بعينك سوالف مذبوح
من كـربله بيك جروح
جبت العـمر كله تـنوح
ياصاحب الزمان
ـــــــــــــــــــــــــ
مفجوع كلبك مفجوع والطف اذيتك
ماشفت راحه بدنـياك تهظم قـضيتك
من البچي الـدم مولاي تارس لحيتك
ما اخجـل وماواسـيك وتالي نسيتك

يومـية اكلك نـاسيك
مــولاي مـافـكـر بيك
وهذا كلامـي يبچيك
ياصاحب الزمان
ـــــــــــــــــــــــــ
حافـر فرس داس النور كبـر مـصابك
من الباب ولحد عاشور اعرف عذابك
شـيبت يابـعـد الـروح وانته بشـبـابك
جـمـر الخـيـم يامـولاي حـارك ثـيابك

ضـيم الاميـرة مچويك
مـكـسور دوم مـخـليك
وشوكت كلبي يواسيك
ياصاحب الزمان
ـــــــــــــــــــــــــ
شـهر الاذيـة الحـانيك شـهـر المـناحه
فوك النهر كافل حيد فـاضت جـراحه
مولاي عمرك بس ضيم ماشفت راحه
حالك مثل حال الطـير الفاكد جناحه

عندك غريب بلا راس
عشرة حوافر ينداس
منك كطعهه الأنفاس
ياصاحب الزمان
ـــــــــــــــــــــــــ
بـلـواك تكـبر بـلـواك والـهـم رفـيجـك
بين الدمع والحسرات كاضي طريجك
من المهر طاح حسـين ناشـف يريجك
فوك الأف عام اطوف بالطف حججيك

ماغمضت عيونك يوم
حسين ضـامي ومظلوم
صدر الترافه المهشوم
ياصاحب الزمان
ـــــــــــــــــــــــــ
مولاي اصيحن مولاي ويـلاه غـربتك
شايف سـبايه بـعيناك كبـرت جمـرتك
مثل النهر تبقى تسيل اعرف دمـعـتك
حسينك يضل چوه الخيل أ يا كسرتك

حـال الـرضيع يبچيك
وجدك غريب وحانيك
وكـل الجـروح تأذيـك
ياصاحب الزمان
ـــــــــــــــــــــــــ
تمت بعون أسد الله الغالب
العبد الذليل علي الكعبي

عيد ابناء الحلال



بلغ العالم يارسول الله
يارسول الله بلغ العالم
ــــــــــــــــــــــــــــــــــــــــ
يله شيل ايده ــ وبلغ العالم ــ علي علي هوه الولي
لا نـبي بـعـدك ــ يانبي الامه ــ علي علي هوه الولي

فرحه جبيره ومحلاه هالفرحه
صدر المـوالي لـحـيدر تشرحه
الـولاه عـلي هذا اشـكبر ربحه

بـغ العالم يارسول الله
يارسول الله بلغ العالم
ـــــــــــــــــــــــــــــــــــــــ
علي دين الله ــ ونفرض حبه ــ علي علي هوه الولي
علي جف الله ــ توزع الرحمه ــ علي علي هوه الولي

حيدر اميري كل محب يهتف
تـاج الـولاية يـلوكـه ونـعـرف
وهذا عـهدنه بدمنـه ما نخلف

بلغ العالم يارسول الله
يارسول الله بلغ العالم
ــــــــــــــــــــــــــــــــــــــــ
السمه السبعه ــ والأرض تعلم ــ علي علي هوه الولي
فارس الخندق ــ والقلع خبيره ــ علي علي هوه الولي

وكت الشـدايد يـرفع الـهـامه
والمـايـحـبه يعـيـش بـوهامه
يزوع الخبر ومـضيك الـثامه

بلغ العالم يارسول الله
يارسول الله بلغ العالم
ــــــــــــــــــــــــــــــــــــــــ
كـلمـن يعادي ــ حيدره يسمع ــ علي علي هوه الولي
حيـدر الوالي ــ عشـك دلالي ــ علي علي هوه الولي

سر الكـتاب وسـره مستودع
باجر عـلينه نوره مـن يـطـلع
والله الندم هـيـهات مـاينـفع

بلغ العالم يارسول الله
يارسول الله بلغ العالم
ــــــــــــــــــــــــــــــــــــــــ
المايحب حيدر ــ نسمعه ونكله ــ علي علي هوه الولي
عـلـي قــرانــي ــ بدربـي دلاني ــ علي علي هوه الولي

مو طاهر فراشه البغض حيدر
مـسكـنه النار وبيـهه خل يفتر
الناكـر علي مـا يوصـل الكـوثر

بلغ العالم يارسول الله
يارسول الله بلغ العالم
ــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

كسر الضلوع .. حرك الخيام
ضيم الطفوف .. نار بعظام

سبي وموت وغربه ..
حاله كلش صعبه
نار بعظام
......................
اروي اهات الرزيه
من بدت بالغاضريه ــ
احسين وعياله وخيامه
حزن مايعرف نهايه
راحو احبابي ضحايه ــ
احسين كسروله عظامه
والله هالناس صعبه
منفطر ويلاه كلبه ــ
وطبت بصدره سهامه

حسين.. كلبه اشكثر حنين
حسين.. شفته يون حزين
حسين.. ما يكطع الونين
.
عالترب نام ــ ابني ياناس
اخ الخضاب ــ شيب الراس

الفرح ميت عكبه
حاله كلش صعبه
نار بعظام
......................
اضلوع للغالي شفتها
تارسه الطف لملمتها ــ
احسين وجروحه الجبيره
مكطعينه بالبواتر
وبالكلب دايس الحافر ــ
مصابه شيبها العشيرة
منه مسلوبه العمامه
وبرمح راس الشهامه ــ
كل جرح بي حجمه ديره

حسين.. دهري اشكثر عنيد
حسين.. منك كطع وريد
حسين.. يوليدي يا شهيد

ونتي تكول ــ جرحه مفتوح
يبني ويلاه ــ نحره مذبوح

كلبي ون ابكربه
حاله كلش صعبه
نار بعظام
......................
درت شوفي عالمخيم
والحزن بعيوني غيم ــ
اهناك زينب شاهدتها
تكلي ها يمه اجيتي
من الحسين شلكيتي ــ
بدمعة الون جاوبتها
ماكو راسه دامي نحره
منسحك بلخيل صدره ــ
وعن رقية ناشدتها

حسين.. روحي بهظم تكول
حسين.. درب الجرح يطول
حسين.. يا مهجت البتول

عمر الاحزان .. تتطلب دموع
ابني الحسين .. حيله موجوع

بي اعد جم ضربه
حاله كلش صعبة
نار بعظام
...............
وني يم احسين باقي
ويلي اصرخ من اعماقي ــ
يريد دك اصدور وضعه
كتله يا ثمرة فؤادي
ويا كلب جدك الهادي ــ
يبني يالما سلم ضلعه
كطعوهة او سلبوها
جثته او بالحر رموها ــ
وكصو بخنجر اصبعه

حسين.. مسلوب ثوبك والصبع
حسين.. يمك اصب شط الدمع
حسين.. كل حيل الطم عالضلع

يا ابو الورود .. ليش ذبلان
عالترب ظال .. وانته قران

عطش فطر كلبه
حاله كلش صعبة
نار بعظام
..............
جابو احبال واجواهم
عيلته وبالطك ولوهم ــ
والاطفال اتصيح ضلت
ياحسين ويابو فاضل
وينكم يهل المراجل ــ
أخ طحيتكم اشعملت
فاطمة وانظر عليهم
زينب من تهدي بيهم ــ
والسياط اعليها نزلت

حسين.. رحت ضعينتكم سبي
حسين.. صاحن بنات ال نبي
حسين.. بيهن حده ليش اجنبي

سوط ارجاس .. طيح امتون
صار من دم .. مجره العيون

وطلعت المتحجبه
حاله كلش صعبة
نار بعظام
ـــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

زينب يااميرة ــ خدر الله عرفتچ
زينب يااميرة ــ رايد من رحمتچ

جيت أنه بدمعتي
وقبـليها خـدمـتي ــ رايد من رحمتچ
ـــــــــــــــــــــــــــــــــــــــــــــــــــــــ
ياشـامخه بعلو النجم ــ واعله بـعـد بالـواقـع
يمچ اجيت بحاجـتي ــ اسمچ اشوفه الشافع
سويني دمع بكل عزه ــ وبهايه كـلـش طـامع
دمـعة اليـنضر منذبح ــ وبجفه حـبله وطالع

سوالف كلبي حره بلايه والي
الأميرة تضل اميرة ومـاتـبالي ــ فرض

زينب ياعظيمه ــ وحبال بچفوفچ
زينب ياعظيمه ــ بعيوني اشوفچ

كـبريلي حـسرتـي
وقبـليها خـدمـتي ــ رايد من رحمتچ
ـــــــــــــــــــــــــــــــــــــــــــــــــــــــ
يالواكفه جنچ علي ــ انتي علي وشخصيته
يالـعالـمه مـن الأزل ــ وكلبي خـدمتـچ نيته
ادري المواقف تذكر ــ موقـف الـچ ذكـريـته
بالشام ذليتي الزلـم ــ يابت عـلي وياصيته

