#سجينتي
بقلم كراميل
-٢-

لما جو طالعين حامد اداني نظره م بنساها طول حياتي كانت غضب علي توعد م مفهومه بس تخوف م كنت فاكره انه النظره دي ح تغير حياتي وتقلبها راسا على عقب💔بعد طلعوا امي قالت لي ابوي قول لي القرا بناتو منو غيرك والقرو سو شنو احسن تعرس للبت وتسترها ابوي عاين ليها وقال امنه م بعيدو البت ح تكمل قرايتها منتهي👋ومشي اتلفت علي انا وقالت لي انتي يا قليله الادب عايزه تقري ولا تصيعي😠قلت ليها امي اصيع شنو عارفاني من البيت للمدرسة ومن المدرسه للبيت😥قالت لي وانا الضمني شنو انك بتمشي المدرسه و م بتصيعي عاينت ليها وسكت قالت لي ادخلي جوا يدخل فيك سقم كان رافعه ضغطي بس 😕دخلت بقيت ابكي امي م بتثق فيني😭💔اليوم داك م قدرت اقرا قضيتو بكي بس😥😢اصبح السبت عندنا حصه صباحيه قمت نضفت وعملت ليهم الشاي لبست عبايتي وشلت القروش من ابوي وطلعت مشيت المدرسه لقيت وداد كنت زهجانه وظاهر علي قالت لي مالك؟قلت ليها مالي قالت لي م عارفه قولي انتي مالك قلت ليها زهجانه بس قالت لي من شنو قلت ليها ضغط القرايه وكده😪قالت لي اميره كذبك م بمشي علي قولي مالك😒👋دموعي نزلوا وحكيت ليها قالت لي هي م بتكون قاصده تقول ليك كده بتكون قالتها في حاله زعل بس في النهايه هي الربتك وهي م ح تشكك في تربيتها🙂ارتاحي خلاص هدتني شويه وقالت لي تعالي نراجع شويه بقينا نقرا جاتنا هبه قالت لي بصح حامد ود شيخ علي اتقدم ليك يلا هبه دي النوع الغيور والشراني داك وانا وهي م بنتفق اصلو عاينت ليها وقلت ليها اي😒قالت لي وانتي رفضتي؟قلت اللهم طولك يا روح قلت ليها اي رفضتوا في شنو😑قالت لي م تجوطي هو اصلا م من مستواك وبقت تضحك باستهتار كدا😪🔪قلت ليها عايزين نقرا امشي من محل جيتي👋عاينت لي ومشت وداد قالت لي دي تافهه ساي م تشتغلي بيها وهي اصلا بتغار منك😏قلت ليها حرقت دمي الله يحرقها كلها ان شاء الله😐وداد قالت لي غايتو تشبهي حبوبتي دعايه كدي😂قلت ليها حباك نكير اقري اقري😑🔪بقت تضحك بعدها الأستاذ جا اخدنا الحصه ورجعت البيت دخلت طبعا امي استقبلتني بالأسئلة كنتي وين قلت ليها يا امي كلمتك قلت لي ماشه الحصه وقلتي لي امشي😥قالت لي ومالك اتاخرتي😑قلت ليها والله م اتاخرت انتهينا بعدها طلعت طوالي وجيت😢قالت لي خلاص طيري ادخلي اعملي الغدا انتي قلت ليها طيب مشيت قلعت عبايتي ومشيت المطبخ كنت جعانه اكلت اول تاني عملت الغدا لميت العده غسلتها ومشيت كويت لبسي ولبوس اخواني العصر كدا حممتهم واستحميت انا وجيت قريت عدت الايام وامتحانات تانيه واولي بدت وناس الاساس اجزو واحنا امتحانات باقي عليها شهر وكم يوم💓ناس اولي وتانيه انتهوا وبقينا احنا بس في المدرسه وبقينا مضغوطين دروس عصر ومعسكرات ماف اي راحه وامي م رضيانه من دا كلو كلامها بقي عندي روتين يومي يعني لو م شاكلتني م ببقي يوم😪💔كنت بمشي المدرسه الصباح وبجي3بقعد ساعه وحده بس وبرجع وبجي راجعه مع المغرب يعني ضغط م بعدو ضغط،،،في يوم تلات جايه راجعه من حصه العصر واحنا بيتنا اخر الحله😥واليوم داك طلعونا متاخرين ماشه في شارع كده بجي بي شبه مهجور م بجو مارين بي ناس كتار بقيت ماشه واتلفت واقرا في القران حسيت بي شي ماشي بي وراي اتلفت م شفت زول عاينت قدامي اشوف ليك حامد في وشي بلعت ريقي وعايزه ومشيت بقي واقف في وشي مشيت بالجهة التانيه برضو جا وقف في وشي رفعت راسي قلت لي لو سمحت خليني اعدي👋 م قال شي بس وشو م كان ببشر بالخير😢قلت لي هييي بتكلم معاك انا م بينت لي اني خايفه نهائي قال لي م ح ابعد ح تعملي شنو😕قلت عايز شنو انت ابعد من دربي ياخ وعايزه ادفرو مسك يدي قال لي ترفضيني انا😠قلت لي فك يدي وبقيت الاوي في قال لي الليله بوريك القرايه البصح ترفضيني انا وبقي يجر فيني علي شارع كدا مضلم بقبت اقول لي فكني فكني وهو بس علق في ترفضيني انا قمت عضيتو في يدو وجريت بقي جاري وراي بالله تقول الحله دي الليله الناس الفيها كلهم ماتوا ولا رحلو ولا قرد احمر في الشارع مافي فت الشارع داك وبقيت جاريه في شارع تاني واصرخ الحقوني وهو جاري وراي😭بقيت اصرخ وجاريه م حسيت الا بي حجر عتر لي وطاخ في الواطه😥😭رفعت راسي لقيتو في وشي ضحك ضحكه خبيثه وبقي يقرب علي وانا اصرخ باعلي صوت ولا قرد م جا لما خلاص قرب علي شفت طوبه كبييره جنبي شلتها ومن غير م اشعر طاخ في راسو قال ااي ومسك راسو بقيت م شايفه الا الدم واتصمغت في مكاني😥😰........
.يتبع

#سجينتي
بقلم كراميل
-٣-

قال ااي ومسك راسو بقيت م شايفه الا الدم واتصمغت في مكاني😥😰بقيت واقفه اعاين للشي الواقع قدامي دا وشايله الطوبه في يدي وعامله كده😳😰بقيت اقول كتلتو كتلت الولد وارجف شويه سمعت صوت ضريح وااي كتلت الولد وجا راجل معاه مره بقو يصحو في انا بعد شفتهم جدعت الطوبه وجريت الراجل بقي يرفع في حامد والمره تصرخ،،،وصلت البيت كيف زاتو م عارفه فتحت باب الشارع ودخلت وانا ارجف وابكي لقيت امي في وشي مالك اتاخرتي يا بت وتقولي لي م بتصيعي😠لما شافتني ارجف وابكي قالت لي مالك في شنو انطقي يا بت عملتي شنو في زول هبشك شكيتك علي الله انا كان م شليتيني م بترتاحي😡وبقت تخبط فيني وتجوط وانا من الخلعه م حاسه بي اي شي وم مستوعبه شي قالت لي بتكلم معاك انا العمل فيك كدي شنو؟؟م اتكلمت معاها اقرب غرفه دخلت فيها وقفلت الباب قعدت في السرير وبقيت ابكي واقول كتلت الولد 😭😭خلاص يا اميره كتلتي ود الناس😰الليل داك كلو قضيتو بكي وخوف وامي للساعه10تجوط وتضرب في الباب ،،،،م نمت الا قريب الصبح م صحيت الا بصوت الباب وامي تقول اطلعي تطلع روحك والله الليله كان اكتلك يا التافهه يا ال م نافعه امرقي تمرق روحك والله م تفتحي الباب كان اهد الغرفه دي فوق راسك اطلعي يا بت الكلب😡قلت خلاص معناها عرفت😭مشيت براحه فتحت الباب اول م فتحتو امي جات وقعت فيني ضرب اصلك م نافعه وانا ابوك كلمتو قلت لي م تدلعها شوفي وصلتي حد وين تكتلي ود الناس وبقت تضرب فيني بكل قوتها حتي م سألتني عملتي كده لي😥😢قلت ليها وانا ابكي والله يا امي انا ضربتو عشان م يقرب علي والله كان عايز يتعدي علي وانفقعت بالبكا😭💔وهي كأنها م سمعتني قالت لي اهل الولد ان شاء الله يجو يقتلوك ويريحوني منك😡وطلعت بقيت ابكي وعلي رجلولي م قادره اقيف من الضرب الانضربتو😢قعدت اليوم كلو في الغرفه ديك وبس مستنيه يجو يكتلوني عشان الناس ديل شرانين وم بخلو حقهم مستنيه في اي وقت يجو للعصر م جو قلت خلاص معناها م جاتو شي عشان كده م جو وبعد ساعه يا فرحه م تمت💔سمعت صوت عربات وقفت وصوت شرطه ولا بتخيل لي شويه الباب بقي يضرب بطريقه تخوف امي فتحت ليهم الباب وسمعتها قالت اي هنا في الغرفه دي👋قلت خلاص اتشهد بس اذا امي م وقفت معاي اعيش لي شنو جو داخلين رجال لابسين لبس الشرطه معاهم شيخ علي قال ليهم ياها دي اقبضوها😠بقيت ابكي واقول والله م عملت شي هو براهو كان عايز يتعدي علي وارجف شيخ علي قال لي عايزه تكتلي ولدي وتقولي م عملت شي عليك الله يا جنابو ارفعها ارح بقي ماسكني ورفعوني في البكسي حق الشرطه(بقولوا ليهوا طاره تقريبا)رفعوني والحله دي كلها انكسرت جنب بيتنا الاعمي سايق المكسر وانا ارجف وابكي بس وامي ولا كلمه م قالتها وتعاين لي كاني كتلت ود الناس ولا ضربتو بدون سبب😥ودوني القسم بقوا يسالو فيني قلت ليهم وانا ابكي والله هو براهو جا في دربي كان عايز يتعدي علي اخلي يعني انا دافعت عن نفسي بس والله العظيم م عملت شي غير دافعت عن نفسي شيخ علي قال لي البت دي كذابه وماشه علي حل شعرها واهلها عارفنها ورافعين يدهم منها حضرتك كانت عايزه تكتل ولدي يعنى محاوله قتل اقل شي تتسجن خمسه سنه الشرطي قال لي م انت البتحكم عليها تتسجن كم واتلفت علي واحد قال لي دخلها الحراصه لحدي م نشوف اخرها شنو😒👋انا بقيت اصرخ والله م كتلتو انا م عملت شي قلت ليكم ولا قالوا لي تقولي في شنو الراجل رماني في الحراصه وقفلها شفت قعدت في زاويه وجمعت رجلي علي وبقيت ابكي،،،،عدت كم ساعه وانا في قعدتي زاتها وابكي شويه الباب فتح قال لي قومي😐وقفت علي حيلي وطلعت معاه شفت ابوي جريت على قلت لي كنت وين انت وبقيت ابكي قال لي اهدي خلاص وبقي يمسح لي في راسي سكت شويه قال لي احكي القصه كلها وانا عارفك م بتكذبي حكيت لي القصه من اولها وقلت لي والله انا عملت كده عشان أدافع عن نفسي بس والله م غلطت انا😢💔قال لي عارفك م بتغلطي بس الناس ديل عندهم واسطات وعندهم البسندهم ربت علي كتفي وقال لي م تخافي معاك انا وان شاء الله بتطلعي🙂ومشي رجعوني الحراصه تاني وابوي كان كل يوم بجيني وجاب معاه محامي وقال في محكمه بعد اسبوع و م ح اطلع بي كفاله عشان شيخ علي بي واسطاتو م ح يقبلو الكفاله المحامي بقي متابع معاي وحكيت لي القصه كلها قال لي لما حاول يتعدي عليك في زول شافو؟؟قلت لي لا😥قال لي بس في شهود شافوك لما ضربتي ودا م في صالحنا😪ان شاء الله نتصرف وطلع كلامو م طمني بقيت مستنيه يوم المحكمه عشان اشوف مصيري شنو م كنت متفائلة بس كنت بتمني يكون في صالحي ،،،امي م جاتني ولا يوم ولا سالت مني ولا حتي بالغلط💔الايام مشت كانها سنين واخيرا يوم المحاكمه جا جاني راجل من الصباح قال لي قومي مشيت معاه رفعوني في البكسي ومشينا عشان اعرف مصيري شنو وصلنا المحكمه نزلوني لقيت ابوي ومعاه المحامي جا سلم علي وقال لي م تخافي ان شاء الله خير🙂من بعيد شفت شيخ علي ابتسم لي ابتسامه استهتار واتلفت دخلنا والجلسه بدت بقوا يدافعوا لل

