رسايل بيها امل مگطوع
ولمسات وحضن ودموع

وحتى لا تزعل لان مابيها ضحكة
بعت روحي وصغت شفة
وكتلي ايدك تاذي ايدي
جبت من ابن الدلال چفوف ترفة

مجتبى غانم

يالكتلك غطاك الروح
مدهن مالهن اي گد
والعب بالغميج وكشف اسرارة
لحاف الغربة من ياخيط
غراك وغفيت ودفتك نارة
ولا ترجع ذليل الراس مامعذور
اليرد منهوب يرضة بذلتة وعارة

مجتبى غانم

يتالي الشوك رد بينة
ولا فزو لمن مرت طوارينة

مجتبى غانم

اعيش عليك متعود
واذا متگلي رد مارد

مجتبى غانم

انة شما تمشي بالدنيا
وتشوف وجوه
ماتلكة بشر مثلي
ماعندة وجه مكروه

مجتبى غانم

انة عندي گلب يگدر ع الهموم
صح انضك ولكن كادرلها
ماكولن دنيتي وابجي بدموع
هاي الدنيا الية واني الها
عزيز الگوم اني من المراجيح
ماتكدر تذلني والة اذلها
يفر بية الوكت فرة دواليب
مل مني ووكف واستسلملها

مجتبى غانم

لا تلولحني على صدرك خل اطيح
من تگطر يكبر بروحي العطش
اكشخ لطيفك هلا وزفة شباب
وبگلب نفنوفك انتَ شچم نعش

مجتبى غانم

امشي للفجرية ليلك من يطول
وبيدك انتَ تبطي ميلي على اثنعش
ي العلي ضميت خيرك مابقيت
غيري ب اركانك عنادا هلفرش

مجتبى غانم

مو غريب بحزنك ولا مو وحيد
اني يمك بس تعال اشكيلي
حزنك وليلك هذن كلش صغار
حزني من حزنك وليلك ليلي

مجتبى غانم

اسهر الليل بمزاج المُنتشين
اني اغنيلك وهم غنيلي
واضحك على عناد كل ضرفٌ اليم
واني يمك اضحك بكل حيلي

مجتبى غانم

لو يتوقف الوقت بنا
هنا في وسط المدينة
هاربين الى بعضنا
من ملاحقة الايام المتسارعة
ودناءة العالم
نَسكن قليلا
في وسط الضوضاء
والخوف من المارة
نشكو بدفء
ونتسابق بالنضر
حد الاشباع الاشباع !
تعويضا عن كل جوع خلفه البعد
نملئ الكراسي والجدران بذكرانا
اكتب لها بقلم الشاعر الذي لا املك سواه
وورقتي يداها
وتكتب على قميصي
ب احمر الشفاه
تصفيقا لي

مجتبى غانم

انا على سكينة دائمة
لا املك ما يستحق الفزع
الايام تمضي
الشمس تمضي
والليل يمضي
    إلا انا
واقف اعد خطوات الرحيل
لمن يمضي
الليل نجم بعد نجم
الشمس من الشروق للغروب
الايام...
الايام لا تستحق العد حتى !!

مجتبى غانم

ولو حجيت
البية منك
جان وياية بجيت

مجتبى غانم

العمر خلص مزاحم خطوتة بلا وين
وتثكل حسبتي وكلبي اني ماجرعة
واجر خلكي على واهس ليل كمريات
ويجي فجر الله باهت ينفخ الشمعة

مجتبى غانم

اليضيع بلاية موعد لأن موعد جان
مرسوم بخيالة وكمل بالدمعة

مجتبى غانم

ماعندي غالي الج
وحسنج شنو بكَدة
بس من اجيتج انة
يمكن عَكَدة الكلب وي عكدة الوردة
ما ادري مني شوكَع
ونسيت ما ادري
بس لحضة يمج اضن
خليت كل عمري

مجتبي غانم

كلتيلي
كلتيلي يعني تحب
وعاشك صدك تهوة
وضليت صافن لحد
ما كلشي فز ورعد
وكتلج صدك حلووة
مابية شي مو محب
ويرف الج دمي
ومن وكعتي بالهوى
كَمت انسى حتى اسمي

مجتبي غانم

شجم دوب احبك وانتَ ما منتبه

جذب علية ولو
واسال علية جذب
خليني اركض الك
ركضة مواعد محب
خليني احس ما رحت
وبعدة عشكنة رطب
خليني احس قصرت
بية ارد اشوف الذنب

مجتبى غانم