لتزمتا مثلا مالو ده كلو جميل لكن انا سويت الخلاني اهذب نفسي وابقى في ملة المسلمين ، لكن طبعي ماتغير ، قصدي طبعي في شخصيتي ماطبعي الكعب داك، احترمت نفسي اكتر وبقيت البس محترم وواسع اصلا لبستا توب بعتباري معرسه وكدة لكن جوا بيتي ويييين ياني لورا الدلوعة بلبس القصير والمحزق والملزق ماتقولو عشان اعجب شهاب انا اصلا ماشايلاهو وبعتبرو راجل من الرجال لكن هو حلالي وبلبس قدامو رغما عنو اااااااي ، يلا مره رجع لقاني لابسه جيب شورت وتي شيرت واسع كتفو واقع حدر لي وقال لي ماتفتكري انك حاتخليني اشتهيك انتي اصلا تفاحه فاسدة ، ياخ جرحني وانا اصلا مامفكرة فيهو لكن وييين عارفيني انتو مابسكت قمت قلت ليهو انت مامالي عيني ولا شايلاك لكن انت حلالي يعني انا لبست اللبس ده في الحرام ولما القى الحلااال الحلال دايرني اسيبو فشرت والله وانت اولع بي جاز وماضروري تعاين لي ولو شفتني غمض عيونك ، خليتو ليك خشمو ملح ملح ومشيت ، عرفتو كويييس انو مافي حساباتي ولا دايره معاهو .
ماخلصنا لسه وتعالو تاني بكمل ليكم حكاياتي انا لورا
🙏🙏🙏🙏🙏🙏🙏🙏🙏

فتاة الليل(8)

طبعا قصصي مابتخلص وتعالو اوديكم الجامعه تشوفو قصتي هناك شنو ، انا لقيت ليك انو لو انت حبيت تتوب الناس مابريحوك ابدا ، يلا انا بديت السمستر الاول وحاولت ابعد من الناس انا اصلا لو لاحظتو ماعندي صحبات نهائي ولا زمن المدرسه ولو على سماح ديييك ماكانت صحبتي ديك زميلتي في الانحراف ، يلا كنت بعيدة من ناس دفعتي ، لكن في بنوتة عسوله لذوذة كده اسما ضحى كانت دايما بتجي تقعد جمبي في المحاضرة المهم هي اقتحمتني اقتحام واتعرفتا بيها ، بت والله لو كنت اتمنى اكون زي زول كنت اتمنى اكون زيها ، بت طيبه ونضييييفة وظنها دايما حسن في الناس ، انا دموعي ماكانت بتجري في عيوني كانت بتجري في قلبي بي جوة ، لما عرفتها بكيت بي قلبى انى ماكنت زيها ، حبيتا وحسيت ممكن تكون لي اخت ، يلا كل مرة تتعابط فيني عايزة تعرف عني اي شي يلا عشان انا التمست فيها الطيبه ماخبيت عنها حقيقتي وحكيت ليها موشحي مع اختصار بعض الاحداث عشان ماألوث النقاء في روحا و اصدما في طبيعة البشر ، يلا من عرفت الحقيقة وهي تبكي محنتني والله ، وانا اقول ليها يابت المبكيك شنو اذا انا ست الشي مابكيت ، وقعدت اضحك فيها طبعا انا بحب اسخر من نفسي ودي ماده للضحك ، غيرتا ليك مزاجا وقشقشتا ليها دموعا ، خلاص عدت الايام وانا اصلا مابختلط بي زول بحضر محاضراتي وبتكل ، يلا قام في مره جاني واحد من الزملا وعرض علي اعجابو انا قلت ليهو افتكر انت شايفني لابسه دبله وفي الشمال يعني انا متزوجة ومابنفعك قال لي بي كل سفاهه القال منو مابتنفعي ، بس انتو عارفيني مابسكت لكن المرة دي سويت شي مختلف ماانفصمتا فيهو قمت على حيلي نحن كنا في الحوش برا وانا اصلا كنت ماشه البيت وهو وقفني ، يلا قمت على حيلي وبقيت انادي لكن مابي كورايك طبعا مامحتاجه اكورك انا بس ناديت للناس الحوالي والناس بقت تتلملم قلت ليهم : ياناس تعالو اسمعو الشاب المحترم موقفني وبقول لي تعالي احبك وهو عارفني متزوجه يرضيكم ياناس، يرضيكم يمرمط شرفي وشرف اهلي وراجلي '، علييييكم الله ماتضحكو في كلمة شرفي دي ههههههههه عارفة ماعندي شرف لكن بتكلم عن شرفي الجديد شرف راجلي واهلي المساكين ديل والمرة دي انا فعلا بريئة وعشان اربي الحيوان ده وانتقم لي كل البنات الداس علي طرفهم ولو بي العين بس، يلا قعدتا احمس في اصحاب الدم الحار لمن انفصمو ليك فيهو وقبقبوهو وقعدو يعتزرو لي معليش يااخت خلاص امشي وسيبيهو ده حيوان مابستحق ، يلا مشيت وجات ضحويا لاحقاني وهي متكيفه وتضحك قالت لي عفيت منك قلت ليها : انا لي راجلي ماعندي حاجه خلي هو المعفن المقطع ، ياخ ضحكت ضحك وقمنا مشينا كل واحده علي بيتهم .
يلا مشيت لي عمي سليمان وحكيت ليهو الحصل ، قال لي جدعة ده العايزو منك ماتخلي زول يدوس عليك وعلى عرضك ابدا طوالي وقفيهو عند حدو ، وقعدنا تمينا ونستنا وقمتا مشيت طلعتا فوق شقتي ، اي شقتي مش حقت راجلي ؟ حتى لو نحن فيها ابو الزمل ، ماتقيفو لي على الواحده كده ههههههههههههههه، دخلت استحميت ودخلتا لي في فستان اسود بي اصفر كده نوع المنفوش من تحت وفوق لي الركبه داك👗 يلا جيت رقدتا في الكنبة كده في الصاله سمعتا الباب دقا قمت فتحت وعشان ماتستلموني فتحت ووقفت بي ورا الباب اشوف منو ، ياخ صدقو عليكم الله اني اتغيرت ، المهم فتحت لقيتا رنا بت خالتي ،دخلتها وضيفتها وقعدت تتونس معاي قالت لي نفسي اكون زيك حلوة وناعمة قلت ليها تبري وتستبري قعدت تضحك على وكنا مبسوطين لحد مادق الباب تاني ولقيتا خالتي والساعة النهرت ليك البت ونزلتا تحت وقالت لي دي بتي الوحيدة يالورا ابعدي عنها ماتخليها تتأثر بيك ، قلت خير ان شاءالله مابتكلم معاها تاني ولا حتى السلام مابدي ليها ، ياخ اقسم ليكم بالله قلبي ده بي جوة اتجرح تجرح بقى نثاير نثاير فتر من الصدمات نزف وفتر لي درجة اني شايفه موتي حايكون بي النزيف الداخلي ، مافي زول عايز يرحمني مافي زول داير يشوف حقيقتي وضعفي الا ربي وده يكفيني ، القال ياالله مافضل شي ، بس انا عايشه بين البشر مافوق في السما وصدقوني الكلمة احد من السيف فياريت تحاسبو وانتو بتتكلمو مع غيركم، انا اي فسدانة بس عمري ماضايقت زول بي كلمه تجرحو ولو على حيات وخضر حقو تعزروني في اني قليت ادبي ونهرتهم لانو انقهرت منهم ، يلا خالتي نزلت ولاقت شهاب في الباب وصرصرت ليهو وقالت ليهو رنا مادايراها تطلع لي مرتك هنا كلما وكلم مرتك تبعد عنها مابستناها لمن تفسد بتي معاها ،نزلت وهو جا داخل انا كنت سامعاهم وقلبي شغال نزيف ، لما دخل لقاني قاعده في الكنبة وعيوني منكسرة ودي اول مرة زول يشوف كسرت نفسي وده زاد الالم في حشاي لانو انا بعتبر انكساري هزيمة واخر زول عايزاهو يشوفني كده هو شهاب لانو من جنس الرجال وانا بكره الرجال ، لما شفتو مشيت دخلت جوا وقفلت الباب علي لحد ماهو بعد شويه جا دق لي الباب قال لي : لورا افتحي عايز اتكلم معاك قلت ليهو من ورا الباب معليش اعفو لي تاني مابقرب من رنا بت خالتي ولا بديها السلام عشان يدها الط

اهرة ماتتلوث ، مابسلم على شادي عشان ماتفتكروني حاافسدو خلاص ارتاح ياشهاب وخلي خالتي ترتاح وكلم امي في طريقك اني بت فسدانة بلوث امومتا خلوها ماتجيني وانت ياشهاب اعفي لي انا ماكنت دايرة الوث شرفك الغالي وبعد داك سكتا بقا يدق يدق وانا مشيت رقدتا في السرير ومسكت الموس وبكييييييييت دموعي المخزنة ليها سنين طلعتها كلها استغفرت ربي وطلبتا يسامحني لاني عايزه امشي عندو يمكن يكون هو احن علي من حكم البشر وبي يد ترجف قطعتا شرياني لمن صرختا وبقيت شايفه دمي بنزف كميه بقيت بنزف برا وجوا
اليأس ده اكعب شي لو لما في الانسان وشويه كده حسيت بي الدوخه والرؤية بقت تتلاشي اخر شي سمعتو ضربات شهاب في الباب
😭😭😭😭😭😭😭😭😭😭

فتاة الليل(9)

حسيت نفسي طافيه في الظلام سامعه اصوات زي الهمس قلت انا خلاص متا وحالاقي مصيري المظلم ، فتحت بي صعوبة لقيت نفسي راقدة في سرير وحوالي امي وخالتي وعمي سليمان وشهاب كمان ، امي قالت لي سلامتك يالورا ياحبيبتي لييه يابتي سويتي كده ، طبعا قبلتا وشي منهم وقلت ليهم وصوتي تعبان عشان اخلصكم من العار ، عم سليمان قال لي افتكرتك اقوى من كده يابتي ،قلت ليهو انا فاسدة ياعمي وحاافسد غيري والفاسدة عمرا ماحتبقى تقية ، خالتي طبعا ساكته وشهاب برضو ، قلتا ليهم على فكرة انتو الفتشتو عني انا ماكنت بعرفكم كنتو خلوني في وسخي مالكم جبتوني اخرب ليكم حياتكم واوسخ سمعتكم لي جبرتوني اعرس ولدكم ، انا بطلع من هنا بمشي الشارع مابرجع معاكم تاني انا كنت سايبه ليكم الدنيا لي رجعتوني ليها تاني ، امي تبكي ساااي ، امي للاسف مسكينه لمن سلبيه وماقادرة تعمل لي شي، تاني يوم الصباح مرقوني البيت والمرة دي دخلت مع امي اوضتا ومارجعتا شقة شهاب ، ااااي شقة شهاب انا اقتنعت انها مابيتي ولاحقتي ، جاني عمي سليمان وقعد معاي قلت ليهو قبل اي شي لازم شهاب يطلقني انا خلاص مادايرة اكون في عصمتو كفايه عليهو استحملني غصب ، عمي سليمان قال لي لييه يابتي مصرة تطعنينا بي كلامك ، قلت ليهو مادي الحقيقة والحقيقة دايما حارة بتوجع، قال لي لورا نحن اتفقنا تكوني قوية ، قلت ليهو معليش ياعمي انا ماقويه ولا يحزنون انا بشر والناس مابرحمو ، انا ما شغاله بيهم لكن لما اهلي يستعرو مني ماخلاص تاني الدنيا عندي فيها شنو ،
المهم شهاب طلقني ماابى لانو اساسا ماعندو لي شي، وانا لازمتا غرفت امي بقيت من البيت للجامعه والعكس لحد ماتم السمستر وامتحنت
يلا قررت قرار مصيري وانا بعد حاولت انتحر وحياتي سائت اكتر قررت اسيب البيت واسيب امي البحبها واوجه مصيري الاسود ، انا مكتوب لي كده وفعلا عزمتا ولميت حاجتي وبقيت طالعة وامي بقت تبكي لي وجات خالتي وبقت تهز في راسا اسف على حالى عمي سليمان ماكان موجود قلتا ليها سلمي عليهو وودعيهو عني ده الانسان الوحيد السرى عني
مرقتا وانا ماعارفة ماشه على وين ولا اقبل وين ولقيت نفسي راجعة عند بتول تاني
يلا الجزئية دي اسمعوها من شهاب عشان انا منهارة حسي وعايزة ابكي .
انا شهاب ، طبعا عرفتو انو لورا سابت البيت وانا امي ضربت ليا ولي ابوي ولما جينا عرفنا انو لورا مشت ابوي كورك فينا بي علو حسو : انتي وولدك السبب خليتوها تنتحر وحسي هربت ماتفتكري يامدام اني ماعارف انك شاكلتي رنا ونزلتيها وهي بتبكي ،وهي كلمتني وجا ولدك كملا قهرتوها لي لورا وفوتوها المله ادعي ربك مايعاقبك في بتك الخايفة عليها ، لورا كانت محتاجانا نحتويها نطلعا من حياتا المظلمة ، للاسف ياشهاب انا ماربيت راجل قلبو حار شيال تقيلة انت زول اناني طالع لي امك ، وانتي ياام لورا ماحضنتي بتك وشبعتيها حنان فقدتو عمر طويل كنتي سلبيه وخايفه من الفضيحه ، كلكم خفتو من كلام الناس اللا بودي ولا بجيب ، من الليله انا غضبان عليكم وبحملكم ذنب البت المسكينة دي والله يتولاها ، انا شهاب ده جد كسرني كلام ابوي انا ماطلعت راجل صحي الرجولة مواقف ماقوة جسد، انا كنت الجلاد الاعدم التوبة الوليدة ، جد انا لما كسرت الباب بعد سمعتا صرخت لورا وشفتا دمها سايح عرفت اني ظالم وهي عندها مشاعر وبتحس ، خجلتا جد من روحي عشان كده طلقتها لمن طلبت ، انا مشاعري تجاها اتحولت من كره لي شفقة هي في النهاية بت مراهقة ومالقت البوجها ، قررت افتش عنها وارجعا ، يلا رنا اختي وشادي اخوي جو طالعين بي كواريك ابوي، رنا قالت انا عارفه اي شي وسمعت امي وشهاب وعرفت انكم ظلمه لانو لورا بت طيبه وحنونه دي انا لما قلت ليها عايزه اكون جميلة زيك قالت لي تبري وتستبري عارفين لييه عشان هي مابتحب الضر للناس بالجد انا حبيتا وهي اختي دمي ولحمي بت خالتي مابتبرا منها ولا بعيب عليها ، ابوي جا وحضنا وحضن شادي القال وانا برضو مع رناةفي رايا، خالتي قررت تسيب البيت هي برضو لكن ابوي حلف عليها طلاق ماتطلع ، وبقت مابتتكلم مع امي ، امي بقت تهرج وتقول لييه كلكم علي ولا عشان قلتا الحق وخفتا على بتي انا مابكره لورا انا خايفه على اولادي وده حقي ، ابوي حلف يطلقا لو ماسكتت واخواني بقو يبكو وخايفين من البحصل ده ، غايتو حياتنا جد اتخربت بي سبب لورا ، جبناها لي اذانا ، لكن لازم ارجعا تاني مافي حل لانو طلعت هي برضو الحتصلح الخراب .
هاي انا لورا، زي ماقلت ليكم رجعتا لي بتول الفرحت بي فرح شديد واتزكرت ايام النعمة ووريتا اني ماعندي بيت اعيش فيهو قامت ودتني عند واحد معرفة بتأجر غرف للبنات وسكنتني عندها ورجعتا اشتغل مع بتول وشغلي زاد وانغمستا تاني في الوحل من جديد وتاني بديت قصص فظييييعة
👿👿👿👿👿👿👿👿👿👿👿

فتاة االيل(10)

بعد تميت اربعة يوم من طلعتي من البيت وسكنت عند المرا بتول بقت مدخلاني معسكر قالت لي منظرك هلكان وهفتانة دايره عمرة ، يلا بقت شغاله لي عركة لي جسمي وعصاير فريش التقول محبوسه لي عرسي ههههههههه انا اصلا عرستا وكأني ماعرستا ، المهم تميت الاسبوع شويه صحتي بدت ترجع ما انا نزفتا كتير ودمي اتصفى, المهم يوم ضربت لي حانقطع المعسكر لانو طاهر عرف انك رجعتي وداير يتجنن عليكي قال دايرك ، انا جبت ليك العباية الطلبتيها وجبت ليك بلوزه بودي تهووس ومعاها اسكيرت بودي برضو بي لون كبدي يراري مع لونك ، اريتا يايما قشور السرور ماقصرت فيني اصلها لكن المصلحه بتستدعي كده
يلا مشينا لي طاهر وطلب مني اسافر معاهو كسلا ستة يوم ياخ انا قلتا بس ياهو العرس ههههههههههه انحبستا وحسي ماشة شهر العسل 😂😂😂، اضحكو اضحكو ماهو شي بضحك ماتختشو ، المهم رضيت وهو فرح شديد وساقني اليوم داك المول اشتريت كم لبسه صعبات وحاجات حريمي كده وكريمات وريحه ، اي عرفتكم حاتقولو لي دي الشيلة هيهيهيهي، لاماكده لكن انا مرقتا من اهلي بي شوية هدوم وطبعا عارفين انها ساتره وانا ماطالعه الحج ماشه اتعولق فلازم اشتري عدة الشغل ، عارفه بتسألو في نفسكم لي رجعت تاني لي حياتي دي رغم اني كارهاها ، الحياة ماساهلة وانا ماكنت حالاقي البحتضني اذا اهلي انا كنت ليهم عبء ، انا وباء بي النسبة للشرفاء وزي ماقلت ليكم ربنا بقبل التوبه لكن البشر مابقبلوها ، انا بعدت تاني عن ربنا لاني نفسي ضعيفه وهشة ده ماعزر طبعا لكن بالنسبه لي عزر لانو البغلط بتلزمو الاعزار ، يلا المهم فتنا كسلا وقضينا ارزل ايام ههههههه ياخ بتضحكو لييه في كل كلمه اقولا اي قصدي كده ارزل ايام مااسعد لانها احتوت اقصى درجات الرزيلة والحب الحرام.
رجعتا من هناك مبسوطه ونفسياتي اتصلحت من الفسحه لكن كرهي في محلو ونفسي منقرفة من البعمل فيهو ، طبعا انتو كتيير اتسائلتو في نفوسكم الطيبه انا لي ماحملت احب اطمنكم انا عامله احتياطي مابوريكم عاملة شنو عشان عيب عارفاكم عارفين الامور دي وسمعتوها عند اهلكم الكبار بس عيب نتكلم فيها الحيطان ليها اذان وبقولو افسدتكم ههههههههههه، يلا نتم ، انا بعد رجعتا لقيت نتيجتي ظهرت ولقيت معدلي مرتفع ٣.٢٢ قلت ليكم بحب قرايتي لانها الشي الوحيد الجميل في حياتي السيئة دي ، فرحت واتصلت على ضحى لانها وحشتني وباركت لي النتيجه وقالت لي تاني بس ضلك انا هههههههه قصدها في القراية لكن انا قلتا ليها سجمك بضيع حياتك كان باريتيني ، ضحكت قالت لي ماخلاص انتي سبتي الدرب داك ، قلت ليها ضحي انا خليت البيت وطلقتا شهاب وحسي انا رجعت لورا المنحلة تاني وقعدتا ابكي بكا شديد ، قالت لي لازم اشوفك قلت ليها لما يبدا السمستر نتلاقي وبحكي ليك لكن برا الجامعه سمعتك بتهمني ، البت حنستني ابيت قلت ليها كلام الناس مابتستحملي ياضحى انتي بريئة وهشه وطيوبه مابتقدري ، رضخت وشكرتني على اني خايفه عليها ، بعد قفلت منها بتول اتصلت وقالت لي رحاب قبضوها متلبسه في بيت دعارة في حلة تانيه وعرفتا انو بتول البلغت فيهم، قالت لي ماقايلاها خاينه وبتلعب على الحبلين فاكراني بتغشا ليها كان لازم اعلما الادب عشان تجيني راكعة ، غايتو قشور دي كريهه خلاص ياخي سيبي المرا تسترزق في المكان البعجبا طال ما شغاله ليك وبتخممك قروش ، مرا عواليق كيف وعايزه قال تنبهني يعني عشان ماابيعا انا كمان واخونا ، خوخة التقلع ضروسا بركة الله .
عدت الايام على ده الحال والجامعه فتحت تاني ونزلتا الفصل التاني ولاقيت ضحى اللي حضنتني لما شافتني وقالت لي وحشتيني ياخ يالورا قلت ليها وانتي برضو ده انتي من الحسنات القليله في عمري ، يلا قعدنا وحكيت ليها كل شي حصل غايتو البت دي زعلت زعل ، قالت لي كان تجي عندي بدل ترجعي للعزاب من تاني ، قلت ليها مابقدر ادخل بيتكم الطاهر وانا خاطية واحرجك قدام اهلك ، ضحى ماعرفت تقول شنو لانو كلامي صاح ميه ميه يلا قومتها ومشينا نحضر اللكشر ، ماتسألوني ياخ دايره اقشر فيكم مش انا بقرا انجليزي ، قبل ماامشي ودعتا ضحى وكلمتها انو اذا يوم زول سأل عني هنا في الجامعه انتي مابتعرفى عني حاجه واني زميله محببه ليك في الجامعه وبس وافقت هي وبعداك اتكلنا مشينا البيت.
اكيد اشتقتو لي شهوبي ودخالتي والشمار حارقكم طبعا عايزنو يكلمكم فتشني ولا لسه يلا انا ماشه اتجيه عندي طلعه بالليل مع زبون جديد see you later guyz
انا شهاب ،عايز اقول اني تعبتا من يوم لورا فاتت ، مزعلني غضب ابوي علينا وسكاتو مني انا بالذات، طبعا كل يوم بطلع بعد الشغل افتش وابحث عن خيط يوصلني بيها مشيت حتى محل كانت ساكنه مع اهلها القدام مالقيت زول اصلا سألت الناس هناك ماطلعتا بي نتيجه ولقيت الجامعه لسه مافتحت ، قلت بستنا لحد ماتفتح لانو ده المكان الاكيد لورا ماحتسيبو عجبني فيها اصرارها علي القرايه ، ماتقيفو ضدي كلكم والله انا اتربيت زيكم على اني ماارضى بي الغلط ، بتزكر مرة لورا قالت لي لو انت ماعندك غلط في حياتك وكنت

منزه تعال حاسبني ، ياخ البت دي غريبه رغم الوحل المغطيها لكنها دهب صافي على قول ابوي قررت اغير معاملتي ليها لما كنت راجع في اليوم الحاولت تموت روحا فيهو لكن هي ماسمعتني افتكرتني جايي اشاكلا عشان رنا اختي حسيتا سمعت كلام امي ولما دخلتا شفتها حزينه وماادتني فرصه جرت وقفلت بابا عليها، انا للان واجعني كلام ابوي انا اناني وماراجل ، قررت اصلح نظرتو لي وارجع لورا تاني ، كنت جد مبهور بي ابوي كيف هو عطف على لورا وغيرا فهمت انو المعامله الحسنة مرات بتساعد الانسان يعدل نفسو لو غلطان لكن مااي زول في ناس مابنفع فيهم لانهم ملة اعوذبالله ، لورا من الناس الغلطت لانو مافي زول وراها دا صاح ودا غلط ، حاتقولو اتأخرت في استنتاجي للحقيقه حااقول ليكم اعزروني زي ماعزرتو لورا اناغلطتا وعايز اصلح غلطي واحاول ارجعا لي حضن امها تاني.
😔😔😔😔😔😔😔😔😔
✏

فتاة الليل(11)

بعد فترة ترقب لقيت الجامعه فتحت مشيت كم مرة مالقيتا سألت من ناس دفعتا وروني ناس مشيت سألتهم قالو لي لورا دي بتجي للمحاضرات بس وبتمشي مامحتكة بيهم لكن دلوني على بت اسمها ضحى قالو دي الوحيدة البتقعد معاها مرات , فتشتا عن ضحى دي لمن عترتا فيها، طبعا لمن عرفت انا منو عاينت لي عين استغربتها وقامت ساقتني بعيد من اصحابا الكانت قاعده معاهم ، اول شي قالت لي ياخسارة ضيعتو البت مرة تانيه واذيتوها رجعتوها اكعب من اول، انا بهطتا من كلاما قالت لي ماتستغرب انا لورا وثقت فيني وحكت لي عن حياتا وحسي حكت لي عن نكبتا مرة تانيه ، واحب اقول ليك انا ماعارفة هي وين انا مابلاقيها برا الجامعه لانها بتخاف تمس سمعتي دي لورا يااستاذ الجبرتوها تنتحر ، نصيحة اعتبروها ماتت وماتنبشو في المات واندفن ، للمرة التانيه بنطعن في رجولتي وده خلاني اصر القى بت خالتي وانقذا، مشيت طوالي وقررت اراقب الجامعه كل يوم واخدتا اجازه اسبوع عشان اقدر اراقب كويس وانتظرت الفرج.
هاي انا معشوقتكم لورا ههههههههههه اي عارفة بحب اتظارف واخفف دمي دي حاجه مهمة في شغلي ، عايزه احكي ليكم عن زبوني الجديد مجاهد ، انا ماعارفه الاسامي ديل بسموهم ليهم كيف ده لا مجاهد لا شاف الجهاد ده ضلالي ساي سكر وعربدة وامور والله لو قلتها ليكم جسمكم يقشعر وانا منغمسه في كل دة لكن انا زي ماقلتا ماسكرتا ولا سطلتا ابدا كفايه الانا فيهو ماناقصة اتعولق زياده لكن برضو حضرتا جلسات الانس والشراب وكل امور الفوضه ، يلا جهاد ده شغلو براهو والله علمني امور في الزنا شي شي مقذذ لكني سويتو وبعد كل مرة اعمل فيها الشي ده برجع غرفتي ديك ابكي واعزي وامعط شعري بقيت مامستطعمة الشي البعمل فيهو زي زمان حنيت لي عيشة النضافه وقررت جااادة اني ابعد لكن مالاقية فرصة لحد مافي مره من المرات بتول لمتني في زبون جديد وده غير حياتي قلبا فوق تحت والزول ده اسمو مبارك ، شخص غريب بمعنى الكلمة خلاني احتار وبعدين اصدق انو ربنا ماناسيني.
قبل مانتطرق لي حكايتي مع مبارك تعالو اكلمكم عن مقابلتي لي شهاب ودخالتي ماحاقول طليقي لانو البيناتنا ماكان عرس فلا انكسرت القزازه ولا اندفق الزيت لانو القزازه ماكان فيها زيت اساسا ، يلا في يوم خميس كان عندي محاضرة الساعة ١٠صباحا مشيت طوالي على الجامعه ومااسمع ليك ليك الا شهاب بنادي فيني يالورا اقيفي استني ، كنت لابسه عبايه وطرحه لاني في الجامعه بحب احفظ صورتي الحسنة عشان اقدر اقرا في هدؤ، وقفت وجاني مسرع وقال : اخيرا لقيتك ، وين مشيتي يابت انتي وليه طفشتي ، قلت ليهو شهاب انتهينا وارجوكم اعتبروني متا خلاص وعيشو حياتكم النزيهه، قال لي ولو قلت ليك حياتنا قلبتيها برجوعك وخربتيها بي فوتك، قلت ليهو بكرة تنسو الدنيا نسايه ، قال لي مابسيبك لازم ترجعي معاي ابوي مستني رجعتك وامك كمان، قلت ليهو عشان هم اطهر ناس عرفتهم ماعندي رغبه الطخ بياض قلوبهم بي سوادي ، انا بايظه خلاص حياتي شبه حياة روح في حال سبيلك واعتبر نفسك ماشفتني ، قال ليك بقتلك يالورا لو اصريتي تعيشي عيشتك دي واغسل عارك ، قلت ليهو لو تتزكر انا الحياة دي مامتمسكه بيها وانتحرت بس ماتم المراد وانت السبب انت رجعتني لي فسادي تاني ولو حسي عايز تقتلني تكون عملت فيني جميل على الاقل اكون ما قتلت نفسي براي ويمكن وقتها ربنا ينظر لي بي عين الرحمة ، عاين لي مذهول وقال لي جنسك شنو انتي مافي كلام بتقال ولا عندك قصادو كلام انت بت عجيبة جد ، مشيت خليتو في وقفتو دي وكملت طريقي ومشيت محاضرتي .
بعد كده اقدر اكمل ليكم حكايت مبارك زبوني الجديد ، مبارك ده واحد شاب وصغير عمرو ٢٧ سنه عندو مطعم ملكو وبديرو هو نوع المطاعم الراقيه ديك متكلف فيهو ديكورات وحركات ، يلا جا عند بتول يوم وهو زبون مستديم بس ماشفتو حصل انا مابعرف كل زباين بتول بس البتجيبني ليهم ، يلا كان طلب من قشور يجرب بت حلوة تكون وصغيرة ومامستهلكة كتير فكنت انا بحمل المواصفات دي وفعلا جابوني ليهو ويلا لمن دخلتا ليهو في الاوضه وعينو لقطتني وقف مزهول مساااافه وانا بقيت اتبسم واتمايع واقول ليهو مالك شفت عفريت قال لي لا وحياتك شفتا فتاة احلامي ، المرة دي انا التنحتا وزهلتا وقلت ليهو شنوووو ، قال لي انتى هي والله هي
وبديت من النقطه دي تحويله في مجرى حياتي للابد
😇😇😇😇😇😇😇😇😇

فتاة الليل(12)

