የኢራን እና የእስራኤል ግጭት አሜሪካ እሳቱን በማራገብ እያባባሰች ነዉ ስትል ቻይና ከሰሰች

የዩናይትድ ስቴትስ መሪ የቴህራን ነዋሪዎችን "ወዲያውኑ ለቀው እንዲወጡ" ካስጠነቀቁ በኋላ ቻይና በኢራን እና በእስራኤል መካከል እየተባባሰ ባለው ግጭት ላይ "እሳት በማቀጣጠል" ትራምፕን ከሰሰች ።

“እሳቱን ማቃጠል፣ ነዳጅ ማፍሰስ፣ ማስፈራራት እና ግፊት መጨመር የሁኔታውን መባባስ ለማርገብ አይረዳም ነገር ግን የበለጠ እንዲባባስና ግጭቱን ያሰፋዋል” ሲሉ የቻይና ውጭ ጉዳይ ሚኒስቴር ቃል አቀባይ ጉኦ ጂያኩን በመደበኛ የዜና ኮንፈረንስ ላይ ስለ ትራምፕ አስተያየት ሲጠየቁ ተናግረዋል ።በእስራኤል የሚገኘው የቻይና ኤምባሲ ማክሰኞ እስራኤል እና ኢራን ከባድ ጥቃት ዉስጥ መግባታቸዉን ተከትሎ ዜጎቹ “በተቻለ ፍጥነት” ሀገሪቱን ለቀው እንዲወጡ አሳስቧል።

"በእስራኤል ውስጥ ያለው የቻይና ተልእኮ ቻይናውያን በተቻለ ፍጥነት በመሬት ድንበር ማቋረጫዎች ሀገሪቱን ለቀው እንዲወጡ አሳስቧል፣ ይህም ለግል ደህንነታቸው ዋስትና እንዲሰጡ ቅድመ ሁኔታ ነው" ሲል ኤምባሲው በዊ ቻት ላይ በሰጠው መግለጫ ገልጿል።"በዮርዳኖስ አቅጣጫ መሄድ ይመከራል" ሲል አክሏል፡፡የቤጂንግ ኤምባሲ ማክሰኞ እለት ግጭቱ “መባባሱን ቀጥሏል” ብሏል።

"በርካታ የሲቪል መሰረተ ልማቶች ተበላሽተዋል፣ የዜጎች ጉዳት እየጨመረ ነው፣ የጸጥታው ሁኔታም አሳሳቢ እየሆነ መጥቷል" ብሏል።የኢራን እና እስራኤል ጥቃቱ ከበፊቱ ያነሰ ቢሆንም ለአምስተኛ ቀን የተኩስ ልውውጥ ማድረጋቸውን ከመካከለኛው ምስራቅ የሚወጡ ዘገባዎች አመላክተዋል፡፡እስራኤል በምዕራብ ኢራን ውስጥ በርካታ “ወታደራዊ ኢላማዎች” በአንድ ሌሊት የመታች ሲሆን ከምሽት ወደ ላይ የሚተኮሱ ሚሳኤሎች እና የድሮን ማከማቻ ቦታዎችን ደብድባለች፡፡

በስምኦን ደረጄ
#ዳጉ_ጆርናል

ሚኪያስ ጎማ ፣ ባትሪና ከመነዳሪ አከፋፋይ 

#ለቪትስ
#ለያሪስ
#ለዲዛየርና ስዊፍት
#ለኮሮላ
#3L & 5L እንዲሁም ለከባድ ተሽከርካሪዎች የሚሆኑ ጎማዎች እና ባትሪዎችን ይዘዙን ካሉበት እናደርሳለን

👉የሀገር ውስጥና የውጭ ሀገራት ጎማዎች (ትሪያንግል ፣ ስፖርትራክ ፣ ኮምፈርሰር ፣ አፖሎ ፣ ብሪጅስቶን እና ሌሎችም)

👉 የተገለገሉበት ጎማ ን ዋጋ ተምነን በአዲስ እንቀይርሎታለን

👉 በስልክ ቁጥር 📞...+251-913-701702 / +251-975293297 ይደውሉልን አልያም ተክለሀይማኖት ከሚገኘው ሱቃችን ይምጡ በደስታ እናስተናግድዎታለን

ኢራን ፋታህ-1 ሃይፐርሶኒክ ሚሳኤልን ወደ ቴል አቪቭ ማስወንጨፏን አስታወቀች

የኢራን አብዮታዊ ጥበቃ ጓድ(አይአርጂሲ) ዛሬ ማምሻውን ፋታህ-1 ‘hypersonic’ ሚሳኤልን በእስራኤል ማስወንጨፉን አስታውቋል። ኢራን እ.ኤ.አ ኦክቶበር 1 ቀን 2024 በእስራኤል ልልይ በፈጸመችው ጥቃት፣ በደርዘን የሚቆጠሩ ፋታህ-1 ሚሳኤሎችን ወደ እስራኤል አስወንጭፋለች። ሆኖም ይህ የፋታህ ሚሳኤል በአሁኑ ጦርነት ጥቅም ላይ ሲውል ይህ የመጀመሪያው ይመስላል።

ፋታህ ሚሳኤል ለመጀመሪያ ጊዜ የታየው በ2023 ሲሆን የተሰየመው በኢራን ጠቅላይ መሪ አሊ ካሜኒ ነው። አይአርጂሲ ሚሳኤሉን “እስራኤል-አጥቂ” ሲል የጠራው ሲሆን ይፋ ባደረገበት ወቅት በኢራን ዋና ከተማ ቴህራን ውስጥ “400 ሰከንድ ወደ ቴል አቪቭ” የሚል መልእክት የያዘ ትልቅ ባነር ተጭኗል። ምንም እንኳን ኢራን ፋታህ ሃይፐርሶኒክ ሚሳኤል ነው ብትልም ወታደራዊ ባለሙያዎች ግን ስለ ትክክለኛው ሃይፐርሶኒክ ችሎታው ጥርጣሬ አላቸው።

በስምኦን ደረጄ
#ዳጉ_ጆርናል

ትራምፕ ያለ ቅድመ ሁኔታ ኢራን እጅ እንድትሰጥ ጠየቁ

የዩናይትድ ስቴትስ ፕሬዝዳንት ዶናልድ ትራምፕ ቴህራን ያለ ምንም ቅድመ ሁኔታ እጅ እንድትሰጥ ቢጠይቁም በሁለቱ የረጅም ጊዜ ጠላቶች መካከል የአየር ጦርነት ስድስተኛ ቀኑን አስቆጥሯል። ኢራን እና እስራኤል አዲስ የሚሳኤል ጥቃት ፈፅማዋል። የእስራኤል ጦር ረቡዕ ጠዋት በመጀመሪያዎቹ ሁለት ሰዓታት ውስጥ ሁለት የኢራን ሚሳኤሎች ወደ እስራኤል መተኮሱን አስታውቋል። በቴል አቪቭ ላይ ፍንዳታዎች ተሰምቷል።

እስራኤል በቴህራን ደቡብ ምዕራብ አካባቢ የሚኖሩ ነዋሪዎች የአየር ሃይሉ የኢራንን ወታደራዊ ተቋማት ስለሚመታ አካባቢውን ለቀው እንዲወጡ አስጠንቅቃለች። የኢራን የዜና ድረ-ገጾች እስራኤል ከመዲናዋ በምስራቅዊ ክፍል ከኢራን አብዮታዊ ጥበቃዎች ጋር በተገናኘ ዩኒቨርሲቲ ላይ ጥቃት ሰንዝራለች።የኢራን የዜና ድረ-ገጾች እስራኤል በሀገሪቱ ምስራቅ ከሚገኙ የኢራን አብዮታዊ ጥበቃዎች ጋር ግንኙነት ያለው ዩኒቨርሲቲ እና በቴህራን አቅራቢያ የሚገኘውን የኮጂር ባላስቲክ ሚሳኤል ተቋም ላይ ጥቃት እየሰነዘረች ነው ብለዋል ።

የዩናይትድ ስቴትስ የብሄራዊ መረጃ ዳይሬክተር ቢሮ ኢራን በመካከለኛው ምስራቅ ትልቁን የባልስቲክ ሚሳኤሎች መታጠቋን አስታውቋል። ኢራን የባለስቲክ ሚሳኤሎቿ በዩኤስ፣ በእስራኤል እና በሌሎች ቀጣናዊ ኢላማዎች ላይ ወሳኝ መከላከያ እና አጸፋዊ ሃይል እንዳላቸው ገልጻለች።

ትራምፕ ማክሰኞ ዕለት በማህበራዊ ሚዲያ ላይ የአሜሪካ ትዕግስት ቀጭን ለብሶ ነበር ሲሉ አስጠንቅቀዋል። የኢራን መሪ አያቶላ አሊ ካሜኔይን ለመግደል ምንም ሀሳብ እንደሌለ ቢናገሩም የሰጡት አስተያየቶች የአሜሪካን ተሳትፎ የለኝም የሚለውን አቋም ማጠናከር አለመቻሉን በኢራን ላይ የበለጠ ጠብ አጫሪ አቋም እንዳላቸው ጠቁሟል ። በትሩዝ ሶሻል ላይ “‘ከፍተኛ መሪ’ እየተባሉ የሚጠሩትን የት እንደተደበቁ በትክክል እናውቃለን” ሲሉ ትራምፕ ጽፈዋል። "አሁን አንገድላቸውም ግን ትዕግሥታችን አብቅቷል" ሲሉ አክለዋል።

በስምኦን ደረጄ
#ዳጉ_ጆርናል

ማንችስተር ዩናይትድ ከአርሰናል በቀጣዩ አመት የፕሪሚየር ሊግ ዘመን በመጀመሪያ ጨዋታ ይገናኛሉ

🚨🏴󠁧󠁢󠁥󠁮󠁧󠁿 OFFICIAL: የ2025/26 የውድድር ዘመን የእንግሊዝ ፕሪሚየር ሊግ ሙሉ መርሀግብር ይፋ ሆኗል።🔥🔥

በሳምንቱ ታላቅ ጨዋታ ማንቸስተር ዩናይትድ ከአርሰናል በኦልድ ትራፎርድ ያገናኛል። 

በሌሎች የመጀመሪያ ሳምንት ጨዋታዎች የአምናው ሻምፕዮን ሊቨርፑል በአንፊልድ ከበርንማውዝ ፣ቶተንሀም ከበርንሌይ ፣ቼልሲ ከክሪስቲያል ፓላስ እንዲሁም ማንቸስተር ሲቲ ከወልቭስ ይገናኛሉ።

ቀሪዎቹን መርሀግብሮች ከታች መመልከት ትችላላችሁ።

#ዳጉ_ጆርናል_ስፖርት
@Dagujournalsport

እረዳዳ የአረጋውያን በጎ አድራጎት ማህበር ለአረጋውያን እሮጣለው የድርሻዬን እወጣለው በሚል መሪቃል የገንዘብ ማሰባሰቢያ ሩጫ አዘጋጀ

እንረዳዳ የአረጋውያን በጎ አድራጎት ማህበር የአረጋውያንን መሰረታዊ ማህበራዊና ኢኮኖሚያዊ ችግሮቻቸውን ለመፍታት እንደ እድሜ ባለፀግነታቸውም የተከበሩና ጤናማ እንዲሆኑ በማለም 1990 ዓ.ም የተቋቋመ ድርጅት ነዉ።

