واعلياه واعلياه
****
صوت صاح من السمه
جنها نبرت فاطمــــــــه
تكَله شو كلك دمـــــــــه
حسين ليش تيتمـــــــــه
واويلاه واعلياه
****
صوتها شكَد بي حــــزن
بكثر مــــــــاتبجي وتون
تكَله مــــــــاغمض جفن
شلــــون بس كَلي اطمئن
يصعب ادواه واعلياه
*


أبو جنت اعله البشـــــــر
أنته يافارس مضـــــــــر
شلون ابن ملجم جســـــر
وهامتك طكَها وشطـــــر
صاب مولاه واعلياه
****
آنته تعرف مــــــن متت
كون كامـــــــــــل يتمت
شعجب عـــينك غمّضت
ياهـــــــــــــوألهم ماكَلت
واحزناه واعلياه
****
هــــــــــــذا طه من الدمع
عليك حـــــاني اجم ضلع
صاحلك خـــــــويه استمع
بيك كَلبي منفجـــــــــــــــع
كَال احاه واعلياه
****
حِــــــــزن لجلك كل مَلك
وكل رســــــول وكل هلك
الحاربك حيدر هـــــــــــلك
وصـــــــــــار بس يتوسلك
وا ذُلاه واعلياه
****
اسألكم الدعاء
خادم ابي الاحرار
ضياء الكناني

يازينب


يـروح بـطـبـل شـمـاتـي .. يجي أبناي
واصيح ومحد من اهلي .. يجب ناي (يجاوب
وي خـالـه الگـمـر ضني .. يجي ابناي

وأشــوفـن عـون والـكــافــل ســويــه
*----------------------*------------------*

✍خادم السيده زينب ع
الشاعر رعد الجريخي

شكد شايل اجروح... ياعاشك النوح
لهل البقيع اليوم... روح بگلب ملجوم
يابو صالح.. يابو صالح
...................

انته بالدنيه الوحيد الدمعه سجاب
عايش بغربه يمهدي ومالك احباب
ابد ما مرتاحه روحك من المصاب
اعزاز گلبك كلهه نامت جوه التراب

يالتبجي لحسين... بكل دمعه بالعين
حيلك صبح مهدوم... روح بگلب ملجوم
يابو صالح.. يابو صالح
..................

هدموا كل المعالم ناس ضلام
الياوكت نعش الحسن ينصاب بسهام
انته يوميه بجرح من هاي الايام
تشهك انفاسك يمهدي شهكت آلام

جفنك فلا نام... كدامك اخيام
ماطفت تسعر دوم... روح بگلب ملجوم
يابو صالح.. يابو صالح
....................

شاب راسك والمصايب سيدي هواي
والكسر گلبك يمهدي الضل بله فياي
بيا حزن لرض البقيع الليله عناي
وتدري بالسجاد يخبط دمعه بالماي

بيا حسره يا آه... تتلاكه وياه
الجدك علي المسموم... روح بگلب ملجوم
يابو صالح.. يابو صالح
.....................

انته من دون البشر يالمهدي محتار
مثل دار الصادق بگلبك تشب نار
شي اكيد بعينك انته شايف الدار
وصارت كبالك رقيه ويه الزغار

وتعرف بالزغار...تخوفهم النار
والكل طفل مهضوم ... روح بگلب ملجوم
يابو صالح.. يابو صالح
.....................

عايش ايامك حزن هم واذيه
وجرحه شيطيبه المشت عمته سبيه
حاضر الباقر وشاف الغاضريه
وما نسه درب السبي الحد المنيه

وضل اعله هل حال... من ذيج الحبال
للكلبه كله اهموم... روح بگلب ملجوم
يابو صالح.. يابو صالح
.....................

حكهه والله بهل مصايب تدمع العين
هدموا كبر الوفيه ام البنين
يابو صالح ماتت ومشتاكه لحسين
ابد ما لحضه استراحت من الونين

ياابن الاطهار... نتنطر الثار
للسلبوه الكوم ... روح بگلب ملجوم
يابو صالح.. يابو صالح


محمد هادي العقابي

گلبي مكسور. الذيج الكبور. اليبجي معذور
البقيع ابن الحسن
-----
للبقيع ارد امشي وشبع من هواهم
كمت احسده الطير اليطير بسماهم
امسافرين وكلبي لحضه ما نساهم
من عمت عين الزمان الغرباهم

من يبعدون. اصبر اشلون. اشگد العيون
عله صورهم بجن
-----
ادموعي سالت والرسايل شگگتها
بالبقيع اشگد حبايب ما زرتها
روحي يم اگبورهم تفتر عفتها
الدنيه لو تسوه عتب جا عاتبتها

اگبور الاحباب. انضر اتراب. جم گلب ذاب
صحت من المحن
-----
والله لو ارض البقيع بكربله اتصير
غير نبنيها المراقد من ذهب غير
نعترض گبر الحسن لو كالو ازغير
واعله كبر ام البنين ايسلم الطير

واحنه كل عام. الها خدام. نرفع اعلام
ونون وسط الصحن
-----
باجر المهدي يجي ويبني المناره
وبالبقيع بصوته نسمعها الزياره
راح يكتب بيده عالگبه عباره
الما يزور ام الحسن عمره خساره

يلطم الراس. ويبجي بحساس. ايصيح يا ناس
سلب حگها الزمن
-----



بهمنه باجر نعتني ودمعتنه بالعين
وبضريح الصادق اطوف الملايين
بريحة الزوار يشتم ريحة حسين
ايصيح كواك الله زاير جيتك امنين

راح ابشرك. اتضاعف اجرك. اشمحله عطرك
يمن گلبك وطن
-----
روحي للباقر تحن كل مغربيه
عاشگ ومن ما انامن مو بديه
بيه حرگت زينب ودمعه رقيه
انه غالي الباقر اهوايه عليه

روحي تهواه. مكدر انساه. جرحي ناداه
تره عيوني عمن
-----
#تحسين الخفاجي

قصيده لاستشهاد الامام الصادق عليه السلام :
[ ذابل عمره ]


كلشي بألم وبحسره
هالليله ذابل عـمـره
جعفر بداره العبـره ... وناره تسعر
...........................................
داره صفـت نـار وحـزن
وانعادت احداث الـ وإن
وحيله وگع من عنده

ينـظـر عـلى بـابـه الجـمر
بس ماسمع صوت الكسر
والدمعه جرحت خده

آهـاتـه كـلـهـا وحـسـْرِتـه
ترسـم ظـلع بـرويـحـتــه
عايش غريب لوحده

نار التشب داره طفت
وارمـاد تاليـها صـفـت
والحال يرسم شده
...........................................
وايده علـى الَعِمـامه
فـارگـهـا الابـتـسامـه
يحچي صعب كلامه ... وناره تسعر
__1______

جعـفر الصـادق منـكـسر
گلبه احترگ خيط بجمر
وعـيونـه تـعِّــبـوهـا

شاف الشـماته بكل كتـر
واتـذكـر الطـف والـصـبر
والخيم من حرگوها

وشاف اهله حاوطهم رعب
بس ماكو سوط ولا ضـرب
ولا طفلته سـبوهـا

ولا شـاف اخــتـه تـنــولـي
وتـصـيــح ويـنـك كـافـلـي
ولاحـرمـته ولـوهـا
...........................................
ارماد الخيم بعيونـه
وكـل الألـم بـمـتـونـه
طـايـح وذابـل لــونـه ... وناره تسعر
__2______

عـاش الألـم عـاش الـجـرح
كـــل مـغـربــيــه يـنــذبـــح
وبگلبه للطف جمـره

يــنــظـر لــداره مــحـــتــرگ
بس ما وصل صدره السحگ
وحافر يدوس بصدره

والــنــاس مـن فــزعـت الــه
صــاح ابـدمــوعــه كــربـلــه
والحـيل طـاح بكتـره

ويـگـول جـدي بـيــا ســبـب
حـتى الـهـدم منـه انـســلـب
واتراب تارس نحـره
...........................................
جعفر الصادق ينحب
ويصيح عمتي زيـنب
والرمـش مـنه شـيّب ... وناره تسعر
__3______

يـتـذكـر ودمــعــه دمـه
وبروحه مرسوم الضمه
والنبض حيل امتعبه

طف كربله بگلبه جـرح
ويگول كله امن الرمـح
والشيّب تارس گلـبه

يمشي ودموعه اتعثّـره
شما ذكر سـبع الگـنطره
يـتبـده مـاي بدربـه

وسهام وسيوف وحجر
ما فارِگـن فـكـره ونـهـر
يم نهر طايح صعبه
...........................................
الحافر أخذ كل حيله
البـاقـر قبـل يـرويـلـه
سوالف الطف ثـگيـله ... وناره تسعر
__4______

بداره گعد واعـلـيَّ نـظر
واخـيـام محـترگـه ذِكـر
واطفال تركض هيمه

وعماته ركضن عالجمـر
حـفـاي والــدنـيـا ظـهـر
وماضـلتـهـم خيمـه

والسوط يركض عالمتن
والدمعه والدم عـالـردن
وماصحّت الهم غيمه

كلشي انسلب حتى الدمع
والوضع مو نفسه الوضـع
وعالترب أهل الشيمه
...........................................
جـعـفـر الصـادق روحـه
يحس بيها چن مذبوحه
طاح اعله طوله بنـوحه ... وناره تسعر
__5______

ولمن ذكر طـاري الهـزل
وچفوف مچتوفه بحبل
كل عينه صارت حمره

ترسم دمعتـه شگد ألم
من الخيم حـد الخيـم
وبروحه تسعر جمره

يحچي ودمع عينه يصب
زينب غريبـه اويـه الغرب
اصعب سفر هالسفره

زينب هـظـيـمـه ابـلا أهـل
وگـــبـالــهـا راس الــكـفـل
ولمن تنظره بحسره
...........................................
ويـگـول دمـعـي بـعـيني
مـن يــهـمــل يـچـويـنـي
وطـاري السـبـي يـآذيـني ... وناره تسعر
__6______

مـن الـقـهـر گـال الـجـرح
زينب تطب سوگ الصبح
والناس تلتم كلـها

واحـد شـمـر عمتي بحجر
واحـد شتم سكنـه وقـهـر
كلش ثِگل حملها

بالشـام كل واحد صـلـف
يضحك وينظر مستخـف
وايتام ياهو الها

وجـروح وآهـات ونـزف
وعالرمح مرفوع العرف
شده ومنو اليحلها
...........................................
جعفـر وكـلشـي اتذكّـر
امحمـد الباقـر مـصـدر
كل ذكره يمشي ويعثر ... وناره تسعر
__7______

#رِزْقهُم_سَلامُ_اللّه_عليْهِم
#احمد_رزاق_الاعرجي

يلي رايد حـاجـه مـن ام البنين
گـوم حلفـهـه ابأمـير المؤمنين
================
گوم حلفهه ابعلي حامي الدخيل
حاجتك تخلص وحگ چف الكفيل
ما تـرد انسان يطـلب مستحيـل
تاخذ أمرادك وحقهه ابكل يقين
================
گـلهه ارد أنخاچ يا بنت الاصول
وقسم اعليچ بكسر ضلع البتول
باليتامه السحگت عليهه الخيول
يترس ايدك خيرهه ابكل السنين
================
گلـهـه ارد أنـخـاچ يا ام الـوفـاء
يبقئ خيرچ ضاهري مو بالخفاء
للمريض اچـفـوفچ ايصرن شفاء
بركه بيهن من علي وطه الامين
================
مـن تجيك امراض انخاها وتطيب
گـلهه امشي اعليچ ابواليمه الغريب
انتي معروفه اليندبچ مايخيب
وأبنچ العباس ابو الغيره الحنين
===============
تحضر ام عباس عند اهل الشداد
تسمع اليندبهه بطـراف البـلاد
نتصـر المضلوم من رب العـباد
للبشر خـلاهــه بارينه معين
=================
الشاعر فاخر علي الشبيبي

گام الكفيل ابرايته ** يفني العساكر غايته
تجدح شرار أعيونه
وشحدهم ايلاگونه
::::::::::::::::::::::::::::::::::::::::::
گام الكفيل ابرايته وعلاها
يم وجه زينب رفرفت خلاها
گالت الحره رايته اشمحلاها
كـل الفـواطم عـاينن ويـاهـا
يشبه الحيدر عوده ** لَمن يشَمر أزنوده
والجربه فوگ امتونه
تجدح شرار اعيونه
:::::::::::::::::::::::::::::::::::::::::
من گمر هاشم غدت بيهم شاره
صار المعسكر حطب تلـهب نـاره
طبهم رعب ماصارت الهم چاره
يم النهر خلـه الـزلـم محـتاره
يم النهر مگلوبه ** خيل وزلم مرعوبه
مـاگـدرو ايـلاگـونه
تجدح شرار أعيونه
::::::::::::::::::::::::::::::::::::
بدر الهواشم حگهم ايسمونه
شايل الجربه ابزود فوگ امتونه
حـتئ الفرات اليوم غيير لـونه
والگوم ترجف من تصد بعيونه
كلما يشيل اچفوفه ** وتصير بيهم خوفه
تبقئ الزلم مجنونه
تجدح شرار اعيونه
::::::::::::::::::::::::::::::::::::::::
من صال حتئ الكاع صارت حمره
والسلم مـن السيف حضـه اشكبره
ردت تميل امـن الشجاعه المـهـره
جـايب المـاي الـخيمـتچ يالحـره
خووف الگاع ابعينه ** جاب النهر لسكينه
لا ماتخييب اضنونه
تجـدح شرار اعيـونه
:::::::::::::::::::::::::::::::::::::::
صوول عليهم مثل حيدر عوده
والناس تعرف صولته المشهوده
يدري الطرق من كل كتر مسدوده
خـلـه الشمر لايـذ ابسد أجـنوده
ماي ابرمل بداها ** كلها الجييم ردها
بيه الضعن خيعونه
تجدح شرار اعيونه
::::::::::::::::::::::::::::::::::::::::
فاخر علي الشبيبي

ياهلي مارد خبركـم
ياهلي طول سفركم
ــــــــــــــــــــــــــــــــــــــــــــــــــــ
طول اعليه سفركـم والهجـــــر ماينحمل
ياهلي مشتاگه إلكم والبعــــد يكتل كتـــل
وداعة الزهره الزچيه افراكم لامو سهـل
ياهلي من يوم رحتو دمعتي لســه تهـــل
عيني ضلت تنتظركم
ياهلي طــول سفركم
ــــــــــــــــــــــــــــــــــــــــــــــــــــ
عذبت گلبي الليالي وكسرة الخاطر جرح
حسره طرواكم يمرني والمدامـع تنفضـح
چلمة الإنتي عليلـه ياهلــــي تذبــح ذبـــح
صار كل وكتي ليالــي ومايفرحني صبح
نجمه تلگوني ابسهركم
ياهلـــي طــول سفركــم
ــــــــــــــــــــــــــــــــــــــــــــــــــــ
نامت ابگلبي السوالف والمن احچي حسرتي
روحي ملهوفه عليكم والله حيــــره حيرتـــي
اطول امن الليل صارت يالغوالــي صفنتـــي
ياوكــــت تلفـــــون ليـــــه ياحبايب دنيتـــــي
يلهج الساني ابذكركـم
ياهلي طــول سفركــم


ــــــــــــــــــــــــــــــــــــــــــــــــــــ

ديرت العفتوهه وحشه وحيل صارت مضلمه
يالمنازلكم خليــــــه وآنــــــه بيهــه هايمــــــه
روحي عطشانه عليكم والله كاتلهه الضمـــــه
يمته يايوم اليجوني أدعــــــــي يارب السمــه
عمري من فدوه العمركم
ياهلـــي طــول سفركــــم

ــــــــــــــــــــــــــــــــــــــــــــــــــــ

بالي مشغول ابأمركم والله متعب هالأمر
حيل طولتو عليه وحيل مشغول الفكــــر
أنتظر تلفـون اليـــــه وليله ليله أنتظــــر
ياهلي لوما رجعتو أدعي ماريد العمــــر
والله حيرني أمركم
ياهلي طول سفركم

ـــــــــــــــــــ
سيد علي الموسوي

الناشر عباس التميمي

ماچنه الحسين … رد من النهر ماچنه الحسين
ماعرفته العين … كبران وعلي وماعرفته العين
مايدل منين … لدروب الخيم مايندل امنين
واعيونه الاثنين … شلال وتصب اعيونه الاثنين
تتعثر اجدامه
وامدنگ الهامه
حسين ….. آه ….. آه ….. آه ……. حسين
@@@@@@@@@@@@@@@@
أيگوم وايطيح … بجدامه ثگل وايگًوم وايطيح
راح الاخو ايصيح … امفرفح بالبچي راح الاخو يصيح
چن كذله بالريح … يتراجف صبح چن كذله بالريح
ومثل المراجيح … يوصلي ويرد مثل المراجيح
بالگوه يوصلي
ومايدري شيگلي
حسين ….. آه ….. آه ….. آه ……. حسين
@@@@@@@@@@@@@@@@@
ايده اعله الاصفاح … مكسور الظهر وايده اعله الاصفاح
نص الخيم صاح … بشهگات الهظم نص الخيم صاح
راح الاخو راح … يازينب بعد راح الأخو راح
خنوصل الانياح … حد سابع سمه خنوصل الانياح
يازينب احزامي
سد عينه گدامي
حسين ….. آه ….. آه ….. آه ……. حسين
@@@@@@@@@@@@@@@@@@
وبلحيته الشيب … نازل للزلف وبالحيته الشيب
ايودي ويجيب … بالدموعه التصب ايودي ويجيب
گتله البچي عيب … ياخوي الكلف گتله البچي عيب
ماضنتي ايطيب … گالالي الجرح ماضنتي ايطيب
ماتكتل اجروحي
عباس أخذ روحي
حسين ….. آه ….. آه ….. آه ……. حسين
@@@@@@@@@@@@@@@@@@
مر شامت وگال … أنته ابلا اخو مر شامت وگال
چن سيف چتال … هالچلمه وعلي چن سيف چتال
نفتر بالعيال … باچر لو متت نفتر بالعيال
وانجرهه باحبال … اختك تنشتم ونجرهه بحبال
وبسوگ اطببهه
وبالسوط اورمهه
حسين ….. آه ….. آه ….. آه ……. حسين
@@@@@@@@@@@@@@@@@@
حضرنه هالنوگ … باچر للسبي حضرنه هالنوگ
لعلويه متلوگ … يحسين الهزل لعلويه متلوگ
مو فشله بالسوگ … اختك من تطب مو فشله بالسوگ
وبطولهه اتبوگ … تتنادس خلگ وبطولهه اتبوگ
والناس اخليهه
تتباوع اعليهه
حسين ….. آه ….. آه ….. آه ……. حسين
—————
#واثق التميمي
٢٠٢١/٧/٥
ادعو لنا بدوام الخدمه

ييمـه أبعـرسـك أتمنه
أشيل أشموعي والحنه
وشوف الزفه بعيوني * وصحابك يلاكَوني
---------------------
يوم الـراح أبوك أوغمّضت عينه
كَلت جاسم يعوض طوله وسنينه
والعباس عـمـّك يخطب أسكينه
يقراء الفاتحه أوينشرها جفينه
ماظن توكَع أزنوده * يترك علنهر جوده
هاذه الصار ماضنه
-------------------------
كل هاشم جيني أوتحضر الشبان
عمّك عون يمشي أويعزم العربان
وحسين اليلاكَي الناس بالديوان
والأكبر وراك يسمي بالرحمن
تسركَ فرحتي أحزاني * تطيح أبين عدواني
عطرك يبني ماشمه
----------------------

كَلت عريس اشوفك ونسعد يمّــك
أشم ريحانت المختار أذا شمك
ردت أيدك تلازم بيد بت عمّك
ما ضنيت يسفح يلولـد دمـك
وكَولن عرسك أتحضره * رباب أوينب الحره
يجني البيتي وي سكنه
-----------------------
أجيت الكربله والضيم لاكَـاني
فرح مامر يجاسم زادت أحزني
كلبي أمن الزغر يرجاك ومتاني
صرت كالطير ومكسَرين جنحاني
أبد ماضن تخليني * يجاسم دمعني أبعيني
أنوحن وجذب الونه
--------------------------
راح اليوم تعبي أوضاعت أمالي
حال الضيم بعدك يالولد حالي
شوف أمك تهدم سورها العالي
يوم الطف وحقك ماطره أبالي
ييمه نكَطعت أحلامي * من شفتك طحت دامي
كَلبي أشلون أعوفنه
---------------------
للشاعر فاخر علي الشبيبي