طرفين القاضي قال لي محامي شيخ علي عندكم شي يثبت انه هي ضربتو؟؟قال لي اي عندي شهود شويه جو الراجل والمره الشافوني واقفه ديلك جو حلفوهم قالوا شفناها واقفه شايله طوبه والمره قالت نفس الشي القاضي سكت شويه و قال عشره دقايق وح أصدر الحكم وقام عشره دقايق مرت كانها عشره سنه م كان عندي امل اطلع نهائي😪💔العشره دقايق مرو والقاضي جا وح اعرف مصيري شنو......
يتبع

#سجينتي
بقلم كراميل
-٤-

العشره دقايق مرو والقاضي جا وح اعرف مصيري شنو،،قعد وقال بناء على كلام الشهود يثبت اميره عثمان متهمه بجريمه القتل العمد مع اني كنت متوقعه بس برضو الصدمه ظهرت في وشي وبقيت عامله كده😥😰وحكم عليها بالسجن مده سنتين بعد قال كده ابوي بقي يجوط ودا ظلم وهي م عملت شي جا شيخ علي وقف في شو وقال لي دا مكان بتك😏 ومشي بعدها ساقوني السجن ومن هنا قلت خلاص حياتي انتهت😭شفتو الصوره الخاتنها للسجن هي اسوا منها يعنى لو اتكلمت لي باكر م ح اوصف فظاعته ،،،اول يوم دا م قدرت انوم نسوان اشكالهم كيف كيف ولا الريحه والصراصير والحشرات تجي ماشه بعندك زي ال م حصل شي😪💔بقيت قاعده في سريري وابكي النسوان بقوا يتهامسوا ويضحكوا جات علي مره كبيره قعدت جنبي بعدت منها قالت لي اصلو اول ايام كدي تاني بتتعودي علي القعده سالتني انتي جيتي هنا لي شنو م جاوبت ليها قالت لي اسي ارقدي ومع الايام بتتعودي علينا ومشت علي باقي النسوان بقوا يعاينوا لي ويضحكوا💔اول يوم دا عدا بالضالين والتاني والتالت بقيت عاديه شبه اتاقلمت لكن م عندي شغله بي زول عدا شهر وانا خلاص اتعودت علي الحياه الجديدة😪💔في الشهر دا ابوي كان بجيني يومي وكان بجيب اعذار من مافي لي امي علي العموم جيتها م كانت فارقه معاي كتير والمشاعر الفيني كلها اتجمدت وبقي مافي شي باثر فيني دموعي كملت اصلا💔الشهر التاني والتالت عدو ونفس الحنكك ابوي كان بجيني الشهر الرابع اول اسبوع تاني انقطع بقي م بجي قلت خلاص معناها هو زاتو اتخلي عني انا الكنت عايزه اقرا وارفع راسو واتسجنت وغطست راسو في الطين ح يعمل يجيني لي شنو تاني مرت السنه وانا خلاص السجن بقي زي بيتي بعد تلاته شهور من السنه جات وحده جديده وكانت صغيره اكبر مني بي شويه اول يوم ليها ذكرتني روحي لما جيت اول يوم مع اني من جيت مع عندي شغله بي زول ولا زول عندو شغله بي بس من غير م احس لقيت روحي قاعده جنبها يمكن عشان ذكرتني نفسي وعايزه اواسيها او اواسي نفسي💔رفعت راسها ابتسمت ليها ابتسامه باهته وكانت اول مره ابتسم من دخلت السجن😪م قالت لي شي كانت تبكي بس مشيت جبت لي كبايه مويه ومديتها ليها عاينت لي حركت ليها عيوني بمعني شيليها شالتها شربت شويه وادتني ليها قلت ليها ارتاحي ومشيت الليل كلو بقيت اراقب فيها انا شفت اول يوم كيف ولي عدوي م بتمني الليل كلو انا مساهره معاها لمن هي استغربت فيني اليوم داك عدا الصبح اذن قلت ليها قومي صلي بترتاحي🙂قمنا اتوضينا وصلينا جبت لي وليها مصحف قلت ليها اقري شويه مسكتو وبقت تقرا انا كملت سوره البقره ورقدت نمت عشان الليل كلو مساهره معاها وتقريبا هي زاتها نامت صحيت مع الظهر قمت صليت وقعدت في سريري جاتني البت ابتسمت لي وقعدت جنبي قالت لي شكرا قلت ليها العفو🙂قالت لي جيتي هنا ليك كم قلت ليها سنه وتلاته شهور سكتت شويه وقالت لي الحكم عليك كم قلت ليها سنتين دي كانت اول مره من دخلت السجن اتكلم مع زول كده حدي مصحفي وسريري بس،،،قلت ليها الجابك هنا شنو نزلت راسها وبقت تبكي قلت ليها خلاص م عايزه اعرف وتاني شي مافي شي بستاهل دموعك تنزل عشانو خليك عارفه👋رفعت راسها وقالت لي مرت ابوي لفقت لي قضيه وجابتني هنا بعد ابوي مات انا وحيده عند ابوي وهي م جابت منو اولاد وبعد مات ختت لي مخدرات في عربيتي وبلغت عني وانا م لي ذنب في دا كلو وبقت تبكي قلت ليها م تبكي ربنا في وشايف اذا انتي عملتي صح او غلط تاني انتي مفروض م تثبتي شي لي زول انتي م غلطانه😁مسحت دموعها وقالت لي كلامك صح شكلك صغيره بس فاهمه ما شاء الله☺اسمك منو قلت ليها اميره قالت لي وانا ابرار👋قلت ليها اتشرفنا بقت تتكلم معاي وقت طوييل وانا ارتحت ليها حسيتها بتشبهني الايام مرت وانا وابرار بقينا صحبه شديده وهي بت محترمه وطيبانه معقول في نسوان بعملوا كدي عشان القروش في النهايه بيناتكم عيش وملح لكن العرفتو في الدنيا دي الطيبين يتعدو بالأصابع،،، مرت سنه و11شهر وباقي علي طلعتي شهر واحد م كنت فرحانه ح اطلع من سجن لسجن اكبر منو💔👋ويمكن القاعده في ده ارحم ،،،جاتني ابرار قالت لي اسي بعد تطلعي انا اقعد مع منو😥قلت ليها كلها اربعه شهور وتلحقيني😁قالت لي لما اطلع القاك وين😢قلت ليها بجي انا استقبلك بره👋الايام مشت وجا خلاص يوم طلعتي وابرار دي تقول ماشين يعدموني تبكي قلت ليها انا م قلت ليك دموعك دي م تنزل تاني😑قالت لي غصبا عني والله😢مسكتها علي وقلت ليها بجيك تمام🙂قالت لي تمام وطلعت مع السجانه طلعت وم عارفه ال ح يحصل لي في السجن الماشه علي ده شنو عساه كل خير💔........
يتبع

#سجينتي
بقلم كراميل
-٥-

طلعت وم عارفه ال ح يحصل لي في السجن الماشه علي ده شنو عساه كل خير💔طلعت بعد سنتين اكيد اتغيرت حاجات وزي م كنت متوقعه مافي زول جا عشان يلاقيني بره 🙂💔كانت عندى قروش من زماان اداني ليهم ابوي بقيت ماشه لقيت لي بتاع ركشه وريتو عنوان بيتنا قال لي المسافه طويله علي بس شوفي امجاد قلت لي وين القاهم؟؟قال شكلك اول مره تطلعي ههههه قلت ممكن تقول كده🙂وصف لي شكرتو ومشيت لقيت بتاع امجاد قلت لي ماشه.... توصلني قال لي جدا اركبي كان عم كبير وصلنا بعد نص ساعه نزلت حاسبت الراجل ومشي،،،وهدي رجعت تاني بقيت ماشه علي البيت لقيت نسوان في الشارع بقوا يتكلمو مش دي اميره بت امنه التانيه قالت ليها مش كانت مسجونه طلعت متين جيت فايته بعندهم ولااا قلت ليهم تقولوا في شنو👋 بقيت ماشه لحدي م وصلت البيت بقيت واقفه جنب باب الشارع كان فاتح دخلت طوالي م شفت زول مشيت المطبخ م لقيت زول بعدها دخلت الصالون برضو ماف زول مشيت الغرفه التانيه اتذكرت انه دي الكنت قاعده فيها من سنتين وخايفه دخلت قعدت في السرير وبقيت اضحك قلت(غريبه تخليك تضحك في عز وجعك💔👋)وبقيت اضحك ضحكه كانت رضا علي حزن علي استهتار انا زاتي م فهمتها قعدت شويه وجو امينه وحمودي داخلين وقفت وقلت امينه😍بقوا واقفين ويعاينوا قلت ليهم تعالوا😄امينه قالت لي اميره؟؟ باستفهام قلت ليها تعالي جات علي سلمت عليهم وقلت ليهم كيفكم😁قالت لي كنتي وين ومالك بقيتي كدا😥سكت م قلت ليها حاجه اقول ليها شنو عاد هلا كنت مسجونه وجيت اسي😪👋ابتسمت ليها وقلت ليها ابوي وين هي وحمودي م قالوا شي بس ظاهر في وشوشهم في حاجه قلت ليها امينه ابوي وين؟؟بس اسمع صوت امي تسالي من ابوك وجات علي صاااااج ادتني كف لمن بقيت اشوف عشره عشره وكملت ابوك المات بسببك ياهو البتسالي منو مش ياهو ابو الاولاد ديل البتسالي عنه وبقت تبكي بي اعلي صوتها وتضرب فيني الله كان ياخدك قبل م تجي غير المشاكل م عملتي لي شي لكن بتمشي وين الله بنتقم منك يا ال م نافعه يا خريجه السجون دا كلوو وهي لسه بتضرب فيني وانا غير كلمه ابوك المات م سمعت شي وبقيت عامله كده😳وخاته يدي في خشمي استوعبت ياداب ودموعي المن سنتين م نزلوا نزلت الليله ك عشان الضرب لا والله اصلا م حاسه بي شي منو كلو بس ابوي مات وهي قالت بسببي يعني هو م انقطع مني عشان اتخلي عني هو مات وانا الكنت جايه عشان اعاتبوا💔قلت دا كلو بيني وبين نفسي وامي لسه م سكتت وامنيه ماسكه عليها حمودي وتبكي،،،اخيرا نطقت وقلت لي امي بصوت دابك ينسمع ابوي مات😢😥قالت لي وبتسالي يا قليله الحيا ومسكتني من يدي وبقت طالعه بي لي بره وصلنا باب الشارع فتحتو ورمتني بره قالت لي قلتي لي بتسالي من شنو ابوك مات اي ابوك مات وبي سببك يتمتي الاولاد ديل من هم صغار الله ينتقم منك حسبي الله ونعم الوكيل فيك طبعا كانت تتكلم باعلي صوت والحله كلها انكسرت فينا بعد انتهت من جوطتها دي عايزه تدخل قلت ليها وانا ابكي امي💔اتلفت علي للحظه ظنيتها ح تخنقتي جات علي هي كانت لابسه جلباب بس اتخيلوا المنظر يعني قالت لي يا بت هي م امك انا سامعه قلت ليها بس يا امي قالت لي م بتسمعي انتي مرت ابوك انا م امك😠قلت ليها امي انتي بتقولي في شنو يعني خلاص شطبت رفعت يدها وادتني كف لمن وقعت في الواطه ومشت دخلت البيت وقفلت الباب بقيت في وقعتي ديك مصدومه والناس يتهامسوا منهم البضحك ومنهم المصدوم زيي ،،اخدت فترة خمسه دقايق واقعه بعدها قمت م شايفه ولا سامعه كل م اقول خلاص هدي رجعت وقفت تجي حاجه اقوي من الفاتت تكسرني وتمشي عندنا زي محطه بقعدو فيها للمواصلات مشيت قعدت فيها وختيت يدي في وشي قعدت زي ربع ساعة ابكي بعدها حسيت بيد في كتفي رفعت راسي لقيتها وداد مسكتها وبقيت ابكي هي زاتها بكت معاي رفعت لي راسي وقالت لي شوفي يا اميره القعاد ليك في الحله دي بقي ليك مستحيل احسن تمشي تشوفي ليك مكان تقعدي في احسن من الحله دي والله هنا م يريحوك قلت ليها ابوي مات متين؟؟سكت شويه وقالت لي بعد انتي مشيتي بي تلاته شهور هو بقي يمرض طوالي وبعد تلاته شهور مات😢بقيت بس ابكي قالت لي انا م بقدر اقعد معاك اكتر من كدي امسكي القروش دي مشي بيها حالك اليومين دي ادتني القروش ومشت فاتتني منهاره بالبكاء بعد ربع ساعة جات بص وقف مسحت دموعي وركبت كان ماشي الخرطوم،،،بقيت بس سرحانه يلا انا وصلت فترة بتجيك بتكون ما حاسي اي شي
وما عايز ولا حاجه ولا بتتمني اااي حاجة
ب الزبط دي الفترة #البتكون قبليها إتمنيييت كل شي حلو يحصل في حياتك ....
بس للاسف مافي شي حصل معاك 💔
#وب التحديد بعد الفترة دي - بتبدأ تتغير كتييير من جواك
#تبدأ مرحلة الوعي الجواك تكبر وتقتنع بي اي شي
بيحصل وما يفأجاك اي شي بيحصل حوليك
وتقتنع بي انك لازم تعيش واقعك دا
جاتك "سعادة " جاك " حزن " المهم انك عايش وخلاص واحيانا ولحظات بتمني اني اموت ولو الانتحار م حرام كنت انتحرت من سنتين وارتحت وريحت قاطع شرودي صوت راجل بقول يا اخت وصلنا