اجيتي بكل شجاعة انتي لقصرهم
وكلامچ اله امحي كل ذكرهم ــ فرض

زينب ياجبيره ــ والـوادم زغـيـره
زينب ياجبيره ــ نومستي العشيره

يـازيـنب طلـبـتي
وقبـليها خـدمـتي ــ رايد من رحمتچ
ـــــــــــــــــــــــــــــــــــــــــــــــــــــــ
أجفوفچ توزع نعـم ــ اخت الحسن معلومه
والكثرة همومه وتعب ــ جفـچ يزيل همومه
آيه وأميرة مـخدره ــ زيـنـب ولا مـهظـومـه
ام الكـرم والمـعرفه ــ وام الـسـتر مفـهومه

يـتـامه تـكفلتي انتي وعوائل
ومهـابه لعـنـدچ تـذل العواذل ــ فرض

زينب بالمكارم ــ اول عل العرب
زينب بالمكارم ــ تنطيني الذهب

لذنـوبـي غـفرتـي
وقبـليها خـدمـتي ــ رايد من رحمتچ
ـــــــــــــــــــــــــــــــــــــــــــــــــــــــ
لمن وكع راعي العطف ــ انتي وكفتي بداله
انتي الحسين وهيبته ــ وانتي كفيله اعياله
رفعـتي راسـه بكـربله ــ ضل موقـفچ يبراله
بيتچ احدوده تنحرس ــ ومحد كـدر يـدناله

جليله وخدرچ يمـوت الوصله
اجه كلشي بعتابچ شفته صله ــ فرض

زينب بالشجاعة ــ حمزه وحيدره
زينب بالشجاعة ــ زلـمه مـو مـره

مـهـيوبه وفخرتي
وقبـليها خـدمـتي ــ رايد من رحمتچ
ـــــــــــــــــــــــــــــــــــــــــــــــــــــــ
عباس شافوچ  العده ــ منچ بـده مشردهم
مـاخـلو بجـفچ حـبل ــ انتي الذي مكيدهم
طبيت بيـهم كـوفتچ ــ مـاسلم واحد منهم
يتفاخر احسين وعلي ــ وعباس الـمعذبهم

علي وفرحة علي كلش جبيره
يشوف لسانچ يذل جم عشيره ــ فرض

زينب لو بوفاضل ــ بحـروب السبي
زينب لو بوفاضل ــ هـد عـالـناصبي

معـروفه نتصرتي
وقبـليها خـدمـتي ــ رايد من رحمتچ
ـــــــــــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

يم احسين رايح ونكسر ظهري
ويلي شلون ألمه وحاير بأمري
.......................................
أنا السجاد والله وهاي سالفتي
ياعيني المصيبه ريت لا شفتي
ياروحي الحزينه ياجرح طفتي
يم احسين ابويه شلون مامتي

محبوب الزجيه ودمه ظل يجري
ويلي شلون ألمه  وحاير بأمري
.......................................
هاذ احسين ابويه والله متعجب
وطايح  عالرمل  يا ناس  مسلب
طعن ارماح جسمه أخ متخضب
أمطشرهة الضلوع  الوالد معزب

عزب ل الله بيهن والخلك تدري
ويلي شلون ألمه  وحاير  بأمري
.........................................
عالمنحر شفتهة أأخ اثنعش طبره
صحت يايمه وينج شوفي يالزهره
بوسات  النبي  داستهن  العشره
وصدره منطبك يا يمه وي ظهره

عالمظلوم  ما يخمد ابد  جمري
ويلي شلون ألمه  وحاير بأمري
.......................................
يا يمه الزجيه أحجيليج  الصاير
بكلب احسين شفت أثار  للحافر
هاذه  ابنج  يزهره  الماله  ناصر
ويلاه  للجماد  اجم  كلب  كاسر

اثلاثه أيام نايم عالترب ذخري
ويلي شلون ألمه  وحاير بأمري
.......................................
ما ينشال  جسمه او كله مطشر
لميتة بحصيرة وكل جرح يمطر
او يا فاطم ييمه ضايع  الخنصر
هالجلمه احسها كل كلب  تعصر

طعنات الحبيب الكصرن عمري
ويلي شلون ألمه  وحاير بأمري
.......................................
دفنيتة  ييمه  يعظم  الله أجرج
راح احسين مايضمد بعد كسرج
او أشعر يمة انتي ولازمه ظهرج
كل طعنه احسها الظالم يعصرج

جن خيمه ابدليلج  نارها تسري
ويلي شلون ألمه  وحاير بأمري
.......................................
تمت بعون أسد الله الغالب
العبد الذليل علي الكعبي

رحلت مجانين
عشاك الحسين
مشايه ــ عالرايه ــ خطينه
زواره ــ واحراره ــ مربينه
ـــــــــــــــــــــــــــــــــــــــــ
هالله هالله الدرب زرعيناه بشر
رحلة المجنون متحدي الـخطر
الناس للخارج حلو عدها السفر
واحنـه سـفـرتنه جـميله للكـمـر

فرد كلمـة هتفنه
خدم هذا شرفنه
مجرات ومواكب
رضه الغالي هدفنه

تركنه ديار اهلنه
وتركنه كل عملنه
مراسيـم الزياره
نـأديها لـتحـقـنه

طي الارض صار
ملهوفه الاحـرار
غايتنه ــ وكلمتنه ــ والـينه
زواره ــ واحراره ــ مربينه
ـــــــــــــــــــــــــــــــــــــــــ
ألطرق مأمونة تره بزود الحشد
وكل شهيد اليـوم نـقراله الحمد
عله الـساتر جان واكـف مستعد
نهدي اله خـطـوات نـهديله ورد

دول ضـافت بلادنه
الفخر هذا الحشدنه
زلم عالـموت فـاتت
رساله حسين عدنه

السواتر تشهد الهم
ولا طايـح عـلمـهم
وصل للنجم عـالـي
بكمر هاشم عزمهم

مـفـتوحه الكلوب
صـبحيه وغـروب
عزوبيه ــ بروحيه ــ هلينه
زواره ــ واحراره ــ مربينه
ـــــــــــــــــــــــــــــــــــــــــ
الخدم وكفـوا رحبـوا مية هـله
اجـت زوار الحـســين مـهـيـلـه
بصوت واحد كلها تهـتف كربله
لقـد حان اجـنونه بـسيد الـمله

يزاير يا مواسي
تعال امشي اعله راسي
شرف عندي خدمتك
تكبر من قياسي

هـله بشايل الرايه
واجه ومصفي رايه
درس حبه قضية
يدوس اعلى المنايه

خدام الحسين
ياكـرت الـعـين
نخدمهم ــ ونحبهم ــ نادينه
زواره ــ واحراره ــ مربينه
ـــــــــــــــــــــــــــــــــــــــــ
الناس تتبرع شـفتها بچم فـلس
واحنه متبرعين في بذل النفس
براحه كلمن چاينه براحه يحس
ونخدم الزوار حفـظينه الدرس

تحضرنه وخدمنه
هله بكلمن كصدنه
هله بالزاير نصيح
ستراح وبات يمنه

المعاجز ننضر هواي
جثير الزاد والـماي
المكرم مشه وصاح
الف شكرآ يمولاي

شـكرآ يـعـباس
فضلك مينقاس
بالكافل ــ متفائل ــ يروينه
زواره ــ واحراره ــ مربينه
ـــــــــــــــــــــــــــــــــــــــــ
عهد كل خادم يكتبه امن الدمه
صار روحي وكلبي ثمرة فـاطمه
ياحـسين تصيح أرضنه والسمه
الـف هنـياله اليـحبه ويـخـدمـه

تـكـاتفنه بـقضية
وحك دم الزجية
خدم للغالي نبقى
هـتاف الرافضية

تسـابـق والجـوائز
المشاله هواي فائز
طريق الرحمه هذا
كـرمات ومـعـاجـز

مضمونه الأجور
يـم سـيد الـنـور
عـنايه ــ اوفـايه ــ تسمينه
زواره ــ واحراره ــ مربينه
ـــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

حبيب الروح متسلب حبيب الروح
اجيت بدمعتي واندب اجيت بنوح
أشوفه شلون ــ جسد مطحون
ـــــــــــــــــــــــــــــــــــــــــــــــ
انه الـزهـره وادور ابـني بالحـومه
نذبح ظامي غريب وسلبو هدومه
يون كلبي وجروحي كلها ملجومه
جمال الباري ويلي تغيرت رسومه

أشوف احزان تلفيني أشوف أحزان
نهر تجري تظل عيني ودمعها ألوان
بچت لعـيـون ــ جسد مطحون
ـــــــــــــــــــــــــــــــــــــــــــــــ
حـوافـر خـيـل مـدميه شـفت يـمه
ودليلي يكلي ذني الطشرن جـسمه
حـبيبي بـكربـله مـوذر مـنـو يـلـمه
بـلا خـنـصر بـلا راسـه أبـو الـيـمـه

ضلوع حسين مـاهنه ضلوع حسين
انوح ومحنتي محـنه وجرح بالعين
بسحك مدفون ــ جسد مطحون
ـــــــــــــــــــــــــــــــــــــــــــــــ
اكعدت يمه وكمت اتـفحص بصدره
وكلت يحـسين حاچيني أنه الزهره
اجيتك يمه واجـفوفي عله الكسره
جواب حسين أجاني صوته من نحره

العـطش ذبـاح يايـمه الـعطش ذبـاح
اجتني الكوم وبجسمي تخلي ارماح
الألـم مـيهـون ــ جسد مطحون
ـــــــــــــــــــــــــــــــــــــــــــــــ
اباوع عالخـيم شو صايرات ارماد
كسر ضلعي وحرك بابي عليه نـعاد
أخذ حيلي يعالم وضع ابو السجاد
حزن مايخلص بروحي ودمـع يراد

أشوف الحال بعيوني أشوف الحال
واكـول مـن يواسوني بجـفن هـمال
الكلب محزون ــ جسد مطحون
ـــــــــــــــــــــــــــــــــــــــــــــــ
رحت للشاطي محنيه وشفت جفين
صحت يوليدي يالكافل يضي العين
كفو منك يبو فاضل نصرت احسين
يراعي الغيره والنخوه وفيت الدين

أشيل جفوف بالمحشر أشيل جفوف
واطـالب بيها يم ربي بدمع مضروف
ويبچي الكون ــ جسد مطحون
ـــــــــــــــــــــــــــــــــــــــــــــــ
مصايب كـربله المـافـاركـت عينـي
غربتي وكسرتي كلهن عله حسيني
وادور بالمـجـالـس مـن يـواسـيني
واشكره الناعي من ينعه ويبچيني

عـله الـتربان ظل دامي علـه التربان
جروح اسنيني وايامي عله العطشان
تـغـيـر لـون ــ جسد مطحون
ـــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

سـيد بالكرم يـعـراق الحـسين
مفتوحه المواكب جن دواوين
ــــــــــــــــــــــــــــــــــــــــــــــ
يامحلى الخدامه الترفع الـراس
محلى الزاد من نقدمه بحساس
بيـكم غيره مـن الشيخ عـبـاس
كرمكم هذا والله معجب الناس

خدام الحـبيب انتو المضحين
مفتوحه المواكب جن دواوين
ــــــــــــــــــــــــــــــــــــــــــــــ
فرشيتو الرموش افراش بالكاع
كفو يرجال منـكم كللـش اسباع
وخدمتكم تعـبـكم دوم مـاضاع
عطـر اجـفوفكم يشـبه النـعـناع

وكل زايـر تخلونه بوسط عين
مفتوحه المواكب جن دواوين
ــــــــــــــــــــــــــــــــــــــــــــــ
أهلا باليجينه تـصيح الاصـوات
هـاي ضيوفنه أرض وســمـاوات
صلو اعلى الـنبي الف الـصلوات
درب احـسـين هذا الكله خيرات

علي وياكم علي ها يالمـوالين
مفتوحه المواكب جن دواوين
ــــــــــــــــــــــــــــــــــــــــــــــ
خـادم وصــه خـادم ها يـخـدام
كـل زايـر يجيـنه نشـيله عالهـام
هذا تراب جدمه يـشافي الاالام
ومنتـظرينـه مــن الـعـام للـعـام

هـاي بيوتنه تـضــيف الملايين
مفتوحه المواكب جن دواوين
ــــــــــــــــــــــــــــــــــــــــــــــ
مجتمعه الـطوائف كـل الجناس
ورايات الـدول مرفوعه نبراس
وحـدنه الحسـين وزود عـباس
بهاي الخدمه نبقى لأخر انفاس

لو ننطي الذهب احنه المقصرين
مفتوحه المواكب جن دواوين
ــــــــــــــــــــــــــــــــــــــــــــــ
البحرين الكويت ايران والصين
درب احـسيـن يجمـعنه مـوالين
باقـي الدول فوك الراس والعين
للـمحبـوب كـلها تصـيح ماشـين

أهلا بالكصـدنه انادي كـل حـين
مفتوحه المواكب جن دواوين
ــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي