#milliylik

🇺🇿UrDUda “Do‘ppi chellenji” davom etmoqda

Abu Rayhon Beruniy nomidagi Urganch davlat universitetida milliy qadriyatlarimizni targ‘ib etish maqsadida “Do‘ppi chellenji” davom etmoqda. Tadbir davomida Yoshlar ittifoqi boshlang‘ich tashkiloti yetakchi va kordinatorlari universitet jamoasiga milliy do‘ppilarni ulashdilar.

Ushbu chellenjning asosiy maqsadi milliy urf-odatlarimiz, kiyinish madaniyatimiz va xalq an’analariga hurmat ruhini mustahkamlashdan iborat.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

#qonunchilik_yangiliklari

Kasbiy ta’lim agentligi tashkil etildi

Prezidentning “Kasbiy ta’lim tizimida boshqaruv samaradorligini oshirish chora-tadbirlari to‘g‘risida”gi Farmoni tasdiqlandi.

Farmonga asosan, Oliy ta’lim, fan va innovatsiyalar vazirligi huzurida Kasbiy ta’lim agentligi tashkil etildi.

Bu orqali kasbiy ta’limni rivojlantirishda samarali va yaxlit boshqaruv tizimi yaratiladi.

Kasbiy ta’lim agentligi:

➖ texnikumlar faoliyatini muvofiqlashtirish va kasbiy ta’lim sohasini boshqarishga mas’ul bo‘ladi;

➖kasbiy ta’lim dasturlari mazmuni, malaka darajalari, o‘qitishning minimal muddatlari, bitiruvchilar bilimini baholash mezonlari hamda o‘quv-metodik ta’minotga talablarni belgilaydi.

➖Kambag‘allikni qisqartirish va bandlik vazirligi tomonidan “vaucher” tizimi bilan qamrab olinmagan shaxslarni kasbga o‘qitadi.

➖Migratsiya agentligining xorijiy ish beruvchilar ehtiyojidan kelib chiqib bergan buyurtmalari asosida fuqarolarni kasbga va xorijiy tillarga o‘qitadi.

2027-yil 1-yanvardan iqtisodiyot tarmoqlaridagi ish o‘rinlariga bosqichma-bosqich Milliy malaka ramkasining tegishli darajasiga mos diplom (malaka sertifikati)ga ega xodimlarni ishga qabul qilish tizimi yo‘lga qo‘yiladi.

Shuningdek:

🟢davlat kasbiy ta’lim muassasalariga ta’lim xizmatlari narxini bozor konyunkturasidan kelib chiqib belgilash va mutaxassislarni to‘g‘ridan-to‘g‘ri shartnoma asosida jalb qilishga ruxsat beriladi.

🟢Kasbiy ta’limni rivojlantirish bo‘yicha hududiy tadbirkorlar kengashlari tuziladi.

Bizni kuzating

Facebook | Instagram | YouTube | Telegram

#Eskirmas_so‘zlar

Agar inson yaxshi xulq sohibi bo‘lsa, u 1 ga teng.
Agar inson husn sohibi bo‘lsa, birning yoniga nolni qo‘sh = 10 bo‘ladi.
Agar inson boy bo‘lsa, yana bir nolni qo‘sh = 100 bo‘ladi.
Agar nasl-nasabli bo‘lsa, yana bir nolni qo‘sh = 1000 bo‘ladi.
Agar 1 raqami, ya’ni xulq yo‘q bo‘lib ketsa, insonning qiymati yo‘qqa chiqib, nollarning o‘zi qoladi = 000.

📎Al-Xorazmiy

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

#TTJ_oqshomi
#Tashrif
#Yoshlar_ittifoqi

🇺🇿Kecha, 24-oktabr kuni O'zbekiston Yoshlar ittifoqi Xorazm viloyati Kengashi raisi Dilshod Atamuratov Urganch davlat universitetiga tashrif buyurib, Talabalar turar joylarida yashovchi talabalarning yashash sharoiti, "QALQON" jamoasi faoliyati hamda talabalarning bo'sh vaqtlarini mazmunli tashkil etish uchun o'tkazilayotgan to'garak va tabirlar bilan yaqindan tanishdi.

Ushbu kungi tadbirlar doirasida "Zakovat" intellektual o'yini, shaxmat-shashka musobaqasi hamda tikuvchilik to'garagi a'zolari bilan bevosita suhbat o'tkazildi.

Uchrashuv yakunida Yoshlar ittifoqi Xorazm viloyati Kengashi raisi hamda talabalar birgalikda yosglar uchun tarbiyaviy ahamiyatga ega film tomosha qilindi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

🇺🇿25-oktabr - Ichki ishlar organlari xodimlari kuni!

Abu Rayhon Beruniy nomidagi Urganch davlat universiteti jamoasi mamlakatimizda jamoat xavfsizligi, xalqimiz osoyishtaligini ta’minlash, tinchlik va barqarorlikni mustahkamlash yo‘lida xizmat olib borayotgan barcha soha xodimlarini kasb bayrami bilan qizg‘in muborakbod etadi!

Fuqarolarning huquqlari, erkinliklari va qonuniy manfaatlarini, jismoniy va yuridik shaxslarning mulkini, konstitutsiyaviy tuzumni himoya qilish, qonun ustuvorligini, shaxs, jamiyat va davlatning xavfsizligini ta’minlashda kuch-quvvat va ulkan zafarlar tilaymiz!

🎊Hurmatli ichki ishlar organlari xodimlari, sharafli va masʼuliyatli kasbingizda hamisha muvaffaqiyat yor bo‘lsin. Bayramingiz muborak bo‘lsin.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube