#Bandlik

Texnika fakulteti bitiruvchilari va ish beruvchilar o'rtasida uchrashuv bo'lib o'tdi

✅ Bugun, 24-oktabr kuni Abu Rayhon Beruniy nomidagi Urganch davlat universitetida Texnika fakulteti bitiruvchi bosqich talabalari hamda bir qator tashkilot va korxona vakillari ishtirokida uchrashuv bo‘lib o‘tdi.

Unda “AJ-UZ-SAEMyung Ko.” O‘zbekiston–Janubiy Koreya qo‘shma korxonasi, “Elyor Engineer of the Future” MCHJ, Iqtisodiyot va moliya vazirligi huzuridagi Kadastr agentligi Xorazm viloyati boshqarmasi hamda “O‘zbekiston milliy elektr tarmoqlari” AJ Xorazm magistral elektr tarmoqlari filiali vakillari ishtirok etdi.

🟠 Uchrashuv davomida talabalarga sohadagi mavjud ish o‘rinlari, ishlab chiqarish amaliyoti imkoniyatlari hamda korxonalarning kadrlar siyosati haqida batafsil ma’lumot berildi. Shuningdek, bitiruvchilarni mehnat bozoriga tayyorlash va oliy ta’lim bilan ishlab chiqarish o‘rtasidagi hamkorlikni yanada mustahkamlash masalalari muhokama qilindi.

🟠 Mazkur uchrashuv talabalarning amaliy bilim va ko‘nikmalarini boyitish, shuningdek, ularning kelgusidagi kasbiy faoliyatiga yo‘naltirishda muhim ahamiyat kasb etdi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

🟦🟦🟦

🌸 Milliyligim – faxrim

✅ Bugun Xorijiy filologiya fakulteti talaba-yoshlari ishtirokida milliy qadriyatlarimiz va urf-odatlarimizni keng targ‘ib etishga bag‘ishlangan "Milliyligim – faxrim" shiori ostida ma'naviy-ma'rifiy tadbir bo‘lib o‘tdi. Tadbir universitet Axborot-resurs markazi xodimlari hamda fakultet tyutorlari hamkorligida tashkil etildi.

Tadbir davomida talaba-yoshlar tomonidan sahna ko‘rinishlari, she’r va qo‘shiqlar, milliy qadriyatlarimizni aks ettiruvchi chiqishlar ijro etildi. Tadbir ishtirokchilari milliy g‘urur, Vatan va xalqimizning boy madaniy merosi haqida iliq fikrlar bildirib, o‘z ijodiy salohiyatlarini namoyish etishdi.

🟠 Tadbir yakunida faol ishtirok etgan talabalarga esdalik sovg‘alari hamda faxriy yorliqlar topshirildi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

#Plogging

🌿 Toza hudud — sog‘lom hayot!

O‘zbekiston Ekologik partiyasi Xorazm viloyat Kengashi tashabbusi bilan, Viloyat Yoshlar ishlari agentligi hamda O‘zbekiston Mahallalari uyushmasi Xorazm viloyat boshqarmasi hamkorligida Urganch shahrida “Toza hudud — sog‘lom hayot!” shiori ostida plogging aksiyasi tashkil etildi.

➡️Tadbirda Abu Rayhon Beruniy nomidagi Urganch davlat universiteti Ekologiya va hayot faoliyati xavfsizligi kafedrasi mudirasi S.Babajanova boshchiligida kafedra oʻqituvchilari hamda 221-, 222-, 223-guruh ekologiya yo‘nalishi talabalari faol ishtirok etishdi.

🌱Aksiya davomida ishtirokchilar shaharning turli hududlarini tozalab, aholiga ekologik madaniyatni oshirish borasida targ‘ibot-tashviqot ishlarini olib bordilar.

Bunday tashabbuslar atrof-muhitni asrash, sog‘lom turmush tarzini targ‘ib etish va yoshlarning ekologik mas’uliyatini oshirish yo‘lida muhim ahamiyat kasb etadi.

📰 https://uza.uz/uz/posts/toza-hudud-soglom-hayot_775056

©️UrDU Matbuot xizmati
🌐 Sayt | Telegram | Facebook | Instagram | Ln | YouTube