Telegram Web Link
غمضت اعيوني  راح يشيعوني
يم النعش اسمع ناس
بشروني ماجه العباس
****
غمضتهن وحده وحده اعيوني الثنين
وچنت منتضره ابوفاضل ويه الحسين
ب الله شنهي العطلاهم خاف ناسين
بل دمع ارسم صورهم صارلي اسنين

سلتني الغربه        فرگتكم صعبه
خنگت عبرتي الانفاس
بشروني ماجه العباس
****
انشال نعشي بلايه دمعه وناس يبچون
والمتون الشايلتني غربه المتون
وين اخوتي البل شدايد مايقصرون
يازمن ليش الردتهم مايضلون

كلش مهضومه.   منهم محرومه
بل خوه حسيت احساس
بشروني مااجه العباس
****
الجره عليه يوادم ماجره وصار
الحزن حسيته بيه مگدراگدار
اليمته اضلن يابوفاضل گلبي محتار
من الشماته ابروحي احسن تشتعل نار

محدشيعهه   خلي انودعهه
النعش مابي حراس
بشروني ماجه العباس
****
الشماته اتريدفرصه حته تلجمني
كيفومن ابوفاضل چفه مويمي
مادرو دم ابوفاضل يمشي وي دمي
وفوگ جفني ارسم اسمه بدمعه وي اسمي

مشتاگه الچفه.     نتفارگ وسفه
الخوه يمك تنقاس
بشروني ماجه العباس
****
امنيتي احس وياي ميته وتكسرالخاطر
وجبت عمري امتانيتكم ونطرالباچر
ومنكثرماصحت خويه النعش حاير
لچن ماخلتلي ملگه ليلت العاشر

ماتوخواني.    وكبرت احزاني
بحافرجثثهم تنداس
بشروني ماجه العباس
****
انه خويه اشوايت الله من يدفنوني
كون مثلك بل حوافر هم يسحگوني
ولسهام اطيح فوگي وتنطفي اعيوني
ونطحن بل رمل مثلك مايشوفوني
خلصن ايامي _ ماتن احلامي
يل خوتك رفعت راس
بشروني ماجه العباس
****
سلام البهادلي
الله وياج يعمه الله وياج
**
عمه الله وياج روحي والله ويانه
ارتاحي عمه بموتج انتي حيل تعبانه
الموت اهون لليفارگ اهله واخوانه
انتي من زغرج گضيتي الدنيه حزنانه

ماانساج  يزينب ماانساج
الله وياج يعمه الله وياج
**
انه اهيل اتراب گبرج واذكر ايامج
الموت راحه وجان هوه اول احلامج
بياصبر عشتي واخيج مات گدامج
وبالبراري اگبال عينج  حرگو اخيامج

اظل انعاج يروحي اظل انعاج
الله وياج  يعمه الله وياج
**
راح نص عمرج حسافه بصعدت التله
ومات حيلج من صعدتي ناگة الهزله
المنكسر ضهره اعله اخوته موته اليعدله
مرت اعليج المصايب كلهه موسهله

يافرگاج فت گلبي يافرگاج
الله وياج يعمه الله وياج
**
من هذيج الركظه عالتل كبرن اسنينج
من صعدتي ومن نزلتي شيبت عينج
حيلج انهد وانكسرتي بموتت احسينج
شكثر ناديتي يخوتي ومحد يعينج

ميته الكاج حزينه ميته الكاج
الله وياج يعمه الله وياج
**
نزلت نعشج الگبرج گوه ياعمه
ارد اودعج وبلساني تعثر الجلمه
ارد اهيل اتراب گبرج خايف ايلجمه
صعبه البنادم يودع  بالگبر حلمه

اترجاج مريني اترجاج
الله وياج يعمه الله وياج
**
محمد خضير الزيدي
#بضعة #فاطمة
.
أنتي بضعة فاطمه
عالمــنايه معلـمه
يالعقيله

.
.
يا الهــي خلي عمري ابگـــد عمـر نوح
حــتى أندب عالعقـــيله بدمعه وجروح
خلـــي بتــراب المجالس دمي مسـفوح
حتى عطر الخدمه يبقى بدمعتي يـفوح
.
ما توفـي دمعتي
ولاجروحي وعبرتي
يالعقيله

ـــــــــــــــــ ❁ ❁ ❁ ـــــــــــــ

يــا أذان الله التـــــرتل برض الطــفوف
ياجــرح يمشي اعله طوله بين الصفوف
يرتــجز هــل مـن مبــارز وين السيوف
ينزف وكــل گطـره منه تـخـضر أچفوف
.
يمچ الهــم ينجلي
فزعتچ فـزعة علي
يالعقيله

ـــــــــــــــــ ❁ ❁ ❁ ـــــــــــــ

ردت اعلــيچ الـــرزيه ودفــعة البـاب
ويلــي باب الغــاضريه چم ضـلع صاب
يوسفچ دامي وقمـيصه مخضب اخضاب
سحگــت اعليه الحـــوافر فـوگ التراب
.
نحره يتـنفس ذبح
بي الف طعنة رمح
يالعقيله

ـــــــــــــــــ ❁ ❁ ❁ ـــــــــــــ

موقــفچ يــوم الـــرزيه حير النــاس
بهيبتچ تمــشي اليـتامه ابلايه حراس
زينب الـما عنده زينــب ستره ينداس
شلــتي هم الدنيا كلها وصـرتي عباس
.
انتي سبع الگنطره
هــا يحــرة حيدره
يالعقيله

ـــــــــــــــــ ❁ ❁ ❁ ـــــــــــــ

الله كلم موســى نـــدري بجانب الطور
وأنتـي ارســلچ رســاله بذبح النـحور
هالـــدمه الطـــاهر يــزينب لابد يثـور
ينهــض الهاي المهــمه المهدي مذخور
.
بيده سيف الزلزله
يطفي جمــرة كربله
يالعقيله

ـــــــــــــــــ ❁ ❁ ❁ ـــــــــــــ

ساكــته وصمــتچ تكــلم حكمه واسرار
ما نطــقتي بــس نظـــرتچ نظرة أحرار
بحضــرتچ أخــرس يـزيد وفكره محتار
يستــمع منـــچ بـــلاغة حـــامي الجار
.
أنتي أقدس مدرسه
يا هــوه الاتنـــفسه
يالعقيله

ـــــــــــــــــ ❁ ❁ ❁ ـــــــــــــ

النـــهر يـــوم الـــرزيه قـصر اهـــواي
مـا زحـف صــوب الـمخيم ضيع الراي
توسل ونـال الشــفاعه بدمعـــتچ هاي
واصــبحت لعـنة يــزيد بشربة الـماي
.
وآنه الوذ بدمعتچ
يالحــزينه وعبرتچ
يالعقيله

ـــــــــــــــــ ❁ ❁ ❁ ـــــــــــــ


حسن الموالي الفاطمي
اويلاه يابو الرضه
اويلاه يابو الرضه


شيعتــــــك جينه انودعك
ونجري الدموع لمصرعك
ويه الزجيه انشيعـــــــــك
وشايله اعلام الرافضه

الله يســـــاعد فاطمــــــه
جيدك تشوفه ايصب دمه
وسيكانك المتهشــــــــمه
ونتهه دوّت بالفضه


الزهره ابعباهه غطّتك
ابعيرة كلبهه نادتـــــك
يل فطرالسم جبدتـــــك
والسجن جسمك رضرضه

تنعشه وتنشدك يالولد
من وسدت عالغبره خد
ياهو اللي عد راســــك
وجفنك يوالي غمضه

مسجون كضيت العمر
تبجي اعله ضلعي المنكسر
وتبجي اعله عمتك والخدر
واتحملت جمر الغضه

ليلك يوالي من يجن
تنظر لحيطان السجن
وترسم خيام ام الحزن
وضيعت بنات المرتضه

ترسم جسد فوك الترب
متغسل ابدمه اليصـــب
وعماتك ابين الغـــــرب
خصمك جدمهن ركضه

بجفوفك اتصد للحبل
وتذكر رقيه والهزل
ودمعة يتمهه اللي تهل
حادي الضعن سار ومضه

طاموره سجنك ينوصف
لاجن بناتي انته اتعرف
سكنن خرابه ابلا سكف
يتجون ابحر اللضه
......
احمد الهلباوي
غريب اعله الجسر وين اليشيعونه
وين اهله وعمامه خل يحضرونه
.....
المن هالجنازه الماوراهه صياح
ماواحد عليها بلهفه ون أوصاح
گضاه العمر بالسجن مامرتاح
امام الرافضه بسجنه ويعذبونه
..
عادات العرب لومات خيرها
بدموع الجنازه كلها تحضرها
بـ صياح ودمع تجبر خواطرها
وحماميل اربعه الكاظم يحملونه
....
هاشم وين عنه خل تصيح الثار
حديد السجن طابع عالجفوف اثار
من السم جبدته تلتهب بالنار
يا فرسان هاشم ماتگصدونه
....
تعنه ابنه الرضا ومن دم تهل عينه
ولسابع سمه واصل تره اونينه
بعد عينك يبويه من يضل لينه
وبهاي المصيبه تهمل عيونه
...
يل المسموم ابنك غسلك بيده
وبس حسين ضل عريان بالبيده
ثلث تيام بالحر واهله ابعيده
ضعن بالغربه والعدوان يحدونه
.....

علي محسن الفرطوسي
لسان حال السيده الزهراء ع مع ولدها الكاظم ع
……………………………………………………………

كـل اليغمّض عـينه مـن ولدي
من گبري اجيه ودمعتي ابخدي
بيّه الحزن  سار اليوم
لبني الغريب المسموم

……………………………………………………………

سبحه واطشر خرزها . ولدي طشو عالبريه
بالبقيع اكضي نهاري . وليلي بارض الغاضريه
حزني صاح اعليه يله . گومي يالزهره الزجيه
سابع انوارج طفوها . امشينه للارض الكاظميه

يالزهره ابنج هل كضه نحبه
مثل الحسين وغربته غربه
هدهد و اجيتج بعلوم
لبني الغريب المسموم

……………………………………………………………

ليه وصلت وشفت جثه  .  سمهم امسويها صفره
عيون مفتوحه اعل اهلها.ابدمع غربه وبگت حمره
والحديد امغطي جسمه .امن الرجل واصل النحره
اسياط هم ردت عليه   .  شفت اثار اعل ظهره

دوم السياط  اتورّم ابچبدي
امس الشمر واليوم اجه السندي
ظل كلبي منهن ملجوم
لبني الغريب المسموم

……………………………………………………………

مثل ضلعي انكسر گلبي . شفت طامورة عذابه
هندس مزاعل ضوه الله . ما فتح للنور بابه
ابلا افراش ولا حصيره . يبني كاعد عالترابه
يبني هالطاموره كلش . تشبه الذيج الخرابه

و اثنينهن  جرحينهن بيه
جرحك وجرح ابنيّتي ارقيه
و عليه كثرن الهموم
لبني الغريب المسموم

……………………………………………………………

يمه يا كاظم و نعشـك . تكـسر الخاطر طلعته
امحنبه والزم ضلعي بيدي.على الراس الطم تبعته
بيد حمالين صارت   .   مو ابچف هاشم رَفعته
وحشه لا قاسم اليمشي . ولا رضا اليهمل دمعته

يايمه حتى ابموتتك وحشه
عصرتني شوفة عالجسر نعشه
جن عصرتي ونار الگوم
لبني الغريب المسموم

……………………………………………………………

جنها بسمار الذبحني . عالجسر چلمة طبيبه
ما اله ناس وعشيره .  تنهض الثاره و تجيبه
يا طبيب وگومه هاشم . اهل بيت الله وحبيبه
بين سم وغدر خلصو . لو جثث ظلت سليبه

كلمة (وإن) نهج اصبحت ليهم
هارون ظالم طالع اعليهم
من السقيفه التعلوم
لبني الغريب المسموم

……………………………………………………………

يمه يا راهب سلفنه . اتغسلت والچفن حاضر
يمه جسمك باقي سالم . ما خذت منه الحوافر
و لا ثلث تيام عاري  .  بعازة اليدفن تناطر
ولا على النوگ الهزيله . الك ما صعدت حراير

معصومه بين الاهل محميه
لا حر جمر لا جرح ترچيه
ولا طفل بالدم مفطوم
لبني الغريب المسموم

……………………………………………………………
✍️ ( سيد خضر الزاملي )
خواطر


شور


يا غريب   يا غريب


فاطمه ام الصبر       للنعش تتنظر
الكاظم ابلا اهل      وبقلبها جمر


ضل قلبها بحيره       والدمع تفسيره
لا اهل لا ديره


وحدها واتانـي الغريب الغالـي
وهيه غـريبه منهد روح الوالـي
ياهو اليشيع نعش موسى الكاظم
مكتوبه بيه الغربه يا دلالالي

يا غريب   يا غريب
……………………………………………

فاطمه اعله الدرب     والدموع التصب
بيا ذنب بالسجن        والدلي يا قـلـب

تنتظر واليها      والاحزان البيها
والالم ماليها

مثل العليه فاطمه المعصومه
من تنتظر يرجع خبر بعلومه
يعقوب صارت تنتظر بس ريحه
لو رادالي قطعه الي من اهدومه

يا غريب   يا غريب
……………………………………………

حزن ام الحسن       من جرحها الزمن
بلا محمد صفت      انعادت بهالمحن

باليتم مكسوره      والجفن بي صوره
من ابوي ونوره

مثل الزجية فاطمة الحزنانه
اخت الرضا ضلت اله حيرانه
ياغربه الكاظم تندبه وتبجي
ولشوفك العين البقت عطشانه

يا غريب   يا غريب
……………………………………………

انعادت المعظله        جن جرح كربله
هنا رقيه بجت            هنا حزن عايله

ماتت اعله ارسومه      وفاطمه المالومه
ماحضيت بيومه

ما شفت ابوي ولا شفتها اعيونه
ضل بالسجن وادموع اليحبونه
بطاموره ضلمه مگيدين اجدامه
كال الفرج بالجمعه ينتظرونه

……………………………………………

شيعتك بالعجل       امتانيه هالامل
هذا يومك لجن        من السجن للاجل

فاطم اتانيها      هالجنازه البيها
والقلب ياذيها

وصلت جنازه واربعه يحملوها
سجانه بانوا هم الي يشيلوها
ابن الحسين الكاظم يسمونه
والغربه مو اهله الذي يشيعوها

……………………………………………
#زين العابدين الشمري
شيبني السجن ولحبابي احن
خلصت عذاب اسنيني
*
بالسجن كظيت ياخلك عمري
للأهل مشتاك وعبرتي بصدري
صوطه سجاني تكطع بظهري
والزم امتوني ودمعتي تجري

من صوطه طحت ويابويه صحت
ظهري شكثر ماذيني
*
سجن ابن شاهك شفت بيه الويل
تعذبيت اهواي وحته ماظل حيل
تكثر اجروحي من يجيني الليل
وتهتز الحيطان من اونن حيل

مجروح المتن وكاتلني السجن
حن السجن لونيني
*
غربت اسنيني خضرت دمعه
ولو مشه الغالي كلي شيرجعه
الفاركونه اعزاز وراحو بسرعه
شيعتي كَلهم الموعد الجمعه

مشتاك شكثر لحباب العمر
خل شيعتي اتانيني
*
الشيعه منتظره جيت الغالي
من بعد غيبه وحسرت اليالي
اربعه جابوه والنعش عالي
عالجسر خلوه مكيد الوالي

مسموم الولي ياشيعة علي
وين الأهل حاجيني
**
موسى للمحتاج فاتح اجفوفه
ومن أبو طلبه أطلب وشوفه
مايرد حاير وهايه معروفه
هذا أسد بغداد خيره لضيوفه

المد أيده وطلب يترسها ذهب
الكاظم ترس جفيني
****
دك باب المراد ودخل بهمك
باب الحوائج يالكاظم اسمك
وآنه يامولاي حاجتي يمك
تكظيها احلفك بفاطمه أمك

بدمعت فاطمه وبحامي الحمه
جيتك دمعتي بعيني
****
تمت
#ميثم #العمري
مو على اگيود وسجن دمعاته
ما نسـه الكـاظم  ابــد  عـمّاته

………………………………………………………………..

اتودعه معصومه ابمدامع حايره
انعرضت أگباله العليله الطاهره
عل درب تگعد لبوها اتناطره
ابذكرياته الليل تبقى مساهره

دوم مشتاقه لدفو احجاياته
مانسه الكـاظم ابـد عـمّاته

……………………………………………………………..

الكاظم وفروه من سجن السجن
هم سبي ولا واحد اعليه اليحن
وبخياله اتعيش دوم ام الحزن
يذكر السوگ ويظل يدمي الجفن

على زينب يشمر حجاراته
ما نسـه الكاظم ابد عـمّاته

………………………………………………………………

ليل ونهار الدمع عالخد يهل
هالحديد ايذكره بجتاف الحبل
وحده من وحده الحبل فوك الهزل
كلهن ايطيحن اذا مال الحِمل

خشن وصلت للعظم شدّاته
مانسـه الكاظم ابـد عمّـاته

……………………………………………………………

سجن وحشه وليل ما شايف كمر
باله راح الليلة الحادي عشر
حرم بالهيمه و رعب صار السهر
زينب ادير ابوجها اعل النهر

وين ابو فاضل يجي الخيّاته
ما نسه الكاظم  ابـد عمّاته

……………………………………………………………

السندي مثل الشمر عار ابلا نسب
يجرح الكاظم بسم فاطم يسب
سوط نفسه ونفس متن المنضرب
سوط و لـ أم الحسن كاسر گلب

اشد من كسر ضلع ضرباته
ما نسه الكاظم  ابد عمّاته

………………………………………………………………

ابلايه فرشه وعل ترايب كعدته
للخرابه اتذكر وهل دمعته
امترّبه ايشاهد عباية عمته
يذكر ارقيه و ابوها الشافته

الراس لبنيته وشبح نظراته
مانـسه الكاظم  ابد عمّاته

………………………………………………………………
✍️ ( سيد خضر الزاملي )
هالكــون أبتشــر ---- ميــلاد الــگمـــر
يــا أبــا الفضــل يــا أبــا الفضــل

•••••••

هاليله ميـــلاد الگمـــر والغيـــره والنومــــاس
هاليله شمعات الفرح تضـوي ابصواني الياس
هاليلـــه أمـــلاك السمـــا متعنيه بالاحســــاس
گصـــدت لحيدر هنته فـــي مــــولد العبــــــاس
وبهذا الشهر ----- ميلاد الگمر
يا أبا الفضل - يا أبا الفضل - يا أبا الفضل

•••••••

بميلاده فرحـــانه الشمس مــن نوره مكســـوفه
والگمــر مـــن نور الگمر ما خذهن احـــروفه
وحيدر علـــي ابفــــرحة گلـــب قبلهن أچفــوفه
مـــن حگه لـــو راح الگلــــــب للمرقد يطوفه
وبالحضره اعتمر .... ميلاد الگمر
يا أبا الفضل - يا أبا الفضل - يا أبا الفضل

••••••

مــن زغــره والـرايه ابفخر حيدر علي انطاها
والگمـــر بچفوف البخــــت بالغيـــــره هزاها
لليـــوم هالـــرايه بقـــت عالگـبــه تلگــاهــــا
بچفوفــــه ثبتها الگمــــر مــــا ينحني الــواها
ترف طول الدهر ...... ميلاد الگمر
يا أبا الفضل - يا أبا الفضل - يا أبا الفضل

•••••

بحروفـــه مـــزروع الوفه ما بين كــل حــــرفين
مكتوب اسم زينب شرف مزروع وســــط العين
لــــو گلت عباس الگمر معنـــاه اگـــــول حسين
وين اليشبها بهل الخلگ بس گلي يحصل وين
ما مثله بشر .... ميلاد الگمر
يا أبا الفضل - يا أبا الفضل - يا أبا الفضل
••••••

لـــو ضاكــــت الدنيا أبقهر والحاجه متعسره
لباب الحوائــــج اعتني واگصدلـــــه للحضره
يگضيها كـــل حاجـــه الك بس حلفه بالحــره
مـــن عنده تاخـــذ حاجتك والفرحه والبشره
يرد ابكل فخر ..... ميلاد الگمر
يا أبا الفضل - يا أبا الفضل - يا أبا الفضل

**
الشاعر
موسى البديري
2025/07/06 02:35:32
Back to Top
HTML Embed Code: