نزله..........   (((وستوديو)))


            بخطــوة الزايـر. هلا.       
            بصـرخه صاحت كربله

هلا. بالمشايه.   هلا بالمشايه
___
نمشي خطوات.    مسافات.      نون المصيبتك
شنهو حر صيف.     يمــولاي.    نروح الكـبـتك


شفــنه انواع المشولك شايب يكـوده لولد
مكَـٍرم وجاي الضريحك زحف جاي ولاكعد
الله سير كلش الـــجلك ياحـسين ع الوعد
أحنه شيعه وأنتـه حبنــه مانعـــوفك الأبد


طلعـت آلااف الألوف
رايه شالو بالجـفوف

عايف البـــيت وهــله     بصرخه صاحـت كربله
___
طلعت الناس.      ملايــــين       تلاكي أم الخـدر
رجعت بروس      للطـفوف.       يويلي من اليسر


رجعت بدمـعه عذرها الدمعه بيها تلاالي
وعايفه بديره غربها.رقيـــه بنــت الغالي
تكله لا تنـشد يخـويه ماتطــمن أحـوالي
نكصد بدمعه حزنه نواسـي أخت الوالي


رجعت الأرض الطفوف
تسعه يم كبره وتـطوف


رقيــه مـــو بالــــقافله.     بصرخه صــاحت كربله
___
خادم  يـصيح.    يـــــزوار.   علي وياكم علي
فدوه مشـاي      يله وياي       مبـيتك يم هلي


فـدوه يازاير تمـرنــه الجلك أفرش عينـي
والله اغـطيك برمــشها يل تـزور حسـيني
من اخدمك ها يزاير خـدمه تسوى سنيني
خاف أقــصر أنه بــيــها ماأكــمل دينـــي

الخدمه أحله من العمر
الخـادم يــنادي بـعــذر


الخادم بصـيتك عـــله.     بصرخه صاحـت كربله
___
سفرت  حسين    حتى. الطير.     شبع منها وقنع
كل سنه تزود     للمعشوك        يعشـكي الماكطع



سفرت  وحده بهل مواكب تنمد بطول الدرب
زايد الخير وننافـس خلهـا تــسمع الغــــرب
العالم يحير بفعلنه عدنه سهـله وموصــعب
فـــدوه ياالزاير تـــمرنه أفــرح أنه من تطب


الزاير بكل خطوه حــــج
المهـــدي ندعيله بـــفرج



بالفـــــرج ندعـــي إله      بصرخه صاحـت كربله
___



الشاعر الحسيني

مرتضى مكطوف الموالي

عمه كومي من الطشت
حـــيره بيــج اتحـيرت

عمه كومي.   عمه كومي
ـــــــــــــــــــــــــــــــــــــــــــــــــــــ
زينب تنادي ل رقيه عمه كومي من الطشت
مثلج انه بالـــطفولة بكــسر ضـــلع اتـلوعت
مثل ماشفتي المصايب بالصغر انه شفت
عمه فدوه كومي كومي والله حيـره تحيرت

كومي يل جنتي بدالال
ونــــــج يـهـــدم الجبال


الونج يذوب الصخر.    والله دالالي نفــــــطر

                  ماتــحاجيني شكلت
                حيــره بيج اتحـيرت
___
نادت الـسجاد زينـب عمـه شــنهو إلي جره
طفله احاجيها بدمــعـتي ماتـحاجيني تــره
بعد مااحــمل مصـايب والله حـيل امــرمره
والهدم حيلي ودهاني عـفته أخوي ع الثره


عمــة كــلها وخــل تكوم
ع الطشت مو هذا نــوم

وخل تجـي لدالاالي.      وهايه بنــت الغالي

               ويلي ياعـمه أشفت
              حيــره بيج اتحـيرت
___
ناده يازيــــنب يعـمه الطفله ميته ولا نـــفس
صبت الدمعه ع أخته حـظنه من دمعه نترس
يبجي وبحصرت داليلة والهــوى بيـه نحــبس
هوايه لوعات الشـــفتهن اه مــن ذاك الرجـس

الورده ميته ولا حجت
تبجي زيـنب والطــمت


رمله تنحب والربـاب   وسكنه تلطم بالتراب

            يالعلــيل انته اشكلت
            حيــره بيـج اتحـيرت
___
لـمغــــــتسل جابـــو رقيــــه ورادو يغـــسلـوها
وشـــافو آثار بــــمتنه  بكـــل رعــب عــافـــوها
وضــلـت تنــادي العقــــيلة بالســــبي طكـــوها
مــــو مـــريضه ولاعـــــلية.مـــن السياط اذوها

والله من سوط النذل
والله من ذاك الحــبـل

مومريضه بهل درب  هايه آثار الظرب


               وأنه عـبـاس أندبت
              حيــره بيج اتحـيرت

___
خويه الحـــك انتـــه.وينــك أنه بديار الـغـرب
أمــشي من ديره الديــره خـويه ماعـرف درب
والضهدني والهظمني خويه والكـــلش صـعب
من اطـب ديوان اميه بيا وكت زينــــب تطب


طولي ماشافه الخيال
ويــنك انتـه بس تعال


هسـه بديار العدو  وينك انته ياالخو

               والله حـــيل تمــرمرت
                حيــره بــيج اتحـيرت
___
الخادم أهل البيت. ( ع)

وخادم رقيه بنت الامام الحسين ع

   ((  مرتضى مكطوف الموالي

ليلة ع بركه مولاتي فاطمه الزهراء
القاريء المهذب #مهدي هادي
والرادود #فرحان الحميداوي
#وخادمكم.
#الشاعر والرادود مرتضى مكطوف الموالي

ختامها مسك ونسأل الله التوفيق والقبول
والعوده ع خدام سيد الشهداء ع
بحق محمد وال محمد

أداء الرادود الحسيني عيسى هارون
وكلمات خادمكم ا

الشاعر الحسيني مرتضى مكطوف الموالي

#دوله البحرين

أداء خدام الحسين ع
الرادود محمد الفتلاوي
الرادود محمد الزيادي

هلا بنصارك هلا
نزلو الطف كربله
حي الله الأنصار حي الله الأنصار

كلمات خادمكم
الشاعر#مرتضى_مكطوف_الموالي

بطريقه الحدي الاأبدوي
‏
‏(خوفي ع الضعينه)
‏
‏نمشي معه حادي الضعن بدموعنى الـحزينه
‏يحدُو بنى حادي السبي خـوفي ع الضــعينـه
‏______
‏باجر على نوك الهزل تحدي بنى الحدايه
‏والرايه تبكـه بلاكفل. زينب تشيل الرايه
‏تمشي ع نوك الهزل بنت الفخر والثايه
‏زينب وكاد بالسبي تطوي الدرب حكايه
‏
‏مااودي أسري ويه الشمر ادري الشمر ياذينه
‏يحدو بنى حادي السبي خوفي على الضعينه
‏_______
‏ماودي أحــدي والشمر يحـدو بنى بالوادي
‏يضرب سكينه على المتن وأنه يكطع افادي
‏هــود يحداي الركب زينــب تنادي الحادي
‏من الضعن طايح طفل صاحت يجدي الهادي
‏
‏ياجدي طايح الـــطفل وانه اســمع ونيـنه
‏يحدو بني حادي السبي خوفي ع الضعينه ______
‏ياجدي بديار الغرب زينب تظل محتارة
‏يطوح ركبها بلاأخو وينه اليكرب اخبارة
‏والناكه هزله وعارجه وكلبــي تلاهب نارة
‏بكيف الشمر صار الضعن هوة صبح امارة
‏
‏بكيف الشمرصار الحدي بعد الكفل والينه
‏يحدو بنى حادي السبي خوفي ع الضعينه ______
‏رجاب الحرم كلش صعب ياهو الينوخ ارجابي
‏والنــزله تذبح ياكـمر عينـي تصــد الحبابي
‏اة وأسف من الــزمن ذباني بـــين اجنـابي
‏والشـامت بعينه يصد معصبي يطيـح اترابي
‏
‏منهو اليعدل محملي منهو اليحامي سكينه
‏يحدو بنى حادي السبي خوفي ع الضعينه ______
‏اطرك درب ماينطرك يصعب وكوفي وحدي
‏واشهك حزن ماينشهك وابجي دمه ع خدي
‏وانظر على راسك لكمر وجفوفه بيهن يفدي
‏انسه التعب ويه العتب وكل العتب ماوادي
‏
‏عذري يطيح والاعتب يوم الشفت جفينه
‏يحدو بنى حادي السبي خوفي ع الضعينه
‏______
‏كلمات خادمكم ‌
‏الشاعر الحسيني
‏✍️⁩ مرتضى مكطوف الموالي