ማሀበሩ ከተቋቋመበት ጊዜ አንስቶ ጀምሮ ለ824 አረጋዊያን በተለያዩ መንገድ ድጋፍ እያደረገ ይገኛል። ከእነርሱም በተጨማሪ 1558 የልጅ ልጆቻቸው በተዘዋዋሪ እርዳታ እያደረገ መሆኑ የእንረዳዳ የአረጋውያን በጎ አድራጎት ማህበር አምባሳደር የሆነው አርቲስ ይገረም ደጀኔ ለብስራት ሬዲዮ ተናግረዋል።

ድርጅቱ ከዚህ ቀደም ከምዕራባዉያን ሀገራት በልግስና ያገኘው የነበረው ገቢ ከጊዜ ወደ ግዜ እየቀነሰ በመምጣቱ ምክንያት አሁን ላይ እየሰጠ ያለው አገልግሎት ቀንሷል። በዚህም የአረጋውያን የልጅ ልጆች በተሻለ መልኩ ድጋፍ ለማድረግ ወደ ህዝቡ አድርሶ ማስተዋወቅና ገቢ መሰባሰብን ዓላማው ያደረገ መነሻና መድረሻው አድዋ መታሰቢያ ሙዚየም የሆነ የጎዳና ላይ ሩጫ ሰኔ 15 ቀን 2017 ዓ.ም የሚያደርግ መሆኑ ተገልጿል ።

በሩጫው ላይ ከ3ሺ እስከ 5 ሺ ሰው ይታደምበታል ተብሎ የሚጠበቀው የ 5ኪሎ ሜትር የጎዳና ላይ ሩጫ በአትሌቶች መካከል የሚደረግ ውድድር ይከናወናል። የመሮጫ ቲሸርት ዋጋው ለአዋቂ 500 ብር ለታዳጊዎች 400 ብር ለሽያጭ መቅረቡን ብስራት ከአዘጋጆቹ ሰምቷል፡፡

በኤደን ሽመልስ

አነስተኛ ዋጋ ፤ የተሻለ ጥራት 🔥
ሚኪያስ ጎማ ፣ ባትሪና ከመነዳሪ አከፋፋይ 

#ለቪትስ
#ለያሪስ
#ለዲዛየርና ስዊፍት
#ለኮሮላ
#3L & 5L እንዲሁም ለከባድ ተሽከርካሪዎች የሚሆኑ ጎማዎች እና ባትሪዎችን ይዘዙን ካሉበት እናደርሳለን

👉የሀገር ውስጥና የውጭ ሀገራት ጎማዎች (ትሪያንግል ፣ ስፖርትራክ ፣ ኮምፈርሰር ፣ አፖሎ ፣ ብሪጅስቶን እና ሌሎችም)

👉 የተገለገሉበት ጎማ ን ዋጋ ተምነን በአዲስ እንቀይርሎታለን

👉 በስልክ ቁጥር 📞...+251-913-701702 / +251-975293297 ይደውሉልን አልያም ተክለሀይማኖት ከሚገኘው ሱቃችን ይምጡ በደስታ እናስተናግድዎታለን

በእስራኤል አራን ውጥረት ዙሪያ ትንታኔውን ከጋዜጠኛ ሚሊዮን ሙሴ እና ስምኦን ደረጄ ጋር ይከታተሉ

👇👇👇👇👇👇👇👇👇👇

https://youtu.be/e4whZmVDFao?si=xKiZJdAhf3GiQA-g

#ዳጉ_ጆርናል

ትራምፕ የኢራንን የምድር ውስጥ የኒውክሌር ጣቢያን ኢላማ ያደረገውን ​​የእስራኤል ጥቃት ለመቀላቀል እያሰቡ ነው

ትራምፕ በዋይት ሀውስ ሲችዌሽን ክፍል ውስጥ ከብሄራዊ ደህንነት ቡድናቸው ጋር በእስራኤል እና በኢራን ግጭት ፣ውጫዊ ጉዳዮች ላይ ተወያይተዋል። እስራኤል በፎርዶ የሚገኘውን ተቋምን ጨምሮ የኢራንን የኒውክሌር ቦታዎች ላይ የምታደርሰውን ጥቃት ለመቀላቀል እያሰበ ነው ሲሉ ጉዳዩን የሚያውቁ አምስት ምንጮች ለሲቢኤስ ኒውስ ተናግረዋል። ርዕሰ ጉዳዩ ላይ ውይይት እንደሚደረግ ይጠበቃል። በትራምፕ የቅርብ አማካሪዎች መካከል ሙሉ ስምምነት የለም ሲሉ የሲቢኤስ ምንጮች አክለዋል።ትራምፕ ማክሰኞ እለት ከእስራኤሉን ጠቅላይ ሚኒስትር ቤንጃሚን ኔታንያሁ ማነጋገራቸው ተሰምቷል።

የተወያዩበትም ሆነ የተነገረው ጉዳይን በተመለከተ የታባለ ነገር ግን የለም፣ እዚያው የውይይቱ ጠረጴዛው ላይ ግን ምን እንዳለ መገመት እንችላለን ሲሉ ተንታኜች ተደምጠዋል። የአሜሪካው ፕሬዝዳንት በሲችዌሽን ክፍል ውስጥ ለአንድ ሰዓት ከ20 ደቂቃ ያህል ካሳለፉ በኋላ ከካቢኔያቸው ከፍተኛ ባለስልጣናት ጋር መክረዋል። ከአንዳንድ ከፍተኛ ጄኔራሎች ጋር እየተገናኙ ነበር። ከጋራ ሹማምንቱ ሊቀመንበር ጋር ስለቀጣዩ ሂደት ተወያይተዋል። በአሁኑ ጊዜ ሁሉም የዲፕሎማሲ ወይም የስምምነት ንግግር እንደተቋረጠ ምልክቶች ይታያሉ። እናም የትረምፕ አስተዳደር ወደ አንድ ዓይነት ወታደራዊ እርምጃ እያመራ ያለ ይመስላል።

የኢራንን ሰማያት ስለመቆጣጠር ትራምፕ ሲናገሩ "እኛ" የሚለውን ቃል የተጠቀሙበት እነዚያን መልእክቶች፣ ትራምፕ "እኛ" ማለታቸው ጥምረት መኖሩን ያሳያል። የት እንዳለህ እናውቃለን ግን አንገድልህም በማለት ትራምፕ ለካሜኔ የተናገሩት ቃል በግጭቱ ውስጥ የአሜሪካን ተሳትፎ የሚያመላክት ሆኗል።ዩ ጎቭ የተሰኘ የጥናት ማዕከል በሰራው ዘገባ አብዛኛዎቹ አሜሪካውያን የአሜሪካ ጦር በእስራኤል እና በኢራን ግጭት ውስጥ መግባት የለበትም ብለው ያምናሉ ብሏል። 60 በመቶው አሜሪካውን የዋሽንግተንን የጣልቃ ገብነት እርምጃን ሲቃወሙ 16 በመቶው ብቻ ድጋፍ ይሰጣሉ።

በስምኦን ደረጄ
#ዳጉ_ጆርናል

በወልቂጤ ከተማ የአራት ዓመት የእንጀራ ልጁን አስገድዶ የደፈረው አባት በእስራት ተቀጣ

በማዕከላዊ ኢትዮጵያ ክልል በጉራጌ ዞን ነዋሪ የሆነው ተከሳሽ አበበ ምሳዬ የ28 አመት ወጣት ሲሆን ህዳር 28 ቀን 2017 ዓ/ም ሰአቱ በዉል ባልታወቀ ምሽት ላይ በወልቂጤ ከተማ አዲስ ህይወት ቀበሌ ልዩ ቦታዉ ጃይካ ስፈር ተብሎ በሚጠራው አከባቢ የወንጀል ድርጊቱን ፈጽሟል፡፡

የ4 አመት ህፃን ከሆነችው የግል ተበዳይ የእንጀራ ልጁ ሚጣ ዉበቱ ጋር የግብረ ስጋ ግንኙነት ፈጽሟል የሚል አቤቱታ ለከተማዉ ፖሊስ መቅረቡን የጉራጌ ዞን ፍትህ መምሪያ ሀላፊው አቶ ኤሊያስ ሰብለጋ ለብስራት ሬዲዮ ተናግረዋል።የወልቂጤ ከተማ መርማሪ ፖሊስም የቀረበለትን ክስ መነሻ በማድረግ ወንጀሉ የተፈጸመበት ቦታ ድረስ በመሄድ የምስክሮችን ቃል በመቀበል ተጨማሪ ማጣራቶችንና አካላዊ ምልከታ አድርጓል። የግል ተበዳይ  የጤና ሁኔታ ምርመራ እንድታደርግ ከተመቻቸ በኋላም የህክምና ውጤት ማስረጃውን ምርመራ ካደረገችበት ሆስፒታል አስመጥቶ ከምርመራ መዝገቡ ጋር በማያያዝ ምርመራውን በማጠናቀቅ ወደ ዐቃቤ ህግ ይልካል።

መዝገቡ የደረሰው የወልቂጤ ከተማ የሴቶችና ህጻናት ልዩ ምርመራና ክስ ዋና ስራ ሂደት ዐቃቤ ህግም ከመዝገቡ ጋር ተያይዘው የቀረቡትን የሰውና የሰነድ ማስረጃዎችን ከተፈጸመው ወንጀልና ከህጉ ጋር በማገናዘብ ተከሳሽ በህፃን ልጆች ላይ የሚፈፀም የግብረ ሥጋ ድፍረት በደል ወንጀል እና በዘመዶች መካከል የሚፈፀም የግብረስጋ ግኑኙነት የፈጸመ በመሆኑ በተደራራቢ ወንጀሎች ሁለት ክስ በወልቂጤ ከተማ ፍርድ ቤት ተመስርቶበታል።

ፍርድ ቤቱም ተከሳሽ ጉዳዩን በዝርዝር እንዲያስረዳ ጠይቆ  ከግል ተበዳይ ጋር የግብረስጋ ግንኙነት ያደረገ መሆኑን አምኖ በዝርዝር ለችሎት ገልጿል። ፍርድ ቤቱም የዐቃቤ ህግን አስተያየት ከተቀበለ በኋላ ተከሳሽ በተከሰሰበት የወንጀል ህግ ድንጋጌ ስር ጥፋተኛ ነው በማለት የጥፋተኝነት ውሳኔ አሳልፎበታል። የወልቂጤ ከተማ ፍርድ ቤት ሰኔ 9 ቀን 2017 ዓ/ም በዋለው ችሎት ተከሳሽን ያርማል ሌሎችንም ያስተምራል በማለት በ21 አመት ከ6 ወር ጽኑ እስራት እንዲቀጣ መወሰኑን አቶ ኤሊያስ ጨምረው ለጣቢያችን ተናግረዋል።

በሰብል አበበ
#ዳጉ_ጆርናል

እስራኤል የሚሳኤል መከላከያ እና መጥለፊያ መሳሪያዋ እየተሟጠጠ እንደሚገኝ አንድ ሪፖርት አመላከተ

ዎል ስትሪት ጆርናል እንደዘገበው እስራኤል የመከላከያ ጠለፋ መሳሪያዎቿ ዝቅተኛ ደረጃ ላይ እንደምትገኝ እና ይህም ሀገሪቱ ከኢራን የረዥም ርቀት የባለስቲክ ሚሳኤሎችን የመምታት አቅም ላይ ተጽእኖ ሊያሳድር ይችላል ብለዋል። አንድ ስማቸው እንዲጠቀስ ያልፈለጉ የዩናይትድ ስቴትስ ባለስልጣን ለጋዜጣው እንደተናገሩት ዋሽንግተን ለወራት የአቅም ችግር እንዳለ ታውቃለች እናም የእስራኤልን መከላከያ በመሬት፣በባህር እና በአየር ላይ እያሳደገች ነው።

ዘገባው የእስራኤል ጦር በጉዳዩ ላይ አስተያየት እንዲሰጥ ቢጠይቀው ፈቃደኛ አልሆነም ብሏል። በቀጠለው የአየር ላይ ውጊያ ረቡዕ ረፋድ ላይ የኢራን ሚሳኤሎች በማዕከላዊ እስራኤል አካባቢ የእሳት ቃጠሎ አስከትለዋል። የኢራን ፋርስ የዜና አገልግሎት እንደዘገበው ከተደረጉት ኢላማዎች መካከል አንዱ በሰሜን እስራኤል የሚገኘው የሜሮን አየር ማረፊያ ነው ብሏል። ስፍራው ስለመመታቱ ግን ምንም ፍንጭ የለም።

በእስራኤል በጦርነት ጊዜ ወታደራዊ የመረጃ ሳንሱር አለ፣ እናም ሚስጥራዊነት ያላቸው ኢላማዎች ከተመቱ ሚዲያዎች ስለ ጉዳዩ እንዲዘግቡ አይፈቀድላቸውም። ሌላው ማክሰኞ ቀደም ብሎ የተመታው የጦር ስፍራ ሄርዝሊያ ነው። በዚያ አካባቢ አውቶቡሶች ተቃጥለዋል። የኢራን መገናኛ ብዙኃን ስፍራው ወታደራዊ ቦታ ነው እያሉ ይገኛሉ።

በስምኦን ደረጄ
#ዳጉ_ጆርናል

በምግብ እጥረት ለተጎዱ ህፃናት የተላከ አልሚ ምግብ በመሸጥ ለራሱ ጥቅም ያዋለዉ የጤና ፅህፈት ቤት ኃላፊ በእስራት ተቀጣ

በምስራቅ ቦረና ዞን ዋጫሌ ወረዳ የዋጫሌ ጤና ፅህፈት ቤት ኃላፊ የሆነዉ ግለሰብ በምግብ እጥረት ለተጎዱ ህፃናት የተላከዉን አልሚ ምግብ በመሸጥ ለራሱ ጥቅም በማዋሉ በእስራት ተቀጣ ።

የምስራቅ ቦረና ዞን ፖሊስ ዋና መምሪያ የሙስናና የመንግስት ገቢዎች ላይ የሚፈፀም ወንጀሎች ምርመራ ክፍል ኃላፊ ምክትል ኢንስፔክተር ገልገሎ ዱባ ለብስራት ሬዲዮ እንደተናገሩት ተከሳሽ በሩ ሮባ በዋጫሌ ወረዳ ጤና ፅህፈት ቤት በማገልገል ላይ ሳለ 120 ካርቶን ከዓለም የምግብ ፕሮግራም የተላከ ፕላንፕሌት ከሚሰራበት ጤና ፅህፈት ቤት ጭኖ ለሸቀጣሸቀጥ ሱቆች ሲያከፋፍል በመገኘቱ በሙስና ወንጀል መከሰሱ ተገልጿል ።

ግለሰቡ ስልጣኑን በመጠቀም በፈፀመዉ ወንጀል አቃቤ ህግ ከፖሊስ ጋር በመሆን የምርመራ መዝገቡን በማጣራት የሙስናና የመንግስት ገቢዎች ላይ የሚፈፀም ወንጀል ለመከላከል የወጣዉን መመሪያ ቁጥር 881/2007 ንዑስ አንቀፅ 11 በመጥቀስ ክስ መስርቷል ።

የአቃቤ ህግን ክስ የተመለከተዉ የምስራቅ ቦረና ዞን ከፍተኛ ፍረድ ቤት ሰኔ 5 ቀን 2017 ዓ.ም በዋለዉ ችሎት ተካሳሹ በ8 ዓመት ከ5 ወር እስራትና በ10 ሺህ ብር የገንዘብ መቀጮ እንዲቀጣ መወሰኑን ምክትል ኢንስፔክተር ገልገሎ ዱባ ጨምረው ለብስራት ተናግረዋል ።

በመባ ወርቅነህ
#ዳጉ_ጆርናል

ከሚጠብቁት ድርጅት በመስበር የስርቆት ወንጀል የፈፀሙ ተከሳሾች ከነ አባሪዎቻቸው ተይዘው በእስራት ተቀጡ

ተከሳሾቹ ወንጀሉን የፈፀሙት የካቲት 16 ቀን 2017 ዓ/ም በአራዳ ክፍለ ከተማ ወረዳ 1 ልዩ ቦታው ፒያሳ ጣይቱ ሆቴል ቅጥር ግቢ ከሚገኘው ቶም ቪዲዮ ግራፊና ፎቶ ግራፊ ማሰልጠኛ ተቋም በሌሊቱ ክፍለ ጊዜ ነው፡፡ ሁለቱ ተከሳሾች በፒያሳ ጣይቱ ሆቴል ቅጥር ግቢ ውስጥ በሚገኘው ቶም የቪዲዮ ግራፊና እና የፎቶ ግራፊ ማሰልጠኛ ውስጥ በጥበቃ ሰራተኝነት ተቀጥረው ይሰራሉ፡፡

ማስተዋል ገላና እና ሀብታሙ ታደሰ የተባሉ የማሠልጠኛ ትምህርት ቤቱ የጥበቃ ሠራተኞች መርክነህ ታንጋና ታደለ ማሩጫ ከተባሉ ግለሰቦች ጋር በመመሳጠር የማሰልጠኛ ተቋሙን ዕቃ ግምጃ ቤት ሰብረው በመግባት ጠቅላላ ግምታቸው 2.6 ሚሊዮን ብር በላይ የሚያወጡ 29 የፎቶ ግራፍ ካሜራዎች፣ 3 ቪድዮ ካሜራዎች፣ 2 ስፖት ላይቶች፣ 2 ማንዋል ላይቶች፣  የካሜራ ባትሪዎች፣ 10 የባትሪ ቻርጀሮች፣ 2 ኤልኢዲ ላይቶች፣ 4 የገመድ ማይኮች እንዲሁም የቻርጀር ማራዘሚያ በመስረቅና በተሽከርካሪ በመጫን የተወሰነውን እዚሁ አዲስ አበባ ውስጥ ከሚገኝ የማስተዋል ገላና ፎቶ ቤት ውስጥ ያስቀምጣሉ።

የቀረውን ደግሞ በደቡብ ኢትዮጵያ ክልል ወላይታ ዞን ወላይታ ሶዶ ከተማ በመውሰድ በሌሎች የስራ ቦታቸው የደበቁና እንዲሸጥ ያደረጉ ሲሆን ፖሊስ ባከናወነው ጠንካራ የምርመራና የክትትል ስራ ተጠርጣሪዎቹን ከነ ኤግዚቢቱ በቁጥጥር ስር ማዋሉ ይታወሳል።

ጉዳዩን ሲከታተል የቆየው የፌደራል የመጀመሪያ ደረጃ ፍርድ ቤት አራዳ ምድብ ሶስተኛ ወንጀል ችሎት ማስተዋል ገላና ሀብታሙ ታደሰ በጥበቃ ሰራተኝነት ተቀጥረው የነበሩ እያንዳንዳቸው በ8 ዓመት ፅኑ እስራት ሲቀጡ በአባሪነት ተሳትፎ የነበራቸው መርክነህ ታንጋና ታደለ ማሩጫ እያንዳንዳቸው በ3 ዓመት ጽኑ እስራት እንዲቀጡ ውሳኔ አስተላልፏል።

#ዳጉ_ጆርናል