غايب صبح وحي السمه
وبدمــعه صاحـت فاطمه

بويه.بويه بويه بويه
___
الليله املاك السمه تفــارك ارضها
ماكو وحي ينزل بعد خلص امرها
ميت محــمد يابــشر صادر خبرها
كلشي ينوح الفركته يعـظم اجرها

كلشي ينوح بهل مـسه وبدمعه صاحت فاطمه

بويه بويه. بويه بويه
'____
كلشي ع فراكك يون تدريبه حالي
فاطم وحيدة بغيبتك صاحب اجالي
سطرة وجه وعلى المتن طكني يغالي
جتفو علي ياوالدي منـــهو البكالي


جتفو علي حامي الحمه وبدمعه صاحت فاطمه

بويه بويه. بويه بويه
____
شفته وصحـت لايانذل خلـــيه اليه
لا ادعي يـم رب العله وارفـــًع اديه
وأطبك سمانه ع الارض ذيج المسيه
يرضه الرضاتج فاطــــمه رب البــريه

بعدك وحيدة وهايمه وبدمعه صاحت فاطمه

بويه بويه. بويه بويه.
_'___
ميت محمد ياخلق واشلون اودعه
مابيه حيل الفركته كل عمري دمعه
نوحي يهيج كل جرح جاري يسمعه
والصاحب يصدر امر نوحج نكطعه

سكته بجيت والاطمة وبدمعه صاحت فاطمه

بويه بويه. بويه بويه
_
ضلعي نكسر من هاجرت والمن عفتني
والصاحب يشتم الدمع من فاركتني
سكته انوح بغيبتك وأريتك شفتني
بويه الحياة بروحتك صعبه وسبتني

مسبيه من ضيم ودمه وبدمعه صاحت فاطمه

بويه بويه. بويه بويه
____

بعدك اموت ولا عشت وشلون اعيش
طيرة وجنحها منكسر وتناكت الريش
وسفه ع شيمات العرب اليه وصل جيش
ماكو سبب من الجرة اليش وبعد اليش

وين الشيم وهل الحمه. وبدمعه صاحت فاطمه

بويه بويه. بويه بويه
___

كلمات خادمكم

مرتضى مكطوف الموالي

نزله ((ناده جبريل)
      

  يامحمد شد رحـيلك للسمه
         ناده جبريل وتسمعه فاطمه
__
نزل جـــبرائيل ويـكل الرســـول
هل مسيه تشيل عن بيت البتـول
الزهره سمعت وتضح بيها الذهول
ويلي ياجبريل بالله انتـه شتكول

ونت وصاحـت يويلي.       مااعيش ابدونك
بويه لا تتركني فدوه        وياحلات عيـونك

شلون بيــه بغيـبتك
والله ميــته بفركتك   

        والله دنيـــانه يبــــويه مضـــلمه
         ناده جـــبريل وتســـمعه فاطـمه
___
مو خبــر هاي المـسيه الفاجعه
يامصيبه شلون أبونه نـــودعه
ناحـت الكوثر وجـــتها القـارعه
تبجي وتنـوح الجرحها الواقعه

ياخبر طب المدينه.        ويلي شنهو من خبر
الكوثر تنوح وتنادي.        تبـجي آيات وسور

ويـبـجي كله القرآن
وعن رسول الرحـمن

            والزجيه ع الوجه شــو الاطمه
            ناده جـبريل وتســمعه فاطــمه
___
الطمت وصاحت يـبويه بالدمع
وكلبي بفـراكك يبــويه ينفـجع
باجر فـلان اليـهد منـي الضــلع
ويده يابويه على خدي وتنطبع


داري يكصدها وينادي.  يالله انطي البيعه

يالله يافاطمي تكولي افلان احنه انطيعه


وانه أرفـــض يـاتره
والخــلافه الحـيدره

      والدي وصه بعلي حامي الحمه
      ناده جـبريل وتســمعه فاطــمه
___
وصـه بالقـرآن والله وعــتـرته
وصـه بـحيـدر علي وابـنيـــته
وصحه بالــسلام والله بحجـته
نكرو الوصــيه ليــش بفــركـته

وماخذو ذيج الوصيه.     يامحــمـد والـــدي
داسو اعتابك يــبويه     وانه حرمه الوحدي

حيـدره عنده العلم
وبوصـيتك ملتـــزم

     
        كٕسر اضلوعي ويصب منها الدمه
         نـاده جــبريل وتسمـــعه فاطـمه
___
كلمات الشاعر الحسيني

  مرتضى.  مكطوف الموالي



القصيده
تقرء بعده اطوار.    نزله والثكيله والشور

شكراً جزيلا ً إلى جميع الرواديد ولي ماسمعت صوته أو ماوصلني المقطع أسأل الله أن يحفظه ويوفقه بحق فاطمة الزهراء ع

خادمكم
#مرتضى_مكطوف_الموالي_

للعسكري اليوم أنصب عزيه 
للعسكري اليوم دمـعه جريه 

أكتب شعر ملجوم.     
للعسكري المسموم 

وأنصب عزيه.     وأنصب عزيه
___
خط ياقلم من الشعر أكتب شعر.على الفطره
وأكصـد على اديار الدمع   ونزل على سـامره  
وذكر مصاب العسكري وذكر جروحه وصبره 
وأسي الامام المنتظر وأسي الـنبــي والزهـره
 
شفت الشعر مهموم.    
للعسكري المسموم

   وأنصب عزيه.    وأنصب عزيه 
___
وضل القلم ينزف حبر. ودمـوعه ضلت تجري 
المن وصل سر من رئى  ينعيلي  كام ويحدي 
ناشته جاليش الدمـع  شـنهو السبـت ماادري  
يكتبلي وسم العدو بكلب الحسن ضل يسري 

من الحزن مالوم        
للعسكري المسموم 

  وأنصب عزيه.   وأنصب عزيه 
___
ضليت اراقـب بالقلم يكـتبلي قـصه وعـبره 
كال لحسن وكت الموت يذكر حسين ونحره
للضامي يذكرى ياترى  ويذكر حروره صدره 
لـمن نعه الـناعي ألــه وناده يجـــدي بحصره

من العذب محروم    
للعسكري المسموم 

وأنصب عزيه.  وأنصب عزيه
__
باأخر نفس من ها العمر يذكر سبـيها الحره 
لــمن مشت فوك الهزل وحسين فوك الغبـره 
مكطوع رأسه من الكفه يـمه تطــول النظره 
يبجي وينوح الها تره وعيـونه صارت حمره 


مسبيه بين الكوم.     
للعسكري المسموم

  وأنصب عزيه.    وأنصب عزيه

___
كلمات خادمكم 
الشاعر الحسيني
مرتضى مكطوف الموالي

((حجة راسه بالممات))

عل جدم باجر نسير.   
ول سعيد أبن جبير

ونكصدة مشايه. ونكصده مشايه
__
نكصد بدمعه حزينه ونلطم أحنه ع الجــره
هل صحابي بيى فجيعه وراسه طايح ياتره
شنهو ذنبه بيى ديانه وسيف يكطع منحره
زاهد وعابد  موالي ودمه سأل على الثره

حـجه راسه بالممات  
دمعه فاز ع الطقات

يهلك الماله ضمير  ول سعيد أبن جبير
  ونكصدة مشايه   ونكصده مشايه
___
الحجاج مادامة حياته وعمره ماطول شهر
هلكته شـارت سعيد وليله دايم  عل سهر
نسله من فرعون صاير يكطع أنحور البشر 
يذبح بشيعة علينه والله واكف بالخطر

قدر وأرسل سعيد
يذكره بيوم الوعيد

ولظلم عمره كصير ول سعيد أبن جبير
  ونكصدة مشايه.  ونكصده مشايه
___
مايدوم الضالم أبداً لو طغه بهاي  الحياة
الله واكف بالمخاطر يمحي أركان الطغات
وينه هدام ونضـامه لااله ذكرة ولا وفات
يعله شأنه الي كضاها يمشي درب المحصنات

دنـيتك فــترة وتــزول
تنســأل حـيرة شتكول

ربنه حاكم والقدير  ول سعيد ابن جبير
 ونكصدة مشايه. ونكصده مشايه
___
العندة حاجه يعتنيله ويكصد المرقد سعيد
ياخذ امراد اليــريدة وربنه اكرم هل شهيد
ألـزم  الشباچ بيدك  يل تريد وما تريد
طوفه كبره بالمناحه الدمعه بالمرقد تفيد

بحضرته ننصب عزاء
ونــكتـب عليــه بــرثاء

ألطم بدمعي الغزير  ول سعـيد ابن جبـير
  ونكصدة مشايه  ونكصدة مشايه
____
أوصل العتبت مقامه والطم أنه على 
الصدر 
احني ظهري يم ترابه وأشتم أتراب الكبر
حاجتي يمـه عتنــيله  وكلبي يسعر بالجمر
خادم حسين أنه أصيراًحاجتي طول العمر

حاجتي يمــة عتنيت 
أخذ امـرادي وقريـت

مرادي خادمهم أصير  ول سعيد ابن جبير
  ونكصدة مشايه ونكصدة مشايه
_
كلمات الخادم 
الشاعر 
مرتضى مكطوف الموالي

﴿نزله حماسيه ﴾

جنها يوم الاربعين  نمشي بدمعه وأنين
           ونكصد المرقد سعيد
____
طلعت آلااف الألوف 
رايـه شالو بالجفوف
وعتنو مشايه  ..   وعتنو مشايه

كصدت المرقد سعيد
تواسي العبد الُــشهيد    
بالعلم والرايه.    بالعلم والرايه

صرخه وبهذه المسير.
فايز وفــوزك جبيـــر
ياسعيد بهايه.    ياسعيد بهايه

وينه حـجاج الاعين   جنها يوم الاربعـين

           ونكصد المرقد سعيد
____
وينه حــــجاج الاعين
خل يجي ينظرله حين

يصيح منه ادخيله   يصيح منه ادخيله.

خل يجي وينظر تره
القبه صارت مــظهره

والبشر تمشيلة  والبشر تمشيلة

وبالمسـيره  نعاهــده
زحوف نوصل مرقده

نوصل ونحجيلة  نوصل ونحجيلة

نحجي حبنه واليقين   جنها يوم الاربعين

             ونكصد المرقد سعيد
____
والظلم وأهل الظلام
ماتدوم ويــه الدوام
كلشي حد حدوده كلشي حد حدوده

والكفر وأهــل الـطغات
ماتـــدوم الــهم حـــياة
ذكره مامعدوده.      ذكره مامعدوده

وينـــه حجاج الا عـــين
وأنهــــلك تالــي بـــونين
هذه أمر معبوده.    هذه أمر معبوده

والله حاكم والمعين   جنها يوم الاربعين

           ونكصد المرقد سعيد
____
ربـنــه عادل بالـحكم
ما يهود على الظــلم

لاوحق قرآنه.  لاوحق قرآنه

وبالحـكم المن نظر
سـيف يذبح بالبشر

أرسل العدوانه. . أرسل العدوانه

قدر وأرسل سـعيد
يذكره بــيوم الوعيد

دنيته خلصانه. دنيته خلصانه 

والكفر ماله معين   جنها يوم الاربعين

      ونكصد المرقد سعيد
___

كلمات الشاعر الحسيني
مرتضى مگطوف الموالي

((ياحامي الدخيل))

بهذه المسه وصلت علي.ذيـج الوصيه 
مـن السمه من فاطمه الحامي الحميه

ودفــني أبــلــيل   ياحــامي الدخــيل
                   بذيـــج الوصيه
                   بذيــج الوصـيه 
___
 يابالحـسن هاك اسـتــمع  هـايه الامانه 
 كبر الحـــبيـبه ياعـلي تخــفى مـجـانه
 اليـــلة أخـر اليــلة ويســــافر ضــوانه 
وعله الجـره ولي حصل تبجــي سمانه 


هاي الوصـيه.وصلتـك المــن.يجـي الـــيل 
شيل النعش فوك الجـتف واصبر ع.الشيل  

   للغاليه تــشـيل   ياحامـي الدخيل 
                  بذيج الوصيه 
___
ينـحب علي لمن سمع هــايه الوصـيه 
وبيا سبب بنت النبي تــشـوف الاذيه 
اليش بدمع وبهل حـزن تروح الزجيه 
وبيـا صــبر يافاطـمــة تشــيلج اديــه 

هاي الفجيعة البل العمر ياحامي الجار  
زهرة حياتك الو مشت ياوحشت الدار 

يل دمعك يسيل.      ياحامي  الدخيل 
                  بذيج الوصيه            
___
من الجرة ماينــجبر جــرح الكلب ااااه
وعله المـشت ااة الكلب يصرخ يـويلاه
ليلي اليمر انحب دمـع وصــرخ يزهراه 
طير وجنح  منه انكسـر مايرهم اداواه


وهـــذه الحبيب بــهل مسه يفارك حبيبه
جرح الـــكلب مايـــنجبر يذهل طبــــيبه 

    ياويلـي ياويل     ياحامـي الدخيل  
                   بذيج الوصيه    
__
الفارك حــبيبه يابشـر. شــله بحـياته 
يتـــمنه كل ساعه التمر يـكرب مماته 
ولي مـشه بهذا المــسه وحلت وفاته 
مايــرجـع الراح ورحل وتبـــقه غلاته 

 وبغــيبته ياحـــيرتي تبــجي دمه العين
مو بـس دمــع  لاوالعرش ياذيني الونين 

  ياونـــت اليـل.    ياحـامي الدخيل
                 بذيج الوصيه 
___
أخفي.الكبر حـد مايـجيله صاحب الثار 
يطيب جرحــنه من الجرة ويطفي النار
يبني المقــام وتعتني الحـــضــرة  زوار 
للمحـــسن يصير الطــم والدمعه مدرار 

ذاك الوعـد  لازم يجــي  ونـعاهـــد اعهود
يبني المقام  الحضـــرتج والعايش اشهود 

من يسرج الخيل.       ياحامـــي الدخـيل
                  بذيج الوصيه.  
                  بذيج الوصيه 
___
تمت بحمد الله تعالى ومولاتي فاطمه الزهراء


كلمات الشاعر
مرتضى مكطوف الموالي

الشاعر مرتضى مگطوف

بصوت الرادود ستار الصالحي

(شمه من النحر)

شمه فاطــم خلـت الذاك الـنحر
يادمع زيــــنب مثـل ماي المـطر   
____…
فاطمه باأخر نفس من هل عـمر
وصت بذيج الوصـيه ام الخـدر
من تشوفين الحسين اعله المهر
شمه من ذاك النـحر ومن الصـدر

هل وصيه من يـحل يومه القدر
يادمع زيــــنب مثـل ماي المـطر
__
راح اودعنــــج و اودع العــايلــه
يمـه زينــب نلتــقي بـطــف كربله 
وأنـتي وحــدج والزلاام مجــتـله
وحدج أنتي يمه وباليـتامه مكفله

مكفله بضعن اليتامه من الخطر
يادمع زيــــنب مثـل ماي المـطر
_
سمعـت وكامـت تنـوح أم الحزن
يمه بفــراكج تره يـذوب الجـــفن
ولكلب كل الحظه والشوفج يحن
والكلب يــصبح تره ويمـسي يون

  دنيه وحشـه ونطفه ضيه النظر
يادمع زيــــنب مثـل ماي المــطر

_
الدنيه وحشـه والفــرح لا مايمـر
ليلة ماتت فاطمه شيسوه العمـر
ماتت بسطـره حقد أهـل الكـفـر
ماتـت وكســرالضـلـع مايـنــجـبر

ليلي يكـضي بالمنـاحه والســهـر
يادمع زيــــنب مثـل ماي المــطر
_
عل المـناحه اتعودت لا مااهـيد
والزمن لا مارحم مدري شـيريـد
عاشرت انه الدمع مامرني عيـد
يمه شيرجع المشه وكاصد بعـيد

دمعي فوك ع الجفن مـوج البـحر
يادمـع زيـــنب مثــل ماي المــطر



كلمات الخادم
والشاعر

مرتضى مكطوف الموالي