عمــة ما كامل عددنه بعد جانت طفله عدنه
با وعت ماكو رقيه
خل ندورها سويــه
عمه عمه
.............................................

حافيه أمشي وألتفت يمنـــــــه ويسار
وساعه ساعه أوگف أحسب بالصغار
آه من حــــــــر الشمس والرمل حار
كون ليلي ايطول مــــــــا يطلع نهار
وحشة الليل وخرابه ولا نهار ولا عذابه
ألمهم نگعد سويه
باوعت ماكو ريه
عمه عمه
...............................................

أمشي واسمع صوت ياعمه مدد
عمه أحسبينه وأنـــه كلبي أنمرد
عاينت ماهي رقيه اويـــــه العدد
الطفله تاهت قـــــــل هو الله أحد
صحت يا عمه أمانه دوري لاظلت ورانه
حيل ماضل بعد بيه
باوعت مــاكو رقيه
عمه عمه
.......................................

دورت والدنيا هنــــــدس والظلام
ياكل بروحي مثـــــل حرگ الخيام
عيني صدت عالرمح واسمع كلام
طفله ويـه الروس تحجي عالغرام
تگله بويه يالعفتني وين والمن فارگتني
ليش ما متنه سويه
باوعت ماكو رقيه
عمه عمة
....................................

رحت أركض واعثر ايجرني الحبل
جرح اليفارگ حبيبه مــــــــــو سهل
صحت يا عباس ميت لـــــــــو عدل
أنزل وحاجيني هـــــــــا يابا الفضل
حسين ما يحمل بواجي لا تگله أعله التراجي
خويه يالكلك حميه
باوعت ماكو رقيه
عمة عمة
..................................................

صحت ها يا عمــــه ليه اتقربي
وي خواتج عگـدن اخيوط العبي
أحنه نسوان وصعب درب السبي
عگب عمج بينه يحدي الأجنبـــي
عمة ضلي ويــه سكنه كلشي ماضل بس خدرنه
ثورة ضد الجاهليه
باوعت ماكو رقيه
عمه عمه
..........................................
خادم خدمة الحسين
الشاعر
محمد الموالي

الى كل خدام الامام الحسين عليه السلام الذين فارقونا ورحلوا الى الرفيق الاعلى مع وافر الدمع والاشتياق
------------------------------------

هنا گعدنه هنا خدمنه
هنا بچينه هنا لطمنه

***

يابو المجالس واللطم يابو الدمع والحرگه
يا موت گوم من اللحد مو هذا وكت الفرگه
اليختنگ من كلمة سبي جوه الگبر شيخنگه ؟
رد المجالس رادتك وتگول ماني مصدگه

رد اعله بيتك وافتح الباب
ولدك لهسه بذاك النگاب
مر بالحلم ما نحمل غياب
من كون احنه الجوى التراب

رد يشمعه ،، الفرگه دمعه
ما نسمعه ،، يله ننعه

**


حضرنه مجلس والخدم واحد يگول الواحد
صاحبنه يتأخر ؟ يجي ؟ يل بلمجالس قائد
يا صاحب الدمعه الصدگ شو صار دمعك بارد ؟
مو تدري تحضر فاطمه متگلي ليش تعاند

ذب الچفن مجلسنه حاضر
والبس سوادك شنهي باچر
رادود انته وقلم شاعر
يلحزنك امبچي المنابر

اي نريدك ،، ترفع ايدك
يلنشيدك ،، من وريدك

***


علگنه صوره لخدمتك هم بچت بويه الصوره
ما تحمل ابيات النعي البيهن خيم مجموره
بالمجلس حسين انذكر وضلوعه المكسوره
وطفله وسياط اعله المتن طفله بحقد مسطوره

موجود يمنه وگبرك هناك
تنعه اعله زينب واحنه ننعاك
يخلص المجلس خذنه وياك
ما ينحمل يلغالي فرگاك

