በጋምቤላ ክልል ሰኞ የሚጀምረውን የ12ተኛ ክፍል ፈተና ለመውሰድ በጉዞ ላይ የነበሩ ሶስት ሴት ተማሪዎች መታገታቸው ተገለጸ!

በጋምቤላ ክልል፤ በመጪው ሰኞ የሚጀምረውን የ12ተኛ ክፍል ፈተና ለመውሰድ በጉዞ ላይ የነበሩ ሦስት ሴት ተማሪዎች እና አንዲት የ13 ዓመት ልጅ በሙርሌ ታጣቂዎች መታገታቸው ተገለጸ።አራቱ ሴቶች የታገቱት በአኝዋ ዞን ጎግ ወረዳ ከምትገኘው ቴዶ ቀበሌ ተነስተው ወደ ወረዳው ዋና ከተማ ፒኝውዶ በእግር እየተጓዙ በነበረበት ወቅት መሆኑ ተጠቁሟል።

ከ13 እስከ 22 ዕድሜ ያላቸው አራቱ ሴቶች በታጣቂዎች የታገቱት ሰኔ 18 ቀን 2017 ዓ.ም ከቀኑ አራት ሰዓት ገደማ መሆኑ ሁለት የጎግ ወረዳ የመንግሥት ኃላፊዎች እንደነገሩት ጠቅሶ ቢቢሲ ዘግቧል።ከአራቱ ሴቶች መካከል ሦስቱ የ12ተኛ ክፍል ተፈታኞች እንደሆኑ የወረዳው የካቢኔ ጉዳዮች ጽህፈት ቤት ኃላፊ አቶ አጃክ ኦኮንጎ ነግረውኛል ያለው ቢቢሲ ወደ ፒኝውዶ ከተማ እየተጓዙ የነበረው፤ ነገ ቅዳሜ ከሌሎች ተፈታኞች ጋር በመሆን ፈተናው ወደ ሚሰጥበት ጋምቤላ ዩኒቨርሲቲ ለመሄድ ነበር ማለታቸውንም አስነብቧል።

የጋምቤላ ክልል ፖሊስ ኮሚሽንም ትላንት ሰኔ 20 ቀን 2017 ዓ.ም በፌስቡክ ገጹ ባጋራው መረጃ "በእግር በመጓዝ ላይ የነበሩ አራት ታዳጊ ልጆች" መታገታቸውን ሪፖርት እንደተደረገለት አስታውቋል፤ እገታው የተፈጸመው "በደቡብ ሱዳን ሙርሌ ዘራፊዎች" መሆኑን ገልጿል።የወረዳው አስተዳደር የፀጥታ ኃይሎችን በማሰማራት ከቀበሌው የሚነሱ ሌሎች ተማሪዎችን በእጀባ እንዳጓጓዘ የካቢኔ ጉዳዮች ጽህፈት ቤት ኃላፊው እንደነገሩት ዘገባው አካቷል።

Via AS
@YeneTube @FikerAssefa

ነዳጅ
የሐምሌ ወር የነዳጅ ምርቶች የችርቻሮ መሸጫ ዋጋ በነበረበት እንደሚቀጥል የንግድና ቀጣናዊ ትስስር ሚኒስቴር ገለጸ

የሐምሌ ወር የነዳጅ ምርቶች የችርቻሮ መሸጫ ዋጋ ከዛሬ ሰኔ 21 ቀን 2017 ዓ.ም ጀምሮ በሰኔ ወር ሲሸጥ በነበረበት የመሽጫ ዋጋ እንዲቀጥል በመንግሥት መወሰኑን የንግድና ቀጣናዊ ትስስር ሚኒስቴር ገለጸ፡፡

የነዳጅ ማደያዎች እና ኩባንያዎች በነዳጅ ውጤቶች ግብይት አዋጁና በአሠራር መመሪያው መሠረት ውሳኔውን ተግባራዊ በማድረግ ህብረተሰቡን በቅንነትና በታማኝነት እንዲያገለግሉ የንግድና ቀጣናዊ ትስስር ሚኒስቴር በጥብቅ ያሳስባል፡፡

Via:- አዩዘበሀሻ

ከቀጣይ ሳምንት ጀምሮ በ25 ከተሞች አዲስ የባንክ አካውንት ለመክፈት የፋይዳ መታወቂያ አስገዳጅ ሊሆን ነው!

ከሰኔ 24 ቀን 2017 ዓ.ም ጀምሮ በ25 የክልል ከተሞች በሚገኙ ባንኮች አዲስ የባንክ ሂሳብ ለመክፈት የፋይዳ ዲጂታል መታወቂያ እንደ ቅድመ ሁኔታ ተግባራዊ እንደሚደረግ የኢትዮጵያ ብሔራዊ መታወቂያ ፕሮግራም አስታወቀ።በአዲስ አበባ በሚገኙ ሁሉም ባንኮች ከታህሳስ 23 ቀን 2017 ዓ.ም ጀምሮ የፋይዳ መታወቂያ አስገዳጅ ሆኖ በመተግበር ላይ መሆኑን ይታወቃል።

ከሰኔ 24 ቀን 2017 ዓ.ም ጀምሮ የፋይዳ መታወቂያ አስገዳጅ የሚሆንባቸው ከተሞች፡-

በባህር ዳር፣ ደሴ፣ ጎንደር፣ ደብረ ብርሃን፣ ኮምቦልቻ፣ ሸገር፣ አዳማ፣ ሻሸመኔ፣ ቢሾፍቱ፣ ጅማ፣ ባቱ፣ ሆሳዕና፣ አምቦ፣ ወልቂጤ እና ሐዋሳ ከተሞች አዲስ የባንክ ደብተር ለመክፈት እንደ መጀመሪያ ቅድመ ሁኔታ ተግባራዊ ይደረጋል ተብሏል።

በተጨማሪም በሀረር፣ ወላይታ ሶዶ፣ መቀሌ፣ ወራቤ፣ አዲግራት፣ ድሬዳዋ፣ አርባምንጭ፣ ጅግጅጋ፣ አክሱም እና ቡታጅራ ከተሞች ተግባራዊ እንደሚደረግ ተገልጿል።

የብሔራዊ መታወቂያ ፕሮግራም ዲጂታል መታወቂያውን ለማስፋፋት ከ3 ሺህ በላይ የምዝገባ መሳሪያዎች ገዝቶ አገልግሎት ላይ ማዋሉን እና ከ1 ሺህ በላይ የምዝገባ ጣቢያዎች በሀገር አቀፍ ደረጃ አገልግሎት እየሰጠ ይገኛል።

[KGEthiopia]
@YeneTube @FikerAssefa

ዕድሜያችን እየጨመረ ሲሄድ ጊዜ እየፈጠነ የሚመስለን ለምንድነው?

ለምንድነው በዕድሜ እየገፋን ስንሄድ ጊዜ የሚበር የሚመስለን? ልጅ እያለን የክረምት ዕረፍት ዘላለም ነበር የሚመስለን። አሁን ላይ ግን ዓመታት በቅጽበት የሚያልፉ ይመስላል። እዚህ ጋር ምን እየሆነ ነው? ይህ የእርስዎ ብቻ የሚሰማዎት ሳይሆን ሳይንሳዊ ማብራሪያ ያለው ነገር ነው።

ለዚህ እና ለሌሎች ጊዜን የተመለከቱ ጥያቄዎች ምላሽ የሰጠንበትን ዝግጅት እንዲከታተሉ ጋበዝንዎ። መሰል ዝግጅቶችን ለመከታተል ቻናላችንን ሰብስክራይብ ያድርጉ።

https://youtu.be/K_JqeH94iBo