خلاص👋دفعت لي ونزلت ،،،وصلت مكان اول مره اجي وم عارفه ح يحصل معاي شنو ولو حصل شي م ح يكون صعب لانه الفات كان اسوا من اي شي.......
يتبع

#سجينتي
بقلم كراميل
-٦-

نزلت وبقيت ماشه وم فاهمه اي شي ياها دي الخرطوم البقولوا عليها؟كانت زحمه فظيعة وعربات م تديك الدرب والبنات لابسات لبس كان اشوفوا في التلفزيون🐸لما وصلت كان مع الظهر بقيت افتش لي مكان اصلي في لقيت مسجد دخلت صليت وقعدت لحدي العصر بعدو طلعت اشتريت لي حاجه اكلها عاينت لي قروشي لقيتهم م باقي لي كتير اتنهدت وقلت الله يرحمك يا ابوي💔رجعت المسجد تاني اكلت وبعدها المغرب اذن صلينا شفت نسوان قاعدات قلت خلاص ابيت هنا الليله ولي بكره يحلها الله من عندو كان في مقاعد بره رقدت في واحد فيهم م صحيت الا مع اذان العشاء قمت مخلوعه بعدها بشويه استوعبت قمت اتوضيت وصليت وجيت راجعه لي المقعد بقيت راقده في واتقلب جاني صوت أتلفت لقيتها مره كبيره اتعدلت وقعدت عديل قالت لي يا بتي انا من قبيل شايفاك هنا انتي رايحه ولا حاجه؟؟قلت في نفسي يا ريت لو رايحه هزيت ليها راسي بمعني لا قالت لي طيب ساكنه وين قلت ليها انا من...... قالت لي الجابك هنا شنو نان وطلعتي من بيتكم مالك قلت ليها الظروف يا خاله وابتسمت ليها قالت لي سمح قومي ارقدي في الفرشه ديك مع البنات🙂عاينت لقيت بنات زي اربعه كدي قلت ليها ديل بناتك؟؟قالت لي لالا م عندي بنيات انا ديل جابهم لي الشارع وبقوا زي بناتي☺اكتفيت بابتسامه قالت لي قومي قمت معاها فرشت لي مخده وجابت لي ملايه كده قالت لي اتغطي بيها قلت ليها شكرا يا خاله🙂قالت لي يا بتي ماف داعي لي ده👋نومي اسي اتغطيت ونمت ،،،،صحاني اذان الصبح قمت لقيت البنات والخاله يصلوا ما شاء الله قمت اتوضيت جيت صليت الرغيبه وصلينا بعدها الصبح جماعه مسكت المصحف قريت البقره بعدها طلعت بره قعدت مع الخاله قالت لي كيف اصبحتي يا بتي☺قلت ليها الحمد لله شويه جو البنات قالوا ليها نبدا بي بره ولا جوه؟؟قالت ليهم بالجوه شالوا المكنسات ودخلو قلت ليها عايزين يعملوا شنو؟؟قالت لي دا شغلنا بنضف المسجد كلو والحمامات وكده وبنلقى لينا قريشات في البنيات ديل بطلعوا بعد ينتهوا من هنا يبيعوا المناديل واللبان وكم حاجه كدي وهدا الحمد لله عايشين🙂ابتسمت ليها وقمت قالت لي ماشه وين قلت ليها ح اساعدهم شلت لي مكنسه ودخلت بقيت انضف معاهم انتهينا وجينا قعدنا مع الخاله قالت لينا تعالوا اكلو وقالت لي البنات ارح عشان م تتاخرن الاكل م كان كتير قلت ليها اكلوا انتوا انا م جعانه بقينا في تاكلي وم تاكلي في النهايه اقتنعت بعد طلعوا البنات كان عندي شويه قروش وكنت جعانه لمن بطني طامه😪قلت لي الخاله طالعه وجايه قالت لي اعملي حسابك قلت ليها تمام طلعت لفيت محل اشتريت سندوتش طعميه اكلتو وكان عندهم مويه في حفاظه شربت منها وجيت راجعه عدا اليوم الاول وانا علي السندويش بس اصبح اليوم التاني بعد نضفنا المسجد قلت لي الخاله انا ماشه افتش شغل عشان قعدتي دي م نافعه ساي قالت لي لكن تاكلي اول حتي تطلعي بعد اصرارها اكلت وطلعت افتش لي شغل المحلات كلهم قالوا م عندهم والعندهم بسمعوني فارغه اني مبهدله ووسخانه وكلام كتيير مشي اليوم التاني والتالت وتميت اسبوع افتش ونفس الحنكك بعد طلعت من محل كده قعدت في مصطبه كنت فترانه كان عندي سلسله فيها دلايه شكل مفتاح او هي مفتاح فعلا كانت اخر شي بقي لي من ابوي اول مره فكرت ابيعها لو بعتها بتجيب لي مبلغ م قليل تاني قلت الله كريم افتش بس لبست سلسلتي وصلحت الطرحه وقمت كان عندي صداع شويه ويفرطق راسي 💔بقيت لافه واحد ود حلال قال لي م عندنا شغل بس المحل داك عايزين ناس شكرتو وطلعت كان في الشارع التاني بقيت مستنيه الاشاره تبقي حمرا عشان اقطع وبالفعل العربات وقفوا مشيت ولما بقيت في نص الشارع وقعت تاني م صحيت الا وانا راقده في سرير ابيض عاينت فوق لقيت السقف كمان ابيض ومغطيه بي شي ابيض قلت خلاص انا ماتت😭يرحمني ويغفر لي💔👋..........
يتبع

#سجينتي
بقلم كراميل
-٧-

بقيت اتلفت واقول انا وين😥شويه جات مره داخله جات علي ابتسمت وقالت لي صحيتي☺بقيت اعاين ليها بس قلت ليها انا وين قالت لي راجعه وطلعت لما جات تاني كانت معاها مره سمحه سماحه تعقد🐸قلت ليهم انا وين المره قالت لي م تخافي انتي قبيل وقعتي في الطريق وانا جبتك معاي هنا والدكتور قال مضاعفات والتهاب🙂قالت لي حاسه نفسك كيف اسي قلت ليها الحمد لله ابتسمت لي واتلفت علي المره المعاها قالت ليها حضري لينا الاكل 😄قالت ليها حاضر وطلعت المره عاينت فيني وقالت لي قبل الاكل يجهز ممكن تاخدي ليك حمام بنعشك طبعا حالتي كانت حاله😭💔نزلت راسي وقلت ليها تمام شكرا ليك ابتسمت لي وطلعت قمت قلت اسي الحمام وين طبعا الغرفه كبييره لمن تخلع وارضيتها انضف من وشي🌚بقيت اتلفت افتش للحمام جات المره التانيه شايله ملابس اظن عرفتني بفتش للحمام قالت لي هاك البسي ديل والحمام هداك واشرت لي علي باب قلت ليها تسلمي☺بعدها طلعت مشيت علي الباب فتحتو غايتو خلعني 🐸ال م بتشوفوا في بيت ابوك بخلعك ولا شنو يا جماعه👋اها نكمل دخلت الحمام وشي عرفتو وشي م عرفتو😂استحميت حمام تماااام وطلعت جابت لي عباية زاتو لبستها وقعدت حسيت بانتعاش كده غرييب😂💔بقيت قاعده في الغرفه جاتني المره قالت لي انزلي اكلي ارح نزلت معاها والبيت شده م كبير عامل زي المتاهه🐸تدخل بي جاي تطلع بي جاي نزلنا تحت لقينا المره السمحه قاعده في التربيزه حقت الاكل الزي الفي التلفزيون غايتو بيتهم دا يا واحد الله قصر بس🌚قالت لي اقعدي ☺قعدت وبقيت اتلفت كان في اصناف كتييره المره قالت لي اكلي م تخجلي ابتسمت ليها وبقيت اكل وانا باكل في شنو زاتو م عارفه😂لكن الطعمه سمحه المره قالت الحمد لله وقامت قالت لي م تخجلي اكلي😄ابتسمت ليها عشان خشمي كان ملان اكل😬بعد شبعت تب قمت قلت للمره التانية عايزه اغسل يدي قالت لي تعالي هدا المطبخ قريب😊مشيت معاها ودخلنا المطبخ غايتو البشوف البيت دا م بقول في السودان😭👋غسلت يدي وطلعت وراها ودتني زي صالون كده لقينا المره السمحه قاعده قالت لي تعالي اقعدي مشيت قعدت (كان باين عليها الطيبه يعني م زي الناس الاغنياء المفترين)مشت المره التانيه جابت الشاي كبت لينا وادتنا لي المره قالت لي انتي من وين قلت ليها انا من...... قالت لي ايوااا وجيتي الخرطوم مع اهلك ولا لي ناس قرايبك؟؟قلت ليها قاعده براي م عندي زول هنا🙂قالت لي طيب عايشه براك؟قلت ليها لالا قاعده مع مره طيبانه ومعانا بنات تانيات قالت لي ايواا ماجرين يعني سكت شويه وقلت ليها لالا قاعدين في مسجد....... وقبيل كنت بفتش لي شغل عشان نتساعد بي كلنا🙂💔ابتسمت وقالت لي ربنا يكون في العون قلت ليها امين ،،،كملت الشاي وقلت ليها بعد كده استاذن وشكرا ليك يا مدام م قصرتي تسلمي كتير💓قالت لي العفو م عملت شي انا😊سلمت علي المره التانيه وبقيت ماشه سمعت صوت المره قالت لي اقيفي اتلفت عليها قلت ليها نعم قالت لي اسمك منو قلت ليها اميره قالت لي طيب يا اميره قلتي عايزه شغل؟؟قلت ليها اي قالت لي طيب عندي ليك شغل م قلت ليها شي كملت قالت شفتي البيت كبير كيف واماني دي م بتقدر علي براها ممكن من بكره تجي وح تقعدي هنا☺قلت ليها بس قالت لي فكري كدي ضربتها جاي وجاي قلت هي هدي النعمه جاتك لحدي عندك رافساها مالك قلت ليها خير ان شاء الله وتسلمي قالت لي تمام اسي خلي السواق يوصلك عشان م ح تلقي مواصلات وانتي لسه البلد دي م عرفتيها (كانت طيبه ياخ من اول م تشوفيها تحبيها)اتصلت علي السواق كلمتو ودعتهم وطلعت لقيت السواق واقف ركبت معاه والعربيه دي خلوها ساي غايتو الدنيا حظوظ😭وصفت لي المكان وصلني ومشي دخلت المسجد اول م الخاله شافتني قالت لي هي يا بتي مالك اتأخرتي خوفتيني عليك😥قلت ليها معليش يا خاله وحكيت ليها الحصل كلوو قالت لي يعني لقيتي شغل قلت ليها اي الحمد لله😊ح اقعد معاها هناك ويوم الجمعه بجيكم هنا😄ان شاء الله قالت لي والله المره دي باين عليها بت حلال قلت ليها والله طيبانه لمن ظاهر في وشها اتونسنا شويه بعدها العشاء اذن قمنا صلينا وجينا رقدنا بقيت افكر قلت اخيرا الدنيا ضحكت لي ربنا يهونها علي ان شاء الله واتذكرت وقعتي وكلام المره قلت(رب ضره نافعه)ونمت........
يتبع

