بيان لمكتب المرجع الديني الأعلى الإمام السيستاني: إن الجريمة التي ارتكبها النظام الاسرائيلي المحتل صباح الجمعة، باستشهاد مجموعة من العلماء والقادة العسكريين والمدنيين الإيرانيين، بينهم نساء وأطفال، ومهاجمة عدد من المؤسسات والمراكز العلمية في البلاد، برهنت مجددًا على خطورة هذا النظام وعدوانيته.

وإذ ندعو للشهداء الأبرار بالرحمة والرفعة، ونتقدم بالتعازي لأسرهم الكريمة، ونتمنى الشفاء العاجل للمصابين والمصابات، فإننا ندين بشدة هذا العمل الإجرامي، ونتوقع من المجتمع الدولي الضغط على هذا النظام المعتدي وداعميه لمنع استمرار مثل هذه الاعتداءات.

نسأل الله العلي القدير أن يديم عز وفخر الشعب الإيراني الكريم. ولا حول ولا قوة إلا بالله العلي العظيم.

١٦ / ذو الحجة / ١٤٤٦ هـ
النجف الأشرف

نماذج من ديوانكم❤️‍🔥

السلام عليكم ملاياتنا القديمات وعندهم مجالس من زمان ياريت تتواصلون وياي ع @zainab_313bot، جزاكم الله خير
فقط العندهم مجالس وقديمات.

هذي يدٌ ، ثِقْلُ الإمامةِ ثِقْلُها
‏وبغيرِ كفِّ المصطفى لا تعتليْ

‏ولذاكَ حينَ أرادَ طٰهَ رفعَها
‏يومَ الغديرِ دنا ونادى "يا عليْ" !

‏⁧🌸✨
الحمد لله الذي من علينا بولاية أمير المؤمنين والبراءة من إعداءه الى قيام يوم الدين, جعلنا الله واياكم من المتمسكين بولايته اسعد الله ايامكم بهذه المناسة العظيمة التي لولاها لم يكتمل الدين حيث قوله تعالى (الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا)🌸🌸✨

‏
-الخادمة زينب الفياض.

قصيدة للأمام العباس (ع) لسان حال ابا عبدالله الحسين (ع) بعنوان (مسافاتي)

حينما سمع الإمام الحسين(ع) صوت أخيه ابا الفضل العباس(ع) وهو ينادي ادركني اخي يا حسين
فذهب الحسين مسرعاً الى مصرع العباس(ع) فيقول:

مدري الزمان الطال مدري مسافاتي
عيني على اخوي الطاح وعيني على اخياتي
•———•———•———•
كل خطوة حسبة عام نحو الشريعة
مو هو احس يا ناس روحي الصريعة
وسفة سهمهم صاب عينه الوسيعة
ومن طفه عينه وياه طفة حياتي
•———•———•———•
طال الدرب والحيل باد وگصدته
وعيونه من بعيد تربيلي شفته
صاحالي خويه وجيت اركض شبگته
كال العطش يا خوي نشف لهاتي
•———•———•———•
للمشرعة من امشيت صعبة عليه
وشفت الكفيل يلوج بأيد المنيه
مديت اديه وصاح مگطوعه اديه
اگعد ترى فرگاك ساعة مماتي
•———•———•———•
يا خويه رد وياي واحمل علمنه
فگدك يبعد الروح كلش هضمنه
ترضاها ارد وتشوف دمك حرمنه
وترضه العده يضربون عگبك بناتي
•———•———•———•
بدونك اذا رديت زينب شگلها
كلش كلف يا خوي فگد الكفلها
تدري بسكتك هاي يثگل حملها
ياذي فگد عباس وياذنها لجماتي
•———•———•———•
موتك صعب يا خوي يكسرلي ظهري
و متنطرة هاي الناس يعذبني دهري
حيلي خلص بجفاك يا روحي اصبري
ترضه العده يسمعون تتعاله وناتي
•———•———•———•
لخادمات العليلة وأبيها
ضُحى سالم و زينب الفياض.
#الامام_العباس
#حصرياً
#زينب_الفياض
#العباس
https://www.tg-me.com/zainab_alfayaad

واتساب https://whatsapp.com/channel/0029VbATZtfGJP8L1IIuvs1B

#من_ديوان_المغسل_بدم_الجراح_الجزء_الاول

قصيدة نزال حماسية ومفاخرة بحق أبا الفضل العباس (ع)

