🇺🇿Prezidentimiz Shavkat Mirziyoyev AQShda mehnat va istiqomat qilayotgan vatandoshlarimiz, ushbu mamlakatning nufuzli universitetlarida tahsil olayotgan “El-yurt umidi” jamg‘armasi stipendiatlari bilan uchrashdi.

Uchrashuvda yoshlar o‘rtasida muloqot maydonini yaratishga qaratilgan “Vatandoshlarning xalqaro biznes marafoni”ga start berildi.

Davlatimiz rahbari AQShda “El-yurt umidi” stipendiatlari soni 500 nafardan oshganiga alohida eʼtibor qaratdi. Isteʼdodli yoshlarni qo‘llab-quvvatlash, ularning bilim va tajribasini ona yurtda qo‘llash uchun imkoniyat yaratish davlat siyosatining asosiy ustuvor yo‘nalishlaridan biri ekanligini taʼkidladi.

#Mirziyoyev #yoshlar #AQSH #vatandoshlar

🕊Telegram 📱Instagram 📺YouTube 🔹 Linkedin 🌍Veb sayt

“Vatandoshlarning xalqaro biznes marafoni” AQShda

🇺🇿🇺🇸AQShda o‘tkazilgan “Vatandoshlarning xalqaro biznes marafoni”ning ochilish marosimida davlatimiz rahbarining ishtiroki — bu, albatta, yoshlarimizga bo‘lgan yuksak ishonch va e’tiborning yorqin belgisidir.

Marafon davomida muvaffaqiyatli biznes yo‘lga qo‘ygan vatandoshlar, soha mutaxassislari hamda tadbirkorlikka qiziqqan yoshlar bir maydonda jam bo‘ldi.

Samimiy va do‘stona muhitda o‘tgan marafon yoshlar uchun nafaqat biznes, balki do‘stlik va xalqaro hamkorlikning yangi bosqichini boshlab berdi.

Bu kabi loyihalar yoshlarimizning global maydonga dadil chiqishi uchun ulkan imkoniyatdir.

#Yoshlar #BiznesMarafon #Vatandoshlar

🕊Telegram 📱Instagram 📺YouTube 🔹 Linkedin 🌍Veb sayt

🌱 “Yoshlarni eshitamiz”: Qishloq xo‘jaligida yoshlarning ovozi

Bilasiz turli sohalarda faoliyat yuritayotgan yoshlar bilan muntazam ochiq muloqotlar tashkil etilmoqda. Bugun esa navbat qishloq xo‘jaligi sohasida mehnat qilayotgan yoshlarimizga berildi.

Muloqotda markaziy studiya va hududlardan ulanish orqali ko‘plab yoshlar o‘z taklif va tashabbuslarini bildirishdi.

Muhokamada ko‘tarilgan asosiy masalalar:

➡️dehqonchilik uchun yer maydonlarini ijaraga olish jarayonlarini soddalashtirish;

➡️maydonlarni sug‘orishdagi muammolarni hal etish;

➡️o‘g‘itlarni sotib olishda imtiyozlar joriy etish;

➡️qishloq xo‘jaligi bo‘yicha ilmiy ishlanmalarni ko‘paytirish;

➡️Qishloq xo‘jaligi vaziri stipendiyasini ta’sis etish;

➡️belgilangan soliqlarni kamaytirish va imtiyozlar joriy etish.

💬Mutasaddi tashkilotlar esa barcha takliflarni ko‘rib chiqib, yoshlarga qulaylik yaratish bo‘yicha amaliy ishlar olib borilishini ta’kidlashdi.

Bu muloqot yana bir bor shuni ko‘rsatdiki, yoshlarning ovozi eshitilmoqda, ularning tashabbuslari esa qishloq xo‘jaligi rivojiga yangi yo‘nalishlar olib kelmoqda.

#YoshlarniEshitamiz

🕊Telegram 📱Instagram 📺YouTube 🔹 Linkedin 🌍Veb sayt