#سجينتي
بقلم كراميل
-٨-

صحينا للصبح قمتا صليت وبعدها قريت سوره البقره ودعيت ربنا يسهلها علي نضفت مع البنات المسجد وقلت للخاله انا بطلع بعد دا قالت لي امسكي ديل اتواصلي بيهم عارفه م عندك شي كتير وبالفعل انا م كان عندي شي كتير شلتهم منها وقلت ليها الله يديك العافيه سلمت عليها وطلعت💓وح امشي لي عالم تاني وقفت لي امجاد وريتو العنوان (اداني لي العم الوصلني امس)م كان بعيد شديد ربع ساعه بس من المسجد☺وصلت حاسبت الراجل وبقيت واقفه اعاين للبيت الواقفه قدامو كان خرافي ياخي الشجر عاملنو بطريقه رهيبه ونجيله وزهور دخلت وبقيت واقفه جنب الباب الداخلي دقيت الباب ماف زول جا😂اتلفت يمين وشمال اتذكرت في المسلسلات في جرس بدقو وكان في الحيطه واحد رفعت يدي صغطت علي المره الاولي المره التانيه فتحت لي اماني ياها الساكنه مع المدام سلمت علي وقالت لي اتفضلي بقيت ماشه وراها زي الهبله🐸لحدي م وصلنا الصالون قالت لي مدام إيمان بتجي اسي اقعدي قعدت وهي مشت شويه جات وشايله عصير قدمتوا لي(منتهي الذوق)شربت منو كده جات المدام وقفت سلمت عليها قالت لي نورتي البيت واتلفت علي اماني قالت ليها فهميها ح تعمل شنو وطريقه الشغل و وريها غرفتها و البيت🙂وقالت يلا انا طالعه م بتاخر ومشت،،،اماني قالت لي تعالي اوريك غرفتك😊طلعت معاها كانت فوق ياها زاتها الغرفه الكنت فيها امس ورتني ليها وقالت لي ارح عشان تشوفي البيت بقيت ماشه وراها ورتني البيت كلو والغرف كلها كانت في غرفه قريبه من حقتي قالت لي ودي غرفه ولد المدام وم بحب زول يجي جنبها قلت ليها تمام👋نزلنا المطبخ قالت لي طبعا ح تساعديني في شغل البيت وكده قلت ليها ان شاء الله قالت لي بتعرفي تطبخي؟؟قلت ليها اي لكن سوداني بس😅ضحكت وقالت لي بتتعلمي غير السوداني م مشكله وسكتت حسيتها زي العايزه تقول حاجه قلت ليها في شي؟؟عاينت لي وسكتت قالت لي شوفي يا اميره م عايزاك تزعلي من كلامي او تاخدي بطريقه غلط المدام دي والله مره طيبانه وعاطفيه وبتحب تساعد الغير وهي وثقت فيك يا ريت م تخيبي ثقتها فيك🙂ابتسمت وقلت ليها ان شاء الله💕قالت لي بعد كدا نبدا الشغل بقينا شغالين ونتونس تاني المدام جات قلت لازم اكلمها بحكايتي كلها عشان م معروف لي قدام يحصل شنو وانا عارفه حظي زفت عشان كده اكلمها احسن ،،،هي كانت طالبه شاي قلت لي اماني انا بودي شلتو ومشيت ليها في الصالون ختيت ليها الشاي و وقفت عاينت لي وقالت لي في حاجه قلت ليها عايزه اتكلم معاك لو سمحتي🙂كانت شايله كتاب ختتو قالت لي اقعدي قعدت قالت لي في شنو قلت ليها في شي عايزه اكلمك بي قالت لي شنو قلت ليها قبل اجيكم هنا كنت في السجن وحكيت ليها الموضوع من طقطق لي السلام عليكم قالت لي عارفه نظرتي م خابت فيك ظاهر عليك بنت طيبه بريئه انا كده ثقتي زادت فيك وحبيتك اكتر طبطبت علي يدي وابتسمت قلت ليها شكرا لي تفهمك💕قالت لي م تشتغلي بالموضوع كتير و واصلي حياتك عادي انتي م عملتي شي غلط تمام كلامها اداني طاقه ايجابيه ودفعه لي قدام حتي امي او حتي المره الربتني م قالتوا لي شكرتها ورجعت المطبخ قلت مدام بدينا بالصراحه ف مافي شي بخوف تاني وبقيت شغاله ،،،عديت معاهم شهر واتقلمت معاهم بطريقه سريعه كانوا حنان علي م حسسوني اني خدامه نهائي مدام ايمان كانت بتعاملني زي بتها جابت لي ملابس شهر كامل انا البس جديد😂كنت بمشي كل جمعه لي الخاله وبجي المغرب بس الغريبه في الشهر دا نهائي م شفت ود المدام ولا لمحتو لمحه حتي م كانوا بجيبوا سيرتو وانا م حصل سالت منو قلت هي ابعد عن الشر وغنيلوا م عندي بي شغله انا🐸👋الايام مشت وانا حالي الحمد لله ماشي ورجعت زي زمان شكلا بس التصرفات بقيت شخص تاني م علينا في يوم قاعدين انا واماني في المطبخ كنت اغسل في العده جات المدام قالت لي اماني طلعي عصير لي مؤيد فوق قالت ليها تمام عملت العصير كانت عندها حله في النار قالت لي اميره عليك الله طلعي العصير دا لي مؤيد فوق قلت ليها مؤيد منو كفضول يعني😬قالت لي ود المدام😊قلت ليها اسمو مؤيد يعني قالت لي هاك ودي العصير وتعالي تمي باقي أسئلتك😂شلت العصير وطلعت وصلت غرفتو دقيت الباب قال اتفضل فتحت الباب ودخلت قلت لي العصير كان راقد ومغطي قال لي ختي هنا واشر لي علي تربيزه جنبو وبقي يقلب في التلفزيون ختيتو وقلت لي عايز حاجه تاني☺رفع راسو وعاين لي من فوق لي تحت زي الحاجه الكعبه🌚🔪......
يتبع

#سجينتي
بقلم كراميل
-٩-

قال لي لا واقفلي الباب وراك😒ياخ غاظني غيظ اسلوبو كان مستفز 😑قلت ليها تمام واتلفت عشان امشي شفت الكرسي داك حق المعاقين وال م قادرين يمشوا عرفتو مش بس ياهو عاينت لي وطلعت رجعت المطبخ اماني قالت لي وديتي قلت ليها اي😑شافتني متضايقه قالت لي ضايقك بي كلمه اعذري هو عصبي شويه🙂قلت ليها فرق شاسع بينو وبين امو مغرور شكلو😒🔪ضحكت قالت لي والله هو طيب و ود حلال م عرفتي لسه بس مشكلتو عصبي بس هو معزور قلت ليها معزور لي يعني🌚قالت لي هو من صغير م بقدر يمشي عندو مشكله في السلسلة الفقريه وانشل شلل نصفي💔قلت ليها ايوااا عشان كده شفت الكرسي قالت لي اي لكن اصلا م بستعملوا كتير م بطلع من غرفتو قلت ليها لكن حتي لو عندو مشكله مفروض يكون عندو شويه ذوق 👋قالت لي من قام كده لكن حنين والله☺قلت ليها انتي من بتين معاهم قالت لي من هو صغير م كانوا ساكنين هنا كانوا في أوروبا قلت ليها عليك الله قالت لي والله وعايزه تكمل قالت لي واي في شي حرق اتلفت لقت الحله حرقت😂💔قلت ليها حرقت قالت لي بسببك😒بقيت اضحك اتونسنا وقضينا شغلتنا واليوم انتهي علي كدي عدا الشهر التاني وانا قاعده معاهم كاني منهم بعاملوني بي طيبه شديده الا مؤيد دا لئيم لمن غلط😑بقيت امشي غرفتو كتير وكل مره بتلائم 🌚في مره مشيت وديت لي الاكل دقيت الباب ودخلت ختيتو لي كان يتكلم بالتلفون بعد ختيتو جيت اطلع قال لي هي اتلفت علي وقلت لي نعم قال لي اكل بدون مويه😒 قلت لي معليش خالتي اماني بتكون نستها وبعدين هي العملت دا👋قال لي اسمها اسفه اولا وثانيا انتي مفروض تعايني الفي شنو والمافي شنو مش دا شغلك ولا م كده☺ياخي اتعصبت لي درجه شويه وكنت انفجر في وشو بس قلت اهدي قلت لي صح دا شغلي تمام ح اجيبها ليك وارجع طلعت وقفلت الباب بي نرفزه🐸مشيت المطبخ جبت جك مويه وكبايه وطلعت غرفتو دقيت الباب قال ادخل دخلت ختيت الجك والكبايه في التربيزه وجيت عشان اطلع قال لي يا انتي اتلفت وقلت لي اميره☺قال لي شنو قلت لي اسمي اميره🌚قال لي م مهم وتاني شي م سالتك تعالي كبي لي مويه واديني ليها عاينت لي وجزيت علي سنوني وقلت لي حاضر مشيت كبيتها لي وناولتها لي ومشيت لما قربت علي الباب قال لي اقفلي الباب براحه م تخبطي☺قلت لي ياخ انت وحمرت لي وطلعت شويه كنت ح اطلع عصبيتي كلها في😑مشيت المطبخ قضيت شغلتي وطلعت غرفتي ،،،الايام ماشه واحنا نفسس الروتين شغله واستحمل ثقاله الشي دا🌚في يوم كده جات المدام معاها راجل طلعوا فوق غرفه مؤيد انا عملت العصير واماني قالت لي بودي انا قلت ليها خلاص بطلع غرفتي قالت لي تمام طلعت غرفتي ورقدت شويه عشان ارتاح عمضت كده كان اسمع صوت جوطه وكسير وبكا طلعت بره الصوت كان من غرفه مؤيد والباب فاتح مشيت علي لقيت الراجل القبيب بقول لي اهدا والمدام واماني يبكوا ويهدوا في وهو يقول لي الراجل اطلع من هنا انا م قلت ليك م تجيني تاني م قلت ليك م تديني امال علي الفاضي ويشيل اي شي جنبو ويكسرو والمدام تقول لي مؤيد اهدا الله يخليك م سمعت الدكتور قال المره دي نسبه النجاح عاليه والدكاتره المعاه اخصائين كبار قال ليها المره الفاتت مش قلتو كده واديتوني امل علي الفاضي يلا اطلعوا من هنا كلكم يلا وبقي يجوط الدكتور قال العصبيه م في صالحو اطلعوا خلو طلعوا وانا بقيت واقفه بس اعاين في اتلفت علي وقال لي م بتسمعي انتي بره بصوت عالي لمن نطيت من الخوفه طلعت وقفلت الباب ،،،،نزلت تحت لقيت المدام تبكي واماني تهدي فيها قالت لي اميره امشي جيبي مويه مشيت جبتها وجيت شربت شويه وقالت لينا انا ماشه ارتاح في غرفتي قلنا ليها تمام بعد مشت اماني قعدت وقالت لا اله الا الله والله م بتستاهل😥قلت ليها في شنو قالت لي الراجل الكان هنا اسي دا دكتور مؤيد قال جو دكاتره من بره و عرض عليهم حاله مؤيد و قال نسبه نجاح العمليه كبير قلت ليها طيب يعملها بس قالت لي المشكله م هنا😪المره الفاتت كان متامل تنجح بس خاب ظنو ومنها رفض يعمل اي عمليه تاني او يتعالج وهو م عارف بي عنادو دا م ح ياذي زول غير امو😪قلت ليها م بتستاهل والله طيب اتكلموا معاه قالت لي عنيد وم بسمع قلت ليها ابوه وين؟قالت لي مات من هو صغير وقالت يلا ماشه ارتاح انا قلت ليها تمام ،،،،قلت المره دي م بتستاهل الا الخير لازم أساعدها مشيت المطبخ شلت عصير وطلعت غرفه مؤيد دقيت الباب قال منو بي عصبيه قلت لي اميره قال امشي من هنا م عايز اشوف زول ولا اشتغلت بي فتحت الباي ودخلت قال لي انتي طرشتي ولا حاجه مش قلت م تدخلي ابتسمت وقلت لي العصير🙂وختيتو في التربيزه عاين لي شال الكبايه وخبطتها مع الواطه قال لي بره بي نهره قلت لي عارف نفسك بتعمل في شنو؟؟قال لي م دخلك وللمره الاخيره اطلعي بره قلت لي والله ماف زول بعاني غير امك ويمكن بتعاني اكتر منك بتعمل فيها كده لي هي مره م بتستاهل غير كل خير👋عارف يعني شنو امك تبكي بي سببك مش معني انك حاولت مره وم نجحت تيأس كده وتحول حياة امك لي دمار ياخي انت بدل تكو