مبارك زي ماقلت ليكم قال لي انتي فتاة احلامي وانا طبعا افتكرتو نوع من الغزل قلت في نفسي الزول ده ظريف شكلو ، ابتسمتا ليهو وقلت شكرا كلك زوق، قال لي تعالي اقعدي جيت قعدتا في السرير وهو قعد قصادي في الارض وانا استغربتا قال لي بعد اتأملني لي بت حلوة زيك تكون في حتة زي دي قلت ليهو الدنيا مابتريحك ومصيرك مرسوم على جبينك لكن انت الجابك شنوو هنا ود ناس وشكلك نضيف وده محل كلو قذارة قال لي مايغرك شكلي انا كلى زنوب لكن قولي لي اهلك وين وكيف قاعدة هنا لحد الوقت ده قلت ليهو اهلي اتبرو مني واهلي التانين هم الجابوني هنا وزينو لي الطريق ،قال لي خسارة شبابك يضيع كده ، قعدت اعاين ليهو وقلت ليهو انجز يااستاذ ولا زمنك حايخلص ونقضيها كلها كلام قال لي ويعني انا حابب اتكلم معاك قلت ليهو على فكرة بتول بتتسمع في الباب كل شويه عشان تسمع هل الزبون مبدع جوة ولا انا ماشايفة شغلي وكمان عشان هي بتحب تسمع وتشوف المشاهد دي ، قعد يضحك علي وقال لي تصويرك لذيذ للكلام شكلك ما زفرة اللسان ، ضحكت وقلت ليهو انا بشوف التحوير لي كلام الصعلقه والمطلقه بي صور تانيه افضل من اللفظ الحقيقي وببقي مضحك اكتر صدق ؛ ده حتى اللفظ في اللغة الانجليزيه ارحم من لغتنا الزباله،قال لي بتعرفي انجليزي كمان قلت ليهو بي افتخار ايون انا متعلمة عشان يبقى الفيلم علمي ، والله ضحكتو ضحك ، قمت سألتو وقلت ليهو ماتخمني في الكلام وقول لي شنو قصة فتاة احلامك دي ولا ده مدخل ساي، اتغيرت نظرتو للجديه وقال لي ااااااااه يالورا انا جد مصدوم،انا شفتك قبل سنه في السوق كنت قاعد مع صحبي عندو محل بتاع اقمشة وشفتك جايه ودخلتي المحل المقابل ليهو والله قلبي دق ورجف احترت فيك وسبحان الخالق في ماخلق ، بس ماكنت جريء وجيتك توش ومشيتي وانا قلت يارب اجمعني بيها تاني ، انا زي ماوريتك كلي زنوب بتاع نسوان وشلليات ماخليت مرا معرسه مطلقه ولا بت ولما اتمنيت الحلال بيك ربنا حب يعاقبني بيك ولقيتك في اخر مكان اتوقعت اشوفك فيهو ، وحسي انا في حالة من الوجع والخزلان ، قلت ليهو مااي شي بنتمناهو بتحقق وزي ماقلت ليك مصيرك مرسوم على جبينك انا مثلا جبروني اسلك طريق الفساد ولما لقيت الطريق عشان انضف من وسخي قالو لي لأ انتي مكانك هنا وسط القذارات والعفن وحلوني تاني بعد نفضتا عني الطين ، عاين لي بي عيون حزينه قال لي كلامك كلام فلاسفة ضحكت وقلت ليهو انا مجرد عاهرة متواضعه في عالم كبير مافيلسوفة ، قال لي انتى شكلك ضايعة ماعارفة تقبلي وين قلت ليهو انا ماضايعة انا معاي ربنا بس لسه مااذن لي امر قال لي كلامك جميل قلت ليهو ده كلام عمي سليمان لما قال لي انتي في اختبار من الله،قال لي ومنو عمك سليمان قلت ليهو ده ملاك ما من جنس البشر قال لي وانتي ملاكي المن وسط البشر انتي طوق نجاتي من فسادي وعاين لي بي عين متسائلة لورا انتي عايزه تطلعي من بركة الطين دي ؟ قلت ليهو انا كل يوم بفكر جااده لكن مالاقيه بصيص من نور ينور لي الدرب ، قال لي لورا انتي فرصتي عشان اكفر عن ذنوبي شويه اعتبريني بصيص النور المحتاجاهو يتطرد عنك الضلمة ، ابتسمت ليهو وقلت ليهو تقدر تكون شاعر ههههههههه قال لي لورا انا جادي حااطلعك من هنا صاغ سليم ، اول شي انتي ساكنه هنا؟ قلت ليهو لأ ساكنه مع صحبت بتول قال لي بكرة تشيلي عزالك وحالك وتطلعي من هناك ونتفق حسي على مكان انتظرك فيهو تجيني قلت ليهو في المول لكن بتول مابتخليني حاتدخلني السجن زي رحاب قال لي رحاب منو قلت ليهو واحده اعتبرتا خاينة وبلغت فيها ، قال لي انا لما اسوقك بتول تاني مابتلمحك لمحة وده وعد مني ، نزلو دموعي وقلت ليهو بشكرك ياااا انت ماوريتني اسمك منو قال لي مبارك قلت ليهو تشرفنا قال لي الشرف لي يالورا قلت ليهو بس انا ماوريتك اسمي قال لي بتول ورتني وصدقيني مابنفع تكوني غير لورا لورا وبس، بعدها قعدنا نضحك واتفقنا نخدع بتول ونمثل ونحن الاتنين عارفين كيف بكون الموضوع عشان كده بنعرف نمثلو بالصوت ، تحبو اعلمكم كييف ؟ هي هي عيييب لقيتكم مستعدين للانحراف لكن ههههههههه لا لا بهظر حاشاكم بتكونو عندكم شمارات بس انا فاهمة ، يلا ماعلينا المهم تم الزمن وبتول دقت الباب ومبارك كورك ليها احي يابتول ملبن ملبن بس وروروووووووك هههههههههههههه غايتو جنس شي وطلعنا بعد بهدلنا خلقنا شويه نظام طالعين من معركة كرري مهزومين .
يلا ابتدا الجد وابتدت المغامرة مع مبارك وياترى وين موديني يانوري؟
يلا مبارك حابب يحكي دورو في القصة كمان غايتو جنس تدخلات كلهم حاشرين خشومهم معاي ناس تحب الشهرة بالله ، يلا انا ماشه البيت انوم عشان بكرة حااهرب باااااي
😉😉😉😉😉😉😉😉😉😉

فتاة الليل (13)

انا مبارك ملاك الرحمة لي لورتي اي زي ماسمعتو هي حقتي وهي بالمقابل ملاكي المنقذ ، انا زول جربت جميع المنكرات شربت وسطلتا ونمتا مع النسوان شي معرسات شي مطلقات شي بنات وجيت عند لورا واستوب وقفت انا اتخلعتا لمن شفت البت الاتمنيتا جوة بؤرة الفساد كأنو لبست في الحيطة كأنو ربنا حب يختني في اختبار مصيري ياأما افوق يااما اواصل عشان كده قررت اطلع بيها من مستنقع الوحل واطلع نفسي كمان ، انا زول ناجح في حياتي وفاتح مطعم محترم لكن انا في روحي مابسوى ، انا عايش انا وحبوبتي لانو اهلي ماتو ورا بعض وانا لسه مراهق وده خلاني احس انو الدنيا ظلمتني واصحاب السوؤ وروني درب النسيان الزايف وبعدتا عن الطريق السليم وخليت جامعتي ، تخيلو استكبرتا في لورا انو محتفظه بي قرايتا رغم ظروفا الصعبة قالت لي دي الشي الوحيد الكويس في حياتي مابقدر اتخلى عنها، وفكرت جادي انو ارجع اواصل قرايتي ، يلا انا مامهم المهمة لورتي لانو دي قصتا ، المهم انا فكرت جادي اساعدا مافكرت في الترتيب لكن فكرت اول اهربا ، وكل السبل اتفتحت لي عشان نيتي كانت خير ، يلا انا ماشي عشان بكرة حاامشي اجيب لورا .
نكمل يلا، انا رجعت واول يوم انوم وفي قلبي بزرة امل ونومتي كانت مرتاحة ، الصباح قمت على الحمام اغتسلتا واتطهرتا واستحميت تمااام كأني بنضف غبار السنين واتوضيت وصليت الفرض وصليت ركعتين شكر لله انو سمع رجائي حبيت ابدا بي التقرب لي ربي عشان يومي يمشي تمام واقدر اسيب ده كلووووو وراي وقمت اتجهزتا وشلت شنطه صغيرة فيها كم غيار وخليت اي شي وراي ومشيت مافي زول لاقاني وهووب فرتقتا سريع سريع ويامبارك انا جاياك ، مبارك لما اتلاقينا قعدتا حكيت ليهو قصتي بي ادق التفاصيل لانو طبعا ابو الزمل فمااحترمتو وكان مندهش وشي حزين وشي مدمع قال لي يالورتي ياحلوة انا رتبت ليك شغلانه انا كلمت حبوبتي اني جايب ليها واحده ترعاها وتونس وحدتا وهي فرحانه ومستنياك ، حبوبتي مرا كبيرة في السن ومرا جد طيبه وحنينه، قلت ليهو لكن انا مابنفع لانو ماممكن اقعد وانت موجود بجيب ليكم الكلام ، قال لي كلام شنو نحن عايشين في فيلا يرمح فيها الخيل وما مختلطين بي زول نحن اهلنا من قريه وهنا ماعندنا اهل اصلا ولا محتكين بي جيران لانو حبوبه كبيره وماحمل مشاوير وانتي حاتكوني معاها في جناح خاص بيكم وانا براي ماتخافي ابدا يالورا وبخصوص جامعتك امشي عادي ، قلت ليهو بس انا خايفه من بتول قال لي بتول امرها ساهل انا بلبسا قضية تاني كان تشوفيها ولاتشوفك ، انا قعدتا ابكي وقلت ليهو معقول الامور حاتمشي ساهلة كده انا مااتعودتا على كده انا لازم روحي تمرق في ابسط شي،قال لي لورا انا جمبك المرة دي ده الفرق انتي دايما كنتي وحيدة عشان كده المرة دي حاتفرج ماحتسمعي اهانات ولا في زول بشكك في نزاهتك وطيبتك، قلت ليهو لكن عايزاهو شغل حقيقى يعني تديني ماهيه مابقعد عاله عليك ان شاءالله اي تمن مامهم ، قال لي اكيد اكيد ولا يهمك، بعدها اتحركنا مشينا بيتهم انا لورا العشت في الفقر والحرمان لقيت روحي في فيلا مافيها غير الخدم وحبوبت مبارك سكينه ياااااسلام لقيت لي حبوبه اخيرا ،طول عمري نفسي في دفى الاسرة ام واب وجدود وحبوبات غايتو مالو نجرب حاجه حاجه ، جربتا حب امي الحقيقية حسيت بي ابوة عمي سليمان بس الاخوان الاخوات والاطراف التانيه ماعندي مابعرف نهائي احساس انك تكون شقيق، المهم طلعت حبوبة سكينة حاجه روووعة، زولة فاهمة الدنيا صاح واتعركت فيها ياما وهدي صااامده انا حبيتا وهو كمان بقيت اغلب وقتي معاها لما مايكون عندي محاضرات، بقيت اعتني بيها دايما لقيت روحي بحب الحاجات دي وببرع فيها وعرفت اني ممكن اكون بملك مواهب انا ماعارفاها عندي لاني ماكان ليا وقت اعرف بحب شنو وبكره شنو وعلى فكرة الصلاة واظبتا فيها خجلت من حبوبة سكينة كبيييرة تتاتي وبتصلي فأخدتا منها العزيمة ،مبارك وفى لي بي وعدو وما كان بجينا حبوبتو الكانت بتمشي تطلو في جناحو ، اما جامعتي كملت سمستري وامتحنت وعلاقتى استمرت مع ضحوية ضحى وكلمتني بي خطوبتا وباركت ليها شديييييد الله يسعدا وعزمتني عرسا الكان في الاجازة واترددتا لكن وافقت في النهاية ووعدتها اجي ، عشان عارفاكم بتكونو زهجتو وقلتو مالا حياتا بقت مافيها احداث احب اقول ليكم فيلم شهاب لسه ماخلص والزول العبيط ده غير فهمو فيني وبقى دايرني ارجع ليهو قال شنو هو بقى حابيني وعايز نرجع نبدا من الاول ، وااااااااااااي انا بكره ملة الرجال ديل بكرهووووووووووووم ،ولو عايزين الشمار تعالو اسمعو
😦😦😦😦😦😦😦😦😦😦

فتاة الليل ( 14)

في مرة من المرات تاني لقيت شهاب واقف جمب الجامعه لما مشيت اجيب نتيجتي الظاهر كان الاخبار في الجامعه وعارف مواعيد النتيجه متين ،المهم جاني ووقفني انا عبثت في وشو وزفرت كده وقلت ليهو عايز شنو ياشهاب قال لي
شهاب: لورا انتي مرتي ولانسيتي؟
انا: اجي اجي اجي شهاب انت عيان ولا شنو ،انت ولا يوم كنت راجلي داك عرس صوري ساي واذا نسيت افكرك انك قلت مامشتهيني واني تفاحة فاسده واخرتا اطلقنا تاني مرتي دي شنو
شهاب: انا اتغيرتا يالورا ،انا عزرتك حسي وبقيت احبك فراقك صحاني عايزك تكوني معاي تاني
انا: مالازمني انت ،ونحن من نوع مختلف انت قديس وانا من الحشرات
شهاب: اوووووف ياخي انطمي ماتردي على اي كلام بكلام ياخ زهجتيني
كورتكتا فيها: لاتزهجني ولا ازهجك طير منى قلت ليك انسوني ياخ
ومشيت دخلتا الجامعه وشفت بورت النتائج وكانت ممتاذة نتيجتي كالعادة ومابقول معدلي عشان العين هههههههههههههه ، المهم طلعت تاني لقيتو مستني مشيت قلتا ليهو اخلص ياشهاب ماتبقى ممل ، قال لي ارح نتفاهم في مكان تاني غير الشارع
وقررت امشي معاهو واحسمو ومشيت ركبت معاهو ومشينا وداني محلة كده ماعارفة اوصفا كيف المهم خلوها يلا خشينا وانا ماقعدت زاتو طوالي هبيت فيهو : ماحتقدر تقنعني ياشهاب انسى وشيل من بالك
شهاب : يابت خالتي انا اولى من الغريب ارجعي لي انا وانا قبلان
انا: والله؟ قبلان ؟ هو انت تطول ؟ شوف انا لورا دي بي فسادي ده الانا حاليا سبتو وعايشه نضيفه احسن من ١٠ بنات عزراوات وارجل من الرجال زاتهم
شهاب : يعني يستهلكوك الرجال الغربا وودخالتك لأ
انا: والله انت ضيعتا فرصتك وخلاص خلصنا ،
صدمني طبعا وحيرني كلامو ونيتو شنو ماعارفة
شهاب: مالو نصنع الفرصة تاني ونشوف البحصل ياجميل.
وبين لي سريع مقصدو وبقى يقرب علي وقال لي الضاقو الرجال بضوقو انا ، لاااااااااا حتى انت ياودخالتي داير تبقى سفيه المهم دفرتو وقلت ليهو انا خلاص شطبتا ياشاطر ماتفكر تعملوالفي راسك والساعة الماهجم علي وكتفني ورقدني في الارض رفع لي هدومي و.......... غلبني اقولا😭 شهاب ودخالتي سواها فيني وطول عملتو بقول لي بحبك ياخ انا كنت غلطان ،طلعتي طاعمة اطعم من التفاحة نفسها،صوتو كان زي فحيح الافاعي
يعني غايتو قهرني لكنوصدقو مابكيت ماانا مابنكسر ليك ياشهاب ولو نويت تزلني ايش ياخد الريح من البلاط ولاااااشي ياود خالتي وهمست ليهو راجل ياود خالتي بعدها اتحول وقام يضرب فيني اصلي عارفة الكلمة دي بتضايقو واخدت حقي ونقصت رجولتو تُفييي على دي ملة من الرجال ، بعدها قام وهو نفسو قايم من الغضب وقال لي اختفي من حياتنا للابد
قلت ليهو ههههههههههههههههههههاي حياتكم وانتو عايشين اساسا عليك الله لملم رجولتك الجريحة وانسى حاجة اسمها لورا ،قمت اتنفضتا ومشيت طلعتا اتلفت كايسه الطريق وافتش شي اركبو وقررت كان مشي امشي، تحبو تعرفو راي شهاب وعزرو شنو؟
انا كنت عايز اكسر غرورا واخليها ترجع صاغرة حبيت اعرفا مقاما لكن هي غياظه ودمها بقري وانا ركبني الشيطان وخلاني عملتها واتلذذتا بيها، عرفت ساعتا انها لعنة البت دي كرهتها اكتر واتمنيت تختفي تماما من حياتنا .
خوخة تقلع ضروسك ياشهاب قال اختفي وهو انا دايراكم اصلا؟ كل الرابطني هناك بيكم هي امي وحااسوقا منكم صبرك علي ، يلا انا بعد مشي كتير لقيت ركوبة ومشيت طوالي علي فيلا مبارك واتصلت بيهو تعال البيت ضروري في حاجه حصلت ، وقمنا اتلاقينا وقعدنا في جنينة الفيلا وحكيت ليهو الحصل وانو فرحة النتيجه بقت غصة في الاخر ، قال لي اوعي تنتكسي خليك قوية ، وشهاب انا بقتلو في ارضو ، قلت ليهو لأ اوعاك انا فضفضتا ليك ماعشان تبقى مجرم في الاخر ، بس ممكن اطلب طلب، قال لي اطلبي طبعا ، قلت ليهو امي عايزاها تجي تقعد معاي ادينا ملحق الفيلا نسكن فيهو قال لي تأمري امر ولا ملحق الفيلا تسكنو جوة الفيلا نفسها، قلت ليهو ماببقى انا وكمان امي؟ قال لي ممكن لما تتزوجيني قلت ليهو قلت شنو عرس؟ قال لي اي وخليك على راحتك مابقرب عليك بس نتزوج وتكوني هنا بي صفة رسمية ،قلت ليهو تضحياتك كبيرة يامبارك مابقدر اجازيها، قال لي كفاية انك تكوني لورا واسمك على اسمي ، ياخ خجلني عديل كده وانا مابخجل عادتا، كلم حبوبتو اننا حانتزوج قالت لينا الله معاكم وان يامبارك ربنا ياولدي يسعدك في الدارين ويغطي ويستر عليكم يااولادي ، الله الله مرا زي الالماس ، بعدها بدينا خطت جيب امي لي هنا معانا عشان تحضر عرسي وتعيش معانا ، يلا امشو خلاص انا تعبانه ونفسياتي لسه بايظه بعد عملت شهاب وتعالو مره تانيه اعرفو الحصل قدام
😴😴😴😴😴😴😴

فتاة الليل(16)

فكرت كتيير ماعارفة ، انا خايفة من المستقبل ، خايفة اجيب عيال اتمرمطو طول حياتهم ، طيب جايز مااكون بلد اساسا ، متمنيه لكن يكون عندي ولو طفل واحد اغمرو بي الحب المخزون ليهو سنين، تاني قلت ربنا هو الداري بالمستقبل مالي شاغلة بالي انا يعني حايحصل شنو اكتر من الحصل ،مبارك فرصتي الوحيده على الاقل هو شاريني ومامستعر مني ، وزي ماقالت حبوبة يمكن نداوي جروح بعض، قمت قعدت في النت افتش عن الاستخارة وطريقتا ، وقررت استخير ربي ،بالليل عملتها ونمت وصحيت مرتاحه غايتو ،المهم اتوكلت على الله وانتظرتا مبارك في الجنينه ، اي صحيت انا بدري ماهو لما تكون بتفكر ولا مقلق ولا مسافر بتصحى قبل وقتك المتعود تصحي فيهو ، انا ومبارك بنتلاقى هنا كل يوم نتكلم شويه قبال يطلع ، قعدتا زي ساعة كده اتأمل جمال الشجر والزرع والجنايني شغال على قدم وساق فيها، بعد شويه جا مبارك وكان شكلو حزين يمكن عشان امس كنت سلبيه وضايقتو ، لما جا قعد صبحتا عليهو ومسكت يدو وقلت ليهو قبل نبدا في اي كلام انا موافقه اتزوجك يامبارك ، ابتسم لي وشويه ضحك غايتو مجنون خلاص مبارك ده، قال لي حااسعدك ان شاءالله واعوضك عن اي زعل والعرس برانا بنعملو حانعقد في المحكمة ، وحانرجع البيت وتلبسي فستان زفاف ونحتفل انا وانتي وحبوبه ، قلت ليهو الزفاف خليهو ماضروري قال لي انتي عبيطه تلبسيهو زيك وزي اي بت انتي ماعجوز مثلا انتى لسة ١٨سنه قلت ليهو خلاص تمام قال لي الخميس ده بإذن الله نكون انجزنا كل شي ،وقام وودعني وقال لي اطمني يالورا كلو حايكون لي الاحسن ان شاءالله المهم نكون سوا ، مبارك زول مسكين الدنيا ضللتو شويه، عسى نقدر نوازن بعض.
مرا الاسبوع وجا الخميس ومشينا عملنا كل الاجراءات وانا لبست فستان زفاف بسيط كدة بس حلو قال لي مبارك انتي في اي شي حلوه في الصارخ والهادي في البسيط والجايط والفخم وايييي شي،😄غايتو الله يجبر بخاطرو دايما كلامو حلو ، صحي الكلمه الطيبه كشجرة فروعها في السماء وجزورها في الارض ، ماتبقو لي زي مباركي القال انا فيلسوفه هههههههه اسمعو بي هنا وفضو بي هنا، يلا حبوبه فرحت بينا وزغرتت زغاريت قضينا اليوم معاها وتاني يوم مبارك قال نمشي شهر عسل تلاته يوم في مكان جمييييل ،ده كلو وانا مامصدقه كأني بحلم ولا شنو انا والله مابتزكر يوم اتمنيت الشي ده، المهم عملنا كل الاتفقنا عليهو وتم الزواج وعملناها بالحلال ومااحلى الحلال😆😊 ، ورجعنا نعيش مع بعض مع حبوبة سكينه،كانت الايام التلت الزواج جميله وعاديه ،وفي يوم ضحوية اتصلت عزمتني على زواجا وانا حكيت ليها الحصل فرحت لي وزفتني ياخاينه بتعمليها براك، ضحكنا واتونسنا ووعدتها اجي احضر، كان العرس بعد اسبوع كلمت مبارك طبعا قال لي نمشي طوالي مالو وساقني اخدت توب فاهم وطقمتو تمام وهو اخد كمان قميص وبنطلون وجزمه وساعة ،هههه قلنا نظهر جدااااد وحنسنا حبوبة بس وين ابت هي صحتا بقت على قدرا الله يديها الصحة والعافية ، يلا مشيت حضرتا الحنة كانت حفلة حلوة خلاص هججنا تمام انا وصاحبات ضحى وبنات اهلا ،وضحى طالعة بي البلدي عزاااب جميلة خلاص،اما يوم الدخلة قمنا انا ومبارك اتشيكنا واتظبطنا والريحه بخ بخ بخ ومباركي كان ماشاءالله الله يغطيهو من العين ، اي مسمياهو مباركي وهو بقول لي لورتي حبينا نغير من قصة حبيبي وحبيبتي دي لانو نحن بدايتنا ماكانت حب كانت تفاهم واحتياج للاخر مااكتر الحب جا بعدين ، يلا مشينا ليك الصالة ولما جينا داخلين تقول عريس وعروس الناس دي كلها تلفتت وعلقت وانا بقيت حمرا عديل من الخجل ههههههههههه سبحان الله بقيت اخجل ، ولما قعدنا في التربيزة بعد شويه بدت الزفه وجات ضحى وعريسا ماشاءالله حورية ياناس طيبتا وبرائتا كانت مزيناها اكتر من الميك اب والتسريحة ،غايتو عشتا عبرها واقع الفرحه بي الحب والزواج واللمه والاهل والاصحاب ، مبارك ضغط علي يدي نظام انا اهلك انا صحبك انا اي شي دايراهو ، حس بي الحبيب
ماكملت الفرحة لانو مبارك جاهو تلفون خلانا نقوم كلمونا انو حبوبة تعبت وطلبو ليها الاسعاف جرينا مستعجلين باركنا لي ضحى وعريسا واعتزرتا منها اني حاامشي عشان مبارك قالت لي الله معاك والله يطمنكم عليها ، اصيلة البت دي بتمنى زوجها يسعدا ، نحن جرينا بي لبسنا ده على المستشفى لقيناها في العنايه المركزة داخلة في غيبوبه مبارك كان خاايف وانا كمان انا حبيت المرا دي وحبيت اني اراعيها وافرق عليها واونسا ، ونحن واقفين الدكاترة يعاينو لي الممرضين والممرضات يعاينو ، اي عشان لبسي وشياكتي مامناسبه مع المكان ،طبعا مبارك حسى بي الغيرة ههههههه وقال لي ارجعي البيت غيري وارتاحي وتعالي الصباح قلتا ليهو لأ بغير وبرجع مابخلي حبوبة براها قال لي انا في قلت ليهو دي حبوبتي برضو مابخليها ليك براك ضحك وهو في عز خوفو وحضني وباس جبيني وقال لي بحبك ، يلا غيري وتعالي راجعة لي بستناك انا كلمتا السواق يجي قلتا ليهو سواق؟ قال لي اي ده سواق حبوبه انا عاملو ليها متى ماتحب تمرق وانا مافي هو

فتاة الليل( 15)

طبعا ماعدا الحصل بالساهل قعدتا يومين في حالة غضب وحزن ومابنوم من التفكير ، اخر شي قررتا اني حااسوق امي تعيش معاي ونسيب ناس شهاب وامو ونقلعهم من حياتنا عارفه حايكون صعب عليها ويمكن ماترضى لكن قلب الام حنين وانا بحنن قلبها علي ، كلمت مبارك اني عايزة نمشي نجيب امي ووريتو بي خطه نعملا، امي يلا متعودة تمشي كل يوم بي النهار الساعة واحدة لي جمعية قرآنيه، نحن حانمشي نرجاها بي العربيه من بعيد ولما تجي مارة ينزل مبارك ويأشر ليها كأنو عايز يسأل من شي ولما تجي عليهو يجيبا لي، يلا مشينا وصلةالقلتو بي حزافيرو ولما امي قربت عليهو قال ليها معاي لورا في العربية وعايزه تشوفك قامت اترددت وماارتاحت ليهو قام اشر لي طبعا القزاز مظلل وانا الشايفاهم من جوا قمت نزلت القزاز لما شافتني جات بسرعه قمت قلت ليها اركبي عايزة اتكلم معاك طوالي ركبت ومن ركبت وهي تبكي وقعدت تأنب فيني وماكانت بالعة مبارك يمكن فكرتني لافة معاهو وحقها تفكر كده ،المهم مبارك ودانا مطعمو واول مانزلنا اتحاضنا وبكينا ولما دخلنا جوة قعدنا في ركن مطرف وبدينا نتعاتب واتفاجأت بيها اتغيرت الظاهر ملوها من ناحيتي قالت لي مااحترمتي خالتك ولا ولدا بعد رضو يستروك وفوق كده مرقتي سبتي البيت اريتني كان ماعرفتك ولا عرفت انك فلتانة وقليلة ادب ، رجعتي ود خالتك مكسور الخاطر ، قلت ليها انا بتك ماحاتقيفي معاي وتحضري عرسي قالت لي وكيف رضا يعرسك بعد بلاويك دي كلهااكيد كزبتي عليهو قلت ليها حاتبقي زيهم قالت لي يابت هوي لازيهم لازي زول احسن ليك ارجعي معاي لي ود خالتك هو لسه شاريك ولو ماراجل تمام كان قتلك في ارضك يامابتختشي ، جرحتني لكن عزرتها برضو ، حتى امي مصرة معاهم ترجعني لي الدرب الكعب ، قلت ليها الراجل البتقولي عليهو ده استباحني وجا عملو معاي قال عايز يضوق الضاقوو الرجال وغصبني رغم اني كلمتو اني سبت الشي ده بس مارحمني، قالت لي كمان كزابه وعايزه ترمي فيهو بلاك شهاب الشاب المستقيم يغصبك انتي ياالساهلة يالفلتانه ، قلت ليها صدقي ياامي ياهو شهاب المغشوشين فيهو ، انا اتغيرت للافضل واشتغلت بي الحلال ولسه بقرا في جامعتي ، رجوع مابرجع عايزاك انتي تجي تعيشي معاي قالت لي اسيب اختي وبيتا واعيش معاك وين عند الغريب ؟ قلت ليها ده حايبقى زوجي قالت لي هههههههههههههههههههه انتي بتضحكي على روحك ولا علي ده غاشيك عشان ساهله لقاك وانا مابباريك انا كايسه السترةوانتي مفضوحة وانا ماشه جمب الحيطة ، مالازماني عيشتك السودا ، تقدرو تحسو معاي وجعي ياناس حتى امي اتخلت عني عشان الخوف من الناس ، شكرتها وسقتها رجعتها لي مكان ماماشه كانت ، اي ماتستغربو شكرتها وما بي سخريه شكرتها على اللحظات البسيطه الكنت معاها فيها، هي امي الشالتني في بطنا احسن ارد ليها الجميل بي اني اختفي من حياتا واخليها مستورة قدام الناس،وابوي اصلا ولاااا جاب خبري تاني بعد عرف من الاول حقيقتي ، برضو شكرتا مبارك على عرضو وانو خلاص مافي داعي ، قال لي لييه يالورا تقولي كده انا شاريك ماانا عارف الفيك ومابتخير عنك، قلت ليهو بس انت راجل والراجل مابعيبو لو زنا في الشارع بقولو في النهاية راجل ، انا بس حاافضل اهتم بي حبوبة سكينة وخلاص ،قال لي ليه تحرمي نفسك من ابسط حقوقك يعني مثلا ماعايزة تبقى ام؟ ضحكت وقلت ليهو انا ماصالحه اربي اجيال وثم تانيا اجيب اولاد ماليهم ذنب ويفضلو يتعايرو بي امهم ويكرهوني في الاخر، احسن لي كده على نفسي وانا اصلا نفسي غالباني ، مبارك اتضايق من يأسي لكن ده مايأس ده رضى بي الحال والمابشوف من الغربال يبقى اعمى ، قلت ليهو مبارك انت ماقصرتا معاي انت اديتني فرصة الحياة الكريمه ودي اكبر خدمة ، انا مامحتاجه العرس انا جربتا البسووهو في العرس خلاص ولو علي حب راجل انا قلبي مابعرف يحب بعرف يحزن بس ، اتزوج شان شنو ، مبارك سكت وفات مني ماقدر يتحمل حزني، لكن براضيهو بعدين حسي ماشه اطمن على حبوبة سكينه واراعيها وانسى بيها همي، قالت لي حبوبة خلي بالك كمان من مبارك ده زول طيب وحنين كوني جمبو لانو وحيد وفقد اهلو ،قلت ليها وانا كمان فقدتا اهلي، وقلتها صادقه طبعا، قالت لي يبقى داوو جروح بعض، ختتني في صراع جديد مع نفسي مبارك فعلا محتاج لي لكن انا اداويهو كيف وانا كايسه الدوا ، واكتأبتا زيادة ومشيت غرفتي بكيييييييت ، غايتو امتحانات صعبة اصعب من امتحانات الجامعة مافيها تشيلو الماده هنا يامريت يافشلتا 😭 احيي الالم صعب شديد ، كيف اتزوج وكيف اعيش حياة طبيعية مابقدر لأ لأ مابقداااااااار، حااحاول انوم عل الالم يهدا شويه ويسيبني، تعالو تاني اعرفو الحصل وشورو علي في رايكم اعرسو لي مبارك؟
😰 😢😢😢😢😢😢😰

