يلا حفلة؟ 😂
https://www.tg-me.com/Gallery_Empire

مساء الخير ، كلمتين بعيد عن محتوانا وعن الكورة
احنا كان هدفنا من زمان ان الموضوع مش كورة بس بل هو مكان نقدر نستغله ف اكتر من حاجه خيرية ، نشير مشروع حد ونساعده ان الناس تعرفه او نعلن عن حالة محتاجه مساعده وهكذا ، والحمد لله قدرنا كتير جدا نساعد ناس ودا كله بفضل ربنا ثم مشاركتكم ، سدينا ديون ناس ودفعنا مصاريف علاج وعمليات وجامعات ل اشخاص كتير ، ولكن بقالي فتره كبيرة معتمد على شخصين اتنين بس دايما بيشاركو وبمبالغ كبيرة جزاهم الله خيراً ، بس اكيد مش هنفضل معتمدين عليهم دايما ، واخر ست او سبع اشخاص حاولت اساعدهم هنا مكنش حد بيشارك ولا اي حاجه بتوصل حرفيا ، مع ان الاثباتات لكل حالة موجوده وموثوق منها مليون ف الميه ، والحالة الوحيده اللي نزلناها ملهاش اثبات في شخصين شككو فينا ودعتهم لزيارة الحالة بنفسهم وبالفعل نورونا وشافو الحالة بنفسهم وتكفلو بيها ، ف انا حاليا عندي ما يقرب من 25 شخص معلق رسايلهم ومش قادر ارد عليهم لاني عارف اني لو نزلت بوست ليهم محدش هيساعد ولا حد هيبعت حاجه لسبب ما الله اعلم بيه ، وعارف ان الظروف صعبه على الكل ربنا يهونها علينا جميعاً
ف انا متأسف ليكم ولكل حد بيحاول يكلمني عشان اساعده ، انا مش هقدر ارد على حد ولا هنزل حاجه من دي تاني لاني والله العظيم بحس بالعجز لما اعشم حد ب اني هسد دينه او اجيبله علاج وفي الاخر مفيش حاجه بتوصل
انا اسف ليكم مره واتنين وتلاته ، وجزا الله كل شخص شارك معانا من اول يوم لحد الان ب اي مبلغ مهما كان قيمته
انا متاح برايفيت دايما لاي حد عاوز يكلمني او اساعده بحاجه في حدود المستطاع من مالي الشخصي او لو حد عايز يوصل ل شخص مت الحالات دي ويساعده ، ولكن مش هنزل بوستات هنا تاني
اسف اني طولت عليكم واسف لكل شخص اتعشم فينا وخذلناه
جزاكم الله خيرا 💗

اليوزر الدائم للتواصل معايا @Lamona_151

بارك الله في تلك الصباحات التي تبدأ بكلام الله.🫶🥰