السلام على صادق آلِ محمد


واويلا
تراب الگبر يبجيلة
واويلا
لبنه بـدمـع نمشيلة

عاش مظلوم بحياته
مــات مظلوم بمماته
واويلا
--------------

خل نعزي الكاظم احنه بوالده
ويبقى مطلبنه البـقيع أنعاهده
الليلة تـبجي فاطـمة لن فاگده
واحنه نعـرف بعد گلب ألوالده

الصادق حسين بصفاته

عاش مـــــظلوم بحياته
-------------

أمـنــية مــرقد ينـبنـــي وانشوفه
اوحضرة اله وشباج حته انطوفه
ألباني ديــــن الله بكمال احروفه
اجــفوفه متعوبات حيل اجفوفه

يـــشبه الزهرة بصلاته

عاش مــــظلوم بحياته
-------------

عاش تبجي هواي حيل عيونه
بـــــــــــظلع فاطمة منيذكرونه
أشجرله اعله الصادق ايشوفونه
جنه صدر حـــــسين ويسحگونه

بس حزن كل ذكرياته

عاش مــظلوم بحياته
-------------

اليوم خل كل شيعي من يبجيلة
يگله نبـــني گــــــــبرك ونمشيلة
بــــجاه ربـــــنا الخالقك وبحيلة
بـــــينه نار ونــنتــــــــظر هلليلة

وحق عباس اوخواته

عاش مــظلوم بحياته
-------------
يجي المهدي وگبرك ايشع نورة
وبضريحك نبـــجي علمكسورة
الجتفوهه ومن مشت مجبورة
وحق جرحك شيعتك مكسورة

بيهم حســـــين وبناته

عاش مــظلوم بحياته
-------------

خادم الحسين محمد البنداوي

القصيده 📜
🔷🔷🔷🔷🔷🔷🔷🔷
اهزن بالمهد ورويحتي تگول
دللول الولد يمه يمدلول

🔷🔷🔷🔷🔷🔷🔷🔷

يبو ضحكت الحلوه ساكت شبيك
نايم لو ييمه الموت غاطيك
تكلي للتراب شلون انطيك
حاچيني يبعد امك يمدلول

🔷🔷🔷🔷🔷🔷🔷🔷

ذخرتك يالعزيز التالي السنين
تلملي كبرتي ورتك الي تعين
بيدك من اموت اتغمض العين
وعلى اجتافك يصير النعش مشيول

🔷🔷🔷🔷🔷🔷🔷🔷🔷🔷

حساب الي حسبته طلع چذاب
گبلي يالولد ضماك التراب
بعدك لا مشيت ولاصرت شاب
ست اشهور الك ماكملت حول

🔷🔷🔷🔷🔷🔷🔷🔷🔷🔷


بعدك موهنيه شربت الماي
وكعد بالشمس ماريد الفياي
من عندك اثيابك ضلّن وياي
اشمنهن ودمعي شبه السيول
🔷🔷🔷🔷🔷🔷🔷🔷🔷🔷🔷🔷
الكاتب
عادل الوائلي

بـعدني أشتاك يا ليــل علـى الطول سفرهم
مشوا وادموع الفراك تتــــــوسل صورهم
............................
بعدهم وحدي ضليت محتاره ابزماني
أتاني واشعل اشموع اولا واحد اجاني
كلتله بويه يحسين أخذني ومــا خذاني
وآنه الجنت أغفه بحضانه واشم اترابــــه
وآنه الجنت يسوه عندي الدنيا عطر اثيابه
وكفت بعتبت البـــاب واتفكد خبرهـــم
مشوا وادموع الفراك تتوسل صورهم
...............................................
صعبه فكد الاحباب ما مر اعله بالـي
طفله واهلي غياب ما واحـــــد بقالـي
اعيش اشلون والبيت من احبابه خالي
اركض رحت اتفكد الحيطان بلكي الكاهم
اركض رحت أمشي واعثر يم أثر ممشاهم
كمت اتوسل المــــوت يمرني وما يمرهم
مشوا وادموع الفــراك تتـــوسل صورهم
.....................................
عليله واحسب ايام جا يمته يـــــــعودون
دمع كلبي امن الفراك خلٌص قبل العيون
الهضمني من مشوا ليش عني ما يسألون
كون الهوه ياخذني ليهم والتقي بخواتي
كون الهوه ايرجعهم وياخذ نذر حياتي
بقيت أتفكــــــد الناس هلبت الكه اثرهم
مشوا وادموع الفراك تتـوسل صورهم
.................................
بعد ماضلي كـــــل حيل وانه ابعازة محنه
طحت من طولي والشوك غير كل رسمنه
لا من طارش ايعود ولا ريحة أمــن اهلنه
ريت العتب ياخذ اسنيني ويخبر الغالي
ريت العتب ايكله بنتك ضلت بلا والي
شكثر حشمت الطيوف تبشرني بوضعهم
مشوا وادمــوع الفراك تتوسل صــورهم
...................................................
غيمة عافية وخير الأبو بعيون بنته
يمها وهيــه تشتاك يغطيها أبمحنته
وانه والدي راح عني وما حضنته
شكد صحت وياكم أخذونــــــــي ولا سمعوني
شكد صحت وذبحوا أحلامي وخضار أعيوني
شكثر ناديت ياموت أخذني من بعدهم
مشوا وادموع الفراك تتوسل صورهم
...........................................
خادم خدمة الحسين
الشاعر
محمد الموالي

للتله اروح بااهات// ولزينب اهدي الخطوات
امشي مشيت المسبي// يخفك مرتبك كلبي
بهذا الإحساس يزينب
◇◇◇◇◇◇◇◇◇◇◇◇◇◇◇◇◇◇
مفرع اروح لكربله _ مسبيه عدنه مدلله
متعبتهه الايام
بوادي العطش من التفت _ خيام الخدر صارن خفت
محتركه الخيام
جاي اشوفن زينب اطفي بخيمهه
حافيه وجمر الخيم يلسع جدمهه
ريحت الدخان ليهسه اشمهه
هنا رقيه ادور اعله جفوف عمهه
شفت الخيم شوف العين // بيهن تطفي اخت حسين
وانه تيهت دربي // يخفك مرتبك كلبي
بهذا الإحساس يزينب
◇◇◇◇◇◇◇◇◇◇◇◇◇◇◇◇◇◇
اشافت مصايب هالمره_ دم ودمع جفني جره
ما نامت الليل
تضيع طفل تلكه طفل _ وشامت اجه شايل حبل
وتتخاطف الخيل
من الخيم للتل كمت كل ساعه رايح
دمع من زينب لكيت اهوايه طايح
بعمتي كلشي الصار صار كبالي واظح
صايحه اعله التل دخيلك يا ابو صالح
هواي بعبايتهه اتراب// بشيلتهه ريحت عطاب
من اعيوني مي شربي // يخفك مرتبك كلبي
بهذا الإحساس يزينب
◇◇◇◇◇◇◇◇◇◇◇◇◇◇◇◇◇◇
محيرني هالموقف صدك _ ركظتهه ركضت محترك
وتنادي ذبحوك
تلولي الرباب اعله الحظن _ يمه الرمل حار وخشن
مو عدنه كاروك
يالرباب تلولي بس فارغ حظنهه
ظنهه زينب راحت اتكمط ابنهه
ذيج زينب صعدت التل بحزنهه
الخيل كالت تره كلش زودنهه
صاحت يخيل بشوغات// ولجن دبسجن مو مات
بظهري المنحني احبي // يخفك مرتبك كلبي
بهذا الإحساس يزينب
◇◇◇◇◇◇◇◇◇◇◇◇◇◇◇◇◇◇
بين الجثث واكف جرح _ ذاك الصدر شايل رمح
ماغير الاسهام
يظلوعه كلهه مكسره _ صابع اديه امبتره
شكد شايل الاام
جسم ابو اليمه وذر ياويلي صاير
سهام صدره مكسره بسحك الحوافر
مدري امشي مدري اوكف والله حاير
عمتي ما ماتت عجيب ابيوم عاشر
بس خنصر ايده المكطوع// يراد اله سنين ادموع
يعجل طلعتي ربي // يخفك مرتبك كلبي
بهذا الإحساس يزينب
◇◇◇◇◇◇◇◇◇◇◇◇◇◇◇◇◇◇
عالتله والمدمع يهل _ يابل الفضل صاحت عدل
من رادت اتروح
من اندار الك فدوه ونذر _ ماتكعد ترد الشمر
مو كلبي مجروح
شايل اجفوفك اجه ويمي شمرهن
بخوذتك ريشات غثني من كسرهن
خويه واخيامي تره انطنك عمرهن
يارقيه حافيه سحكت جمرهن
كلما زرت عيني تشوف// ترجف رقيه من الخوف
شيبي لعمتي وتعبي // يخفك مرتبك كلبي
بهذا الإحساس يزينب
◇◇◇◇◇◇◇◇◇◇◇◇◇◇◇◇◇◇
تمت____ #علاء الزيدي

موش السوط لاچمني ولا شام الحرگ دمي
بس هاظمني اجاني الموت ليش اخواني مو يمي
غريبة الوادم تگلي من عدهم كرهت اسمي
غربة تشيل الجنازة هاي الكبرت همي

غريبة جنازتي وغربة اليشيعون
وسكتة الفاتحة ولا ناس يبچون
هظيمة يصير سكتة موادع ام عون

لابوج لا عمج حضر يسكينة
ولانگعت تابوتي دمعة عينة
بسرعة الغريب الوادم مودعينة
----------------------------------------------------------------
العزيز اليبطي تشيعة وتشيعي الخلص ركضة
بدربة هواي توگف ناس بس تودعة مو عرضة
هيج يصير تشيعي يبن امي شعجب ترضة
ثاري الموتة سلعة سوگ هم كل واحد وحضة

العزيز الشالك يهزك يتابوت
لا هزوك لا يمك طلع صوت
بلاية دموع مايرهم ترئ الموت

لاثوب ينشگ لاصريخ تسمعة
والمو عزيز الناس گوة تودعة
لتشيع زينب رايدين الفزعة
-----------------------------------------------------------
جي غربة اليشيعوني تضحك لو عثر نعشي
ومن گد الوجع ياناس ردت اوگف واگوم امشي
هو حسين كلشي الچان بس مات وخلص كلشي
جان براسي يطلع شيب هسة بنعشي وبرمشي

المتنها من السياط مجرح شلون
خايف تلچم من اليغسلون
حتئ بموتها وتتألم ام عون

واتوسل اعلة الماي خلصت گوة
جنازة وبلاية خوان ابد مو حلوة
هاي العليها الثوب ينشگ تسوة
------------------------------------------------------------
گلت بلكي اوصل الگبري وتتلگاني اخوتي هناك
لو ادريك ماتحضر جا بالطف متت وياك
وين الله انزل بگبري واديرن وجهي خوية الگاك
هاي التكسر الخاطر اعله شوفة وجهك انه انخاك

اعلة شوفة وجة اخوتي انخاهم تصير
حتئ بموتها وزنيب ترئ تحير
عگب وجه اخوتي ولاشايفة الخير

انة اعلة شوفة وجه اخوتي اتوسل
والشام غربة وجدمي ماضن يندل
بموتي اذا ماجيت يحسين ازعل
---------------------------------------------------------

هلووا فوگ جسمي تراب وانة اتنطر الجية
شوية گام يضيگ ياخوية الگبر بية
اخوتي بكربلة ياناس وانة بغربة مسبية
ترضة الغربة خوية حسين تدفن جسد علوية

غطاني التراب وانت ماجاي
وبالمعطشك يرشون الگبر ماي
وياي خواني هسة الغربة وياي

تكسر الخاطر زينب الوحدها
لا خوة لاضلت گرايب عدها
بجفوفك محسبة الجنازة تشدها
----------------------------------------------
#علي حالوب العگيلي

