የዘርፈ ብዙ ጉዳዮችና ቀዳማይ ልጅነት ትግበራ ዳይሬክቶሬት በ2017 ዓ.ም እቅድ አፈጻጸም እና በ2018 ዓ.ም እቅድ ዙሪያ ውይይት አካሄደ።

(ሰኔ 24/2017 ዓ.ም) በመርሀ ግብሩ የክፍለከተማ የዘርፈ ብዙና ልዩፍላጎት ቡድን መሪዎች እንዲሁም የስርአተ ጾታና ዘርፈ ብዙ ባለሙያዎችን ጨምሮ የዳይሬክቶሬቱ ባለሙያዎች የተሳተፉ ሲሆን በዘርፉ በ90 ቀናት የሚከናወኑ ተግባራት እቅድ ቀርቦ ውይይት ተካሂዷል።

የአዲስ አበባ ከተማ አስተዳደር ትምህርት ቢሮ የዘርፈ ብዙ ጉዳዮችና ቀዳማይ ልጅነት ትግበራ ዳይሬክቶሬት ዳይሬክተር ወይዘሮ በላይነሽ የሻው ስራ ክፍሉ በየሩብ አመቱ በዘርፉ የተከናወኑ ተግባራትን ከሚመለከታቸው ባለድርሻ አካላት ጋር በመሆን ሲገመግም መቆየቱን ገልጸው የዛሬው ውይይት በበጀት አመቱ የተከናወኑ ተግባራትን በመገምገም በ2018ዓ.ም የተሻለ ስራ ለመስራት እንዲቻል ታስቦ መዘጋጀቱን አስታውቀዋል።

ዳይሬክተሩዋ አያይዘውም በትምህርት ሴክተሩ በ90 ቀናት የተለያዩ ተግባራትን ለማከናወን እቅድ መዘጋጀቱን ገልጸው ከነዚህ ተግባራት መካከል በ2018 ሞዴል የሚሆኑ የቅድመ አንደኛ ደረጃ ተቋማትን መረጃ ከማደራጀት ጀምሮ ለህጻናቱ ምቹ የመማሪያ ቦታ እንዲሆኑ የማድረግ ፣ በየትምህርት ተቋማቱ የስርአተ ጾታ እና የጤና እንክብካቤ ክበባት ቢሮ እንዲኖር ፣ ለሴት ተማሪዎች የንጽህና መጠበቂ ክፍል ማዘጋጀትን ጨምሮ በእቅዱ የተቀመጡ ተግባራት ውጤታማ እንዲሆኑ የክፍለ ከተማ ቡድን መሪዎችና ባለሙያዎች በትኩረት መስራት እንደሚገባቸ አስገንዝበዋል።

የአዲስ አበባ ከተማ አስተዳደር ትምህርት ቢሮ የአጠቃላይ ካውንስል አባላት የ2017 የትምህርት ዘመን የ6ኛ ክፍል መልቀቂያ ፈተና የማለፊያ ውጤት 50% እንዲሆን በዛሬው እለት ወስነዋል።

(ሰኔ 25/2017 ዓ.ም) የአዲስ አበባ ከተማ አስተዳደር ትምህርት ቢሮ ኃላፊ ዶክተር ዘላለም ሙላቱ በአዲሱ ስርዓተ ትምህርት መሰረት በከተማ አስተዳደሩ የ6ኛ ክፍል መልቀቂያ ፈተና ከ2015 የትምህርት ዘመን ጀምሮ መሰጠቱን እንዲሁም በ2017 የትምህርት ዘመን ከባለድርሻ አካላት ጋር በቅንጅት በመስራቱ የተመዘገበው ውጤት አበራታች መሆኑን ተናግረዋል።

ዶክተር ዘላለም አያይዘውም በ2017 ዓ.ም የሒሳብና እንግሊዘኛ ትምህርትን ለማሻሻል ተግባራዊ የተደረገው ስትራቴጂ በተማሪዎች ውጤት መረጋገጡን በተጨማሪም የከተማ አስተዳደሩ በትምህርት ዘርፉ ላይ ባደረገው ትኩረት ውጤቱ መመዝገቡን ተናግረው ፈተናውን በአጭር ጊዜ በማረም ውጤቱ ይፋ እንዲሆን ቀን ከሌት ሲሰሩ ለቆዩ የፈተና ክፍል ባለሙያዎችና ሂደቱን ሲደግፉ ለነበሩ አመራሮች ምስጋና አቅርበዋል።

የአዲስ አበባ ከተማ አስተዳደር ትምህርት ቢሮ ምክትል ቢሮ ኃላፊ አቶ ዲናኦል ጫላ በበኩላቸው በከተማ አስተዳደሩ በ2017 ዓ.ም 79,034 ተማሪዎች ፈተናውን መውሰዳቸውን ገልጸዋል፡፡

መረጃዎችን በፍጥነት ለማግኘት ማሰፈንጠሪያውን ይጫኑ!
https://linktr.ee/aacaebc

በአዲስ አበባ ከተማ የ2017 ዓ.ም የ6ኛ ክፍል መልቀቂያ ፈተና ከወሰዱ ተማሪዎች መካከል 95 % ያህሉ 50% እና ከዛ በላይ በማምጣት ወደ ቀጣዩ የክፍል ደረጃ መሸጋገራቸውን የአዲስ አበባ ከተማ አስተዳደር ትምህርት ቢሮ ኃላፊ ዶክተር ዘላለም ሙላቱ አስታወቁ።

(ሰኔ 25/2017 ዓ.ም) ኃላፊው በዛሬው እለት የ2017 ዓ.ም የ6ኛ ክፍል መልቀቂያ ፈተና ውጤትን በማስመልከት ለተለያዩ የመንግስትና የግል የመገናኛ ብዙኃን ጋዜጣዊ መግለጫ ሰተዋል።

በከተማ አስተዳደሩ የ6ኛ ክፍል መልቀቂያ ፈተና ውጤት በየአመቱ አበረታች ውጤት ማሳየት ላይ መሆኑን ኃላፊው በሰጡት ጋዜጣዊ መግለጫው ጠቁመው በ2017 ዓ.ም ፈተናውን ከወሰዱ 79,034 ተማሪዎች መካከል 75,085 ተማሪዎች ማለትም 95 በመቶ የሚሆኑ ተማሪዎች 50% እና በላይ አስመዝግበው ወደ ቀጣዩ የክፍል ደረጃ መሸጋገራቸውን አስታውቀዋል።