يـ ما تندل ،
أمسافر وين ؟
يا غربه أشتهت روحك ؟

يـ كادود التعب ريض ،
ولك بسك أدلي الملح بـ جروحك


جواد زغير

أنه أ.من أشتاگ ما أدورك أبين الناس ،
أغمض جفن عيني وبيه أشوفنك

ولك يا سولة الشباچ ،
أنه بكل طيف اجيسنك

وانه بكل سكته تجزي الروح اهيسنك


جواد زغير

أخاويمن ..؟!
وحگك كل هوى أ.من أشتاگلك خنگه

عجب شحيت ..؟!
مانه ادري المطر يوگع بچي أعله الگاع،
اذا بالغيم وشلة ماي ما يلگه


جواد زغير

ولا أحد گال ضم گلبك ،
خساره أيضيع بـ حچايه

فرح عميان يا گلبي ولا تنشاف بـ مرايه


جواد زغير

غني هواي ،
حتى السكته غنيها

يجي يوم الفرح يلگاك ،
و أتگله بطيت هواي واتضيعه

ويجي يوم الوطن يشهگ مراسيلك ،
وللغربه مثل ما باعك أتبيعه


جواد زغير

سولف يـا أبو دم الحار ، لا تبهت

حزن كل العيون الثگل بيها الشوف ،
يتناوش حچي الشباچ من تبهت


جواد زغير

تعثر بالمري عيونك ،
وما تلگاك ،

چا گلبك بيا ديره ؟!

وحزن منّ ؟ هذا الـ بعينك

يـ مصلوب بگفى المجفين ،
كافي أتبيع عشرينك


جواد زغير

وشنهي الدنيا تلتم ما تصير أضماد ؟

چا هيَ الجروح أعناد ؟


جواد زغير

شكبر حزنچ ؟

ولا بيدي أ.من أغنيله

أنه بگد الحسافه الـ ضامها بروحي ،
همت چيله


جواد زغير

لا تمرح ،

اخذ سولة صلاتك ،
غاد عن ذنبي

أنه أمتيم بحزن الله ،
الضحك ما ينبت بدربي


جواد زغير

حسافه
الـ ما اجو ،
و الـ وين ،
و الـ ياريت ،
و الـ مدري ،

وحزن ما تدري بيه ألمن ،
كسر گلبك وعانگته

حسافه ،
التعب ،
والحرمان ،
والتگضي ،
وحچي لمن مشوا گلته


جواد زغير

تضم يا شوگ من يطفح على عيونك وداد الضي ؟


جواد زغير

مرني شوف شيحترگ و شـ يشتعلك

مرني يا معگود بگليبي أشيفلك ...؟!

مرني گتلك
ياهو يشبهني أ.من أحبك ..؟!


جواد زغير

يا غريب ...

هناك ما تلگه گمر يضوي اعله گـدك

هناك ما تلگه وجه بيه ماي من تحترگ وحـدك


جواد زغير

لا أتگلي أتعودت ،
جدم الغريب منين ما يشتاگ يركض

أ.ولا أتگلي أتفرهدت ،
گلب الحنين شما أيجيسه الموت ينبض


جواد زغير