هذا وجهك بيش امسحه //ايدي خشنه وخاف اجرحه
نايم يبزر الگعده// والسهم موش بگده
اسم الله عبد الله غفه بس لا يفز من نومه
امكيفه عندي هل ولد ويوميه اعطر هدومه
شمدريني تاليها السهم يخربلي كل ارسومه
لاصاحلي يمه وحجه من حجيه اضل محرومه
ردته يحجي يگلي يمه// من فرحتي لصدري اظمه
بكل قوتي ليه اشده// والسهم موش ابگده
/////////////
كاروكه هزاه الهوه حسبالي فز الغالي
وبلا وعي عليه اركضت يبجي الولد حسبالي
ولمن وصلته تفاجئت الكاروك شفته خالي
وتاليها كل هذا حلم موجود يتراوالي
حلمي خلص ونته بعدك// يمته ترجع ارد اشبكك
تمنيت حلمي بعده// والسهم موش ابگده
////////////
داريته كل شبر بنذر متانيته اشوفه يمشي
والكبري رايدته سند عل متونه يحمل نعشي
ماحسبت تالي السهم من عندي ياخذ كلشي
من يومها ودمعي يصب ولا مره ناشف رمشي
عيني نشفت من دمعها// وروحي ذبلت من وجعها
دمعي علخدي تبده // والسهم موش ابگده
////////////
هذا النحر مو للذبح هذا النحر بس للشم
كل طفل لازم ينفطم عبدالله مفطوم ابدم
امثلث وطالع گبل صعبه الجرح مايلتم
لاحارب ولاله ذنب حته الطفل مايسلم
سته اشهر ابني عمره// ابيش اعوظه من اخسره
زغير وذنب ماعنده//والسهم موش ابگده
///////////
يحسين رجعلي الولد خليني من عنده اشبع
عل الحلگ دنيت الاذن ماكو نفس مااسمع
مذبوح ياوسفه الطفل من الرگبه نفسه يطلع
ميت بعد ماكو امل حته الدوه ماينفع
ابريني ذمه راح اعوفك// مرني يمه بطيف اشوفك
والماي عاف الورده// والسهم موش ابگده
/////////////
هاج الطفل يم الولد من حضني فدوه نزليه
وبهيده عن لاينلجم بهداي من توخريه
عاثوره للشبگه السهم ينلجم بس تشبگيه
بلكت عبد بعده عدل خلي بحظنج لعبيه
گونه يگعد بس اودعه//دربي ظلمه وهوه شمعه
هزيته بلكي اگعده // والسهم موش ابگده
تمت__ازهر الزيدي
نايم يبزر الگعده// والسهم موش بگده
اسم الله عبد الله غفه بس لا يفز من نومه
امكيفه عندي هل ولد ويوميه اعطر هدومه
شمدريني تاليها السهم يخربلي كل ارسومه
لاصاحلي يمه وحجه من حجيه اضل محرومه
ردته يحجي يگلي يمه// من فرحتي لصدري اظمه
بكل قوتي ليه اشده// والسهم موش ابگده
/////////////
كاروكه هزاه الهوه حسبالي فز الغالي
وبلا وعي عليه اركضت يبجي الولد حسبالي
ولمن وصلته تفاجئت الكاروك شفته خالي
وتاليها كل هذا حلم موجود يتراوالي
حلمي خلص ونته بعدك// يمته ترجع ارد اشبكك
تمنيت حلمي بعده// والسهم موش ابگده
////////////
داريته كل شبر بنذر متانيته اشوفه يمشي
والكبري رايدته سند عل متونه يحمل نعشي
ماحسبت تالي السهم من عندي ياخذ كلشي
من يومها ودمعي يصب ولا مره ناشف رمشي
عيني نشفت من دمعها// وروحي ذبلت من وجعها
دمعي علخدي تبده // والسهم موش ابگده
////////////
هذا النحر مو للذبح هذا النحر بس للشم
كل طفل لازم ينفطم عبدالله مفطوم ابدم
امثلث وطالع گبل صعبه الجرح مايلتم
لاحارب ولاله ذنب حته الطفل مايسلم
سته اشهر ابني عمره// ابيش اعوظه من اخسره
زغير وذنب ماعنده//والسهم موش ابگده
///////////
يحسين رجعلي الولد خليني من عنده اشبع
عل الحلگ دنيت الاذن ماكو نفس مااسمع
مذبوح ياوسفه الطفل من الرگبه نفسه يطلع
ميت بعد ماكو امل حته الدوه ماينفع
ابريني ذمه راح اعوفك// مرني يمه بطيف اشوفك
والماي عاف الورده// والسهم موش ابگده
/////////////
هاج الطفل يم الولد من حضني فدوه نزليه
وبهيده عن لاينلجم بهداي من توخريه
عاثوره للشبگه السهم ينلجم بس تشبگيه
بلكت عبد بعده عدل خلي بحظنج لعبيه
گونه يگعد بس اودعه//دربي ظلمه وهوه شمعه
هزيته بلكي اگعده // والسهم موش ابگده
تمت__ازهر الزيدي
عبد الله يبني الغالي ........ هالصورة دوم ابالي
تناغيلي واركض للمهد والكه المهد شو خالي
**
عبدالله سباح الكلب ياسلوة سنيني
سهم الي صوب منحرك صوبني بعيني
وماجانت ابالي ابد للهم تخليني
اصفج بكيت محيرة يسراي بيميني
والزاد همي ونوحي
وهيج النار بروحي
ومن عنده دلالي انضهد ... تناغيلي واركض للمهد
**
كل لحظه بعيوني تمر هالصورة يوليدي
عطشان يبني من الظمه تلزمني من ايدي
واركض ادور ماي الك ياسلوتي وعيدي
وارجع انشف بالدمع يادمعتي هيدي
وخالي المهد من شفته
صحت الكلب كطعته
وضهري نحنه وحيلي انظهد ... تناغيلي واركض للمهد
*
ليل السهر لوغمضت منه افز مرعوبه
بيه اصد نبلة حرمله كدامي منصوبه
وتعرضلي صورة فاطمة والدمعة مسجوبه
يوليدي وبنفس السهم مهجتها مصيوبه
سهم الالم والحسرة
صوب دليل الزهرة
والكلب وياه انمرد ..... تناغيلي واركض للمهد
*
مرات ياخذني الفكر ويهاجر الامي
ويسرح خيالي بذاكرة امالي واحلامي
تكبر شلون اتخيلك كل يوم جدامي
وشلون احضر للفرح حنتك يالظامي
