وكته
مشت بتكم غريب او انتوا شو سكته
منكم ما فزع واحد.. ولا شاهد .. اجاها
وسنين الغرب.. وي الدرب .. زينب حناها
هم حرمه وسليبه... الله شمصيبه
هاي ام الخدر. 
___
خذتني الغربة والمدمع حجالي
على العاشت غريبه بلايه والي
اطلعت من الخيم تصرخ يغالي
يعباس الغرب شافت خيالي

يابو الحمله شو صارت .. علي دارت .. مصايب
يابو الغيرة الي .. ما ضل ولي .. وكليبي ذايب

عباس شيجيبه.. الله شمصيبه
هاي ام الخدر

___
اطلعت والوادم تعاين عليها
وعلى الراس اشبجت زينب اديها
وحيده وبالغرب ياهو اليجيها
ينوح الصخر من يسمع بجيها

بدموع الحزن تحجي.. وتضل تبجي.. اعله اخوها
بالوادم ولا رحمه.. أصبحوا نقمه... وحنوها
بارض الطف تريبة... الله شمصيبة
هاي ام الخدر. 
___
كبل جانت اميره اعله السبوها
عليها استفحلوا من مات اخوها
عجب هالدنيا دارت ما رعوها
هضموها، وحنوها، وروعوها 

نزلت دمعتها.. بس لخوتها.. أهل الحمية
خلص بيها العمر. ضيم وهجر .. آآ يالمنية
عجيبة شكد عجيبة ... الله شمصيبة
هاي ام الخدر
___
لمن حركوا خيمها حيرة حارت
وهاي الدنيا كلها اعليها دارت
مثل وركة بخريق الحرة صارت
ما جاها الكفلها بدمعة سارت

بدموع العين تنادي .. هنا يالحادي.. دتاني
ما تانه اليحدي... وحول ضدي .. بسوطه رماني
مو طاهر حليبة... الله شمصيبة
هاي ام الخدر
___
احمد النوري

رحلة إيمان .. مبدأ قرآن .. ما ضلّ حيران
چي حبّ حسين .... چي حبّ حسين
-----------------------------

من طب مسلم للكوفة ... جان اباله
غير حسين بهالدنيا ... ما يحلاله
جانت أمنيته يشوفه... كون كباله
ويحضنه مثل مثل الفاكد ... كل عياله

صح ما شافاه .. بس روحه وياه .. صامد ما لان
جي حب حسين .. جي حب حسين
--------------------------------
سألوا مسلم كلوله ... عن حبه منين
كللهم كون العاشك ... ميحب ثنين
وأنه الحبيته بروحي .. وبنص العين
طلكت العالم وأهله ... من شفت حسين

بدموعه وطاح ... سلم وارتاح ... أعظم قربان
جي حب حسين... جي حب حسين
----------------------------------
آخر لحضاته بنادم .... بعياله يحير
ياهو اليحرسهم بعده ... يكتله التفكير
مسلم جانت أمنيته ... بدموعه يسير
ويموت كبال حسينه ... وبحضانه يصير

عطشان هواي ... بس مو للماي ... للضل عطشان
جي حب حسين... جي حب حسين
------------------------------------
جن يوسف وي اخونه ... مسلم ربعه
عافوه بنص الكوفة ... ويصعب وضعه
ناده بكل صلب الوادم ... مامش فزعه
كل شارب دنك راسه ... وفزعت طوعه

وفت كل دين ... طوعه او يحسين... للماله أخوان
جي حب حسين... جي حب حسين
-------------------------------
سلم من قصر الكوفة ... بدمعه ولهفه
وكلالي الوادم ماتت ... بيهم عفه
يحسين الكالوا أقبل .... بذبحك تشفه
من ادور ما ضن تلكه ... بيهم رأفه

يحسين الناس .. ما عدها احساس .. طاح او ربحان
-------------------------------
السيد احمد النوري

لسان حال حبيب بن مظاهر صلوات الله عليه.

انصارك.. انصارك... كلهم وفه
---------------------------------------
هذا كلامي... ذّبت وبأمامي... انه أصبح هيامي... حبيبي حسين
أبد مالي غيره... ترس كلبي غيره... صرت انه أسيره
حبيبي حسين

مجنونك يمولاي... وعابر حد الجنون
ما وصلوا هيامي... ابداً عابس وجون
لجروحك.. لجروحك... صاروا شفه
---------------------------------------
هذي سجيتي... گبلك منيتي... وانه هويتي
الخادم حبيب
حبيب ومضاهر... فدائك يطاهر... أبد مو مضاهر
الخادم حبيب

اني وأهلي نفداك.. ها يبن الزجية
ما دام انه وياك... ما هاب المنية
بديكم... بديكم... عمري صفه
---------------------------------------
وهب علميته... يخوف منيته... ترك خلفه بيته
لأنك إمامه
هتف عالي عابس... ألا من منافس... وخرّج مدارس
لأنك أمامه

طلكنه احنه دنيا... ما ردناها دونك
واطمن يمولاي... ما بينه اليخونك
أحبابك ....أحبابك .... كالعاصفه
—--------------------—---------------
اعقلنه مجنون ... وشاهد الك جون .. مو بس بالعيون
يضحي بدمائة
يحرس جناحي ... الحر الرياحي ... بلسم جراحي
يضحي بدمائة

مسلم ويه هاني ... افدولك مناحر
وبموته سعاده... نافع عمره ناذر
انصاره.... انصاره.... غيره وعفه
---------------------------------------
أنس بيمينك ... عابس بعينك ... وكفوا لدينك
أبد ما يهمون
برير بحياته.... نذرلك مماته... لأنك رباته
أبد ما يهمون

نبشر بالمنايه ... منخاف الثجيلة
ما دام احنه وياك .. موتتنه قليلة
عدوانك... عدوانك .... منه نازفه
---------------------------------------
#السيد_احمد_النوري

نعي للسيدة الزهراء عليها السلام

يوليدي عاري شلون أمر بيك
وين الغطه يبني اليغطيك
ما مش دوه يبني واداويك
انصب مناحه وانحب عليك

هذا علي هل جاي وياي
وبجفه فايض كوثر الماي
عطشان يبني ادريبك هواي
انهض ييمه واكعد حذاي

جا وين اخوك او وين الزلام
وينه حبيب او وينه جسام
معقوله كافل زينب ينام.؟
جرحك صعب ما ضنه يلتام