موجود هو حسي حايجي يرجعك وبستناك يجيبك هنا تاني ، يلا رجعت بعد داك غيرتا وعملت سيرمس العربيه قهوة وشلتو ونزلت مشيت المستشفي، حبوبة رقدت ٨يوم كنا بنتناوب عليها بس حارسين شنو ماعارفة لحد ماروحا فاضت ، كنت وصلة حزن جديدة بكينا انا ومبارك عليها بي الدمعة الرويه وخلاص بقينا لي بعض مافي لينا زول يحن ويطبطب ، الناس الكبار ديل شمعة البيت ، مبارك نفذ رغبتا في انو تندفن في البلد مع اهلا ومشينا البلد وهناك استقبلونا وسوو معانا الواجب ،دفناها ورجعنا وبقت الفيلا علينا فاضية وحزينة والله يصبرنا يااارب.
تعبت عايزة ارتاح ولسه حكاوينا ماخلصت باي
😖😖😖😖😖😖😖

فتاة الليل (17)

مضت ايام ونحن زعلانين وفي يوم جا مبارك راجع بدري على غير العادة وكان مبسووووط وجا حضنى وقال لي ربك يمهل ولا يهمل ، مافهمتو بس حسيت انو فرحان فرحت ليهو قال لي بتول وقعت وماسمت دهشني قلت ليهو بتول؟ مالك طاريها الله ينتقم منها وين ماكانت، قال انتقم انتقم اخيرا قلت ليهو بي ضيق مبارك اخلص يلا قول العندك ضحك قال لي غاااااايتو تحبي الشمارات ،ياستي بتول وقعت مع واحد مجرم وماعندو حبيب سرقت منو قروش لمن كان عندهم وصوروهو عشان مايقدر يفتح خشمو قام يوم دس ليهم كيلو بدرة مخدرات وحبوب هلوسة كوووووم شكلو هو تاجر فيهم وبلغ ليك فيهم جوو البوليس كشوهم ولقوهم في اوضاع انتي عارفاها خمون ليك بي الملايات بنات ورجال وقبضو البضاعة عندهم بقت ليهم تهمتين دعارة وتجارة مخدرات ، فرحت لمن بكيت اي بكييييييييت مادي بتول الرمتني للنار وهي بتضحك كيف مااشمت فيها ، مبارك حضني جامد وهداني ، قلت ليهو كيف عرفت قال لي كان عندي صديق مداوم هناك عند بتول وعرف الشمار من ناس الحلة وكان فرحان انو مااتقبض وجا كلمني ماعارف اني متحين الفرصة عشان اوقعا في شر اعمالا وجا الفرج من الله، حضنتو انا تاني وبستو فييي خشمو ، هههههههه غمضو ياخ ماتشوفونا😜 والله مافى احلي منك يامبارك ياابو الرجولة ، اليوم ده ضوقتو حلاوة الخبر وقضينا احلى لحظات ، صدقوني الحب الحلال طااااعم مافيهو خوف ولاقرف ولا اي شي ده سعادتو بتدوم والحرام طعمو مالح وسعادتو في لحظاتو بس
اخيرا شفت فيك اليوم يابتول العولاق ،قال لي مباركي انو حايسجنوها ١٥ سنه ومعاها ولدا وكم زول اتقبض معاهم حاكموهم اقل عشان المخدرات كانت في بيت بتول ، يلا روحي ارتاحت وحسيت روحي خفييييييفة ، فضل حاجه نفسي اسويها قبل اقلب الصفحة نهائي ،سقت مبارك ومشيت بيت ناس خالتي عشان ازور امي مع راجلي وعشان اشوف عمي سليمان الزول الملاك واعرفهم اني اتزوجت من ملاكي الحارس وعايشه في النضافه ، اليوم ده قشرنا واتهندمنا تمااام ، طبعا مااوصف ليكم كيف قابلني عمي سليمان حضني وبكا زيييين وفرح لي وقال لي ربنا مانساك عشان ماسبتي دربو وامي حضنتني واعتزرت لي وقالت يوما كانت مغبونة قلت ليها المسامح كريم وجات رنوشا رنا جاريه سلمت علي وهي بتبكي وشادي كمان وخالتي سلمت علي وهي تعاين لينا وتاعين لي هيأتي الباينه مرووقه ومبسوطه شهاب ماكان موجود شلت رقم امي ووريتا حااطمن عليها كل فترة وسلمت لي عمي سليمان في راسو وودعتهم وكان نلاقي شهاب في الباب سلمتا عليهو وكان مزهوووول مااتخيل يشوفني تاني وكشر في وشي، عرفتو على مباركي وقلت ليهو انا مسامحاك ياشهاب على العملتو فيني عشان ماعايزة اعيش في احقاد وسقتا مبارك ومشينا وكانت دي اخر مشيه ليهم تاني مامشيت وامي بس بالتلفوون .
يوم كنت قاعدة في الجنينه بشم الهوا اصلا الوقت ده كان شتا والجو ظريف مع شمس الشتا جا مبارك وجايب معاهو غدا جاهز وختاهو في التربيزة وقال لي اتفضلي يااحلى لورا في الدنيا اكلي معاي قلت ليهو بتفسدني بي دلعك ده قال انت تأمر ياحبيبنا ونحن بنقول ليك حاضر ضحكت وقلتا ليهو اها ياحسين الصادق وريتنا لكن المواهب جا حضني عليهو وقال لي حسين فاهم مشاعري كويس اظن كلموهو انو عندي لورتي حلوة تستاهل جضمتو وقلتا ليهو ارح ناكل قبال اشبع من الكلام ده
يبدو اني وفيت اليوم العلي وجا وقت اليوم اللي اشكرك يارب على نعمتك علي ، عشت الحب اخيرا ولقيت نصي التاني .
حبوبي مبارك قال لي انو مفكر انو نهاجر نمشي اي مكان جميل وهادي نعيش فيهو مرتاحين ونرمي ورا ضهرنا كل شي حصل قلت ليهو وجامعتي قال لي بقدم ليك اوراقك في المكان البنستقر فيهو ان شاءالله ولما تم الموضوع بخليك لمن تتمي وبعدها نمشي ياحبي
خلاص حابه اسوق مباركي ونطلع فوق عشان...... هههههههه افهموها براكم وتعالو مره اخيرة عشان تعرفو اخر الاحداث معانا انا وملاكي الحارس مبارك
😊😊😊😊😊😊😊😊😊😊

فتاة الليل(18) الاخيرة

لكل بداية نهاية سعيدة تعيسة ايا كانت المهم كلو بنتهي ،انا هنا انتهت قصتي لكن لسه حياتي ماخلصت لسه الحياة فيها بقية ،
تمينا السنتين انا ومبارك وانا اتخرجت الحمدلله بتقدير ممتاذ لاني بحب قرايتي ، طول المدة دي مبارك كان بعمل في اجراءات الهجرة وبحاول ينقل في شغلو لي تركيا ، ايووووا اخترنا نعيش في تركيا ومبارك كان بمشي يسافر هناك كتير عشان يفتح مطعمو هناك وقرر يبيع الفيلا والمطعم الهنا ، وانا كنت بتعالج عشان الموانع الزمان كنت بعملا وبعد سنة علاج حملتا ، كنت راكبه العربية مع مبارك وبطني قلبت ووقفنا العربيه طلعت الفي جوفي كلووو مبارك خاف علي وجرى بي المستشفي ومع الفحوصات عرفو اني حامل لي شهر مبارك كان فرحان وبنطط وانا بس مزهوله انا ؟ انا دي حامل ؟ والدموع جاتك فررررررر بكينا انا ومبارك وبقينا نشكر في الله ، كانت مرحلة الحمل بالنسبه لي تجربة خرافيه وسعيدة رغم مشاكلا، كلمتا امي وفرحت لي ،انا وهي مابنتلاقي بس بنتكلم في التلفون،وفي مرة كلمتني انو شهاب اعترف بي العملو معاي وانو اسفان وندمان وحسي عرس بت جيرانهم وطلعت مابتحترم امو وتقادرها في اي شي مازولت سترة ،وخالتك برضو ندمانة عليك وعلى فوتك مننا،قلت ليها عافيه ليهم الاتنين ، ووفيت بي وعدي لي نفسي اني اسيب امي تعيش في سلام.
بعد فترة عرفت انو ضحى ولدت وجابت بت واحيييي منها سمتا لورا قالت شنوو عشان تطلع حربية وصامدة ، جضمتها وقلت ليها مالك على البت حرام عليك هههههههه، حبيبتي ضحوية وانا بالمقابل جبت للبت سلسلة دهب فيها اسم لورا ،ماجبت اية الكرسي لانو امها ملبساها ليها.
يلا مبارك جا راجع لي حفلة تخرجي وانا حامل وبطني كبيرة وخريجة 😂 جاب لي هدية سر سر مابوريكم وبعد انتهي حفل الخريجين مشينا احتفلنا برانا وقضينا سهرة صباحي وانا حامل المفتري ماكفايه طفلو الفي بطني معزبني جاي يكمل علي ، ويينك ياخصري وين جمال جسمي اهئ اهئ قعدت صدعتو لي مبارك طول السهرة وهو يضحك علي
قبل مانتم هل سألتو نفسكم وين خضر وحيات ؟ انا سألت نفسي ماديل كمان كانو اهلي ، عرفت انو حيات انسجنت فتره بي سبب قضية خطفي وخضر رجع عند اهلو وعيا وفقد النطق بقى شبه انسان وحيات بعد طلعت من السجن رجعت لي اهلها والغريبه قبلوها وخضر طبعا طلقا ، بقت عالة علي ده وعلي ده، خسارة كان ممكن يكونو افضل من كده يلا ربنا يسامحهم جميعا.
ااااااااااااااي مبارااااااك بطني بتتقطع قوووووووم ، هههههههه قومتو ليك مخلوع ماليك يالورتي حبيبتي اهدي ،وانا بكورك الحقني خلاص المغص فرتك بطني وضهري ، المهم قومني بي العافية وطوالي علي المستشفى ولقوني متعسرة في الولادة وطوالي دخلوني عملية ، طبعا ماسألتوني السؤال داك ماعرفتو جنس البيبي؟ نحن قررنا نستني المفاجأة كنا دايرين اي شي المهم يكون بصحة جيدة ، يلا بعد فقتا من البنج شفت مبارك واقف مبتسم قال لي حمدلله على سلامتك يالورتي يااغلى لورا على قلبي كان لساني تقيل غرودتا بي عيوني لكن حبيبي فاهمني قال لي جبتي لينا ولد عسووووول زي مامتو ، كانو دموعي بفروو وببلع في ريقي وشويه شويه قدرت اتكلم واقول ليهو مبروك ياابو مُهتدي ابتسم لي وقال ده احلى اسم اسمعو ابو مهتدي ، مهتدي مبارك سعدالدين ، عجبكم الاسم؟😄
جابو لي ولدي بعدت شديت نفسي شوية، حبييييييتو حبيت تفاصيلو الصغيرة،حبيت نعومتو واي شي فيهو معقول ده كان جواي؟ تجربة جميلة وفيها دموع كانت دموع الفرح، الولد طلع نسخة من ابوهو ومبارك قال عسول زيي قال 😘، مبارك اخيرا ساقنا معاهو تركيا وعشنا هناك حياتنا نحن التلاته.
😍😍😍😍😍😍😍😍😍
قبل ما افارقكم حابه اقول انو الحياة ماساهلة دي مرات قاسيه شديد وفي مشاكل ناس اكتر من ناس تانيه ، الدواخل مامعروف جواها شنو شايله الم ولا فرح خير ولاشر ،نحن نظن في الناس الخير احسن وندع الخلق للخالق ، ومهما قاسينا ربنا رحيم ربنا عطوف ومهما خطينا بغفر لينا المهم نحن مانسيب بابو دايما نطرق عليهو وندعي ليهو ومصيرو يستجيب ، ونصيحه لي اخواتي البنات خافي على سمعتك وسمعت اهلك واعرفي انو المجتمع ظالم مابرحم ، انتي بتجيبي العار عشان الحمل والفضيحة ماتثقى غير في روحك والعايزك هداااك باب بيتكم ، خافي من ربنا خافي شدييييد وامشي جمب الحيط بس كوني حازمه وماترضي الهوان .
دي قصتي وارجو تكونو اخدتو منها البنفعكم