ولو طولت باحلامي
صاحت عليه الامي
الراح مايرجع بعد ..... تناغيلي واركض للمهد
****
الراح مايرجع بعد وانا ايست منه
وللطف كلت خل اعتني ووليدي اشوفنه
واكعد وانوح اعله الكبر وترابه اشمنه
بس هاي هم صارت حلم ليه شيوصلنه
ياوالي اليوصلني
وحسين غايب عني
ضليت مابين الشدد ...... تناغيلي واركض للمهد
**
هليله منصوب العزه يوليدي لمصابك
بالطم والنوح ودمع تحييها احبابك
وبهلعزه صاح المحب سجلنه بكتابك
خدام منذور العمر يالغالي لترابك
عاين الليله احبابك
تجري الدمع لمصابك
نصبت عزه وراس المشد ..... تناغيلي واركض للمهد
الشاعر سيد اياد الغالبي
تناغيلي واركض للمهد والكه المهد شو خالي
**
عبدالله سباح الكلب ياسلوة سنيني
سهم الي صوب منحرك صوبني بعيني
وماجانت ابالي ابد للهم تخليني
اصفج بكيت محيرة يسراي بيميني
والزاد همي ونوحي
وهيج النار بروحي
ومن عنده دلالي انضهد ... تناغيلي واركض للمهد
**
كل لحظه بعيوني تمر هالصورة يوليدي
عطشان يبني من الظمه تلزمني من ايدي
واركض ادور ماي الك ياسلوتي وعيدي
وارجع انشف بالدمع يادمعتي هيدي
وخالي المهد من شفته
صحت الكلب كطعته
وضهري نحنه وحيلي انظهد ... تناغيلي واركض للمهد
*
ليل السهر لوغمضت منه افز مرعوبه
بيه اصد نبلة حرمله كدامي منصوبه
وتعرضلي صورة فاطمة والدمعة مسجوبه
يوليدي وبنفس السهم مهجتها مصيوبه
سهم الالم والحسرة
صوب دليل الزهرة
والكلب وياه انمرد ..... تناغيلي واركض للمهد
*
مرات ياخذني الفكر ويهاجر الامي
ويسرح خيالي بذاكرة امالي واحلامي
تكبر شلون اتخيلك كل يوم جدامي
وشلون احضر للفرح حنتك يالظامي
ولو طولت باحلامي
صاحت عليه الامي
الراح مايرجع بعد ..... تناغيلي واركض للمهد
****
الراح مايرجع بعد وانا ايست منه
وللطف كلت خل اعتني ووليدي اشوفنه
واكعد وانوح اعله الكبر وترابه اشمنه
بس هاي هم صارت حلم ليه شيوصلنه
ياوالي اليوصلني
وحسين غايب عني
ضليت مابين الشدد ...... تناغيلي واركض للمهد
**
هليله منصوب العزه يوليدي لمصابك
بالطم والنوح ودمع تحييها احبابك
وبهلعزه صاح المحب سجلنه بكتابك
خدام منذور العمر يالغالي لترابك
عاين الليله احبابك
تجري الدمع لمصابك
نصبت عزه وراس المشد ..... تناغيلي واركض للمهد
الشاعر سيد اياد الغالبي
خل نگعد بفي العلم. يلماتردون
نتباره يابوية الذمم. يلماتردون
لوردتم تشوفونيي. يم طيفكم تلگوني. مساهرات عيوني. يلماتردون
***
الدنيا ياهلي كلش غريبة
ياويله اليشح بيها نصيبه
اول ماتجي تجرحه بحبيبه
ويوميه ترد ليه بمصيبة
يومية بمصاب وجرح ..... ياضي العيون
واسود يجي لونه الصبح ... ياضي العيون
بهلوضع لتخلوني...... يم طيفكم تلگوني.
مساهرات عيوني. .... يلماتردون
***
كون اعله السفر شديتوا الضعون
اريدن. ياهلي. يمي تگعدون
خلي بشوفكم اشبعها العيون
وانوح اگبالكم يلماتردون
واقسم بدمعاتي التهل ... ساعات الوداع
ميته. اضل بهلنزل ..... ساعات الوداع
وعنكم اذا سالوني. .... يم طيفكم تلگوني
مساهرات عيوني ..... يلماتردون
****
كون بهالسفر لبعيد ناوين
خلوها بصورتكم تشبع العين
ماسال واكولن وين ماشين
بس كلبي يحس مايرجع حسين
حسين مايرجع بعد ...... عندي هالحساس
وهلسفره من عدها ابد .... مايرد عباس
هليوم لو عفتوني ..... يم طيفكم تلكوني
مساهرات عيوني يلماتردون
*
انه بهالضنون وهاي الافكار
واعاين والدمع من عيني صب نار
لمن شاهدتها ازغار واكبار
صعدت عالنوك وفرغت الدار
والنوك كلها حملت ........... بضعون الاحباب
وانه انظر وعيوني جرت...... ياعظم المصاب
تمنيت اصيح اخذوني ...... يم طيفكم تلكوني
مساهرات عيوني يلماتردون
***
من سار الضعن وبعيني صديت
شكثر ماي بضهركم انه رشيت
رحتوا ياهلي وحدي انا ضليت
سجن اصبح عليه البيت مو بيت
دلالي كل ساعه يحن ....... والكلب مضوم
والبيت اصبحلي سجن ....... غارك بالهموم
واندب ومتسمعوني ...... يم طيفكم تلكوني
مساهرات عيوني ......... يلماتردون
**
رحتوا وانشد انه شصار ماصار
وبالهم والحزن ردتلي الاخبار
كالوا راس ابوج اعله الرمح سار
وعله متون الهزل مشوها الاحرار
لشام اخذوها الحرم ........ مجتوفه اديها
ويالوعتي الذاك الالم ....... غايب وليها
وانا وي نار ضنوني ......... يم طيفكم تلكوني
مساهرات عيوني ........ يلماتردون
الشاعر سيد اياد الغالبي
نتباره يابوية الذمم. يلماتردون
لوردتم تشوفونيي. يم طيفكم تلگوني. مساهرات عيوني. يلماتردون
***
الدنيا ياهلي كلش غريبة
ياويله اليشح بيها نصيبه
اول ماتجي تجرحه بحبيبه
ويوميه ترد ليه بمصيبة
يومية بمصاب وجرح ..... ياضي العيون
واسود يجي لونه الصبح ... ياضي العيون
بهلوضع لتخلوني...... يم طيفكم تلگوني.
مساهرات عيوني. .... يلماتردون
***
كون اعله السفر شديتوا الضعون
اريدن. ياهلي. يمي تگعدون
خلي بشوفكم اشبعها العيون
وانوح اگبالكم يلماتردون
واقسم بدمعاتي التهل ... ساعات الوداع
ميته. اضل بهلنزل ..... ساعات الوداع
وعنكم اذا سالوني. .... يم طيفكم تلگوني
مساهرات عيوني ..... يلماتردون
****
كون بهالسفر لبعيد ناوين
خلوها بصورتكم تشبع العين
ماسال واكولن وين ماشين
بس كلبي يحس مايرجع حسين
حسين مايرجع بعد ...... عندي هالحساس
وهلسفره من عدها ابد .... مايرد عباس
هليوم لو عفتوني ..... يم طيفكم تلكوني
مساهرات عيوني يلماتردون
*
انه بهالضنون وهاي الافكار
واعاين والدمع من عيني صب نار
لمن شاهدتها ازغار واكبار
صعدت عالنوك وفرغت الدار
والنوك كلها حملت ........... بضعون الاحباب
وانه انظر وعيوني جرت...... ياعظم المصاب
تمنيت اصيح اخذوني ...... يم طيفكم تلكوني
مساهرات عيوني يلماتردون
***
من سار الضعن وبعيني صديت
شكثر ماي بضهركم انه رشيت
رحتوا ياهلي وحدي انا ضليت
سجن اصبح عليه البيت مو بيت
دلالي كل ساعه يحن ....... والكلب مضوم
والبيت اصبحلي سجن ....... غارك بالهموم
واندب ومتسمعوني ...... يم طيفكم تلكوني
مساهرات عيوني ......... يلماتردون
**
رحتوا وانشد انه شصار ماصار
وبالهم والحزن ردتلي الاخبار
كالوا راس ابوج اعله الرمح سار
وعله متون الهزل مشوها الاحرار
لشام اخذوها الحرم ........ مجتوفه اديها
ويالوعتي الذاك الالم ....... غايب وليها
وانا وي نار ضنوني ......... يم طيفكم تلكوني
مساهرات عيوني ........ يلماتردون
الشاعر سيد اياد الغالبي
على السليب اويلاه //على السليب اويلاه
شفت حسين بهيمه ينازع
ورمح ابصدره مگابل طالع
وخنصر جفه ماهو ظايع
يزحف گوه لزينب راجع
على السليب اويلاه// على السليب اويلاه
~،~،~،~،~،~،~
باد الحيل وشيوصلني
وهوه بعينه يگلي ادني
سهم بصدري وخريه عني
خاف يمنعه من يشبگني
على السليب اويلاه// على السليب اويلاه
~،~،~،~ ~،~،~
متمدد شفته عل الحومه
سحگ الخيل مغير رسومه
مايگدر حته عل الگومه
سلبو روحه وحته هدومه
على السليب اويلاه//على السليب اويلاه
~،~،~،~،~،~،~
ماظل سالم شي من عنده
سحگ الحافر مارد جبده
سحگن فوگه بروحه ورده
خير بهيمه وشفته تبده
على السليب اويلاه // على السليب اويلاه
~،~،~،~،~،~،~
طاح ورگظو حزو نحره
مات حسين وخلص عمره
ليش الخيل ترد تكسره
سون جسمه وذره وذره
على السليب اويلاه //على السليب اويلاه
~،~،~،~،~،~،~
شفت بعيني من يذبحونه
مات وغمظ حته عيونه
جاليش ابخيل ايسحكونه
وفوگاها اهدوم يسلبونه
على السليب اويلاه //على السليب اويلاه
~،~،~،~،~،~،~
تمت __ ازهر الزيدي
شفت حسين بهيمه ينازع
ورمح ابصدره مگابل طالع
وخنصر جفه ماهو ظايع
يزحف گوه لزينب راجع
على السليب اويلاه// على السليب اويلاه
~،~،~،~،~،~،~
باد الحيل وشيوصلني
وهوه بعينه يگلي ادني
سهم بصدري وخريه عني
خاف يمنعه من يشبگني
على السليب اويلاه// على السليب اويلاه
~،~،~،~ ~،~،~
متمدد شفته عل الحومه
سحگ الخيل مغير رسومه
مايگدر حته عل الگومه
سلبو روحه وحته هدومه
على السليب اويلاه//على السليب اويلاه
~،~،~،~،~،~،~
ماظل سالم شي من عنده
سحگ الحافر مارد جبده
سحگن فوگه بروحه ورده
خير بهيمه وشفته تبده
على السليب اويلاه // على السليب اويلاه
~،~،~،~،~،~،~
طاح ورگظو حزو نحره
مات حسين وخلص عمره
ليش الخيل ترد تكسره
سون جسمه وذره وذره
على السليب اويلاه //على السليب اويلاه
~،~،~،~،~،~،~
شفت بعيني من يذبحونه
مات وغمظ حته عيونه
جاليش ابخيل ايسحكونه
وفوگاها اهدوم يسلبونه
على السليب اويلاه //على السليب اويلاه
~،~،~،~،~،~،~
تمت __ ازهر الزيدي
يارقيه،،،، يارقيه،،، يارقيه
ذاكه صدره الكله حنيه انكسر
والحوافر وصلت الحد الضهر
جسمه چم خيال داساه وعبر
والحجر نصين سوه اجبينه
والدچ عريان ضل بكربله
جسم جسمت گلبه نبله حرمله
لاهله بذيچ المشاهد لاهله
وحتى ثوبه ومحبسه مسلبينه
بعد ما يرجعلچ وراح الابو
بيت ماضلچ ولا عم لا اخو
شوفي ذاك العالرمح راسه منو؟
خاف تشتاقيله تشوفينه
راحت ايام الدلال وغربت
وشيبته ذيچ الكريمه اتربت
والخيول اشخربت ماخربت
عاالمصايب گلبچ الله يعينه
طفله بعدچ تجرح ادموع الهجر
وحيل حيل اتعب ايام الاسر
عمرچ ابين الخرابه والقصر
يارقيه باچر اتودعينه
عاالرمح بايت وصارت نومته
المثله كون يغمض بنص عيلته
من عمت عين الرماح الشالته
منظره يمرمرنه ويبچينه
شدي حيلچ كون عندچ باقي حيل
منين اجيبن والدچ والدنيه ليل
من تركته تحولن دمعاتي خيل
يغيرن اعله الاخد اذاتردينه
ذاكه صدره الكله حنيه انكسر
والحوافر وصلت الحد الضهر
جسمه چم خيال داساه وعبر
والحجر نصين سوه اجبينه
والدچ عريان ضل بكربله
جسم جسمت گلبه نبله حرمله
لاهله بذيچ المشاهد لاهله
وحتى ثوبه ومحبسه مسلبينه
بعد ما يرجعلچ وراح الابو
بيت ماضلچ ولا عم لا اخو
شوفي ذاك العالرمح راسه منو؟
خاف تشتاقيله تشوفينه
راحت ايام الدلال وغربت
وشيبته ذيچ الكريمه اتربت
والخيول اشخربت ماخربت
عاالمصايب گلبچ الله يعينه
طفله بعدچ تجرح ادموع الهجر
وحيل حيل اتعب ايام الاسر
عمرچ ابين الخرابه والقصر
يارقيه باچر اتودعينه
عاالرمح بايت وصارت نومته
المثله كون يغمض بنص عيلته
من عمت عين الرماح الشالته
منظره يمرمرنه ويبچينه
شدي حيلچ كون عندچ باقي حيل
منين اجيبن والدچ والدنيه ليل
من تركته تحولن دمعاتي خيل
يغيرن اعله الاخد اذاتردينه
للوحشه...
ياشمس عن عيني غبتي ... ليش عجلتي الغربتي
والله هـاي الدنيه غابه
واني وحـدي بلا گرابه
ياشمس عن عيني غبتي
-**-****
ياشمس محتــــاجه ضيچ ضاله ابعــــازت ضوه
ريتــي مختنگه ابحزنهه وگوه اشـم نسمت هوه
اجروحي موهينات والله وبس ضواچ الهن دوه
الدنيــــه بالطف فرگتنه وبعــــــد ما نرجع سوه
اعداي كثره وانه حرمه ... والطفوف اهواي ظلمه
وگلبي محتار ابعــذابه
واني وحدي ابلا گرابه
ياشمس عن عيني غبتي
-**-****
من طلعت امن المدينه وحد وصولي الكربله
حسين مافارگني نورك يزهي فـــوگ القـافله
امشي مهيوبه ابوجــــودك يامــــــلاذ العايله
هسه من بعـــدك غريبه وكل اخوتي امچتله
يالعفتني ابلا محامي .... ليش ماتسمع كلامي
وسفه نايـــم عل ترابه
واني وحدي ابلا گرابه
ياشمس عن عيني غبتي
-**-****
والگمر مكسوف نـوره وشفته نازل عالنهر
وخيمتـي ظلمت عليه ونكسر منـي الظهر
حيل تعبني الوداع وضعف اعيوني السهر
راحـــت ايـام الـــدلال وحلـت ايـام القـهر
راحت الراحه اويه أهلنه... والهنه وذيج المحنه
وعايشه ابنص الخرابه
واني وحدي ابلا گرابه
ياشمس عن عيني غبتي
-**-****
ودعتني وگتلي رايــــح وانه دلالــــي انچوه
مابگت وليـان عنــــدي ولابگـــــــت بيه قوه
فارگت اربـــع كواكـب عالنهر طاحـــــو سوه
امنين اجيب اليدگ صدره ويرفع ابچفه الوه
ابكربله ودعت أخوتي ... منهه وتمنيت موتي
هدني الطف ومصـابه
واني وحدي ابلاگرابه
ياشمس عن عيني غبتي
-**-****
اشلون اعيش ابلا ضـــوكم يالنجوم الزاهره
هـا يريحانت محمــــــــــد ياولاد الطـــاهره
الفرگــه موسلهه وحقكم راح اضل امساهره
البين فرهدكم يخوتي وانه وحدي وحـايره
الموت فرهدكم وخذكم ... وسفه عن زينب بعدكم
گلبي ضل يجرح عتابه
واني وحـدي ابلا گرابه
ياشمس عن عيني غبتي
-**-****
الخادم
كامل السعيدي
ياشمس عن عيني غبتي ... ليش عجلتي الغربتي
والله هـاي الدنيه غابه
واني وحـدي بلا گرابه
ياشمس عن عيني غبتي
-**-****
ياشمس محتــــاجه ضيچ ضاله ابعــــازت ضوه
ريتــي مختنگه ابحزنهه وگوه اشـم نسمت هوه
اجروحي موهينات والله وبس ضواچ الهن دوه
الدنيــــه بالطف فرگتنه وبعــــــد ما نرجع سوه
اعداي كثره وانه حرمه ... والطفوف اهواي ظلمه
وگلبي محتار ابعــذابه
واني وحدي ابلا گرابه
ياشمس عن عيني غبتي
-**-****
من طلعت امن المدينه وحد وصولي الكربله
حسين مافارگني نورك يزهي فـــوگ القـافله
امشي مهيوبه ابوجــــودك يامــــــلاذ العايله
هسه من بعـــدك غريبه وكل اخوتي امچتله
يالعفتني ابلا محامي .... ليش ماتسمع كلامي
وسفه نايـــم عل ترابه
واني وحدي ابلا گرابه
ياشمس عن عيني غبتي
-**-****
والگمر مكسوف نـوره وشفته نازل عالنهر
وخيمتـي ظلمت عليه ونكسر منـي الظهر
حيل تعبني الوداع وضعف اعيوني السهر
راحـــت ايـام الـــدلال وحلـت ايـام القـهر
راحت الراحه اويه أهلنه... والهنه وذيج المحنه
وعايشه ابنص الخرابه
