#Сангардак_мушоираси

Сурхон истеъдодлари семинари

“Сангардак мушоираси”...
  Бу ёрқин ибора юракларни яйратди. Ўзбекистон Ёзувчилар уюшмаси Сурхондарё вилояти бўлими раҳбарлигида Сурхондарё ёш ижодкорларининг, вилоят ёш истеъдодларининг, устоз адибларнинг ва табаррук ижодкорлар ҳамкорлигида Сангардак шаршарасига ижодий саёҳат уюштирилди. Маълумки, Сангардак табиатидаги мўъжизаларни, Сангардак шаршарасининг  ноёб  гўзаллигию  матункорлигини бутун дунё ҳайрат билан эътироф этади. Унга бебаҳо ҳайрат билан қарайди.  Навоий ҳазратлари, дейдилар:
  Ҳайрат этмон, ҳусни нақшидаки, ҳар ҳайратки бор.
  Барчаси барчаси эзид таоло сунъ наққошиндадур.
Даҳо шоир айтмоқчиларки, бу гўзаллик мўъжизаларини аллоҳ таоло яратмишдур.

Сангардак шаршараси ҳар бир истеъдодга, ҳар бир инсонга улуғ завқ, бебаҳо руҳланиш бахш этади.
Сурхондарёлик ёш ижодкорларга  бош-қош бўлган азиз мураббийлар қўлларида қалам, қалбларида  илҳом, кўнгилларида Сангардакка талпиниш туйғуси билан йўлга тушдилар.

  Ўтган йили Ўзбекистон Ёзувчилар уюшмаси  аъзоси, шоир ва адиб Йўлдош Мирзаев ижодкорларнинг Сангардакка саёҳатини ташкил этиш ташаббусини ўртага ташлаган эди.
  Сурхон ижодкорларининг ижодий саёхати бир неча йиллар илгари Шерободда “Беш булоқ” оромгоҳида ўтказилган эди. Бу сафарги ижодий саёхат “Сангардак мушоираси” деб аталди.
Дебоча ижодий кечада шоир Менгнор Олломурод “Сангардак мушоираси” ижодий саёхатини Сурхон ёш ижодкорларининг “Сангардак мушоираси” семинарига айлантириш таклифини айтди. Бу таклифни барча иштирокчилар қўл кўтариб тасдиқладилар, қўллаб-қувватладилар.
  “Сангардак мушоираси” семинари ижодий дастур асосида олиб борилди. Унда шоир Сирожиддин Қулбобоевнинг “Шаффоф туйғулар” китоби тақдимоти, адиб Нарзулло Сўфизода билан ижодий учрашув, таниқли шоир ва журналист Йўлдош Мирзаевнинг ёшлар билан суҳбати, Уюшманинг вилоят бўлими ёшлар билан адабий гурунги каби қатор тадбирлар ва “Сурхон оқшомлари” мушоираси бўлиб ўтди. Барча адабиёт суҳбатлари савол-жавоблар ва мушоира уйғунлигида олиб борилди.
  “Сангардак мушоираси” Сурхон ёшлари семинари ниҳоясига етди. Ёшлар семинарини ҳар йили ўтказиш белгилаб олинди. Унга энг фаол ёшлар, ёрқин истеъдодлар, улуғ устозлар таклф этилади. Келаси йили Сурхон ёш истеъдодлари “Сангардак семинари” янада кенгроқ, янада жўшқинроқ ташкил этилиши чора-тадбирлари белгилаб олинди.
  “Сангардак мушоираси”да фаол иштирок этган устозларга, ёшларга Ўзбекистон Ёзувчилар уюшмаси Сурхондарё вилоят бўлими совғалари топширилди.
  “Сангардак мушоираси” ёшлар семинари юксак савияда, ниҳоятда мазмунли ва қизиқарли ўтди.

Ўзбекистон Ёзувчилар уюшмаси
Сурхондарё вилоят бўлими
https://www.tg-me.com/Surxonadabiyoti

O‘quvchilar mushoirasi
Jarqo‘rg‘on tumanidagi 15 maktabda o‘quvchilar ta’tili mazmunli o‘tmoqda. Bu yerda yosh iste’dodli o‘quvchilar ishtirokida ko‘plab mushoiralar, adabiy kechalar, ijodiy uchrashuvlar o‘tkazilmoqda. Bu safargi ijodiy uchrashuvda O‘zbekiston Yozuvchilar uyushmasi a’zosi, shoir Mengnor Ollomurod tashrif buyurdi. Adabiyot va ijod borasidagi suhbat nihoyatda jo‘shqin o‘tdi. Adabiyot anjumanida maktab o‘quvchisi, iste’dodli shoira, talantli publisist Sevinch Ashurovaga uning ijod namunalari kiritilgan “Ko‘ngillar diyori” kitobi sovg‘a qilindi. Ijodiy suhbatda Gulhayo Xolmirzayeva, Sevinch Ashurovalar o’z mulohazalarini bildirdilar. Yosh ijodkorlar va shoir Mengnor Ollomurod Hamid Olimjon haykalini va shu yerdagi obodliklarni borib ko‘rdilar. Ta’til kunlaridagi adabiy gurunglar qiziqarli, mazmunli va jozibaliligi bilan taassurotlarga boy bo‘ldi.

https://www.tg-me.com/Sheriyatadabiyklubi

#Tabrik

Oʻzbekiston Yozuvchilar uyushmasi aʼzosi, shoira Sadoqat Ergasheva yaqinda oʻz ilmiy ishini yoqlab phd diplomini qoʻlga kiritdi. Shu munosabat bilan Oʻzbekiston Yozuvchilar uyushmasi Surxondaryo viloyat boʻlimi hamda Surxon ijodkorlari jamoasi Sadoqat Ergashevani kelajakdagi ijod va ilm yoʻlidagi ishlarida omadlar tilab qoladi.

Oʻzbekiston Yozuvchilar uyushmasi
Surxondaryo viloyat boʻlimi
https://www.tg-me.com/Surxonadabiyoti

#Sangardak_mushoirasi

Sangardak taassurotlari


Hur togʻlardan ibrat oldim,
Bir olam baxt, hikmat oldim.
  Sanʼatiga qoyil qoldim,
Men yengilmas qudrat oldim,

Koʻzga surtdim soylarini,
Shirin bildim choylarini,
Soya, salqin joylaridan,
Quvvat oldim, shiddat oldim.

Sharshara sayroqi ekan,
Suvlari oʻynoqi ekan
Balki, quvonganim shundan,
Ibrat oldim, ziynat oldim.

Kumush kokilin oʻynadim,
Navosiga hech toʻymadim,
Tiniq, toza, sof havodan,
  Men bagʻri keng jannat oldim.

Pirlar duo yoʻllaganda,
Robbim, meni qoʻllaganda,
Dilda gʻubor qolmaganda,
Togʻdek baland savlat oldim.

Yoʻlga boqib soʻqmoq qoldi,
  Dilda uchqur chaqmoq qoldi,
    Qoʻlin siltab yaproq qoldi,
Qarang ketmas davlat oldim.


Dilnoz Mushfiq Oʻzbekiston Yozuvchilar uyushmasi aʼzosi
https://www.tg-me.com/Surxonadabiyoti

IJODIY BAHS
(26.06.2025. soat 17:00)

HAKAMLAR:
1. Bahodir Karim
2. Shodiqul Hamro
3. Aziz Said
4. Behzod Fazliddin

ISHTIROKCHILAR

NASRda:

Shavkat Do'stmuhammad
Bahodir Turg'unov

NAZMda:

Nurmuhammad Abduzoir
Ahror Abdumannon

Layli Muzaffarzoda
Shohista Ergasheva

Mohigul Hasan qizi
Mahfuza Begaliyeva.

Ishtirokchilar rag'batlantiriladi.

Tadbir yakunida "RAHBAR va YOSHLAR" uchrashuvi ham o'tkaziladi.

“Шаффоф туйғулар” китоб тақдимоти, унутилмас лаҳзалар!

Сурхон ижодкорлари бу йил жуда катта янгиликлар, унутилмас лаҳзаларнинг гувоҳи бўлдик. Ўзбекистон Ёзувчилар уюшмаси Сурхондарё вилояти бўлими ташаббуси билан Сурхондарёлик шоир ва ёзувчилар, ёш ижодкорлар “Сангардак шаршарасига” саёҳат уюштириб янги ғоя ва ташаббус билан илк бор тоғли, салқин гўшада китоб тақдимоти тадбири ўтказди.
Ушбу тадбирда ажойиб ижодкор самимий, камтарин инсон Сирожиддин Қулбобоевнинг куни кеча Республикада ўз ўрнига эга бўлган нуфузли нашриётлардан бири "Ганжина" нашриётида чоп этилган “Шаффоф туйғулар” номли китобининг тақдимоти бўлиб ўтди.
Тақдимотни Ўзбекистон Ёзувчилар уюшмаси вилоят бўлими раҳбари, шоир Менгнор Олломурод янги китоб ҳақида илиқ фикрлар ва табриклар билан очиб берди. Шундан сўнг воҳамизнинг буюк ижодкорлари, Ўзбекистон Ёзувчилар уюшмаси аъзолари ҳамда фахрли устозларимиз Нарзулло Суфизода, Чоршанби Дехлавий, Чори Зариф, Йўлдош Мирзаев, Ҳабибулло Ғофур, Дилноз Мушфиқ, Донохол Жумаевалардан фикрлар тингладик. Ёш ижодкорлардан Азим Зиё, Дилнавоз Шапоатова, Сарвиноз Амирхонова, Зуҳра Ҳайитова, Умида Муҳаммадиева, Жасмина Саидахматовалар билан бирга янги китоб билан Сирожиддин Қулбобоевни муборакбот этиб, ўзимизни қизиқтирган саволлар ва таклифларга муаллифдан жавоб эшитдик.
Воҳамизнинг барча жабҳаларидан тўпланган ижодкорларимиз Термиз шаҳридан йўлга тушган автобусга чиқиб, аввола “Мўжизавий Сангардак шаршараси”ни зиёрат қилдик, сўнгра кўнглимиз билан уйғунлашган гўзал табиат қўйнида китоб тақдимотини ўтказдик. Тақдимот барчамизнинг қалбимизга олам-олам таассуротлар, кўтаринки кайфият ҳамда завқ-шавқ улашди.
Китоб муаллифи Сирожиддин Қулбобоев шу ерда ўзининг ушбу янги ёзган тўртлигини ўқиб берди:
О, табиат, ҳайрат беринг,
Тоғлар, менга ҳайбат беринг,
Гўзалликни мадҳ этмоққа
Ғайрат беринг, ғайрат беринг.
Шундан сўнг муаллиф Сирожиддин оға янги Нашр этилган “Шаффоф туйғулар” китобидан барча иштирокчиларга туҳфа қилди.
Вақт олий ҳакам шу кун соат миллари шунчалар тез ўтдики, биз устозлар, ижодкор дўстларимиз дийдоридан ажралгимиз келмади. Биз Сирожиддин оғага ва барча ижодкор дўстларимизга бундан кейинги ижодларига парвозлар ва ёруғ манзиллар ёр бўлишини тилаймиз.

Отабек Бердикулов,
Таниқли шоир, Ўзбекистон Журналистлар уюшмаси аъзоси.
https://www.tg-me.com/Surxonadabiyoti