Bog‘ot tumanida xorijiy nav ekilgan paxta dalasi yuqori natija ko‘rsatmoqda

Ayni paytda Xorazm viloyatida ishchi tashrif bilan bo‘lib turibman. Navbatdagi manzil — Bog‘ot tumanidagi “Ahmadjon Olloyor” fermer xo‘jaligiga qarashli urug‘lik paxta dalasi bo‘ldi.

Mazkur xo‘jalikning umumiy yer maydoni 100 gektardan iborat bo‘lib, uning 50 gektarida xorijiy nav paxta ekilgan. Dalada paxta pishib yetilmoqda, g‘o‘zaning bo‘yi baland, poya uzun. Ammo bu holat har doim ham yuqori hosildorlikni anglatmaydi.

G‘o‘zaning bo‘yi 70–80 santimetrdan oshmasligi, bo‘g‘inlar soni esa o‘rtacha 10 tagacha bo‘lishi kerak. Shunda har bir bo‘g‘inda meva tugunchalari mustahkam shakllanadi va hosildorlik oshadi.

Shunga qaramay, “Ahmadjon Olloyor” fermer xo‘jaligi bu yilning o‘zida o‘rtacha 70 sentner hosildorlikka erishgan. Bog‘ot tumani sharoitida bu, albatta, e’tiborga molik natija.

Keyingi yil paxta ekish mavsumida nimalarga e’tibor qaratish lozimligi borasida fermerga va qishloq xo‘jaligi mutasaddilariga shu yerning o‘zida tavsiyalar berdim. Hosilni barqaror va samarali qilish uchun tayyorgarlik bugundan, aynan hozirgi davrdan boshlanishi zarur.

Shuningdek, hosil yig‘ib olinganidan so‘ng, g‘o‘zapoyani o‘g‘it qilish texnologiyasi — biochar (bioko‘mir) ishlab chiqarish haqida ham tavsiya berdim. Ma’lumki, O‘zbekiston dalalarida hosildan so‘ng qoladigan g‘o‘zapoya ko‘pincha keraksiz chiqindi sifatida yonib ketadi. Aslida esa u bebaho resurs: oddiy usullar orqali undan biochar ishlab chiqarish mumkin. Biochar tuproq unumdorligini oshiradi, iqlim o‘zgarishiga sabab bo‘ladigan chiqindilarni kamaytiradi va eng muhimi – fermerlarga qo‘shimcha daromad eshigini ochadi.

#yangi_tajriba
#yangi_davr_paxtachilik
#hududlardan_lavhalar
#fermerlar_munosabat
#Fargona_Toshloq_tumani

Фарғона вилояти, Тошлоқ тумани “Луқмонов" фемер хўжалигининг умумий 140 гектар пахта майдонига - 70 гектарига XinLuZhao-52 нави, қолган 70 гектарига XinLuZhao-57 нави экилган.

Шинжон усулида 76 қўшқатор, гектарига 220 минг кўчат парвариш қилинган.

Ҳозирда ҳосилдорлик гектарига 60-65 центрни ташкил қилмоқда.