من نزل عباس كالوله علي
هذا ابن الحيد ابن اعظم ولي
•———•———•———•
هذا سبع الگنطره ونعم الاصل
تراجفو كل المجامع من نزل
مايخلي اي بشر منهم يضل
خلهم يظنون حاربهم علي
•———•———•———•
سيفه يكطع لا تظن يبقى امل
ولا تفكر بالحصل والما حصل
بصوت منه يروح من عدهم نسل
راسه مثل الغيم كلش عالي
•———•———•———•
من يمر اسمه يمر بيهم رعد
يعاين على الجيش شو بعضه شرد
والبعض منه بمكانه شو جمد
اباوع من ابعيد ينظر حالي
•———•———•———•
واحد من الجيش بالقتله يعد
عافه نصه وكال هواي العدد
لابو فاضل الحرب هيه بعد
كاتب بعينه الحسين الغالي
•———•———•———•
من لگو لحسين بعين السبع
ضربو العين بسهم وسط الدمع
وضلن عيون الشهم اكثرر تشع
ظنوا يقتلون ابن الوالي
•———•———•———•
لخادمات العليلة وأبيها
ضُحى سالم و زينب الفياض.
#العباس
#حصرياً
#زينب_الفياض

https://www.tg-me.com/zainab_alfayaad

واتساب https://whatsapp.com/channel/0029VbATZtfGJP8L1IIuvs1B

#من_ديوان_المغسل_بدم_الجراح_الجزء_الاول

هوسات لأبا الفضل العباس(ع)

ابو فاضل شهم نهوسله هليله
ونذكر حسين وباقي العيله
وزينب أخيته الضلت نحيله
( ويستاهل /// نشدله اللطمه )
•———•———•———•
نزل عباس للحومه ويصيح بصوت
انه الكافل ابن حيدر الزلمه ابصفي خل يفوت
نص الجيش من خوفه لفاه الموت
( وبخزره /// ماتوا عدوانه)
•———•———•———•
بعيونه السبع بالجيش گام يصيد
مثل حيدر من يهد ابد لا ميهيد
يكول الكلمة مره وبعد لا ميعيد
(والكافل /// تخلس كلماته )
•———•———•———•
حاروا بيه كل عدوانه ماكدروا
ما يبرز اله واحد وكلهم يمه اتعثروا
لأن مو زلم تالي بالظهر غدروا
(يلاگونه /// يخافون الوالي)
•———•———•———•
لخادمات العليلة وأبيها
ضُحى سالم و زينب الفياض.
#العباس
#حصرياً
#ضحى_سالم
#زينب_الفياض

https://www.tg-me.com/zainab_alfayaad

واتساب https://whatsapp.com/channel/0029VbATZtfGJP8L1IIuvs1B

قصيدة لابا الفضل العباس بعنوان (گمر زينب)
من ديوان المنحور في الورى الجزء الثاني

بسم الله من اوداع عباس
وداعك مو سهل يحبس الأنفاس

•••••••••••••
يا گمر زينب انت و يا ضواها
حجي وداعك بالكلب چواها
نظراتك دفو بصيف وشتاها
حروفك مو سمع ياخويه تنباس
•••••••••••••
فرهدت العمر من رحت عني
وبگيت بحسرتي وآهي وني
فارگت الهوا بهل لحظة چني
يلچمني الحچي وي هاي الارجاس
•••••••••••••
ناديتك يخويه واسمع الصوت
زينب بعد عينك رادت تموت
طيف موادع يم جفني يفوت
وتضحك ع الجرح ياخويه هلناس
•••••••••••••
اجاني حسين بفراگك حضني
دريت بموتتك من شفته محني
يگول حسين اصوابك كتلــني
يهدم بالگلب يصواب عباس
•••••••••••••
عباس الگلب ما يحمل افراگ
تدري بالحنين بسرعة يشتاگ
تفزع للولي من هدمه ينباگ
لو حيلك يغدرك يابو الاحساس
•••••••••••••
تمت بعون الزهراء عليها السلام
بقلم خادمة العليلة وابيها
#زينب_الفياض
#حصرياً
#العباس
https://www.tg-me.com/zainab_alfayaad

واتساب https://whatsapp.com/channel/0029VbATZtfGJP8L1IIuvs1B

#من_ديوان_المغسل_بدم_الجراح_الجزء_الاول

فزاعية مع هوسة للأمام العباس (ع)
بعنوان (وگع عباس)

زينب من وگع عباس
ندبت فاطمة الزهره
•———•———•———•
تندب والدمع يجري
خلص بالحزن كل عمري
سباني يم حسن دهري
تنظر للكفيل وكبرت الحسره
(عباس فراگك هد حيلي )
•———•———•———•
يمه مگطعه جفوفه
وعينه عليه ملهوفه
لساني يردد حروفه
وروحي بشوگ تنتظره
(متانيته يرد حتى اشكيله )
•———•———•———•
صاير للوفه عنوان
اليحبه ابد ما ينهان
قدوه صار للإخوان
لأخيه فده بكل عمره
(يالحرة ابنچ ضحة بروحه)
•———•———•———•
ضحه بروحه وعيونه
لأبن فاطمة المحزونه
وزينب حايره دونه
تشوفه نصرع على الغبرة
(وعباس فراگك ذلاني )
•———•———•———•
فراگك حيل أذاني
وعيني لجيتك اتاني
بدونك خالي صيواني
وگلبي خلص كل صبره
(يا خويه مچانك ظل خالي)
•———•———•———•
لخادمات العليلة وأبيها
ضُحى سالم و زينب الفياض.
#العباس
#حصرياً
#ضحى_سالم
#زينب_الفياض

https://www.tg-me.com/zainab_alfayaad

واتساب https://whatsapp.com/channel/0029VbATZtfGJP8L1IIuvs1B

قصيدة ...... لـ ابا الفضل العباس بعنوان
(حارس خيمنه)

يا حارس خيمنه يا شايل علمنه
بعدك احنه نضيع والعدو يسبّنه
يا حارس خيمنه ... يا حارس خيمنه
—————————————
يالكافل يخويه الحيد...يالفراگك يتعب
ياعطرك يطيب الروح...والراحة الي يجلب
ريشاتك يبن فاطم ... بجيش آل الكفر ترعب
وخزراتك يهيبتنه... الحومة اعليهم اتصعب

يبن حيدر يخو الحسين...تستاهل اذبلك عين
ياحارس خيمنه....يا حارس خيمنه
—————————————

يالناذر لخوك حسين... روحك والجسد والعين
ياحامل لواء الدين..بموتك ماتوا السبعين
شفت انه الاخو مدنگ...ما شالني الجدمين
طحت اعله الوجه ابجي...واندب آ يخويه حسين
وضاعت كل محاجينه .. خلافك من يبارينه

يا حارس خيمنه... يا حارس خيمنه

—————————————


چنه ننتظر جيتك...وتفّرح ملامحنه
موش من العطش عباس...احنه بروحتك متنه
صحنه بسكته يا كافل...خّدر فشله لو صحنه
بعد المن ندير العين... كفر من كل جهه عدنه
احتارينه بعد عباس...ما ترحمنه هاي الناس
يا حارس خيمنه...يا حارس خيمنه
—————————————

محد شايف خيالي... چبيرة عليه من اطلع
وي وادم غرب وارجاس... يهضمني الحجي من اسمع
هاي اخت الهواشم هاي... نخليها دمه تدمع
وبمذبح اخوها حسين...بعد چم ساعه وتفزع
ما أفزع وحگ ستري...بحزني فاطمة تدري
يا حارس خيمنه ... يا حارس خيمنه

—————————————

من ديوان المنحور في الورى الجزء الثاني

بقلم خادمة العليلة وابيها
زينب الفياض.


#زينب_الفياض
#حصرياً
#العباس
https://www.tg-me.com/zainab_alfayaad

واتساب https://whatsapp.com/channel/0029VbATZtfGJP8L1IIuvs1B

محاضرة وحديث ليوم السابع

أنا لله وأنا إليه راجعون، وسيعلم الذين ظلموا آل محمد أي منقلب ينقلبون والعاقبة للمتقين
آجركم الله يا شيعة أمير المؤمنين(ع)
فلما اشتد العطش في مخيم الحُسين (ع)
برز العباس سانداً لظهر اخيه الحسين(ع) معلن الحرب على الاعداء عازماً على أن يأتي بالماء إلى المخيم، فصال كصولة ابيه في معركة أحد
وملئ الجربة وعاد إلى المخيم محققاً آمال الأطفال وهو شرب الماء....
ولكن بعدما خسر الحُسين(ع) فلذات كبده
وأنصاره لم يتبقى سوى العباس
عاد الظمأ يحرق فؤاد ابا الفضل حينما يرى شفاه أطفال اخيه متشققة و عيونهم غائرة واجسادهم متعبة من شدة العطش أبى العباس أن يرى الأطفال هكذا،
تأتي إليه سكينة تخط قدماها من الظمأ
وجبهتها تتعرق من حرارة الشمس

عمي عباس، أن العطش تسلل إلينا
والشمس تحرق بنا، إلا تسقنا من جودك
الا تسقنا من قربتك يا أيها الساقي

بقيت حروف سكينة ترن بأذن الكافل وقلبه أصبح كالشمس يحرق الأضلاع
استعد ابا الفضل وذهب نحو الحسين(ع)
يأخذ الأذن منه لكي يذهب الى العلقمي ويملئ القربة ويسقي بنات رسول الله(ص)
لكن الحُسين (ع) لم يرضى بذلك أنه يعلم بأن هذا اللقاء الاخير، أنه يعلم سينكسر ظهره بفراقه...
اما عن العباس فعاد مرة أخرى وتحدث مع اخيه
قائلاً له:
سيدي يا أبا عبدالله....
انحنى رأس الحُسين (ع) وقال له
أن كان ولابد فأذنت لك....
لكن قلبه العظيم انكسر والآن شعر الحُسين (ع) أنه وحيد دون ناصر ولا معين
فقال له يذهب ليودع أخته العقيلة زينب (ع):
سار العباس نحو خيمة الستر والعفاف
حضن اخته وقال لها:

اوصيج يا زينب وصيه
لا تبجين يا خويه عليه
دمعتج تشعل نار بيه
**
تظلين الأميرة الهاشميه
واسمج يزينب مو سبيه
فخر عباس انت الفاطميه
*
تجيب العقيلة:

چنك تودع خويه لاوين
ناوي السفر وتخلي الحسين
ما يخمد دمعها عليك هلعين
**
يكافل خدري و نظر عيني
اختك واحشمنك تجيني
بهتت يبو فاضل اسنيني
*
خرج العباس من خيمة زينب مكسور القلب
بعدها ودع عياله ثم اخذ الفرس وذهب نحو العلقمي.....
وهناك خلد العباس معنى الإخوه والوفاء
فهل نحن نستطيع أن نكون كالعباس ونكون أوفياء مع امام زماننا.
العباس هو المثل الأعظم بالنصرة والإخلاص والتضحية، فقدم كل ما يستطيع ليس لأن الحُسين اخيه بل لأن الحُسين هو أمام زمانه
بل لأن النصرة والتضحية واجبة عليه لأجل عقيدته
هكذا هي النصرة...
لابد أن نلتفت ونطلب من العباس أن يجعلنا من أنصار القائم...
لابد أن ننتصر على أنفسنا لكي ننصر صاحب العصر والزمان(عجل الله فرجه)
أن النصرة ليست فقط بعد ظهوره بل هي من الآن حتّى الظهور لعله يرحب بنا في صفوف الأنصار حين الظهور.
يا شيعة يا موالين لا تتركوا حجة الله وحيداً
عاشوراء ليس فقط للبكاء، عاشوراء للدورس والمواعظ، ف يجب علينا أن نأخذ العِبرة والعَبرة لكي ننجوا من الظلمات بحق محمد وآل محمد.

تمت بعون الزهراء
بقلم خادمة العليلة وابيها
زينب الفياض
من ديوان المنحور في الورى الجزء الثاني

#زينب_الفياض #حصرياً
#الامام_العباس
#العباس
https://www.tg-me.com/zainab_alfayaad

واتساب https://whatsapp.com/channel/0029VbATZtfGJP8L1IIuvs1B

فزاعية للامام العباس

من صال ابو فاضل…زلزل الحومه

طباها البطل وشايل الرايه
ناطي السكنه هو اليوم الحجايه
عمي هناك بيهم انصب الثايه
محتار العدو وايلملم اهدومه
•———•———•———•
كل الجيش ابوفاضل يهابونه
وكلها تخاف منه بخزرة عيونه
احتاروا بي ماكدروا يحاچونه
صارت موتت الكفار معلومه
•———•———•———•
جوه الخيل ضمت روسها الكفار
كل الجيش بالعباس ظل محتار
سواها الكفيل الرگب بس طشار
عفية بابن ابوي السبع جيدومه
•———•———•———•
عفية بابن ابوي اليشبه الكرار
مثل حيدر علي بالمعركة مغوار
ابو فاضل الهيبة ابو دم الحار
گل للشمر موتك هل گرب يومه
•———•———•———•
گرّب موتهم ماتنفع الشرده
لو صال ابوفاضل بعد شيرده
رجعه ليوره العباس ماعنده
واشجعهم شرد والشرده معدومه
•———•———•———•
لخادمات العليلة وأبيها
ضُحى سالم و زينب الفياض.
#العباس
#حصرياً
#ضحى_سالم
#زينب_الفياض

https://www.tg-me.com/zainab_alfayaad

واتساب https://whatsapp.com/channel/0029VbATZtfGJP8L1IIuvs1B

تم نشر قصائد ونعي وهوسات وحديث لمصيبة ابا الفضل العباس على قناة الواتساب https://whatsapp.com/channel/0029VbATZtfGJP8L1IIuvs1B

الحسابات الرسمية التابعة لي

تليگرام قناة القصائد:
https://www.tg-me.com/zainab_alfayaad

واتساب قناة قصائد: https://whatsapp.com/channel/0029VbATZtfGJP8L1IIuvs1B

تليگرام قناة نصوص وكتابات:

https://www.tg-me.com/z_z313

انستگرام حسابي الشخصي:
https://www.instagram.com/zainab_alfayaad?igsh=Ym9rNXg1MDA0NGlm&utm_source=qr

تيك توك:

https://www.tiktok.com/@zainab_alfayaad?_t=ZS-8xHYQ9IRCTg&_r=1

عظم الله اجوركم بذكرى شهادة اولاد ثقة الحسين مسلم بن عقيل.

قصيدة لأبا الفضل العباس عليه السلام

حينما ذهب العباس الى المشرعة كان يحمل معه احلام الاطفال والنساء
ذهب الى العلقمي ليحقق طلب سَكينة…
لكن سرعان ما تحطمت تلك الاحلام ووقع ابا الفضل العباس عليه السلام صريعاً على الارض
فبقي العباس يتألم خجلاً من سكينة والعيال لأن الماء لم يصل إليهم…
ذهبت احلام الكفيل
حينما اصاب قربته ذلك السهم..
لسان حاله:

ياسهم كونك بالگلب طايح ولا بالجربه
حتى سَكينه تنروي وحسين يبرد گلبه
——••••••———••••••——

يا سهم صيب انتَ الگلب والجربه بس خليها
وصيّب عيوني والچبد وعادي هم اعميها
بس كون يوصل هالعذب لسكينه ويرّويها
يرويها كون وتطمئن ومتحس ابد بالغربه
——••••••———••••••——
حاچيني يا سهم الغدر شتريد منها احجيلي
الجربة هايه للحرم خليها واهدم حيلي
وخلي حياتي تنتهي ويخلص نهاري وليلي
يخلص عذابي ودمعتي وحسيني يكبر حبه
——••••••———••••••——
ياسهم ليش ويه العذب حطيت بالك گلي
شنهي أگولن للولي لو غاد من يحضر لي
شنطيه شنهي يا عذر وسكينه بس تصدلي
انذبحت احلامك يالطفل وماحصلتلك شربه
——••••••———••••••——
ياسهم مذبوح الحلم والطفل تجري دموعة
والسمه من هذا الفعل حمرة اصبحت مفجوعة
والامة كلها اعله الطفل حيل اصبحت موجوعة
وانت تظل طول العمر عايش بعد بالجربه
——••••••———••••••——
تمت بقلم خادمة العليلة وأبيها
زينب الفياض تحت إشراف تجمع خادمات الذبيح || منتدى رواة العطش
#محرم_الحرام
#حصرياً
#العباس
#زينب_الفياض

https://www.tg-me.com/huusin_313

من هنا تبدأ قصائد اولاد مسلم للي يحتاجهم ونسألكم الدعاء

قصيدة لابا الفضل العباس عليه السلام

خويه ياعباس لو انتَ رحت
انه والايتام والخيمة طحت
طحنه كلنا بروحتك…نروى جنه بشوفتك
خويه ياعباس لو انته رحت
——••••••———••••••——

خويه يا عباس يا ضي النظر
ياعضيدي وراحتي وكل العمر
السهم موعيناك احس گلبييطر
اوداعتك يا خويه روحي اتفرفحت
خويه ياعباس لو انته رحت
——••••••———••••••——

من اودعك ينهدم حيلي هدم
وينكسر ظهري يشيال العلم
وينحني وياي العمد مال الخيم
هيج عكبك حالي يا خويه صحت
خويه يا عباس لو انت رحت
——••••••———••••••——

صحت يا عباس اخيّك منكسر
گوم ليه وبيه لا يشمت شمر
وادري چفينك گطيعه يا گمر
طيحتك هذي لگلب اختك تفت
خويه يا عباس لو انت رحت
——••••••———••••••——

بطيحتك تنهدم كل هاي الخيم
وما يظل عباس عندي اولا علم
ترجع لزينب بعد هذا حلم
بموتتك ياخوي موتي انا شفت
خويه يا عباس لو انت رحت
——••••••———••••••——

بموتتك عباس جن ميت اخوك
بس جسد باقي وحگ حيدر ابوك
شلون گدرواخويه هيج ايگطعوك
امگطعة الچفين وعيونك عمت
خويه يا عباس لو انت رحت
——••••••———••••••——

خويه شنهي يصير لو تدري الحرم
نايمه عله المشرعة عيون الشهم
شلون اگولن لزينبك طاح العلم
شلون اگوللها يبو فاضل طحت
خويه يا عباس لو انت رحت
——••••••———••••••——

تمت بقلم خادمة العليلة وأبيها
زينب الفياض و ضحى سالم تحت إشراف تجمع خادمات الذبيح || منتدى رواة العطش
#محرم_الحرام
#حصرياً
#العباس
#زينب_الفياض

https://www.tg-me.com/huusin_313

فزاعية للقاسم (ع) بعنوان (انه امك) من ديوان المغسل بدم الجراح

انه امك يالولد وارباي اريدنه
•———•———•———•
يا جسام يوليدي يالمچنه
خاف الموت يمه عليك يتدنه
جرحك يالولد صعبه من اشوفنه
گلي منين ياذيك ارد اضمدنه
•———•———•———•
حاجيني ييمه وسكت جروحي
والله عليك ابد ما بطلت نوحي
لو تندار جان افديلك بروحي
وكتي على الاوحيد ليش لاحگنه
•———•———•———•
اكعد يا وليدي ولا تخليني
دمعي عليك يا جسام يعميني
موتك يالشباب هواي ياذيني
ومصابك يبعد الحيل يوجعنه
•———•———•———•
ما اكدر على افراگك يضي عيني
يا تعب العمر يا لهفة اسنيني
يمه كلمة وحده اكعد و حاجيني
يمه بموتتك گلبي يحرگونه
•———•———•———•
بنار الخيم يوليدي يحرگونه
وتسبينه العده والگوم يولونه
نغفه بالخرايب لمن يسبونه
بنص السوگ ترضاها يمشونه
وبالسياط العده يبني يضربونه
•———•———•———•
لخادمات العليلة وأبيها
ضُحى سالم و زينب الفياض.
#القاسم
#حصرياً
#زينب_الفياض

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

نعي للقاسم (ع) من ديوان المغسل بدم الجراح

يجسام روح مودع الله وياك
ادري الموت گام يحوم يبني احذاك
روحي والعمر كلهن ييمه فداك
بس كونك سالم تلفيني
يوليدي انت ويا ضي عيني
•———•———•———•
يمه روح واقراها الوصيه
و انطي عمرك لعمك هديه
وحتى لو بدمك تلفي ليه
لا تترك عمك لوحيده
مكسور و مذبوح عضيدة
•———•———•———•
انه الوالده الأنطت أبنها
والمصايب چثيرة و دولبنها
من راح الابن زيد حزنها
ردت بأيده يهيل ترابي
يبني صوابك ريته صوابي
•———•———•———•
رف الجفن يمه وحزنت الروح
لن الولد ردالي مذبوح
منين احضنه وكله اجروح
مجروح ومصيوبه الهامه
وزادت وناته من آلامه

لخادمات العليلة وأبيها
ضُحى سالم و زينب الفياض.
#القاسم
#حصرياً
#ضحى_سالم
#زينب_الفياض
#ديوان_المغسل_بدم_الجراح

https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad