چیرۆکی پیاوێ

فەرش چنێ
هەتاکوو مرد
فەرشی چنی و گوڵی چنی.
بەڵام ئاکام:
نە فەرشێکی هەبوو بۆ خۆی
نە کەسێکیش
گوڵێکی خستە سەر قەبری!

#شێرکۆ_بێکەس

لە هەرچی جوانە جوانتری

#ئیسماعیل_محەمەد
#باست_حەمە_غەریب

تۆ بەڵێنم پێ بدە تا من بەرەو ژوان ببمەوە
بمدەیە ماچێکی تەڕ لەو لێوە، با جوان ببمەوە
دەستی لەرزۆکم هەتا تێیدایە هێزی بەی گوشین
لێم گەڕێ تاوێ لە باخی سینە میوان ببمەوە
شەنگەبێری بسڕەوە فرمێسکی بێ شوانی ئیتر
ڕەنگە هێشتا لەو چیا و زۆزانە بۆ شوان ببمەوە
من گوڵی سەر گۆڕی ئاواتی لەمێژینەم بەڵام
ڕێژنێکم لێ بدا پێم وایە بۆ ڕوان ببمەوە
شێخی سەنعان بۆ کچی گاور لە ئیسلام وەرگەڕا
من خەریکم بۆ کچە شێخێ پەژیوان ببمەوە


#هێمن

کۆتا دێڕەکانی شیعرێکی درێژی #دڵدار

پەڵاشێ وام کە هەر ساتەی لە گۆشە یا کەنارێکم
بەشەو سەرخۆشو مەستی جامی قەهری ڕۆزگارێکم
سەبر دەرمانی دڵ ناکا کە من پەیوەندی یارێکم
لە دەرگانەی وەفای هێشتا هەژار و لێوبەبارێکم
گەلێ دوورین لە یەکتر ئەو لە بارێ من لە بارێکم

هاتمه چایخانە تا ببمەوە بەو مرۆڤەی شەش
هەستەکانی هەر یەکەو لە شوێنی خۆیانن...
یەکێک لە چێژە بەئازارەکانی خۆشەویستی
ئەوەیە هەستەکان لە شوێنی خۆیاندا نامێنن،
بۆن دەچێتە شوێنی تام،
یان بە پێچەوانەوە...
دەستلێدان دەچێتە شوێنی بیستن،
یان بە پێچەوانەوە...

#تەڵعەت_تاهیر

یەک ڕەنگم و بێ ڕەنگم و
ڕەنگین بە هەموو ڕەنگ
بەم ڕەنگە دەبێ
ڕەنگ ڕێژی عیشقی حەقیقی!

#نالی

ئەی یار
سەیرکە هەرگیز
لەگەڵ موعجیزەکاندا کۆنابینەوە!

بەشێک له #قەسیدەی_عەشق

#بەختیار_عەلی

بەیانیانی هەینی..
بەدزیەوە بچۆرە سەر گۆڕی باوکت.
مردووەکان جوانیت ببینن،
بەو خەفەتە دەمرنەوە کە لە زەمەنی تۆدا نەژیاون !

#تەڵعەت_تاهیر

خۆشم دەوێی خۆشم دەوێی سەد بارتەقای دووریی ئاسمان!

#پەشێو

گەر لە پەردەی نازەوە ئاوازی تۆ بگرێتە گوێ
بولبولی شیرین زوبان مەیلی غەزەل خوانی دەکا

کەس نییە ئەو شۆخە حاڵی کا لە سۆزی ئاتەشم
وا ڕەزا دیسان لە عیشقی هەر غەزەلخوانی دەکا


#شێخ_ڕەزای_تاڵەبانی

من گومان لە یەقینە و
قینم لە ئەوین هەستاوە
ئەوە نییە تۆ ڕۆیشتوویت و
ژیان هەر وەکوو خۆی ماوە

#نەدیم