ن سندها عايز تبقي ليها نقطه ضعف😪قال لي خلصتي🙂يلا اقفلي الباب وراك متخيلين زول برود العالم كلو في عاينت لي وطلعت بقيت اشتم في نفسي ياخ مالي ومالو هو حر دخلت غرفتي طلعت العبايه والطرحه رقدت نمت بليل كده سمعت صوت كركبه قمت عاينت للساعه لقيتها 2صباح ولسه صوت الكركبه في لبست عبايتي والطرحه وطلعت عشان اشوف دا شنو بقيت اتصنط الصوت جايي من غرفه مؤيد مشيت عليها قربت علي الباب كان يبكي دقيت الباب لما دقيتو الصوت هدي شويه فتحت الباب لقيت مؤيد في الواطه واقع وبحاول عشان يقيف جريت علي عشان اساعدو وارفعوا مسكت يدو زح يدي بي قوه قلت لي م وقت عناد ومشيت مسكتو ورفعتو في السرير دموعو كانت علي خدو قال لي جايه في شنو اطلعي من هنا م ناقصك انا😠قلت لي هيييي شنو هو م معني الناس ساكتين ليك وم بردو ليك معناها خلاث تسوق فيها الانت بتعمل في دا م صح واسلوبك دا م أسلوب تمام👋قال لي م انتي ال ح تعلميني الاسلوب قلت لي والله حسب الشايفاه انت عايز تعليم ودروس مكثفه كمان دروس في الاحترام والمعامله واهم شي دروس في الثقه والتعلق بالامل👏قال لي اسي انتي عايزه شنو قلت لي انا م عايزه شي غير اساعد امك واريح بالها عشان امك م بتستاهل البتعملوا فيها دا انت فاكر انك اكتر زول تعيس وبعاني عشان بس انت مشلول ياخي مرضك دا ولا شي عارف ناس الكلي بعانو كيف خلينا من الكلي السكري جربتو طيب السرطان ودا انت بالنسبه لي عندك كحه ياخ العندهم صابرين خلي انت امشي عليك الله شوف نفسك بتعمل في شنو طيب جاوبني حصل شفت الشي الايجابي في حياتك يعنى انت عندك ام بتعمل كل العليها عشان تسعدك وترضيك وعندك اي شي تتمناه قال لي والعندي لزومو شنو وانا محبوس في الغرفه دي بقيت اضحك اي والله ضحكته هو استغرب قال لي في شي بضحك قلت لي يعني اسي الغرفه دي سجن عليك الله جادي قال لي اي سجن قلت لي انت معناها م بتعرف السجن ياخي غرفتك دي بالنسبه للسجن فندق 1000نجوم م خمسه بس وبقيت اضحك قال لي وانتي العرفك بالسجن شنو قلت لي بعرفو زييي اسمي اول شي السجن م في الحاجات الترفيهية العندك السجن حدك زنزانتك اوسخ من ما تتخيل ممكن تشوف في اي شي يخطر على بالك ومن الضحك اتذكرت ايام السجن بقيت كئيبة قلت لي وتقول لي غرفتك دي سجن دا انت في نعمه مفروض تشكر ربنا عليها صباح ومساء قال لي وانتي عرفتي كيف كنتي في السجن مثلا؟قالها باستهتار رفعت راسي وابتسمت لي قلت لي سنتين قاعده في سنتين🙂بقي يعاين فيني وكانوا م مصدق قلت لي بتكلم جاده انا كنت مسجونه سنتين عارف انت م ساجننك انت الساجن نفسك👋انت عندك نعم كتييير غيرك بتمني بس حتي لو جزء صغير منها وأولهم امك عارف انا بحسدك علي امك يعني انا لو عندي ام زي امك كده لو قالت لي ارمي نفسك في النار برمي نفسي وانا بضحك يعني لي الزيها بعمل اي شي خلي انت م عايز تعمل ليها شي ولا م اي شي لي مصلحتك كمان اخر شي ح اقولوا م عيب ولا حرام لو حاولت مره واتنين وتلاته م تيأس نصيحه مني ليك يمكن انت اكبر مني بس اعتبرتي اخت رتب حساباتك ويلا تصبح علي خير قمت عايزه اطلع لقيت المدام واقفه جنب الباب وتقريبا سمعت الكلام كلو ابتسمت ليها ومشيت غرفتي طلعت عبايتي ورقدت نمت........
يتبع

ي اوقسم بكذب 86%يا بت طلعتي شاطره😂قلت لي مؤيد ياخ جبت كم م تدوش راسي قال لي والله87%بعد حلف قمت انطط واصرخ وهو يضحك قال لي مبرووووك😚قلت لي يبارك فيك بعدها جات اماني باركت لي والمدام بعد جات باركت لي برضو قالت لي ان شاء الله ح يقدم ليك مؤيد قلت ليها شكرا بالجد علي العملتي معاي كلو قالت لي انا المفروض اشكرك والله العملتي لي ولدي م بنسا ليك طول حياتي👋،،،بعد اسبوع كده مشينا انا ومؤيد عشان نقدم يا الجامعه كانت بالنسبه لي حلم وهدا وصلتو كنت اسعد وحده في الدنيا لحظتها اها اخدنا وقت عشان نقدم بعد قدمنا رجعنا البيت وبعد كم يوم جاني مؤيد قال لي مبرووك شالوك هندسه طبيه😚ياخي صرخت صريخ😂بعد انتهيت من الاحتفال🐸قال لي بكره ح نمشي مشوار تمام قلت لي تمام اليوم البعدو الصباح جا مؤيد دق الباب قلت دقيقه لبست ومشيت فتحت لي قال لي جاهزه قلت لي اي☺بعدها طلعنا هو بقي بقدر يسوق عادي قلت ماشين وين قال لي مفاجأه😄 بقي سايق لحدي م وصلنا السوق قلت لي عايز تشتري حاجات يعني م تقول من الاول😑قال تعالي دخلنا السوق قلت عايز شنو قال لي عايزك تشتري ملابس للجامعه😬قلت لي م جادي😒قال لي والله جادي وامشي عشان تشتري العايزه قلت لي مؤيد🌚قال لي شوفي لو م مشيتي وشلتي العايزه تاني لا بيني لا بينك قلت لي م تعمل زي الاطفال المهم في النهايه اقنعني دخلنا قال لي شوفي الفستان ده😄قلت لي بلبس عبايات بس انا😬قال لي الفتاه المسلمه😂خلاص امشي ارح ودانا محل عبايات رهيب اشتري لي كم عبايه علي طونكات وبناطلين وشنط وجزم وساعات وحاجات كتيره ياخ لو اخوي بصح م بعمل لي كده😪💔بعدها رجعنا البيت ،،جا الاحد وح انزل جامعه وبقيت برلومه💃طبعا قمت من اذان الصبح 😂حركان البرالمه المخلوعين😂👋ها قمت جهزت ملابسي ودخلت الحمام بعدها جيت لبست كامت عبايه وطرحه سود والاسبورت والجزمة كحلي نزلت تحت المدام قالت لي برلومتنا😄موفقه يا رب قلت ليها تسلمي شويه جا مؤيد نازل قال لي اووو هلا بي البرلومه👋قلت لي اهلين😬جابت لينا اماني الشاي شربنا وطلعنا مؤيد وصلني وقال لي خلي بالك من نفسك وموفقه يا رب😄قلت لي تسلم وبعدها فات(هو في الجنوبي🌚)اها دخلت وبقيت افتش للقاعه قلت البسال م بتوه ويا ريت لو تهت وم سالت ياخي اول يوم لي كان استثنائي🐸🔪اها نرجع لي موضوعنا قلت اسال بس اتلفت لقيت شله كده قاعده مشيت عليهم قلت ليهم سلام عليكم🙂قالوا وعليكم السلام قلت ليهم بسال من قاعه برالمه هندسه طبيه لو سمحتو قالوا لي برلومه هلا وبقوا يسلموا ويتعرفوا 🌚قام واحد منهم عالي كده قال لي تمشي بهنا وصف لي قلت لي شكرا ومشيت علي حسب وصفو لما وصلت لقيت نفسي وين في الحمام😭😑بقيت اشتم في تاني جيت راجعه لما شافوني هو وشلتو بقوا يضحكوا ويعاينوا لي وانا كلو الا الحقاره مشيت عليهم وقفت في وش الولد الوصف لي ابتسمت لي ورفعت يدي طااخ اديتو كف👋قلت لي كده متعادلين☺........
يتبع

ل لي ان شاء الله وسكت قلت لي انت الحصل معاك شنو م قال شي قلت لي قلت اخير اسكت😷بعد سكوتو داك قال كنا في أوروبا اتولدت هناك ابوي وامي كان شغلهم كلو هناك كان عمري اربعه سنه لما المنطقه الاحنا فيها حصل فيها فيضان البيوت كلها اتدمرت و م نجو ناس كتار ومن بينهم انا وامي وخالتي اماني💔ابوي واختي للاسف اتوفوا وانا بسبب الضربات سلسلتي الفقريه اتاذت وبقيت كده😪قلت لي يعني انت عندك اخت؟؟قال لي أي كان عمرها سنه تقريبا بعدها نزلنا السودان وامي نقلت شغلها كلو هنا قلت لي تمام سكت شويه قلت لي اها انت قريت شنو؟؟قال لي هندسه قلت لي ما شاء الله وخلصت قال لي باقي سنه وحده جمدتها عشان كنت تعبان وكده قلت لي جامعه شنو؟قال لي السودان قلت لي تمام ان شاء الله السنه دي تتم السنه قال لي ان شاء الله قولي يا رب بس قلت لي يا رب☺قال لي وانتي قلت لي اناااا قريت لحدي نص تالت تاني حصل الحصل😪كان حلمي اكمل ياخ💔بقينا نتونس قال لي اها دفترك في كم قلت لي دفتر شنو قال لي الجكس وكده قلت جكس شنو😒اتكلم عديل قال لي م بتعرفي معني جكس😂قال لي خلاص حنكتي كم قلت لي هيي بتدعي فيني انت ولا شنو🌚👋بقي يضحك بصوت عالي قال لي معناها انتي م حصل حنكتي ولا جكستي قلت لي معناهم شنو قال لي معناهم حبيتي كم قلت لي حب برررري يا خوي برا حب برا كلام فاضي🐸الفيني مكفيني بقي يضحك باعلي صوت قال لي ياخ انتي هو انا سالتك قتلتي كم قلت ليك حبيتي كم قلت لي اقتل م احب😐اها خليك مني انت جكست كم علي قولك قال لي انا ايييييييك😎م بتعدو قلت لي وشي فرحان كيفن تقول عملت شي نافع ضحك وقال لي يا زوله انا حنكت الجكس الطبي😌قلت لي فسر 😒ضحك وقال لي شفتي البنات الحناكيش ديلك قلت لي اللبسهم كيف كيف ديلك😷قال لي بسسس ياهم ديل الجكس الطبي😂قلت لي ياخ عندهم حركات تفقع المرارة وبقيت احاكي فيهم وهو يضحك بقينا نتونس وهو يضحك وقت طوييل قلت لي هيي الصلاه امشي ارح قال لي ارح سقتوا كنا عايزين ندخل لقينا المدام واقفه وتبكي وتضحك بعد شافتنا مسحت دموعها وجات علينا قالت دايما تضحكوا كده ان شاء الله😊قلنا ليها ان شاء الله ودخلنا،،،،الاربع والخميس مؤيد كان م بطلع غرفتو الا للنوم عادنها ضحك وونسه حتي في المطبخ بكون قاعد معانا يوم الخميس مشي المستشفي المساء عشان يجهز للعمليه قال لي بكره من الصباح تجي قبل العمليه قلت لي ان شاء الله مشوا هم والمدام اصبح الجمعه مشينا اما و اماني بدري لقينا لسه م دخل المدام قالت لي ادخلي لي مستنيك من قبيل دخلت لي قلت لي ثحبي😚صباح الخير قال لي صباح النور وكان باين علي القلق مشيت علي قلت لي عاين دي محاوله بس يعني لو نجحت الحمد لله ولو م نجحت برضو الحمد لله وح تحاول تاني خليها علي ربنا واتوكل قال لي ونعم بالله وابتسم بقيت اتكلم معاه واقوي في لحدي م جا الدكتور قال خلاص ح يدخل ساقوه العمليه كانت تلاته ساعات قاعدين علي اعصابنا بعدها الدكاترة طلعوا المدام مشت عليهم الدكتور المتابع مع مؤيد مبروك العمليه نجحت بعد كده العلاج الطبيعي والدلك وح يقيف علي رجلي ان شاء الله😊بقت تبكي وتقول الحمد لله رب العالمين وقالت للدكتور شكرا م قصرت ياخ قال ليها دا واجبي ومشي ، ،،بعدها نقلوا مؤيد لي غرفه عشان يكون تحت المراغبه بس12ساعه فتح لما الدكتور قال لي العمليه نجحت بكي بكي مع امو انا م بكيت بس اتاثرت ليهم والله بعدها عاين لي وابتسم ابتسمت لي برضو،،،طلع بعد اسبوع من المستشفى طبعا امو عملت كرامه وقومه وقعده عدا شهر والحمد لله بقي يحرك رجلو وبقيف لو زول سندو الدكتور قال تلاته شهور وان شاء الله ح يقيف علي رجلي عادي💕في يوم قاعده معاه نتونس جات المدام قعدت معانا قالت لي اميره قلت ليها نعم قالت لي رايك شنو تكملي دراستك؟؟......

عشااانكم
يتبع

#سجينتي
بقلم كراميل
-١٠-

الصباح نزلت تحت صبحت علي اماني وبدينا شغله عملنا الفطور طلعنا في الصفره جات المدام نازله قالت صباح الخير وابتسمت قلنا ليها صباح النور قعدنا عشان ناكل (بناكل كلنا عادي كعيله يعني)بعد اكلنا قالت لي اميره طلعي الفطور لي مؤيد قلت ليها حاضر مشيت حضرتو شلتو وقلت استعنا علي الشقي بالله🐸مشيت دقيت الباب قال اتفضل دخلت قلت لي الفطور م قال اي شي يعاين بس ختيتو لي وجيت اطلع وصلت الباب قالي لي يا انتي في نفسي قلت دا مستحييل يتغير اتلفت وقلت لي نعم☺قال لي نادي لي امي قلت لي حاضر وطلعت مشيت للمدام قلت ليها مؤيد قال عايزك قالت لي خير ان شاء الله وطلعت لي انا مشيت المطبخ كانت في عده غسلتها ونضفتو عملت لي شاي وقعدت اشرب في جات اماني قالت لي اعملي لي معاك كبايه برا صغرا يعني😄قلت ليها حاضر عملتها ليها وجبتها بقينا نشرب في الشاي شويه جات المدام داخله قالت اميره رفعت راسي ليها جات علي حضنتني قالت لي شكرا وكلمه شكرا زاتها شويه قلت ليها في شنو؟؟قالت لي مؤيد وافق يعمل العمليه☺وكلامك حق امبارح تاثيرو ظاهر علي م عارفه اقول ليك شنو بس ربنا يفرحك زي م فرحتيني قلت ليها انا م عملت شي بس وريتو الصح🙂قلت ليها وح يعمل العمليه متين قالت لي ان شاء الله في الاسبوع دا عشان الدكاتره م ح يقعدوا كتير وقالت انا امشي اكلم الدكتور ومشت قعدت مكاني وكنت فرحانه عشان فرحت زول(ساعد لتسعد👋)اماني قالت لي حصل شنو وكلام شنو😐ضحكت وقلت ليها خالتي اماني تشعر بالشمار😂قالت لي م وقت حركاتك قولي في شنو حكيت ليها الموضوع كلو قالت لي انتي اتكلمتي مع مؤيد كدي🙄قلت ليها اي كان عايز الاوجهه و ويوقفوا في حدو🌚👋يعني اخلي يلطش بالكلام في الجايي والماشي م انا البشوف الغلط واسكت علي😐👏قالت لي امانه م واعيه و قويه😂قلت ليها كيف بالله بقينا نتونس بعدها بقينا نعمل في الغدا كالعاده اتغدينا والمدام قالت انا ال ح اودي الاكل واي شي بخص مؤيد عشان هي شايفه اني باثر علي🌚شلت لي الغدا وديتو لي ختيتو وجيت عشان اطلع سمعتوا قال اميره بقيت اتلفت في الغرفه قلت لي سمعت زول نده علي ولا بتخيل عمل وشو كده😑قال لي في غيري في الغرفه دي قلت لي انا م عاجباك😒👋قال لي عارفه لسانك اطول منك😏قلت لي عارفه بس م قلت لي في زول نده علي ولا حاجه😏😒قال لي انا الندهت عليك قلت لي جد قال لي نان بهظر😐 قلت لي يااا واحد الله من بتين بقيت تنده للناس بأسمائهم😂💔هي وانت خليتها يعني🌚بقي يضحك قال لي يعني جد طلع لسانك طويل😂قلت لي خاف انت بتضحك قال لي لي يعني م اضحك قلت لي قايلاك م بتضحك عشان م فيك سنون🙊بقي يضحك بصوت عالي قال لي يا زوله انتي عمرك كم قلت19قال لي انا اكبر منك بي تلاته سنه بس خلي م فيك سنون😂قلت لي اها عايز شنو عندي شغله انا قال لي شكرا قلت لي عفوا يلا👋بعد مشيت تاني نده علي قال لي اميره اتلفت قلت لي شكلو اسمي عجبك😂🙊ضحك وقال لي انا م عندي لا صحبات ولا اخوات ومدا لي يدو قال لي اصحاب🙂عاينت لي مسافه ومشيت علي مسكت يدو وقلت لي اصحاب☺ويلا اكل عشان انا وراي شغله😏ضحك وطلعت(مع اني بقيت بتحسس من الرجال وبخاف اقرب عليهم بس مؤيد دا حسيتو غير زي اخوي الكبير يعني)رجعت المطبخ نضفتوا وطلعت غرفتي المساء جات المدام قالت العمليه اتحددت يوم الجمعه ان شاء الله☺قلنا ليها ربنا يسهل قالت ح امشي اكلم مؤيد وطلعت فوق اليوم ده كان الاتنين وانتهي علي كده،،،اصبح التلاتاء نفس الروتين شلت الفطور وديتو لي مؤيد دخلت قلت لي يسعد صباحك استاذ مؤيد😬🙊ضحك وقال لي وصباحك انسه اميره قلت لي مدام لو سمحت🙈قال قولي اوقسم قلت لي وعندي نص دسته عيال😂قال لي جد قلت لي وعمه كمان😝قال لي م جاده انتي وبقي يضحك قلت لي يلا الفطور☺قال لي انتوا فطرتوا؟؟قلت لسه المدام م نزلت بقي يضحك علي كلمه مدام🌚قلت لي مالك قال لي شايفك جاده قلت لي هوي الشغل شغل👋وهاك عشان تاكل وتاخد الدواء قال لي الليله عايز افطر معاكم تحت🤗قلت لي جادي قال لي والله😄 قلت لي جدا دا انت تنور والله ختيت الاكل في التربيزه ومشيت جبت الكرسي ختيتو جنب السرير قلت لي يلا قام قعدتو وطلعت بي ناديت اماني عشان تساعدني نزلتوا معاي تحت رصينا الفطور وقلت منور يا اخ😂قال لي منوره بي ناسها البيت دا اتغير ولا انا طولت م نزلت ساي😂قلت لي تقريبا انت طولت م نزلت جات المدام قالت الفطور جاهز كانت مع التلفون لما رفعت راسها وشافت مؤيد بقت عامله كده😳تاني كده😍😭وجات سلمت علي في راسو ابتسم ليها وقال ارح عشان انا جعان😋قعدنا عشان ناكل وانا قدام المدام م بهظر مع مؤيد كتير😂فطرنا وعملنا الشاي مؤيد قال لي ارح نشربو في الحديقه البره قلت لي جداا سقتو وطلعنا كانت في زي مظله كده مفروشه فرش بسييط قلت لي اجيب الشاي واجي مشيت جبت الشاي وجيت قلت لي السكر كيف قال لي خفيف كبيتو لي وقعدنا نشرب قال لي تفتكري العمليه ح تنجح؟؟قالها بي حزن كده اتلفت علي وقلت لي ان شاء الله اتفاءل ليها بس وخليها علي ربنا☺قا

#سجينتي
ببقلم كراميل
-١١-
قلت ليها شنو؟؟ضحكت وقالت لي تكملي دراستك عارفه دي اول السنه وفي مدرسه قريبه علينا ممكن اسجل ليك فيها 😊اها رايك شنو انا بقيت عامله كده بس😳قالت لي م عايزه تكملي يعني؟؟مؤيد قال لي هيي مش حلمك تكملي دراسه هدا جاك في طبق من دهب وافقي😒👋قالت لي اسجل ليك هزيت ليها راسي بمعني اي قالت لي خيير يا زوله☺قلت ليها بسس قالت لي انا بهتم بي كل شي🙂ومشت مؤيد قال لي اها ح تكملي قلت لي م مصدقه ياخ حظي ضرب🌚قال لي الاغنيه دي تشبهه حالتك( الدنيا ورتني العجب ساقت معاي والحظ ضرب...... 😌 💕💃)بقي يغني وانا اضحك علي اليوم دا كان الخميس عدا الجمعه والسبت الاحد مشيت مع المدام المدرسه عشان اسجل ياخ م مصدقه نهائي ح اكفي دراسه كاني في حلم كنت فرحانه فرح سجلت لي وقلت ليهم بقرا منازل والاستاذه قالت لي لو شي صعب عليك تجي عشان تفهمي قلت ليها ان شاء الله كانت مدرسه راقيه بمعني الكلمه ادوني الكتب وطلعنا المدام وصلتني البيت ومشت شغلها،،،،دخلت البيت ختيت الكتب وغيرت ملابسي ونزلت المطبخ قلت سلام عليكم اماني قالت لي وعليكم السلام اها حصل معاك شنو قلت ليها المدام سجلت لي وهدي جبت الكتب😊قالت لي تستاهلي والله ابتسمت ليها قالت لي تعالي اكلي عشان طلعتي مت غير اكل قلت ليها ربنا يديك العافيه ياخ وسلمت عليها في راسها💕اكلت وقمت عملت لي وليها شاي قلت ليها مؤيد وين؟؟قالت لي نايم عندو مواعيد الليله صح؟؟قلت ليها اي المساء ان شاء الله🙂شربنا شاهينا داك وقمت نضفت المطبخ اماني قالت لي مافي شي تاني خلاص انتهينا قلت ليها خلاص طالعه غرفتي اشوف الكتب ديل نظامهم شنو طلعت غرفتي فتحت الكتب القران م كان صعب بالنسبه لي لاني مسبقا حافظه بقيت مركزه علي الكيمياء والفيزياء والرياضيات المتخصصة بقيت اقرا لي بعد العصر عاينت للساعه لقيتها خمسه ونص قلت اييييك مواعيد مؤيد لبست العباية والطرحه ومشيت لي دقيت الباب قال اتفضل قلت لي ثحبي ال م بسال😏قال لي هلا بالمنتحره😂👋قلت لي هع هع انتحار السرور اريتو المدرسه براها تكيفك عشان تنتحر😂💔 بقي يضحك قال لي عملتي شنو قلت لي جبت الكتب عشان ح امتحن منازل🤗تاني قلت لي هييي المواعيد اجهز سريع قال لي جاهز انا قلت لي خلاص انا بلبس سريع وبجي مشيت غرفتي لبست عبايتي حقت الصباح ومشيت لي طلعتوا وجات اماني نزلتوا معاي طلعنا لقينا العربيه واقفه السواق ساعدني وطلعنا وصلنا المستشفى عملوا لي التمارين والحمد لله في تحسن كبير بقي بقدر يقيف ويمشي كم خطوه منظروا كان زي الطفل الاتعلم المشي جديد فرحان فرح الدكتور قال تقدرو تمشوا وبعد بكره ان شاء الله تجو☺قلنا لي ان شاء الله طلعنا مؤيد قال لي بالمناسبه دي عازمك ايسكريم😄قلت لي طواالي قال لي عم موسي (دا السواق)عليك الله اقرب محل ايسكريم😋قال لي حاضر وصلنا نزل عم موسي جابها لينا بقينا الطريق كلو نتونس وناكل وصلنا البيت طلعتوا ومشيت غرفتي ،،،،،الايام مشت وانا مقسمه وقتي بين الدراسه وشغله البيت ومواعيد مؤيد الحمد لله بقي يمشي بس لسه في حبه صعوبه🤗الامتحانات التجريبي بدت المديره قالت لي تجي تمتحني عشان تشوفي مستواك وكده ايام الامتحان ظاغطه نفسي ضغطه شديده و لو وقف لي شي مؤيد بشرح لي ذكي ما شاء الله😂يوم مساله رياضيات وقفت لي مشيت لي قلت لي المساله شال الكتاب وقال لي اسي غالباك دي😏عاينت لي كده😒قلت لي اها حلها بقي يحل فيها وشكلها غلبتو قلت لي اها يا عم الذكي حلها😂👋قال لي اصبري بحل فيها😒😐قلت لي صابره😂ربع ساعه حتي حلاها قلت لي يا واحد الله حليتها اخيرا وبقيت اضحك😂قال لي م عندك حسنه اخر الجزا ازا😏👋بقينا نتناقر ونضحك ياخ مؤيد دا بحسو زي اخوي الكبير ،امتحنت التجريبي ونسبتي كانت 82%فرحت بيها فرح مؤيد قال لي ح تجيبي اكبر في الشهاده ان شاء الله☺قلت لي ان شاء الله،،،اها بقيت اقرا للشهاده وشبه مستعده ليها😚خلااااااص كبست والامتحان علي الابواب مؤيد بقي يوصي فيني م تخافي مافي شي بخوف ركزي وم تطلعي بدري راجعي ورقتك كم مره وموقفه يا رب👋واماني والمدام نفس الشي اها اول يوم كان في رهبه كده البعدو كان عادي الامتحان كان يعني لا ساهل ولا صعب م كان عندي شغله بالبنات امتحن ويجي عم موسي يرجعني(يعني كانوا بعاملوني كاني منهم وفيهم وانا كان قدمت ليهم حياتي م بوفيهم حقهم💔)انتهت الامتحانات الحمد لله واشتغلت فيها كويس وبقيت مستنيه النتيجه الايام كانت نفس الروتين ماف جديد غير مؤيد والحمد لله بقي ب كامل عافيته بس عندو مواعيد لسه ياخ امو شويه وتنشل من الفرحه😂،،،،مؤيد قال لي نشوف نتيجتك وح اقدم ليك في الجامعه معاي☺قلت لي كدي الننجح😭المؤتمر دا م انتهي ياخ😪بقي يضحك قال لي ثقه في النفس مافي😂قلت لي عدم وحاتك😐بقي يضحك المؤتمر انتهي مؤيد جاب اللابتوب وقال لي رقم الجلوس مليتو لي قال لي شويه وتعرفي 😂👋قلت لي م تذيدها علي😑عاين في اللابتوب وقال لي رمبرووووك 60%☺قلت لي قول اوقسم😭بس دا عماري وقعدت في الكرسي بقي يضحك قال ل

