3, ቂል አይሙት______________

እንዲመርቁት🦁
እንዲያጫውት🐮
እንዲያሙት🐷

4, ቀዶ ያለበሰ______________

ችግር ያልቀመሰ🐦
ንብረት ያልወረሰ🐤
ቆርሶ ያጎረሰ🐣

5, ሸኚ_____________

ቤት አይገባም🐺
ቤት አያደርስም🦋
ቤት አያድርም🐔

💥አባ ክፉ ለራሱ💥

በአንድ የገጠር መንደር ይኖሩ የነበሩ አንድ ቄስ ነበሩ። እኝህ ቄስ ዘወትር ትምህርት
ሲያስተምሩ ብዙ ጊዜ ደጋግመው የሚናገሩት ጥቅስ ነበራቸው ይህም ”ክፉ ለራሱ ደግ
ለራሱ” የሚል ነበር። ይህንንም ጥቅስ አዘውትረው ከመናገራቸው የተነሳ የመንደሩ ሰው አባ
ክፉ ለራሱ በማለት ይጠሯቸው ነበር።
በዛ መንደር ትኖር የነበረች አንዲት ሴት ነበረች ይህችም ሴት በክፋት የተሞላችና ቅንነት
የጎደላት ሰው ነበረች። ብዙ ጊዜ አባ ክፉ ለራሱ የሚያስተምሩትን በደስታ አትቀበልም ነበር።
እንደውም አልፎ ተርፎ እኝህ አባ ክፉ ለራሱ የሚያስተምሩት ስለ እኔ ነው እያለች ታስብ
ነበር። ከእለታት በአንዱ ቀን ማኅበር ደግሳ ቤቱ በእድምተኛ ተሞልቶ ነበር። አባ ክፉ ለራሱም
የግብዣው ተካፋይ ነበሩ እሳቸውም ከህዝቡ ጋራ ሲበሉ ሲጠጡ ነበር።
በመሃልም ተነስተው እንደልማዳቸው ትምህርትን ማስተማር ጀመሩ። በትምህርቱም ውስጥ
ብዙ ጊዜ ልጆቼ ሆይ ክፋትን በሰው ላይ አታድርጉ ”ስራ ለሰሪው እሾህ ላጣሪው” ነውና
እያሉ ህዝቡን በምሳሌ ያስተምሩ ነበር። በዛን ጊዜ ይህችም ሴት አሁንም እቤቴ ድረስ
መጥተው ስለ እኔ ክፋት ያወራሉ ብላ በቁጣ ተነሳች። እኝህን ቄስ መግደል አለብኝ ብላ
ወጥመድ አዘጋጀች። ይኸውም በአገልግል ውስጥ እንጀራ በመፈትፈትና በኮዳ ጠላ
በመቅዳት መርዝ ከጨመረች በኋላ ስንቅ ይሁኖት ብዬ እሰጣቸዋለሁ ብላ አሰበች።
በሃሳቡም ተደሰተች እንዳሰበችውም ልታደርግ ወሰነች። አባም ሁሉን ካደረሱ በኋላ በሉ
ልጆቼ መንገዴ እሩቅ ነውና ሳይመሽብኝ ልሂድ ብለው ተነሱ። በዚያም ጊዜ ያቺ ክፉ ሴት
ተነስታ ያዘጋጀችውን ስንቅ ይሁኖት ብላ ልትሰጣቸው ስትዘጋጅ እሳቸው ግን አሁን በላሁ
ጠገብኩ ከዚህ በላይ አያስፈልግም ቢሉም እሷ ግን በግድ አይሆንም በማለት ሰጠቻቸው።
እሳቸውም እግዚአብሄር ይባርክሽ ለእኔ ደግ እንዳሰብሽ ብለው አመስግነው ጉዟቸውን ወደ
መንደራቸው ቀጠሉ።
ብዙም እንደተጓዙ ከወደማዶው በርቀት ሁለት ሰዎች ወደሳቸው አቅጣጫ ሲመጡ
ተመለከቱ። ሲቀርቡም ሰዎቹን የሚያወቋቸው ሆነው አገኟቸው። እነዚያም ሰዎች ከብዙ
ዓመታት በፊት ዘምተው የነበሩ የዛች የክፉዋ ሴት ልጆች ነበሩ። አባ ክፉ ለራሱን ያውቋቸው
ስለነበረ በደስታ አቅፈው ሳሟቸው። ሰዎቹም በጣም እረጅም መንገድ እንደተጓዙ እንዲሁ
በረሃብና በጥም እንደተሰቃዩ ነገሯቸው። በዛን ጊዜም አባ ክፉ ለራሱም እኔ እኮ በልቼ ጠጥቼ
ጠግቤ ከእናታችሁ ቤት ነው የምመጣው አሁንም ቢሆን ደጓ እናታችሁ ለስንቅ ብላ
የሰጠችኝ ምግብና መጠጥ አለ እቤት እስክትደርሱ ይሆናችኋል በማለት የያዙትን ምግብና
መጠጥ ይሰጧቸዋል። ልጆቹም እርቧቸው ስለነበረ በደስታ ተቀብለው እየተሻሙ ይበላሉ
መጠጡንም ይጠጣሉ። ከበሉም ከጠጡም በኋላ ብዙ መንገድ ይጠብቀናል በማለት አባ
ክፉ ለራሱን አመስግነው ወደ ቤታቸው ተጓዙ። ወደቤታቸው አካባቢ ሲደርሱ ያያቸው
የአካባቢው ሰው በደስታ ልጃችሽ በሰላም መጡልሽ እንኳን ደስ ያለሽ እያሉ ልጆቹን በማጀብ
ይዘዋቸው ወደ እናታቸው ቤት ይገባሉ። ጥቂትም ከቆዩ በኋላ ተቃጠልን ተቃጠል እያሉ
በመዝለፍለፍ የነበረውን ደስታ በቅፅፈት ወደ ድንጋጤ ለወጡት።
በዚያም ጊዜ ልጆቼ ምን ነካቹ በማለት ብትጠይቃቸው እነሱም በመንገድ በጣም እርቦን
ነበርና አባ ክፉን ለራሱን አግኝተን አንቺ የሰጠሻቸውን ምግብ ሰጡንና በላን እንዲሁም
መጠጡንም ጠጣን በማለት የገጠማቸውን ይነግሯታል በዚያን ጊዜም በጣም በመደንገጥ
እሷም እውነትም ክፉ ለራሱ በማለት አምርራ አዘነች።
፨፨፨፨፨፨፨፨፨፨፨፨፨
የሰነቅነው ነገር መልካም ቢሆን ከእኛ አልፎ ሌሎችን ይጠቅማል። አሁን የምናደረገው
መልካም ነገር፤ ነገ ወይም የሆነ ወቅት ላይ እንዴት መልሶ እንደሚከፍለን ለማሳየት የቀረበ
ታሪክ ነው ። በማንኛውም ቦታ፣ሁኔታ መልካምነት ብቻ!!
፨፨፨፨፨፨፨፨፨፨፨፨፨፨፨

@yeneta27
@yeneta27

💞💝#ትንቅንቅ💞💝

ክፍል 5⃣8⃣

ገሊላ ለባብሳ ወደ ትርሲት ጋር ሄደች መንገድ ዝግ ሆኖባት ለረጅም ሰዓት ታክሲው ቆመ ሹፌሩ የሬዲዮን ጣቢያውን 97.1 ላይ ከፍ ባለ ድምፅ የሚኪያስ ቸርነት የኔ ድሀ የሚለውን ሙዚቃ ከፍቶት ስትሰማ ከቦርሳዋ ውስጥ ኤርፎንዋን አውጥታ በስልኳ ከፍታ ማዳመጥ ቀጠለች ሁሌ ይሄ ዘፈን ገነትን ያስታውሳታል የናፈቀቻትን እህቷን እያሰበች በራፋቸው ደረሰች ስታንኳኳ ማዘር ከፈቷት "ደህና አመሹ ማዘርዬ" አለቻቸው ፈገግታ በተሞላ ንግግር። "ውይ የኔ ልጅ እንዴት ነሽ?" ብለው ጉንጯን ሳም አደረጓት። "ደህና ነኝ እርሶ ደህና ኖት?" "ይመስገን ይሄው እድሜ ጨምሮልኝ እኖራለሁ" አሉ ወደ ላይ ሽቅብ እየተመለከቱ። "እውነት ነው ዋናው ጤና እና መኖር ነው" "አዎ ጊቢ በወሬ አቆምኩሽ" ብለው ወደ ውስጥ እንድትገባ ጋበዟት። "እሺ" ብላ ገብታ ቆመች። "ነይ ጊቢ" ሲሏት "አይ ትርሲትን ልያት እና እመጣለሁ" አለቻቸው "አለች ብለሽ ነው ዛሬ ቀን ሙሉ አላየኋትም" "ኦረ የት ሄደች?" "እኔንጃ እስኪ እያት መብራቱም አልበራም" ብለው ወደ እነ ትርሲት ቤት ተመለከቱ ገሊላ ሄዳ ስታንኳኳ የሚከፍታት አጣች የበሩን እጀታ ይዛ ገፋ ስታደርገው ተከፈተ ቤቱ ጨለማ ሆነባት ከበሩ ጋር ማብሪያና ማጥፊያውን ተጭና ስታበራው ጠረጴዛው ላይ አንድ የውስኪ ጠርሙስ ከአንድ ብርጭቆ ጋር ተመለከተች ማዘር አብረዋት ወደ ውስጥ ገቡ ግራ ተጋቡ "ትርሲት" አለች መልስ የለም "ትርሲት" እያለች ወደ መኝታ ቤት ስትገባ አልጋው ላይ ኩምትር ብላ ተኝታ ተመለከተቻት ልትተፋው የደረሰችውን ልቧን ለማረጋጋት በእጇ ደገፈቹ ማዘር ሲመለከቷት "የእኔ ልጅ ውይ ምን አለ ፎጣ እንኳን ጣል አድርጋ ብትተኛ" አሉ ገሊላ ፈጠን ብላ መብራቱን አብርታ የአልጋው ጫፍ ላይ ተቀመጠች ትርሲት ጦሽ ብላ ተኝታለች "አንቺ ስሚ!" ብላ ነካ ነካ አደረገቻት ትርሲት እያዛጋች ተነሳች "ምን ጉድ ነው ሰዓቱን አይተሹዋል?" "ስንት ሰዓት ሆነ?" 'ማታ እንደተኛሽ ነው ወይስ........" "ኧረ አሁን ቅርብ ሰዓት ነው የተኛሁት እንዴት ሳትደውይልኝ መጣሽ?" "ስልክሽ ዝግ ነው" ስትላት ከኮመዲኖ ላይ አንስታ ተመለከተቹ "አዎ ዘግቷል" ብላ ልሰካው ተነሳች ማዘር "በሉ ደህና ከሆንሽስ ልሂድ እና የጀመርኩትን ቡና ልጨርስ" ሲሉ "ዊይይ ማዘር አይጫወቱም?" "አይ ልጄ ቤት ማንም የለም ክፍቱን ጥዬው ነው የመጣሁት" "እሺ ቀስ ይበሉ እንዳይወድቁ" "ግድ የለም አሎድቅም" ብለው ወጡ። ገሊላ የትርሲት ሁኔታ አላማራትም "ግን በሰላም ነው ትርሲት ያለ ወትሮሽ የቀን እንቅልፍ?" "አዎ ባክሽ ድካም ነበረብኝ መሰለኝ ዝም ብሎ እንቅልፍ እንቅልፍ ይለኛል" "ለነገሩ እኔም አረፋፍጄ ነው የተነሳሁት" "እና አዳር ነው አመጣጥሽ ወይስ ምንድነው?" "ኧረ አላድርም ብዬ ብዬ ታደሰ የተባለ ሰውዬ ያለበት ቤት ውስጥ ልደር እንዴ" "ለእሱ አታስቢ ዛሬ በእርግጠኝነት አይመጣም" "ማለት የት ሄዶ ነው ማይመጣው?" "እዛ የለመደበት ጋር ነዋ ማን ይቆምርለት" "በመሀላቹ የተፈጠረ ችግር አለ እንዴ?" "አዎ በሚውልበት ቦታ የተነሳ ተጨቃጭቀን ነበር ከዚህ በኋላ ይበቃኛል አልችልም በዚህ ሁኔታ" ብላ ከቁም ሳጥን ውስጥ ቢጃማ ፈልጋ ሰጠቻት። "ይሄንንማ ሳሎን ቁጭ ብዬ በሰፊው ነው መስማት የምፈልገው" "ጥሩ መጣው ወጥ ላሙቅ ብላ ሄደች። መልህቅ የተቀጣጠረበት #አራራት_ሆቴል ደረሰ መኪናውን ለመኪና ማቆሚያ ተብሎ በተዘጋጀው ቦታ ላይ አቁሞ ወደ ውስጥ ገባ አዘጋጁ በትልቅ ትህትና በተሞላበት ንግግር "እንኳን ደህና መጣህ ስላገኘውህ ደስ ብሎኛል እንኳን ፈጣሪ አተረፈህ" አለው "አመሰግናለሁ ቴዲ እግዚአብሔር ያክብርልኝ" "እሺ ሰዓታችን ስለደረሰ ወደ ተዘጋጀው ቦታ መግባት እንችላለን" ብሎ ወደ ውስጥ ጋበዘው በተዘጋጀላቸው መቀመጫ ላይ ከተቀመጡ በኋላ የድምፅ እና የምስል ጥራት ተፈትሾ ወደ መርሀ ግብሩ ገቡ። ገሊላ ቢጃማዋን ቀይራ ሳሎን ሄደች ቴሌቪዥኑን ስታበራው መልህቅን ተመለከተቹ ጮክ ብላ "ትርሲት ነይ ቶሎ" አለቻት ሮጣ ስትመጣ መልህቅ ነው ቆማ መመልከት ቀጠለች "የኤፍሬም እህት ብሌን ያገባቹ ይሄን እኮ ነው" ስትላት ከቴሌቪዥኑ አጠገብ ያለው ሶፋ ላይ ተቀመጠች "ሰላም እንዴት አመሻቹ ውድ የሄሎ መርሀ ግብር ተከታታዮቻችን እንደ ሁልጊዜውም በእናንተ በተመልካቾቻችን ፍላጎት መሰረት ዝነኛ ተወዳጅ እና ስመ ጥር የሆነውን መልህቅ በየነን ይዘንላቹ ቀርበናል በመጀመሪያ መልህቅ ጥሪያችንን አክብረህ እዚህ ድረስ ስለተገኘህ በመርሀ ግብራችን እና በተመልካቾቻችን ስም ከልብ አመሰግናለሁ" "እኔም አመሰግናለሁ" "እሺ ወደ ጥያቄያችን ከመግባታችን በፊት መልህቅ አሁን ላይ በምን አይነት የጤንነት ሁኔታ ላይ ይገኛል?" "#እእእ ያው እንደምታውቀው በትንሽ የደቂቃ ያለ መስማማት አንድ አይኔን አጥቻለሁ ጥሩ የሚባል የህክምና ክትትል ሲደረግልኝ ቆይቻለሁ በቅርቡ ነው ከሆስፒታል የወጣሁት ግን አምላክ ይመስገን ደህና ነኝ" "እሺ መልህቅ በዚሁ አጋጣሚ ተመልካቾቻችን በጥቁር መነፅር የቀረበበት ምክንያት ስለሆነ ቅር እንደማትሰኞበት ተስፋ እናደርጋለን" "በሚገባ ቅር አይሰኙም" ብሎ ፈገግ አለ ብሌን ጎድጎድ ባለ ሳሀን ፋንድሻዋን ሞልታ ፎጣ ለብሳ እየተከታተለች ነው "ወደ ጥያቄዎቼ ስገባ ትዳር እንዴት ነው?" መልህቅ ፈገግ ብሎ "ትዳር በጣም ጥሩ ነገር ነው እግዚአብሔር ይመስገን በተለይ ከላይ ባርኮ ሲሰጥህ አንተም ትባረካለህ እና በጣም ውብ የሆነች አስተዋይ ሚስት አለችኝ" አለ ብሌን የተቀመጠችበት ቦታ ላይ ሆና ፈገግ አለች መርሀ ግብሩም የምትከታተለው በተመስጦ ነው "በጣም ጥሩ በቅርቡ ነው እና ያገባኸው ስለ ሚስትህ ተመልካቾቻችን ማወቅ ይፈልጋሉ እስኪ ማናት?" "ማናት ማለት?" "ማለቴ በጥበብ ህይወት ውስጥ ያለች ናት የምል ጭምጭምታ ወሬዎች አሉ እና እውነት ነው?" መልህቅ ጮክ ብሎ ከሳቀ በኋላ "መቼስ የሰርጋችንን ፎቶ ያላየ ተመልካች ይኖራል ብዬ አላስብም ከአንደበቴ ለመስማት ፈልገህ ካልሆነ በስተቀር" "እኔ ብቻ ሳልሆን ይሄን መርሀ ግብር በየቤታቸው ቁጭ ብለው የሚከታተሉን ተመልካቾችም ማወቅ ይፈልጋሉ" "መልካም ባለቤቴ ብሌን ትባላለች ዳንሰኛ ናት ብዙ ክሊፖች ላይ ሰርታለች እና ያውቋታል ብዬ አስባለው" "በሚገባ በጣም የምንወዳት እና የመናከብራት የሀገራችን ቁጥር አንድ ዳንሰኛ ናት" "አመሰግናለሁ" ገሊላ እና ትርሲት በግርምት አይናቸውን ተክለው መመልከት ቀጥለዋል......................


❤ይቀጥላል.......

📒ድርሰት.... #ሶል_ቤኪ

🌸join.... @yeneta27

📌for comment.... @Selinabaki

🙆for spam.... @abaynesh_bot

💫ጊዜ...

ወፎች በህይወት እያሉ ጉንዳኖችን
ይበላሉ። ወፎች ሲሞቱ ጉንዳኖች በተራቸው ወፎችን ይበላሉ።

ከአንድ ዛፍ ሚሊዮን የክብሪት እንጨቶች ይሰራሉ። በአንድ የክብሪት እንጨት ሚሊዮን ዛፎች ይነዳሉ። ዛሬ አንተ ሐይለኛ ስለሆንክ ደካማ ሰዎችን አትናቅ። ጊዜ ከአንተ በላየ ሐይለኛ ነው። ቀንህ ሲደርስ አንተም ደካማ ነህ።

@yeneta27
@yeneta27

(⚜መንፈሳዊ ትርክት⚜)

……✍ከእለታት አንድ ቀን አንድ አባት ወደ አባታችን አባ መቃርዮስ በኣት ሄደና "አባቴ ሆይ ድኅነትን አገኝ ዘንድ ምን ላድርግ?" ሲል ጥያቄ አቀረበላቸው። አባታችንም እንዲህ በማለት አሉት።
"ወደ መቃብር ሂድና ሙታንን ሰድበሃቸው ና" አሉት። ይህ አባትም የተባለውን አድርጎ ተመለሰ። አባታችንም "ምን አሉህ?" ሲሉ ጠየቁት። ሰውየዉም "ምንም አልመለሱልኝም" ሲል መለሰ። አባ መቃርዮስም "አሁን ደግሞ ሂድና ሙታንን አመስግናቸው" አሉት። ሄዶም አመሰገናቸው። "አሁንስ ምን አሉህ" ሲል በድጋሚ ጠየቁት። ሰውዬም "ምንም አልመለሱልኝም" ሲል መለሰ። አባታችን አባ መቃርዮስም: "ስትሰድባቸው ፤ስታመሰግናቸው እና ስታወድሳቸው ምንም አልመለሱም፤ አንተም ለነፍስህ ድህነትን ከፈለግህ እንደሞተ ሰው ሆነህ ኑር። ሰዎች ክፉ ቢያደርጉብህም፣ ቢያመሰግኑህም ምንም አይሰማህ" አሉት።
======================

@yeneta27
@yeneta27

💞💝#ትንቅንቅ💞💝

ክፍል 5⃣9⃣

"እሺ ወደ ቀጣይ ጥያቄዎቼ ስገባ እንዴት ነው ጉዳት ካደረሰብህ ግለሰብ ጋር ያላቹ ነገር?" "#እእእ በርግጥ እስካሁን በህግ ደረጃ የታሰበ ነገር የለም የሆቴሉ ባለቤት ግን ክስ መስርቶበት በእስር ላይ ነው የሚገኘው" "ማለት ባለቤቱ ላይም ያደረሰው ጉዳት አለ?" "እሱ ላይ እንኳን የአካል ሳይሆን የንብረት ጉዳት አድርሶበታል" "ባንተ በኩል የታሰበው ነገር ምንድነው?" የህክምና ወጪው ተሰርቶ የሚከፍል ነው የሚሆነው በተጨማሪም ስለ አይኔ ተስፋ እንደሌለው ቤተሰቦቼ ደብቀውኝ ስለ ነበር ወደ ክስ አልሄድኩም አሁን ግን እያሰብኩኝ ነው" "በጣም ጥሩ ያው የሰዎች መታሰር የሚጠቅመው ነገር ባይኖርም ከጥፋት ለመታረም በህግ አግባብ መጠየቅ አስፈላጊ ነው" "አዎ የኔ አይን አንዴ ጠፍቶአል ግን እኔ ላይ የደረሰው ነገር ሌሎች ላይ መድረስ የለበትም" "በትክክል እሺ መልህቅ በመጨረሻም ከዚህ በኋላ ከመልህቅ ምን እንጠብቅ?" ከሁለት ወር በኋላ የሚወጣ አንድ አልበም ይኖረኛል ብዙ ነገሮችን ጨርሰናል እና ከእግዚአብሔር ጋር በቅርብ ቀን አልበሜን ይጠብቁ" "በጣም ደስ የሚል ዜና ነው የነገርከን ተመልካቾቻችን በዚህ ደስ እንደሚሰኙ እርግጠኛ ነኝ። በመጨረሻ ማለት የምትፈልገው ወይም የምታመሰግነው ሰው ካለ?" "ማለት የምፈልገው ምን መሰለህ ሰዎች ነገሮችን በእርጋታ ማከናወን ቢችሉ ባንጨካከን መከባበር መስማማት መፋቀር ብንችል እላለሁ እና የሚያናድዱ ከቁጥጥራችን ውጪ የሚሆኑ ነገሮች ሲያጋጥሙን ፊት ለፊት ከመጋፈጥ ይልቅ ነገሮች እስኪበርዱ ከቦታው ገለል ብንል መልካም ነው" "በጣም ጥሩ መልክት ነው ወደ ምስጋናው እንግባ" "ምስጋና በመጀመሪያ ከዚህ አደጋ ያስመለጠኝን ፈጣሪን አመሰግናለሁ ዛሬ ምን አልባት ህይወቴን አጥቼ ቢሆን ኖሮ እዚህ ቦታ ላይ ላታገኘኝ ትችል ነበር እና ከጎደለብን ነገር ይበልጥ ያለንን ከተመለከትን አመስጋኞች እንሆናለን ስለዚህ የፈጠረኝን አምላክ አመሰግናለሁ በመጨረሻም አሁን ላይ እናትም እህትም ሚስትም ሆና ከጎኔ እያበረታችኝ ያለችውን ውዷን ባለቤቴን ብሌንን አመሰግናለሁ እናቴ ኑሪልኝ ያላንቺ ማንም የለኝም እና ኑሪልኝ" አለ ወደ ቴሌቪዥኑ እየተመለከተ ብሌን እሷን እሷን እያየ የሚያወራ መሰላት አይኖቾ እንባ አቀረሩ "ተመልካቾቻችን ከዝነኛው ድምፃዊ መልህቅ በየነ ጋር ያደረግነው ቆይታ ይሄን ይመስል ነበር ሳምንት ከሌላ እንግዳ ጋር እንጠብቃቹሀለን እስከዛ መልካም ሳምንት" ብሎ መርሀ ግብሩን ቋጨው። ወድያው የገሊላ ስልክ ጮኸ ስትመለከተው ቢኒ ነው "ወዬ ቢኒ እንዴት ዋልክ?" "አንቺ ሰው ሲጠፋ የት ሄዶ ነው አይባልም" ምን ከእንቅልፌ ስለሳ የለህም" "አተኛኘትሽን ለተመለከተ እኮ መቼም ምትነቂ አትመሺም ነበር" ከት ብላ ሳቀች "የት ሆነሽ ነው?" "ትርሲት ጋር ነኝ" "ኧረ ምነው የምን ምሽግ ልትመሽጉብን ነው?" "ዝጋ አሁን የደወልክበትን ምክንያት ተናገር" "#እእእ አንድ ጉዳይ ላማክርሽ ነበር" "ምንድነው እሱ?" "የተከሰሳቹበት ጉዳይ ከምን ደረሰ?" "እንግዲህ እስካሁን ምንም አላሉንም ምነው ምን ሰማህ?" "ኧረ ምንም አልሰማሁም ጠበቃ ካስፈለጋቹ ሞጌ የሚያውቀው ሰው ነበር" "#እእእ ብላ ወደ ትርሲት ተመለከተች ትርሲት "ምንድነው?" አለቻት አይን አይኗን እያየች "ቆይ ትርሲትን አነጋግራት" ብላ ስልኩን ሰጠቻት "ወዬ ቢኒ እንዴት ዋልክ?" "ይመስገን እንዴት ነሽ ትርሲቴ?" "ደህና ነኝ የት ሆነህ ነው?" "ኧረ እቤት ነኝ በተከሰሳቹበት ጉዳይ ላይ የሚያግዛቹ ጠበቃ ነበር እና በቅድሚያ ልጠይቃቹ ብዬ ነው?" "አንተ ደግሞ ምን ስትል የህግ ሰው አወክ?" ሳቅ አለና "ቀላል ሰው እመስልሻለሁ አይደል አዋዋሌ እኮ ከተከበሩት ጋር ነው" "ሂድ ወገኛ ለማንኛውም ሳያስፈልገን አይቀርም ነገሮች አቅጣጫቻቸው ሳይቀይሩ አልቀሩም" "እንዴት የተፈጠረ ሌላ ችግር አለ?" "አይ ብቻ ለነገ ቅጠረው እና በሰፊው እናወራበታለን" "ጥሩ የት ልቅጠረው?" "እሱን የተመቸው ቦታ መገናኘት እንችላለን ብቻ አሳውቀኝ" "እሺ በቃ ሰላም እደሩ" ብሎ ስልኩን ዘጋው። ገሊላ "ለምንድነው ነገሮች አቅጣጫቸውን ቀይረዋል ያልሹ?" አለቻት። "ለ3 ቀናት የነበርንበትን ቦታ አጣርተው ከደረሱበት ለታዴም ይሁን ለእኛ ከባድ ነው የሚሆነው ታዴን ያበሳጨው ፖሊሶቹ አይናቸውን እነሱ ላይ ሊያነጣጥሩ እንደሚችሉ ሲያስብ ነው ብቻ መዘጋጀታቸው አይከፋም" ብላ ተነስታ ወደ ማዕድ ቤት ገባች። ታደሰ ቦሌ የሚገኘው #ሌጀንድ_ላውንች ከቀን አንስቶ እየጠጣ ነው ከመጠን በላይ ከመጠጣቱ የተነሳ አፉ ተሳስሮበታል ደጋግሞ ደጋግሞ ፍታኝ አለችኝ ይላል። ስልኩን አንስቶ ወደ ቦማር ደወለ "ሄሎ ወዳጄ ምንድነው ዘጋኸን እኮ?" 'ሚዘጋ ይዝጋህ ደሞ አፍህን ሞልተህ ታወራለህ" "ምንድነው የት ነው ያለኸው?" "ምን አገባህ ይመለከትሀል?" "ታዴ ይቅርታ የተፈጠረ ችግር አለ?" "አዎ አለ ልትፈታልኝ ነው!" "እሺ የት ነው ያለኸው ልምጣልህ?" "አልፈልግም ትሰማኛለህ ሚስቴ ላይ ያደረሳቹባትን እያንዳንዷን ነገር ሰምቼላቹሀለው" "ኧረ ታዴ ምን ብላህ ነው ምንም የተፈጠረ ነገር የለም ጫፋቸውን አነካናቸውም" "ብትነካቸው ነበር መፈጠርህን ማስጠላህ እንዴት የኔን ሚስት #እእእ ንገረኝ" ብሎ ውስኪውን ተጎነጨ "ከማን ጋር ነው ያለኸው?" "ከአንዲት የምታምር ቆንጂዬ ልጅ ጋር ነኝ ምነው እሷንም ፈለካት?" የሚለው ነገር አጣ "ታዴ ሲያልፍ የሚያቀያይመንን ቃል አንነጋገር ቤት ግባ እና እረፍት አድርግ በጣም ሰክረሀል" "ምን ቤት አለኝ አሁንማ ውጣልኝ ተብዬ ጎዳና ነው ያለሁት" "እሺ ና በቃ እዛች ቦታችን" ቦታችን ነው ያልከው ከቻልክ አንተ እራስህ ከእዛች ቦታ እራቅ" "ማለት ለምንድነው የምርቀው" "እራቅ አልኩህ በቃ እራቅ" "#ሆሆሆ ዛሬ ጫን ያለው ነው አሪፍ የካርታ ጨዋታ ላይ ነን ከፈለክ ተቀላቀለን" "ኧረ ይሄማ ጥሩ ነገር ነው ተጫወቱ በደንብ ተጫወቱ መጣሁ በቃ እኔም ከትልቅ እንግዳ ጋር አሁኑኑ ነው የምደርሰው ማነህ አስተናጋጁ" ብሎ ጠረጴዛውን ደበደበው ስልኩ አልተዘጋም ና ሂሳብህን ውሰድልኝ ብሎ ከፍሎ ጃኬቱን እንዳንጠለጠለ ወቶ ሄደ.............


❤ይቀጥላል.......

📒ድርሰት.... #ሶል_ቤኪ

🌸join.... @yeneta27

📌for comment.... @Selinabaki

🙆for spam.... @abaynesh_bot

⚠️እጅግ አስተማሪ ነው ሁላችሁም አንብቡት

✍ሻካራ እጆች"

የአንድ ኩባንያ ባለቤት ለደርጅቱ ብቁ የሆነ ሥራ አስኪያጅ ለመቅጠር
ማስታወቂያ አወጣ፡፡ ላወጣው ማስታወቂያ ባቀረቡት ማስረጃ
ተወዳድረው ካለፉት ሦስት ሰዎች መካከል በዕድሜ ትንሽ የሆነውን ለቃለ
መጠይቅ ጠራው፡፡
ወጣቱ በተጠራበት ቀን አለባበሱን አሳምሮ መንፈሱንም አንቅቶ ጠበቀ፡፡
የኩባንያው ባለቤት የወጣቱን የትምህርት እና የሥራ ሁኔታ የሚገልጠውን
መረጃ አገላብጦ አየው፡፡ የተማረው በሀገሪቱ ውስጥ አንቱ በሚባሉ ት/
ቤቶች ነው፡፡ የመጀመርያ እና ሁለተኛ ዲግሪውን የሠራው እጅግ በጣም
ሀብታሞች በሚማሩባቸው ኮሌጆች ውስጥ ነው፡፡
ያገኛቸው ውጤቶች ምርጥ ከሚባሉት ውጤቶች ውስጥ ናቸው፡፡
በየደረጃው ከነበሩ መምህራን እና የትምህርት ባለሞያዎች ሽልማቶችን
እና ማበረታቻዎችን አግኝቷል፡፡ የኩባንያው ባለቤት «ይህንን ሁሉ
የትምህርት ክፍያ ይከፍልልህ የነበረው አባትህ ነው)» ሲል ጠየቀው፡፡
ልጁም «አይደለም፤ አባቴን በልጅነቴ ነው ያጣሁት» ሲል መለሰለት፡፡ «ኦ
ይቅርታ፤ ታድያ ስኮላርሺፕ አግኝተህ ነበር)» አለው፡፡
«እስካሁን በትምህርት ጉዞዬ ስኮላርሺፕ የሚባል አላጋጠመኝም» ብሎ
ፈገግ አለ፡፡
«መቼም ከዘመዶችህ አንዱ የተሻለ ገቢ ያለው ሰው መሆን አለበት?)»
አለና የኩባንያው ባለቤትም ፈገግታውን በፈገግታ መለሰለት፡፡
«እኔ ሀብታም ዘመድ የለኝም፤ ኧረ እንዲያውም ዘመድ ራሱ የለኝም»
አለው ወጣቱ፡፡
የኩባንያው ባለቤት እየተገረመ «ታድያ ይህንን በመሰሉ ት/ቤቶች ገብቶ
ለመማር እኮ ከፍተኛ ገንዘብ ይጠይቃል፤ ማን እየከፈለልህ ነበር
የምትማረው?)» ሲል በአግራሞት ጠየቀው፡፡
«የምትከፍልልኝ እናቴ ነበረች» አለና ወጣቱ በኩራት መለሰ፡፡
«እናትህ ምን ዓይነት ሥራ ነው የምትሠራው)» አለው ባለቤቱ፡፡
«እናቴ የሰዎችን ልብስ እየሰበሰበች የምታጥብ ሴት ናት» አለው ወጣቱ፡፡
«ልብስ እያጠበች ነው አንተን ይህንን በመሳሰሉ ት/ቤቶች
ያስተማረችህ?»
«አዎ»
«አንድ ጊዜ እጅህን ለማዬት እችላለሁ» አለው የኩባንያው ባለቤት፡፡
ወጣቱ እጁን ወደ ባለቤቱ ላከው፡፡ እጁ ከኬክ የለሰለሰ ነበረ፡፡
«ለመሆኑ እናትህን በልብስ አጠባው ረድተሃት ታውቃለህ)»
«አላውቅም»
«ለምን?»
«እናቴ እኔ ምንም ሥራ እንድሠራ አትፈልግም፤ እንድማር፣ እንዳጠና እና
እንዳልፍ ብቻ ነው የምትፈልገው፤ ስለዚህ ሥራ ሠርቼ አላውቅም»
«በጣም ጥሩ» አለ የኩባንያው ባለቤት «ቃለ መጠይቁን ነገ እንቀጥላለን፤
አሁን ወደ ቤትህ ሂድና አንድ ነገር አድርግ» አለው፡፡ ወጣቱ እየገረመው
«ምን?» አለ፡፡
«የእናትህን እጆች እጠብ፤ ከዚያ የሆነውን ነገ ትነግረኛለህ»
በቃለ መጠይቁ የተሻለ ነገር አድርጌያለሁ ብሎ እያሰበ በደስታ ወደ ቤቱ
ሄደ፡፡
ቤቱ ገብቶ እናቱን እጇን ለማጠብ ጠየቃት፡፡ አዲስ ነገር ሆነባትና
ጠየቀችው፡፡ እርሱም ዛሬ ያጋጠመውን ነገር አጫወታት፡፡ ውኃ እና ሳሙና
አቀረበና የእናቱን እጆች ማጠብ ጀመረ፡፡ የተኮራመቱ፤ የተሰነጣጠቁ፤
የቆሳሰሉ፤ የተጠባበሱ፤ እጆች፡፡ የእርሱን እና የእናቱን እጆች እያስተያየ
ማልቀስ ጀመረ፡፡ ከሚያጥብበት ውኃ ይልቅ እርሱ የሚያነባው ዕንባ
በለጠ፡፡
እነዚህ እጆች እንዲህ የሆኑት እርሱን ለማስተማር መሆኑን አሰበ፡፡ እነዚህ
ጠባሶች የእርሱ ጠባሶች ናቸው፡፡ እነዚህ ቁስሎች የእርሱ ቁስሎች
ናቸው፤ እነዚህ እጆች ናቸው ለእርሱ
የትምህርት ውጤት መሠረቶቹ፣ እነዚህ እጆች ናቸው እርሱን ለአካዳሚያዊ
ውጤት ያበቁት፤ እነዚህ እጆች ናቸው ዛሬ ለቆመበት ታላቅ ደረጃ ያበቁት፡፡
የእናቱን እጆች አጥቦ ሲጨረስ የቀሩትን ልብሶች ሁሉ ከእናቱ ጋር አጠበ፡፡
በዚያች ሌሊት ያ ልጅ ከእናቱ ጋር ለረዥም ሰዓት ሲያወሩ አደሩ፡፡
ነግራው የማታውቀው መራራ እውነት ይህ ነው።

✍እኔ በጣም ግርም ይለኛል፤ እውነት ነው ምላችሁ እኔን ጨምሮ ሁላችንም እኮ የቤተሰቦቻችን ባለዕዳ ነን። ለዛውም ከፍለን የማንጨርሰው እዳ!

🙏ፈጣሪ የሁላችንንም ወላጆች እድሜና ጤና ይስጥልን!!! በህይወት የሌሉትንም ነፍሳቸውን በአፀደ ገነት ያኑርልን።

@yeneta27
@yeneta27

💞💝#ትንቅንቅ💞💝

ክፍል 6⃣0⃣

ቦማር በሁኔታው እየተገረመ ስልኩን ዘጋው "ልጅቱ ምን ስትል ስማችንን እንዳጠፋቹ ባላውቅም አንድ የተከፋብን ነገር ግን አለ ለማንኛውም እንጠብቀው ትልቅ እንግዳ ነው ይዞብን የሚመጣው" ብሎ ሳቀ "የእሱ ትልቅ እንግዳ ማን ሊሆን ይችላል?" አለ እሼ "ባለቤቱን ነው ሊሆን የሚችለው ለማንኛውም እሳቱን አንድዱት ከባድ ብርድ አለ" ብሎ ቆመው ለሚጠብቋቸውን ወጣቶች አዘዛቸው። ታዴ አካባቢውን ዞር ዞር ብሎ ሲቃኝ ምንም ነገር የለም በእግሩ የተወሰነ መንገድ እንደሄደ አንድ ወንድ እና ሴት ፖሊሶች ተመለከተ "ፖሊስ ፖሊስ" ብሎ ተጣራ ድምፅ ወደ ሰሙበት አቅጣጫ ሲመለከቱ ጃኬቱን ትከሻው ላይ ጣል አድርጎ የሚንገዳገደውን ታደሰን ተመለከቱት "ምንድነው ሰፈር ምትረብሸው?" "ምትረብሸው አልክ ተመልከት እራስህን የደንብ ልብስ ለብሰህ ሴት ስታማግጥ ስላየውህ ተናደህ ነው?" 'አንተ የምን አባህ ሴት ነው ሳማግጥ ያየኸው ስርዓትህን ያዝ ቀልጥሜ እንዳላሳርፍህ" "ኧረ ምን በወጣህ #ሆሆሆ እንዲሁም ጨርቅ ሆኜብሀለው ደግሞ ሌላ ዱላ" አለው። አሁንም አሁንም በተደጋጋሚ ስቅ እያለው ነው "አሁን ወዴት ነው የምትሄደው?" ወደ እናንተ ጋር ነበርኩኝ ግን እናንተ እራሳቹ ፈልጋቹኝ እዚህ ድረስ መጣቹ ኑ እዚች ጋር ቁጭ ብለን የሆድ የሆዳችንን እናውራ" ብሎ መሬት ላይ ተቀመጠ ፖሊሱ "ተነስ ከመሬት ላይ ሰካራም ስራ ፈት መሰልንህ እንዴ ተነስ ቶሎ" ብሎ ዱላውን ሲመዝ "ቆይ ቆይ ብያለሁ መናገር የምፈልገው ትልቅ የወንጀል ጉዳይ አለኝ እህ ብላቹ አድምጡኝ" አላቸው ሁለቱም ፖሊሶች አይን ለአይን ከተያዮ በኋላ "እሺ ምንድነው ተናገር" አለቹ ሴቷ ፖሊስ "ጎሽ ምርጥዬ ነይ እዚች ጋር አረፍ በይና ልንገርሽ" ሴቷ ፖሊስ በስጨት ብላ "ጣቢያ እኑሰደው እና እዛው ይናገር ያዘው" አለቹ ሄዶ ከጀርባው የሱሪውን ማሰሪያ ቀበቶ አጥብቆ ይዞ አነሳው "ኧረ ቆይ አረጋጊው እንጂ ፍሬንድ" መልስ ሳይሰጡት አንጠልጥለው ይዘውት ሄዱ የእለቱ ተረኛ የነበረው መርማሪ ጠረጴዛው ላይ ቁጭ ብሎ የቀን ሪፖርት ይፅፋል ፖሊሶቹ ከስፍራው ደርሰው ተገቢውን ሰላምታ ካቀረቡ በኋላ ስለ ታደሰ የተወሰኑ ማብራሪያዎችን አድርገው ጥለውት ወጡ መርማሪው ነገሮችን አንድ በአንድ እያጤነ በጥያቄ አፋጠጠው ታደሰም ስለ ሚስጢረኛው ቦታ ምንም ሳያስቀር ነገራቸው ጉዳዮን ወድያው ከቦታው ሄደው ለማጣራት ተጨማሪ የሰው ሀይል ጨምረው ከታደሰ ጋር ወደ ቦታው አቀኑ ታደሰ ከመጠን በላይ ሰክሮ መቆም ያቅተው እንጂ መንገዱን ግን ቀጥ አድርጎ መራቸው በመሀል በመሀል እንቅልፍ እያሸለበው እየተኛ ቢያስቸግራቸውም ደጋግመው በመቀስቀስ ቁጥር ስፍር የሌለውን ቅያስ በታደሰ መሪነት አገባደዱት ሙሉ ጫካው በፖሊሶች ተከበበ በጀርባ በኩል ስገቡ በአይነት እና በጥራታቸው እንዲህ ናቸው ለማለት የሚከብዱ የቤት፣የድርጅት እና የመስክ መኪኖች ቆመው ተመለከቱ አንዳንዶቹ መኪኖች ደግሞ መኪናነታቸውን ትተው ባዶ ቀርተዋል ወንበራቸው ሳይቀር ወቶ ተሽጦዋል ሁሉም ፖሊሶች በሁኔታው እየተደመሙ ወደ ውስጥ ዘለቁ በሌላኛው አቅጣጫ ያሉት ፖሊሶች ደግሞ በረገጡባቸው ቦታዎች ሁሉ የሰው የሚመስሉ የተቆራረጡ #አፅሞች ተመለከቱ በሁኔታው ተደናግጠዋል ለአፍንጫ የሚከብድ የሚያስጠላ ሽታ አፍንጫቸውን ደፈነው በእነዚህ ሁሉ ፈተናዎች አልፈው በክብ ጠረጰዛ መሀል ተቀምጠው ካርታ የሚጫወቱትን ወጣቶች ተመለከቱ ሁለቱ ጠባቂዎች እሳት በማቀጣጠል ስራ ላይ ተጠምደዋል አንደኛው ጠባቂ ደግሞ የጫካው መግቢያ ጋር ቆሞ ስለ ነበር በቀላሉ በቁጥጥራቸው ስር አድርገውታል መሳሪያቸውን ሲያቀባብሉ ድምፁ ጮክ ብሎ ተሰማቸው ሁሉም ከተቀመጠበት ተነስቶ ወደ ኪሱ ሲገባ "እንዳትንቀሳቀሱ እጃቹን ወደ ላይ" ተባሉ ወደ ላይ ለማድረግ አቅማሙ "ከመተኮሳችን በፊት እጃቹን ወደ ላይ" አሏቸው አማራጭ አነበራቸውም እጆቻቸውን ወደ ላይ ሲያደርጉ ግማሾቹ ፖሊሶች እጆቻቸውን በካቴና ወደኋላ አሰሯቸው በጠረጴዛው መሀል ተቀምጠው የነበሩ ስድስት ወጣቶች እና በጥበቃ ላይ የነበሩ ሦስት በድምሩ ዘጠኝ ተጠርጣሪ ወንጀለኞችን በቁጥጥር ስር አውለው ከጫው ወጡ ያቆሙበት መኪና ጋር ሲደርሱ ታደሰ ያለበትንም አያውቅም እያንኮራፋ ነው ተጠርጣሪዎቹን በሌላኛው መኪና ጭነው ይዘዋቸው ወደ ጣቢያ ሄዱ። ሚኪ ዛሬ በጠዋቱ ተነስቶ ሻወር ከወሰደ በኋላ ማታ ሲያሰላስለው ያደረውን ጉዳይ ለማስፈፀም ወደ ፒያሳ በሹፌሩ አማካኝነት አመራ ፒያሳ እንደ ደረሱ #ቶም_የፊልም_እና_የትያትር_ማሰልጠኛ_ተቋም ውስጥ ለመኪና ማቆሚያ ተብሎ ወደ ተሰራው ቦታ መኪናቸውን አቆሙ ሚኪ ከመኪናው ወርዶ ለሹፌሩ "መጣሁ እዚሁ ጠብቀኝ" አለው። ከገባበት ፈተና ፈጣሪ እንዲያወጣው እየፀለየ ወደ ስራ አስኪያጁ ቢሮ አመራ በሩን በስሱ በጣቱ ቀለበት ቆረቆረው "ይግቡ" የሚል ድምፅ ከውስጥ መስማቱን ሲያረጋግጥ ከፍቶ ገባ "ጤና ይስጥልኝ" አለ በሩን ዘግቶት ቆሞ "አብሮ ይስጥልኝ እባክህ አረፍ በል" አለቹ አንዲት መልከ መልካም ሴት "አመሰግናለሁ" ብሎ ተቀመጠ "ይቅርታ ምን ነበር?" "ጋዜጠኛ ሚኪያስ እባላለሁ #ምስጋና የተሰኘ የሬድዮ መርሀ ግብር አዘጋጁ ነኝ" "#ኦኦኦ አወኩህ ሰላም እንዴት ነህ?" "ፈጣሪ ይመስገን በጣም ደህና ነኝ" እባክህን ምን ይምጣልህ ትኩስ ወይም ቀዝቃዛ ነገር?" "ምንም አያስፈልግም አመሰግናለሁ" "እሺ ምን እግር ጣለህ ታዲያ?" "#እእእ አንዲት በአስራዎቹ የእድሜ ክልል ውስጥ ያለች ሴት ፈልጌ ነበር?" "ፈልጌ ነበር ማለት ለምን ጉዳይ?" "በቅርቡ በምስጋና የሬድዮ መርሀ ግብር አዘጋጆች በኩል የሚተላለፍ አንድ ጥሩ ታሪክ ያለው ድራማ አለ እናም ያንን አሪፍ አድርጋ የምትጫወትል ጎበዝ ልጅ ፍለጋ ነው ወደ እዚህ የመጣሁት" "#ኦኦኦ በጣም ደስ የሚል ዜና ነው! በደስታ የኛን ተማሪዎች ብለህ እዚህ ድረስ ስለመጣህ ከልብ አመሰግናለሁ" "ምንም አይደል" "በቃ ከአስተማሪዎቻቸው ጋር ተነጋግሬ ለእርሶ የምቶነዋን ተዋናይት ስልክ ቁጥር እልክሎታለሁ ተገናኝታቹ ታወራላቹ" እሺ መልካም ይሄው ቢዝነስ ካርዴ" ብሎ ከደረት ኪሱ አውጥቶ ሰጣት "እሺ እደውላለሁ አመሰግናለሁ" "እኔም አመሰግናለሁ መልካም ቀን ይሁንልሽ ብሎ ተሰናብቷት ወቶ ሄደ.......................


❤ይቀጥላል.......

📒ድርሰት.... #ሶል_ቤኪ

🌸join.... @yeneta27

📌for comment.... @Selinabaki

🙆for spam.... @abaynesh_bot

#መልካምነት

አንድ የ 24 አመት ወጣት ከሚጓዝበት ባቡር አሻግሮ በሚያያቸዉ ነገሮች ተገርሟል፡፡

ከዛም ጮክ ብሎ "አባቴ ፥ ዛፎቹን እያቸዉማ ወደኀላ እየሆዱኮ ነዉ! "

ሲለዉ አባትየዉ #ፈገግ አለ ፤ በቅርብ ያሉ ተሳፋሪዋች ግን የ 24 አመት ወጣቱን በሀዘን ስሜት እንደ ልጅና #ህመምተኛ ተመለከቱት፡፡


ወጣቱ በድንገት በመደነቅ ደግሞ "አባቴ ፥ ተመልከት ደመናዉ እኮ አብሮን እየሄደ ነዉ!" አለዉ፡፡

አባትየዉ አሁንም ልጁን #በፈገግታ ተመለከተዉ ፤ በቅርብ

ያለ አንድ ሰዉዬ ግን ወጣቱ በሚያሳየዉ የልጅ ፀባይ አላስችል ብሎት በንዴት ...

"ለምን ልጅህን ወደ ጥሩ የአዕምሮ ሆስፒታል አትወስደዉም?" አለዉ ለወጣቱ አባት፡፡

አባትየዉ በአንዴ ፊቱ በሀዘን ተሞላ ፣ አይኖቹ እንባ እየተናነቀዉ በእርጋታ እንዲህ ብሎ መለሰለት..."ሆስፒታል ወስጄዋለሁ... ፥ አሁን ራሱ ከዛ እየተመለስን ነዉ ፥ ልጄ ከልጅነቱ ጀምሮ ማየት አይችልም ነበር ለወራት ከታከመ በኀላ ዛሬ ነዉ ታክሞ አይቶ ከሆስፒታል የወጣዉ" አለዉ ፡፡


በዚህ ምድር እያንዳንዱ ሰዉ የራሱ የሆነ ታሪክ አለዉ፡፡ የሰዉን ታረክ ሳናዉቅ ሰዉ ላይ ለመፍረድ አንቸኩል፡፡ ምክንያቱም እዉነታዉን ስንሰማና ስናዉቅ ሁሌ የተናገርነው ይቆጨናልና፡፡
።።።።።።።።።።።።።።።።።።።።።።።።።።።።።

#ለሰዋች_የደስታ_ምንጭ_መሆን_ባንችል_የሀዘን_ምክንያት_አንሁን


@yeneta27
@yeneta27

#አላማህን_ለማሳካት_ያለህን_አቅም_ሁሉ_ተጠቀም!
አባትና ልጅ በጫካ ውስጥ በመጓዝ ላይ ሳሉ ልጁ አባቱን ጥያቄ ይጠይቀዋል። "አባቴ ይህን ዛፍ ብገፋው ቅርንጫፎቹን ማነቃነቅ አልችልም?" አለው🏝።እንዴታ! ሙሉ አቅምህን ተጠቅመህ ከሞከርክ የማትችለው ነገር የለም 💪ሲል መለሰለት። ልጁም ሙከራውን ጀመረ። ይሁንና ግን ዛፉ ትልቅ 🌳በመሆኑ ቅርንጫፎቹን 🌿ሊወዘውዝ አልቻለም።
"አባቴ ተሳስተሀል። እኔ ይህን ማድረግ አልችልም" አለው።
"እንደገና ሞክር!" አለው አባቱ።
ልጁ የቻለውን ያህል ዛፉን ቢገፋም ቅርንጫፎቹ አልነቃነቅ አሉ። ብዙ ሞከረ ግን አልሆነም። "አባቴ አልችልም!" አለው ተስፋ በመቁረጥ።
አባቱም "ልጄ አቅምህን በሙሉ ተጠቀምና ሞክር ነበር ያልኩህ ግን አላደረከውም" ሲል መለሰለት።
"ከዚህ በላይ?" ልጁ ግራ ተጋባ።💁‍♂️
"አዎ! እኔን መች ለእርዳታ ጠየከኝ?" ሲል ልጁ ያልጠበቀውን ምላሽ መለሰለት።
በዙሪያችን ያሉትን አማራጮች፣ እድሎች፣ ድጋፎች፣ ተስፋዎች፣ ብርታቶች...
ሳንጠቀም አንድ ነገር "አልተሳካልኝም!" ብለን ተስፋ መቁረጥ አይገባንም። ማንም በራሱ ሙሉ አይደለም። 😊
ድጋፍ ይፈልጋል፣ እርዳታ ይፈልጋል። በሌላው ተስፋ አለመቁረጥ ውስጥ፣ በሌላው ብርታት ውስጥ፣ በሌላው መጽናናት ውስጥ ሀይላችንን ልናገኘው እንችላለን።
.......እርዳታ የጠየቅናቸው ሰዎች ባይተባበሩን የተሳሳተ ሰው መጠየቃችንን እንጂ፣ ወይም አጠያየቃችንን መለወጥ እንዳለብን እንጂ፣ ወይም በሌላ ጊዜ መጠየቅ እንዳለብን እንጂ እርዳታ መጠየቃችን ነውር ነው ማለት አይደለም።
በዙሪያችን ያለውን እድል ሁሉ አሟጠን መጠቀም ለህልማችን መሳካት መሰረት ነው። 😍💪👍


@yeneta27
@yeneta27

💞💝#ትንቅንቅ💞💝

ክፍል 6⃣1⃣

ገሊና እና ትርሲት በጠዋቱ ተነስተው ለከሰዓት ቀጠሮ እራሳቸውን አዘጋጁተዋል መለሰን ለማግኘት #ሀርመኒ_ሆቴል ከቀኑ 6:00 ሰዓት ተቀጣጥረዋል ትርሲት ወጣ ስትል ብዙም ለእራሷ ውበት እና አለባበስ አትጨነቅም ይሁን እንጂ ሳታስብ የምታደርጋቸው ነገሮች ሁሌም ውበቷን ይጨምሩታል ገሊላ ከጠዋት አንስታ ስትቀባባ እና የሚሆናትን ልብስ በመምረጥ ደክሟታል በትርሲት ጉትጎታ ጨርሳ ወጣችላት ታክሲ ለመያዝ ወደ አስባልቱ አቀኑ በጣም ብዙ ተሳፋሪዎች ታክሲ በመጠበቅ ከዳር ቆመዋል ትርሲት ሰዓት ከስልኳ ላይ ስትመለከት 6:45 ሆኖአል "ገሊ በጣም አርፍደናል ኮንትራት ታክሲ እንጥራ እና እንሂድ" "ቆይ ባክሽ የሀበሻ ቀጠሮ ደግሞ ቢደርሱ ይደውሉ ነበር" "ቢሆንም ባለ ጉዳዮቹ እኛ ነን ስናረፍድ ይደብራል" "እስኪ ደውይለት ለቢኒ" አለቻት "እሺ" ብላ ስትደውል በሁለት ጥሪ አነሳው "እ ትርሲቴ ደረሳቹ?" "አልደረስንም እናንተ ደረሳቹ?" "እኔ እየደረስኩኝ ነው እሱ ግን ከአንድ ሰዓት በፊት ቀድሞን ተገኝቶአል" "ደውሎልህ ነበር?" "አይ አልደወለም ግን ባህሪውን አውቀዋለሁ ሰውዬው ሀበሻ አይደለም" "የምርህን ነው?" "አዎ እናንተ የት ደረሳቹ?" "ከ30ደቂቃ በኋላ እንደርሳለን" "በቃ እኔም እስከዛ እደርሳለሁ" ብሎ ስልኩን ዘጋው። ትርሲት ወዲያው ደውላ ኮንትራት ታክሲ ጠራች አስር ደቂቃ ባልሞላ ጊዜ ውስጥ አጠገባቸው መቶ ቆመ ተያይዘው ገቡ ገሊላ "ቦሌ የሚገኘው ሀርመኒ ሆቴል ውሰደን" ብላ አይኗ ላይ ያደረገችውን መነፅር አወለቀቹ ትርሲት የታደሰ ሁኔታ አሳስባቷል እስካሁን አልደወለላታም እቤትም አልመጣም በሀሳብ ጭልጥ ማለቷን ያስተዋለቹ ገሊላ "ትርሲት ተመለሽ ወዴት ሄድሽ" አለቻት የትም እዚሁ ነው ከገኒ ጋር ትደዋወላላቹ እንዴ?" "አዎ የዛን ቀን እንደገባን #Video_call አውርተን ነበር ብታይ በጣም አምሮባታል ስለ እናንተ ተጨንቄ ነበር ምን አምን አለች" ውይ አዋ እንዴት አትጨነቅ" "በፖስታ የላኩት ገንዘብ የቢኒ ነው አደራ ስጪልኝ ብላኝ ነበር ሳልሰጠው በጠዋቱ ሄደ" "ለምን ብላ ነው የላከችለት በቅርቡ አይደል እንዴ ባንቺ በኩል ስጪልኝ ያለችሽ የነበረው" "አዎ ግን ደብዳቤውን አላነበብነውም እንጂ እሱ ላይ ለምን እንደሆነ ፅፌልሻለሁ ብላኝ አለች" "ምን ብሏት ይሁን?" "ሲመስለኝ ለእራሱ አይደለም የተበደረው ወይም ከሰው ላይ የወሰደው እዳ ነገር ሳይኖርበት አይቀርም" ኧረ ጭራሽ ቆይ እንዲህ እያረገች ታጨማልቀው እና ደና የተስተካከለውን ልጅ ታበላሽ ቆይ ዝም በያት" ብላ ከንፈሯን ነከሰች። መልህቅ በህመም እና በሰርጉ ጉዳይ ላይ ሆኖ እናቱ ያወረሱትን ሬስቶራንት ዘንግቶታል ምሳ ከበሉ በኋላ ብሌንን የዳንስ ትምህርት ቤቱ አድርሷት ወደ ሬስቶራንቱ አቀና ባለፋት ጊዜያት ውስጥ የተሰራውን የስራ ሪፖርት ሲመለከት ከጠበቀው በላይ ኪሳራ ውስጥ ገብቷል በጣም እየተበሳጨ ሆቴሉ ላይ የጎደሉ ነገሮች በአስቸኳይ እንዲሟሉ አዘዛቸው ሁሌም እሱ ለአንድ ቀን እዛ ቦታ ላይ ከሌለ ነገሮች ሁሉ መስመር ይስቱበታል አሁን የተበላሸውን ነገር ለማስተካከል ጊዜ ይውሰድበት እንጂ ሁሉም ነገር መስመር ይይዛል ቢሆንም የደረሰበት ኪሳራ በቀላሉ የሚመልሰው እንደማይሆን ሲረዳ የሱን መኖር እና አለመኖር እየጠበቁ በስነ ምግባር ደረጃ ወጣ የሚሉትን ሰራተኞች ለማባረር ወሰነ በሆቴሉ ውስጥ ካሉ 141 ሰራተኞች መካከል 32 የሚሆኑ ሰራተኞቹን ሰብስቦ ለማሰናበት እንደተገደደ ገለፀላቸው በነገሩ ቢያጉረመርሙም እውነት እንደሆነ ማረጋገጫ ወረቀት ከፀሀፊዋ እንዲወስዱ ነግሯቸው ከአዳራሹ ወጣ መልህቅ በነገሮች ቶሎ ብስጩ እና ለውሳኔ የማይዘገው ሰው ነው በተለይ ሆቴሉ ላይ የሆነ ክፍተት ተፈጥሮ ሲመለከት እናቱ የምታዝንበት ነው የሚመስለው ለፀሀፊው ቡና እንድታመጣለት ነግሯት ወደ ቢሮው ገባ። ሹፌሩ የተባለበት ሆቴል ሲደርስ "ይሄው ደርሰናል መውረድ ትችላላቹ" ብሎ አቆመላቸው ገሊላ ቀድማ ወርዳ "ሂሳባችን ስንት ነው?" አለቹ በመስኮቱ በኩል አጮልቃ እየተመለከተች። የተጓዙበትን የኪሎ ሜትር ርቀት የሚያሳየውን መሳሪያ ተመለከተና "260ብር" አላት "እሺ ወንድሜ እናመሰግናለን" ብላ ከፍላ ተያይዘው ገቡ ወደ ውስጥ ሲመለከቱ አንዳንድ ቦታዎች ላይ ጥንዶች አሪፍ የምሳ ጊዜ እያሳለፉ ነው። በመሀል በመሀል አንዳንድ ቦታዎች ላይ በእድሜ ጠና ያሉ አባቶች ጋዜጣ በማንበብ ተጠምደዋል በአይናቸው ፈረንጅ ሲፈልጉም ሊያገኚ አልቻሉም ገሊላ በስጨት ብላ "ነግሬሽ ነበር እኮ ይሄው ገና አልደረሱም ወይኔ 260ብሬ" ብላ ወደ መቀመጫ ወንበሮቹ አመራች ትርሲትም ተከትላት ሄዳ ከፊት ለፊቷ ተቀመጠች "ቢሆንም የኛ ቀድሞ መምጣት አይከፋም" ገሊላ እንዳልሰማ ሆና ከላይ የለበሰችውን ሌዘር ጃኬቷን እያወለቀች "ማነህ አስተናጋጁ" አለቹ። የስራ ልብሱን ከላይ እስከታች ግጥም አድርጎ የለበሰ አስተናጋጁ አጠገባቸው መቶ ቆመ "ሰላም እንኳን ደህና መጣቹ ትንሽ እረፍት እስክታደርጉ እየጠበኩኝ ነበር እባካቹ ምን ልታዘዛቹ" አለ ከወገቡ ዘንበል ብሎ "ለእኔ ቀዝቃዛ ውሀ" አለቹ ገሊላ ሙቀቱን ለማስወገድ ባወለቀቹ የጃኬት እጀታ እያራገበች "እሺ ለእርሶስ" ብሎ ወደ ትርሲት ተመለከተ "ለእኔም ውሀ አድርግልኝ" አስተናጋጁ ትዛዙን ተቀብሎ ዞር ሲል "እስኪ ደውይለት ደረስኩ አላለም እንዴ!" "ተይ ቆይ ሰውን ማስቸኮል ጥሩ አይደለም እኛም ትንሽ እንረጋጋ" "ይሄን እዛ ለኮንትራት ታክሲው ከመደወልሽ በፊት ነበር ማለት የነበረብሽ" "በቃ እቺን 260ብር አወጣሽና ሺ ጊዜ በማውራት ጆሮዬን ልታደሚው ነው" አስተናጋጁ የታዘዘውን ውሀ አምጥቶ ከፊት ለፊታቸው አስቀመጠላቸው ቢኒ ከስፍራው ደርሶ ወደ ውስጥ ሲመለከት ያየው ታደሰን ነበር ፈጠን ብሎ "በጣም ይቅርታ ታዴ በጣም" ብሎ እጁን ለሰላምት ዘረጋለት ታደሰ እያነበበ ያለውን መፅሀፍ አስቀምጦ ተነስቶ ሰላም አለው እነ ትርሲት በጣም ይቅርታ ታዴ ሲል ወደ ሰሙበት አቅጣጫ ሲዞሩ......................


❤ይቀጥላል.......

📒ድርሰት.... #ሶል_ቤኪ

🌸join.... @yeneta27

📌for comment.... @Selinabaki

🙆for spam.... @abaynesh_bot

❤️ ፍቅር ለስሜት ተገዢ መሆን ማለት ነው።

❤️ ፍቅር ከምክንያት ውጪ ሆኖ መኖርን መቀበል ነው።

❤️ ፍቅር ከራስ ቁጥጥር ውጪ መሆን ነው።

❤️ፍቅር ያስፈራል የማይታከሙት ህመም የማይጠገን ቁስል የማያባራ እንባ እና ሰቆቃ ሊሆን ይችላል።

❤️ የሚያስፈራው ያፈቀርሹ ሰው ሳይሆን ማፍቀር እራሱ ነው።

❤️ ካፈቀራቹ በኋላ "እኔ" የምትሉት ነገር ሁሉ ይጠፋል። ለራሳችሁ ትርፍ ትሆናላችሁ በፍቃደኝነት ከእራሳቹ የምታስበልጡት የምታስቀድሙት ሌላ ሰው ይኖራል ማለት ነው።

❤️ ፍቅር ያለውጊያ መማረክ ነው። እጅ መስጠት ነው ወዶ መግባት ከእራስ መነጠል መጥፋት በማያውቁት ሰው አለም ውስጥ ገብቶ መሰደድ።

❤️ ፍቅር ያስፈራል ወንድ ወይም ሴት ስለሆንን ግን አይደለም ፍቅርን የምንፈራው ሰው ስለሆንን ነው። ማናችንም ብንሆን የህይወታችንን መንገድ መቆጣጠር ባንችል እንኳን ማቀድ እና መምራት እንፈልጋለን።

አንቺን ወደድኩሽ ስል ይህንን ሁሉ መተው ማለት ነው። አንድ ሰው በመውደዴ ከዚህ ቀደም የኖርኩት ያቀድኩት እና ያሰብኩት ሁሉ ተጠራርጎ ገደል ይገባል።

❤️ ምን እንደሚሆን ምን እንደሚመጣ ምን እንደሚፈጠር አላውቅም። ምክንያቱም ከእኔ ቁጥጥር ውጪ ነው። አለማወቅ ደግሞ ያስፈራል። እራሴን እንኳን እየተቆጣጠርኩት ባለሁበት ሁኔታ ስለ ህይወቴ አካሄድ የማውቀው ጥቂት ነው። ግን የማውቅ ስለ ሚመስለኝ በሰላም እኖራለሁ።

❤️ ፍቅር ግን መምሰልን ያጠፋል ከፊቴ የተቀመጠውን ስራዬን፣ ዕውቀቴን ሁሉንም ነገር ።

❤️ የምትወጂው ሰው ላይ ስንት የማትወጂው ነገር እንዳለ እረጋ ብለሽ ስታስቢ ከመጀመሪያውኑ በመውደድሽ ትገረሚያለሽ ደግነቱ አብረሹ ስትሆኚ የምትወጂው እንጂ የማትወጂው ነገር አይታይሽም።

❤️ ፍቅር የልጅነት ስሜት ነው። ልጅነት እውነት ነው። ስሜት ደግሞ የማይዙት እና የማይቆጣጠሩት።

❤️ ፍቅር የማይዙት የማይቆጣጠሩት እውነት ነው። ከተሰማ ሊከብድ የማይችል ከሌለም የማይፈጥሩት እና ሊያስመስሉት የማይችሉት እውነት ነው።

❤️ ፍቅር ለምን ተፈጠረ ሁሉም የተፈጠረው ለመኖር ስለሚያስፈልግ ነው ያለ ፍቅር መኖር ጨለማን እንደመጨበጥ ነው አለማፍቀር አለ መኖር ነው ከጥቂት አመታት በኋላ እንደማንኖር ከጥቂት አመታትም በፊት እንዳልነበርን እያወቅን አሁን መኖራችንን እውነት ነው ብሎ ለመቀበል ማፍቀር አንዱ አስፈላጊ ነገር ነው።

❤️ ፍቅር አለመኖርን ያስረሳል። መርሳትን የመሰለ ነገር ደግሞ ምን አለ። ፍቅር አመፀኛም ነው በምክንያት የማይገዛ ለውይይት የማይመች የማያስሩት የማይጋልቡት #ልጓም የሌለው ፈረስ ነው። ከፊት ቀዳሚ ጋላቢ፣ ወሳጅ እንቢ ባይ ፣ይቅርብህ አይሆንህም የማያውቅ የፈለገውን እስኪያገኝ የማይተኛ፣የልቡ ሳይደርስ የማያርፍ።

❤️ ከማፍቀር የሚገኝ ደስታ የራስ ነው። ማፍቀር ምላሽ አይፈልግም። የግድ መፈቀርን አይሻም። ማፍቀር በራሱ ደስ ይላል። ቀኑን በመልካም ስሜት ሸፍኖ ሌቱን በመልካም ህልም ያሳርፋል።

🌹🌹🌹🌹🌹🌹🌹🌹🌹🌹🌹🌹

#ለመለማመጤ_አትበይ_ኮራ_ኮራ

#ቀድሞም_አጥፍቻለሁ_መሄዴ_ጋን_ተራ"

✍#John

@yeneta27
@yeneta27

💞💝#ትንቅንቅ💞💝

ክፍል 6⃣2⃣

ቢኒን ተመለከቱት ሁለቱም አይናቸውን ከእነሱ ላይ አንስተው ተፋጠጡ ገሊላ ሳቋ ሊያመልጣት ሲል በእጆቿ አፏን እፍን አድርጋ ያዘቹ ቢኒ እንደተቀመጠ ያለ መድረሳቸው ነገር አሳስቦት "ደርሰናል ብለውኝ ነበር እኮ" ብሎ ስልኩን ከኪሱ ውስጥ ሲያወጣ "ተዋቸው ትንሽ እንጠብቃቸው አታጨናንቃቸው" "ግን በጣም የምትገርም ሰው ነህ" "እንዴት?" "ለአንዴ እንኳን እኮ የት ደረስክ ብለህ አልደወልክልኝም ይሄ አያስገርምም?" "አያስገርምም ለአንተ የት ደረስክ ብዬ አስር ጊዜ መደወሌ አንተን ከምትደርስበት ሰዓት አስቀድሞ ያደርስሀል? አያደርስህም ካሰብከው እንደውም ጉዳቱ የከፋ ነው ላንተ መደወሌ የኔን የካርድ ወጪ ሲያበዛው ደጋግሜ በመደወሌ ደግሞ አንተን ለውሸት እና ለጭንቀት እዳርግሀለው ስለዚህ በዝምታ እጠብቅሀለው ማለት ነው" "እንዴ ቆይ የቀጠረህ ሰው ቢቀርስ?" "ይቅራ! ሲጀመር እኔ ለእሱ የምመድበው ሰዓት አለኝ ከሰዓት የያዝኩት ሌላ ቀጠሮ ኖሮብኝ ቢሆን ኖሮ እኔንም እዚህ ቦታ ላይ አታገኘኝም ነበር ግን ምንም ጊዜ ትዕግስተኛ መሆን መቻል አለብህ" "ቢኒ የሚያወራውን በተመስጦ ሲሰማው ቆይቶ "ታድለህ!" አለው "አመሰግናለሁ አንተም እኔን መሆን ሳይሆን እንደ እኔ መሆን ትችላለህ" ሲለው እነ ትርሲት ውሀቸውን ይዘው ወደ እነ ቢኒ ጠረጴዛ ሄዱ ትርሲት "መቀላቀል ይቻላል?" አለቻቸው ሁለቱም ቀና ብለው ተመለከቷቸው ቢኒ ከወንበሩ እየተነሳ "እናንተ አርፋጆች" አላቸው አትነሳ ይሄው ቦታ አለ እኮ ብለው ወንበር ስበው ተቀመጡ "እንግዳዬን እንዲህ ታስጠብቁታላቹ" "እኛ ያልደረሳቹ መስሎን እዛች ጋር ነበርን አንተ ስትገባ አይተንህ ነው የመጣነው" ውይ ቀድማቹኛል አ" "አዎ! እሳቸውን ግን የቀደምናቸው አይመስለንም" ብለው ፈገግ አሉ መለስ "አንቱታው ይቅር እና አንተ በይኝ ፀጉሬን አይተሽ ከሆነ የዘንድሮ ፀሀይ በልቶት ነው ያለ ጊዜው ያፈገፈገው" "እሺ ይቅርታ እኔ ትርሲት እባላለሁ እሷ ደግሞ ገሊላ አለች "ስላወኳቹ ደስ ብሎኛል በርግጥ በፎቶ ሁለታቹንም አውቃቹሀለው በአካል የበለጠ ቆንጆ ናቹ መሰለኝ አይደል ቢኒ?" ብሎ ወደ ቢኒያም ተመለከተ "እውነት ነው ታዲያ ምሳ አዘን ብንጨዋወት አይሻልም?" ታደሰ "በትክክል" ብሎ ለአስተናጋጁ የእጅ ምልክት አሳየው። ብሌን ገና ወደ የዳንስ ትምህርት ቤቱ ስትገባ ተማሪዎቹ ሙዚቃ ተከፍቶላቸው በአሰልጣኛቸው አማካኝነት ልምምድ እያደረጉ ነው እንዳትረብሻቸው ተጠንቅቃ የከፈተችውን በር ከዘጋችሁ በኋላ ፊት ለፊት ለታዳሚያን ተብሎ ከተሰራው መቀመጫ ወንበር ላይ ሄዳ ተቀመጠች አሰልጣኙ ትህትና በተሞላው ንግግር ይሄን አታድርጉ ይሄን እንዲህ ብታደርጉ እያለ ያስተምራቸዋል ብሌን አሰልጣኙን በጣም ትወደዋለች አሁን በምትከፍተው የዳንስ ትምህርት ቤት ውስጥ እንደ አሰልጣኝዋ አይነት ሰው መሆን እንዳለባት ውስጧን አሳምናዋለች ሂክማ የብሌንን መምጣት ስትመለከት ሀሳቧ ሁሉ ብሌን ጋር ሆነ አሰልጣኙ "ሂክማ ምንድነው እየሰማሽኝ አይደለም ችግር አለ?" አላት በስጨት ብሎ "ኮች ይቅርታ "አንዴ መጣሁ" ብላ ልምምዷን አቋርጣ ወደ ብሌን ሄደች ዞሮ ሲከተላት ከብሌን ጋር ሞቅ ያለ ሰላምታ ተለዋውጣ አጠገቧ ቁጭ አለች የሙዚቃውን ድምፅ አጥፍቶ "ማንን ለማስጠቆር ነው ብሌን ሁላችንንም ናፍቃናለች ግን አሁን ያደረግሹ ነገር የትምህርት ቤታችንን ህግ ይጣረሳል" "አውቃለሁ ኮች ግን አላስቻለኝም" ብላ ፈገግ አለች "ይቅርታ ይደረግላት ኮች" ብላ ብሌን ከመቀመጫዋ ተነስታ ወደ መድረኩ ወጣች ሁሉንም ሞቅ አድርጋ ሰላም ካለቻቸው በኋላ "እውነት ለመናገር ሁላቹም ናፍቃቹኛል በተለይ ይሄ መድረክ" ብላ ሁሉም እንደቆሙ እየሮጠች ዞረቻቸው ሁሉም በአንድ ላይ ሳቁ "አዎ ይሄም ሳቅ ናፍቆኝ ነበር" አለች አሁንም በድጋሚ ሳቁ አሰልጣኚ "እሺ አረፍ በሉ" አላቸው ሁሉም ከመድረኩ ወርዶ ፊት ለፊት ወዳሉት መቀመጫ ወንበሮች አመሩ አሰልጣኙ መድረኩ ላይ እንደቆመ "ለዛሬ እዚህ ላይ ይበቃናል ብሌን እንደ ሁል ጊዜውም የቤታችን ፈርጥ ናት ዛሬ ግን አብራቹ ለመደነስ አልመጣችም" ሲል ሁሉም አዘኑ "አትዘኑ ይሄን ስል ከዚህ በኋላ አትደንስም እያልኩኝ አይደለም ግን ትልቅ ደስ የሚያሰኛቹን #Surprise ይዛላቹ ነው የመጣቹ" ሲል ሁሉም ወደ ብሌን አይናቸውን ተከሉ ብሌን ፈገግ ብላ ተመለከተቻቸው "ብሌንሻ እባክሽ የምስራቹን እዚህ መተሽ ለሁሉም ንገሪያቸው" ብሎ ወደ መድረኩ ጋበዛት ሁሉም በጭብጨባ ተቀበሏት "አመሰግናለሁ ኮች" ብላ አቅፋ አመሰገነቹ በተራው እሱም ወደ ተማሪዎቹ ሄዶ ተቀላቀላቸው "አዎ ትልቅ የምስራች ይዤላችሁ ነው የመጣሁት ግን እንድትረዱልኝ የምፈልገው ነገር መቼም ቢሆን እናንተን ልተዋቹ እንደማልችል ብቻ ነው ይህ ቤት ለእኔ ማንነቴን ያገኘሁበት፣ህልሜን የፈታውበት የኖርኩበት እና እስካሁንም ለመኖሬ ምክንያት የሆነኝ፣የህይወት ትምህርት ቤቴ ነው" ብላ መናገር አቃታት ሊወርድ የደረሰውን እንባዋን በጣቶቿ ደገፍ አድርጋ ምራቋን ዋጠች ሁሉም እጃቸውን አፋቸው ላይ ጭነው በተመስጦ እያዳመጧት ነው "እና እኔም አንፆ ለዚህ እንዳደረሰኝ አይነት ጎበዝ እና መልካም ታታሪ የዳንስ አሰልጣኝ መሆን እፈልጋለሁ" ስትል ሁሉም አጨበጨቡ ወንዶቹ በፉጨት አጀቧቸው "ከሁለት ሳምንት በኋላ የማስመርቀው የኛ የሁላችንም የዳንስ ትምህርት ቤት አለ ለእሱ የምርቃት መርሀ ግብር ሁላቹንም በክብር እንግድነት ጋብዤያቹኋለሁ" ስትል ሁሉም አይናቸው እያነባ ተነስተው አጨበጨቡላት አሰልጣኙ ወደ መድረኩ ሄዶ "እጅግ በጣም ደስ ብሎኛል የዘራሁት ዘር ፍሬ አፍርቶ በማየቴ" ብሎ አቀፋት ተቃቅፈው ተላቀሱ ሂክማ ሮጣ ወደ መድረኩ ወታ "እኔ በበኩሌ ከጎኗ ሆኜ በሚያስፈልጋት ሁሉ ላግዛት ፍቃደኛ ነኝ" አለች ብሌን በፈገግታ እየተመለከተቻት እቅፍ አደረገቻት ሁሉም አዳራሹ ውስጥ ያሉ ሰዎች በእንባ ፊታቸው እራሰ አሰልጣኙ "ይበቃል ደስታውን ሀዘን አስመሰላቹት እኮ በሉ ከዚህ በኋላ ትልቅ የቤት ስራ አለብን የምርቃቱ መርሀ ግብር የሚሸፈነው በ #lifestyle የዳንስ ትምህርት ቤት ተማሪዎች ነው" ሲል ሁሉም በደስታ አጨበጨቡ ብሌንም ደስታዋን በፈገግታ እና በጭብጨባ ገለፀችላቸው ከመሀል አንደኛው በእድሜ ካሉት ውስጥ አነስ የሚለው ተማሪ የመጥሪያ ካርድ አይሰጠንም እንዴ አለ ብሌን ፈገግ ብላ አቡሽዬ አዲስ ገቢ ነህ መሰለኝ እኔ ብሌን እባላለሁ አንተን ማን ልበል አለቹ.......................


❤ይቀጥላል.......

📒ድርሰት.... #ሶል_ቤኪ

🌸join.... @yeneta27

📌for comment.... @Selinabaki

🙆for spam.... @abaynesh_bot

#ትንቅንቅ የተሰኘው ድርሰት ለማለቅ በጣት የሚቆጠሩ ቀናት ነው የቀሩት ክፍል 63 ነገ ይለቀቃል ዛሬ መፃፍ ሳላልተመቸኝ ነው በጣም ይቅርታ።🙏

🥀🥀🥀🥀🥀🥀🥀🥀🥀🥀🥀🥀
#አልነቃም
ይቅር አትውደደኝ እኔ ግን ልውደድእ
ከአጠገቤም አትሁን ይሽሹኝ አይኖችህ
ከእቅፌም ባትገባ ከንፈርህን ባልስም
በጎዳናው መሀል ባንጓዝም ሲመሽ
ከልቤ እልፍኙ መች ቀርተህ ታውቃለህ
አይኖቼን ስከድን አብረኸኝ እኮ ነህ
ግዴለም ውዴ ባለመምጣት በርታ
እልፍ ህልሞች አሉኝ የሚያደርሱኝ ካንተ
ስለዚህ አልነቃም ልተኛበት ተወኝ
ቀኑ ነው ህመሜ አንተን የሚቀማኝ

የተገኘ..............

@yeneta27
@yeneta27

"አቧራ የጠገበን ምንጣፍ በዱላ የምትመታው አቧራውን ለማራገፍ እንጂ ምንጣፉን ለመጉዳት አይደለም።

የሰውን ድክመት የምትነግረውም ስህተትን እንዲያርም እንጂ ሰውዬው በእራሱ ላይ ተስፋ እንዲቆርጥ አይደለም

@yeneta27
@yeneta27

“ሁሌም በጣም የሚያስፈራው የሆነ ነገር ለማድረግ ከመጀመራችሁ በፊት ያለው ጊዜ ነው”
.
ስቴፈን ኪንግ (Stephen King) ገና የሁለት አመት ህፃን እያለ ወላጅ አባቱ ቤተሰቡን ጥሏቸው ጠፍቷል። አባቱ ከጠፋ በኋላ እናቱ ቤተሰቡን ለማስተዳደር የምትችለውን ሁሉ ያለመታከት ያደረገች ቢሆንም የእሷ ድካምና ጥረት ቤተሰቡን ከድህነት ህይወት የሚያወጣ አልነበረም። በዚህም እጅግ በከፋ ድህነት ውስጥ ከማደግ ውጭ አማራጭ አልነበረውም።
.
የ1ኛ ደረጃ ተማሪ በነበረበት ወቅት ከቅርብ ጓደኛው ጋር ከቤታቸው ትንሽ ራቅ ወዳለ ቦታ ሄደው በመጫወት ላይ እያሉ ጓደኛው በአሰቃቂ ሁኔታ በባቡር ተገጭቶ ህይወቱ ሲያልፍ በአይኑ ተመልክቷል። ያኔ ለጨዋታ የወጣው ስቴፈን ኪንግ በከፍተኛ ድንጋጤና በዝምታ ወደቤቱ ተምልሷል። ከዚያም ብቸኝነት የሚያጠቃው እና መፃፍ የሚያዘወትር ልጅ ሆኖ ነበር።
.
ስቴፈን ኪንግ በሜይን ዩኒቨርስቲ ትምህርቱን ተከታትሎ ለመመረቅ የሚያስፈልጉትን ክፍዎች ለመፈፀም የፅዳት ሰራተኛ ፣ የጋዝ ፓምፕ አስተናጋጅ እና በኢንዱስትሪ የልብስ ማጠቢያ ተቋም ውስጥ ሰራተኛን ጨምሮ የተለያዩ ያልተለመዱ ሥራዎችን ሰርቷል፡፡ በዚህ ወቅትም በህይወቱ ደስተኛ ባለመሆኑ የአደንዛዥ እፅ ሱሰኛም ሆኖ ነበር።
.
ከዩኒቨርሲቲ ተመረቀም በኋላ አግብቶ አንዲት ሴት ልጅ የወለደ ሲሆን ያኔ ነበር ከአደንዛዥ ዕፅ ሱሰኝነት ጋር ከአስር ዓመት በላይ የዘለቀ ትግል ያደረገው፡፡ የአልኮል ሱሰኛ እና የአደንዛዥ ዕፅ ሱሰኛ ነበር፤ ኮኬይን ፣ ማሪዋና ፣ ዣንክስ ፣ ቫሊየም እና ሌሎች ንጥረ ነገሮችን አላግባብ የሚጠቀምና ህይወቱ አደጋ ላይ የወደቀ ሰው ነበር፡፡
.
በቤተሰቦቹ ከፍተኛ ድጋፍ፣ በህክምና እርዳታ፣ እና በራሱ ከፍተኛ ጥረት ከነበረበት የአልኮልና የአደንዛዥ እፅ ሱሰኝነት የተላቀቀ ሲሆን የቤተሰቡን የዕለት ጉርስ እና የቤት ኪራይ ለመሸፈን የተለያዩ ስራዎችን እየሰራ ጎን ለጎን የጽሁፍ ስራውን መስራት ጀመረ፡፡
.
ስቴፈን ኪንግ በሚያሳዝን ድህነት ውስጥ እየኖረ እና የተለያዩ ስራዎችን እየሰራ የመጀመሪያ ድርሰቱን ማጠናቀቅ ችሏል። ነገር ግን በማይታመን ሁኔታ CARRIE የተሰኘው የመጀመሪያ ልብ ወለድ ስራው በአንድ ኩባንያ ከማታተሙ በፊት በድምሩ ለ30 ጊዜ በተለያዩ ኩባንያዎች ውድቅ ተደርጓል ፡፡
.
በዚህም ተስፋ በመቁረጡ ድርሰቱን ቆሻሻ ማጠራቀሚያ ውስጥ ወርውሮታል። ሆኖም ባለቤቱ በቆሻሻ መጣያ ውስጥ ያገኘችውን የተቀዳደዱ ፅሁፎች ሰብስባ ትንሽ ማስተካከያ ቢያደርግበት ጥሩ ጽሁፍ እንደሆነ ስላበረታታችው በእሷ አነሳሽነት ለፅሁፉ ማስተካከያ በማድረጉ እና በአንድ ኩባንያ ተቀባይነት በማግኘቱ ለህትመት ሊበቃ ችሏል። መፅሀፉም ህይወቱን የቀየረ እና ተቀባይነቱን በከፍተኛ ሁኔታ ያሳደገ ሆነ።
.
ስቴፈን ኪንግ ኪንግ ወደ 200 የሚጠጉ አጫጭር ታሪኮችን የጻፈ ሲሆን ከ 350 ሚሊዮን በላይ ቅጅዎችን የተሸጡ 54 መጻሕፍትን ጽፎ አሳትሟል ፣ ብዙዎቹም ወደ ፊልሞች እና የቴሌቪዥን ትርዒቶች ተቀይረው ለእይታ በቅተዋል፡፡ የብሔራዊ የመጽሐፍ ሽልማት (National Book Award) እና የሁጎ ሽልማትን (the Hugo Award) ጨምሮ በደርዘን የሚቆጠሩ ሽልማቶችን ለማግኘተም ችሏል ፡፡ እሱ በሥራው የተመሰገነ እና የተተቸ ቢሆንም ያለ ጥርጥር በዓለም ላይ በጣም ዝነኛ እና በጣም ስኬታማ ከሆኑ ጸሐፊዎች መሀከል አንዱ ነው፡፡
.
በውስጣችሁ ያለውን ክፋት በውስጣችሁ ባለው መልካምነት የምታሸንፉበት የተዋበ ምሽት እንዲሆንላችሁ እመኛለሁ!

@yeneta27
@yeneta27