Kecha gollar urilgan payti Shavkat Mirziyoyevni tribunada bir nechta xorijlik mehmonlar ham tabriklaganiga e’tibor qaratgan bo‘lsangiz kerak. Ular kim edi?

Gap shundaki, “Bunyodkor” stadionida bo‘lib o‘tgan kechagi tarixiy o‘yinni davlatimiz rahbari bilan birgalikda quyidagi yuqori martabali mehmonlar birgalikda ko‘rishdi:

— 🇧🇬Bolgariya Prezidenti Rumen Radev;
— 🇸🇰Slovakiya Bosh vaziri Robert Fitso;
— 🇰🇿Qozog‘iston Bosh vaziri Oljas Bektenov;
— 🇰🇬Qirg‘iziston hukumati raisi Adilbek Kasimaliyev;
— 🇹🇯Tojikiston Bosh vaziri Qohir Rasulzoda;
— 🇦🇿Ozarbayjon Bosh vaziri Ali Asadov;
— 🇹🇲Turkmaniston Vazirlar Mahkamasi raisi o‘rinbosari Nokerguli Ataguliyev.

Ma’lumot uchun: Bolgariya terma jamoasi oxirgi marta 1998-yilda Jahon chempionatida o‘ynagan, FIFA reytingida 85-o‘rinda.

Slovakiya esa o‘z tarixida hozircha faqat bir marta — 2010-yilda mundialda qatnashgan va o‘shanda guruhdan chiqa olgandi. FIFA reytingida 46-o‘rinda.

Qo‘shnilarimiz va Ozarbayjon esa hozircha mundialga yo‘llanma olmagan.

Aytmoqchimanki, mehmonlarimiz uchun ham Jahon chempionatiga yo‘llanma olish katta voqelik edi va ular chin dildan O‘zbekiston xalqi uchun quvonib, muxlislik qilganiga shubha yo‘q.


👉 @xushnudbek 👈

✈ Toshkent xalqaro aeroportida kutib oluvchilarga terminal ichiga kirish imkoniyati yaratildi

Aeroport uchib kelish zali rekonstruksiyasining birinchi bosqichi yakunlandi. Uning doirasida zalning umumiy maydoni kengaytirildi, avtotransport va avtobuslar uchun yangi yo‘lak qurildi, 120 o‘rinli avtoturargoh tashkil etildi va yashil hudud barpo etildi.

Shuningdek, qo‘shimcha yuk karuseli o‘rnatildi, terminal ichida kutib oluvchilar uchun ilk bor 120 o‘rindiqli hudud tashkil etildi.

Kutib oluvchilar maydonidan tashqari, qisqa muddatli to‘xtash uchun zalga tutashgan maxsus ajratilgan yo‘lak ochildi. Endi zal oldiga taksida ham, shaxsiy avtomobillarda va avtobuslarda ham kirish mumkin – yo‘lakda turish vaqti jo‘nab ketish zalidagi yo‘lak kabi 10 daqiqani tashkil etadi.

Rekonstruksiyaning ikkinchi bosqichini 2025-yil oxirigacha yakunlash rejalashtirilgan. Uning davomida qo‘shimcha yuk tashish kamarini o‘rnatish, kafelar, do‘konlar va boshqa xizmatlar joylashgan kutib oluvchilar hududini kengaytirish nazarda tutilgan.


👉 @xushnudbek 👈

❗️Hindistonda bortida 242 kishi bo‘lgan yo‘lovchi samolyoti halokatga uchradi

Biroz avval 🇮🇳Hindistonning Gujarot shtati Ahmadobod shahridagi aeroport yaqinida Londonga uchayotgan Boeing 787-8 Dreamliner qulab tushgan.

Hodisa samolyot havoga ko‘tarilganidan ozgina o‘tib sodir bo‘lgan. Hozircha qurbonlar soni ma’lum emas. Samolyot bortida 230 nafar yo‘lovchi va 12 nafar ekipaj a'zosi bo‘lgani aytilmoqda.


👉 @xushnudbek 👈