“Dolzarb 90 kun” doirasida yoshlar uchun kasbga yo‘naltiruvchi tashrif tashkil etildi

“Dolzarb 90 kun” tadbirlari doirasida mahallada istiqomat qiluvchi ishsiz va bitiruvchi yoshlar uchun Toshkent shahri Sergeli tumanidagi “Yangi Sergeli” mahalla fuqarolar yig‘inida joylashgan Toshkent shahar kasbiy ko‘nikmalar mintaqaviy markaziga tashrif uyushtirildi.

Tashrif davomida yoshlar markaz faoliyati bilan yaqindan tanishib, mutaxassislar tomonidan turli yo‘nalishlardagi kasb-hunarlar, ularni o‘zlashtirish hamda o‘quv jarayonlari haqida batafsil ma’lumot oldilar.
Ushbu tashabbusdan ko‘zlangan asosiy maqsad — yoshlarni zamonaviy kasb-hunarlarga bo‘lgan qiziqishini oshirish, ularga amaliy ko‘nikmalarni o‘rgatish va ishsiz yoshlarni bandlik bilan ta’minlashga ko‘maklashishdir.

✍️Sergeli tuman hokimligi Matbuot xizmati

🕊Telegram 📱Instagram 📱Facebook  🌐 Website

🇺🇿#Hokim_qabuli

Xalq qabulxonasida tuman hokimining qabullari tashkil etilmoqda

Bugun Xalq qabulxonasi binosida tuman hokimining fuqarolar uchun qabuli o‘tkazildi. Qabulda tegishli tashkilot va xizmat ko‘rsatuvchi idoralar rahbarlari ham ishtirok etdi.

Qabul davomida mahalla aholisi tomonidan bildirilgan muammo va murojaatlar tinglanib, ayrim masalalarga joyida yechim topildi. Qolgan murojaatlar bo‘yicha mas’ullarga aniq topshiriqlar berilib, ularning ijrosi nazoratga olindi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook  🌐 Website

Sergelida “Oqila ayollar” harakati ishtirokida forum bo‘lib o‘tdi

Sergeli tumanida “Oilalar mustahkamligini ta’minlashda ‘Oqila ayollar’ harakatining o‘rni” mavzusida forum bo‘lib o‘tdi.
Mazkur tadbirda “Oqila ayollar” harakati a’zolari, olima ayollar, hamkor tashkilot vakillari, “Ayollar maslahat kengashi” a’zolari, tadbirkor va hunarmand ayollar faol ishtirok etdilar.
Forumda harakat a’zosi M.Xalisova tomonidan “Oqila ayollar”ning joriy yilning dastlabki besh oyi davomida amalga oshirgan ishlari yuzasidan hisoboti tinglandi.
Tadbir davomida hamkor tashkilot vakillari va mahalla xotin-qizlar faollari tomonidan xotin-qizlarning siyosiy faolligini oshirish, ularning tibbiy va huquqiy savodxonligini yuksaltirish, ijtimoiy-ma’naviy barqarorlikni mustahkamlash borasida olib borilayotgan ishlarga oid fikr va mulohazalar bildirildi.

Shuningdek, “Oqila ayollar” harakati a’zolarining murojaatnomasi o‘qib eshittirildi. Unda kelgusida amalga oshiriladigan muhim yo‘nalishlar belgilab berildi. Jumladan:
Oilaviy ajrimlar, erta nikoh va yoshdagi tug‘ruqlarning oldini olish;
Milliy qadriyatlarni targ‘ib etish va qizlar tarbiyasiga alohida e’tibor qaratish;
“Sog‘lom oila – sog‘lom jamiyat” tamoyili asosida targ‘ibot ishlarini kuchaytirish;
Ayollar bandligini ta’minlash, tadbirkorlikni rivojlantirish va kasb-hunar o‘rganishlariga ko‘maklashish;
Ayollar o‘rtasida jinoyatchilik va oilaviy muammolarni bartaraf etish borasida profilaktik ishlarni jadallashtirish masalalari muhokama qilindi.

Forum doirasida ochiq muloqotlar, bahs-munozaralar o‘tkazildi, mavjud muammolar va ularning yechimlariga oid aniq takliflar ilgari surildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook  🌐 Website