طفلتي 1
بقلمي .فرحة العمر
ﺍﻧﺎ ﺍﺳﻤﻲ ﻋﻤﺎﺭ ﻋﻤﺮﻱ 28 ﺳﻨﺔ ﺍﺗﺨﺮﺟﺖ ﻭﺷﻐﺎﻝ ﻣﺪﻳﺮ ﻓﻲ ﺷﺮﻛﺘﻨﺎ
ﺳﺎﻛﻦ ﺍﻟﻤﻌﻤﻮﺭﺓ ﺣﺎﻟﻨﺎ ﺍﺣﺴﻦ ﻣﻦ ﻣﻤﺘﺎﺯ ﻋﻨﺪﻱ ﺃﺧﺖ ﻭﺍﺣﺪﺓ ﺍﺳﻤﻬﺎ ﻟﻴﻨﺎ ﺃﺻﻐﺮ ﻣﻨﻲ ﻋﻤﺮﻫﺎ 19 ﺳﻨﺔ
ﺃﺻﺤﺎﺑﻲ ﺳﺎﻣﻲ ﻭﺧﺎﻟﺪ ﻭﻣﺤﻤﺪ ﻃﻮﺍﻟﻲ ﻣﻌﺎﻫﻢ ﺑﻨﻄﻠﻊ ﻣﻦ ﺍﻟﺸﻐﻞ ﻧﻤﺸﻲ ﻉ ﺍﻟﺠﻴﻢ ﻧﺮﻓﻊ ﺣﺪﻳﺪ ﺷﻜﻠﻲ ﻃﻮﻳﻴﻴﻴﻞ ﻭﺍﺳﻤﺮ ﻋﻴﻮﻧﻲ ﻟﻮﻭﻧﺎ ﻋﺴﻠﻲ ﻭﺷﻌﺮﻱ ﻛﺘﻴﺮ ﻉ ﻗﻮﻝ ﺍﺧﺘﻲ ﺑﺘﻘﻮﻝ ﻟﻲ ﻛﻴﺮﻟﻲ 😂😂😂😂 ﺃﻗﺮﺏ ﺃﺻﺤﺎﺑﻲ ﻣﺤﻤﺪ ﺑﻨﺘﺸﺎﺑﻪ ﻭﺃﺧﺘﻲ ﺷﻜﻼ ﻣﻜﺴﺮﺓ ﻓﻴﻬﻮ
ﻣﺎ ﺍﻧﻮ ﺍﻫﻠﻲ ﺑﻤﺸﻮ ﺯﻳﺎﺭﺍﺕ ﻟﻜﻦ ﺍﻧﺎ ﺑﺤﻜﻢ ﺍﻟﺸﻐﻞ ﺑﻜﻮﻥ ﻣﺸﻐﻮﻝ ﻣﺎ ﺑﻘﺪﺭ ﻭﻋﺸﺎﻥ ﺷﻐﻠﻲ ﻛﺘﻴﺮ ﻣﺎ ﻛﺎﻥ ﻋﻨﺪﻱ ﺣﺘﻲ ﺯﻣﻦ ﺍﻧﻲ ﺍﺗﻌﺮﻑ ﻋﻠﻲ ﺑﻨﺎﺕ ﻭﻓﻲ ﻳﻮﻡ ﻛﺎﻥ ﻋﺮﺱ ﻋﻤﺘﻲ ﻓﻲ ﻛﺎﻓﻮﺭﻱ ﻭﻻﺯﻡ ﻛﺎﻥ ﻧﻤﺸﻲ ﻧﺒﻴﺖ ﺃﺳﺒﻮﻉ ﺃﺧﺪﺕ ﺇﺟﺎﺯﺓ 10 ﻳﻮﻡ ﻭﻣﺸﻴﺖ ﻭﻓﻲ ﺍﻟﻔﺘﺮﺓ ﺣﻴﺎﺗﻲ ﺍﺗﻐﻴﺮﺕ ﻛﻨﺖ ﻣﺎ ﺑﻌﺮﻑ ﺑﻨﺎﺕ ﺍﻟﻌﻴﻠﺔ ﻭﺑﻌﺪ ﻭﺻﻠﻨﺎ ﻭﺿﻴﻔﻮﻧﺎ ﺍﺗﻠﻤﻴﻨﺎ ﻛﻠﻨﺎ ﻋﺸﺎﻥ ﻧﺘﻌﺎﺭﻑ ﻭﺍﺗﻌﺮﻑ ﻉ ﺑﻨﺎﺕ ﻋﻤﻲ ﻛﺎﻧﻮ 4 ﺑﻨﺎﺕ ﺳﻬﺎﻡ 24 ﻭﺳﺤﺮ 22 ﻭﻟﺪﻥ 20 ﻭ ﺟﻨﺎﺕ ﻭﺩﻱ ﺃﺻﻐﺮ ﻭﺍﺣﺪﺓ 16 ﺳﻨﺔ ﻛﻠﻬﻢ ﺍﺗﻌﺮﻓﺖ ﻋﻠﻴﻬﻢ ﺇﻻ ﺟﻨﺎﺕ ﻗﺎﻟﻮ ﻋﻨﺪ ﺍﻟﺠﻴﺮﺍﻥ ﻭﻋﺎﺭﻓﻴﻦ ﻃﺒﻌﺎ ﺍﻟﺒﻨﺎﺕ ﻟﻤﻦ ﻳﺘﻌﻮﻟﻘﻮ 😂😂😂 ﻭﺑﻘﻮ ﻳﻀﺤﻜﻮ ﻭﺍﻧﺎ ﺻﺪﻋﺖ ﻧﻌﺴﺖ ﻭﻣﺮﺓ ﺍﻟﻌﺮﺱ ﻛﻠﻮ ﺑﻲ ﺭﻭﺍﻗﺔ ﺑﺲ ﺑﺮﺿﻮ ﻣﺎ ﺷﻔﺖ ﺍﻟﺼﻐﻴﺮﺓ ﻭﻓﻲ ﻳﻮﻡ ﻗﺎﻋﺪﻳﻦ ﻛﻠﻨﺎ ﺍﻧﺎ ﻭﺍﺑﻮﻱ ﻛﻤﺎﻝ ﻭﺍﻣﻲ ﺣﻨﺎﻥ ﻭﺍﻋﻤﺎﻣﻲ ﻣﺎ ﻋﺪﺍ ﺍﻟﺒﻨﺎﺕ ﻓﻲ ﺍﻟﻤﻄﺒﺦ
ﻓﺠﺄﺓ ﻋﻤﻲ ﻗﺎﻝ ﻋﺎﻭﺯﻛﻢ ﻓﻲ ﻣﻮﺿﻮﻉ ﻭﻛﻠﻨﺎ ﺳﻜﺘﻨﺎ
ﻳﺘﺒﻊ ...

طفلتي 2
.
ﺍﻫﺎ ﺑﻌﺪ ﺳﻜﺘﻨﺎ ﻋﻤﻲ ﻗﺎﻝ ﻭﺍﻟﻠﻪ ﻳﺎ ﻭﻟﺪﻱ ﻭﻗﻔﺖ ﻣﻌﺎﻧﺎ ﻭﻗﻔﺖ ﺭﺟﺎﻝ ﻭﺍﻧﺎ ﺯﻱ ﻣﺎ ﻋﺎﺭﻑ ﻋﻨﺪﻱ ﻣﺜﻞ ﺍﻟﻘﺮﻳﺐ ﺃﻓﻀﻞ ﻣﻦ ﺍﻟﻐﺮﻳﺐ ﻭﻋﺸﺎﻥ ﺷﻬﺎﻣﺘﻚ ﻭﻃﻴﺒﺘﻚ ﺩﻱ ﻋﻠﻲ ﺑﺎﻟﻄﻼﻕ ﺑﺪﻳﻚ ﻭﺍﺣﺪﺓ ﻣﻦ ﺑﻨﺎﺗﻲ ﺑﺲ ﻫﻨﺎ ﻗﻠﺒﻲ ﻭﻗﻒ 😲😲😲😲😲 ﻭﺧﺸﻤﻲ ﻭﻗﻊ ﻭﻳﺎ ﺃﻣﻲ ﺯﻳﺪﻱ ﺍﻟﻄﻴﻦ ﺑﻠﺔ ﻭﺯﻏﺮﺗﻲ 😭😭😭 ﺍﻧﺎ ﺧﻼﺹ ﺑﻨﺎﺗﻚ ﻳﺎ ﻋﻤﻲ ﻣﻌﻮﻟﻘﺎﺕ ﺩﻳﻞ ﻣﺎ ﺑﻨﻔﻌﻮ ﻗﻠﺖ ﻟﻴﻪ ﻋﻤﻲ ﺍﻧﺎ ﺷﻔﺖ ﺑﻨﺎﺗﻚ ﺑﺲ ﺍﻟﺼﻐﻴﺮﺓ ﻋﺎﻭﺯ ﺍﻗﻮﻝ ﻣﺎ ﺷﻔﺘﻬﺎ ﺍﻟﺮﺍﺟﻞ ﻧﻄﺔ ﻓﻮﻕ ﻭﺷﻐﺎﻝ ﺍﺑﺸﺸﺸﺸﺮﺭ ﺍﺑﺸﺸﺸﺮ ﺍﻻﻫﻲ ﻳﺒﺸﺮﻭﻙ ﻳﺎ ﻋﻤﻲ ﻟﻴﻪ ﺑﺲ 😒😒😒😒 ﺑﻘﻴﺖ ﺷﻐﺎﻝ ﻳﺎ ﺃﺑﻮﻱ ﻳﺎ ﺃﻣﻲ
ﺃﻣﻲ ﻟﻔﺘﺖ ﻋﻠﻲ ﻭﻗﺎﻟﺖ ﻣﻮﻭﻭﺍﺍﺍﻓﻘﺔ ﻭﺍﻟﻤﺎﺅﺫﻥ ﺍﻧﺎ ﻣﺘﺄﻛﺪ ﺗﻤﺎﻣﺎ ﺍﻧﻮ ﻛﺎﻥ ﻣﺪﺳﻲ ﻭﺭﺍ ﺍﻟﺒﺎﺏ ﻃﻴﺐ ﻳﺎ ﺟﻤﺎﻋﺔ ﺍﺳﺎﻟﻮ ﺍﻟﺒﺖ ﻗﺎﻝ ﺍﻧﺎ ﻣﺎ ﻋﻨﺪﻱ ﺑﺖ ﺑﺴﺎﻟﻮﻫﺎ ﺍﻟﺮﺃﻱ ﺭﺃﻱ ﺍﻟﻜﺒﺎﺭ ﻭﻋﻘﺪﻭ ﻭﺍﻟﺮﺍﺟﻞ ﺟﻌﻠﻲ ﻭﻓﻲ ﺍﻟﺠﻌﻞ ﺍﻟﻬﻨﺎﻱ ﺯﺍﺗﻮ ﺍﻷﺳﺒﻮﻉ ﺍﻟﺠﺎﻱ ﺗﺠﻲ ﺗﺴﻮﻕ ﻣﺮﺗﻚ ﻭﺭﺟﻌﻨﺎ ﻭﺍﻧﺎ ﺍﻟﻒ ﺳﺆﺍﻝ ﻓﻲ ﺑﺎﻟﻲ ﻭﻛﻴﻒ ﻓﻲ ﺃﻗﻞ ﻣﻦ ﻧﺺ ﺳﺎﻋﺔ ﺍﻧﺎ ﺑﻘﻴﺖ ﺯﻭﻝ ﻣﺴﺆﻝ ﻃﻠﻌﺖ ﻻﻗﻴﺖ ﺻﺤﺒﻲ ﻣﺤﻤﺪ ﺣﻜﻴﺖ ﻟﻴﻪ ﺍﻟﺤﺎﺻﻞ ﻗﺎﻝ ﻟﻲ ﺍﺻﺒﺮ ﻟﻲ ﺧﻴﺮ ﻭﻣﺮ ﻳﻮﻣﻴﻦ ﻧﺎﺱ ﺃﻣﻲ ﻭﺩﻭ ﻗﻮﻟﺔ ﺍﻟﺨﻴﺮ ﻭﺣﺎﺟﺎﺕ ﺍﻟﺸﻴﻠﺔ ﻭﺍﻧﺎ ﺍﺗﺼﻠﺖ ﻻﺧﺘﻬﺎ ﺍﻟﻜﺒﻴﺮﺓ ﻗﻠﺖ ﻟﻴﻬﺎ ﺍﺩﻳﻨﻲ ﺟﻨﺎﺕ ﻗﺎﻟﺖ ﻟﻲ ﻧﺎﻳﻤﺔ ﻃﻴﺐ ﺭﻗﻢ ﺗﻠﻔﻮﻧﺎ ﻗﺎﻟﺖ ﻣﺎ ﻋﻨﺪﺍ ﺗﻠﻔﻮﻥ ﺍﻟﻴﻮﻡ ﺍﻟﺮﺍﺑﻊ ﻋﻤﻲ ﺟﺎﻧﻲ ﻓﻲ ﺍﻟﺸﺮﻛﺔ ﻗﺎﻝ ﻟﻲ ﻳﺎ ﻭﻟﺪﻱ ﻋﺎﻭﺯ ﻣﻌﺎﻙ ﻛﻠﻤﺘﻴﻦ ﻃﻠﻌﻨﺎ ﻗﻌﺪﻧﺎ ﻓﻲ ﺍﻻﺳﺘﺮﺍﺣﺔ ﻗﺎﻝ ﻟﻲ ﻋﺎﺭﻑ ﺍﻟﻤﻮﺿﻮﻉ ﺣﺼﻞ ﺳﺮﻳﻊ ﺑﺲ ﻭﺍﻟﻠﻪ ﻟﻲ ﺧﻴﺮ ﻭﺑﺘﻲ ﺩﻱ ﺃﺻﻐﺮ ﺑﻨﺎﺗﻲ ﻭﺩﻟﻮﻋﺘﻲ ﻃﻠﺒﻲ ﺑﺲ ﺍﻛﻤﻞ ﺩﺭﺍﺳﺘﺎ ﻭﺗﺎﻧﻲ ﻣﺎ ﻋﻨﺪﻱ ﻃﻠﺐ ﻋﻨﺪﻙ ﻗﻠﺖ ﻟﻴﻪ ﻓﻲ ﻋﻴﻮﻧﻲ ﻭﺍﻧﺖ ﺗﺂﻣﺮ ﻳﺎ ﻋﻤﻲ ﻗﺎﻝ ﻟﻲ ﺭﺑﻨﺎ ﻳﺒﺎﺭﻙ ﻓﻴﻚ ﻭﻳﺰﻳﺪﻙ ﻭﻃﻠﻊ ﻣﺸﻲ ﻭﺍﻟﻴﻮﻡ ﺍﻟﺨﺎﻣﺲ ﺟﺎﺕ ﺍﺧﺘﻲ ﻟﻴﻨﺎ ﻭﺻﺤﺒﺎﺗﺎ ﻧﻀﻔﻮ ﻟﻲ ﺍﻟﺸﻘﺔ ﺣﻘﺘﻲ ﻭﺟﻬﺰﻭﻫﺎ ﺍﻟﻴﻮﻡ ﺍﻟﺴﺎﺩﺱ ﻣﺸﻴﻨﺎ ﺍﻟﺴﻮﻕ ﺍﺷﺘﺮﻳﺖ ﻟﻲ ﺷﻮﻳﺔ ﺣﺎﺟﺎﺕ ﻭﻓﺴﺎﺗﻴﻦ ﻟﻲ ﻟﻴﻨﺎ ﻭﺭﺟﻌﻨﺎ ﺍﻟﻴﻮﻡ ﺍﻻﺧﻴﺮ ﻋﻤﻠﻨﺎ ﻣﻨﺎﺳﺒﺔ ﺻﻐﻴﺮﺓ ﻧﺤﻨﺎ ﻭﻧﺎﺱ ﻋﻤﻲ ﺑﺲ ﻭﻛﻨﺖ ﻗﺎﻳﻞ ﺍﻟﻤﻨﺎﺳﺒﺔ ﻋﺸﺎ ﻭﻛﺪﻩ ﻟﻜﻦ ﻻ ﻃﻠﻊ ﺡ ﺍﺳﺘﻠﻤﺎ ﻭﻋﺮﺱ ﺗﻘﻠﻴﺪﻱ ﻟﻠﻨﻬﺎﻳﺔ ﺑﺎﻟﺪﻟﻮﻛﺔ ﻭﺍﺳﻮﻗﺎ ﻭﺟﻴﺖ ﻋﺸﺎﻥ ﺍﺷﻮﻑ ﺍﻟﻤﺼﻴﺒﺔ ﺍﻻﺩﺑﺴﺖ ﻓﻴﻬﺎ ﻃﻠﻌﺖ ﻣﻐﻄﻴﻨﻬﺎ ﺑﺎﻟﻘﺮﻣﺼﻴﺺ ﺟﺮﺗﻘﻮﻧﺎ ﻭﺭﻛﺒﺖ ﻣﻌﺎﻱ ﻭﻣﺸﻴﻨﺎ ﻃﻮﻝ ﺍﻟﺴﻜﺔ ﻣﺎ ﺍﺗﻜﻠﻤﺖ ﻭﻻ ﻓﺘﺤﺖ ﻭﺷﺎ ﺑﺲ ﻛﺎﻧﺖ ﺑﺘﺒﻜﻲ ﻭﺍﻧﺎ ﻣﺎ ﺣﺒﻴﺖ ﺍﺳﺄﻻ ﻷﻧﻲ ﺍﺻﻼ ﻣﺎ ﻋﻨﺪﻱ ﻟﻴﻬﺎ ﺷﻲ ﻭﺻﻠﻨﺎ ﺍﻟﺸﻘﺔ ﺩﺧﻠﺖ ﺍﻟﺸﻨﻂ ﻭﺟﻴﺖ ﻟﻘﻴﺘﺎ ﻟﺴﺔ ﻣﻐﻄﻴﺔ ﻭﺷﻬﺎ ﻗﻠﺖ ﻟﻴﻬﺎ ﻣﺎ ﺗﻔﺘﺤﻲ ﻭﺷﻚ ﻋﻤﻠﺖ ﺍﺣﺤﻢ ﺍﺣﻢ ﻓﻬﻤﺖ ﻗﻤﺖ ﻃﻠﻌﺖ ﺑﺮﺍ ﻋﺸﺎﻥ ﺗﺎﺧﺪ ﺭﺍﺣﺘﺎ ﻭﺍﺗﺼﻠﺖ ﻟﻲ ﺻﺤﺒﻲ ﻣﺤﻤﺪ ﻭﺑﻘﻴﻨﺎ ﻧﺘﻮﻧﺲ ﺃﻧﻬﻴﺖ ﺍﻟﻤﻜﺎﻟﻤﺔ ﻭﻟﻤﻦ ﺭﺟﻌﺖ ﺟﻮﺍ
ﻳﺘﺒﻊ ...

طفلتي 3
.
ﻟﻤﻦ ﺟﻴﺖ ﺭﺍﺟﻊ ﻣﻦ ﺑﺮﺍ ﻟﻘﻴﺖ ﺷﻨﻄﺘﻲ ﺑﺮﺍ ﺍﻟﻐﺮﻓﺔ ﺩﻗﻴﺖ ﺍﻟﺒﺎﺏ ﻗﺎﻟﺖ ﻟﻲ ﻭﻟﻴﻚ ﻋﻴﻦ ﻛﻤﺎﻥ ﻋﺎﻭﺯ ﺗﻘﻌﺪ ﻣﻌﺎﻱ ﺍﺳﻤﻊ ﻫﻨﺎ ﻳﺎ ﻭﺩ ﺍﻟﻨﺎﺱ ﺍﻟﺸﻘﺔ ﺩﻱ ﻓﻲ ﺧﺮﺷﻤﻴﺔ ﻏﺮﻓﺔ ﺍﻣﺸﻲ ﺍﻧﺨﻤﺪ 😒😒😒 ﺍﻧﺎ ﺑﻘﻴﺖ ﻋﺎﻣﻞ ﻛﺪﻩ 😱😱😱 ﻗﻠﺖ ﻟﻴﻬﺎ ﺍﻧﺘﻲ ﺟﺒﺘﻲ ﻣﻌﺎﻙ ﺑﺖ ﺃﺧﺘﻚ ﻭﻻ ﺩﻩ ﺻﻮﺗﻚ ﻭﻗﺮﺑﺖ ﺍﺿﺤﻚ ﺑﺲ ﺧﺘﻴﺖ ﻳﺪﻱ ﻓﻲ ﺧﺸﻤﻲ ﺩﺧﻠﺖ ﺍﺳﺘﺤﻤﻴﺖ ﻭﻧﺰﻟﺖ ﺍﻟﺴﻮﺑﺮ ﻣﺎﺭﻛﺖ ﻣﻠﻴﺖ ﺍﻟﺘﻼﺟﺔ ﻭﻗﻔﻠﺖ ﺍﻟﺒﺎﺏ ﺑﺎﻟﻤﻔﺘﺎﺡ ﻭﻧﺰﻟﺖ ﺩﻭﺭﺕ ﺍﻟﻌﺮﺑﻴﺔ ﻭﻣﺸﻴﺖ ﻟﻲ ﺃﺻﺤﺎﺑﻲ ﻗﻌﺪﻧﺎ ﺷﻮﻳﺔ ﺑﻌﺪﺍﻙ ﻭﺩﻋﻨﺎ ﺑﻌﺾ ﻭﻣﺸﻴﺖ ﻣﻊ ﻣﺤﻤﺪ ﺍﺗﻮﻧﺴﻨﺎ ﻭﻋﻤﻞ ﺣﺮﻛﺎﺕ ﻭﺑﺲ ﻓﻮﻕ ﺗﺤﺖ ﻛﺪﻩ ﻗﺎﻝ ﻟﻲ ﺃﺧﺘﻚ ﻛﻴﻒ ﻭﺑﻘﻲ ﻳﻌﺎﻳﻦ ﻟﻲ ﻓﻮﻕ ﻗﻠﺖ ﻟﻴﻪ ﻛﻮﻳﺴﺔ 😏😏😏 ﺑﻌﺪﺍﻙ ﻗﺎﻝ ﻟﻲ ﺍﻟﻌﺮﻭﺱ ﻋﻤﻠﺖ ﻣﻌﺎﻫﺎ ﺷﻨﻮ ﻋﺎﻳﻨﺖ ﺍﻟﺴﺎﻋﺔ ﻟﻘﻴﺘﺎ ﻋﺎﻣﻠﺔ 2:30 ﻗﻠﺖ ﻟﻲ ﺃﺣﻤﺪ ﺍﻧﺰﺯﺯﺯﺯﺯﻝ ﻧﺰﻝ ﺩﻭﺭﺕ ﺍﻟﻌﺮﺑﻴﺔ ﺳﺮﻳﻊ ﻭﺻﻠﺖ ﻓﺘﺤﺖ ﺍﻟﺒﺎﺏ ﻣﺸﻴﺖ ﻟﻠﻐﺮﻓﺔ ﺩﻗﻴﺖ ﺍﻟﺒﺎﺏ ﺑﺲ ﺷﻜﻠﻬﺎ ﻧﺎﻣﺖ ﺩﺧﻠﺖ ﺍﻟﻤﻄﺒﺦ ﻋﺸﺎﻥ ﺁﻛﻞ ﻟﻘﻴﺘﺎ ﺷﺎﻟﺖ ﺍﻟﺸﻴﺒﺲ ﻭﺍﻟﺸﻜﻮﻻﺗﺎﺕ ﻛﻠﻬﺎ ﻭﺍﻟﻌﺼﻴﺮ ﺷﺮﺑﺖ ﻣﻮﻳﺔ ﻭﻋﻤﻠﺖ ﻟﻲ ﺳﺎﻧﺪﻭﻳﺘﺶ ﺑﺘﺎﻉ ﻣﺮﺑﺎ ﻭﺩﺧﻠﺖ ﻧﻤﺖ 3 ﻳﻮﻡ ﺑﺎﻟﺤﺎﻟﺔ ﺩﻱ ﺍﻟﻴﻮﻡ ﺍﻟﺮﺍﺑﻊ ﺩﻗﻴﺖ ﻟﻴﻬﺎ ﺍﻟﺒﺎﺏ ﻗﻠﺖ ﻟﻴﻬﺎ ﺍﻧﺎ ﻧﺎﺯﻝ ﺍﻟﺸﻐﻞ ﺍﻟﻘﺮﻭﺵ ﻓﻲ ﺍﻟﻤﻄﺒﺦ ﻭ ﻭﺻﻴﺖ ﻟﻴﻚ ﻣﺮﺓ ﺗﺠﻲ ﺗﻨﻀﻒ ﻟﻮ ﻋﺎﻭﺯﺓ ﺣﺎﺟﺔ ﺍﺗﺼﻠﻲ ﺧﺘﻴﺖ ﻟﻴﻚ ﺗﻠﻔﻮﻥ ﻓﻲ ﺍﻟﺘﺮﺑﻴﺰﺓ ﻓﻴﻬﻮ ﺭﻗﻤﻲ ﻭﺭﻗﻢ ﻟﻴﻨﺎ ﻗﺎﻟﺖ ﻟﻲ ﻳﻼ ﻃﻴﺮ 😠😠😠😠😠 ﻃﺒﻌﺎ ﺧﻼﺹ ﺃﻋﺼﺎﺑﻲ ﻭﺃﺧﻼﻗﻲ ﻭﻛﻞ ﺣﺎﺟﺔ ﻓﻴﻲ ﻏﻀﺒﺖ ﻋﺎﻭﺯ ﺃﻓﺘﺢ ﺧﺸﻤﻲ ﺍﺗﺼﻞ ﻣﺤﻤﺪ ﻗﺎﻝ ﻟﻲ ﺃﻧﺰﻝ ﺍﻧﺎ ﺗﺤﺖ ﻃﻠﻌﺖ ﺍﺗﺼﻠﺖ ﻟﻲ ﻗﺎﻟﺖ ﻟﻲ ﺍﻧﺎ ﻋﺎﻭﺯﺓ ﺍﻣﺸﻲ ﺍﻟﻤﺪﺭﺳﺔ ﻗﻠﺖ ﻟﻴﻬﺎ ﺃﺧﺪﺕ ﻟﻴﻚ ﺍﺟﺎﺯﺓ ﺗﻨﺰﻟﻲ ﺑﻌﺪ ﺍﺳﺒﻮﻋﻴﻦ ﻋﺸﺎﻥ ﺍﻧﺘﻲ ﻋﺮﻭﺱ ﻗﺎﻟﺖ ﻟﻲ ﻻ ﺍﺳﻲ ﺡ ﺗﺮﺳﻞ ﺷﻮﻓﻴﺮ ﻭﻻ ﺍﻣﺸﻲ ﺑﺎﻟﻤﻮﺍﺻﻼﺕ ﻗﻔﻠﺖ ﻓﻲ ﻭﺷﻬﺎ ﺍﺗﺼﻠﺖ ﻟﻲ ﺃﺧﺘﻲ ﻗﻠﺖ ﻟﻴﻬﺎ ﺍﻣﺸﻲ ﻟﻴﻬﺎ ﺍﻧﺘﻲ ﻭﺍﻣﻲ ﺍﻟﺒﻴﺖ ﻋﺸﺎﻥ ﺍﻧﺎ ﻣﺎ ﻓﺎﺿﻲ ﻣﺸﻮ ﻟﻴﻬﺎ ﻭﺍﻟﻤﻬﻢ ﺷﻜﻠﻬﺎ ﺍﻗﺘﻨﻌﺖ ﺃﺳﺒﻮﻉ ﻣﻦ ﺍﻟﺸﻐﻞ ﺑﻘﻴﺖ ﺑﺮﺟﻊ 6 ﻣﺴﺎﺀ ﻓﻲ ﻳﻮﻡ ﻛﺎﻥ ﻋﻨﺪﻱ ﺍﺟﺘﻤﺎﻉ ﻗﻠﺖ ﻟﻴﻬﺎ ﺡ ﺍﺗﺄﺧﺮ ﺍﻟﺴﺎﻋﺔ 10 ﻭﻃﻠﻌﺖ ﻣﺸﻴﺖ ﺍﻟﺸﻐﻞ ﻟﻘﻴﺖ ﺍﻻﺟﺘﻤﺎﻉ ﺍﺗﻠﻐﻲ ﻭﺧﻠﺼﺖ ﺍﻟﺸﻐﻞ ﺍﻟﺴﺎﻋﺔ 2 ﻓﻘﻠﺖ ﺍﺭﺟﻊ ﺍﻟﺒﻴﺖ ﺭﺟﻌﺖ ﺍﻟﺒﻴﺖ ﻓﺘﺤﺖ ﺍﻟﺒﺎﺏ
ﻳﺘﺒﻊ ..