منهاج محرم الحرام ١٤٤٤ هـ
لمولاتي فاطمة العليلة " عليها السلام "
[ ها يا ابو علي ]

رايح يالـهوه ... ومآخذ كل هلي
خليلي نفس ... هـا يـا ابـو علي
اگبالك اكسر الخاطر
ضعنك باجر يسـافـر
ها يا ابو علي

بويـة باجـر لـو تـروحـون ... ثوبي يثگل فوگ الأمتون
شلون أشوفن من بعدكـم ... وانت ضعنك مآخذ عيون

اعـــــثــر بـــالآه .. يـانـور الـله
تــلــفـي الويـلاه .. بالهجر
خلافك حسرات .. يابوية تبات
فـوگ الـدمــعات .. وانكسر

حيلي ودمْعتي ... يگضن لو رحت
وحدي لو أضل ... احسبني مــتت
هجرك للگلب كاسر
ضعنك باجر يسافر
ها يا ابو علي
____1____

بــويــة احـلـفـك بـالزچــية ... عـاد خــلِّــيلــي رقــيــة
سلوة تــبقـى ويـاي بـعــدك ... وحتى من نبچي سوية

خـلّـيـهـا ويــاي .. ياروح الـماي
تـسـند مـگـفـاي .. يـالأبــو
متروسه جروح .. ياروح الروح
ويــــاك يـــروح .. كل دفو

يابـويـة العـمـر ... من دونك عدم
مايبـقـالي اخـو ... ولايبقالي عـم
او لا غالي يضل باجر
ضعنـك باجـر يسـافـر
ها يا ابو علي
____2____

أُمـنـيـة مــن أمــنـيـاتـــي ... أتعوف وحــدة مـن خواتي
يمي لـو عـبـد الله عـوفـه ... بــي أشـــمّـن ذكــريـــاتــي

بحضاني ينـام .. يـاتــاج الهـام
أتـــقــلِـّـل آلام .. ضـلّـِـتـه
كل حيلي رماد .. يابو السجاد
والــهـم يــزداد .. بروحِته

اتمـنى الطفــل ... ايضل يمي وِنـس
لو رحتو وعلي ... أبقـى ابلا شـمس
گلبي ولهـفِـته حايـر
ضعنك باجر يـسافـر
ها يا ابو علي
____3____

لو رحـت چـا ابقـى الـمن ... عـيوني مـن فرگـاك يعمن
الفرگة حـيل تريـد مـنـي ... المـوت بعـدك بويـة أهون

لفطرس داويت .. ياراعي البيت
أتداويني ريـت .. يالـدوه
ظـلـمــة بلـيـاك .. بـوية اتـرجـاك
تـآخـذني وياك .. يالضوه

بعدك هالعمـر ... يخلص من وگـت
اتنفس جـمـر ... لـو لـحـظـة غبـت
دمعي بغيبـتك حافر
ضعنك باجـر يـسافـر
ها يا ابو علي
____4____

دمعـي يـرسـمـلـي دربـكـم ... بـي مخـاطـر بـوية الـكـم
لاتـــعــوفــونــي وحــيـدة ... لـيـش مو آنــه أحــبــكــم

مـاتبـقـى انفـاس .. ياتاج الراس
اي والـــعـــبــاس .. اختنگ
كل لحظة افراگ .. تزرع أشواگ
وگلبي المـشـتاگ .. يحترگ

أنـظـر كـل أخـت ... هودجها اكتمل
وآنه ابـهـالـوضـع ... ماضـل لي أمل
يشرح مدمع الـناظر
ضعنك باجر يسـافر
ها يا ابو علي
____5____

اجّـِلوهـا الروحــه هــايــه ... بـيــهـا أشـم ريحـة منـايـه
بويـة أبـوسـنــهـا أديـكـم ... آنــه وعــيـونــي خــطـايـه

أشـتـم دُخــان .. وانظر نيران
فوگ الحيطان .. تنـرسم
وارماح هـواي .. فوگاهـا الماي
يابويـة وهـاي .. مو حلم

چــنــهــا كــربـلــه ... ترسـم محنِتي
وفوگ الـتل أصـد ... زينـب عـمِّتـي
جرحي ليلة العـاشـر
ضعنك باجر يـسافـر
ها يا ابو علي
____6____

#رزقهم_سلام_الله_عليهم
#احمد_رزاق_الاعرجي

الزمن ببنيتك اشخله ****عليله اوبيه الف عله
فراكك للكلب سله  *بويه بويه وينك

----------------------------------

حسيته يابويه اليتم من ** مسح جفك راسي
من حملت ظعن الورد **  وانه اختنك بانفاسي
من ودعتني ابشبكتك** لاجمني حيل احساسي
المن اعيشا جابعد . **.   فاركني ابوي اوناسي
عفتني ابغربتي الحالي //  اشيخلص ليلي ياهلالي
اليفارك غالي مو سهله  // بويه بويه وينك

---------------------------------------

مخنوكه  من يوم المشه**   ماظكت طعم النومه
ليليه اطب الغرفته     **    واشتم اظل بهدومه
كالولي مايرجع بعد      **   وصلتني هل معلومه
البنت اذا راح الابو  **.     تعيش العمر مهظومه
عليله اودمعتي اتلالي//   اناطر جيت الغالي
يموت المايشوف اهله  //  بويه بويه وينك

------------------------------------------

صوم او صلاه يابويه الك    **    نذريت بلكت ترجع
وعل ا لباب عيني امناطره    **  اكسر الخاطر وافجع
هسه يرد بابه. الج       **       اقنع ابروحي التطلع
هوه اليسافر والده         **   تغمض عيونه اويهجع
وحيده ابلايه اخواني    //     وابوي افراكه سلاني
ياشوف اعيوني ياكحله    //    بويه بويه وينك

----------------------------------------

مكسوره خاطر من زغر*** وبعلتي محتاره
لا والد اليمه بقه. ** واحترك كمت ابناره
اتعلعل ابظيم البعد   **.    انكطعت عليه اخباره
مرسال منهم ماوصل     ** ظلمه اوخليه داره
شكثر مشتاكه احظننه //  بعد هيهات اعوفنه 
بغيابك جن صرت كهله  //  بويه بويه وينك

-------------------------------

انه العليله اوبالدمع     **   مرسال الك خطيته
ويه الحمام انه الك      **   شوكي شكثر وديته
شنهي الحصل يابو علي  ** ومرسالي مارديته
بفراكه خانكني البعد   **. بس بالحلم لاكيته
بحلم يابويه مو يقضه//   شفت مرسالك ابلحظه
الحلم باعصابي يتسله    //   بويه بويه وينك



__
حسين الزيدي

هواي مشتاگين ارحمو بحالنه
بس صوركم بقت تتراوالنه
بكل ذكره نشتاگ ..تعبنه الفراگ
ارحمو ابحالنه

---------------------------
هالسنه بهذا محرم .. فاگدين اشكد شباب
مشو ظلت بس صورهم .. تاكل ابگلبي عذاب 
ويانه چانو بالمجالس ..  نلطم ونحيي  المصاب
السنه الراحت يمنه چانو .. وهالسنه جوه التراب

ليش عود الموت دوم ابابنه
دوم يلچمنه بأعز احبابنه
بگلبي البعد راگ .. تعبنه الفراگ
ارحمو ابحانه

---------------------------

أربعين حسين اجتنه .. اعليكم احنه امعلمين
هذا ينصب خيمه ذاكه .. بيده يطبخ للحسين
زاير اعليكم نشدنه .. وفاظت ادموع الحنين
بس صوركم بقت يمنه .. بالمگابر نايمين

اجان يتلكانه حافي ابمايه
معلكه بس صوره الهم هايه
منا اظوه انباگ ..  تعبنه الفراك
ارحمو ابحالنه

