#Work_and_travel

🌍 Xalqaro tajriba — kelajak muvaffaqiyatining garovi!

Bugun Abu Rayhon Beruniy nomidagi Urganch davlat universitetida "GETWORK" xususiy bandlik agentligining Xorazm viloyati filiali bilan hamkorlikda talaba-yoshlar uchun xorijda amaliyot o‘tash va xalqaro tajriba orttirish imkoniyatlariga bag‘ishlangan uchrashuv bo‘lib o‘tdi.

Tadbirda Filologiya va san’at, Fizika-matematika, Sport faoliyati, Pedagogika va psixologiya hamda Kimyoviy texnologiyalar fakultetlari talabalari ishtirok etishdi.

Uchrashuv davomida “Work and Travel” xalqaro dasturining mazmuni, afzalliklari hamda xorijda ishlash va amaliyot o‘tash jarayonlari haqida batafsil ma’lumotlar berildi.

✈️ Mazkur tashabbus yoshlarning kasbiy salohiyatini oshirish, xorijiy tajriba orttirish va kelajak karyerasi uchun mustahkam zamin yaratishda muhim qadam bo‘ldi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

#umummilliy_diktant

✍️Bugun mamlakatimiz bo‘ylab O‘zbekiston Respublikasi Prezidentining 2025-yil 20-oktabrdagi “Davlat tilini yanada rivojlantirishga oid qo‘shimcha chora-tadbirlar to‘g‘risida”gi 308-sonli qarori ijrosini ta’minlash maqsadida ommaviy diktant marafoni bo‘lib o‘tdi.

Abu Rayhon Beruniy nomidagi Urganch davlat universitetida ham mazkur marafon yuqori saviyada tashkil etildi. Unda rahbariyat, universitetning barcha fakultet jamoalari hamda talabalarning faol ishtiroki kuzatildi. Diktant jarayonida ishtirokchilar uchun qulay sharoitlar yaratildi, topshiriqlar davlat tili me’yorlariga muvofiq tayyorlandi.

🎊Jarayonlar yakunida Filologiya va san’at fakulteti jamoasining faol ishtiroki uchun fakultet dekani D.G‘ayipov hamda talabalar faxriy yorliq va esdalik sovgʻalari bilan taqdirlandi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

📈 Logistika yo‘nalishi talabalari uchun “2-RISMUz” loyihasi taqdimoti oʻtkazildi

Bugun Texnika fakulteti Transport tizimlari kafedrasi tashabbusi bilan 2-bosqich Logistika yo‘nalishi talabalari ishtirokida “2-RISMUz” loyihasi a’zolari — Germaniyadan tashrif buyurgan mutaxassislar bilan uchrashuv bo‘lib o‘tdi.

➡️Ma’lumki, ayni kunlarda Abu Rayhon Beruniy nomidagi Urganch davlat universitetida “2-RISMUz” O‘zbekiston–Germaniya qo‘shma loyihasi doirasida integratsiyalashgan barqaror mobillikni rivojlantirish, Markaziy Osiyoda aqlli va ekologik barqaror mahallalarni barpo etish hamda istiqboldagi tadqiqotlarni amalga oshirish yo‘lida ilmiy izlanishlar olib borilmoqda.

Uchrashuv davomida loyiha vakillari o‘z taqdimotlari orqali transport tizimlaridagi zamonaviy yondashuvlar, transport xavfsizligini taʼminlash hamda logistika masalalari va ekologik transport infratuzilmasi haqidagi tajribalari bilan o‘rtoqlashdilar. Talabalar o‘zlarini qiziqtirgan savollarga batafsil javob oldilar.

Mazkur uchrashuv nafaqat nazariy bilimlarni boyitdi, balki yosh mutaxassislarning xalqaro ilmiy hamkorlik muhiti bilan tanishishiga ham xizmat qildi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube