يحسيـن وين اليوجعك دليني       
ماوجـد رماد الخيم ماذيني
هديت حيلي ياجبير السادة
من شفتك تسوي التراب وسادة
ياريت عميه ولاتشـوفك عيني
ــــــــــــــــــــــــــــــــــــــــــــــ
جيتك ركض من الخيم واجهب الخيل ولاجن
خويه وخواتك بالخيم خليتهن يتباجن
وحده اعله وحده من الركض ومنالتعب يرتاجن
وانطكــن الجانن كبل يحسين مـايتحاجن

ذني العزيـــزات ...
حركتهن النـــــار الخذتهـن غفلـه
ذني العزيـــــزات ...
عثـــرن ولا واحــد يكول اسم الله

رادن يجــن ويــاي ويشــوفنك      
 حسبــالهن ظل كتر سالم منك
لن مـايصدكن وجهك يجــافيني
ــــــــــــــــــــــــــــــــــــــــــــــ
طلعــن ربيبـات الخدر والنار تاكل بيهـن
وحاجتهن الناس الغرب يالتستحي تحاجيهن
خليتهن يم الخيم تسحك الخيل عليهن
بس ما متيهات الستر ماتن لجن بعبيهن

وصنــــي يحسين ....
كاللـــي لايحتــــرك كلبــه علينه
وصنــــي يحسين ...
خلـــي يـــــأمن مـــــانهد عبينـــه

وكاللي شوفـــي حسين بلكت يكعــــد       
 وراويـــه متونـــج بلكـــي للخيمه يرد
وكـــل وحــده اشمك كامت توصينــي
ــــــــــــــــــــــــــــــــــــــــــــــ
مهرك لفــاني وفرفحت ماوجــد الجدامـي
جم سيف مكسور ورمح سحكت عليه اجدامي
اركض وانه اربات الخدر والركض موش ولامي
نارين اطفيمـن حرت كلبك ونار  خيــامي

ياجــــرح يــــــاذيك  ...
اشرلــــي لــو مـــابيك حيــــــل حجـــاية
يــاجــرح يــــاذيــك   ...
خلينــــي اشــــــده بطــــارف العبــــــاية

ياعمت عيني عللترب متوسد       
دليني وين اليوجعك مــاوجد
وحاجيني كونك تكدر تحاجيني
ــــــــــــــــــــــــــــــــــــــــــــــ
لابيدي اشيلك للخيم ولابيدي واسكيك الماي
ولابيه اردن وحدي  ولابيك وتكوم  وياي
شلون بخواتك بلفله يحسين سولفلي بهـاي
وبس هالعباية من الخدر سويتلك بيها فياي

يـــــاخويه اغطيك ...
لــــــو بيهــــا الم الطاح من وصالك
يـــــاخويه اغطيك ...
لــــــو اظم بيهــــا من السياط عيـالك

حــاجيني بطفالك الصارت طشار      
 والسالم من الخيل مــاكلته النـار
يحسين يبن امي اعلى حــل دليني
ــــــــــــــــــــــــــــــــــــــــــــــ
ماظل وافزعلك زلم غير الحرم مــاعنـدي
واعليلك مجتفه المرض هل فازعتلك وحدي
اوكف يبعد الماعمن يــابعد حيلــي وجبدي
لاتفترش حار الرمل خلينــي احطلك خدي

خويه الرمل حار ...
لايبعــــد اختــك لاتــوسد خـــدك
خويه الرمل حار ...
يــاذيك كلش وأنت يــابس جبــدك

بهل الحال وعيونك لزينب تـربي      
 يالمالــي غيــرك لاتلــوع كلبــي
ماتهم بجروحك يبعـــد اسنينـــي
ــــــــــــــــــــــــــــــــــــــــــــــ
من جهبت خيمنه الزلم وع التل كمت حشمتك
شفتك لمــن كمت وطحت وتريد توصل لختـك
ياخويه اظن بعدك عدل وخيولهم سـاحكتك
دونــك بالخيول انسحك مت عينـي مالحكتك

متكطع اوصال ...
كـــل ماتكوم اطيـــح منك وصله
متكطع اوصال ...
وين ابو فاضل هسه روحي تحصله

خل يجي يشوف شصــار بيك وبيه    
  يطفـــي الخيــم ويرجـــع الترجيــه
ويــــم الخيـــم خـــل يكعـــد يـــوديني
ــــــــــــــــــــــــــــــــــــــــــــــ
عفيه اعلى العيون البقن ماعمن من شافنك
لـوما تـأشر من بعــد يحسين مــاعرفنك
مكطع يبعد اختك وذر ماكتر سالم منك
غيرك يبن امي النزف مـوش ابوالاكبر جنك

مـوذيـج الرســوم ...
يحسين متغيــر ودمك يجــري
مو ذيج الرســوم ...
ابـن امــي هــذا لـو متيه فكري

فرفحت روحي وبالنحر شميتك
ومــن جـرح كلبك دنكت حبيتك
خويه وسمعتك من كلتلي اسكيني

رائد الناشي

اتمنه انامن واكعد بدكت باب
هيج الصبح غفله ويجون الغياب
من عدهم املي عيوني
وانسى شكثر عافوني
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
زرعوني بدروب الهجر وردة ونسو يسكوني
والفرح هاجر ديرتي وزاعل النوم عيوني
ماادري ليش تعذرو من كلت بويه اخذوني
حسبت كل شي من الاهل ماحسبت يجفوني

راحو ولا حسبو حساب الجيه
ولاكالــو بهل دار عفنـه بنيه

كون اغفه ويفززني صوت جفوفهم
وبس اكعـد من النوم عيني تشوفهم
مـــاكلهم اذيتــونـــي
وانسـى شكثـر عافونــي
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
هـــوه اليفـاركلــه محب ليمت يــرد ســالفتـه
وانه اكظـي ليلـي الي يمر بالــوين وجــا يمته
جانو ضحكتي ومن مشو حته الضحك زاعلته
معــذور ثــاريــه الشمــع لمن يمـــوت بسكتــه

وثــاريه اليفــارك يتيه دربـــه
ومــاينسمع ويموت حجيه بكلبه

ماسولف اله وياك بيهن حالفه
للمامفارك زحمة احجي السالفة
احجــي وياليفهمونــــي
وانسى شكثــر عـافونــي
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
مـرات اكــولن مايرد ليه وحلــم ملكـانــه
مـن البيت انــه الاطلع وللبيت اردن انـــه
وادري الدرب مابي ذجر ياروحي للعافانـه
بس هوه المفارك محب بي سوله مال متانه

هو اليفارك يكضي عمره يناطر
ويلملم شمــا بيه حيل لباجـر

مــابطل وسالفتـــي بس غيــابهـم
وتغمض عيوني اعلى عتبتة بابهم
اصبر شما ينسوني
وانسى شكثر عافوني
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
مــا ايست منك بعـــد ومولمـات هدومـي
بويه وبعدني مناطره واحلم بجلمة كــومي
سالفتي بالليمت يرد بويه بصحوتي ونومي
يالمامعودني الهجر غير جفـاك رسومــي

غيرت رايك لوبعد ماراضي
وديلي طارش خل ارد اغراضي

من روحتك وانه احسب لكل ثانية
ماريد اموت اعلى الطريج متانيه
ليمت هلي يذكروني
وانسى شكر عافوني
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
يايوم اسد باب الدمع وافــرح وافارك حزني
وجفـــوف عبــاس التــدك بيبـاني وتفــززني
جمدوب اموتن كل صبح سيف الفراك يحزني
واذكر لمن سار الضعن جان الضعن عايزني

مـات الفـرح مـن راحو ومــاردو
لاخبـــر لاطـــارش لبتهــم ودو

ركدت بكــــد مــا دوم اشــم بهـدومهـم
بس لاتروح عيوني وانسى رسـومهم
ليمتهــا اكحل جفــونـي
وانســى شكثــر عــافــونــي
وانسى الجرح ذاك واكللهم طــاب
ــــــــــــــــــــــــــــــــــــــــــــــــــــــ
بثنينهــن صعبه الحلـم يتحقق بشــــوفتكـم
لاعينـي ترضه تغمض ولا تردون لبتكــم
بيبـان داري استوحشت واشتاكت لدكتكم
انذر سنيني لكل خبر بي سالفـــة جيتـكـم

راح اكتب هنا جان كلبي متاني
خـافن يــرد ظعنك وما تلكانــي

خافن يعجل مرض روحي بموتها
وعيوني شوفة وجه ابوي تفوتهــا
خافن تخيب ضنوني
وانسى شكثر عافوني
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
مو هاي هيه وماكظت سالفتي وي دروبك
الف وتسع مية جرح تجرحني شمس غروبك
واتــرس جفوفي منالدمع كل مـا اطلع ثــوبـك
خلصن بجي سنين العمر ليمت يصل مكتوبك

مـا الك نيــه تردلـي يالعايفنــي
مـــاظن ظعن مـــر بيك مــاشايفني

من كثر ما تانيتك اعلى الجاده
كالــو عباية ومو بنيه الكاعـدة
نحيلــه وتغير لــونــي
وانسى شكثر عافوني
وانسى الجرح ذاك واكللهم طاب


رائد الناشي

استشهد الامام الحسن العسكري ع
.
الحسن مضلوم واويلي
:::::-----:::::
عمت عيني يغالي حيلي هديته
على فراك وهجر لا وين تاليته
ويكلبي للدفن بجفاك وديته
الحسن فركاك عذبني واخذ حيلي
.:::::-----:::::
الحسن مضلوم يا عالم مثل جده
صبري اعليك يصعب ينوصف حده
يغايب طال صبري شكثره يا بعده
عليك ابجي نهاري ومانمت ليلي
:::::-----:::::
وصبرنه اهوايه لاجن مانفع ذره
شكثر ون بدليلي صار والحسره
كلب مكسور تدري الكلب شيجبره
على الي جان كل الوكت يوحيلي
:::::-----:::::
ذبل عود العمر والحيل مترادي
عله امصاب الامام وخلفت الهادي
عله حزني بقيت ونفس محتادي
سوالف وي وحشتي وليل تحجيلي
:::::-----:::::
نعصر كلبي مثل عصرات باب امك
اسولف بالحلم لمن خلص نجمك
يوحيلي بحلات انوم اشوف اسمك
اشوفك وي خيالي وكمت توميلي
:::::-----:::::
الزمان شلون ضالم غيير الواني
اخذ من الغوالي الوحدي خلاني
ويا دمي التعيش بوسط شرياني
ها يا عيني دم ومو دمع سيلي
:::::-----:::::
حسن صالح العيساوي

يلعلمتني العشگ
خليني اظل محترگ
يحسين كلشي چذب
بس انته صدگ الصدگ

،،،،،،،،،،،،،،،،،

يلفضلك اعله النفس من يدخل لريتي
وياك عايش ملك معروفة تاليتي
عندي ثقه بخدمتك يلمجلسك بيتي
يحسين انته الوطن يا سر عراقيتي

يلحضرتك تنشهگ
خليني اظل محترگ

يحسين كلشي چذب
بس انته صدگ الصدگ

،،،،،،،،،،،،،،،،،،،،،

يحسين اخذني وبعد لتردني لدياري
يلوصلتني الوضع احجيلك اسراري
هو انته صاحب أخو محبوبي لو جاري
حاچيني يا كل هلي والله انه ما داري

يل بلحلم تنشبگ
خليني اظل محترگ

يحسين كلشي چذب
بس انته صدگ الصدگ

*

خادم واشوفك أمل لو حزن يلفيني
لو أمي ماتت واظل محد يباريني
تحضرني انته وعلي وچفك يواسيني
وبليلي ما تبتعد بيدك تغطيني

يلصرت گلبي وتدگ
خليني اظل محترگ

يحسين كلشي چذب
بس انته صدگ الصدگ


****

دافي وعرفتك شهم ما تترك الرادك
حاميت شيعة علي وضحيت باولادك
عن اليكرهك بغض ما ينگطع زادك
ميلادي حبك صبح ما انسى ميلادك

يا حظن أم وخلگ
خليني اظل محترگ

يحسين كلشي چذب
بس انته صدگ الصدگ

***

من اوصل لكربله انسه المدن كلهه
مو تربه رب العرش بحسين فضلهه
مخلوقه من طيبته معقوله أمل منهه
غير انته بيهه وبقت هلتشبهك چنهه


مو گتلك انته الصدگ
خليني اظل محترگ

يحسين كلشي چذب
بس انته صدگ الصدگ

****

✍️✍️ #رعد #_الفريجي

#قصائد_منبريه
#الليالي_الفاطميه
مقدمة مجلس

لليالي الفاطميه
كل دموعي كوثريه
يا زهراء يازهراء
.........
من تمر اول روايه انه استعد
بالقصائد اقره وبياطور أرد
الزهره تحظر بالمجالس واعتقد
لو قريت اعليهه اسمع منهه أعد
والأعد منهه الهويه
كل دموعي كوثريه
يا زهراء يازهراء
.........
مستحيل انساهه مكسورة ضلع
عينهه امورمه وتهل دم ودمع
من كثر ما تنعصر باصعب وضع
الا لحظه اتضل كَلبه وينشلع
واشكبر هاي الرزيه
كل دموعي كوثريه
يا زهراء يازهراء
..........
هوه مو بسمار نابت بالصدر
هاي نقطه اتوضح اذنوب الكفر
وياصدر هوه وتعرض للعصر
وره الباب الزهره لا يهل الغدر
اخ يا ضلع الزجيه
كل دموعي كوثريه
يا زهراء يازهراء
...........
كل روايات المصيبه اثلاثه لا
للي انطت عينهه ازغير العطا
فدك بيهه الكاف من ال كربلا
والهه حته اهتز عرش رب السما
الهه دمعاتي الجريه
كل دموعي كوثريه
يا زهراء يازهراء
............
ثالث اسباط الأمم طاح وهوه
من عرف ضلع امه مكسور التوه
ماكسر ظل عمره شو راح الضوه
صفحه وزغيره العمر جن وانطوه
والبجي لهاي القضيه
كل دموعي كوثريه
يا زهراء يازهراء

الشاعر
ياسر العارضي

يومين إله ومگطوعه اخباره
يمكن علي شي صاير بداره
المايگطع اويانه
شأخره وماجانه......ومگطوعه اخباره
..............................................
هاي النه يومين..... ما جانه ابو حسين..... بس لا علي طايح بحيره وشده
العايش بالگلوب..... خافنه متعوب..... لو خاف واحد أخره من ولده

شما نحسبلها نحس علي يتلوه
خاف الحسن من شعل ناره اتجوه
وضل حيدر ايدور دوه لوليده
وهل بطه اعلينه وما اجه وما ضوه

عالجويه سهله ونگعد نتاني
بس خاف يطلع شي اكو ثاني
ياهو اليطمنه
شصار اويه حيدرنه... ومگطوعه اخباره
............................................
لجفوف ابو تراب.... مشتاگه كل باب.... وماردنه ذاك الخبز ردنه اعيونه
شو يبس كل ريج.... يمكن علي بضيج... بس وين الله وما تغير لونه

سولف علي مره اعله يوم العاشر
وشگد بجه من جاب طاري الحافر
روحه من هاي الدنيه الحسين ابنه
ويا سامح الله اويه الحسين شصاير؟

بس ما نسينه وحيل نذّكر
جان الحجي اعله حسينه من يكبر
مو ابنه المأخره
شنهو الكسر ظهره.... ومگطوعه اخباره
.............................................
توجعنه الاصفاح... وين الهوى راح... عايفنه ليش وجنه اغله احلامه
يخنكنه الغروب.... وكل احنه يعگوب... ليدز قميصه اعلينه كافي الثامه

يامحلى ذيج اسوالفه وضحكاته
ما جنه أمير ودوم ينكر ذاته
ضنينه يبجن زينب وأم كلثوم
وضل علي ابيته ايسكت ابنياته

السبب هذا يأخره بس ليله
ومن خوفنه حرنه شنصليله
مو طبعه يتأخر
وخفنه عليه أكثر... ومگطوعه اخباره
..............................................
هم هيجي وتصير... ويطلع علي بخير... واعياله ملتمين كلهم يمه
عدنه احنه جن عيد.... لحيدر اجه اوليد.... وضل ملتهي ايداري بلمحسن وامه

هيجي وعلي فرحان هوه واهله
ويدز علينه لبيته ونباركله
وننطي هديه بأسم كل الفقره
كاروك للمحسن خشب ناخذله

بس من حسبنه لجية اوليده
واحدنه ضل بس يفرك بأيده
ما كمّل اشهوره
واتضحت الصوره.... ومگطوعه اخباره
..............................................
ما ضل بعد راي.... وكل خوفنه بهاي..... ليگولها الله وفاطمه شي بيها
شدينه العلوگ... وجم گلب محروگ... باب الجذع مطبوگ خاف اعليها

يومين ماكلنه أمن أدين الزهره
ماكو الا غير اضلوعها متكسره
وميت علي لو عدل الله اليدري
بحيدرنه شمسويه هذيج العصره

نحس ببو المحسن ثگلت أنفاسه
وگاعد ابابه ايدگ على راسه
اسم الله اعله عافيته
خاف احترگ بيته.... ومگطوعه اخباره
.............................................
رحنه ولگيناه.... بدموعه والآه....وذاك الحطب جان اعله بابه اشكثره
شمينه عطاب.... من بيت ابو تراب... وماندري شنهو المحترگ بالزهره


من أمس يبجي وعالضلع ثاري يون
وبعيون حيدر شفنه كلشي امبين
يومين والدم أخضر وما يابس
بس الله يدري شكثر نازف محسن

شندعي اعله ذاك البجه حيدرنه
كون بمجان الزهره عاصرنه
بلگوه حاجانه
معذور ما جانه.... ومگطوعه اخباره

#أحمد #ماجد #الكلابي

ماتت أمي ،، وصار كل عمري جحيم
ماتت امي ،، وهسه گلولي اليتيم
الله وياچ ييمه الله وياچ
يمه بالله امودعه


،،،،،،،،،،،،،،،،،،،،،،،،،،،،،،،،،،،،،،،،،،

العشت فوگ متونهه ،، ما تفتح عيونهه ؟
واني يمهه وانتظر اسمع حچيهه

التعبت بتربيتي ،،، أمي يا عافيتي
ساكته ودمعي النزل بلل أديهه

يمه شو ماكو الهلا
والچفوف مسبله
هسه المعاتب حلا
يمه يمه

عايفتني الدنيا موت
آه يا جرح السكوت
الجنه نظره وياهه صوت
يمه يمه


راح كلشي من گلت يمه وبجيت
راح كلشي هسه والله انه انتهيت

العمر صعبه نشيعه
يمه بالله مودعه

،،،،،،،،،،،،،،،،،،،،،،،،،،،،،،،،،

ساكته ويمج انوح ،، انتي روحي وين اروح
لو بعد ما ننجمع يمه سويه

العايشه بألله كريم ،، الجوه رجليهه النعيم
الذبلاهه الموت راحت هاي هيه

يا حظن بعدچ دفى
ويا گلب ميت صفى
يمه اخذتي العاطفه
يمه يمه

احچي خل اشتم هوى
الظلمه تحلم بالضوى
گلبي بعدچ ما روى
يمه يمه

بس ثواني اغفه بعيونچ وانام
بس ثواني گبل ليموت الحمام

گلبي يم گلبچ نعى
يمه بالله مودعه

،،،،،،،،،،،،،،،،،،،،،،،،،،،،،،

فاهيه الدنيا وراچ ،، كون ياخذني الخذاچ
ريت ياخذني الگبر ويعوفج انتي

الدافيه ام گلب الحنين ،، الدمعه تحلى وي الونين
من اشبگچ حيل واصرخ وين رحتي


ميته وايدج كلهه امان
شابگتني بكل حنان
وين وداچ الزمان

يمه يمه

يا طبيب بلا طبيب
يمه من بعدچ غريب
راح اعيش بلا حبيب

يمه يمه

رجعي لحظه يا وطن تحت التراب
رجعي لحظه فرگة عيونچ عذاب

صوتچ ولا نسمعه
يمه بالله امودعه

،،،،،،،،،،،،،،،،،،،،،،،،،،،،،،،،،،،،،،،،،

يمچ وانحب عليچ ،،،، ميته واتغطيني اديچ
رايحه ودارچ تظل وحشه اوخليه

بارد البيت وغطاه ،، والله فگدچ يتماه
آه يا جرحچ بعد شيسوي بيه

رجعي صاحولي الوحيد
يمه بس صوتچ اريد
العيد اجانه وماكو عيد

يمه يمه

العافيه التعبت حرام
جوه التراب وتنام
يمه احبچ والسلام
يمه يمه

اعذريني ،، هواي تعبتچ يشمعه
اعذريني ،، والله صاير كلي دمعه

هسه عشت الفاجعه
يمه بالله امودعه

،،،،،،،،،،،،،،،،،،،،،،،،،،

راح اعيش بلايه روح ،، وضحكة گليبي تروح
راح كلشي بعمري يتحول جنازه

تارك اعيوني وراي ،، صدري مخنوگ وهواي
والحظن محتاج للملگه وتوازه

نندفن شوگ وعتاب
وبيتنا الحدر التراب
والمگابر كلهه باب

يمه يمه

المي ورد چلمة تعال
سوي لوليدچ مجال
يمه يلكلچ حلال
يمه يمه

ونتلاگه ،،، مثل غيمه تلاگي غيمه
ونتلاگه ،،، وتنتهي جروحي القديمه

والچفوف أمشرعه
يمه بالله امودعه

كلمات خادم الحسين
#رعد الفريجي

بِسْمِ اللهِ الرَّحْمَنِ الرَّحِيْمِ

[ عِلْوِيْتِي ]

يَا سَلْمَان مِن دِخْلَوا بَيْتِي
يَا سَلْمَان كِسْرَوا عِلْوِيْتِي

بَس تِخَيْلِ المَنْظَر غَصُب يِسْكِت حَيْدَر
يَا سَلْمَان يَا سَلْمَان

___

إِمْنِيْن أَبْدِي وْشَرْد اَسُوْلِف عَالجَرَه
زِلِم يَا سَلْمَان هِجْمَوا ضِد مَرَة
[ اِمْخَدّرَة ] اَتْحَوَّل إِسِمْهَا [ اِمْكسّرَة ]
عِفِت بَيْتِي واِسْكنِت بِالمَكَْبَرَة

يَا سَلْمَان هَاي اَصْعَب حَالَة
اللِّي تِهْوَاه اِتْكَابُل جَتَّالَه

ظِلْعِي اَحِس اِتْكسَّر غَصُب يِسْكِت حَيْدَر
يَا سَلْمَان يَا سَلْمَان

___

بَالله يَا سَلْمَان شِيْصِيْر الكَلُب
[ واُم ابُوْهَا ] اِبْوَسَط بِيْتِي تِنْظُرُب
عِشِت مَوْقِف مُؤْلِم وْكِلِّش صَعُب
بَابْنَه اِيْطُرْقَه النَّبِي اِبْجَفَّه وْيِطُب

وْهَسَّه البَاب مَحْرُوْكَ اِبْنَارَه
وْجَف يَمْنَاي يِبْجِي لْفَقَّارَه

سَيْفِي رَايِّد يِثْأَر غَصُب يِسْكِت حَيْدَر
يَا سَلْمَان يَا سَلْمَان

___

آنِي المْبَجِّي الزِّلِم ظَلَّيْت اَوِن
مِتِت جَم مُوْتَة اِبْسَبَب كِلْمَة [ وَإِن ]
اِبْشُوْفَة اُمِّ الحَسَن عَايِّش مِطْمَئِن
وْهَسَّه مِسْتَوْطِنِّي يَا وَيْلِي الحِزِن

مِن دِفْنِيْت زَهْرَة سِبَّاحِي
يَا سَلْمَان مَاتَت أَفْرَاحِي

وِالحِزِن ظَل يِكْبَر غَصُب يِسْكِت حَيْدَر
يَا سَلْمَان يَا سَلْمَان

___

يَا مُصِيْبَة اَشْرَحْهَا وَاشْرَح يَا وَضِع
كزْبُرَت إِذْنِي اِبْصَدَه كسْر الظلع
اِبْعِتْبَة البَاب اِشْعَلِت بِايْدِي الشَّمِع
أَبْجِي واِيْطَفِّيْهِن اِبْسَيْلَة الدَّمِع

بَيْش اِيْفِيْد دَمْعِي المَا يِهْدَه
وِالمَحْبُوْب مِتْوَسِّد لِحْدَه

وِالمُصِيْبَة الأَكْثَر غَصُب يِسْكِت حَيْدَر
يَا سَلْمَان يَا سَلْمَان

___

عِشِت غُرْبَة وْدَارِي وَحْشَة وْمِظْلِمَة
اِشْلُوْن اَعِيْش اِبْدُوْن شُوْفَة فَاطمَة
إِنْدَاس بَيْتِي وَآنَه حَمَّاي الحِمَة
والتّرَاب اِشْلُوْن ظَم ثَامِن سِمَة

إِسْتِغْرَاب يِصْعَب تَحْلِيْلَه
دَاحِي البَاب وِلْدَه اِتَّجِيْلَه

شُوْف قَالِع خَيْبَر غَصُب يِسْكِت حَيْدَر
يَا سَلْمَان يَا سَلْمَان

___

التِّدِّعِي الأَصْحَاب خَانَت بِالنَّبِي
وْمَا رعَوا حَق الوصِيَّة اِبْمَنْصِبِي
مِن وَرَاهُم يِنْذِبِح جَم طَالِبِي
واِبْسَبَبْهُم تِمْشِي زيْنَب للسَّبِي

كِلْشِي اِيْهُوْن سَلْمَان اِعْلَيَّه
بَس اِشْلُوْن زيْنَب مَسْبِيَّة

كَلْبِي حَيْل اِتْمَرْمَر غَصُب يِسْكِت حَيْدَر
يَا سَلْمَان يَا سَلْمَان



الحمد لله والشّكر والفضل والمنّة
[ هَذَا مِنْ فَضْلِ رَبِّي ]
بركّات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
#حيدر #الموسوي

ماتت امي واماتت البسمه عله شفتي
ماتت امي وعاشت بـــــــخدي دمعتي
امي الله شكد يحبها راحت الطيب الكلبها
₩₩₩₩₩₩
امي ام كلب الحــــــــــنين الماكو منها
وانه ادعــــــــــي الله لا يحرمني منها
ماتت وظــــــــــل عايش بيتي حزنها
ابنص لحد نامت الجنت اغفه بحضنها

وين لكه مثل امي ام كلب البيض
الام حنينه ولو مشت صعبه تعوض
الفرح داري ما جهبها راحت الطيب كلبها
₩₩₩₩₩₩
انه زينب يتمــــــــتني امـــــــي بهل ناس
ولا تلوموني لون صــــــــــار ابيض الراس
ماكو مثل امــــــــــي مره وعيون عباس
امي ام جلمت الحـــــلوه الكلها احساس

امي شمعه ولزمن طفه ضواهه
وعفيه كلبي لهسه ماميت وراهه
الكبر عن عيني حجبها راحت الطيب كلبها
₩₩₩₩₩₩
اتموت حسره البــــــــنت اذا عافتها امها
ويوم عن يــــــــــوم ايتكاثر والله همها
روحي افكد امــــــــــي زاد اهواي الامها
ماتت ومــــــا مــــــــــات بعيوني رسمها

راحت امي وبس صورهه بداري ضلت
وبجفاهه روحي مـــن ونيني ذبلت
روحي ماهود نحبها راحت الطيب كلبها
₩₩₩₩₩₩
امي انه الخلــــــــــصت بالهم عمرهه
امي انــــــــــه الغافي بسمار بصدرهه
امي بين اعيــــــــــوني اتمنه كبرهه
راحت وما راح مــــــــن بيتي عطرهه

لمي بالدار ويــــــــن ماروح الكه ذكره
ثوب امي ترد روحي من اشم عطره
الله يلعن من ضربها راحت الطيب كلبها
₩₩₩₩₩
ايئمن ويطمئن امــــــــي الجاهه الخايف
امي يحجايـــــــــت هله بحلك المضايف
ربت مو بقـــــــصور امـــــــــي بالصرايف
تسولف وي الله امــــــي مملوحت سوالف

امي انه اشكثر متروسه محنه
بيها اشمن ريحت الله وعطر جنه
وماترد لي طلبها راحت الطيب كلبها
₩₩₩₩₩
هلله هلله بمك التعــــــــــبت عله ارباك
يامه تعبت يامـــــه سهرت الجل عيناك
انت هــــــــم اتعـــــب عليها انه ارجاك
من تموت امــــــــك بعد ماتسوه دنياك

ما تجازي لا تعــــــــبها ولا سهرهه
عدهه انت اغلى حتى من نضرهه
والله مجازي تعبها راحت الطيب كلبها
₩₩₩₩₩
#حسين #عبد #الزهرة #الدراجي