#سجينتي
ببقلم كراميل
-١٢-

قلت لي كده متعادلين☺بعد ضربتوا الكف اصحابوا كلهم وقفوا وبقوا يجوطوا هو كان ماسك خدو ويعاين لي بس بعد شافهم وقفوا اشر ليهم بيدو بمعني اقعدو بعد شفتهم كده مشيت ولا اشتغلت بيهم بقيت افتش للقاعه براي لحدي م لقيتها اول يوم م كان في شي مهم جدول المحاضرات وكده في البريك حق الفطور مشيت الكافيتريا فطرت وبعدها مشيت الحمامات صلحت طرحتي وغسلت يدي كان في بنتين يتكلموا واحده قالت لي التانية واااي شفتي البرلومه دي ضربت عمر كيف التانيه بقيت ضحك وقالت ليها غايتو م استخارت هي لو عايزه تلعب تلعب مع القدرا م لقت الا عمر وبقوا يضحكوا البرلومه المقصوده منو اي بسسس ياها انا🐸👋غسلت يدي وطلعت قلت لي نفسي معقول ضربت ود الرئيس وانا م عارفه🌚م اشتغلت بالموضوع كتير قعدت لحدي م اليوم انتهي خلاص مشيت عشان اطلع لقيت الولد عاين لي من فوق لي تحت ابتسمت لي ومشيت😂طلعت بره بقيت مستنيه مؤيد ربع ساعه م جا قلت خلاص افتش لي ولو م لقيتو اركب امجاد فتشت بس م لقيتو قلت خلاص اشوف لي امجاد بقيت ماشه واتلفت بس ماف اي امجاد اثناء م انا ماشه في عربيه ماشه وراي م اشتغلت بيها شويه سمعت صوت بورى اتلفت مؤيد رفع لي يدو مشيت علي قال لي وين ماشه قلت لي شفتك اتأخرت عشان كده قلت اشوف امجاد قال لي لازمك تلفون😂قلت لي ان شاء الله قال لي ارح اركبي ماشه عشان اركب قدام قال لي تعالي ورا صحبي معاي😬قلت لي تمام وطلعت ورا صاحب مؤيد بعد ركبنا سلم علي قال لي انا صدقي☺قلت لي وانا اميره قال لي اتشرفنا الطريق كلو يتكلموا هو ومؤيد وانا بسمع بس لما شافني ساكته قال لي انتي قريبت مؤيد عايزه ارد لي مؤيد قال لي اميره اختي☺انا بقيت اتبسم يعني مافي اطيب من كده صدقي قال لي ما شاء الله وصلني البيت ومشي مع صحبو دخلت البيت المدام اماني سالوني من اليوم الاول قلت ليهم عادي قالوا لي خلاص اطلعي غيري وارتاحي وتعالي اكلي قلت ليهم تمام وطلعت اخدت لي شويه راحه ونزلت تحت مشيت المطبخ لقيت عده وقفت وبديت اغسل فيها جات اماني قالت لي اكلتي قلت ليها لالا اغسل العده دي واكل😊قالت لي هي اكلي اول بتمرضي والله تعب الجامعه ده عايز لي تغذيه قلت ليها باكل اسي يا قمرايه انتي😚هدي انتهيت بقت تضحك انتهيت من العده وقعدت اكل بعد اكلت نضفت المطبخ وعملت لينا شاي شربنا الشاي واتونسنا حبه بعدها بدينا نعمل العشا انتهينا منو مؤيد والمدام جو حضرنا وقعدنا مؤيد قال لي بعد الاكل عندي ليك حاجه😬قلت لي شنو قال لي بعد الاكل😊اكلنا ومشيت عملت قهوه للمدام متعوده تشربها بعد العشا بعدها مؤيد قال لي تعالي طلعت معاه دخل غرفتو وجا طالع شايل كيس قال لي هاك قلت لي دا شنو قال لي شوفي😚فتحت الكيس كان تلفون كبييير😬قلت لي دا لي انا😅قال لي لا جبتو لي بت الجيران😐اكيد ليك يعني قلت لي كده كتير والله قال لي م سمعتيني قبيل😑انتي اختي يا بت وشيلي التلفون من غير بس ولكن فاهمه واداني خبطه في راسي قلت لي اااي😐بقي يضحك قال لي تعالي اوريك بستعملوا كيف عرفت ونزل لي برامج واتس وفيس وكده اليوم انتهي علي كده اصبح اليوم التاني طلعنا في الطريق مؤيد قال لي اها امس يوم كان كيف قلت لي اسكت بس🐸وحكيت لي بقي يضحك وقال لي دي حركات السنايره بس عافي منك قعدتي في علبو😂👋قلت لي شفت يا ثحبي😚قال لي بعد ده اعملي حسابك تمام☺قلت لي ان شاء الله وصلني نزلت قال لي اتصلي بعد تطلعي تمام قلت لي تمام ودخلت اول شي شفتو الولد وشلته والبنات يعاينوا لي من فوق لي تحت🌚ابتسمت ليهم وكملت طريقي😂(عايزه تغيظي زول عندك معاه موقف ولا شي ابتسمي بثث😚)عدا شهر ونفس الروتين وشله الولد شايلنو معاي بينما هو كانوا م ضربتوا 🐸في بدايه الشهر التاني قاعده في بينش قريب القاعه جات بت مزه قاطعه وقفت في وشي قالت لي لو سمحتي قاعه برالمه هندسه طبيه وين🙂قلت ليها ديك واشرت ليها قالت لي شكرا☺ومشت انا كنت بتكلم مع ابرار في الواتس هي نسيت م كلمتكم ابرار طلعت ومشيت استقبلتها زي م قلت ليها هي ابوها فايت ليها وديعه باسمها وعندها شقه باسمها برضو اما باقي املاكها قالت م عايزاهم خلتهم لي مره ابوها💔كنا بنتلاقي كل جمعه في المسجد وبناخد معانا حاجات للخاله والبنات قلت لي ابرار يلا عشان المحاضره وطلعت مشيت القاعه قعدت شويه جات البت القبيل قعدت جنبي كنت م منتبهه ليها الدكتور دخل ادانا المحاضره وطلع بعدها دخلت حاجاتي الشنطه عشان امشي افطر م كان عندي اصحاب ولا عندي شغله بي زول😪عايزه اطلع سمعت صوت قال لي لو سمحتي اتلفت لقيتها البت القبيل قلت ليها نعم قالت لي الكافيتريا وين لو سمحتي😅قلت ليها انا كمان ماشه يلا قالت لي تمام يلا مشينا قلت ليها تعالي نقعد هنا ولا مستنيه زول؟؟؟قالت لي م بعرف زول هنا انا اصلا م عايشه هنا انا مي شهاده عربيه☺قلت ليها اميره بقينا نتونس ونتعرف طلبنا قلت ليها عازماك انا الليله😬قالت لي م ح اكسفك بس بكره علي ان شاء الله😅ضحكت وقلت ليها ان شاء الله،،،،اها امتحنا السمستر الاول الحم

د لله نسبتي كويسه انا ومي صحبتنا كانت قويه بقيت بفضفض ليها لو زعلانه وهي نفس الشي كانت واحده عند اهلها عشان كده دلوعه،،،،نزلنا السمستر التاني والشله الفقر دي لسه معاي قلبهم اسود😐حتي الولد الكنت فاكره م فارق معاه مي مره سمعتوا قال م بخلي حقو😂قلت ليها يا زوله ح يعمل شنو يعني👋قالت لي حتي ولو قلت ليها فكينا منو🐸قالت لي علي قولك ،،،بعد كم يوم كنا قاعدين انا ومي قالت لي يلا عشان المحاضره قلت ليها تمام ماشين سمعت زول قال اميره اتلفت كان صدقي جا سلم علينا قال لي كيفك قلت لي الحمد لله قال لي عندي قريبي هنا جيت اسلم علي☺قلت لي ايواااا🌚شويه زول نده علي قال لي تعال لما جا كان منو🐸ااااي بس هو الضربتو عاين لي واتلفت علي صدقي قال لي دي اميره قال لي اميره دا عمر قال لي اتشرفنا ومدا يدو ابتسمت لي وقلت لي الشرف لي☺بس م مديت يدي😂لما شافني م ناويه اسلم علي رجع يدو ختاها في جيبو وشكلو اتنرفز😏قلت ليهم عندنا محاضره عن اذنكم ومشينا ميوش (بدلع مي ميوش💕)قالت لي واااي احرجتي الولد قلت ليها منو دي وبقيت اضحك اخدنا المحاضره وطلعنا بقينا جنب الباب زول قال اميره أتلفت لقيتو عمر😐قلت لي نعم قال ممكن اتكلم معاك قلت لي اتفضل سكت وقال لي انا اسف عاينت لي كدي😒قال لي والله م كنت قاصد شي وكان مقلب عارفو م ظريف ممكن تسامحيني قلت لي اسامحك تمام سامحتك 😊عايزه امشي قال اميره أتلفت علي وهزيت لي راسي بمعني نعم قال لي ممكن نكون اصحاب😬........
يتبع

#سجينتي
ببقلم كراميل
-١٣-

عاينت لي من فوق لي تحت ورفعت لي حاجبي ومشيت😂(حقااره ياخ😬)مي قالت لي اصحاب🌚مالو ده قلت ليها بري طلعت التلفون اتصلت علي مؤيد قال لي هدا جنبك بعد شويه جا سلم علي ميوش ومشينا قال لي يومك كيف قلت لي تمام لقيت صحبك الليله واعرف شنو شفت الولد الضربتو طلع قريب لي قال لي صحبي منو قلت لي بعرف منو من أصحابك انا😐صدقي🐸قال لي بالله قريبو منو قلت لي اسمو عمر قال لي عمر م بعرفو ولا يمكن بعرفو ونسيتو اها قلت لي شن اها بعد صدقي عرفنا وانا طالعه اسي اعتذر وقال نكون اصحاب😂👋بقي يضحك قال لي وانتي قلتي لي شنو قلت لي سفهتو😚👏قال لي احيييك واصلا م عندنا بنات بصاحبو اولا احنا😂😌قلت لي قول اوقسم🐸بقي يضحك وصلنا ودخلنا البيت مشيت ارتحت شويه ونزلت قضيت شغلتي بعدها اتعشينا وطلعت غرفتي بقيت اقرا لي عشره ونص بعدها نمت،،صحيت الصباح لبست ونزلت طلعنا مؤيد وصلني قال لي بطلع بدري انا وبستناك في كافيه قريب قلت لي تمام😊ومشيت ميوش اتصلت قالت لي انا وراك اقيفي👋اتلفت شفتها جايه علي وصلتني سلمت عليها ودخلنا وكالعاده لازم نلاقي عمر وشلته😒🔪 اول م شافنا رفع لينا يدو انا عاينت لي ومشيت ميوش قالت لي مالو الاخ دا🌚قلت ليها ده اسمو العبيط اب دم تقيل😒🐸بقت تضحك قالت لي غايتو انتي كعبه كعبه😂👋قلت ليها عارفه ارح عشان م تفوتنا المحاضرة قالت لي ارح دخلنا المحاضرة بعدها طلعنا عشان الفطور مشينا الكافيتريا طلبنا الفطور بعد أكلنا مي قالت لي الحساب الولد قال ليها اندفع😊قالت لي دفعتي قلت ليها لا الولد قال ليها دفع ليكم الهناك داك واشر بيدو لما اتلفتنا كان عمر😒شويه وجا علينا قال سلام عليكم قلنا لي وعليكم السلام🌚طبعا سلم من بعيد خاف من الكسفه😂زح الكرسي وقعد قال لينا كيفكم مي قالت لي تمام وانا طلعت تلفوني وبقيت شغاله في حسيت بي مركز معاي رفعت راسي لقيتو يعاين لي نزلت راسي تاني في التلفون كان يتونس مع مي ظرافه شديده😒🔪قلت لي مي المحاضرة يلا وقمت مي قالت لي يلا عن اذنك😊عايزين نمشي قال اميره أتلفت علي وانا لسه شغاله في التلفون قلت لي نعم قال لي اها شنو اصحاب😬رفعت راسي وبكل برود قلت لي لا وبعدين انا م بصاحب اولاد وتاني شي ابا بعرفك عشان اصاحبك ابتسمت لي ورفعت لي يدي ومشيت😂👋اخدنا المحاضرة وطلعنا ودعت مي واتصلت على مؤيد قال لي هدا قريب ليك بقيت واقفه مستنية لما كنت واقفه جا عمر طالع لما شافني جا علي قال لي في شي عاينت لي وسكت قال لي اميره بتكلم معاك انا😒قلت لي اي سامعه😊قال لي طيب قلت مستنيه اخوي قال لي لو بعيد ممكن اوصلك انا😊قلت في نفسي اجييي يصلك الوصل ابوي🌚قلت لا شكرا بقيت واقفه. هو واقف معاي بعدت وقفت بعيد شويه ومؤيد جا مشيت علي ركبت واتلفت عمر كان لسه واقف مؤيد قال لي يومك كيف قلت لي تمام قال لي صدقي بكره عازمك بعد الدوام في كافيه قريب قلت لي تمام ان شاء الله وصلنا البيت واليوم انقضي و م في شي جديد ،،،،اصبح اليوم التاني مشيت الجامعه وبرضو نفس الروتين وعمر ودمو التقيل😑والغريبه اصحابو بقول معاي عادي🌚سفهمت عمر وأصحابو والموضوع كله🐸🔪نهايه الدوام قلت لي مي تمشي معاي قالت م فاضيه ودعتها ومشت شويه مؤيد جا الكافيه م كان بعيد وصلنا دخلنا مؤيد قال سلام شباب رفعت راسي لقيت عمر قاعد مع صدقي😑😐سلمنا عليهم وقعدنا صدقي طلب لينا قهوه وكيك بقوا يتونسوا وعمر ومؤيد اتعرفو علي بعض صدقي قال لي مالك ساكته😄ضحكت لي بس تاني بقيت اشارك معاهم مؤيد قال لي عمر غريبه م شفتك قبل كده عمر قال لي م قاعد هنا انا كنت في الامارات والسنه دي استقرينا هنا خلاص😊خالد قال لي تمام تخصصك شنو قال لي مختبرات اخر سنه👋قال لي ما شاء الله وصفي قال لي انتي تخصصك شنو عمر قال لي هندسه طبيه وضحك🌚حمرت لي بس😐مؤيد قال لي بتعرفو بعض صح وعاين لي وضحك عمر فهمو تقريبا قاصد الكف😂قال لي يعني بعرف اسمها وتخصصها عاين لي ومدا يدو قال لي اصحاب😄ياخي ثقيل لمن غلط😭في داعي لي دا اتلفت لي مؤيد ابتسم لي بمعني وافقي وكلهم كانوا يعاينوا لي😪مديت لي يدي وابتسمت ابتسامه غيظ كده😐🙄هو ضرسو الاخير ظهر😑ياخ اثققققل من كدي م شفت👋.......
يتبع

#سجينتي
ببقلم كراميل
-١٤-

قعدنا معاهم فتره كده بعدها طلعنا والقعده كلها عمر يتونس ويضحك فرحان🐸🔪وصلنا البيت مؤيد قال لي صحبك ظريف😂قلت لي ظريفه انا دي😐👋دخلنا البيت غيرت وجيت ساعدت اماني مافي اي جديد 😪اصبح اليوم التاني مشينا الجامعه وبرضو نفسس الروتين دخلت مي م لاقيتها لسه اثناء م انا ماشه جا عمر ناطي في وشي قلت سلام قولا من رب رحيم😑😒في شنو مع الصباح دا ضحك قال لي شفتي شيطان لا شنو قلت ممكن تقول كده😊اها في شنو عندي تست اسرع😒قال لي عايز اقول صباح الخير قلت لي صباح النور☺يلا اقطع وشك👋قال لي انتي كده دايما ولا معاي انا بس😪قلت لي علي حسب ابعد كدا ماشه انا ومشيت فتو نادا لي صحبتي القاك وقت الفطور م اشتغلت بي قلت بصوت واطي يلقاك تور مجنون واحوص يكسرك شاحده الله😑وصلت القاعه قعدت شويه ومي جات قالت لي صباح الخير قلت ليها صباح النور😪قالت لي شايفاك واقفه مع عمر🙊قلت ليها الله لا عمر لي شعر ثقيل ودمو تقيل😭قالت لي حيلك حيلك مالك معاه😂قلت ليها شميتو قلبي اباه😐وحكيت ليها موقف امس والليله قالت لي واااااي بقي صحبك🙈😂قلت ليها اي 😒قالت لي ومالك زعلانه كده🌚عارفه عمر دا البنات بتمنوا يسلم عليهم بس خلي انتي بقي صحبك😏قلت ليها لاحظي قلتي البنات😐وانتي عارفه م بحب ولد يقرب علي ولا اقرب علي ولد واظن فهمتيني وبعدين لي محسساني اني ربحت كنز م صاحبت الثقيل ده🐸قالت لي اميره عندك حق تتحسسي من الاولاد م بلومك بعد الحصل ليك بس انتي قويه ماف ولد بكسرك انتي البتكسري كدي اسي جربي ده وشوفي البحصل😊قلت ليها خير مع اني م هاضمه🌚الدكتور جا اخدنا المحاضره وطلعنا للفطور مشينا الكافيتريا اول م دخلنا شفتا عمر رفع لينا يدو😪قلت في نفسي يرفعو ويدي الدلجه😒مي مسكتني من يدي ومشت علي سلم علي مي وقعدنا طلب لينا الاكل وقال عازمكم بمناسبه صحبتنا😷بعد اكلنا قال لي صحبتي تشربي شنو قلت لي شكرا م عايزه😐مي حمرت لي وقالت لي بتحب الفراوله☺قال ليها وانتي😊قالت لي برتقال😚مشي وجا شربنا اتونس معانا مره اشارك معاهم مره اسكت ،،،،،عمر بقي يومو كلو معانا وانا شبه اتقبلت فكره انه صحبي بقينا انا وهو ومي نفطر سوا وفي وقت البريك البين المحاضرات مرات بصادف هو زاتو م شغال بنقعد نتونس يعني اصحابو بقي م بقعد معاهم كتير الاا يشوفهم في القاعه وتقريبا دا ضايق بعضهم🐸في يوم قاعدين كان في بريك بين محاضرتين قعدع اكتب كده عمر خطف مني القلم قلت عمر جيب القلم😒قال لي ابيت شنو هو اتونسي شويه😪قلت لي عندي شي مهم ياخ بطل ثقاله يا ثقيل🌚قال لي عشان ثقيل دي م بديك لي😏👋شلت المسطره وخبطتو في راسو قلت لي ثقيل😷قال اااي شال القلم وفكا فيني😂💔بقينا نتناقر شويه سمعنا صوت بت قالت عموري😐كانت صحبه عمر ومن شلتو قال ليها هلا عبير👋قالت لي شنو يعني بعتنا وعاينت من فوق لي تحت😒قال ليها ههههه م بعتكم ولا شي قالت لي خلاص قوم تعال الشباب مستنينك هناك عاين قلت لي مي المحاضرة قومي👋قلنا ليهم يلا ويا عمر اشوفك بعدين😊شلت حاجاتي ومشينا م كنت عايزه اختو في موقف بايخ😪اخدنا المحاضره كانت الاخيره طلعنا لقينا عمر واقف لينا جنب القاعه قال هو زاتو طالع طلعنا لقينا مؤيد واقف عمر مشي سلم علي وانا واقفه مع مي قالت لي اسي انتي يا اميره عايشه مع مؤيد ده وم حبيتي😷قلت ليها يا بت مؤيد اخوي الكبير وانا اختو وبعدين حب دا م في راسي اسي قالت لي ايواااا وهي مركزه مع مؤيد😂قلت ليهااا اوبااااااااااا شكلك وقعتي ومحدش سمي عليك🙈😂👋اتلفت علي وقالت لي شكلي كده😥وبعدين م شايفه اخوك دا عامل كيف😭قلتي ليها راقده سلطه😂 لكن زيين م اخترتي😚بعدو مؤيد نادا لي مشيت عليهم ودعت عمر ومشينا واليوم انتهي اصبح اليوم التاني ياهو نفس الشي في البريك حق الفطور كالعاده عمر معانا قاعدين نفطر ونتونس وعمر يضحك فيني بدكتور عندهم قرين قال يحاكي في وطريقتو تموت ضحك وانا لما اضحك كتير عاده بكح شديد بقيت اكح واضحك عمر قال لي خلاص م تضحكي عشان م تحكي وقفت ضحك بس لسه بكح مشي جاب لي مويه وجا قال لي اشربي شربت مويه والكحه خفت شويه وعمر لسه واقف فوق راسي قال لي هدت قلت لي اي اقعد خلاص 😂قال لي م تضحكي تاني😒قلت لي قول اوقسم🐸قال لي عندك التهاب؟؟قلت لي لا لما اضحك كتير بكح بس المره دي كحيت شديد😬عاين لي ونزل راسو كان بهتم بي بطريقه خلتني اتعلق في💕بقيت اعاين لي بس لما رفع راسو أتلفت طوالي لما اتلفت شفت عبير وكانت ملامح وشها م بتتفسر ابتسمت ليها وشلت باقه المويه بقيت اشرب بعدها مشينا عشان المحاضره اليوم انتهي علي كده👋في يوم من الاسبوع عمر م جا قال عندو شغل تقريبا اليوم داك كنت ماله ومتنشنه ومودي م تمام بس م ظهرت كده لي مي يمكن عشان اتعودت علي عمر بقيت افكر انا اتعلقت بي كده واسي زهجانه مالي وشنو يعني ولا يجي يوم واحد م جا يحصل كدي لا ياخ خلاص م تفكري بقيت اقول م تفكري م تفكري كنت قاعده في بينش بره ومي مشت الحمام قطع تفكيري صوت رفعت راسي كانت عبير قلت ليها

هلا عاينت لي وم قالت شي قلت ليها اقعدي😊قالت لي هييي انا م جايه اسمع انتي فاكره نفسك منو قلت ليها عفوا قالت لي م تعملي لي فيها البرئيه سامعه عمر دا لي انا سمعتي م لي غيري استغربت من كلامها طبعا ضحكت وقلت ليها يعني؟؟قالت لي يعني م تصدقي نفسك وتسوقي فيها انتي فاكره انه عمر بجلاله قدره عمر البنات جاريات وراه ح يصاحبك انتي هع😏عمر صاحبك عشان ياخد حقو يا حلوه طبعا انا بقيت عامله كده😥😧قلت ليها حقو؟؟؟؟؟قالت لي اي حقو الكف تتذكري☺بسس عايز يعلقك في ويمشي فهمتي ولا ازيدك😏قعدت وبقيت خاته يدي في خشمي قالت لي معناها فهمتي😚ومشت بعد مشت كنت كده😭💔............
يتبع