من نذكرك ،،، هم نعذرك
جنه گبرك ،،، شنهي سرك


***

مشاية مرو هلسنه وسألونه كلهم عنك
چا وينه ابو الملگه الحلو؟ وعيونهم يردنك
ما نگدر انگلهم متت ويانه حاضر چنك
مرحوم بس بخدمتك ما ردنه خويه ندفنك

ياهيل عطرك حلى الگبور
گبرك امان لكل الطيور
مشتاگ تبچي بيوم عاشور
من ما تجينه هواي معذور

ها يخونه ،، تعب أبونه
ردنه عونه ،، ما تجونه ؟

***

تنتهي الناس ويه الدفن بس يختلف خادمهه
أم الحسن مثل الهوى و تحت التراب نشمهه
تراب الگبر ماي الورد لو نزل ميألمهه
كل روح والت فاطمه بچلمة علي نسلمهه

بليله الاولى نسوي موكب
ومنكر نگله شنهوى ونحب
خدام لكن كلشي نطلب
والجنه يم گبورنه تهب

نحب ولينه ،،، كلشي بينه
هم يجينه ،،، اي علينه

***

كلمات / رعد الفريجي

علي الاكبر ع
……… ..
مثل حال الشمس لو طاحت ابهيده
هيچ  حسين طاح ابطيحة اوليده

ما شالنه الاجدام
تيه درب الخيام 

ابطيحة اوليده
………… ..
لما شفته ..ماعرفته .. حسين لحظات وتغير كلشي بيه
چنه دمعه ..صوته اسمعه.. ابني وينه رايده اتوچه عليه

علسيف يتوچه رجع .. واعله المشي مايگدر
وينادي افزعولي بدمع .. من ايدي راح الاكبر

ناده اعل المخيم خويه لاگوني
اول مره اسمعه يصيح اعينوني

الدمع ماضمه الالثام
تيه درب الخيام
ابطيحة اوليده
… .……………
اشلون يصبر ..ليه ينظر..تعب عمره يضيع مابين السيوف
ابلايه حيله ..رف دليله .. چنه طيره ابلاي عش واعليه تطوف

من ابعيد ينظرله ويون .. لمن گرب ذباحه
يوليدي عل الدنيا العفه .. من المخيم صاحه

چنت انطر عمر عكازتي ايدينك
شلي بدنياي يبني من بعد عينك

يمه اتمدد ونام
تيه درب الخيام
ابطيحة اوليده
………………
الابنه يمه .. وشي يلچمه .. الابو يوليدي گبل ابنه يصيح
ومن يودعه.. يصير حاله..چنه ريشه وبالسمه يدولبها ريح

معروفه يبني بكل ابو .. بوليده يزرع روحه
بس اني يم زرعي اون .. يافرحتي المذبوحة

يالاكبر من انادي روحي مهضومه
شفتها بزرع روحي تاكل الحومه

گلبي بشوف الاسهام
تيه درب الخيام
ابطيحة اوليده
………………… ………… ..
من البداية .. للنهاية .. من طحت رجعت ابعينه الذكريات
اشگد چبيره ..ناده حيره ..اشلون اگل لامك يل الاكبر ابني مات

اشلون ارجعك للخيم .. يوليدي صعبه اعليه
واني ادربيها اعلدرب .. امك تناطر جيه

يا ليلى ينادي وعينه هماله
تره الرايح اوليده النوح يحلاله

كبر ما ادري چم عام
تيه درب الخيام

ابطيحة اوليده
……………… ..
ياسهرها .. وياتعبها .. الربته اعيوني خذاه مني التراب
ياشمسها ..گمت احسها .. بيه تجرح من تمر كلمة شباب

ياذي كلشي بغيبتك .. حتى الهوى الاشتمه
وياك مامقسوم اضل .. والدنيا بالطف قسمه

وسط عيني حفظتك يابعد عيني
بلكي اعل البعد رسمك يواسيني

التعب من ضيم الايام
تيه درب الاخيام
ابطيحة اوليده
……………… .
ايوب يوسف الطوگي

سبي
…… ..
بانت اجروحي .. حيره ياروحي
معذوره لو دمعچ طاح
نوب هزل نوب ارماح
حيره يا روحي
………………
ياروحي الحزن بالعين .. ما ينظم على الوادم
وشيفيد المكابر كون .. اخيچ عالرمح نايم

لمّي دمعچ يالحنينه .. واسگي اخيچ عالرمح
ونادي عگبك يابو فاضل .. صبحيت ابلا صبح

گلبچ وحزنه .. يسمع ونه

الخير من عندچ راح
نوب هزل نوب ارماح
حيره ياروحي
………………… ..
دگ بالكوفه الدمام .. والتمو يشوفونچ
عن بيت الابو امتار .. بخرابه من يگعدونچ

هذا بيت البيه اميره .. عشتي كل عمرچ دلال
اگبال تمشين اعلهزله .. ومنه يرمونچ حبال

وعينچ التهمل .. من يمر منزل

لدار الابو گلبچ صاح
نوب هزل نوب ارماح
حيره ياروحي
……………………………… ..
گبل بيبانكم للناس .. باهلها وخيرها امشرعه
نكروه واجوچ اسياط .. صارو ع الهزل فزعه

الاكل منكم هذاكه  .. جاي بالعصه عليچ
گام بالكوفه يتهدد .. ناسي ماكل من اديچ

الا اجه بفرحه .. ناكر الملحه

اگبالچ يهني الذباح
نوب هزل نوب ارماح
حيره ياروحي
……………… .
ناس اتكشخت يم ناس .. بيكم من يطگ اكثر
وحتى المايعرف السيف .. عليكم گام يتبختر

يم ابن مرجان كلها .. عيونهم نار وسهام
اتسابگو كلمن يگله .. اني حارگهه الخيام

لمن اتسمعه .. بالجفن دمعه

منهد ذاك المصباح
نوب هزل نوب ارماح
حيره ياروحي
………………………
گدام القصر والناس .. خلوچ بقصد وگفه
وانتي الچان ابوچ الحيد .. محد يوگف بصفه

عالرماح اعيونچ اتصد .. ارسومچ اتنگط خجل
بين كلها هذا و دليلچ  .. بالگمر عنده امل

بالگلب حسره .. يرجع ينطره

كلما فجر يمچ لاح
نوب هزل نوب ارماح
حيره يا روحي

ايوب يوسف الطوگي

(السيده رقيه ع تخاطب احد بنات الشام)