طفلتي 4
.
ﻭﻳﺎﺍﺍﺍﺍﺍﺍﺍﻩ ﻟﻤﻦ ﻓﺘﺤﺖ ﺍﻟﺒﺎﺏ ﺷﻔﺘﻬﺎ ﻭﻛﺎﻧﺖ ﻭﺍﻗﻔﺔ ﻉ ﺍﻣﺸﺎﻁ ﺭﺟﻮﻻ ﺑﺘﺤﺎﻭﻝ ﺗﺸﻴﻞ ﺍﻟﺮﻣﻮﺩ ﻣﻦ ﻓﻮﻕ ﻭﺍﻟﺸﻌﺮ ﻟﻲ ﻧﻬﺎﻳﺔ ﺍﻟﻀﻬﺮ ﺿﻔﻴﺮﺓ ﻭﺍﺍﺍﺣﺪﺓ ﻻﺑﺴﺔ ﺑﺠﺎﻣﺔ ﺗﻼﺗﺮﺑﻊ 😆😆 ﻭﺍﻟﻠﻮﻥ ﺍﺑﻴﺾ ﻋﺎﻳﻨﺖ ﻛﺪﻩ ﻟﻤﻦ ﻓﺘﺮﺕ ﺑﻌﺪﺍﻙ ﻗﻠﺖ ﺑﻲ ﺻﻮﺗﻲ ﺍﻟﻌﺎﺍﺍﻟﻲ ﻣﻌﻘﻮﻟﺔ ﻋﺮﻭﺱ ﻻ ﺣﻨﺔ ﻻ ﺩﺧﺎﻥ ﺑﺲ ﺍﺗﺨﻠﻌﺖ ﻭﺍﺗﻠﻔﺘﺖ ﺑﺎﻟﻠﻪ ﺍﻟﻌﻴﻮﻥ ﻗﺪﺭ ﺍﻟﻔﻨﺠﺎﻥ ﺩﻗﻴﻘﺔ ﻣﺎ ﻧﺴﺤﺮ ﻣﺮﺗﻲ 😂😂 ﻭﺍﻟﺸﻔﺎﻳﻒ ﻭﺭﺩﻳﺔ ﻭﻗﺎﻣﺖ ﺟﺎﺭﻳﺔ ﻗﻠﺖ ﻟﻴﻬﺎ ﻳﺎ ﺑﺖ ﺍﺳﺘﻨﻲ ﻳﺎ ﺣﻠﺒﻴﺔ ﺩﻗﻴﻘﺔ 😂😂😂 ﺟﺮﺕ ﻗﻔﻠﺖ ﺍﻟﺒﺎﺏ ﻭﺑﻘﺖ ﺗﺮﺩﺡ ﺍﺗﺼﻞ ﻗﻮﻝ ﺍﻧﺖ ﺟﺎﻱ ﺗﺠﻴﻚ ﺍﻟﻄﺎﻭﻳﺔ ﺣﺒﺎﻻ ﻭﻟﻤﻦ ﺗﺠﻲ ﺩﻑ ﺍﻟﺒﺎﺏ ﺑﺒﺒﻮ ﺍﻟﻴﺨﻨﻘﻚ 😂😂😂 ﻗﻠﺖ ﻟﻴﻬﺎ ﻉ ﻓﻜﺮﺓ ﺍﻟﺸﻘﺔ ﺷﻘﺘﻲ ﻭﺃﻧﺎ ﺣﺮ ﻗﺎﻟﺖ ﻟﻲ ﻃﻴﺐ ﺍﺭﺟﻲ ﺍﻟﺮﺍﺟﻴﻚ ﺩﺧﻠﺖ ﺍﺳﺘﺤﻤﻴﺖ ﻭﺷﻐﻠﺖ ﺃﻏﺎﻧﻲ ﻫﺎﺩﻳﺔ ﻭﺑﻘﻴﺖ ﺃﻓﻜﺮ ﻓﻲ ﺍﻷﻧﺎ ﺷﻔﺘﻮ ﻣﻌﻘﻮﻟﺔ ﺑﺲ ﺑﺖ ﺗﺸﻐﻞ ﺗﻔﻜﻴﺮﻙ ﻛﺪﻩ ﻻﻻ ﻳﺎ ﻋﻤﺎﺭ ﺍﻧﺖ ﻣﺎ ﻋﻨﺪﻙ ﺷﻲ ﻟﻠﺒﻨﺎﺕ ﺑﺲ ﻛﺄﻧﻲ ﺣﺒﻴﺖ ﻻﻻ ﻻ ﺗﻔﻜﻴﺮ ﺑﺲ ﻋﺸﺎﻥ ﻣﺮﺗﻚ ﻻﻻ ﺑﻘﻴﺖ ﻓﻲ ﺻﺮﺍﻉ ﻟﺤﺪ ﻣﺎ ﻧﻤﺖ ﺍﻟﺼﺒﺎﺡ ﻃﻠﻌﺖ ﻭﺟﺎﺕ ﻓﺘﺤﺖ ﺍﻟﻐﺮﻓﺔ ﻭﺑﻘﺖ ﺗﻀﺮﺏ ﻓﻴﻨﻲ ﻭﺗﺒﻜﻲ ﻗﻤﺖ ﻣﺨﻠﻮﻉ ﻓﻲ ﺷﻨﻮ ﻳﺎ ﺑﺖ ﻭﺩﻳﻨﻲ ﻟﻲ ﻧﺎﺱ ﺃﻣﻲ ﻋﺎﻭﺯﺓ ﺃﻣﻲ ﻣﺎ ﻋﺎﻭﺯﺓ ﺍﻗﻌﺪ ﻋﺮﻓﺖ ﺍﻧﻲ ﻳﺎ ﺩﺍﺏ ﻣﺘﺰﻭﺝ ﻃﻔﻔﻔﻔﻠﺔ ﻃﻴﺐ ﺃﻫﺪﻱ ﻋﺸﺎﻥ ﺍﻓﻬﻢ ﻻ ﺑﺲ ﻗﻮﻡ ﺍﺳﻲ ﻗﻤﺖ ﻣﺸﻴﺖ ﻏﺴﻠﺖ ﻭﺷﻲ ﺍﺳﺘﺤﻤﻴﺖ ﻭﺟﻴﺖ ﻗﻠﺖ ﻟﻴﻬﺎ ﻗﻮﻣﻲ ﺍﺭﺡ ﻗﺎﻟﺖ ﻟﻲ ﺭﺍﺡ ﻗﻠﺖ ﻟﻴﻬﺎ ﻗﻮﻣﻲ ﻗﺎﻟﺖ ﻟﻲ ﻭﺍﻧﺖ ﻗﺎﻋﺪﺓ ﻋﺎﻳﻨﺖ ﺗﺤﺖ ﻟﻘﻴﺘﺎ ﻓﻌﻼ ﻭﺍﻗﻔﺔ 😂😂😂😂😂😂😂😂😂😂😂😂ﻭﺍﻟﻤﺮﺓ ﺩﻱ ﻣﺎ ﻗﺪﺭﺕ ﻭﻓﻜﻴﺘﺎ ﺿﺤﻜﺔ ﺑﻲ ﺃﻋﻠﻲ ﺻﻮﺕ ﻋﻨﺪﻱ ﺑﺎﻟﺠﺪ ﻣﺎ ﻗﺪﺭﺕ ﻳﺎ ﺟﻤﺎﻋﺔ ﺍﺗﺨﻴﻠﻮ ﻣﻌﺎﻱ ﺭﺍﺳﺎ ﻓﻲ ﺑﻄﻨﻲ 😂😂😂😂😂😂 ﻳﻌﻨﻲ ﺣﺎﺟﺔ ﻛﺪﻩ ﻧﺘﺸﺔ ﺑﺲ ﻗﺎﻣﺖ ﻧﻈﺎﻡ ﺯﻋﻠﺖ ﻛﺸﺤﺖ ﻓﻴﻨﻲ ﺍﻟﻤﻮﻳﺔ ﻭﻃﻠﻌﺖ ﺑﻘﻴﺖ ﻭﺍﻗﻒ ﻛﺪﻩ 😯😯😯ﺟﺎﺕ ﻗﺎﻟﺖ ﻟﻲ ﻏﻴﺮ ﺳﺮﻳﻊ ﻭﺗﻌﺎﻝ ﻭﺗﺎﻧﻲ ﻗﺒﻞ ﺗﻀﺤﻚ ﻓﻜﺮ 😊😊 ﻭﻣﺸﺖ ﻏﻴﺮﺕ ﻭﺟﻴﺖ ﻟﻘﻴﺘﺎ ﻧﺎﻳﻤﺔ 😭😭😭 ﻃﻴﺐ ﺍﻧﺎ ﺻﺤﻴﺖ ﻣﻦ ﻧﻮﻣﻲ ﻭﺗﻌﺒﺖ ﻟﻴﻪ ﻗﻠﺖ ﺍﺻﺤﻴﻬﺎ ﺑﺲ ﻗﻠﺖ ﺧﻠﻴﻬﺎ ﻧﺎﻳﻤﺔ ﻗﻌﺪﺕ ﺟﻤﺒﻬﺎ ﻭﺳﺒﺤﺎﻥ ﻣﻦ ﺧﻠﻖ ﻫﺬﺍ ﺍﻟﺠﻤﺎﻝ ﻣﻼﻙ ﻭﻫﻲ ﻧﺎﺋﻤﺔ ﺑﺮﺍﺀ ﺍﻟﺪﻧﻴﺎ ﻓﻴﻬﺎ ﻟﻤﻦ ﻗﻠﺖ ﻣﻌﻘﻮﻟﺔ ﺍﻧﺎ ﺍﺗﺰﻭﺝ ﻃﻔﻠﺔ ﺑﻘﻴﺖ ﺍﻟﻤﺲ ﻓﻲ ﻭﺷﻬﺎ ﻭﺷﺪﺓ ﻣﺎ ﻧﺎﻋﻢ ﻳﺎ ﺟﻤﺎﻋﺔ ﻳﺪﻙ ﺗﺨﺘﻬﺎ ﺗﻨﺰﻟﻖ ﺑﺮﺍﻫﺎ 😂😂😂😂 ﻭﺑﻘﻴﺖ ﻟﻤﺴﺖ ﺍﻧﻔﻬﺎ ﻭﻧﺰﻟﺖ ﺗﺤﺖ ﺑﻘﻴﺖ ﺍﻟﻤﺲ ﻓﻲ ﺷﻔﺎﻳﻔﺎ ﻗﺎﻣﺖ ﺍﺗﻘﻠﺒﺖ ﻗﻤﺖ ﻗﻠﺖ ﺍﺣﺴﻦ ﺍﻭﺩﻳﻬﺎ ﺟﻮﺓ ﻣﺸﻴﺖ ﻓﺘﺤﺖ ﺍﻟﻐﺮﻓﺔ ﻭﺟﻴﺖ ﺷﻠﺘﻬﺎ ﺩﺧﻠﺘﻬﺎ ﺟﻮﺓ ﻭﻗﻌﺪﺕ ﺷﻮﻳﺔ ﻭﻃﻠﻌﺖ ﻣﺸﻴﺖ ﻟﻲ ﻟﻴﻨﺎ ﻓﻲ ﺍﻟﺠﺎﻣﻌﺔ ﻭﻣﺸﻴﺖ ﻟﻲ ﻧﺎﺱ ﺃﻣﻲ ﻭﺟﻴﺖ ﺭﺍﺟﻊ ﻗﻌﺪﺕ ﺷﻮﻳﺔ ﺟﺎﺑﺖ ﻟﻲ ﻣﻮﻳﺔ ﻭﻗﺎﻟﺖ ﻟﻲ ﻋﺎﻭﺯﺓ ﺍﺗﻜﻠﻢ ﻣﻌﺎﻙ ﻗﻠﺖ ﻟﻴﻬﺎ ﺍﺗﻔﻀﻠﻲ ﻗﺎﻟﺖ ﻟﻲ ﺍﻧﺖ ﻋﺎﺭﻑ ﺍﻧﻚ ﻏﻠﻄﺖ ﻭﺍﺗﺰﻭﺟﺘﻨﻲ ﺗﻤﺎﻡ ﻭﺍﻧﺎ ﻣﺎ ﻋﺎﻭﺯﺍﻙ ﻭﻣﺎ ﺑﻘﺪﺭ ﺍﻛﺴﺮ ﻗﻠﺐ ﺍﺑﻮﻱ ﻋﺸﺎﻥ ﻧﻔﺴﻲ ﻣﺎ ﺡ ﺍﻋﻤﻞ ﻛﺪﻩ ﺧﻠﻴﻚ ﻓﻲ ﺣﺎﻟﻚ ﻭﺍﻧﺎ ﻓﻲ ﺣﺎﻟﻲ ﻭﻗﺎﻣﺖ ﻋﺎﻭﺯﺓ ﺗﻤﺸﻲ ﻣﺴﻜﺘﻬﺎ ﻗﻠﺖ ﻟﻴﻬﺎ ﺍﺗﺠﻬﺰﻱ ﺡ ﺍﻭﺩﻳﻚ ﻟﻲ ﻧﺎﺱ ﺃﻣﻚ ﺍﺳﺒﻮﻉ
ﻳﺘﺒﻊ ..

طفلتي 5
.
ﺟﻬﺰﺕ ﻭﻃﻠﻌﻨﺎ ﻣﺸﻴﻨﺎ ﺑﻴﺖ ﻋﻤﻲ ﻭﺑﻌﺾ ﺳﻠﻤﻮ ﻭﺍﺗﻐﺪﻳﻨﺎ ﻋﻤﺘﻲ ﺟﺎﺑﺖ ﻟﻲ ﺍﻟﺒﻮﻡ ﺍﻟﺼﻮﺭ ﺣﻘﺖ ﺍﻟﻌﺎﺋﻠﺔ ﻋﺸﺎﻥ ﻧﺘﻔﺮﺝ ﻓﻴﻬﺎ ﻭﻟﻘﻴﺖ ﻟﻴﻬﺎ ﺻﻮﺭ ﻛﺘﻴﺮﺓ ﻭﺣﻠﻮﺓ ﺷﺪﻳﺪ ﻭﻛﺎﻧﺖ ﻫﻲ ﺃﺟﻤﻞ ﻭﺍﺣﺪﺓ ﻓﻲ ﺍﺧﻮﺍﺗﺎ ﻭﻋﻤﻲ ﻗﺎﻝ ﻟﻲ ﺩﻱ ﺻﻮﺭﺓ ﻭﻫﻲ ﻋﻨﺪﺍ ﺃﺳﺒﻮﻉ ﻗﻠﺖ ﻟﻴﻪ ﻛﺎﻧﺖ ﻣﺘﻴﻦ ﺍﻟﺼﻮﺭﺓ ﺩﻱ ﻗﺎﻝ ﻛﺎﻧﺖ 2003 ﻗﻠﺖ ﻟﻴﻪ ﺍﻳﻮﺍ ﺗﺎﻧﻲ ﻭﻗﻔﺖ ﻓﻮﻕ ﻗﻠﺖ ﻟﻴﻪ ﻗﻠﺖ ﻟﻲ ﻛﻢ ﻳﺎ ﻋﻤﻴﻴﻲ ﻳﻌﻨﻲ ﻛﻴﻒ ﻳﻌﻨﻲ ﺍﻟﻜﻼﻡ ﺩﻩ ﺑﻘﻴﺖ ﺍﺗﻤﺘﻢ ﻭﻋﺮﻗﺖ ﻭﻛﺮﻋﻴﻨﻲ ﺣﺴﻴﺖ ﺑﻴﻬﻢ ﺍﺗﺸﻠﻮ ﻛﻴﻒ ﻳﻌﻨﻲ ﻳﺎ ﻋﻤﻲ ﻭﺑﻘﻴﺖ ﺍﻛﺢ ﺟﺎﺏ ﻟﻲ ﻣﻮﻳﺔ ﻗﺎﻝ ﻟﻲ ﻳﺎ ﻭﺩ ﻗﻮﻝ ﺑﺴﻢ ﺍﻟﻠﻪ ﻣﺎﻟﻚ ﻓﻲ ﺷﻨﻮ ﻗﻠﺖ ﻟﻴﻪ ﻳﻌﻨﻲ ﺑﺘﻚ ﻋﻤﺮﻫﺎ ﻛﻢ ﻗﺎﻝ ﻟﻲ 14 ﻗﻠﺖ ﻟﻴﻪ ﺑﺲ ﻗﺎﻟﻮ ﻟﻲ 16 ﻗﺎﻝ ﻟﻲ ﻻ 14 ﺳﻨﺔ ﻏﺎﻳﺘﻮ ﺑﺲ ﺍﻟﺤﻤﺪﻟﻠﻪ 😭😭😭 ﺑﻘﻴﺖ ﻡ ﻗﺎﺩﺭ ﺍﺳﺘﻮﻋﺐ ﺍﻧﺎ ﻋﻤﻠﺖ ﻛﺪﻩ ﻛﻴﻒ ﻗﻠﺖ ﻟﻴﻪ ﻋﻦ ﺇﺫﻧﻚ ﻳﺎ ﻋﻤﻲ ﺑﻌﺪ ﻛﺪﻩ ﻣﻮﺍﻋﻴﺪ ﺷﻐﻠﻲ ﻃﻠﻌﺖ ﻭﻃﻮﺍﻟﻲ ﺍﺗﺼﻠﺖ ﻟﻲ ﻣﺤﻤﺪ ﻗﻠﺖ ﻟﻴﻪ ﺗﻌﺎﻝ ﻟﻲ ﺍﺳﻲ ﻓﻲ ﺷﺎﺭﻉ ﺍﻟﻨﻴﻞ ﻃﻠﻊ ﻧﺺ ﺳﺎﻋﺔ ﻭﺟﺎﻧﻲ ﻟﻘﺎﻧﻲ ﺧﺎﺗﻲ ﻳﺪﻱ ﻓﻲ ﺭﺃﺳﻲ ﻭﻗﺎﻋﺪ
ﻳﺘﺒﻊ .