واني وحدي ابلا گرابه
ياشمس عن عيني غبتي
-**-****
ودعتني وگتلي رايــــح وانه دلالــــي انچوه
مابگت وليـان عنــــدي ولابگـــــــت بيه قوه
فارگت اربـــع كواكـب عالنهر طاحـــــو سوه
امنين اجيب اليدگ صدره ويرفع ابچفه الوه
ابكربله ودعت أخوتي ... منهه وتمنيت موتي
هدني الطف ومصـابه
واني وحدي ابلاگرابه
ياشمس عن عيني غبتي
-**-****
اشلون اعيش ابلا ضـــوكم يالنجوم الزاهره
هـا يريحانت محمــــــــــد ياولاد الطـــاهره
الفرگــه موسلهه وحقكم راح اضل امساهره
البين فرهدكم يخوتي وانه وحدي وحـايره
الموت فرهدكم وخذكم ... وسفه عن زينب بعدكم
گلبي ضل يجرح عتابه
واني وحـدي ابلا گرابه
ياشمس عن عيني غبتي
-**-****
الخادم
كامل السعيدي
سفير الحسين ع
من فوگ القصر وتسولف العين
ردت يحضرني ابو فاضل والحسين
من دفعوني اتمنيت اني
تتلكاتي جفوف اخواني
_
١
غورگت عيني ابدمعها وين اخوتي بيوم موتي
يا حلاته الموت راحه من يصير ابين اخوتي
اتهل مدامعهم عليه ابيهنم يكبر سكوتي
ياهظيمه الله واكبر النينوى شيودي صوتي
—————
ردت حسين يحضر بين هل ناس
ولتغمضلي عيني اجفوف عباس
طايح واتمنه بوجداني
تتلكاني جفوف خواني
__
كل قريب بعيني نجمه وهمه لعيوني نضرها
مفتح وحلمان بيهم عازت الخوه شكبرها
روحي كد ما تشتهيهم ما بقى شويه بصبرها
الغيمه بس عل منتظرها باچيه تخلص عمرها
واكف منكسر واذكرهم بزود
ضهري المنحني يتعدل اردود
هاي الما كف عنها الساني
تتلكاني جفوف اخواني
__
ستفردو بيه وخذوني وبلاش انباع عمري
الغربه كلفه بلا محنه اوحدي يحزام ضهري
وانه كل الردته منكم انتم تحفرولي كبري
عازت الخوان تذبح وادري بلعطشان يدري
الكاسر خاطري ومبچي العيون
الشماته هواي واعليه يضحكون
هذا اكثر موقف اذاني
تتلكاني جفوف اخواني
"_
كلمة الخوه شكبرها اخ منها الدولبتني
خطوه خطوه الشيب يكبر حسين وينك تعبتني
يا غريب الناس كالو وهي هاي العذبتني
ما جزاني الموت عنكم يلي شوفتكم جزتني
تمنيت انرفع بمتون العزاز
يا مكثر هلي وماعندي جناز
واحد واكف يم الثاني
تتلكاني جفوف اخواني
___
ادري بيها الخوه تبقى والربع مو كلشي هاي
مسلم وماشفت مسلم ينتظر واكف وراي
باجر التاريخ يكتب چان موقف طوعه راي
چن نهر جابت بديها مو اطتني طويسه ماي
أيس كلبي من عافوني الصحاب
حرت ياهو عليه يهيل التراب
احجي الطوعه واحجي الهاني
تتلكاني جفوف اخواني
#علي مخيلف
من فوگ القصر وتسولف العين
ردت يحضرني ابو فاضل والحسين
من دفعوني اتمنيت اني
تتلكاتي جفوف اخواني
_
١
غورگت عيني ابدمعها وين اخوتي بيوم موتي
يا حلاته الموت راحه من يصير ابين اخوتي
اتهل مدامعهم عليه ابيهنم يكبر سكوتي
ياهظيمه الله واكبر النينوى شيودي صوتي
—————
ردت حسين يحضر بين هل ناس
ولتغمضلي عيني اجفوف عباس
طايح واتمنه بوجداني
تتلكاني جفوف خواني
__
كل قريب بعيني نجمه وهمه لعيوني نضرها
مفتح وحلمان بيهم عازت الخوه شكبرها
روحي كد ما تشتهيهم ما بقى شويه بصبرها
الغيمه بس عل منتظرها باچيه تخلص عمرها
واكف منكسر واذكرهم بزود
ضهري المنحني يتعدل اردود
هاي الما كف عنها الساني
تتلكاني جفوف اخواني
__
ستفردو بيه وخذوني وبلاش انباع عمري
الغربه كلفه بلا محنه اوحدي يحزام ضهري
وانه كل الردته منكم انتم تحفرولي كبري
عازت الخوان تذبح وادري بلعطشان يدري
الكاسر خاطري ومبچي العيون
الشماته هواي واعليه يضحكون
هذا اكثر موقف اذاني
تتلكاني جفوف اخواني
"_
كلمة الخوه شكبرها اخ منها الدولبتني
خطوه خطوه الشيب يكبر حسين وينك تعبتني
يا غريب الناس كالو وهي هاي العذبتني
ما جزاني الموت عنكم يلي شوفتكم جزتني
تمنيت انرفع بمتون العزاز
يا مكثر هلي وماعندي جناز
واحد واكف يم الثاني
تتلكاني جفوف اخواني
___
ادري بيها الخوه تبقى والربع مو كلشي هاي
مسلم وماشفت مسلم ينتظر واكف وراي
باجر التاريخ يكتب چان موقف طوعه راي
چن نهر جابت بديها مو اطتني طويسه ماي
أيس كلبي من عافوني الصحاب
حرت ياهو عليه يهيل التراب
احجي الطوعه واحجي الهاني
تتلكاني جفوف اخواني
#علي مخيلف
سوالف دافيـــــة تحجيها ألعيون
الفاكد ماي عينه أيسولف أشلون
عطش نــار سهم نام بعيونك
يعباس
........................................
سوالف بين وحـــــي الخوه والجود
من حسين شافه بــــــــــــلايا الزنود
من شافه أعله جرف الشاطي ممدود
ودم العين جامد فـــــــــــوك اللخدود
كعد يـم راسه كله
أوياك الموت يحله
لتخلينــــي وتروح
يموت المات ضله
أرد لــــــو ما أرد عنك يسألون
الفاكد ماي عينه أيسولف أشلون
عطش نار سهم نام بعيونك
يعباس
..............................................
همس بشفافه كله أنته الحسيـــن
ما شوفك تـــرى ما تبصر العين
تقرب مني سولف واعرف أمنين
ما بيه أجيك بــــــــــــــلايا جفين
أنحنى ضهره أعله أخيه
وشم ريــــــــــــحة رقيه
من أبحضنه خــــــــــلاه
وبدت تدنــــــــــي المنيه
وكله أبيش أصبر خيتك أم عون
الفاكد ماي عينه أيسولف أشلون
عطش نار سهم نام بعيونك
يعباس
...............................................
ينازع والنفس لـو سولف أيموت
سوالفهم همس صوره بلا صوت
يا أيوب صبــري وشوغة الحوت
زينب لـــــو لفتني أتموت بسكوت
أسولف سكته تدري
ما مقبـــــول عذري
لــــــو أرجع للخيام
أمشي ومحني ضهري
أجيب الماي وأرجع بيه يدرون
ألفاكد ماي عينه أيسولف أشلون
عطش نار سهم نام بعيونك
يعباس
..............................................
لــو أرجع شسولف خويه محتار
أكلهم هسه يرجع لو على الصار
وآنه أمن الخيــــم شميت ألأخبار
بكلب زينب عليـــك أموجره النار
يماي العين سولف
كلـــهم عفته ينزف
الزينب ودي الجفوف
عندي وياها موقف
ولو شافوا جفوفك بيش يرضون
الفاكد ماي عينه أيسولف أشلون
عطش نار سهم نام بعيونك
يعباس
...................................................
لحضات وبـــــدى يشهك بالانفاس
حسين أيصيــــــح ها خويه يعباس
بعدك لــــــو رحت ما ترحم الناس
شيب أرموش عيني أيسابك الراس
بعدك روحـــي شلها
وبعد لحضات أجلها
ألمصيبة لمن أنروح
زينب ياهو ألــــــها
هاي الناس غربـه وما يرحمون
الفاكد ماي عينه أيسولف أشلون
عطش نار سهم نام بعيونك
يعباس
..............................................
خادم خدمة الحسين
الشاعر
محمد الموالي
الفاكد ماي عينه أيسولف أشلون
عطش نــار سهم نام بعيونك
يعباس
........................................
سوالف بين وحـــــي الخوه والجود
من حسين شافه بــــــــــــلايا الزنود
من شافه أعله جرف الشاطي ممدود
ودم العين جامد فـــــــــــوك اللخدود
كعد يـم راسه كله
أوياك الموت يحله
لتخلينــــي وتروح
يموت المات ضله
أرد لــــــو ما أرد عنك يسألون
الفاكد ماي عينه أيسولف أشلون
عطش نار سهم نام بعيونك
يعباس
..............................................
همس بشفافه كله أنته الحسيـــن
ما شوفك تـــرى ما تبصر العين
تقرب مني سولف واعرف أمنين
ما بيه أجيك بــــــــــــــلايا جفين
أنحنى ضهره أعله أخيه
وشم ريــــــــــــحة رقيه
من أبحضنه خــــــــــلاه
وبدت تدنــــــــــي المنيه
وكله أبيش أصبر خيتك أم عون
الفاكد ماي عينه أيسولف أشلون
عطش نار سهم نام بعيونك
يعباس
...............................................
ينازع والنفس لـو سولف أيموت
سوالفهم همس صوره بلا صوت
يا أيوب صبــري وشوغة الحوت
زينب لـــــو لفتني أتموت بسكوت
أسولف سكته تدري
ما مقبـــــول عذري
لــــــو أرجع للخيام
أمشي ومحني ضهري
أجيب الماي وأرجع بيه يدرون
ألفاكد ماي عينه أيسولف أشلون
عطش نار سهم نام بعيونك
يعباس
..............................................
لــو أرجع شسولف خويه محتار
أكلهم هسه يرجع لو على الصار
وآنه أمن الخيــــم شميت ألأخبار
بكلب زينب عليـــك أموجره النار
يماي العين سولف
كلـــهم عفته ينزف
الزينب ودي الجفوف
عندي وياها موقف
ولو شافوا جفوفك بيش يرضون
الفاكد ماي عينه أيسولف أشلون
عطش نار سهم نام بعيونك
يعباس
...................................................
لحضات وبـــــدى يشهك بالانفاس
حسين أيصيــــــح ها خويه يعباس
بعدك لــــــو رحت ما ترحم الناس
شيب أرموش عيني أيسابك الراس
بعدك روحـــي شلها
وبعد لحضات أجلها
ألمصيبة لمن أنروح
زينب ياهو ألــــــها
هاي الناس غربـه وما يرحمون
الفاكد ماي عينه أيسولف أشلون
عطش نار سهم نام بعيونك
يعباس
..............................................
خادم خدمة الحسين
الشاعر
محمد الموالي
الدفن
شأقره بصلاة الدفن/والراس ما مدفون
مدفون قسم وقسم/للمثله شيصلون
مييت واصليلك
مجروح وادعيلك؟
والراس ما مدفون
++++++++
فاتن ثلاث ايام الك بالشمس باقي حسيني
ومرن ثلاث ايام الي ومچتفه چفيني
هسه آنه معروفه بسبي بس وضعك امأذيني
جسمك تركته بكربله والراس اشوفه بعيني
بتراب ثوبه رجع/وأنه اسأل السجاد
دافنمن بهالوكت/اعرف اهلنه ابعاد
اوگف اتچيلك
لو اگعد ادعيلك
++++++++
گتله ابدفنته اتأخرت گلي صعب جمعته
كلما ارفعه حاولت ماينرفع من شلته
باقي بعد منه ورحت دورت خنصر جبته
زغران ابوي الوحدي للگبر من نزلته
وهنا بدت محنتي/اشلون ادفنه حسين
لا خد اوسده بترب/لا مددت رجلين
كتله اشأسويلك
لو اگعد ادعيلك
**
للقبله اوجّه ياطرف من الحصيره واجري
حكم الدفن ما منعرف صدر وگفاه متذري
اندليته نحره من نطق وسد رضيعي الصدري
ضليت ادور عالصدر گال الصدر ضل حدري
ناشدني راسي شعجب/ماجبته يبني وياك
گتله اويه زينب بقى/يحرس بناته اهناك
وارقيه تشكيلك
لو اگعد ادعيلك
والراس مامدفون
+++++++++
اختك يبعد اختك صبح كلشي غريب ابدونك
گالولي عنك مندفن وگبالي اشوف اعيونك
تدمع اذا ضربو طفل وبرمحك ايهزونك
هسه انت ميت منأسر يحسين شيسمونك
راسك اشوفه عدل/بس جسمك ابلا روح
بثنينهن ماكو امل/مدفون لو مجروح
هسه انت بعدك عدل/عالرمح رايح وين
الفاتحه اهديلك
لو اگعد ادعيلك
والراس مامدفون
++++++++++
حته بدفنتك تختلف يالمختلف عن كلها
سكنه ورباب يسولفن ياعمل نهدي اتگلها
نقره الحمد يم الرمح والراس هوه ايحلها
وننوي الصلاة الخنصره وان شا الله يقبلها
ياخويه جرح الحبل/يلچمني وتوضيت
الكل وصله منك فرض/لميتك وصليت
دمعاتي توميلك
لو اگعد ادعيلك
والراس مامدفون
+++++++++
ياوحشه لبدرب السبي والمندفن هنياله
ياريته طولي مندفن وما شاهدوله خياله
بالكوفه وبمجلس زلم وگفوني خويه گباله
رسك ابطشته ويلتفت من سوطه بيده الشاله
تحميني وانت بطشت/وآنه استعذ بالراس
من شر سياط المتن/ومن نظرة الحراس
تسمعني واحچيلك
لو اگعد ادعيلك
والراس مامدفون
#ثائر الربيعي
شأقره بصلاة الدفن/والراس ما مدفون
مدفون قسم وقسم/للمثله شيصلون
مييت واصليلك
مجروح وادعيلك؟
والراس ما مدفون
++++++++
فاتن ثلاث ايام الك بالشمس باقي حسيني
ومرن ثلاث ايام الي ومچتفه چفيني
هسه آنه معروفه بسبي بس وضعك امأذيني
جسمك تركته بكربله والراس اشوفه بعيني
بتراب ثوبه رجع/وأنه اسأل السجاد
دافنمن بهالوكت/اعرف اهلنه ابعاد
اوگف اتچيلك
لو اگعد ادعيلك
++++++++
گتله ابدفنته اتأخرت گلي صعب جمعته
كلما ارفعه حاولت ماينرفع من شلته
باقي بعد منه ورحت دورت خنصر جبته
زغران ابوي الوحدي للگبر من نزلته
وهنا بدت محنتي/اشلون ادفنه حسين
لا خد اوسده بترب/لا مددت رجلين
كتله اشأسويلك
لو اگعد ادعيلك
**
للقبله اوجّه ياطرف من الحصيره واجري
حكم الدفن ما منعرف صدر وگفاه متذري
اندليته نحره من نطق وسد رضيعي الصدري
ضليت ادور عالصدر گال الصدر ضل حدري
ناشدني راسي شعجب/ماجبته يبني وياك
گتله اويه زينب بقى/يحرس بناته اهناك
وارقيه تشكيلك
لو اگعد ادعيلك
والراس مامدفون
+++++++++
اختك يبعد اختك صبح كلشي غريب ابدونك
گالولي عنك مندفن وگبالي اشوف اعيونك
تدمع اذا ضربو طفل وبرمحك ايهزونك
هسه انت ميت منأسر يحسين شيسمونك
راسك اشوفه عدل/بس جسمك ابلا روح
بثنينهن ماكو امل/مدفون لو مجروح
هسه انت بعدك عدل/عالرمح رايح وين
الفاتحه اهديلك
لو اگعد ادعيلك
والراس مامدفون
++++++++++
حته بدفنتك تختلف يالمختلف عن كلها
سكنه ورباب يسولفن ياعمل نهدي اتگلها
نقره الحمد يم الرمح والراس هوه ايحلها
وننوي الصلاة الخنصره وان شا الله يقبلها
ياخويه جرح الحبل/يلچمني وتوضيت
الكل وصله منك فرض/لميتك وصليت
دمعاتي توميلك
لو اگعد ادعيلك
والراس مامدفون
+++++++++
ياوحشه لبدرب السبي والمندفن هنياله
ياريته طولي مندفن وما شاهدوله خياله
بالكوفه وبمجلس زلم وگفوني خويه گباله
رسك ابطشته ويلتفت من سوطه بيده الشاله
تحميني وانت بطشت/وآنه استعذ بالراس
من شر سياط المتن/ومن نظرة الحراس
تسمعني واحچيلك
لو اگعد ادعيلك
والراس مامدفون
#ثائر الربيعي
جلجل الليل بظلامه واحنه ياحيدر يتامه
مذبحه ناسي وهلي والله حيره يا علي
والوكت بين ظلامه واحنه ياحيدر يتامه
#############
دخيلك ياعلي الليله بلايه خيام
بلا كافل عل غبره اشلون انام
شردت مرعوبه كل الحرم وايتام
انهضلي يبونه انخاك يا ضرغام
مابقه حارس للخيم بلا كفيلي والعلم
مذبحه كل النشامه واحنه ياحيدر يتامه
#############
شحجيلك يبويه من ياهي ابدي
ياوالي بس معلول ضل عندي
حادي الموت بخواني ضل يحدي
شيطفي النار يابويه وانه وحدي
انظر يبويه حالتي ابقه وحيده بغربتي
كسرو جناح الحمامه واحنه ياحيدر يتامه
##############
جفوف الكمر عباس كطعوه
والهامه بعمد يابويه ظربوه
بسهم عين الكمر ياوالي طفوه
والرايه بحوافر خيل سحكوهه
ضلت عيوني علنهر والله مشتاكه للكمر
عل ثره ينحب حسامه واحنه ياحيدر يتامه
###############
جم لوعه شاف حسين ياحيدر
من عباس والقاسم والاكبر
والافجع على كلبه والاكثر
دم طفله على صدره مطشر
والسهم صاب الطفل بعمر الورد وينجتل
والطفل خالي منامه واحنه ياحيدر يتامه
################
مصاب حسين ياحيدر شلون مصاب
عطشان ويناديني يداحي الباب
عمت عيني وبضهره شفت نشاب
شضمدنه وبجسمه الف صواب
من توجه ليه الشمر بعد شصبر ياصبر
يناجي ربه بكلامه واحنه ياحيدر يتامه
################
طبروه بوريده حسين جدامي
ابن امي بقه مرمي جسم دامي
بخيول وحوافر سحكت الظامي
ظلينه بس عيله وبلا يه حامي
مذبحه شفت اخوتي هليله ليله حيرتي
زينب اليله بلاسلامه واحنه ياحيدر يتامه
################
يبويه الليل من جلجل اخذ كلبي
حادي الشوم باجر بياديره يحدي
عفتهم بكربله كل خواني واعمري
على فراك اخوتي كل حيل ماعندي
من الجره شاب الكلب مذبحه خوتي علترب
شالو روس بلاعمامه واحنه ياحيدر يتامه
••••••••••••••••••••••••••••••••••••••••••••••••
كلمات خادم الحسين
حسن الجحيشي
#تم_بعون_الله_محرم_2022
مذبحه ناسي وهلي والله حيره يا علي
والوكت بين ظلامه واحنه ياحيدر يتامه
#############
دخيلك ياعلي الليله بلايه خيام
بلا كافل عل غبره اشلون انام
شردت مرعوبه كل الحرم وايتام
انهضلي يبونه انخاك يا ضرغام
مابقه حارس للخيم بلا كفيلي والعلم
مذبحه كل النشامه واحنه ياحيدر يتامه
#############
شحجيلك يبويه من ياهي ابدي
ياوالي بس معلول ضل عندي
حادي الموت بخواني ضل يحدي
شيطفي النار يابويه وانه وحدي
انظر يبويه حالتي ابقه وحيده بغربتي
كسرو جناح الحمامه واحنه ياحيدر يتامه
##############
جفوف الكمر عباس كطعوه
والهامه بعمد يابويه ظربوه
بسهم عين الكمر ياوالي طفوه
والرايه بحوافر خيل سحكوهه
ضلت عيوني علنهر والله مشتاكه للكمر
عل ثره ينحب حسامه واحنه ياحيدر يتامه
###############
جم لوعه شاف حسين ياحيدر
من عباس والقاسم والاكبر
والافجع على كلبه والاكثر
دم طفله على صدره مطشر
والسهم صاب الطفل بعمر الورد وينجتل
والطفل خالي منامه واحنه ياحيدر يتامه
################
مصاب حسين ياحيدر شلون مصاب
عطشان ويناديني يداحي الباب
عمت عيني وبضهره شفت نشاب
شضمدنه وبجسمه الف صواب
من توجه ليه الشمر بعد شصبر ياصبر
يناجي ربه بكلامه واحنه ياحيدر يتامه
################
طبروه بوريده حسين جدامي
ابن امي بقه مرمي جسم دامي
بخيول وحوافر سحكت الظامي
ظلينه بس عيله وبلا يه حامي
مذبحه شفت اخوتي هليله ليله حيرتي
زينب اليله بلاسلامه واحنه ياحيدر يتامه
################
يبويه الليل من جلجل اخذ كلبي
حادي الشوم باجر بياديره يحدي
عفتهم بكربله كل خواني واعمري
على فراك اخوتي كل حيل ماعندي
من الجره شاب الكلب مذبحه خوتي علترب
شالو روس بلاعمامه واحنه ياحيدر يتامه
••••••••••••••••••••••••••••••••••••••••••••••••
كلمات خادم الحسين
حسن الجحيشي
#تم_بعون_الله_محرم_2022