يبنيه ماعدكم ماي// والله انه عطشانه هواي
خليني اعرفج بيه// الگدامج انه ارقيه
≈≈≈≈≈≈≈≈≈≈≈
يلواگفه اباب الاهل تتفرجين اعليه
منج اريدآ بس طلب جيبيلي بس اميه
ريجي يبس مثل الخشب جرت نفس مابيه
يبنيه من كثر العطش ترجف تره رجليه
يبنيه انتي ابحلي// بس المهم مو مثلي
يسموني المسبيه// الگدامج انه رقيه
≈≈≈≈≈≈≈≈≈≈≈
والله انه من كثر التعب بعيوني اشوفج گوه
واظح على وجهي الظما شوفي بشفافي شسوه
بس كون ابلل شفتي مو لازم اله اتروه
شوفيني كاتلني التعب ماعندج انتي امروه
قطرة عذب مو اكثر// يچويني نفسي الينجر
من النفس مجويه // الكدامج انه ارقيه
≈≈≈≈≈≈≈≈≈≈≈
بلگوه اجرنه النفس من ريتي احس تطلع نار
يبنيه گلبج مايحن حسبيني عندج خطار
بهيكل غفينه بهل كتر يسمونها عود الدار
يعني احنه جيران من امس والجار حگه على الجار
نمنه بخرابه بلا باب// صارت وسادتنه تراب
شفنه شكثر اذيه// الگدامج انه رقيه
≈≈≈≈≈≈≈≈≈≈≈
ماننطي ماي الكم تره هيج الاهل وصونه
مو بيدي يرقيه تره ماننطي شي منعونه
باجر يجي راس برمح الخارجي يسمونه
بدو الماي على الارظ خلي تشوف عيونه
تبدونه گدام حسين// وخلو يشوفه بالعين
من الاهل وصيه // الگدامج انه ارقيه
≈≈≈≈≈≈≈≈≈≈≈
مابيدي شي حكم الاهل خلاني اسد بيباني
حكم القوي عليه تره بهذا الوظع خلاني
امنيتي اجيبنلج عذب بس الابو وصاني
صادر امر من القصر خلو السبيه تعاني
يقهرني حيل ونينج // بس انتي شوفت عينج
عيون الحرس عليه//الگدامج انه ارقيه
≈≈≈≈≈≈≈≈≈≈≈
هذا التطلبينه صعب اعفيني لا مااگدر
مجبوره اردنلج طلب من عندج انه اتعذر
التنطي شي گالو تره توگف مثلهم با الحر
بچفوفها ينشد حبل تنظرب حيل وتنجر
مثلج يظربونه هيج// مااگد الله يخليج
ينشد حبل بيديه// الگدامج انه رقيه
≈≈≈≈≈≈≈≈≈≈≈


تمت _ ازهر الزيدي

عند وصول الضعن الى المدينه
التقت العليله بزينب ع وقالت

كالت اشلونج جايه ابلا والي
ياعمه حالج اهون من احوالي
لا شايفه الراس برمح
والكمر علشط منذبح
ياعمه حالج اهون من احوالي
**
ردينه بس مامش زلم هاي اليتامه اويايه
واجدامنه بيهن وجع صار اشثكر مشايه
منصوره وامشي بهيبتي فوكي ترف الرايه
ومن القصر جاي الخبر زينب حجت لحجايه

اكعد عدل من نحجي نزل اجدامك
ليشوفك العباس ينهي ايامك
ماترهى من تكعد صفح
و الكمر علشط منذبح
ياعمه حالج اهوان من احوالي
***
مرفوع راسي بالسبي ما خايفه ومرتجفه
علكت عيني اعله الرمح بلجن يحرك الشفه
المتون صاحبت العبي والسوط ابد متعرفه
بس جرح ابو فاضل كبر والدنيا صارت صلفه

علرمح راسه وياي اعاين وامشي
جا غير رمش عيونه كايد رمشي
بعيوني شوفي اشجم جرح
والكمر علشط منذبح
ياعمه حالج اهون من احوالي

**
صح امشي وياي الشمر بس مارفعها اعيونه
جم سوك طببته ومدن والوادم ينشدونه
معقوله سابيهن واجن واهنا تغير لونه
بالفاطميات البقن سابينه ويسبونه

نسوان هاشم كلنه اجينه وياهن
واشكثر ماي تثوب بممشاهن
يغزر الماي ابلا ملح
والكمر علشط منذبح
ياعمه حالج اهون من احوالي
**
كل ظنهم يطيح الكمر هيج انتهت سالفته
واحدهم يشم الهوه ويبلع الريج بسكته
الرمح من شال النحر مجبور جان بوكته
كافلني اخوي من الزغر لاتصدك يعوف اخته

علرمح راسه وجان يمشي ويايه
سد الشمس في سوه للمشايه
النسوان خطوتها جرح
والكمر علشط منذبح
ياعمه حالج اهون من احوالي
*

من طاح ابوج اعله الثره والخيل اجت متحزمه
داست اضلوعه واسمعه يصيح بثوابج يمه
كل ضلع بيه ينكسر مايسوه ربع اللجمه
ويكلها عذريني اذا قصرت يأم الرحمه

كون من الاكيج اعله صدري الحافر
وامنيتي هاي ضلوعي تجبر خاطر
بس شحجي يلكلبج سمح
والكمر علشط منذبح
ياعمه حالج اهون من احواليي

*
عنج هواي اتاخرت عينج منشفه الدمعه
بس عفت بارض الطف زلم وجبت عليه الرجعه
اتمنيت انشده اليندفن ياهي اكثر الي اتوجعه
واعرفت من حرك الخيم جانت تغار الشمعه

والهذا احسن روحي مثل المدفون
ما احجي بس اتنفس وعندي عيون
وي موتي لو عندي صلح
والكمر علشط منذبح
ياعمه حالج اهون من احوالي
فوكي ترف الرايه

رزق مولاي بقيه الزهراء عج
زيد عدنان الزيدي

لسان حال فاطمه… ع
للرسول… ص


هـلـيـلـه تـبـجــي بـدمــه           الـفـكـد الـولـي فـاطـمـه
كـالــت شــوصــه النبـي           بـيـنـه ويـحـامـي الحمه

       
بـاخــر نـفـس رت اشـــوفــه        ونــودعـه كـبـل الـمـنـــيــــه
لاكـن لـفـونـه الـصـحــابـــه         وحـرمـونـه مـن الــوصــيـــه
لــورحـت بـس ردت اكـلـه         بـعـدك اظـل يـاهـــو الــيــــه
وصـاهــم ومـانـسـانــــــــي         لاكـــن شـــردو عــلـــيــــــه

عـتـبـت الـبـاب وحـــرك        نـنـظـلـم مـن نفـتـرك
ولـهـمـي تـبـجـي السـمــه        بـيـنـه ويـحامي الحمه
@@@@@@@@
       
يـاعـلـي الجـونـه عـلـه حــيـلــه     ومـن عـدنـه رادو مـصـالــح
بـاجـــر غــــدرهـــم يـبـيــــــن      وحـــنـه الـنـصـبــح ذبــايــح
بـلـظـلـع يـبـقـالـي اثـــرهـــــــم      ومــحــسـن اشـوفـنـه طايــح
ولـسـبـب مــن ذولــه كـــلــــــه      تـلـــفـيـنـي كــل الــنــوايـــح

جـدامـك انـــه انـصـطـــر          
هـل صـحـبـه صحبت غدر
وظــلــوع الــي مـهــشــمــه         بـيـنـه ويـحـامـي الحــمـــه
      @@@@@@@@@ 

وصــانــي انــه وسـمـعــتـــه        بــس هـايـه هـدتـلـي حـيـلـي فـاطـمـه وكــلالـي بـــاچـــــر       مـظـلـومـه يـوم الـتـجـيـلــــي سـيـفـك يـنـام ويـــغــمـــــــده       وتـحـفـظـلـي ديـنـي بـرحيـلـي مـطـبــور اشـوفــك بـديــهـــم       وهـنـاك نـشـكـي الخـلـيـلـــــي

وعـلـطـف يــزيــد الالــم               لـوسـلـبـوهـه الـحـــرم
وحـجـيـلـك الـمـلــحـمــــه             بـيـنـه ويـحـامـي الحمه
@@@@@@@@

سـولـفـلـي عـلـطـف سـوالــــــف      لاكـن بـچـه ومـاكــــــــدر
كـلالـي ظــامــي وحــبـيـبــــــــي      يـنـذبــــح يـــــم الـــنـهـــر
تـنـسـبـي عـيـالـه وحـريـــمـــــــه      وقــصـتـه الـتـحـيـر البـشـر كـشـفـلـي صــدره ارد اشـــــمــــه     يـاعـلـي ومـن الـــــنــحـــر

عـلـطـف بـچــه وعــلـحــسـن          وســولـفـلـي كـــل الـمـحـن وزمــرتـهــم الـظـــالـــمـــــــه          بـيـنـه ويـحـامــي الحــمــه     
@@@@@@@@
   
