🟦🟦🟦🟦🟦🟦🟦

🔊 Oliy ta’lim, fan va innovatsiyalar vazirligining 2024-yil 15-iyuldagi 247-sonli “Respublika oliy ta’lim muassasalari talabalari o‘rtasida xorijiy tillar (ingliz, nemis, fransuz, italyan, ispan, koreys, xitoy, yapon, arab) fan olimpiadasini o‘tkazish to‘g‘risida”gi buyrug‘i hamda unga ilova qilingan Nizomda belgilangan vazifalar ijrosini ta’minlash maqsadida, 2025-yil 16-oktyabr kuni 🇺🇿 Oʻzbekiston davlat jahon tillari universiteti 🇺🇿 Roman-german filologiyasi fakultetida fransuz tili bo‘yicha fan olimpiadasining fakultet bosqichi o‘tkazildi.

✅ Mazkur bosqichda Fransuz tili amaliy fanlar va Fransuz tili nazariy fanlar kafedralarining jami 7 nafar iqtidorli talabasi ishtirok etdi.

✅Olimpiada Nizomda belgilangan 4 ta shart asosida tashkil etilib, talabalar ushbu shartlar doirasida o‘z bilim va ko‘nikmalarini namoyon etdilar. Natijalarga ko‘ra, eng yuqori ball to‘plagan talaba fan olimpiadasining universitet bosqichida ishtirok etish huquqini qo‘lga kiritdi.

✅Biz bilan birga boʻling!

📱 Telegram 📱 Instagram 📱 YouTube

🟦🟦🟦🟦🟦🟦🟦

“Shon-sharaf — millat iftixori!”

O‘zbekiston davlat jahon tillari universiteti Ingliz tili birinchi fakulteti tyutori Mavluda Allamova tashabbusi bilan unga biriktirilgan talabalar uchun “Shon-sharaf” muzeyiga ma’naviy-ma’rifiy tashrif uyushtirildi.

Tashrif davomida M. Allamovaga biriktirilgan 70 nafardan ortiq talaba milliy qahramonlarimizning jasorati, Vatanga sadoqati va fidokorona xizmatlari bilan yaqindan tanishish imkoniga ega bo‘ldi.

Shuningdek, tashrifda fakultet tyutori A. Azimova ham ishtirok etib, talabalarga muzey faoliyati hamda tarixiy eksponatlar haqida qo‘shimcha ma’lumotlar berdi.

“Shon-sharaf” muzeyi – bu tarixga hurmat, erkinlik va tinchlikning qadrini chuqur his etish maskani. Talabalar ekspozitsiyalarni tomosha qilar ekan, Vatan himoyachilarining mardligi va jasorati haqida chuqur taassurotga ega bo‘lishdi.

Ushbu tashrif yoshlar qalbida vatanparvarlik, faxr va birdamlik tuyg‘ularini yanada mustahkamladi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

O’zDJTU Xalqaro jurnalistika fakulteti Lingvistika va ingliz adabiyoti kafedrasi o’qituvchisi R.R. Pulatova rahbarligida joriy yilning 14-oktabr kuni “Yosh olimlar” ilmiy to’garagining “Religiously marked allusions in English fictional texts” mavzusidagi mashgʻuloti o’tkazildi.

To’garakda talabalar “alyuziya” tushunchasi va uning turlari, xususan, diniy markerlangan alyuziya haqida muhokama olib borishdi.

Dastur ishtirokchilari Virjinia Vulf, Jon Milton kabi ingliz yozuvchilarining asarlarida ifodalangan diniy alyuziyalarni tahlil qilish mezonlari to’g'risida munozara qilishdi.

Mashg‘ulot yakunida talabalarning adabiy tahlil ko‘nikmalari yaxshilangani va mavzuga tanqidiy yondashish darajasi ortgani qayd etildi.

📍 Xalqaro jurnalistika fakulteti

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

Oʻzbekiston davlat jahon tillari universitetida yoshlar jinoyatchiligiga qarshi profilaktik tadbir oʻtkazildi

🇺🇿 Oʻzbekiston davlat jahon tillari universiteti 🇺🇿 Roman-german filologiyasi fakultetida “Yoshlar jinoyatchiligiga qarshi targʻibot oyligi” doirasida profilaktik tadbir tashkil etildi.

✅Tadbirning asosiy maqsadi — yoshlar oʻrtasida huquqbuzarlik va jinoyatchilikning oldini olish, ularni sogʻlom turmush tarzi, huquqiy madaniyat, vatanparvarlik hamda ijtimoiy faollik ruhida tarbiyalashdan iborat boʻldi.

✅Uchrashuvda fakultet dekani X.Xakimov, universitet profilaktika inspektori S.Sherboyev hamda talabalar ishtirok etdilar. Mutaxassislar tomonidan jinoyatchilikning kelib chiqish sabablari, yoshlarning huquqiy ongi va mas’uliyatini oshirish masalalari yuzasidan tushuntirish ishlari olib borildi.

✅Shuningdek, tadbir davomida giyohvandlik, diniy ekstremizm va boshqa salbiy illatlarning jamiyatga salbiy ta’siri haqida ma’lumotlar berildi.

✅Tadbir yakunida talabalar oʻz fikr va mulohazalarini bildirib, sogʻlom, huquqiy ongli va ma’naviy yetuk jamiyat qurilishida faol boʻlishga chaqirildilar.

✅Biz bilan birga boʻling!

📱 Telegram 📱 Instagram 📱 YouTube