راية العباس عليه السلام

أفخر واگولن راسي ظل عالي
چيـــه انــته ياعبـــاس شيالي
امقدمه امن اعضيدك
انـــا رايـــه البــيـــدك


احسين چان ایـــقسّم الرایات بايده
ومايـــنكّس رايـــته شخص اليريده
الهاذ اشوف اعيونه بعيونك صديده
هیچ والله وگلت اصير انا العضیده

یلـــزمني ابوغيره ويـهد بيه
وللمحشر ابكل جيل محچیه
اتمجّد ابتمجيدك
انـــا رايـه البيدك


چن اسمعه ایگلك اگـــرب یاتچيتي
و انتــه يا آمال جيشي وناس بيتي
يلـــي ترهـــب هاي بوجودك ثنيتي
هاك اخذ هالرايه واتصدّر ســـريتي

شالتني فرحه ابلزمتك عودي
ريال اشـــوفك ماتـچل زودي
عودي چان ایریدك
انـــا رايــه البــيدك


ملعــب الخيــاله طبــيتــه ابمــهرتك
والفــرار اصــبح يزاحم من حضرتك
جيش امــيه حسّــوا ابكــلفة قدرتك
طبــرة الــقــفار گــد ابگــد طبــرتك

وحدك جــعلت المــوت مايلحگ
والخيل فوگ الخیل بس تسحگ
اشهــد ابــ تأيــيدك
انـــا رايــه البــيدك


صــوّلـت لمّــن خــذت زبــدة زلمهم
ابكفيك اتــطشهم گــمت تالي تلمهم
وانا ارفرف واهــما مــاشالوا علمهم
اگبالك انته اشلون ايهدون ابعزمهم


نعم المحارب هيچي خله اعداه
وهـدّم صفــوف الماتكض اوياه
ادري حربك عيدك
انـــا رايــه البــيدك


هادي الامغيطي البوغبيش

ياشمس الغروب .. لمن تسلمين
سلميني وياچ .. عالغايب حسين
ياشمس الغروب .. ياشمس الغروب
                     ،،،،،،،،،،،،،،،،،،،،،،،،،،،،،

ياشمس وصليله اخباري الحزينه
امـك تگـلك تطـول لـو تـجينـه
اخلاف عينك گلبي مايبطل ونينه
وصعبه هالفرگه يايمه ومو بدينه
موحشه بعدك يبواليمه المدينه
يمه دولبنه الزمان ودار بينه

عذبني الغياب .. واشتاگت العين
سلميني وياچ .. عالغايب حسين
ياشمس الغروب .. ياشمس الغروب
                     ،،،،،،،،،،،،،،،،،،،،،،،،،،،،،

ياشمس گوليله امك فاگده احباب
عيونها مشبوحه وتعاين على الباب
يادوه اليشفي گلبها بهجرك انصاب
تگول مااعتب بعد شيفيد العتاب
تريد بس ترجع عليها وتنهي الغياب
والگلب مو راسي يبني بغيبتك شاب

مااحمل افراگ .. ليگلي بعدين
سلميني وياچ .. عالغايب حسين
ياشمس الغروب .. ياشمس الغروب
                      ،،،،،،،،،،،،،،،،،،،،،،،،،،،،،

ياشمس اتمنى يرجع باچر اليوم
امك الياهم عفتها اهواي الهموم
يمه دلالـي برحيلك حيل ملـچوم
وبسبب هالغيبه جدمي يطيح وتگوم
حـرمـه مـابياش مااحمل بـعـد لـوم
وهو شيسوي اليعيش بدنيا محروم

يشوف العذابات .. ويموت كل حين
سلميني وياچ .. عالغايب حسين
ياشمس الغروب .. ياشمس الغروب
                     ،،،،،،،،،،،،،،،،،،،،،،،،،،،،،

اوياچ وصليله خبر من العليله
تـنتـظر يرجع عليها ليـله ليـله 
ادري جيت حسين صارت مستحيله
بعيد ودروب المشوا كلش طويله
يمه انا ادعيلكم وانتوا الوسيله
فاگده ومابيدي يالغـياب حيله

بالدمعه والنوح .. اصرخ يطيبين
سلميني وياچ .. عالغايب حسين
ياشمس الغروب .. ياشمس الغروب
                       ،،،،،،،،،،،،،،،،،،،،،،،،،،،،،

امنت روحي بغيابك بين الاحزان
مااحس بالماي يمكن انت عطشان
ياشمس وديت وياه اربعه اخوان
كلهم يروحون فدوه ولجله قربان
هو تسبيحي وصلاتي وهو وقرأن
بلزمة اچفوفه يحس گلبي ابأمان

منتظره ظليت .. بالغربه والبين
سلميني وياچ .. عالغايب حسين
ياشمس الغروب .. ياشمس الغروب
                   ،،،،،،،،،،،،،،،،،،،،،،،،،،،،،

عاودت شمس الله يوم الثاني ليها
شلـون اخبـرها شفت جـثت وليها
على هونچ يالحنينه تهدي بيها
ميت العباس شفته وكل بنيها
وشفت بالطف زينب ولحظة سبيها
هيا تبچي وانا گمت ابچي عليها

ميتين الاعزاز .. حگچ تونين
سلميني وياچ .. عالغايب حسين
ياشمس الغروب .. ياشمس الغروب


الشاعر فاروق الغنامي

اذا حبك ذنب يحسين أگوم اتفاخر بذنبي
وحبك لو دمعتي يـريد ابچيلك گلب گلبي
يادرب العشگ ملهـوف ياصيواني يادربي

ومّـبَيـن الــمــسه الهــوى
لـــو شفــته بالچلمه يعت
لو صحت بسم الي يحب
تــرجـف دمـعتـه ويلتفت

مَسْني غرامك
لفنيّ  بوئآمك .. حسين

عشگك طهاره
حــــبْ وزياره .. حسين

احبك ياحسينا ... احبك ياحسينا
                       
                """""""""""""""""""""""""""''''''''''''""""""""

حبك احلا مــن المـــاي لا حـــبك بعد احله
والماله سعر بالناس لَـــمن يــخـــدمك يغله
والمحترگه روحه عليك يعشگ عيشةْ الدله

معروفه روحـه الينچوي
بكل مجلس يخضر لطم
تــلــگه بتـــعابـيـر الوجه
شــايل هظم يابو الهضم

شــايل عـبــرته
وجمره بدمعته .. حسين

هزله بخــياله
الشام بسؤاله .. حسين

احبك ياحسينا ... احبك ياحسينا
                              
                """""""""""""""""""""""""""''''''''''''""""""""

لو ما خيمتك يحســين چــا صرنه بلا قيمه
شگد تنطي خَيمْ للنـــاس بس انته بلاخيمه
رقيه وسكنه وامكلثوم عگبك ويلي بالهيمه

الهيـــمه مســـكن للخدر
شو بالعكس صار الوكت
ومـــدلـــل الخـــادم الك
مثلك (ابو) لا مـــاشفت

أجمل خصاله
واضــح دلاله .. حسين

جرحه رقيه
وعينه عليه .. حسين

احبك ياحسينا ... احبك ياحسينا
                         
                """""""""""""""""""""""""""''''''''''''""""""""

الماحب خدمتك محروم مايعرف شنو الدمعه
والمـــايلطم بعاشور بجرحك ياهو ألي قـــنعه
الماشافك ضوه للناس شمعرفه بضوه الشمعه

مايدري تحضر بالشدد
والمخـــتنگ تفــزع أله
التربه من عنــدك دوى
تحل المــــشاكل كربله

غربّ ومـشارق
منجي الغوارق .. حسين

صوره ومحنه
وبنــحره ونـه .. حسين

احبك ياحسينا ... احبك ياحسينا
                          
                """""""""""""""""""""""""""''''''''''''""""""""

والسابع أرض مــــديت ايــدك يالمطلعني
اعلا من السمه يحسين بيدك يالمصعدني
مرتبني مثــــلْ متريد وبالمجلس موقرني

شميتك بخنگتّ جرح
ياعطري وبثوبك اشم
نضرةّ الحب من تبتدي
تتـــلوع بعشـــگ اليتم 

جرحْ وعذوبه
حب ومـثوبـه .. حسين

أصل اللـطافه
عشگ الترافه .. حسين

احبك ياحسينا ... احبك ياحسينا
                         
                """""""""""""""""""""""""""''''''''''''""""""""

يا أترف ندى اعله الگاع من ينسحگ يتلوه
صدرك بي سمه يحسـين بس الحافر أسوه
الطاحت ياهي يامـولاي ياهو الصار يتچوه

شفت الخيم من تحترگ
والسوط مايـــرحم طفل
عثــــرت رقيــه وغَمضتْ
يالتبچي من شفت الحبل

سوط وهزيله
وجرح العقيله .. حسين

يابويه حيره
زينب أسيره .. حسين

احبك ياحسينا ... احبك ياحسينا


عبد زينب
محمد الابراهيمي

خادمك ممنونك...إي وحگ اعيونك
ياابا عبدالله...يااباعبدالله

لايذ ابشباچك وحظرة عضيدك
دوم اضيع ودوم اريد اتمدلي إيدك
بالرخاء وابشدِّتِي مولاي اريدك
اشكبره حظي وعبد أصبح من عبيدك
سيدي وترعاني...اشعندي غيرك آني
يااباعبدالله....يااباعبدالله

ماطفت لمصيبتك بِيِّه الحراره
وليلة الجمعه ألوب اعله الزياره
خذني يمك أرد اصد اعله المناره
ولمَّن ادخل حظرتك دمعي ايتجاره
ابمرقدك خليني...أجري دمعة عيني
يااباعبدالله....يااباعبدالله

فتره لوما جيت الك يبن الزچيه
أحس هاي الدنيا كلهه اتضيگ بيه
كربلائك جَنَّة الباري الزِّهِيَّه
ايزول هَمَّي لو وصلت الغاضريه
لوصلت آعتابك...ترد روحي ابَّابك
يااباعبدالله....يااباعبدالله

أدعي بين الحَرَمين ابدمعة العين
الله لا يحرمني من عباس وحسين
أحس گلبي يطمئن بين المَقامين
ياللي حُبكُم خيمه واتلم الموالين
أبقه اصيح اهواكم...والهج ابطرواكم
يااباعبدالله....يااباعبدالله

غيرك اشعندي يمحبوبي ابحياتي
يادعائي ويارجائي وياصلاتي
يالخدمتك صارت اجمل ذكرياتي
شوفِتَك هِيَّه الأمَل ساعة مماتي
أقره الك تلگاني...حاشه لن تنساني
يااباعبدالله....يااباعبدالله

سيد علي الموسوي

رغم کل الیمرني احچایتي احچایه
الف نكــته انّــكت واتــعذّب ابهايـه
لچن مــاعوف دربي ودرب الاولايه
       (حد مايتحضّر تابوتي)

هادي الامغيطي البوغبيش

يالمحتــار ماتــدري الدرب مــن وين
فك اعيــون عگلك وانـتخب لك زين
عوف الناس كلها وكض ببوالحسنين

     (تربح والجنه اتطب بيها)

هادي الامغيطي البوغبيش

▪️لعيد الله الأكبر

يا روحُ طيري…نحوَ الأميرِ
فاليوم عيدٌ…عيدُ الغديرِ

١/إجتَمِعُوا يا ناسُ لا تشتَّتوا
وانتظروا حتَّى تجيءَ الكعْبَةُ
بصوتِ طـٰهَ سَتُقامُ الحُجَّةُ
فاستمعوا لقولهِ وأنصِتُوا..

أمرٌ تقرَّرْ…في شأنِ حيدَرْ
يتلوهُ طَهَ…باسمِ القديرِ
فاليوم عيدٌ…عيدُ الغديرِ

٢/سادنُ وحْيِ اللهِ ذو القَدْرِ العَلِيْ
جاءَ إلى خيرِ البرايا مِنْ عَلِ
قالَ لهُ "بلِّغْ" عنِ اللهِ العَلِيْ
"منْ كنتُ مولاهُ فمولاهُ عَلِيْ"

كفُّ الولايهْ…للحقِّ رايهْ
تعلو بكفِّ الـ .. ـهادي البشيرِ
فاليوم عيدٌ…عيدُ الغديرِ


٣/لاحَ "بياضُ الإبطِ" في جمالِهِ
فجاءَ عرشُ اللهِ في جلالهِ
يُهنِّئُ الإسلامَ باكتمالهِ
"صلُّوا على محمَّدٍ وآلهِ"

هذا عليُّ…فيكُمْ ولِيُّ
صلُّوا عليهِ…طولَ الدهورِ
فاليوم عيدٌ…عيدُ الغديرِ

٤/إنْ بخبخا للحقِّ أو ما بخبخا
يبقى لطٰهَ وارثاً ، صنواً ، أخا
منْ بعْدِهِ بالغصبِ لوْ "تشيَّخا"
فحيدرُ الأولُ قدْ تأرَّخَ

ألفضْلُ يشهدْ…ثاني محمَّدْ
كمْ قالَ عنهُ…هذا وزيري
فاليوم عيدٌ…عيدُ الغديرِ

٥/أرواحُنا طارتْ لِخُمٍّ هائمهْ
قالتْ وداعاً لليالي القاتمَهْ
فاليومَ دنيانا جِنانٌ باسمَهْ
من بسمةٍ شعَّتْ بعيني "فاطمهْ"

للعيد ناصِبْ…رغمَ النواصبْ
نُحْيِيهِ حتْماً…يومَ الظهورِ
فاليوم عيدٌ…عيدُ الغديرِ


علي عسيلي العاملي

#يا_علي
#اللهم_عجل_لوليك_الفرج

عيدنه ايخص الوِلي
مايلوگ الاَّ العلي


مو عواطف عن عقيده نحچي عن الواقع
من بعد طه الصميده واليريد ايطالع
انجدد البيعه إجينه ويسمع الماسامع
علي مو رابع الاول ياهو گال الرابع
هذا حُبنه الأوَّلي
مايلوگ الاَّ العلي


للرسول الهادي نازل أمر من بارينه
سورة المائده شاهد عن شرف والينه
صار عيد الله واحنه ابكل فخر نادينه
حيدر الغالي ولينه من بعد هادينه
والنِّداء اليعتلي
مايلوگ الاَّ العلي


أكمل الدين ابولينه وازدهر عنوانه
وتمت النعمه علينه ابحيدره مولانه
صيحو يابوحسين بسمك شيعتك فرحانه
كل غديريَّه نبايع عالعهد تلگانه
خل يموت العاذلي
مايلوگ الاَّ العلي


آية الحق الغديري بيها نَص قُرآني
واشهدُ أنَّ علياً حُجَّةِ الرحماني
بايعت حيدر وبيعه من گلب والساني
يسري وَيَّه ادماي حُبَّه وافتخر خلاني
بالعشگ مَملي مَلي
مايلوگ الاَّ العلي


سيد علي الموسوي

المايجيب اسمك علي ابوكت الصلاة
ایــگول بــاطل بــالتشــهد مو جديـر
انــا مــتعجب تــره و رايــد نــقــاش
هــاذه الــمن يحتفــل يـــوم الغــدير

هادي الامغيطي البوغبيش

يالمحتــار ماتــدري الدرب مــن وين
فك اعيــون عگلك وانـتخب لك زين
عوف الناس كلها وكض ببوالحسنين

     (تربح والجنه اتطب بيها)

هادي الامغيطي البوغبيش