Tasavvur qiling!
Siz bir daraxtga mevasi pishgunicha mehnat qilsangiz, pishganidan so'ng yeyman, rohat olaman deb kutsangiz-u, lekin siz bu daraxtingizni soyasidan ham mevasidan ham mahrum bo'lsangiz..siz yetishtirgan daraxtdan faqat boshqalar yeb rohat olsa qanday bo'ladi?

Ogoh bo'ling!
G'iybat - mashaqatlar bilan qilgan ibodatlaringiz savobidan sizni mahrum qiladi. Ohiratda umid qilgan hasanotlaringiz boshqalarga o'tib ketadi.

https://www.tg-me.com/zarbulmasall

#Tafakkur

Ibn Qayyim rahimahulloh aytadilar:

Uch narsa jismni kasal qiladi:
1. Ko‘p gapirish.
2. Ko‘p uxlash.
3. Ko‘p yeyish.

To‘rt narsa badanni buzadi:
1. Gʻam.
2. Xafalik.
3. Ochlik.
4. Bedorlik.

To‘rt narsa yuzni quritib, suvi va yashnashini qochiradi:
1. Yolg‘on.
2. Behayolik.
3. Ilmsizlik bilan ko‘p savol berish.
4. Ko‘p gunoh qilish.

To‘rt narsa yuz suvi va yashnashini ziyoda qiladi:
1. Taqvo.
2. Vafodorlik.
3. Saxovat.
4. Muruvvat.

To‘rt narsa rizqni jalb etadi:
1. Tungi namoz.
2. Sahar vaqti ko‘p istig‘for aytish.
3. Sadaqa berishga odatlanish.
4. Kun boshi va oxirida zikr qilish.

To‘rt narsa rizqni to‘sadi:
1. Tonggi uyqu.
2. Kamnamozlik.
3. Dangasalik.
4. Xiyonat.

Gunoh qilishni qasd etganingizda uch oyatni yodga oling:
1. "Alloh ko‘rishini bilmasmidingiz?". (Iqro)
2. "Rabbisining maqomidan qo‘rqqanga ikki jannat bordir". (Rahmon)
3. "Kim Allohdan taqvo qilsa, unga (muammosidan) chiqadigan yo‘l qilur". (Taloq)

| Mubashshir Ahmad sahifasidan


https://www.tg-me.com/zarbulmasall

#maqola

Yolg'on va Haqiqat

Hikoya qilishlaricha, bir kuni Yolg'on bilan Haqiqat uchrashib qolishibdi.
Yolg'on Haqiqatga: «Qara, bugun kun juda ham go'zal bo'lmoqda», debdi. Haqiqat shubhalangancha
atrof-javonibga alanglab qarabdi. Osmonga boqibdi. Qarasa, haqiqatan ham kun juda ham
go'zal, havo musaffo, quyosh charaqlab chiqib kelmoqda... U kunni Yolg'on bilan o'tkazishga qaror
qilibdi.
Yolg'on Haqiqatga: «Hovuzdagi suv juda ham zo'r ekan, kel, birga tushamiz», debdi.
Haqiqat bu gal ham avvaliga Yolg'onning gapiga shubha bilan qarab, suvga qo'lini suqib ko'ribdi.
Suv rostan ham juda maromida edi. Yolg'onga ishonib, u bilan birga kiyimlarini yechib,
ikkovlon suvga tushishibdi. Kutilmaganda Yolg'on hovuzdan sakrab chiqibdi-yu, Haqiqatning
kiyimini kiyib, qochib qolibdi.
Haqiqat ham darhol suvdan chiqib kelibdi. Biroq, kiyimlari joyida yo'q ekan. Qarasa, uni
Yolg'on kiyib ketayotgan emish. G'azabga to'lib, liboslarini qaytarib olish uchun uryon holicha
Yolg'onning ortidan quvib ketibdi.
Odamlar uning yalong'ochligini ko'rib, uni malomat qilishga tushishibdi va bechora Haqiqatdan
yuz o'girishibdi. Haqiqat Yolg'onga yetolmagach, odamlardan uyalib berkinib olibdi va shu-shu
jamoatchilik oldiga qaytib chiqmay qo'yibdi.
O'shandan beri Yolg'on Haqiqatning kiyimini kiygancha dunyoni kezib yurar, odamlar unga
izzat-ikrom ko'rsatib, hamisha to'ridan joy berishar ekan. Haqiqatni esa yalang'och deb
yoqtirishmas, ko'rgan joylarida uni quvlab solishar ekan...
Jubron Xalil Jubrondan erkin tarjima.
Hikoya mutlaq haqiqat bo'lmasada, uning mazmunida jon bor. O'rni kelganda ishlatsa bo'ladi
ekan.

Hasanxon Yahyo Abdulmajid

01.08.2023

https://www.tg-me.com/zarbulmasall

​​📖 Ибрат учун

Бир одамнинг уч орзуси боракан... У катта маошли иши, гўзал турмуш ўртоғи бўлишини ва оламга машхур бўлишни хохларкан. Кунларнинг бирида ўша одам таниқли фирмага ишга кириш учун отланибди. Йўлда кетаётганида унинг йўлида бир қария ёмон йиқилиб тушибди. Агар унга ёрдам бериб, ғамхўрлик қилсам қабулга кечга коламан, бу бир пиёниста бўлса керак деб хаёлидан ўтказиб, қарияга ёрдам бермабди. Аммо у барибир ишга қабул қилинмабди, сухбатдан ўта олмабди.
Кунларнинг яна бирида кўчада сайр қилиб юрса кўча артистлари ажойиб томоша кўрсатаётган эканлар. У мазза қилиб томошани кўрибди. Атрофдаги одамлар артистларни олқишлашибди. У бўлса йўлида давом эта бошлабди. Шунда унинг ёнига кампир киёфасидаги актриса югуриб келиб томоша хақидаги фикрини сўрабди. Халиги одам кампирдан жирканиб жавоб бермасдан кетиб колибди.
Яна бир ёмғирли кунда у одамнинг кўзи унинг уйи олдидаги ўриндиқда йиғлаб ўтирган бир юпун аёлга тушибди. Аёл ундан бир тунга бошпана сўрабди, лекин у одамнинг аёлга ёрдам бергиси келмабди ва шошилиб иссиққина уйига кириб кетибди. Йиллар ўтиб ўша одам бир умр рўшнолик кўрмай оламдан ўтибди ва у дунёга борганида фариштага хаётини нолиб сўзлаб берибди. "Эсингдами,- дебди фаришта, - йиқилиб тушган қария сендан таянч истаб қўлини чузганди, ўша қария сен ишга жойлашмоқчи бўлган фирма бошлиғининг отаси эди. Сени орқангда эса уни ўғли отаси томон шошиб келаётганди... Актриса кампирни эслайсанми--у аслида гўзал-ёш аёл эди, у сени ёқтириб қолганди, у сени бахтли қилиши мумкин эди, сен рад эттинг... ва нихоят эшигинг ёнида сендан бошпана сўраган аёл ёдингдами? Ўша аёл машҳур адиба эди, у ўша куни нихоятда далдага мухтож эди... сен унга ёрдам берганигда -- шубхасиз сен хакингда "энг яхши инсон" дея достон ёзарди... афсуски сен хеч кимга ёрдам бермадинг. Агар уларга ёрдам берганингда хамма орзуларинг амалга ошган бўлар эди ва бу яхшиликларингни ажр-савоби бу дунё жаннатига йўл очар эди... Афсус..." - дебди...

ХУЛОСА: Икки дунё саодатини қилган яхши амалларингиздан топасиз...

https://www.tg-me.com/zarbulmasall

#Мулоҳаза_учун

Хитойлик Таин Жоу деган киши Ой Фи Лу исмли герцогга ихлос билан хизмат қилар эди. Аммо у герцог ҳузурида ҳамон ўрни йўқлигидан ташвишда эди. Шунинг учун бир куни у герцогга деди:
- Бир куни шимол ўрдаги сингари узоқларга кетиб қоламан!
Герцог сўради:
- Бу нима деганинг?
Таин деди:
- Азизим герцог! Хўрозни кўраяпсизми? Унинг бошидаги тожи гўзаллик ва кўркамлик аломатидир. Тирноқлари унинг кучига далолат қилиб туради. Қаршисидан чиққан душман билан курашавериши унинг журъатига далолат қилади. Топган овқатига бошқаларни ҳам чақиравериши унинг яхшилик қилишга ҳарис эканлигини билдиради. Ва ниҳоят у бизга вақтнинг хабарини бериши билан ростгўйлигини намоён қилади. Аммо хўрознинг шунча фазилати бўлишига қарамасдан уни сизнинг дастурхонингиз учун сўйишади. Нима учунлигини биласизми?
Герцог сўради:
- Нима учун?
- Чунки хўрозга доимо қўлимиз етади.
Шимол ўрдаги эса бир учишда уч юз километр йўл босади. У боғингизда дам олгани қўниб кўлдаги балиқларингизни ейди, тошбақачаларни ейди, меваларингизни ейди. Ўрдакда хўроздаги яхши хислатларнинг бирортаси топилмасада уни узоққа учишини ноёб хислат санаб қадрлайсиз. Шунинг учун шимол ўрдаги сингари узоқларга кетишга қарор қилдим!

📖 Хитой адиби Ю Хсё Суннинг
"Хитойнинг қадимги масаллари" китобидан


🥀 Биз инсонлар шунақамиз, олдимиздагини қадрламаймиз. Бизлар доимо буюклик узоқда бўлади деб ўйлаймиз.
Инсоннинг буюклигига энг сўнгги бўлиб ишонадиганлар унинг яқинлари бўлади... бу холат ҳаётда кўп учрайди...

Тақаккур қилинг!


https://www.tg-me.com/zarbulmasall

📖 ҚЎЛИ ҚИНҒИР ТИКУВЧИ

Рум шаҳрига бир ёш савдогар ташриф буюрди. Бу шаҳарда машҳур бир тикувчи бор эди. Ёш савдогар шу чеварда кийим тиктиришни хоҳлади.
Йўловчи мўйсафиддан чеварнинг дўкони қаердалигини сўради. Мўйсафид унга чеварнинг дўкони қаерда эканлигини тушунтириб берди ва огоҳлантирди:
- Болам, у машҳур чевар бўлгани билан, қўли эгри. Эҳтиёт бўл. Мана ман деганларнинг матоларидан ўзларига билдирмай қирқиб олади.
- Эх отахон, мен савдогарликни бекорга қилиб юрибманми? Ўғридан кўпини кўрибманми? Хали менинг матоларимни ўғирлайдиган ўғри туғилмаган!
- Болам у жуда моҳир ўғири!
- Отахон, мендан ҳеч нарса ололмайди. Манзилни кўрсатганингиз учун рахмат!
Отахонга шу жавобни айтиб, савдогар чеварнинг дўкони томон равона бўлди. Дўконни қидириб топди. Ичидан чевар чиқиб келди. Чевар шундай мулозамат қилдики савдогарга, худди минг йиллик танишлардек кутиб олди. Савдогар чеварнинг олдига ўзи билан олиб келган қимматбаҳо матони ёйди. Чевар савдогарнинг ўлчамларини олиб матони қайчи билан қирқа бошлади.
Ўз ишини бажараётиб Румнинг гўзал қизлари ҳақида гапирарди, турли хил латифалар айтарди. Латифаларнинг қизиқлигидан савдогар бошини тепага қилиб, қахқаха отиб куларди. Чевар бу онда тезлик билан матонинг бир томонини қирқиб олар ва беркитар эди.
Кейинги сафар ундан хам кулгулироқ латифа айтарди. Савдогар кулаверганидан кўзлари юмилиб кетар, бу онда чевар матонинг яна бир парчасини қирқиб олиб яширар эди. Бирданига чевар жим бўлиб ўз ишини бажаришда давом этди.
- Эй чевар, жуда қизиқ латифалар билар экансан. Нега жимиб қолдинг? Давом эт . . . - деди савдогар.
- Эй савдогар, агар яна бир марта латифа айтсам, сенга кийим тор келиб қолади . . . деб жавоб қайтарди.
Бу ҳикоямиз аслида зарбул масал. Ундаги савдогар – дунёда яашаётган инсонлар. Мўйсафид эса бизга насиҳат қилгувчи отамиз, устозимиз, ибратли ҳикоя ва ҳоказолардир. Чевар бу эса – мана шу дунё. Унинг қирқиб олаётган қимматбаҳо матоси эса, инсоннинг қимматли вақтидир.
Дунё шундай, сизга кулгили, кўнгил-очар нарсаларни кўрсатиб, вақтингизни ўзининг ўткир қайчиси билан “зип” этиб қирқиб олаверади. Буни пайқамай қоласиз. Баъзан пайқаганингизда, кийимингиз тор келиб қолган бўлади. Яъни вақтимиз жуда оз қолган бўлади дунёда.
Бир инсон ибодатсиз танишидан сўрабди:
- Агар сен эртага ўлишингни билиб қолсанг нима қилар эдинг?
- Тавба тазарруъ қилиб ибодат қилар эдим, жавоб берибди таниш.
- Ундай бўлса, сен эртага вафот этмаслигингни биласанмики, ғафлатда юрибсан?!
(Интернет маълумотлари асосида тайёрланди)

Бахтиёр Хайитбоев. Мулла Абдулазиз жомеъ масжиди имом хатиб

https://www.tg-me.com/zarbulmasall

УЧ  ЭЛАК  ҲАҚИДА  РИВОЯТ

  Бир киши донишманддан сўради:
  -Дўстингиз сиз ҳақингизда нима деганини айтайми?
  -Шошма, -деди донишманд, - аввал айтмоқчи бўлган гапингни учта элакдан ўтказ...
   -Учта элак?
   -Бирор гапни айтишдан олдин, уни учта элакдан ўтказиш лозим. Аввал ҲАҚИҚАТ элагидан. Айтмоқчи бўлган гапинг ҳақиқат эканлигига ишончинг комилми?
    -Йўқ, мен уни шунчаки эшитдим, холос.
    -Демак, сен унинг рост ёки ёлғонлигини билмайсан. Энди иккинчи  – ЯХШИЛИК элагидан ўтказамиз. Сен менга дўстим ҳақида бирор яхши гапни айтмоқчимисан?
    -Йўқ, аксинча.
    -Демак - давом этди донишманд - сен менга ҳақиқатлигини билмай туриб ёмон хабарни етказмоқчисан. Энди учинчи элакдан ўтказамиз – ФОЙДА элаги. Сенинг гапингни эшитишим шартми, у менга фойда келтирадими?
    -Йўқ, ҳожати йўқ.
    -Демак, -хулоса қилди донишманд, - сен етказмоқчи бўлган хабарда ҳақиқат ҳам, яхшилик ҳам, фойда ҳам йўқ экан. Унда уни менга айтиб нима қиласан?


https://www.tg-me.com/zarbulmasall

#Ибрат

АЛЛОҲНИНГ АДОЛАТИ

Ривоятларга кўра, бир куни Мусо (а.с.):
– Аллоҳим, баъзи инсонлар золимларнинг зулми жазосиз қолаверади, деб ҳисоблайди, – дедилар. – Ҳолбуки, Сенинг адолатинг муҳаққақ юзага чиқади, золим зулмининг жавобини, албатта, олади. Менга шундай ўрнак кўрсатки, уни эшитган кишилар зулм ва ҳақсизлик қилишдан тийилсин. Қилган ишига жазо тайин эканини билсин.

У зот (а.с.)га шундай жавоб бўлди:
– Эй Мусо, саҳрода тўрт йўл кесишган жойдаги дарахт ортига беркиниб, чашма бошида бўладиган воқеаларни кузатсангиз, золим зулмининг жавобини қандай олишини кўрасиз...

Мусо (а.с.) айтилган жойга бориб, дарахтлар орасига беркиндилар. Бир пасдан кейин отлиқ киши келди. Отдан тушиб, елкасидан хуржунини олиб, чашма бўйига ўтирди. Емагини еб, чашма сувидан ичиб, чарчоғи чиққач, отига миниб кетди. Ичида олтинлари бўлган хуржунини эса унутиб қолдирди.

Отлиқдан кейин келган йигит сув ичаркан, чашма бўйидаги хуржунга кўзи тушди. Ичида олтинлар борлигини билди, у ёқ-бу ёққа қараб, ҳеч ким йўқлигини кўргач, хуржунни олиб кетди. Унинг ортидан кўзи ожиз қария келди. Сув ичиб, бир пас дам олиш учун дарахт соясига ўтирди. Шу пайт отлиқ киши қайтиб келди ва хуржунини қидира бошлади. Кўрдики, кекса чолдан бошқа кимса йўқ, демак, хуржунини шу одам беркитган. Ғазаб билан қарияга бақира кетди:
– Тўғрисини айт, хуржунимни қаерга беркитдинг? Тезда пулларимни қайтар, бўлмаса, ўлдираман!..
– Мен кўзи ожиз одам бўлсам, – деди чол, – хуржунингни қаердан биламан?!

Ғазаби қўзиган отлиқ алдаяпти деб ўйлаб, чолни бир уришда ўлдириб қўйди ва отига миниб жўнаб қолди.

Воқеа­ларни кузатиб турган Мусо (а.с.) Аллоҳга нидо қилиб, сўрадилар:
– Парвардигоро, отлиқнинг хуржунини унинг ортидан келган йигит олиб кетди. Жазони эса ундан кейин келган қария олди. Бу ерда адолат қани?

Аллоҳ таолодан шундай хитоб бўлди:
– Эй Мусо! Одамлар шундай – ҳодисаларнинг сиртига қараб хулоса чиқарадилар, ичидаги қадарнинг адолатини эса кўрмайдилар. Чашма бўйидагилар аввалда қилган ишларига жавоб олишди. Яъни, олтинлар солинган хуржунини чашма бошида унутган отлиқ, ўз вақтида қўлида хизмат қилган фақир кишининг ҳақини бермаган. Унинг хуржунини олиб кетган йигит ўша фақир хизматчининг ўғли. Хуржундаги пуллар отасининг ҳақи эди, уларни олиб кетди. Адолат шу тахлит юзага чиқди. Ўлган қария эса осганда осган, кесганда кесган золимлардан эди. Умри зулм қилиш билан ўтган, энг сўнгида отлиқнинг отасини бир мушт уриб ўлдирган, қотиллиги яширин қолди деб ўйлаганди. Ниҳоят куни келиб отлиқ пулини ўғирлаган гумон қилиб, қарияни бир мушт уриб ўлдирди.

Эй Мусо, бандаларимга айтингки, ҳикматини билмаган воқеаларидан норози бўлишмасин. Билсинларки, кишининг кишига қилган зулми жазосиз қолмайди. Бамисоли отлиқ одам ишчисига бермаган ҳақни хуржун тўла олтин билан тўлагани, отасини бир уришда ўлдирган кишини худди ўшандай ўлдиргани сингари.

Тафаккур қилайлик!

PS. Ҳар сафар шу ривоятга кўзим тушганида истиғфор айтаман...

https://www.tg-me.com/zarbulmasall

#психологдан_ривоят

Бир одамнинг тўртта ўғли бор эди.

Шошилиб қарор чиқармаслик, фикрлар юзаки бўлиб қолмаслик борасида ҳаётий дарс ўргатиш учун ота уларни узоқ водийда жойлашган катта дарахтни кўриб келишга юборди.

Тўнғич ўғил қиш фаслида, иккинчиси баҳорда, учинчи ўғил ёзда, кенжа эса кузда борди.

Барчалари дарахтни кўриб келишгач, оталари улардан: “Қани, ҳар бирингиз кўрган дарахтингизни бирма-бир шарҳлаб берингчи” деди.

Тўнғич ўғил “Дарахт жуда ҳунук ва қуриган экан”, деди.

Кейингиси “Дарахт ям-яшил баргли экан” деди.

Учинчиси “Дарахт хушбўй гуллар билан қопланган экан” деди.

Кенжа ўғил эса “Дарахтнинг мевалари кўп экан” деди.

Буларни эшитган ота “Ҳар бирингиз тўғри гапирдингиз.

Чунки сизлар турли фаслларда бордингиз.

Aммо шуни билингларки, битта дарахтга бир фаслнинг ўзи билан ҳукм чиқармаслик керак.

Aгар қишдаги кўринишига ишониб, “Дарахт қуруқ” десангиз, унинг баҳордаги яшиллигини, ёздаги гўзаллигини, куздаги ширин меваларини инкор қилган бўлиб қоласиз.

Худди шунингдек, бир одам ҳақида ҳам битта вазиятдан, битта бурчакдан туриб, биргина одамнинг гапи билан ҳукм чиқарманглар.

Унинг ҳамма томонини ўрганиб чиқиб, кейин хулоса чиқаринглар”, - деди.


https://www.tg-me.com/zarbulmasall

​​​​#Диний_билим

«Аёл киши эрининг уйида раҳбардир ва у ўз қўл остидагидан сўралур»

Исломда оила бекалиги буюк шараф бўлиши билан бирга, улкан масъулият ҳамдир. Оиланинг бекаси бўлганидан кейин, унинг ички ишларининг ҳаммаси ўша беканинг қўлида, ихтиёрида бўлади. Оиланинг иқтисоди беканинг тежамкорлигига, ўзига ишониб топширилган тирикчилик воситаларига хиёнат қилмаслигига ва исроф қилмаслигига боғлиқ бўлади.

Энг улкан масъулиятлардан бири эса, фарзандни туғиб, чиройли боқиш, етук инсон қилиб тарбиялашдир. Бу масъулиятни муслима аёллар доимо шараф билан адо этиб келганлар. Хулоса қилиб айтилганда, муслима аёлнинг оиладаги масъулияти беқиёсдир. Эрнинг ишлари муваффақиятли бўлишида аёлнинг тутадиган ўрнини ҳеч ким инкор қила олмайди.

«Эрни эр қиладиган ҳам хотин, ер қиладиган ҳам хотин» деб бежиз айтилмаган. Гап ҳар бир муслима аёл ўз масъулиятини тўла тушуниб етишида қолган, холос.

✍️ Шайх Муҳаммад Содиқ Муҳаммад Юсуф
("Бахтиёр оила" китобидан)


https://www.tg-me.com/joinchat-AAAAAEppXlBnm7BSL8Adlw

Хулоса

Турмуш қуриш ёшидаги қиз, оилали бўлишдан бош тортарди. Ундан ҳамкасблари бунинг сабабини сўрашди.
- Сиз ёш, гўзал қиз бўлсангиз, мактабда ўқитувчи бўлиб ишласангиз, нима учун турмушга чиқмайсиз?

Қиз деди:
- Бир неча йиллар олдин, бир аёл бўлган экан. У ўғил туғишни истаркан-у Аллоҳ унга доим қиз бераркан. Олтинчисига ҳомиладор бўлганида эри:
-Агар яна қиз туғсанг, уни боқмайман, бериб юбораман, - деркан.
Аёл жуда қўрқаркан. Умид қилиб дуо қиларкан. Лекин, Аллоҳ олтинчисига ҳам қиз билан сийлабди. Эри ғазаб отига миниб, чақалоқни масжиднинг олдида қолдириб четдан кузатибди. Ҳеч ким олмабди. Уни кўтариб уйга қайтибди. Аёл жуда хурсанд бўлибди. Лекин эр таслим бўлмабди. Ҳар куни бомдод намозидан олдин чақалоқни масжид олдида қолдираверар, уни эса ҳеч олмас эди. Ота бу ишдан чарчамасди. Орадан муддат ўтиб аёл яна ҳомиладор бўлибди. Ва ниҳоят ўғил кўрибди. Аммо уларнинг тўнғич қизлари ҳеч қандай сабабсиз вафот этибди. У ҳар гал ҳомиладор бўлиб ўғил туғар, қизлари эса бирин кетин вафот этишарди. Фақатгина ўша ота воз кечмоқчи бўлган қиз қолибди. Ўша қиз - менман! Турмушга чиқмаслигимнинг сабаби, отам кексайиб қолдилар. Уларга қарайдиган одам йўқ. Укаларим ҳали кичик. Улар ойда бир маротаба отамни қўргани келадилар. Қушлардек яна учиб кетадилар. Отам эса, ҳар куни менга қилган ишларидан афсусланиб йиғлайдилар.

✨Хулоса✨

Қадарда хатолик бўлмайди. Аксинча, биз норози бўламиз. Аллоҳнинг сизга ёзганига рози бўлинг! Саодатга эришасиз!

«Шоядки ёқтирмаган нарсангиз сиз учун яхши бўлса»
(Бақара: 216 оят)

«У зот хоҳлаган кишисига қизлар ҳадя этур ва хоҳлаган кишисига ўғиллар ҳадя этур»
(Шуаро: 50 оят).


https://www.tg-me.com/joinchat-AAAAAEppXlBnm7BSL8Adlw

Дуонинг ижобати

Бир одам қаттиқ бетоб бўлиб, касалхонага тушибди. Шифокорларнинг бераётган дорилари фойда беришини сўраб эртаю кеч Аллоҳга ёлвориб дуо қилибди. Шу касал бир куни кечаси туш кўрибди. Тушида ўзи ва ҳамхоналари бир қудуқ ичидаги сувга чўкаётган эмишлар. Ёрдамга чақирсалар ҳам, ҳеч ким келмас эмиш. Бир пайт юқоридан бир ингичка арқон туша бошлабди. Ҳамма унга қараб талпинибди. Лекин арқон қимирлаб ҳеч кимнинг қўлига илинмай, ҳалиги одамнинг қўлига тушибди. Кўринишидан ўргимчак ипидек ингичка арқон одам кўтарадиган даражада пишиқ экан. Ҳалиги одам жон ҳолатда арқонга осилиб юқорига тирмаша бошлабди, лекин арқонни узилиб кетишидан хавотирга тушибди. Шу пайт худди унинг хаёлидагига жавобан юқоридан овоз келибди: “Қўрқма, ип узилмайди”. “Сен кимсан?” сўрабди ҳалиги одам. “Мен сен бир пайтлар сувдан чиқариб олган ўргимчакман. Ўша яхшилигинг учун бугун сенга яхшилик қилмоқдаман”, дебди. Ҳалиги одам бундай ишларни ҳар доим қилиб юргани учун бу ўргимчакни қачон, қаерда қутқарганини эслай олмабди. Шу пайт арқон қаттиқ силкина бошлабди. Одам пастга қараса, қолганлар ҳам арқонга осилиб юқорига тирмашиб чиқишаётган экан. Буни кўриб: “Арқон ингичка бўлса, ҳаммамизни кўтара олмай, узилиб кетиши мумкин. Нега улар менинг арқонимга осилишади?! Ахир ўргимчак уни мен учун ташлади-ку”, деб ўйлабди. Шу нарсани ўйлаган заҳоти арқон юқоридан “чирт” этиб узилиб, ҳаммалари пастга қулаб тушибди.
Ҳалиги одам ўз овозидан уйғониб кетибди. Ярим тун, шериклари ухлаб ётишибди. Кўрган тушини эслабди ва у ҳақда ўйлай бошлабди. Умри давомида жонивор ва ҳашоратларга яхшилик қилиб келган одам палатадошларини ўйламай, фақат ўзи учун Аллоҳдан шифо сўраётганини эслаб, ўзидан уялибди. Шу тун тонгга қадар кўз юммай, Аллоҳга: “Эй карами кенг Парвардигорим, барча дард берган бандаларингга, касалхонадаги беморларга ва менинг дардимга шифо бериб, шу ердан соғ-саломат чиқиб кетишимизни насиб эт”, деб ёлворибди.
Эрталаб шифокор одатдагидек касалларни кўздан кечираётиб, унга: “Сизнинг топширган анализларингизнинг жавоби яхши чиқди. Уч-тўрт кундан сўнг уйга жавоб берамиз”, дебди. 
Бу ҳикоядан хулоса шуки, одам ўзи учун нимаики яхшиликларни орзу қилса, атрофдагиларга ҳам шу нарсаларни насиб этишини хоҳламоғи лозим.
 
Акбаршоҳ Расулов тайёрлади

https://www.tg-me.com/zarbulmasall

• Камтар бўлинг —  ҳурмат қозонасиз;
• Меҳнаткаш бўлинг — насибаланасиз;
• Нозиктаъб бўлинг — эсланасиз;
• Саховатли бўлинг — ризқланасиз;
• Қизиқувчан бўлинг — ўрганасиз;
• Ишончли бўлинг — қадрланасиз;
• Кечиримли бўлинг — хотиржам бўласиз;
• Аслингиз каби бўлинг — бахтли бўласиз.

Ҳар қандай ҳолатда ҳам Алҳамдулиллаҳ денг, барчасига эришасиз!

https://www.tg-me.com/zarbulmasall

УНУТИЛАЁТГАН СУННАТЛАР

1.  Овқатланаётганда оёқ кийимни ечиб ўтириш.
2.  Овқат ейиш олдидан икки қўлни бўғимгача уч марта ювиш.
3.  Овқат билан бирга дастурхонда сирка ва кўкат бўлиши.
4.  Одоб билан, камтарин ҳолда ўтириш.
5.  “Бисмиллаҳир роҳманир роҳим” дейиш.
6.  Ўнг қўл билан ейиш.
7.  Туз билан бошлаш.
8.  Туз билан тугатиш.
9.  Нонни икки қўл билан синдириш.
10.   Қўл билан ейиладиган таомни уч бармоқ билан, яъни бош, кўрсаткич ва ўрта бармоқлар билан ейиш.
11.   Таомни ўз олдидан ейиш.
12.   Таом юқини бармоғи билан олиб ялаш.
13.   Таомланиб бўлгандан сўнг “Алҳамдулиллаҳ”, дейиш.
14.   Қўлни артишдан олдин ялаш.
15.   Дастурхондаги нон ушоқларини одоб ва эҳтиром билан териб ейиш.
16.   Таомдан сўнг тишларни тозалаб ювиш.
17.   Овқатдан сўнг оғизни уч марта ғарғара қилиш.
18.   Овқатланиш асносида ҳам Аллоҳ таолонинг зикридан ва У зотнинг неъматлари шукронасидан ғофил бўлмаслик.

Тафаккур қилинг!

https://www.tg-me.com/zarbulmasall

Ҳақиқат бадал талаб қилади...

Саксония давлатида 1567-йил қиш ойида уч киши қатл этилмоққа маҳкум бўлибди. Булардан бири хинд, яна бири Непаллик табиб ва сўнгиси Инглиз физиги экан.

Дастлаб қатлга Хинд олиб чиқилибди, бошини гилётинага ўрнатиш асносида сўнгги сўз сўрашибди ундан. Шунда Хинд:
- Мени ва Хиндларни яратган тангрим Шивага (Мортал Комбатдаги Шива персонажи) ишонаман, у мени албатта халос қилади.
Шива... Шива... Шива..."
Гилётинани ташлаб юборишибди. Унинг бўйнига бир неча сантиметр қолганда гилётина ҳаракатдан тўхтабди. Халқ ҳайратга тушиб, бир оғиздан бақира бошлашибди:
Уни дарҳол қўйиб юборинглар! Уни яратган тангриси Шива ишончи уни сақлади!...

Гилётинага келтирилган Непаллик табибдан ҳам сўнгги сўзи сўралганда у:
- Мен Хинд сингари Шивага эмас, адолатга ишонаман! Aдолат... Aдолат... Aдолат...
Aввалги ҳолат каби бир неча сантиметр қолганда гилётина тўхтаб қолибди. Халқ ҳайратдан бир овозда:
- Адолат деди, Адолат қилиб дарҳол қўйиб юборинглар!...

Ҳар икки маҳкум шу аснода ўлимдан қутилибди. Майдонга энди Инглиз физикни олиб келишибди. Ундан ҳам сўнгги сўз сўрашганда:
- Мен на Шивага ва на адолатга ишонаман. Билган ягона нарсам: гилётина арқонида бир тугун бор, у тиғни тўлиқ пастга тушишига ҳалал беряпти холос, - дебди.

Хизматчилар гилётинани кўздан кечиришса, чиндан тугун борлигини кўришиб, уни тўғрилашибди. Ва ишга тушган гилётина физикни бошини танасидан жудо қилибди.

Хулоса: Ҳақиқатни сўзламоққа жасорати етганлар, бадал тўламоққа ҳам тайёр туришлари керак...

Тафаккур қилинг!

https://www.tg-me.com/zarbulmasall

Қадим – қадим замонда, Хитойнинг мўъжаз қишлоқларидан бирида бир йигит яшар экан.
Унга 36 ёшида жуда бойиб кетишини башорат қилишибди. Йигитнинг ота-онаси ва бутун қишлоқ аҳли бу хабардан ғоят суюнишибди. Йигитнинг ота-боболари боғбон ўтган эканлар.
Лекин йигит ҳеч бир ҳунар ўрганмабди. «Куч ва вақт сарфлаб нима қиламан? Ахир барибир бой бўламан-ку?» Умрини шу тарзда, ота - онасининг қарамоғида ўтказаверибди.
Вақт - соати етиб, йигитнинг ота – онаси вафот этишибди. Йигит аждодларидан мерос бўлиб келаётган уй ва боғни сотибди. Ўзи қишлоқ четидаги омонат ҳужрада яшаб юрибди. Қишлоқ аҳолиси уни боқибди: ҳадемай у бойиб кетади, қишлоққа фойдаси тегар! Шу тариқа башорат қилинган вақт келибди. Йигит 36 ёшга тўлибди.

Лекин бойликдан дарак йўқмиш. Қўшнилар нолий бошлашибди, уни ортиқ боқишни исташмасмиш. Бой бўлиши керак бўлган киши мева тергани ўрмонга борибди. Бир дона ҳам мева топмабди. Тарвузи қўлтиғидан тушиб, ортига қайтаётган экан, йўлда катта чуқурга тушиб кетибди. Чуқурдан чиқиш учун зиначалар кавласа, кифоя эди. Лекин шунга ҳам эриниб, қишлоқдаги деҳқонлар ўтгунича ўтираверибди. Уларнинг ёрдамида чуқурдан базўр чиқиб олганидан кейин ҳужрасига келиб, жойига ётибди ва ўлиб қолибди. Хитойликнинг руҳи осмонга чиқиши билан яратганга эътироз билдирибди. Саросима бошланибди. Тақдирлар китобига қарашса, ҳақиқатан ҳам хитойлик киши 36 ёшида катта бойликка эга бўлиши керак эди. Ғазначини чақиришибди.

— Ҳа, худди шундай, – дебди ғазначи. – Бойлик жойида турибди. Муаммо олувчи билан боғлиқ. Бойликни бериш муддати етганида биз бу кишини боғбонлар орасидан изладик. Узоқ изладик, лекин топа олмадик. Кейин ҳарбийлар, олимлар, деҳқонлар орасидан қидирдик. Ҳеч қаерда йўқ. Ота – онасининг уйига бордик, аммо уни топмадик, уйда бошқа кишилар яшаркан. Қидириб – қидириб, ўрмондан топдик. Йўлдаги чуқурга бойликни ташлаб қўйдик, бироз қазиса бўлди эди. Яна иш юришмади. Кейин ҳужрасига боргандик, кечикиб қолибмиз. Шундай қилиб хитойликка бойлик тегмади.

Хулоса ўзингиздан...

https://www.tg-me.com/zarbulmasall

МУОМАЛА

Болалик пайтим, мактабимизда буфет бўлар эди. Ўша буфетимизда иккита аёл галма-гал ишлар эди. Бири, қўполлиги учун ҳамма ёмон кўрадиган Шарофат опа (исм ўзгартирилди), иккинчиси жуда мулойим, болаларга меҳрибон, кичкинагина фариштасифат, татар аёли - Ҳадия опа эди. Бу аёл бизнинг қўшнимиз Карим аканинг аёли эди. Икковларини ҳам Аллоҳ раҳматига олган бўлсин.

Ўша буфетимизда турли егуликлар ва патнисда коржиклар, тил шаклидаги язиклар хам сотилар эди. Мен пулим кўп бўлмагани учун, кўпинча язык олардим. Патнисдаги коржик ва языклар орасида қийшиқ ёки чети куйганлари ҳам бўлар эди. Шарофат опадан оладиган бўлсам, негадир, языкларнинг орасидан энг ёмонини танлаб олиб берар эди. Индолмасдим...

   Ҳадия опа эса, навбатда болалар кўп бўлишига қарамасдан, эринмай, язикларнинг орасидан энг яхшисини танлаб, жилмайиб берар эдилар. Ҳаммага ҳам шундай қилар эдилар.

   Бир куни онамга шуни айтдим.
---Ҳадияпа жа яхши хотин-а, ойи?
---Ҳа яхши аёл. Нега унақа деяпсан?
---Нарса олсам доим энг яхшисини танлаб оберадилар. Шарофатапа бўса энг ёмонини танлаб берадилар.
   Онам бир пас ўйлаб туриб шундай дедилар:
---Бир кунда патнисдаги ўша языкларнинг ҳаммаси сотиб бўлинадими?
---Ҳа, тўртинчи дарсдан кейин борсам биттаям қолмаган бўлади.
--- Қара, Шарофат опа ҳар бир болага патнисдаги языкларнинг энг ёмонидан бошлаб сотиб тугатади. Ҳадия опа ҳар бир болага энг яхшисидан бериб тугатади. Ўша қийшиқ язык ҳам қоб кетмайди. Тўғрими? Иккови ҳам бор языкларнинг ҳаммасини сотишади. Лекин, биттаси ёмон хотин деб танилади. Ҳамма уни ёмон кўради. Иккинчиси эса, «яхши хотин» бўлиб танилади. Ҳамма уни яхши кўради. Энди ўзинг хулоса қил, болам....

   Онам раҳматлининг мана шу гаплари менга зўр дарс бўлган. Биров билан олди-берди қилаётганимда доим шу қоидани эслайман. Дўконимда иккита бир хил маҳсулотнинг энг яхшисини кўрсатишга ҳаракат қиламан. Иккинчиси ҳам қоб кетмайди. Бир одамга иккита нарсадан яхшироғини берган бўламан. Иккинчисига эса, қўлимдаги борини берган бўламан.

Сиз хам пул олди- бердисида шундай қилиб кўринг... Эвазига кимнидир кўнглини кўтарасиз.  Дейлик кўринишидан мухтожроқ бозорчидан у бу харид қилдингиз, унга пул беришингиз керак. Сизда ҳар хил қийматдаги қоғоз пуллар бор. 1000сўмликдан то 50 000 минг сўмликкача. У буни кўриб турибди. Сиз унга пулларнинг орасидан энг йиригини, уларниям орасидан ҳолати энг яхшисини беришга одат қилинг. Рўпарангиздаги инсонга энг яхшисини илиниб моли билан бирга кўнглини хам оласиз. Эски пулларнинг ҳам жойи чиқади, албатта. Ишлатилмай қоб кетмайди.

Шунга бир амал қилиб кўринг-а!


https://www.tg-me.com/zarbulmasall

ҚАЙСИ БИРИ ЯХШИРОҚ?
(Ибратли ҳикоя)

Бозордан сават кўтариб қайтаётган уч аёл дам олиш учун йўл четидаги ўриндиққа ўтиришди. Бир-бири билан ўз ўғиллари ҳақида гаплаша бошлади. Биринчи аёл шундай деди: “Ўғлим жуда ҳам чаққон бола. Ҳатто бир неча дақиқа оёғини осмонга қилиб, қўлида тик юра олади”. Иккинчи аёл ҳам ўғлини мақтаб қолди: “Ўғлимнинг булбулдек овози бор, эшитган одам эриб кетади”. Учинчи аёл ўғли тўғрисида лом-мим демади, ики аёлнинг гапларига жимгина қулоқ солиб ўтирди. Икки аёл сен нега гапирмайсан, деб ундан сўрашганида тортинибгина шундай деди: “Менинг ўғлимда айтарли бирорта алоҳида фазилат йўқ. Аллоҳ берган бир бола-да”.
Бир қария нарироқда аёлар нима деб гаплашиб турганига қулоқ солиб турган эди. Аёллар йўлга тушиб, юк кўтариб оғриётган бел ва қўлларини ишқалаб силай бошлашди. Шу пайт уч бола олдиларига чопиб келишди. Булар уч аёлнинг ўғиллари эди. Биринчи аёлнинг ўғли оёқларини осмонга кўтариб қўли билан ерда тик юришни амалда кўрсатди. Иккинчи аёлнинг ўғли харсанг тош устига чиқиб, онаси яхши кўрган қўшиқни хушовозда куйлай бошлади. Аёллар хурсанд бўлишиб, уни олқишлаб чапак чалишди. Учинчи аёлнинг ўғли эса онаси олдига келиб: “Ойижон, саватни менга беринг, уни мен кўтариб борай”, деди-ю, уни кўтариб йўлга тушди. Аёллар  кузатиб турган қариядан қайси биримизнинг ўғлимиз яхши экан, деб сўрашди. Қария: “Онасига ёрдам беришга шошилган ўғилни яхши бола деса бўлади”, деб жавоб берди.

Хулоса ўзингиздан...

https://www.tg-me.com/zarbulmasall