بكل حرف ينزف جرح…

قصيدة لمسلم بن عقيل (عليه السلام) بعنوان ( ياسفير حسين)

يا سفير حسين تفجع موتتك
طايح وبالدم تحنت هامتك
•———•———•———•
يا سفير حسين يالوحدك بقيت
وبأرض كوفان غاد تغربيت
روحك ودمك لابن عمك فديت
وبالدم انصبغت يوالي عمامتك
•———•———•———•
انصبغت بدم والحزن منك بده
سجل التاريخ حجايه خالده
عليك يا مولاي كلها شاهده
تنوح طوعة ظلت اعله مصيبتك
•———•———•———•
يا حزن روحك يمسلم من بقيت
وحدك بكوفه لمن شاهديت
كلها ضدك غاد متغرب صفيت
ما لك والي وطوعة شافتك
•———•———•———•
ما لك احد صرت بالكوفة غريب
محد يودي كلامك للحبيب
يگله لا تقدم يموالنه السليب
وعلى ابو اليمه شكبرها حسرتك
•———•———•———•
حسره صارت بالگلب ما تنتهي
ونار مشتعلة بقت ما تنطفي
شفت بعيونك عهدهم ينجفي
جبيرة كلش بيش اوصف صفنتك
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#مسلم_بن_عقيل
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

قصيدة لمسلم بن عقيل



وصلوا هلخبر لحسين..مسلم طاح بالكوفه
من أعلى القصر ذبوه... والايدين مچتوفه
———————— .
طاح من القصر ويلاه ... ومحد حارب بسده
لا يمه اخو وياه ... وكل هاي الزلم ضده
ما بيهم رحم هلناس ... وظل يحارب الوحده
اه اعلى مسلم اهات ... كلش طيحته كلفه
———————— .
ظل يبجي على المظلوم ... موش الحاله وجروحه
يوصيمن على الحسين ... الفاگد تنسبي روحه
يبقى مثل ابن عمه ... جثه فقط مطروحه
يواسي بموتته الحسين ... مذبوح هم من الگفه
———————— .
من فوك القصر يرموه ... وكعت جثته بلكاع
وسفه ماحضرله حسين ... لاعباس اجاه ابساع
يشوفوا مسلم المهيوب ... خانت بيهم الاتباع
ابن عمك يبو السجاد ... بلكوفه نغدر وسفه
———————— .
بلكوفه انغدر مسلم ... ولعدوان حاطته
حار وحيرة حيرة ... وطوعه الحره حيته
كلتله هلا ونعمين ... و بالماي هي ضيفته
حيته بكرم واخلاص ... طوعه اتخدمه ابلهفه
———————— .
تمت بعون الله وبركات الزهراء
بقلم خادمات الحُسين (ع)
#زينب_الفياض والعلوية ام عباس البطاط
تحت أشراف تجمع خادمات الذبيح
#مسلم_بن_عقيل
https://www.tg-me.com/huusin_313

قصيدة لسان حال الامام الحسين (عليه السلام) عن مسلم بن عقيل


وصل يا هوى لمسلم سلامي
حيل اشتاگ اله گلبي وهيامي
—————————-
انه حنيت لأبن عمي الصعب فرگاه
اريدنك تشمه بنحره من تلگاه
تره روحي جزت كلشي فقط طرواه
تالي ينذبح مثلي ويظل ظامي
—————————-
عطشان السبع بالكوفه متـعيني
هذا اليوم كلش حزني سابيني
بنيته گبالي تنشد حيل تاذيني
آه يا مسلم عليكم كبر همي
—————————-
كبر همي من اشوف اطفالك گبالي
انظر للسمه وانخه العلي العالي
حته الطير ظل ينعه على حالي
ياريتك تمر بيه لو بحلمي
—————————-
ياريتك تمر بيه وتشوف الحال
علخدين تجري دمعات الدلال
و على حالك يبن عمي انشده البال
ومن اشوف ايتامك تزيد الآمي
—————————-
يتباجون ظلو اولاد الحنين
فكدك ياخويه عماها العين
غدروك الكوم و مالك معين
حميده تنوح وتكول ظلمة ايامي
—————————-
حميده تنوح يا مسلم تعال ليها
بعد منهو ابنيتك يباريها
تعال ومر طيف وسير اعليها
شوفتك دوانه يا ابن عمي
—————————-

تمت بعونه تعالى
بقلم خادمات الحسين
#زينب_الفياض و #حوراء_الكناني
تحت إشراف تجمع خادمات الذبيح
#مسلم_بن_عقيل
https://www.tg-me.com/huusin_313

حديث مصيبة مسلم يُرمى من أعلى القصر

جاءوا بمسلم أسيراً إلى عبيد الله بن زياد، وعندما وصل إلى باب القصر ، وكان في غاية الظمأ ، وإذا بقلة فيها ماء موضوعة على باب القصر . فقال مسلم : اسقوني من هذا الماء . فقال مسلم الباهلي أتراها ما أبردها ، لا والله لا تذوق منها قطرة أبداً حتى : تذوق الحميم في نار جهنم . فقال له (ع) : لأمك الشكل ما أجفاك وأفضك وأقسى قلبك ، أنت يا ابن الباهلة أولى بالحميم والخلود في نار جهنم مني . ثم جلس متسانداً إلى الحائط ، فبعث عمرو بن حريث غلاماً له فجاء بقلة عليها منديل وقدح ، فصبّ فيه ماءً بارداً ليشرب مسلم ، فأخذ يشرب فامتلا القدح دماً ، فلم يقدر أن يشرب ، ففعل ذلك ثلاثاً ، فلما أراد في الثالثة أن يشرب سقطت ثناياه في القدح فقال : الحمد الله لو كان لي من الرزق المقسوم لشربت : كأنما نفسك اختارت لها عطشاً لما دَرَتْ أن سيقضي السبط عطشانا فلم تطبق أن تسيغ الماء عن ظماً من ضربة ساقها بكر بن حمرانا
بعد هذا أمر ابن زياد بإدخاله ، ولما دخل لم يسلم عليه بالإمرة ! فقال غلام لابن زياد لم لا تسلم على الأمير ؟ قال :
اسکت ويحك والله ما هو لي بأمير . فقال ابن زياد : لا عليك قتلني سلمت أم لم تُسلّم فإنك مقتول . فقال له مسلم : إن قتلتني فلقد قتل من هو شر منك من هو خير مني . فقال له ابن زياد . الله إن لم أقتلك قتلة لم يقتلها أحد في الإسلام ، فقال له مسلم ؟ أما إنك أحق أن تحدث في الإسلام ما لم يكن ، وإنك لا تدع القتلة وقبح المثلة وخبث السريرة ولؤم الغلبة ، وأنا أرجو الله سوء أن يرزقني الشهادة على يدي شر بريته ، فقال ابن زياد العمري لتقتلن هذا والناس قد اجتمعوا حول القصر فمنهم من يقول بأن مسلماً مقتول لا محالة ، ومنهم من يقول بأنه يساق إلى الشام ، ومنهم من يقول بأنه يحبس حتى يأتي الخبر من يزيد فبينما هم كذلك وإذا بمسلم قد صعدوا به إلى أعلى القصر وهو مثخن بالجراح قد نزف دمه والعطش قد أمض به وبكر بن حمران شاهراً سيفه يريد أن يحزّ رقبته ، لما رأى ذلك مسلم طلب منه ليصلي ركعتين فقال له : صلّي ما شئت . صلى ركعتين ، ثم أتجه نحو المدينة صاح : « السلام عليك يا أبا عبد الله ، السلام عليك يا ابن رسول الله ) . فقدمه اللعين إلى القتل فضربه بالسيف على عنقه حتى قطعها ثم ألقى بجثته من أعلى القصر بلا رأس ثم أتبعها برأسه الشريف. وامسلماه ، وامظلوماه، واسيداه .

•———•———•———•

•ديوان المغسل بدمِ الجراح

#حصرياً
#مسلم_بن_عقيل
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

نعي مجرد لمسلم بن عقيل (عليه السلام)

لا يمه هله ولا يمه خوان
غريب وصفى بالكوفه حيران
وكلها امسدده بوجهه البيبان

•———•———•———•
ولا واحد يحن اعله حاله
مشدوه مسلم حيل باله
على حسين ابو اليمه و عياله
•———•———•———•
مسلم يويلي امگيدينه
لصوب الغواضر تربي عينه
خايف على ظعن ابو سكينه
•———•———•———•
حاله كسير وذبل لونه
ومن الحزن غايره عيونه
من قصر عالي و يشمرونه
•———•———•———•
من فوگ القصر مولاي طايح
ولا من وراه ناعي و صايح
ودمه علكاع اليوم سايح
•———•———•———•

بقلم خادمات العليلة وأبيها
-ضحى سالم
-زينب الفياض

#حصرياً
#مسلم_بن_عقيل
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

عيد اضحى مبارك، أعاده الله عليكم بالخير والسلامة، وفقكم الله لمرضاته.🌸🌸

إن شاء الله بالايام المقبلة نُكمل لكم منهاج محرم.

‼️عرض خاص فقط اول 4 اشخاص

إلى ملاياتنا العزيزات خادمات الحُسين صاحبات الاصوات الشجية

ديوان المغسل بدم الجراح الجزء الثالث صار متوفر ❤️‍🔥🔥🔥

بخدمة خدّام الحسين
العدد باقي جداً جداً محدود

الديوان مليان حزن وألم ومواجع وكله حسچه وصور شعرية…
يختلف جذرياً عن الدواوين
كل بيت عبارة عن مشهد من كربلاء
لا تفوتون الفرصة اخذيه بدون تفكيررررر لان العدد باقي جداً قليل و محرم قرب

مع كل طلبية من ديوان المغسل بدم الجراح تجيكم هدية ديوان حروف كربلاء مجاني 🔥❤️‍🔥

للحجز واتساب على 07807507664
تليگرام @zain3_13

هوسات لسفير الحسين (عليه السلام)

ابو طاهر الضيغم صال بيهم زلزل الكوفه
يكول انه سفير حسين ايي للموت ماعوفه
ربطوها بحبل ياناس وسفة الضيغم اجفوفه
( لو طب للملعب /كل عدوانه يهابونه )
•———•———•———•
يهابون سبع مسلم ترى و مغوار
خله الكوفه كلها بصولته تحتار
وابد مثله محب لحسين لا ما صار
(محتاره /// بأفعاله الكوفه)
•———•———•———•
خله اهل الغدر محتاره بيه اليوم
مايدرون عمه حيدر الجيدوم
ما طارش يوصل للحسين اعلوم
(يكله الكوفة اهتزت /يوم الطب ليها)
•———•———•———•
دخل مغضب وطر جيوشهم نصين
وگلب عاليها اعله سافله ابن عم حسين
تتراكض بخوفة الوادم مسرعين
( االعدوان انرهبت /ظلت محتاره )
•———•———•———•
وابو طاهر اليوم لوحده راعبهم
لون عباس وياه چان دولبهم
مايبقه أثر ولا نسل منهم
(يمحيهم /// من ارض الكوفة)
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#مسلم_بن_عقيل
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

قصيدة لاولاد مسلم لسان حال أمهم رقية بعنوان ( وين اولادي)

راحوا مني الاثنين ...بالهيمة صفوا وين
ابوهم مبعد ومذبوح عمهم
علي ياهو بعد يهلي يردهم

•———•———•———•
راحوا مني بليل المصيبه
شلون يعيش اليفارك حبيبه
كبرت علته وزايد نحيبه
ماظنهم يعودون...وابروحي يعيشون
صفوا غياب واتلاشه عطرهم
•———•———•———•
فوك الهضم هذا والرزيه
وليداتي مشو غفله من اديه
منو يدور اولادي بهالمسيه
راحوا مني لاوين كلبي انجسم نصين
ما من طارش ويلفي بخبرهم

•———•———•———•
ما اندلكم وديرة غريبه
مصيبة سلمت روحي لمصيبه
الراح بعيد بالله منين اجيبه
يولادي يالحنان …ارجعوا كلبي خلصان
عكب الصار ما بيه فكدهم

•———•———•———•
يا ضيم العلي شلون احمله
هذا الدرب مدري شلون اكمله
عليهم لو نشد واحد شكله
ضيعت الولد غاد…لو اكلهم ابعاد
حرت وي الينشدوني شكلهم
•———•———•———•
يا مثكل هضم روحي وعذابي
يا حرمه احملت ضيمي ومصابي
مشو اهلي واطفالي وكل شبابي
وظلت حيرتي تزيد …اصيحن وينك الحيد
و محتاره بقيت آنه بنزلهم
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#اولاد_مسلم
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

قصيدة لأولاد مسلم على طور الميمر
بعنوان (ما من خبر)
فرفحت بالهيمه فگدت ويلادي
ما من خبر منهم يبرد افادي
•———•———•———•
مامن خبر يلفي وتهود روحي
اثنيناتهم من مشوا زيدوا نوحي
وليداتي صاروا سبب كل جروحي
ضاعوا و ما ظل هم عليّ ما سادي
•———•———•———•
ضيعت طفلين وبقيت اتعذب
مامش خبر يطفي دليلي اليلهب
و الخوف يلتم من يچل المغرب
و ما ادري وين بهيمه لو بالوادي
•———•———•———•
جابوا خبر منكم واجيت اتعثر
من سمعت طاريكم شلون اتصبر
گالولي مكتولين بديار الشر
ارض المسيب وين ها يالحادي
•———•———•———•
سل سيفه ما رفن برحمة عيونه
محمد و اخيه بقوا يتوّسلونه
كلمن يگله اذبحني آنه بدونه
وخليني اروح بگرب جدنا الهادي
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#اولاد_مسلم
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

نعي لأولاد مسلم

اولاد اثنين بالطف ضيعتهم
بكل خيام اهلنا دورتهم
من هجمت الخيل آنه افگدتهم
•———•———•———•
من ضاعوا طفت شمعة زماني
وفگدهم حيل والله عذباني
ضلت عيني تربيهم واتاني
•———•———•———•
اتنطر اولادي عليه يلفون
اذا چل الظلام تحير العيون
مدري بيا خرابة وبيت يغفون
•———•———•———•
اخاف من العدة بيهم يغدرون
هلبت من يجوني الهم يشيلون
بشوفتهم الحلوه نكحل العيون
•———•———•———•
اخافن عليهم و بس لا نسوني
افگدت فكري ترى بيوم السبوني
من راحوا بروحتهم عموني
•———•———•———•
ادعيك ياربي لحضني ردهم
حته لو خبر يوصلني منهم
اخذ من عمري وطول عمرهم
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#اولاد_مسلم
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

حديث حب الرسول (صلو الله عليه واله) لسيد الشهداء (عليه السلام)

روي أنه دخل الحسن والحسين على النبي يوماً فشم الحسن في فمه الشريف وشم الحسين في نحرة فقام الحسين وأقبل إلى أمه فقال لها: اماه شمي في هل تجدين فيه رائحه يكرهها جدي رسول الله و فشمته في فمه فإذا هو أطيب من المسك ثم جاءت به إلى ابيها فقالت له ابه لم كسرت قلب ولدي الحسين فقال مم؟ قالت: تشم اخاه في فمه وتشمه في نحره فلما سمع بكى وقال: بنيه اما ولدي الحسن شممته في فمه لأنه يسقى السم فيموت مسموماً واما الحسين فإني شممته في نحره لأنه يذبح من الوريد إلى الوريد فلما سمعت فاطمة بكت بكاء شديداً وقالت: أبه متى يكون ذلك؟ فقال: بنية في زمان خال مني ومنك ومن أبيه وأخيه فأشتد بكاؤها ثم قالت: ابه فمن يبكي عليه ومن يلتزم بأقامة العزاء عليه؟ فقال لها: بنية فاطمة إن نساء أمتي يبكين على نساء أهل بيتي ورجالهم يبكون على ولدي الحسين وأهل بيته ويجددون عليه العزاء جيلاً بعد جيل فاذا كان يوم القيامة انت تشفعين للنساء وانا اشفع للرجال وكل من يبكي على ولدي الحسين أخذنا بيده وادخلناه الجنة.
وكان الرسول ينظر إلى الحسين بأنه حامل فكره على مدى الزمن حياةً وشهادةً لكي يضيء من خلال ذلك للناس حياتهم الفكرية والاجتماعية والسياسية عبر مر العصور، وعلى أي حال فان رسول الله استمد من وراء الغيب علمه بأن بضعته الطاهرة فاطمة الزهراء سوف يتفرع منها الغصن والثمرة الطيبة لأئمة أهل البيت والذين يعملون اعباء الإمامة ويدعون الناس عبر من الالسنين والاعوام إلى طريق الهداية والتقوى والصلاح في الدين والدنيا والآخرة لذا كان الرسول يولي اهتماماً بالغاً ببضعته الطاهرة وبولديها الحسن والحسين كان حب الصديقة الشهيدة وعلاقتها انذاك بولدها الحسين مستمدين ذلك من آثار الرسول وأهل بيته وكلماتهم النورانية التي نشروها خلال مسيرة حياتهم الشريفة والتي كلها دروس وعبر للمؤمنين على مر العصور والازمان.
•———•———•———•

•ديوان المغسل بدمِ الجراح

#حصرياً
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

قصيدة لأولاد مسلم بعنوان (سنة مرت)

تعلعلنه شكثر والله بدربنه
تعبنه من الركض عمه تعبنه
كتلنه العطش والخوف
نخاف نكول الطفوف

•———•———•———•
من الطف للمسيب صفينه
عمه الخوف عذبنه وبجينه
نخاف نكول ياهوه ولينه
من ينشد بشر يوكف كلبنه
•———•———•———•
سنة مرت علينه بغربة وب آه
من نذكر الطف نصيح ويلاه
نذكر من ولينه سلبته عداه
ونذكر عمتي تصيح نضربنه
•———•———•———•
من غربة لعد غربة اجينه
ركضنه من اللهب لا يجوي ادينه
تالي بالسجن هيجي صفينه
وما تدرين يا عمه بوضعنه
•———•———•———•
تذبحنه بكتر شط المسيب
وبالطف من علينه الخيل تكرب
وخفنه هواي عمه والدمع صب
واجينه لديرة الغربة بدمعنه
•———•———•———•
صرنا خلافكم نكسر خواطر
تمنيت السبي وذيج المخاطر
بس لا ينذبح كدامي طاهر
ما تحمل ذبح عمه ركبنه
•———•———•———•
•ديوان المغسل بدمِ الجراح

بقلم خادمات العليلة وأبيها
-زينب الفياض
-ضحى سالم

#حصرياً
#اولاد_مسلم
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad