" ابا أطري على باله..
مثل ما علي يطرى "

‏ماهقيت إن اللّيالي الهاديه تنوي الجريمة
‏لين جتني بعد هذا الصمت توجع عاصفتها

‏كنت أقول إني سمحت وصرت عادي ، والهزيمة؟
‏يوم مر الصبح و جاب من طواري هفهفتها ..

‏و اثر لي عام و اكثر بين ذكراي القديمة
‏ولي كلام صعب يُشرح ، ولي دموع ساجنتها

‏شالها رغم المتاعب ' قلب ' يوفي من صميمه
‏ماقدر من عمر يفصح ، غير في جُل أدعيتها ..

‏صدّقني انك من كثر ماخبْت
‏ماحسّ في حبّك ولاكرْهك !

‏لو لي قدر؟ يمدي من أول تبت
‏لاتعمل ان صمتي معك منهِك

‏سفهتك وماقلت لك كذّبت
‏مفروض تشكرني على سفهك

‏لو انّ في وجهك حياء؟ عاتبت
‏بس الحياء ماهو بـ في وجهك.

‏"ما للرجاء في بعض الأحوال قيمة
‏وما للعمى صبحٍ ولو بات سهران"

‏ترا الجرح منك يامنى الروح مابرى
‏ودمع الحزن والشوق من غيبتك جرى

‏تصدق على الي صار لو حن تزاعلنا
‏انا ماهقيتك ناوي بغيبتك ترى

"يارب وإن ضاق المدى مامعي باس
‏ومافي سماي إلاّ مشاريه ظلّي

‏في وجهك من النااااااس واللي ورى الناس
‏ومن ضحكةٍ ماهي على وجه خلّي"

‏«تظاهرت بالراحة وأنا خاطري مكبّوت»
‏——صالح النشيرا وأنا

‏"على كثر الجروح اللي بـ صدري ما عرفت اعتاد
يجيني الجرح؛ ما كن له دروب بـ داخلي رحبة

وعلى كثر المفارق في الزمان.. بـ خاطري ما فاد
أنا للحين فيني من الموادع والحزن رهبة"

كل صبحٍ يجيبك صباح الخير
وكل صبحٍ بدونك صباح وبس

‏"يقولون الليالي لا قست تبدي بشايرها"

‏تطمّن يا إنسان

‏أحيانًا تحب إنسان
‏من كثر حبك له ما عاد تهتم لباقي الناس
‏و لا عاد يهمّك إلا هذا الإنسان فقط
‏كن ما في الأرض غيـره هو

‏على سياق ذلك قال مساعد الرشيـدي /
‏« حاولت أحبك زود عن باقي الناس
‏و أثري نسيت الناس من زود حبّـك »

‏حبيبي أنا ما زلت أحبَّك رضا، وإجلال
‏مضى عام ما مرَّت على مسمعي «وِيْنك!»

‏لو إنّك رغم كلّ الحقايق شحيح وِصال!
‏أمانتك لا ترحل قبل وَقتك، وْحِيْنك..

‏خذ آخر تبارِيْح السهر، عاشقك ما زال :
‏على حطّة يدين المقاديْر.. ويدينك!

‏وش ينسّيني عبق ماضي لياليك المليحه؟
‏مستحيل أنسى ، لو النسيان للإنسان عاده

‏- فهد العيبان

‏مدخلك بالله لاتفتح بابٍ مسكر
‏مثل ما الأرض متحملتك تحملني

‏أنا من الحزن مثل إللي : معه سكر
‏لاجاني الجرح ؟ يبطي مابرى مني !

‏عادي أبقى في عيون الناس مثل الناس عابر
‏المهم اني فـعينك .. شي لا يمكن يعوّض

‏صباح الخير
‏إن قالها الله كلها أيام وتزين.. وغصبٍ على خشم المواجع سهالات

‏منتظر من بيض الأيام ما يرضي الشفوف
دام كل إنسان يُجزى على حسب عمله

‏خشير البال ، مشوارك عقيم وخاطرك مقرود
‏رسمتك حلم في صدر الجدار وظللك سقفي

‏حبيبي كنت أحبك في أمان الواحد المعبود
‏وكنت أكتب وأنا شاعر غريب وضايعً ومنفي

احمد صالح البحّا

‏ريحة مطر تحضن شوارعنا بـ حنين
‏وفينا أماني .. تكثر إذا رش المطر