---------------------------

لو مشه ابكل خطوه خدمه .. وياهم الممشه حله
‏واهس أو رفگتنه حلوه .. بيهم الهم انجله
راح اليلاگي اليزورك .. سِنّه يضحك بالهله
‏حسين يحضر لليخدمه .. نعلم ابهل مساله

‏مايعوف احسين ابد خدامه
‏بالكبر يحضر ترى گدامه
‏بس دمعي حراگ .. تعبني الفراگ
ارحمو ابحالنه
‏---------------------------

مسافرين اعزاز گلبي ..  سكنو ابوادي السلام
ابد ماطول حلمهم .. هاجروا مثل الحمام
ورود چانو بالمجالس .. تذبل ابطاري الخيام
والجزع عدهم هويه .. لو ذكرت أنه السهام

ياسهام الموت مري اخذينه
للطفوف وخل نشوف اسكينه
بس نلزم الباگ .. تعبنه الفراك
ارحمو ابحالنه
----------------------------

اليوم من دون الليالي .. حيل گلبي ينعصر
گلبيت اصورنه واذكر .. حلوه لمتنه العصر
گلتو ميفرقنه موت .. وهسه ضماكم گبر
اشكي لله الفركه صعبه .. والله ينطيني الصبر

روحي مشتاگه وتحوم ابابكم
والله مو هين علينه اغيابكم
علينه الحزن لاگ ..  تعبنه الفراگ
ارحمو ابحالنه

---------------------------
حسين الزيدي

الليلة الثالثة

طالت وگفتي بعتبتك ياباب
ايدي اعله خدي انتظر لحباب
تغيب الشمس وحبابي هم غياب

*****

من سافروا عني الاهل وحدي بقيت ابداري
خطار ما سير علي. بس الدمع خطاري
النار تاكل بالحطب وبكلبي تاكل ناري
كل جار ما ظل من مشو بس الحزن ظل جاري

خوف ودمع وحشه وظلام البيت
التمن عليه ابوحدي من ظليت
كل هذه ما شاغلني من حنيت

*****

ياليل هذه الما يمر. وبدمعي ما مسبيه
حيل اني اموت من البجي وماماتت الحنيه
كل حيل ما ظل بالجسم. حتى اعين البيه
علكومه اني بيا علي. انخه اشكثر رجليه

حيلي مشه وماظل بعد كل حيل
وشنطي بعد لمن يمرني اليل
بضلوعي رفسه جن احس للخيل

*****

جرح الهجر ما ينسي. كل لحظه ذكره تلجمه
اهناا كعد شفت الابو وهنا مجان العمه
اعمه يعيش الينتظر ظلمه تدفعه اظلمه
اتلاگه يمته بوالدي. وصدري اعله صدره يضمه

كلمن يوديني اشوف حسين
ابشاره انطي عيوني اله لثنين
شوف الكلب لا ما تحجبه العين

*****

احلامي كلها امطشره. سنين العمر مهجوره
وامتانيه خيط الامل. ومكابله القاروره
دم اصبحت يعني الخبر بالطف دمه مهدوره
ابالي حسبه من اجت. مذبوحه اجمل صوره

صورة حياتي بيها ما ظل روح
راسه ابويه من الكفه مذبوح
جسمه صبح فوك الجروح اجروح

*****

الطفله التعيش ابلا ابو شنهو الحلو بعيشتهه
من تشوف طفله بحضن ابو وحضن الابو بحسرتهه
مهضومه تنزل علوجن دمعت فكد دمعتهه
من تفكد الطفله ابو تفكد تره ضحكته

كل طفله تلكه عدها هذه احساس
من يموت ابو يموت الورد والياس
متعوضه عدهه كلها هاي الناس

*****

كل العشتهن فدوه اله. بس فدوه مو لغيابه
ودعني لحسين ومشه. ردّت حزن رد بابه
يوجعني كلبي من يدك. بالنبض صار صوابه
من شتاك ادخل حجرته. وعطره اشم بثيابه


الدرب الخذا لا ما يرده اردود
وعله الشريعه هم اظن مفكود
بجفا لبست هدومي اني الاسود


علي حسين المياحي