ويــن الحــسن خــل اودعــــــــه       مـسـمــوم اشــوفــه وبـديـهـم هـلـزمــره لازم تـغـــــــــــــدره        ومـن هـسـه بـيـن حجـيــهــم يـهـجـر حـجـوهـه بـسـاطـــــــه       مــاچــنـي انــه ونـــبـــيــهـــم ومـنـعـو وصـيـتـي واتــمـــهــــه       وتـفـتـرك هـــل أمـه بـيـهـــــم

ذولــه الـبـدو بـــلـــغـــــــدر       عـنـد الله شـنــهــو الــعـــذر
وهـنـاك الـي الـمـحـكـمــــــه        بـيـنـه ويـحـامـــي الحــمـه
         **

ابـــو ســلام الـجــابـــري

لأستشهاد الرسول صلى الله عليه وعلى آله السيده الزهراء عليها السلام على القبر الشريف ،،،،،

****
يم گبر الابو لحضات ودوني
اريد احچيله هاي المره بعيوني

*

اريد اوصل لابوي الطوول افراگه
واشم اتراب گبره بيوم الملاگه
يبعد التعباهه الموت مشتاگه

بقيت بلا نفس لحظه ويدفنوني
اريد احچيله هاي المره بعيوني

***


يماي تموت ليش وروحي عطشانه
وحگ شيبة لحيتك والله تعبانه
دگوم من الگبر يمك وصلت آنه

يم اهل المحنه هنانه خلوني
اريد احچيله هاي المره بعيوني

****

تعبني الدهر جيتك واريد انخاك
اذا يمك مچان احظني اريد وياك
تره الشيبني بويه شما يمر طرواك

واگلهم مي ورد علگبر رشوني
اريد احچيله هاي المره بعيوني

**

اريد الوحدي ويمك واسولف كون
واگلك من وكت اهل الوفه يروحون
يدافي الشبگه ماتت ما تگلي شلون

الهلا يطمهه التراب شلون حاچوني
اريد احچيله هاي المره بعيوني

***

اريد ابچي اعله گبرك هلبت تجاوب
جاباني حنانك بويه ما اعاتب
يحاضر بالنفس بس بالگبر غايب

صرت ام الحزن بعدك يسموني
اريد احچيله هاي المره بعيوني

***

أگلك چلمه وامشي لعالم احزاني
التفگد والد لحد موتهه أتاني
واگلك ما وفيت وهالاجيت آني

مشتاگه الچفوفك تمسح أمتوني
اريد احچيله هاي المره بعيوني


كلمات الخادم / #رعد الفريجي

واويـلاه         داره خـلـيـه
واويـلاه        سيد الـبـريـه
واويـلاه        هـاي الـرزيــه

*--------------------------*--------------------*

اللـيلـه الـكـون مـظـلـم كـلـه بـغـيـابـه
نـبـي الرحمه الـوكـف جبريل بـعـتـابـه
دمـوع العين لـجـلـه بحسره سـجـابـه
بـوداعـه الـحـزن لـيـنـه انـفــتـح بـابـه  

لـلـمـخـتـار        نـنـصـب عـزيـه

*----------------------*--------------------*

خـلـه بـكـل گـلـب نـيـرانـه والجمـره
الـلـه ايعين گـلـبـچ فـاطـمـه الـزهـره
كـسـر المصطفى يصعب بـعـد جـبـره
تـرك بـيـنه الـدمـوع الجاريـه وعـبـره

     مـانـنـسـاه        حـد الـمـنـيـه

*-----------------------*-------------------*

الـهـادي الـچـان نوره مـنـور الـسـبـعـه
رحـل والـدار ضـلـت تـلـطــم وتـنـعــه
انفجعت كلـهـه بـمـصابـه وتـهـل دمـعـه
ونـظـام الـكـون هاليله اختلف وضـعـه

   يـامـعـبـود       صـبـر الـزچـيـه

*-------------------------*-------------------*

على الـعـتـره الصحابـه اتـأمـروا بعـده
ركـضـو لـلـسـقـيـفـه ومـاوفـوا وعـده
بس حـيـدر عـلينـه الـوسـده بـالـحـده
وتسيل ادموعه حسره وحفـرت بخـده

بـالـدمـعـات      حـامـي الـحـمـيه

*-----------------------*------------------*

عـافـوا نـور ربـنـه وعـاشـو بـظـلـمـه
الگالوا صـحـابـه اهـل الـجـهـل هُـمـه
بجـهلهـم مـارعـو عـتـرت نـبـي الأمـه
حـيدر ينچتف هظمـه وشنـو جـرمـه

يـالأصـحـاب      ويـن الـوصـيـه

*----------------------*---------------------*

مـنـهـم راح يـشـكـي المصطفى الـربـه
كظم غيضه وأذيـتـه بمضامره وگـلـبـه
أنـحرفـو عـن طريـقـه وخـالـفـو دربـه
ذولـه أعـداء كـلـهـم مـا اظـن صـحـبـه

مـايـدرون        عـدنـه قـضـيـه

*-----------------------*-------------------*

✍خادم الرسول الأكرم
الشاعر رعـد الجـريـخـي

استشهاد الرسول محمد صل الله عليه وآله وسلم

يالعفتني...ورده واحلامي سراب
يالعفتني...بويــه موتـني الغيـــاب
ويــنك انته ياهواي....عازتك ذبحت صباي
يالعفتني     يالعفتني
....................................................
بويه ويـــنك يــــالخذت ويـــاك كُلشي
من رحت والعين زعلانه اعله رمشي
هــــــــا يروح العافيـــــه لاوين تمشي
ريت بويه ويـــاك كـــون انشال نعشي
يا شمعتي...روحي ما تحمل عذاب
يا شمعتي...فدوه رجــعلي جــــواب
وينك انتـــه ياهواي...عازتك ذبحت صباي
يالعفتني     يالعفتني
......................................................
وحشه بويه الدار من يوم الرحت
ويــن مـــا انــدار اشتمك كمـــت
يا محمــد يا علــي يــامـا صحت
أكفياني وبس علـي شفته وطحت
يا فرحتي...وين وداك الزمان
يا فرحتي...فاطمه بعازة حنان
ويـــنك انتـــه يا هواي...عازتك ذبحت صباي
يالعفتني     يالعفتني
..............................................................
يالعشت وياك احلــــى ايام عمري
دمعه دمعه خلصت شيبات صبري
ياحلم عمـــر الحلم لحضات تــدري
وانه من يوم الرحت مكسور ضهري
يا حسرتي...ثمنطعش عمري بجفاك
يا حسرتي...شصار لو تدري وراك
وينك انتــــه ياهــواي...عازتك ذبحت صباي
يالعفتني    يالعفتني
................................................................
يالعفتني ومن رحت نكروا وصيتك
ما رعوني الجانوا ايلبسون صيتك
عفت كلشي وللكبر اعتب اجيتك
بويه احسبني هوه وتشتمني ريتك
يا فركتك...كطعت احبال الوصال
يا فركتك...الياوكت اصرخ تعال
وينك انته ياهواي...عازتك ذبحت صباي
يالعفتني....يالعفتني
..............................
بويه وحشه الدنيا وافراكك مردني
لون ناوي تروح ماجيت وخذتني
يا حزن عمري بعد المن عفتني
صعبه اعيش وانته بويه فاركتني
يا حياتي...عمري مايسوه بلاك
يا حياتي...موتي مستعجل وراك
وينك انته ياهواي...عازتك ذبحت صباي
يالعفتني     يالعفتني
.....................
خادم خدمة الحسين
الشاعر محمد الموالي